aae749ae

PSALMS 78:3-8 AFR53

Tue, 07 Apr 2026 08:49:45 GMT

3. Wat ons gehoor het en weet en ons vaders ons vertel het,

4. sal ons nie verberg vir hulle kinders nie, maar aan die volgende geslag vertel die roemryke dade van die Here en sy mag en sy wonders wat Hy gedoen het.

5. Hy tog het 'n getuienis opgerig in Jakob en 'n wet gegee in Israel, wat Hy ons vaders beveel het — om dit aan hulle kinders bekend te maak,

6. sodat die volgende geslag dit kan weet, die kinders wat gebore word, dat hulle kan opstaan en vertel aan hulle kinders,

7. en hulle vertroue op God kan stel en die dade van God nie vergeet nie, maar sy gebooie kan bewaar,

8. en nie word soos hulle vaders nie, 'n koppige en wederstrewige geslag, 'n geslag met 'n onvaste hart en wie se gees nie trou was teenoor God nie.

***

Kern gedeelte:

"en hulle vertroue op God kan stel"

Hoekom is ons land in die toestand wat dit is, en hoekom het ons jeug, ons kinders geen hoop op die toekoms nie?

Omdat ons as ouers hulle nooit geleer het van die Lewende GOD van ons vaders nie.

Ons het geen hoop nie, want ons ken Hom nie, die toekoms lyk donker want ons ken nie ons Redder en Verlosser nie.

Wat gister gebeur het is verby, en as ons nie ons kinders van GOD geleer het nie, aanvaar dit so, maar begin vandag om jou kinders die weg van die Waarheid te leer, kry jou gesin terug by die voete van GOD, en vertrou Hom vir die toekoms wat geen mens jou kan bied nie.

As sake vanoggend vir ons duister en donker lyk, is dit waarskynlik omdat die Lig van JESUS CHRISTUS nie in ons huise en ons lewens skyn nie.

Word vandag 'n Ligdraer van jou Verlosser en Saligmaker, en sien hoe ons hele land sal terugdraai na GOD, hoe ons toekoms in Suid-Afrika herstel word en ons weer die land van melk en heuning sal wees.

Onthou: die verandering begin by jou!

-------

GEBED.

VADER, U lê die boodskap op ons hart, dit is tyd. Tyd vir verandering, tyd om op te staan in U Naam. Nie deur krag en geweld nie, maar deur U Heilige Gees wat verandering en herstel sal bring, want waar U begin werk kan geen mens dit stop nie. Gee ons asb die krag om ons kinders te leer dat U Hand nooit te kort is nie, en dat ons toekoms deur U bevestig word.

In die Naam van ons Meester YESHUA, verklaar ons oorwinning oor die bose wat tot nou toe deur verdeeldheid geheers het in ons huise, ons lewens en ons land, want die tyd van Eenheid het aangebreek.

Amen.

•••••••

Webtuiste: https://tentvansamekoms.co.za

Sel: 0716283107

ROMEINE 5:19, 21 AFR53

Mon, 06 Apr 2026 08:42:12 GMT

19. Want soos deur die ongehoorsaamheid van die een mens baie tot sondaars gestel is, so sal ook deur die gehoorsaamheid van die Één baie tot regverdiges gestel word.

21. sodat, soos die sonde geheers het in die dood, so ook die genade kan heers deur die geregtigheid tot die ewige lewe deur Jesus Christus, onse Here.

***

Kern gedeelte:

"deur die geregtigheid tot die ewige lewe"

Mense verskil met my wanneer ek sê dat Mattheus 6:33 is vir my die kern gedeelte van GOD se Woord oor hoe ons moet leef!

Soek eers die koningkryk van GOD en Sy geregtigheid, en al hierdie dinge sal vir julle bygevoeg word!

As jy nie JESUS CHRISTUS, aanvaar het as jou Verlosser en Saligmaker nie, as jy GOD nie liefhet met jou hele hart, hele siel en hele verstand nie, en jou medemens hanteer binne GOD se onpartydige opregtheid nie, dan kan jy die kerk banke volsit van Dinsdag tot Dingaan's dag, en dit gaan jou niks baat nie.

Ons kan nie GOD in waarheid dien as ons daagliks ons medemens vertrap nie.

Die boodskap is duidelik:

soos die sonde geheers het in die dood, so ook die genade kan heers deur die geregtigheid tot die ewige lewe deur JESUS CHRISTUS, onse HERE.

Oordink hierdie woord, bid daaroor en laat die Heilige Gees die sluier voor ons oë verwyder.

-------

GEBED.

VADER, U Woord is so eenvoudig dat selfs kinders dit kan verstaan, maar ons kompliseer alles, ons gaan soek wat nie daar moet wees nie, ons dwaal in ons verhouding met U, en verwaarloos ons verhouding met ons medemens. Ons weet en besef nie dat U Tien Gebooie juis vir hierdie doel vir ons gegee is nie, want daarin omskryf U, hoe ons in verhouding met U moet staan en hoe ons, ons medemens moet behandel.

In die Naam van ons Meester YESHUA, bid ons dat U die skille van ons oë sal verwyder sodat ons die Waarheid van U Woord kan sien en verstaan.

Amen.

•••••••

Webtuiste: https://tentvansamekoms.co.za

Sel: 0716283107

ROMEINE 7:19-20 AFR53

Fri, 03 Apr 2026 08:33:35 GMT

19. Want die goeie wat ek wil, doen ek nie, maar die kwaad wat ek nie wil nie, dit doen ek.

20. Maar as ek doen wat ek nie wil nie, dan doen ek dit nie meer nie, maar die sonde wat in my woon.

***

Kern gedeelte:

"maar die sonde wat in my woon"

Ons bly terug gaan na dit wat verkeerd, na die sondes van die verlede.

Ons is reeds skoongewas deur die bloed van JESUS CHRISTUS, maar dan gaan rol ons weer soos 'n skoongewaste vark in die modder.

Ek het al baie hieroor gesit en nadink, hoekom ons doen wat ons doen en dan kom Paulus vanoggend en verduidelik dit baie duidelik wanneer hy sê: dan doen ek dit nie meer nie, maar die sonde wat in my woon.

Dit is omdat ons nog sondes het wat ons koester, diep weggesteek het en van tyd tot tyd roep ons dit weer op!

Laat ons besef, Skoon is skoon, vuil is vuil, en ons is of die een of die ander.

Laat ons vandag ons sondes bely en plaas dit wat verby is in die verlede.

-------

GEBED.

VADER, voor U kom belei ons vanoggend ons sondes waaraan ons tot nou toe nog vasgeklou het. Gee ons asb die krag om te breek met die sondes wat ons nog gebonde hou. Ons vra dat U sal vrymaak deur U Seun, want dan sal ons waarlik vry wees. Laat ons nie weer sal swig voor die versoekings van die "verderwer" nie.

In die Naam van ons Meester YESHUA, bid ons vir krag om op te staan en te lewe met U Naam op ons lippe.

Amen.

••••••••

Webtuiste: https://tentvansamekoms.co.za

Sel: +27716283107

JOHANNES 3:15-17 AFR53

Thu, 02 Apr 2026 08:25:22 GMT

15. sodat elkeen wat in Hom glo, nie verlore mag gaan nie, maar die ewige lewe kan hê.

16. Want so lief het God die wêreld gehad, dat Hy sy eniggebore Seun gegee het, sodat elkeen wat in Hom glo, nie verlore mag gaan nie, maar die ewige lewe kan hê.

17. Want God het sy Seun in die wêreld gestuur nie om die wêreld te veroordeel nie, maar dat die wêreld deur Hom gered kan word.

***

Kern gedeelte:

"sodat elkeen wat in Hom glo, nie verlore mag gaan nie"

Ons het absoluut geen verskoning nie, want vanoggend ontvang ons die bevestiging dat elkeen die geleentheid gegun word om die ewige lewe te verkry!

Laat ons ophou om swak verskonings te maak hoekom ons nog besig is met dit wat ons weghou van GOD se voete, ons beroof van ons geleentheid om gered te word.

Almal weet dat ons Verlosser Sy lewe gegee het aan die kruis sodat ons gered kan word.

En so is dit met ook met hierdie boodskap!

Ek kan die boodskap tot op jou skerm bring, maar die keuse is in jou hande.

Slegs jy kan die beluit neem en die eerte tree gee in ons Skepper se Verlossing plan, deur JESUS CHRISTUS, ons Verlosser en Saligmaker.

-------

GEBED.

VADER, ons is wel besus hiervan, maar elke dag gaan ons deur met die gedagte dat môre vir ons gewaarborg is. Ons ry op U genade se rug omdat ons nog die weë van die wêreld geniet en nie daarmee wil breek nie! Laat ons asb vandag 'n GOD geleide besluit maak, 'n besluit weg van die wêreld en binne U plan vir ons lewe. Laat ons asb in U roeping vir ons lewe begin beweeg.

In die Naam van ons Meester YESHUA, bid ons dat U Heilige Gees ons sal aangryp sodat ons tot verhaal sal kom en wegdraai van die weë van die "verderwer".

Amen.

•••••••

Webtuiste: https://tentvansamekoms.co.za

Sel: +27716283107

II PETRUS 2:11-13 AFR53

Wed, 01 Apr 2026 08:39:41 GMT

11. terwyl die engele, hoewel groter in sterkte en krag, geen lasterlike oordeel teen hulle by die Here voorbring nie.

12. Maar hulle sal, omdat hulle belaster wat hulle nie ken nie, soos redelose diere wat die natuur volg, gebore om gevang en vernietig te word, in hulle verdorwenheid te gronde gaan

13. en die loon van die ongeregtigheid ontvang. Hulle ag die weelderigheid oordag 'n genot; hulle is skandvlekke en smette, weelderig in hul bedrieërye as hulle met julle saamsmul;

***

Kern gedeelte:

"in hulle verdorwenheid te gronde gaan"

Soveel leringe daar buite leer, dat as jy JESUS CHRISTUS met jou mond bely, sal dit met jou net goed gaan, en jy kan maar lewe soos jy wil, jy sal hemel toe gaan!

Voorspoed preke is seker nodig solank jy in mense se beursies en bank rekeninge wil inkom, maar dit gaan nie 'n siel red nie!

As jy met my verskil, laat dit so wees, maar die waarheid sal jou vrymaak.

Nee, ek is nie 'n doem profeet nie, maar sekere mense gaan die ewige lewe mis omdat hulle vals leringe navolg en nog in die weë van die wêreld vasgevang is.

Bekeer jou, aanvaar JESUS CHRISTUS as jou Verlosser en Saligmaker, draai jou weg van die sondes van die wêreld en lewe jou lewe gevestig in GOD.

Laat die wat nie wil luister nie, aanhou leef soos hulle leef en die loon van die ongeregtigheid ontvang.

-------

GEBED.

VADER, die waarheid is nie altyd mooi en sag op die ore nie, maar dit bly die waarheid van U Woord. Maak asb ons harte oop vir die waarheid, laat ons nie in ons gees, die waarheid onderdruk nie. U sê in U Woord, wees heilig want Ek is Heilig, en daarom kan ons nie in die goddeloosheid van hierdie wêreld voortleef nie. Gee ons asb die krag om ons van ons verkeerde weë te bekeer.

In die Naam van ons Meester YESHUA, bid ons dat U Waarheid in elke situasie na vore sal kom.

Amen.

••••••••

Webtuiste: https://tentvansamekoms.co.za

Sel: +27716283107

PSALMS 15:1-5 AFR53

Tue, 31 Mar 2026 08:23:11 GMT

1. Here, wie mag vertoef in u tent? Wie mag woon op u heilige berg?

***

Kern gedeelte:

"Here, wie mag vertoef in u tent?"

Vanoggend se teksvers gedeelte van die boodskap is kort, want ek het net die vrae ingesluit, maar die antwoord gedeelte soos hieronder gelys kom uit die res van Psalms 15.

• Hy wat opreg wandel en geregtigheid doen, en wat met sy hart die waarheid spreek;

* wat nie rondgaan met laster op sy tong nie, sy vriend geen kwaad doen en geen smaadrede uitspreek teen sy naaste nie;

* in wie se oë die verworpene veragtelik is, maar hy eer die wat die Here vrees; al het hy gesweer tot sy skade, hy verander nie;

* wat sy geld nie gee op woeker en geen omkoopgeskenk aanneem teen die onskuldige nie.

* Hy wat hierdie dinge doen, sal nie wankel in ewigheid nie.

Self ondersoek is aan die orde van die dag, want slegs elkeen van ons sal weet of ons in die teenwoordigheid van die HERE kan vertoef, en of die Heilige Gees welkom is by ons, in 'n hart gevul met die waarheid, onpartydige opregtheid en die liefde van GOD.

-------

GEBED.

VADER, U maak dit so duidelik in U Woord dat hy wat hierdie dinge doen, sal nie wankel in ewigheid nie. Daarom pleit ons vanoggend by U voete dat U ons sal rig deur die inwerking van U Heilige Gees om ons tekortkomimge aan ons uit te wys. Ons weet dat elkeen van ons eiewys is, in ons eie oë en daarom kan ons die splinter in 'n ander se oog sien maar die balk in ons eie oog kyk ons mis.

In die Naam van ons Meester YESHUA, bid ons dat U ons sal rig na 'n lewe van onpartydige opregtheid.

Amen.

•••••••

Webtuiste: https://tentvansamekoms.co.za

Sel: +27716283107

ROMEINE 4:17 AFR53

Mon, 30 Mar 2026 08:18:48 GMT

17. soos geskrywe is: Ek het jou 'n vader van baie nasies gemaak — voor die aangesig van God in wie hy geglo het, wat die dode lewend maak en die dinge wat nie bestaan nie, roep asof hulle bestaan.

***

Kern gedeelte:

"roep asof hulle bestaan"

Jou gesindheid bepaal jou toekoms, en jou spraak jou realiteit.

Solank as wat jy aanhou om dood, armoede, mislukking, verwarring en verdeeldheid oor jou lewe, jou huwelik, finasies en kinders te spreek, sal dit so wees!

Maar as ons, ons gesinheid verander, ons gedagte-gang van ons spraak verander, sal jou realiteit begin verander.

Selfs in moeilike tye, gee aan GOD die eer, dank Hom vir hierdie nuwe dag, want dit opsig self is weer 'n nuwe geleentheid.

Ek sê dit weer, jou woorde word jou realiteit, en of jy glo dat jy dit kan doen, en of jy glo dat jy die nie kan doen nie, in beide gevalle is jy reg!

Daarom, van vandag af, roep die dinge wat nie bestaan nie asof dit reeds bestaan.

-------

GEBED.

VADER, dankie dat ons hierdie week, met hierdie boodskap kan begin, 'n boodskap van oorwinning deur die woorde van ons mond. Laat ons vandag opstaan en verklaar dat ons geen grondgebied verder aan die "verderwer" sal afstaan nie, maar dat ons sal terugneem wat ons reeds deur ons negatiewiteit afgestaan het. Laat U Heilige Gees ons leer hoe om woorde van oorwinning, tot lewe te spreek.

In die Naam van ons Meester YESHUA, bid ons vir 'n nuwe lied in ons mond.

Amen.

•••••••

Webtuiste: https://tentvansamekoms.co.za

Sel: 0716283107

ROMEINE 2:2-4 AFR53

Fri, 27 Mar 2026 06:22:19 GMT

2. En ons weet dat die oordeel van God na waarheid is oor die wat sulke dinge doen.

3. En meen jy, o mens wat hulle oordeel wat sulke dinge doen, en dit self doen, dat jy die oordeel van God sal ontvlug?

4. Of verag jy die rykdom van sy goedertierenheid en verdraagsaamheid en lankmoedigheid, omdat jy nie besef dat die goedertierenheid van God jou tot bekering wil lei nie?

***

Kern gedeelte:

"dat die goedertierenheid van God jou tot bekering wil lei nie?"

Nee, jy het nie daarmee weggekom nie, maar jy leef tans in GOD se genade tyd, in 'n tyd waar jy die kans gegun word om die regte besluite te maak.

Jy word daagliks hieraan herhinner deur die Heilige Gees wat jou gewete aankla, maar soos Farao in die tyd van Moses, verhard jy jou hart telkemale.

Hier is die harde realiteit, geen uurglas loop vir ewig nie, die een of ander tyd gaan jou genade tyd uitloop.

Maak vandag die regte besluit, kies JESUS CHRISTUS as jou Verlosser en Saligmaker.

Kies, om gekies te word want so lief het GOD die wêreld gehad dat hy sy eniggebore Seun gegee het, sodat elkeen wat in Hom glo, nie verlore mag gaan nie, maar die ewige lewe kan hê.

-------

GEBED.

VADER, dankie dat ons nog 'n dag ontvang het, 'n dag waarin ons die regte besluite kan maak. Ons bid vanoggend vir die krag, wysheid, insig en vermoë om die keuse te maak, die dinge van die wêreld agter te laat. Laat ons keuse slegs een keuse wees, laat ons nie een sekonde langer op U genade se rug ry nie, maar laat ons op hierdie oomblik tot bekering kom en U Seun aanneem as ons Verlosser en Saligmaker.

In die Naam van ons Meester YESHUA, kom ons voor U voete en belei ons sondes, en vra dat U ons sal aanraak deur U Heilige Gees.

Amen.

•••••••

Webtuiste: https://tentvansamekoms.co.za

Sel: 0716283107

ROMEINE 1:24-27 AFR53

Thu, 26 Mar 2026 05:54:46 GMT

24. Daarom het God hulle ook in die begeerlikhede van hulle harte oorgegee aan onreinheid, om hulle liggame onder mekaar te onteer

25. hulle wat die waarheid van God verruil het vir die leuen en die skepsel vereer en gedien het bo die Skepper wat geprys moet word tot in ewigheid. Amen.

26. Daarom het God hulle oorgegee aan skandelike hartstogte, want hulle vroue het die natuurlike verkeer verander in dié wat teen die natuur is;

27. en net so het ook die manne die natuurlike verkeer met die vrou laat vaar en in hulle wellus teenoor mekaar ontbrand: manne het met manne skandelikheid bedrywe en in hulleself die noodwendige vergelding van hulle dwaling ontvang.

***

Kern gedeelte:

"en in hulleself die noodwendige vergelding van hulle dwaling ontvang"

So dikwels kom ek mense teë wat nie ontvanklik is vir die Woord van GOD en nie luister, of belangstel in die Evangelie van JESUS CHRISTUS nie.

Praat gaan nie help nie, want hulle verstand is verduister vanweë die hart-heid van hulle hart.

Spreekwoordelik is dit soos water op 'n eend se rug, dit dring nie in nie en dit maak geen verskil nie.

Maar soos ek altyd sê, die persoon moet maar eers deur die meule van die lewe gaan en wanneer die vere mooi deurmekaar gevryf is, sal die Lewende water van die Heilige Gees orals indring.

Dan sal die persoon besef wat die woorde beteken wat sê:

en in hulleself die noodwendige vergelding van hulle dwaling ontvang!

-------

GEBED.

VADER, in onself lê ons struikeling, omdat ons die skepsel bo ons Skepper, Verlosser, en Saligmaker vereër. Ons bid en vra dat U met ons sal wees in ons struikeling, nie ons hand sal laat gaan nie, en wanneer ons gereed is, lei ons terug na die U Waarheid van U Woord, U Verlossing. Ontrek asb nie U Heilige Gees van ons nie, maar beskerm ons teen onself terwyl ons in ons dwaasheid wandel.

In die Naam van ons Meester YESHUA, bid ons dat U Heilige Gees die Waarheid van U Woord op ons hart sal lê.

Amen.

•••••••

Webtuiste: https://tentvansamekoms.co.za

Sel: +27716283107

NÚMERI 6:23-27 AFR53

Wed, 25 Mar 2026 05:55:36 GMT

23. Spreek met Aäron en sy seuns en sê: So moet julle die kinders van Israel seën deur vir hulle te sê:

24. Die Here sal jou seën en jou behoed;

25. die Here sal sy aangesig oor jou laat skyn en jou genadig wees;

26. die Here sal sy aangesig oor jou verhef en aan jou vrede gee.

27. So moet hulle dan my Naam op die kinders van Israel lê; en Ék sal hulle seën.

***

Kern gedeelte:

"en Ék sal hulle seën"

Wanneer ek nie 'n defnitiewe boodskap ontvang waarmee ek Gees gelei voel nie, dan stuur ek niks uit nie maar gebruik eerder die geleentheid om die seën van die HERE oor jou lewe uit te spreek.

Ek spreek vanoggend GOD se seën oor jou lewe, jou eggenoot, jou gesin, jou kinders, jou huis, familie, vriende, gesondheid en finansies uit.

Mag GOD se guns in jou lewe groter wees as jou vyande se afguns.

Mag GOD se goedheid en guns al om teenwoordig wees in jou lewe.

Mag jy vandag jou vrede in GOD vind.

-------

GEBED.

VADER, in hierdie onseker tye waarin alles besig is om in chaos te verander, weet ons dat U Hand nooit te kort is om te help nie. Daarom spreek ons U seën oor U kinders uit. Ons bid nie alleen vir U seëninge in hulle lewe nie, maar dat U daadwerklik hulle lewens sal aanraak, verandering en genesing sal bring. Laat U Lig asb oor elkeen skyn.

In die Naam van ons Meester YESHUA, bid ons vir vrede, vreugde vergenoegdheid, voorspoed en gesondheid.

Amen

•••••••

Webtuiste: https://tentvansamekoms.co.za

Sel:+27716283107

ROMEINE 1:13 AFR53

Tue, 24 Mar 2026 06:13:27 GMT

13. Maar, broeders, ek wil julle nie daarvan onkundig laat dat ek my dikwels voorgeneem het om na julle te kom nie — en ek is tot nog toe verhinder — sodat ek ook onder julle een of ander vrug kan insamel net soos onder die ander heidene.

****

Kern gedeelte:

"en ek is tot nog toe verhinder"

Gister, oppad huistoe sit ek en wag by 'n diens sentrum terwyl hulle die nood herstel van voertuig se remme doen.

Terwyl ek sit en wag, kyk ek terug na my lewenspad, kyk ek hoe dikwels wou ek sekere dinge doen, maar is tot nou nog toe verhinder.

Nou kan ek sien dat as alles uitgewerk het soos ek dit beplan het, sou dit waarskynlik 'n totale gemors gewees het.

Ons probeer alles forseer in ons eiesinnigheid, maar GOD sal die deur toehou wat nie moet oop nie, soms tot ons eie beskerming en soms omdat dit nie binne Sy Wil vir ons lewe is nie.

Een ding is seker, moenie dinge forseer wat nie werk nie, want ons skop teen die prikkels.

As ons binne GOD se Wil beweeg, sal deure oopgaan, die Hand van GOD sal in die saak beweeg en alles sal uitwerk soos dit moet.

Daar is 'n doel vir alles in die lewe!

-------

GEBED.

VADER, hoe dikwels probeer ons 'n pad van toe deure volg omdat ons nie binne U Wil wandel en na U stem luister nie. Ons forseer alles, gaan kompromieë aan, maak verkeerde besluite en dit alles oor iets wat nooit moes gewees het nie. Laat ons vandag besef, dat soms is stadiger, juis vinniger wanneer ons eers die tyd neem om in gebed to U te nader en te wag op U bevestiging deur die inwerking van U Heilige Gees voor ons beweeg.

In die Naam van ons Meester YESHUA, bid ons vir GOD geleide besluite in ons lewe, sodat ons nie langer teen die prikkels sal skop nie.

Amen.

•••••••

Webtuiste: https://tentvansamekoms.co.za

Sel: +27716283107

II THESSALONICENSE 3:6 AFR53

Mon, 23 Mar 2026 06:53:00 GMT

6. Ons beveel julle, broeders, in die Naam van onse Here Jesus Christus, dat julle jul onttrek aan elke broeder wat onordelik wandel en nie volgens die oorlewering wat hy van ons ontvang het nie.

***

Kern gedeelte:

"dat julle jul onttrek aan elke broeder"

Vanoggend se boodskap mag dalk kontreversioneel wees want soms verstaan ons dit verkeerd!

Ons glo dat hierdie teksvers net van toepassing is onder vriende en vreemdes wat ons lewenspad kruis.

Maar dit gaan dieper as dit!

Dit beteken nie dat as iemand familie is, dat hulle kan leef soos hulle wil en maak soos hulle wil nie.

As jy met die persoon gepraat het, 'n lewe na GOD deur JESUS CHRISTUS aan hom of haar verduidelik het, en hulle gee nie gehoor nie, ontrek jou van hulle, gee hulle die geleentheid om hulle eers van hulle wêreldse weë te bekeer, voor jy hulle weer in jou lewe en huis toelaat!

Miskien is die boodskap nie wat jy wil hoor nie, maar jy kan nie toelaat dat familie jou lewe, jou huis, gesin en jou toekoms verwoes ter wille van hulle wêreldse selfsugtigheid nie.

-------

GEBED.

VADER, U weet dat familie is maar 'n moeilike saak want as ons nee sê, is ons verkeerd en maklik word die hele familie teen ons opgesteek, draai almal so maklik teen ons. Gee ons die krag om op te staan, nee te sê, ongeag die nagevolg, want nie een van die wat nou teen ons draai gaan saam met ons staan in die dag van oordeel nie. Elkeen gaan verantwoording doen vir sy eie dade, en laat ons juis vir hierdie rede, vandag die besluit maak.

In die Naam van ons Meester YESHUA, bid ons vir helderheid van verstand om die regte keuses te kan maak.

Amen.

•••••••

Webtuiste: https://tentvansamekoms.co.za

Sel: +27716283107

SPREUKE 2:1-5 AFR53

Fri, 20 Mar 2026 06:37:41 GMT

1. MY seun, as jy my woorde aanneem en my gebooie by jou bewaar,

2. sodat jy jou oor laat luister na wysheid, jou hart neig tot verstand;

3. ja, as jy na die insig roep, na die verstand jou stem verhef,

4. as jy daarna soek soos na silwer en dit naspeur soos verborge skatte,

5. dan sal jy die vrees van die Here verstaan en die kennis van God vind

***

Kern gedeelte:

"as jy my woorde aanneem en my gebooie by jou bewaar"

Vanoggend wil ek jou vra, het jy al die Woord aangeneem as die waarheid, en onderhou jy nog GOD se gebooie.

Ons as mens is so geneig om slegs gedeeltes uit GOD se Woord aan te neem, slegs dit toe te pas as die waarheid.

Maar die res wat ons nie pas nie vedraai ons, om by ons waarheid in te pas.

Dieselfde met GOD se gebooie wat ons hou wanneer dit ons pas, en verbreek wanneer dit ons nie pas nie.

Ons kan nie met een voet in die koningkryk van GOD probeer staan en met die ander voet in die wêreld nie.

Die boodskap is duidelik, as jy my woorde aanneem en my gebooie by jou bewaar, dan sal jy die vrees van die Here verstaan en die kennis van God vind.

Maar laat dit vandag elkeen se keuse wees.

-------

GEBED.

VADER, U Woord word reeds so verdraai ter wille van geld, en ons Bybels is so herskryf om by die wêreld aan te pas dat die skeidslyne tussen reg en verkeerd al dowwer word. Maar ons dank U dat ons deur die Heilige Gees gedryf word om U bo alles te dien, en die waarheid van U Woord na te speur. Help ons asb dat ons nooit deur die "verderwer" mislei en verblind sal word nie, maar dat ons sal vasstaan in U Woord.

In die Naam van Meester YESHUA, bid ons dat U ons sal vrymaak van die strikke van hierdie wêreld!

Amen.

••••••••

Webtuiste: https://tentvansamekoms.co.za

Sel: +27716283107

I THESSALONICENSE 5:14-15 AFR53

Thu, 19 Mar 2026 05:51:11 GMT

14. En ons versoek julle, broeders, vermaan die onordelikes, bemoedig die kleinmoediges, ondersteun die swakkes, wees lankmoedig teenoor almal.

15. Sorg dat niemand 'n ander kwaad vir kwaad vergeld nie; maar jaag altyd ná wat goed is, teenoor mekaar sowel as teenoor almal.

***

Kern gedeelte:

"maar jaag altyd ná wat goed is"

Ek wil vanoggend nie veel verder sê nie, maar wil graag die res van die hoofstuk oor voorskrifte, wense en groete klaar lees soos gesrywe staan.

* Wees altyddeur bly.

* Bid sonder ophou.

* Wees in alles dankbaar, want dit is die wil van God in Christus Jesus oor julle.

* Blus die Gees nie uit nie.

* Verag die profesieë nie.

* Beproef alle dinge; behou die goeie.

* Onthou julle van elke vorm van kwaad.

* En mag Hy, die God van die vrede, julle volkome heilig maak, en mag julle gees en siel en liggaam geheel en al onberispelik bewaar word by die wederkoms van onse Here Jesus Christus!

Wie ore het, laat hom hoor!

-------

GEBED.

VADER, lewe en dood is in die mag van die tong en daarmee spreek ons seën en vloeke oor ander se lewe. Laat ons arrogansie asb nooit ander mense skade aan doen nie, laat ons, as ons praat, lewe spreek, U seëninge oor ander se lewe uitspreek, laat ons asb opbou en nie afbreek nie. Leer ons asb hoe om die vrug van U Gees uit te leef.

In die Naam van ons Meester YESHUA, bid ons dat U ons sal beskerm teen onself, teen ons eiesinnigheid en hardkoppigheid.

Amen.

•••••••

Webtuiste: https://tentvansamekoms.co.za

Sel: +27716283107

JAKOBUS 4:13-16 AFR53

Wed, 18 Mar 2026 07:02:48 GMT

13. KOM nou, julle wat sê: Vandag of môre sal ons na dié en dié stad gaan en daar een jaar deurbring en handel drywe en wins maak

14. julle wat nie eens weet wat môre sal gebeur nie. Want hoedanig is julle lewe? Dit is tog maar 'n damp wat vir 'n kort tydjie verskyn en daarna verdwyn.

15. In plaas dat julle sê: As die Here wil en ons lewe, dan sal ons dit of dat doen.

16. Maar nou roem julle in jul grootpratery. Al sulke roem is verkeerd.

***

Kern gedeelte:

"julle wat nie eens weet wat môre sal gebeur nie"

Die woord van GOD is baie duidelik dat ons nie in eie-roem, eie-wysheid moet lewe of op ons eie insig moet steun nie.

Maar tog, sonder om GOD te raadpleeg en leiding te vra in JESUS Naam, beplan ons weke en maande vooruit, maar maak dan op die oomblik impulsiewe besluit.

Ek sê nie dat alles wat jy besluit is verkeerd nie, maar vra dat jy GOD sal ken in elke besluit, elke saak en dat jy nie moet beweeg as GOD dit nie bevestig het nie.

Moenie roem op jou eie krag en alles wat jy môre sal vermag nie, want die dag van môre is ons nie gewaarborg nie.

Dank GOD vir vandag, en bid dat Hy jou en jou gesin sal spaar vir die dag van môre.

-------

GEBED.

VADER, ons wil so graag in beheer wees en U werk uit U hande neem. Ons lewe met die gedagte en lewens uitkyk dat die dag van môre vir ons gewaarborg is en ons besef nie dat elke asemteug slegs genade uit U Hand is nie. Dankie vir hierdie nuwe oggend, en dankie dat U Hand van beskerming oor ons is.

In die Naam van ons Meester YESHUA, bid ons dat U ons sal vooruitgaan in hierdie dag.

Amen.

•••••••

Webtuiste: https://tentvansamekoms.co.za

Sel: +27716283107

I THESSALONICENSE 4:3, 6-8 AFR53

Tue, 17 Mar 2026 06:05:38 GMT

3. Want dit is die wil van God: julle heiligmaking; dat julle jul moet onthou van die hoerery;

6. dat niemand sy broeder in hierdie saak moet bedrieg en benadeel nie, omdat die Here 'n wreker is oor al hierdie dinge, soos ons aan julle ook vantevore gesê en betuig het.

7. Want God het ons nie tot onreinheid geroep nie, maar tot heiligmaking.

8. Daarom, hy wat dit verwerp, verwerp nie 'n mens nie, maar God wat ook sy Heilige Gees aan ons gegee het.

***

Kern gedeelte:

"Daarom, hy wat dit verwerp, verwerp nie 'n mens nie, maar God"

Vanoggend se onderwerp gaan oor dit wat absoluut normaal geword het in ons kultuur, gemeensakppe en selfs huwelike.

Ek kan vanoggend boek-dele skryf oor hierdie onderwerp, maar ek glo almal wat hierdie lees verstaan Afrikaans en 'n goeie begrip het net 'n halwe woord nodig.

Daarom, kom ons lees weer:

* Want dit is die wil van God

* julle heiligmaking

* dat julle jul moet onthou van die hoerery

* hy wat dit verwerp

* verwerp nie 'n mens nie, maar God.

As die woorde jou grief, die Woord van GOD onderhandel nie oor hierdie saak nie.

En soos die spreekwoord gaan, as die skoen pas, trek hom aan!

-------

GEBED.

VADER, orals op ons telefone, tv's, films en selfs die leringe in ons skole is besig om ons kinders van jongs af leer dat dit die aanvaarbare norm is. Beskerm asb ons huwelike teen die aanslae van hoerery sodat ons, ons kinders nie net kan rig in U weë nie, maar dat ons as ouers hulle deur voorbeeld sal lei as 'n GOD vresende huweliks-maats.

In die Naam van ons Meester YESHUA, bid ons dat U ons harte en huwelike suiwer sal hou deur die inwerking van U Heilige Gees.

Amen.

•••••••

Webtuiste: https://tentvansamekoms.co.za

Sel: +27716283107

JESAJA 59:1 AFR53

Mon, 16 Mar 2026 07:11:24 GMT

1. KYK, die hand van die Here is nie te kort om te help nie, en sy oor is nie te swaar om te hoor nie;

***

Kern gedeelte

"die hand van die Here is nie te kort om te help nie"

Waar ons aan die begin van hierdie week staan, weet ek dat soos GOD ons deur die week wat verby is gehelp en gedra het, so sal Hy ons ook deur hierdie week wat voorlê help.

As jy moeg is, afgemat voel of net onseker, neem 'n oomblik en raak stil by GOD se voete, vertel jou Skepper van jou uitdagings en vra vir Sy voorsiening, laat Sy Wil gekied, want Sy planne vir ons is groter as dit wat ons vir onself kan uitdink.

Weet vandag dat Sy ore is nie te swaar om ons gebede te hoor nie.

--------

GEBED.

VADER, dankie vir die week wat verby is, nog 'n week wat U ons deurgedra het. Ons vra dat U in hierdie week deure sal open en werks geleenthede sal gee, sal voorsien waar daar nood is, en ons nederig by U voete sal hou. Laat ons nie steun op die arm van vlees nie, maar laat ons luister na die Leiding van U Heilige Gees. Beskerm ons asb teen die aanslae van die "verderwer".

In die Naam van ons Meester YESHUA, dank ons U vir U voorsiening.

Amen.

••••••••

Webtuiste: https://tentvansamekoms.co.za

Sel: 0725104040

ROMEINE 4:19-20 AFR53

Fri, 13 Mar 2026 07:24:08 GMT

19. En sonder om te verswak in die geloof het hy, al was hy omtrent honderd jaar oud, nie gelet op sy eie liggaam wat alreeds verstorwe was, en op die verstorwe toestand van die moederskoot van Sara nie.

20. En hy het nie deur ongeloof aan die belofte van God getwyfel nie, maar hy is versterk deur die geloof en het aan God die eer gegee

***

Kern gedeelte:

"hy is versterk deur die geloof en het aan God die eer gegee"

Waar jy jou vanoggend bevind, glo jy daadwerklik nog in GOD se belofte, of begin jy twyfel as jy na die omstandighede rondom jou kyk?

Abraham het nie getwyfel nie, maar aan GOD die eer gegee.

So ook wil ek vandag vir jou sê, laat ons nie twyfel nie, laat ons GOD dank en Hom die eer gee vir dit wat oppad is, te midde van twyfel en chaos.

As GOD gesê het hy sal ons omstandighede, ons land en ons lewens verander, glo daarin, loof, prys en dank Hom daarvoor.

Sit net vir 'n oomblik stil en kyk rondom jou hoe die winde van verandering reeds begin waai.

Staan op, dank GOD, gee aan Hom die eer want sy jare lange beloftes is oppad.

Bo alle twyfel, weet net dit:

GOD is 'n waarmaker van Sy Woord!

Wat GOD sê, sal so wees, en as GOD deure oopmaak gaan niemand dit toemaak nie.

-------

GEBED.

VADER, dankie vir die bevestiging, vir die verandering wat besig is om te gebeur in ons gesinne, ons lewe en ons land. Dankie dat U vandag bevestig, dat U in beheer is, en te midde van alles sal U ons deurdra, en U sal ons land weer maak, 'n GOD vresende land, 'n land wat oorlop van melk en heuning.

In die Naam van ons Meester YESHUA, bid ons dat alles in U tyd sal gebeur, en dat ons nie in twyfel sal struikel nie.

Amen.

•••••••

Webtuiste: https://tentvansamekoms.co.za

Sel: +27716283107

JESAJA 41:13-14 AFR53

Thu, 12 Mar 2026 06:23:14 GMT

13. Want Ek, die Here jou God, gryp jou regterhand aan, Ek wat vir jou sê: Wees nie bevrees nie, Ek help jou.

14. Wees nie bevrees nie, wurmpie Jakob, volkie Israel! Ék help jou, spreek die Here, en jou Losser is die Heilige van Israel.

***

Kern gedeelte:

"Wees nie bevrees nie, Ek help jou"

Almal is in paniek oor die brandstof prys wat opgaan, die geweld in die midde ooste, die konflik wat aan die broei is in die wêreld.

Maar hier is die vraag, wat kan ek en jy daaraan verander?

In eerste oogopslag is die antwoord niks nie, maar as ons stil raak voor GOD, hierdie sake in gebed voor GOD bring, dan verander sake.

Die oorlog in die wêreld sal miskien nie tot stilstand kom nie want hierdie dinge moet gebeur, maar die oorlog in jou gedagtes sal tot bedaring kom, want jy sal weet en ervaar, GOD is in beheer.

Dan sal jy die berusting ervaar wanneer GOD vir ons sê:

Want Ek, die HERE jou GOD, gryp jou regterhand aan, Ek wat vir jou sê: Wees nie bevrees nie, Ek help jou

-------

GEBED.

VADER, nie elke dag is dieselfde nie, soms gaan dit beter, maar dan kom daar dae wat ons voel dat ons alles te veel raak en ons is geestelik en ligaamlik uitgeput. Dit is wanneer ons vra dat U ons sal deurdra, die krag sal gee om elke uitdaging te oorkom. Dankie dat U in hierdie oggend vir ons bevestig dat ons nie moet vrees nie. Dankie vir U hulp en vir U hand van beskerming.

In die Naam van ons Meester YESHUA, bid ons vir elkeen wat oorweldig voel. Laat U Heilige Gees asb berusting bring.

Amen.

•••••••

Webtuiste: https://tentvansamekoms.co.za

Sel: +27716283107

EXODUS 40:34-35 AFR53

Wed, 11 Mar 2026 17:37:29 GMT

34. Toe het die wolk die tent van samekoms oordek, en die heerlikheid van die Here het die tabernakel vervul,

35. sodat Moses nie in die tent van samekoms kon ingaan nie, omdat die wolk daarop gerus en die heerlikheid van die HERE die tabernakel vervul het.

***

Kern gedeelte:

"en die heerlikheid van die HERE het die tabernakel vervul"

Elke oggend wat ons wakker word, is 'n seëning uit GOD se hand, want ons het nog iets om te doen ter ere van Sy Naam.

Daarom is dit bitter baie belangrik om jou hart oop te maak, skoon te maak sodat jy ook opnuut gevul kan word met die heerlikheid van JESUS CHRISTUS.

Wanneer jy bekleed is met die outoriteit wat GOD jou beklee het, is daar nie arrogansie, maar die krag van GOD wat in jou is, werk ook deur jou.

Dan brand die vuur in jou, dan skyn die Lig van JESUS CHRISTUS deur jou, en niemand kan dit van jou afneem nie.

Staan op, laat jou vervul met GOD se Heilige Gees, en laat die mense weet, jy is nou maar een 'n geseënde van GOD.

-------

GEBED.

VADER, in hierdie oggend is dit so duidelik dat die "verderwer" ons probeer vervul met die vrese van hierdie wêreld, maar U Woord sê dat ons oorwinaars is, en dat ons tot alles in staat is deur die krag wat U Seun ons gee. Gee ons asb die krag om ons harte skoon te maak, sodat ons met U Heilige vervul kan word.

In die Naam van ons Meester YESHUA, bid ons vir vir nuwe krag, terwyl ons op U wag, want in U is ons vertroue.

Amen.

ROMEINE 2:21-22 AFR53

Tue, 10 Mar 2026 06:30:01 GMT

21. jy dan, wat 'n ander leer, leer jy jouself nie? Jy wat preek dat 'n mens nie mag steel nie, steel jy?

22. Jy wat sê dat 'n mens nie owerspel mag pleeg nie, pleeg jy owerspel? Jy wat 'n afsku van die afgode het, pleeg jy tempelroof?

***

Kern gedeelte:

Jy wat preek dat 'n mens nie mag steel nie, steel jy?

Miskien is dit tyd dat ons eers voor ons eie deur vee, voordat ons ander op hulle foute wil wys en as ons eie huis nie in orde is nie, hoe wys ons 'n vinger na ander.

Vanoggend wil ek dit openlik sê, pasop vir diegene wat met die Bybel onder die arm loop, maar met die duiwel waar hy nie moet wees nie.

Dit is die persoon wat voorgee, dit is die persoon wat ander oordeel terwyl hulle self van die pad af is, self onder die tafel deurknoei, en ander mense van die pad af lei.

Met die woord van GOD op hulle lippe sal hulle jou besteel en beswader.

Deur voorgee lyk hulle soos wit geverfde grafte, maar van binne is hulle vol verrot.

-------

GEBED.

VADER, laat U Heilige Gees ons asb wys waar ons besig is om die pad byster te raak. Waar ons U nie in waarheid dien nie, maar 'n lewe van voorgee begin lewe. Ons is almal mens en ons maak foute, maar gee ons asb die wysheid om uit ons foute te leer sodat ons nie op U genade se rug sal ry nie.

In die Naam van ons Meester YESHUA, bid ons dat die ware kleure van mense in ons lewe te voorskyn sal kom.

Amen.

-------

Webtuiste: https://tentvansamekoms.co.za

Sel: +27716283107

OPENBARING 22:10-12 AFR53

Mon, 09 Mar 2026 06:31:36 GMT

10. En hy het vir my gesê: Moenie die woorde van die profesie van hierdie boek verseël nie, want die tyd is naby.

11. Wie onreg doen, laat hom nog meer onreg doen; en wie vuil is, laat hom nog vuiler word; en laat die regverdige nog regverdiger word, en laat die heilige nog heiliger word.

12. En kyk, Ek kom gou, en my loon is by My, om elkeen te vergeld soos sy werk sal wees.

***

Kern gedeelte:

"en wie vuil is, laat hom nog vuiler word"

Dit is nie ons plig of ons werk om iemand se lewe vir hulle te lei nie.

Nog minder moet ons 'n wrok dra, oor wat ander aan ons gedoen het, want slegs die persoon wat met onvergifnis in hulle hart rondloop word daardeur benadeel.

Wanneer jy GOD se Woord aan iemand oorgedra het, hom voorgestel het aan die Evangelie van ons Verlosser, JESUS CHRISTUS, het jy jou deel gedoen.

Woorde gaan nie verder help nie, elkeen van ons moes maar ons eie foute maak, ons kop aanhou stamp totdat ons begin luister het na die inwerking van die Heilige Gees, die aanraking van JESUS CHRISTUS, in ons lewe.

Daarom sê die Woord:

Wie onreg doen, laat hom nog meer onreg doen; en wie vuil is, laat hom nog vuiler word; en laat die regverdige nog regverdiger word, en laat die heilige nog heiliger word.

--------

GEBED.

VADER, nie een van ons kan 'n vinger wys nie, en nie een van ons kan 'n ander oordeel nie, want daar was 'n tyd wat ons self ver van U verwyderd gelewe het. Ons bid vandag vir elkeen wat nog nie 'n ontmoeting met ons Verlosser gehad het nie, laat U Heilige Gees asb harte aanraak, verandering bring wat lei tot bekering.

In die Naam van ons Meester YESHUA, bid ons dat waar ons gaan, ons almal sal vertel van GOD se Liefde en die redding deur U Seun.

Amen.

••••••••

Webtuiste: https://tentvansamekoms.co.za

Sel: +27716283107

ROMEINE 1:11-12 AFR53

Thu, 05 Mar 2026 05:57:09 GMT

11. want ek verlang om julle te sien, om julle een of ander geestelike genadegawe mee te deel, sodat julle versterk kan word;

12. dit is, dat ek saam bemoedig kan word onder julle deur die gemeenskaplike geloof, van julle sowel as van my.

***

Kern gedeelte:

"dat ek saam bemoedig kan word onder julle"

Ek ervaar meer en meer dat mense net vir hulleself leef, want as mense bymekaar kom, is dit nie dat hulle mekaar opbou nie, maar mekaar eerder vermy in die geselskap, of probeer afbreek.

As dit die geselskap is waarin jy tans verkeer, is jou op die verkeerde plek, in die verkeerde geselskap.

Wanneer jy gevul is met GOD se Heilige Gees sal jy woorde spreek wat stig, en nie woorde wat afbreek nie.

Laat ons let op die woorde wat ons spreek, laat ons mekaar opbou, stig en versterk.

Dan sal ons saam bemoedig kan word deur die gemeenskaplike geloof in GOD en die Evangelie van Sy Seun, JESUS CHRISTUS.

Die wêreld hier buite het genoeg negatiewe te sê oor GOD se kinders, dat ons werklik nie nodig het om mekaar verder te ondermyn nie.

-------

GEBED.

VADER, in U kry ons die krag om mekaar te stig en op te bou, want ons weet dat een of ander tyd het almal hulp, ondersteuning, lyding en onderskraging nodig. Wanneer ons met mekaar spreek, laat ons opbou en nie afbreek nie, laat ons stig en nie verkleineer nie. Laat ons nooit op mekaar neerkyk nie, maar laat ons mekaar eerder ophelp as ons val.

In die Naam van ons Meester YESHUA, bid ons dat U ons sal verwyder uit geselskappe waar ons nie moet wees nie.

Amen.

•••••••

Webtuiste: https://tentvansamekoms.co.za

Sel: +27716283107

PSALMS 143:8-10 AFR53

Wed, 04 Mar 2026 05:52:11 GMT

8. Laat my u goedertierenheid in die môre hoor, want op U vertrou ek; maak my bekend die pad wat ek moet gaan, want ek hef my siel op tot U.

9. Red my van my vyande, Here! By U skuil ek.

10. Leer my om u welbehae te doen, want U is my God. Laat u goeie Gees my lei in 'n gelyk land.

***

Kern gedeelte:

"maak my bekend die pad wat ek moet gaan"

Baie oggende wanneer ek reeds van half twee of twee uur op die pad is, het ek baie tyd om met GOD te praat, dit wat verby is te hersien, weer te deurdink en te leer uit my foute, te kyk waar ek nie aan GOD se leiding deur Sy Heilige Gees gehoorsaam was nie.

Ook kyk mens na die prys van ongehoorsaamheid, die ompaaie wat ek dan moes stap.

Wanneer jy tyd neem en GOD se plan in hersiening en oorweging neem, raak dit makliker om die struikelblokke raak te sien wat die "verderwer" in jou pad plaas.

Dan word GOD se Woord 'n lamp vir jou voet en 'n lig vir jou pad.

Een ding wat ek egter nie doen nie, is om my te bekommer oor die dag van môre nie, want die volgende keer wat GOD nie voorsien nie, sal die eerste keer wees.

-------

GEBED.

VADER, uit U hand kom ons leiding, voorsiening, beskerming en berusting. In hierdie oggend, te midde van alles, wil ons aan U die eer gee, ons wil U loof, prys en dank, U Naam groot maak. Leer ons om U welbehae te doen, want U is ons God. Laat U goeie Gees ons lei in 'n gelyk land.

In die Naam van ons Meester YESHUA, bid ons dat ons die goedheid van GOD sal raaksien in hierdie dag.

Amen.

•••••••

Webtuiste: https://tentvansamekoms.co.za

Sel: +27716283107

I THESSALONICENSE 1:7-8 AFR53

Tue, 03 Mar 2026 05:57:16 GMT

7. sodat julle voorbeelde geword het vir al die gelowiges in Macedónië en Acháje.

8. Want van julle uit het die woord van die Here weerklink nie alleen in Macedónië en Acháje nie, maar ook op elke plek het julle geloof in God uitgegaan, sodat ons nie nodig het om daar iets van te sê nie.

***

Kern gedeelte:

"maar ook op elke plek het julle geloof in God uitgegaan"

Jy is nie geroep om met vrees deur die lewe te gaan nie, maar met die Krag van GOD, om in outoriteit te beweeg, en die Evangelie van JESUS CHRISTUS te verkondig, tydig en ontydig.

Moenie na spesiale plekke soek om GOD se Woord te verkondig nie, maar doen dit daar waar jy is, doen dit op elke plek.

Waar jy vandag geplaas is, wie jy ookal ontmoet, onthou dat GOD maak nie foute nie, iemand wag op 'n Woord en jy is gestuur om dit uit te dra.

-------

GEBED.

VADER, dankie dat U ons vanoggend daaraan herhinner, dat maak nie saak waar ons is nie, ons primêre taak is om U Woord uit te dra en die Evangelie van U Seun te verkondig. Gee ons asb die krag om nie terug te staan nie, maar dat ons vorentoe sal beur, in die krag van U Heilige Gees.

In die Naam van ons Meester YESHUA, bid ons dat U Woord lewendig op ons lippe sal wees.

Amen.

•••••••

Webtuiste: https://tentvansamekoms.co.za

Sel: +27716283107

ROMEINE 1:21-22 AFR53

Mon, 02 Mar 2026 06:10:50 GMT

21. omdat hulle, alhoewel hulle God geken het, Hom nie as God verheerlik of gedank het nie; maar hulle het dwaas geword in hul oorlegginge, en hul onverstandige hart is verduister.

22. Terwyl hulle voorgee dat hulle wys is, het hulle dwaas geword

***

Kern gedeelte:

"Terwyl hulle voorgee dat hulle wys is"

Soos die gesegde gaan, meng jou met die semels en die varke vreet jou op.

As jy met mense omgaan wat die grootheid van GOD nie erken, en nie aan GOD die eer gee nie, gaan jy die pad byster raak.

Sistematies met tyd, sal jy dwaas word in jou oorlegginge en jy sal 'n onverstandige hart groei wat in die duisternis van die wêreld leef.

Die Lig van JESUS CHRISTUS sal nie meer in jou gesien word nie en ook nie meer deur jou kan skyn na ander toe nie.

Wees versigtig met wie jy omgaan, met wie jy jou bevriend, wie jy in jou huis en jou lewe toelaat.

Soos 'n dief in die nag sal die sonde jou oorval en jy sal deel word van die wêreld en die oordeel van GOD wat vir hulle beplan is.

Onthou hierdie gesêgde: Meng jou met die semels, en die varke vreet jou op.

-------

GEBED.

VADER, in U Hand is ons veilig en solank U Heilige Gees ons lewens vul, ons verlig om in U Waarheid te wandel, kan die duisternis nie vatplek kry nie. Laat ons asb vanoggend besef dat duisternis bloot net die afwesigheid van lig is en dit kan ons net binnedring wanneer U Gees nie in ons teenwoordig is nie.

In die Naam van ons Meester YESHUA, bid ons die U Lig van Verlossing nie net in ons sal skyn nie maar ook deur ons.

Amen.

•••••••

Webtuiste: https://tentvansamekoms.co.za

Sel: +27716283107

PSALMS 112:1 AFR53

Fri, 27 Feb 2026 06:51:17 GMT

1. Welgeluksalig is die man wat die Here vrees, wat 'n groot welbehae in sy gebooie het.

***

Kern gedeelte:

"Welgeluksalig is die man wat die Here vrees"

Ek wil nie graag iets byvoeg nie, maar wil uit die Woord lees hoe dit met 'n mens gaan wat GOD vrees, en sy gebooie onderhou.

* Sy nageslag sal geweldig wees op die aarde

die geslag van die opregtes sal geseën word.

* Oorvloed en rykdom is in sy huis en sy geregtigheid bestaan tot in ewigheid.

* Vir die opregtes gaan Hy op as 'n lig in die duisternis, genadig en barmhartig en regverdig.

* Gelukkig die man wat hom ontferm en uitleen, wat sy sake volgens reg besorg.

* Want hy sal nooit wankel nie, die regverdige sal in ewige gedagtenis wees.

* Hy vrees nie vir slegte tyding nie, sy hart is gerus, vol vertroue op die Here.

* Vas is sy hart, hy vrees nie, totdat hy op sy teëstanders neersien.

* Hy strooi uit, hy gee aan die behoeftiges, sy geregtigheid bestaan tot in ewigheid, sy horing word verhoog in eer.

-------

GEBED.

VADER,

Dankie dat U ons vanoggend daaraan herhinner om in die respekvolle vrees van GOD te leef, U gebooie te onderhou en onpartydig opreg teenoor ons naaste te lewe. Laat U Heilige Gees asb vir ons wys waar ons die pad byster raak en nie volgens U Wil leef en optree nie.

In die Naam van ons Meester YESHUA, bid ons vir U Leiding, Wysheid en Insig in ons lewe.

Amen.

•••••••

Webtuiste: https://tentvansamekoms.co.za

Sel: +27716283107

MATTHÉÜS 28:18-19 AFR53

Thu, 26 Feb 2026 06:11:57 GMT

18. En Jesus het nader gekom en met hulle gespreek en gesê: Aan My is gegee alle mag in die hemel en op aarde.

19. Gaan dan heen, maak dissipels van al die nasies, en doop hulle in die Naam van die Vader en die Seun en die Heilige Gees; en leer hulle om alles te onderhou wat Ek julle beveel het.

***

Kern gedeelte:

"Gaan dan heen, maak dissipels van al die nasies"

Hoe stap ons hierdie nuwe dag in?

Of dit goed gaan en of dit sleg gaan, ons het een van twee keuses hoe ons die wêreld gaan instap!

Ons kan instap met 'n gesindheid van nederlaag waar die wêreld ons oorwin het, waar ons spreekwoordelik soos varke in die modder rol, of ons kan instap met die oorwinning van JESUS CHRISTUS in ons lewe.

Waar jy met die outoriteit waarmee GOD jou beklee het hierdie dag instap, ander mense bemoedig en stap in die respekvolle vrees en vreugde van ons Skepper, dan kan niks jou van stryk bring nie

Dan sal mense JESUS CHRISTUS se Lig deur jou sien skyn, en jy sal nie net met leë woorde die Evangelie van Verlossing verkondig.

As jy praat sal GOD se Heilige Gees jou die woorde gee om in outoriteit te spreek, dissipels te maak en hulle te doop in die Naam van die VADER, die SEUN EN HEILIGE GEES.

-------

GEBED.

VADER, dankie vir hierdie nuwe dag, 'n nuwe geleentheid om U Woord uit te dra, soms met woorde, maar meer dikwels sonder woorde. Waar die mense kan sien dat U in ons leef en dat ons nie aan hierdie wêreld gelykvormig is nie, maar ons spreek lewe oor ander, en die vrug van U Heilige Gees is sigbaar in ons lewe. Laat ons nooit versuim om U Woord te verkondig en te versprei nie.

In die Naam van ons Meester YESHUA, spreek ons lewe oor elkeen wat nog in die wêreld vasgevang is, want U Lig nog nie kan sien nie.

Amen.

•••••••

Webtuiste: https://tentvansamekoms.co.za

Sel: +27716283107

MATTHÉÜS 6:11-13 AFR53

Wed, 25 Feb 2026 06:10:03 GMT

11. gee ons vandag ons daaglikse brood;

12. en vergeef ons ons skulde, soos ons ook ons skuldenaars vergewe;

13. en lei ons nie in versoeking nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid.

Amen.

***

Kern gedeelte:

"soos ons ook ons skuldenaars vergewe"

Ons almal glo dat ons die argitek van ons lewens is, maar dit is slegs waar wanneer ons, ons eie kop volg.

In hierdie proses maak ons mense seer en word ons deur mense seergemaak en dan begin siklus van onvergifnis.

Ons bou mure van isolasie, mure van onvergifnis rondom ons.

Onvergifnis is om daagliks 'n klein dosis gif in te drink en te dink dat iemand ander daarvan gaan doodgaan.

Die onvergifnis vernietig jou lewe, en die persoon wat jou leed aangedoen het stap skotvry weg.

Maar wanneer ons met die saak voor GOD kom en ons sê, VADER ek het vergewe en ek laat hierdie saak nou aan U oor, dan sal jy sien hoe GOD vir jou veg.

-------

GEBED.

VADER, dankie dat U vanoggend vir ons sê dat ons die verlede moet los waar dit hoort, in die verlede. Gee ons asb die krag om te vergewe, die krag om dit te laat gaan, waaraan ons vashou maar niks kan verander nie. Laat daar asb 'n nuwe lied in ons mond wees, en dat 'n nuwe Lig in ons lewe begin skyn.

In die Naam van ons Meester YESHUA, spreek ons vry sodat ons self ook vry kan wees.

Amen.

•••••••

Webtuiste: https://tentvansamekoms.co.za

Sel: +27716283107

MATTHÉÜS 26:38-39 AFR53

Tue, 24 Feb 2026 05:57:26 GMT

38. Toe sê Hy vir hulle: My siel is diep bedroef tot die dood toe; bly hier en waak saam met My.

39. En Hy het 'n bietjie verder gegaan en op sy aangesig geval en gebid en gesê: My Vader, as dit moontlik is, laat hierdie beker by My verbygaan; nogtans nie soos Ek wil nie, maar soos U wil.

***

Kern gedeelte:

"nie soos Ek wil nie, maar soos U wil"

Ook in ons lewe sal daar tye kom wat sekere uitdagings bring, tye wat ons sal bid en vra VADER, as dit moontlik is, laat hierdie beker by ons verbygaan, nogtans nie ons wil nie, maar U Wil.

Een ding wat ek deur die verloop van baie jare geleer het, GOD maak nie foute nie!

Elke uitdaging, struikelblok, woestyn tyd en siekte wat ons moes oorkom, het ons net sterker gemaak, karakter gevorm en ons deursettings vermoë geleer.

Nie alleen dit nie, dit het ons ook geleer om nie sommer net te besluit nie, maar om GOD te ken in elke saak en op Hom te vertrou om ons deur te dra.

Maak nie saak wat jou probleem vandag sal wees nie, gee die eerste tree, en GOD sal jou die krag gee, Hy sal jou deurdra, maar jy moet volhard in Sy plan vir jou lewe.

-------

GEBED.

VADER, soveel keer stap ons weg van U plan vir ons lewe, mis ons die deurbrake wat U reeds vir ons voorberei het, omdat ons nie U plan vir lewe volg nie. Vandag kom ons voor U en vra, nie soos ons wil nie, maar soos U Wil, want ons weet dat U ons reeds tot hiertoe gedra het, krag gegee het, ons vesterk het. Daarom kan ons ook vanoggend sê, met my GOD loop ek 'n bende storm, met my GOD spring ek oor 'n muur.

In die Naam van ons Meester YESHUA, bid ons vir krag om te volhard, en nie langs die pad op te gee nie.

Amen.

•••••••

Webtuiste: https://tentvansamekoms.co.za

Sel: +27716283107

PREDIKER 12:13-14 AFR53

Mon, 23 Feb 2026 07:14:41 GMT

13. Die hoofsaak van alles wat gehoor is, is: Vrees God en hou sy gebooie; want dit geld vir alle mense.

14. Want God sal elke werk bring in die gerig wat kom oor al die verborge dinge, goed of sleg.

***

Kern gedeelte:

"Vrees God en hou sy gebooie"

Daar is soveel verwarring oor wat is reg en wat is verkeerd, en tog is die Woord van GOD so eenvoudig dat selfs 'n kind dit kan verstaan.

In Mattheus 6:33 staan geskrywe: Soek eers die Koningkryk van GOD en Sy geregtigheid en al hierdie dinge sal vir julle bygevoeg word.

As jy GOD se gebooie noukerig lees en verstaan wat jy lees, sal jy in die eerste vier gebooie jou verhouding met GOD verstaan en in die laaste ses, die verhouding tussen mens en mens.

Dan begryp ons beter wanneer die Prediker sê:

Die hoofsaak van alles wat gehoor is, is: Vrees God en hou sy gebooie; want dit geld vir alle mense.

Moenie dat mense jou verwar nie, lees self GOD se Woord, spandeer tyd in gebed, en die waarheid sal jou vrymaak.

***

GEBED.

VADER, laat U Heilige Gees die sluier oor ons oë lig sodat ons die Waarheid vannU Woord kan sien en verstaan. Leer ons asb om weer te glo soos 'n kind en nie in twyfel te staan teenoor U beloftes nie, want U is 'n Waarmaker van U Woord. Laat die boodskap van U Evangelie nie by ons bly nie maar dat ons die waarheid van U Woord versprei met elke geleentheid.

In die Naam van ons Meester YESHUA, bid ons vir GOD geseënde lippe wat slegs die waarheid sal spreek.

Amen.

•••••••

Webtuiste: https://tentvansamekoms.co.za

Sel: +27716283107

MATTHÉÜS 26:40 AFR53

Fri, 20 Feb 2026 06:06:58 GMT

41. En Hy kom by die dissipels en vind hulle aan die slaap, en Hy sê vir Petrus: So was julle dan nie in staat om een uur saam met My te waak nie?

42. Waak en bid, dat julle nie in versoeking kom nie. Die gees is wel gewillig, maar die vlees is swak.

***

Kern gedeelte:

"Waak en bid"

Die ouer mense het altyd gesê, nee kyk, nou het ek alles gesien!

Maar vandag wil ek vir jou sê, nee, jy het nog nie alles gesien nie, want elke dag voeg die "verderwer" 'n nuwe verleiding, in hierdie wêreld by, 'n nuwe wapen wat jy tot struikeling kan bring.

Moenie vir een oomblik dink dat jy nie aangeraak sal word deur die sondes en verleiding van hierdie wêreld nie.

Alles wat 50 jaar terug ondenkbaar was vir ons ouers, is nou in ons huise en lewens deur middel van media, TV, en Selfone.

Nie een van ons is kwytgeskeld nie. en daarom is hierdie boodskap so dringend vanoggend.

Waak en bid, dat julle nie in versoeking kom nie. Die gees is wel gewillig, maar die vlees is swak.

-------

GEBED.

VADER, in hierdie oggend kom ons voor U en belei ons sondes. Ons laat dinge toe wat nie in ons lewens hoort nie en ons maak ons huise oop vir sondes en ons gee toegang tot ons gesin deur goedkeuring daarvan. Gee ons asb die krag om van vandag af, sonde op die naam te noem en laat ons dit nie in ons huise of ons lewens toelaat nie.

In die Naam van ons Meester YESHUA, bid ons vir vergifnis van ons dubbele standaarde. Gee ons asb vandag die krag om te breek met die sonde.

Amen.

•••••••

Webtuiste: https://tentvansamekoms.co.za

Sel: +27716283107

MATTHÉÜS 26:14, 15, 16 AFR53

Thu, 19 Feb 2026 06:37:24 GMT

14. TOE gaan een van die twaalf, met die naam van Judas Iskáriot, na die owerpriesters

15. en sê: Wat wil u my gee, en ek sal Hom aan u oorlewer? En hulle het vir hom dertig silwerstukke afgeweeg.

16. En van toe af het hy 'n goeie geleentheid gesoek om Hom oor te lewer.

***

Kern gedeelte:

"het hy 'n goeie geleentheid gesoek"

Nie almal in jou lewe, wat tans die lewenspad saam met jou stap is jou vriende nie.

Baie mense sal die pad saam met jou stap, terwyl dit tot hulle voordeel is, maar die dag sal kom wanneer die tyd reg is in hulle opinie, en dan sal die ware kleure na vore kom.

En moenie dink dat dit nie met jou sal gebeur nie, want selfs JESUS CHRISTUS ons Verlosser is deur die mens verraai.

Ons soek almal na die een persoon wat na ons rug sal kyk, sodat iemand ons nie onverhoeds betrap nie, maar sekere mense kyk na jou rug en soek na 'n goeie plek om jou in die rug te steek.

Hou dit wat privaat is vir jouself, en deel met die wêreld en sy mense net dit wat hulle nodig het om te weet.

-------

GEBED.

VADER, dankie dat U ons vanoggend daarop wys dat ons moet leer om stil te bly, dat ons nie alles met almal moet deel nie. Laat dit wat privaat is, privaat bly en dat ons nie alles aan almal bekend moet maak nie. Ons vra vir U beskerming en vra ook dat U die mense uit ons lewe sal verwyder wat nie daar moet wees nie.

In die Naam van ons Meester YESHUA, bid ons vir reg en geregtigheid in ons lewe.

Amen.

•••••••

Webtuiste: https://tentvansamekoms.co.za

EXODUS 33:13-15 AFR53

Wed, 18 Feb 2026 06:12:05 GMT

13. As ek dan nou genade in u oë gevind het, maak my dan tog u weë bekend, dat ek U kan ken; sodat ek genade in u oë kan vind. En bedink tog dat hierdie nasie u volk is.

14. En Hy antwoord: Moet Ek self meegaan om jou die rusplek te verskaf?

15. Toe sê hy vir Hom: As U nie self meegaan nie, laat ons dan nie hiervandaan optrek nie.

***

Kern gedeelte:

"As U nie self meegaan nie"

Vanoggend is die boodskap laat, nie omdat hierdie dag anders as ander dae is nie, maar my gesindheid was anders.

Normaalweg neem ek soms die boodskap bitter vroeg op en stuur op meer aanvaarbare tyd uit, maar vanoggend was anders.

Ek was reeds 02h00 op die pad na plekke waar ek moet wees, en ek sit nou langs die pad die boodskap en uitstuur.

As u dit vreemd vind, weet net, dit is nie vreemd nie, wat soos almal het ons ook besluite om te maak.

Gedurende die afgelope vyf ure het ek nagedink oor ons lewe en besigheid pad vorentoe, en die slotsom is, SONDER GOD, NIE 'N TREE NIE.

As GOD ons nie lei en self met ons meegaan op die lewenspad nie, dan bly ons waar ons is, en alles bly soos dit is.

-------

GEBED.

VADER, dit is tyd om te stop, tyd om U te nader oor ons lewenspad vorentoe. Laat ons geen haastige spronge maak nie, maar laat ons op U wag om vir ons die pad te wys, dat U ons sal lei binne U Wil en binne U Weg.

In die Naam van ons Meester YESHUA, bid ons U Leiding af oor ons lewenspad vorentoe.

Amen.

•••••••

Webtuiste: https://tentvansamekoms.co.za

Cell: +27716283107

PSALMS 121:1-2 AFR53

Tue, 17 Feb 2026 07:08:16 GMT

1. Ek slaan my oë op na die berge: waar sal my hulp vandaan kom?

2. My hulp is van die Here wat hemel en aarde gemaak het!

***

Kern gedeelte:

"My hulp is van die Here"

Ek wil nie graag iets byvoeg nie, maar wil net die volledige Psalms 121 lees.

* Ek slaan my oë op na die berge: waar sal my hulp vandaan kom?

* My hulp is van die Here wat hemel en aarde gemaak het.

* Hy kan jou voet nie laat wankel nie; jou Bewaarder kan nie sluimer nie.

* Kyk, die Bewaarder van Israel sluimer of slaap nie.

* Die Here is jou Bewaarder; die Here is jou skaduwee aan jou regterhand.

* Die son sal jou bedags nie steek nie, die maan ook nie by nag nie.

* Die Here sal jou bewaar vir elke onheil; jou siel sal Hy bewaar.

* Die Here sal jou uitgang en jou ingang bewaar, van nou af tot in ewigheid.

-------

GEBED.

VADER, U weet dat ek vanoggend 'n ander Woord gedeelte in gedagte gehad het, maar hierdie gedeelte bly my op die hart gelê word. In gehoorsaamheid stuur ek hierdie boodskap uit en mag U Heilige Gees met hierdie woord saamgaan sodat dit vanoggend op die regte ore sal val. Laat U Geestelike versterking ons ophef uit die massas probleme wat ons wil oorweldig.

In die Naam van ons Meester YESHUA, bid ons vir elkeen wat hopeloos en verlore voel. Geen asb aan elkeen die krag en sterkte.

Amen.

•••••••

Webtuiste: https://tentvansamekoms.co.za

Sel: +27716283107

FILIPPENSE 4:11-13 AFR53

Mon, 16 Feb 2026 06:06:16 GMT

11. Nie dat ek dit uit gebrek sê nie, want ek het geleer om vergenoeg te wees met die omstandighede waarin ek is.

12. Ek weet om verneder te word, ek weet ook om oorvloed te hê; in elke opsig en in alle dinge is ek onderrig: om versadig te word sowel as om honger te ly, om oorvloed te hê sowel as om gebrek te ly.

13. Ek is tot alles in staat deur Christus wat my krag gee.

****

Kern gedeelte:

"Ek is tot alles in staat deur Christus wat my krag gee"

Nee, dit is nie jou einde nie!

Die wêreld mag reeds die oorwinning vooruit gesmaak het, maar GOD tree vandag vir jou in.

Nie deur jou krag nie maar deur Sy genade, deur Sy reddende regterhand want al val die regverdige sewe keer, agt keer sal hy opstaan.

Die stryd was nooit jou stryd om te stry nie, daarom wees still want GOD maak klaar wat Hy in jou begin het.

-------

GEBED.

VADER, waar ons tans is sien ons dalk nie die lig nie want die wêreldse probleme het ons oë en ons gemoed verduister. In hierdie oggend vra ons vir 'n nuwe dagbreek, in hierdie oggend vra ons vir hernuwe krag om op te staan in U Naam sodat U Lig deur ons sal skyn na 'n donker wêreld daar buite. Dankie dat U ons deurdra waar ons nie meer kan nie.

In die Naam van ons Meester YESHUA, verklaar ons 'n nuwe begin, verklaar ons GOD gegewe deurbrake en 'n nuwe pad saam met U.

Amen.

•••••••

Webtuiste: https://tentvansamekoms.co.za

Sel: +27716283107

MIGA 4:2, 5 AFR53

Fri, 13 Feb 2026 05:59:26 GMT

2. En baie nasies sal heengaan en sê: Kom, laat ons optrek na die berg van die Here en na die huis van die GOD van Jakob, dat Hy ons in sy weë kan leer en ons in sy paaie kan wandel. Want uit Sion sal die wet uitgaan en die woord van die Here uit Jerusalem.

5. Want al die volke mag wandel elkeen in die naam van sy god, maar óns sal wandel in die Naam van die Here onse God vir ewig en altoos.

***

Kern gedeelte:

"maar óns sal wandel in die Naam van die Here onse God"

Soos wat Joshua aan sy volksgenote gesê het, kies wie julle wil dien, maar ek en my huis, ons sal die HERE dien.

So het dit tyd geword vir ons om aan ons volksgenote te sê, kies julle wie julle vir dien, maar óns sal wandel in die Naam van die Here onse GOD.

Selfs in die huidige situasie in ons land Suid Afrika, gaan GOD ons vooruit, Hy maak paaie gelyk en is besig om ons land te verander.

Ons land sal oprys, ons as GOD se volk sal weer opstaan, nie deur krag of geweld nie, maar deur die Gees van GOD!

Laat elkeen vir homself kies, maar ek weet waar my krag vandaan kom.

-------

GEBED.

VADER, ons lewe in 'n land van verdeeldheid omdat elkeen net na sy eie belange omsien en ons nie meer in eenheid saam tot U kan nader nie. Ons vra vanoggend dat 'n herlewing sal uitbreek en dat U Heilige Gees soos 'n vuur deur ons land sal trek, mense in beweging sal bring, sodat ons in eenheid kan staan en sê dat ons sal wandel in U Naam, want U is ons Krag, ons Rots en ons Vesting.

In die Naam van ons Meester YESHUA, bid ons vir eenheid as U volk U land en U mense.

Amen.

•••••••

Webtuiste: https://tentvansamekoms.co.za

Sel: +27716283107

MATTHÉÜS 25:22-25 AFR53

Thu, 12 Feb 2026 06:16:37 GMT

22. En die een wat die twee talente ontvang het, kom ook en sê: Meneer, twee talente het u aan my toevertrou; hier het ek twee ander talente daarby verdien.

23. Sy heer sê vir hom: Mooi so, goeie en getroue dienskneg, oor weinig was jy getrou, oor veel sal ek jou aanstel. Gaan in in die vreugde van jou heer.

24. En die een wat die een talent ontvang het, kom ook en sê: Meneer, ek het u geken, dat u 'n harde man is wat maai waar u nie gesaai het nie, en bymekaarmaak waar u nie uitgestrooi het nie

25. omdat ek bang was, het ek gegaan en u talent in die grond weggesteek. Hier het u wat aan u behoort.

***

Kern gedeelte:

"omdat ek bang was"

Ek drink gister oggend 'n pakkie MacNab energie tablette, en binne in die pakkie is 'n boodskap wat sê:

FEAR.

F -False

E -Evidence

A -Appearing

R - Real

In nabetragting aan die boodskap, sit ek en wonder hoeveel van ons lewe daagliks in vrees, oor vandag en oor die dag van môre.

Daarom is ons te vreesbevange om ons talente te gebruik waarmee GOD ons geseën het.

Ons kruip weg, isoleer onself, laat geleenthede verbygaan wat GOD op ons pad bring, want wat as dit nie uitwerk nie!

Die boodskap vanoggend is duidelik, gaan grou die talent uit wat jy begrawe het, en gebruik dit ter ere van GOD, en laat Hy die werke van jou hande seën.

Onthou, as jy oor weinig getrou is, sal GOD jou oor veel meer kan aanstel.

--------

GEBED.

VADER, soveel geleenthede het ons laat verbygaan omdat ons in vrees gelewe het, in vrees besluite gemaak wat nie ter ere van U was nie. Ons beperk U, in dit wat U vir ons beplan het, deur die vrees waarin ons lewe.

Ons bely dit vanoggend voor U voete, en laat die vrees ook daar.

Met ons GOD loop ons 'n bende storm, met ons GOD spring ons oor 'n muur.

In die Naam van ons Meester YESHUA, bid ons dat U die gees van vrees sal verwyder wat nog in soveel van ons heers.

Amen.

•••••••

Webtuiste: https://tentvansamekoms.co.za

Sel: +27716283107

MALEÁGI 3:6-7 AFR53

Wed, 11 Feb 2026 06:11:00 GMT

6. Want Ek, die Here, het nie verander nie; en julle, kinders van Jakob, is nie verteer nie.

7. Sedert die dae van julle vaders het julle van my insettinge afgewyk en dit nie onderhou nie. Keer terug na My, en Ek wil na julle terugkeer, sê die Here van die leërskare. Maar julle vra: Waarin moet ons terugkeer?

***

Kern gedeelte:

"Want Ek, die Here, het nie verander nie"

Moenie jouself flous nie, hierdie gebeur nie oornag nie, en dit gebeur sonder dat jy dit agterkom.

Die "verderwer" weet wat jou belangstellings en swakhede is, is hy is nie haastig nie, want met tyd, een oomblik op 'n slag sal hy jou van GOD vervreem, sal hy die wig van sonde tussen jou en jou Skepper indryf.

Skielik voel dit of GOD vêr is, nie omdat GOD verander het nie, maar omdat ons klein toegewings van sonde toegelaat het.

Ons het die anker van geloof en gehoorsaamheid gelig en die strome van die wêreld het jou saamgesleep.

Hierdie boodskap is vir almal, maak oop jou oë, jy is nie meer so naby aan GOD as wat jy dink nie, want die water van die wêreld syfer in jou lewensboot in sonder dat jy dit agterkom.

--------

GEBED.

VADER, U Woord leer ons dat dit die klein jakkalsies is wat die boorde verniel. Ons word meegesleur deur "klein" sonde, want self klein gaatjies laat die water in. Met tyd sal ons lewensboot begin sink as ons nie nou van koers verander na U veilige hawe toe nie. Laat ons nie vanoggend talm nie, maar dat ons vandag die besluit sal maak om van koers te verander, terug na U toe.

In die Naam van ons Meester YESHUA, bid ons vir 'n drastiese omkeer na U toe, ons bid vir siele tot bekering.

Amen.

•••••••

Webtuiste: https://tentvansamekoms.co.za

Sel: +27716283107

MATTHÉÜS 22:37-39 AFR53

Tue, 10 Feb 2026 07:12:11 GMT

37. En Jesus antwoord hom: Jy moet die Here jou God liefhê met jou hele hart en met jou hele siel en met jou hele verstand.

38. Dit is die eerste en groot gebod.

39. En die tweede wat hiermee gelykstaan: Jy moet jou naaste liefhê soos jouself.

****

Kern gedeelte:

"Dit is die eerste en groot gebod"

Ek wil vanoggend nie veel sê want die woord van GOD sê dit onmiskenbaar duidelik!

Wat ek wel wil sê, net sodat ons nie mislei word nie!

Enige iets groter en belangriker as GOD, is 'n afgod.

Hierdie een Engelse sinnetjie ruim alle onduidelikheid uit die weg wanneer dit sê:

If GOD is anything to you, then He is EVERYTHING to you, but if GOD is not everything to you, then He is not anything to you.

Laat hierdie woord die persone bereik vir wie dit bedoel is.

-------

GEBED.

VADER, soms besef ons nie dat ons gedagtes deur die wêreld afgelei word nie, sodat ons begin dwaal, begin besig raak met dinge wat ons stiltetyd saam met U steel, sodat ons nie meer stil oomblikke van intieme kommunikasie met U het nie. As ons dan die pad byster raak, verstaan ons nie, maar dit is omdat U nie meer ons alles in ons lewe is nie. Bring ons asb terug op die pad van U Waarheid.

In die Naam van ons Meester YESHUA, bid ons vir krag om die afleidings van hierdie wêreld tersyde te stel.

Amen.

••••••••

Webtuiste: https://tentvansamekoms.co.za

Sel: +27716283107

MATTHÉÜS 23:23, 26, 28 AFR53

Mon, 09 Feb 2026 06:02:01 GMT

23. Wee julle, skrifgeleerdes en Fariseërs, geveinsdes, want julle gee tiendes van kruisement en anys en koljander, en die swaarste van die wet laat julle ná: die reg en die barmhartigheid en die trou. Hierdie dinge behoort julle te doen sonder om die ander na te laat.

26. Blinde Fariseër, maak eers die binnekant van die beker en die skottel skoon, sodat ook die buitekant daarvan skoon kan word.

28. So lyk julle ook van buite vir die mense wel regverdig, maar van binne is julle vol geveinsdheid en ongeregtigheid.

***

Kern gedeelte:

"die reg en die barmhartigheid en die trou"

So dikwels vra ek myself die vraag af, staan ek nog in GOD se geregtigheid, Sy onpartydige opregtheid teenoor ons naaste.

Ons kan bid, Bybel lees, sel groepe en bid ure bywoon en kerk toe gaan, dit is die voorfront van ons geestelike voeding, maar wat is ons optrede wat daaruit spruit.

Hier verwys JESUS CHRISTUS presies na dit wanneer Hy sê:

die swaarste van die wet laat julle ná: die reg en die barmhartigheid en die trou. Hierdie dinge behoort julle te doen sonder om die ander na te laat.

Dit is gesond om gereeld nabetragting te doen, te sien of ons nog na die Koningkryk van GOD en Sy Geregtigheid soek, want die een kan nie sonder die ander nie.

-------

GEBED.

VADER, open asb ons oë vir ons eie foute en laat ons nie van buite skoon lyk maar binne vol ongeregtigheid en geveinsheid wees nie. Ons vra asb dat U Heilige Gees ons sal lei sodat ons die beker binne en buite sal skoonmaak, laat ons nie nie net praat van geregtigheid en barmhartigheid nie, maar dat ons dit sal begin uitleef binne U Wil en U Weg.

In die Naam van ons Meester YESHUA, bid ons vir reg, geregtigheid en barmhartigheid in ons lewe.

Amen.

•••••••

Webtuiste: https://tentvansamekoms.co.za

Sel: +27716283107

MATTHÉÜS 22:29, 32 AFR5

Fri, 06 Feb 2026 06:05:47 GMT

29. Toe antwoord Jesus en sê vir hulle: Julle dwaal, omdat julle die Skrifte nie ken nie en ook nie die krag van God nie.

32. Ek is die God van Abraham en die God van Isak en die God van Jakob? God is nie 'n God van dooies nie, maar van lewendes.

***

Kern gedeelte:

"God is nie 'n God van dooies nie"

Ons kan hierdie saak aanvoer of verdedig soos ons wil, maar aan die einde van die dag kom ons by' 'n punt waar ons besef dat ons beperk GOD deur ons ongeloof, deur ons gebrek en kennis van Sy Woord.

Joshua het die mure van Jerigo laat val sonder om ''n aanval te loods omdat hy vertrou het en omdat hy die krag van GOD geken het.

Dawid het nie vir Goliat gevrees nie, want Hy het die krag van sy GOD geken.

Ons glo die leuens en beperkings wat mense op ons lewe plaas, omdat ons nie GOD se Woord nie ken nie, want as jy GOD se Woord ken en jou vertroue op Hom plaas sou jy geweet het, by GOD is alles moontlik en jy sal deur die storm kom.

GOD het nie beplan dat jy moet faal nie, maar dat jy 'n hoopvolle toekoms sal hê.

Moenie dwaal nie, begin GOD se Woord in diepte lees en vind uit wie jou Skepper is.

-------

GEBED.

VADER, ons het geen verskoning nie! Ons word vasgevang in die lewens storms omdat ons moed opgegee het, omdat ons nie in geloof vorentoe beur nie. Ons bid vir vergifnis van ons ongeloof! Lei ons asb daarin om ons prioriteite reg te kry sodat ons weer ons hoop en insig vir die toekoms wat U vir ons beplan het in U Woord sal vind.

In die Naam van ons Meester YESHUA, bid ons vir standvastigheid van geloof.

Amen.

•••••••

Webtuiste: https://tentvansamekoms.co.za

Sel : +27716283107

MATTHÉÜS 22:15-16 AFR53

Thu, 05 Feb 2026 05:56:01 GMT

15. TOE gaan die Fariseërs saam raad hou hoe om Hom in sy woord te verstrik.

16. En hulle stuur hul dissipels saam met die Herodiane na Hom en sê: Meester, ons weet dat U waaragtig is en die weg van God in waarheid leer en U aan niemand steur nie, want U sien nie die persoon van mense aan nie —

***

Kern gedeelte:

"om Hom in sy woord te verstrik"

As mense, die Fariseërs, probeer het om JESUS CHRISTUS in Sy Woorde te verstrik, sal hulle dit met jou ook doen.

Moenie uit woede of emosinele reaksie antwoord nie, maar gee antwoorde wat GOD gelei, sodat jy nie in die strikke trap wat vir jou gestel word nie.

Moenie almal vertrou nie want om hulle doel te bereik sal hulle selfs ander mense gebruik, mense van wie jy dit glad nie verwag nie.

Dus plaas 'n wag voor jy mond en antwoord binne GOD se Wil, dan kan niemand 'n vinger na jou wys nie want jy staan in die beskerming van ons Skepper.

-------

GEBED.

VADER, dankie vir hierdie waarskuwing vanoggend, want soos een vuurhoutjie 'n hele woud aan die brand kan steek, so ook kan woorde wat gespreek is, chaos in ons lewens veroorsaak. Ons vra dat U ons sal lei in ons gemoed, en laat ons met kalmte van gees en gemoed sal antwoord. Laat ons eerder swyg in die hitte van die oomblik, want stilbly is ook 'n antwoord.

In die Naam van ons Meester YESHUA, bid ons dat U hierdie droogte sal breek wat nog in sekere areas van ons land heers.

Amen.

••••••••

Webtuiste: https://tentvansamekoms.co.za

Sel: +27716283107

MATTHÉÜS 22:12, 13, 14 AFR53

Wed, 04 Feb 2026 06:11:29 GMT

12. En hy sê vir hom: Vriend, hoe het jy hier ingekom sonder 'n bruilofskleed aan? En hy kon geen woord sê nie.

13. Toe sê die koning vir sy dienaars: Bind sy hande en voete, neem hom weg en werp hom in die buitenste duisternis. Daar sal geween wees en gekners van die tande.

14. Want baie is geroep, maar min uitverkies.

***

Kern gedeelte:

"Want baie is geroep, maar min uitverkies"

Die pad saam met GOD is inderdaad 'n eensame pad, met min mense wat werklik die pad van waarheid, in 'n diepe verhouding met GOD kan stap.

Ons kan wel rondgaan en die Woord van GOD versprei, die Verlossings plan deur JESUS CHRISTUS verkondig en mense bewus maak dat hulle op die verkeerde pad is, maar ons kan nooit hulle lewens vir hulle lei nie!

Ons kan die saad saai, 'n ander sal water gee, maar die Heilige Gees sal laat groei, die verandering sal bewerkstellig word wanneer die persoon gereed is, en ontvanklik is vir die inwerking van die Heilige Gees.

Soos die Woord ons leer, verkondig die Evangelie van JESUS CHRISTUS, en as die Woord nie aangeneem word nie, stap weg, vee die stof van jou voete af, want die bloed is nie meer op jou hande nie, die Lig, die Weg en die Waarheid het tot by hulle gekom, maar die keuse om GOD te kies kan jy nie vir hulle maak nie.

-------

GEBED.

VADER, dankie dat U mense op ons pad plaas om ons van U Woord te leer, die Evangelie van U Seun aan ons bekend te stel, want dit bring verandering tot redding. Open asb vandag ons oë, ore en harte sodat ons sal kies om gekies te word. Laat ons nie wegstap en die verderf kies nie.

In die Naam van ons Meester YESHUA, bid ons vir die aanraking van U Heilige Gees sodat ons GOD nie net sal kies nie maar bo alles eerste sal stel.

Amen.

•••••••

Webtuiste: https://tentvansamekoms.co.za

Sel: +27716283107

I KORINTHIËRS 10:31-33 AFR53

Tue, 03 Feb 2026 06:14:16 GMT

31. Of julle dan eet of drink of enigiets doen, doen alles tot verheerliking van God.

32. Wees geen oorsaak van struikeling vir Jode of Grieke of vir die gemeente van God nie;

33. net soos ek almal in alles behaag en nie my eie voordeel soek nie, maar dié van baie, sodat hulle gered kan word.

***

Kern gedeelte:

"doen alles tot verheerliking van GOD"

Moenie GOD se Woord as 'n argument punt gebruik wat mense wegdryf van JESUS CHRISTUS af nie.

Dit is nie die doel nie!

Instede daarvan om sekere aksies te verdedig, wil ek eerder net die volgende vyf vrae vra?

* Stel jy GOD eerste in alles wat jy doen?

* In alles wat jy doen of sê, doen jy dit ter ere van GOD?

* Strewe jy daagliks daarna om meer en meer soos JESUS CHRISTUS te wees?

* Kan ander mense rondom jou, die Lig van JESUS CHRISTUS deur jou sien skyn?

* Lewe jy met die Lewende Woord van GOD op jou lippe, wat opbou en nie afbreuk nie?

As die antwoord ja is op al die bogenoemde antwoorde, sal jy nie veel meer hê om oor te argumenteer nie, maar jou doelwit sal wees, siele tot bekering, en nie argumente oor leerstelling nie.

-------

GEBED.

VADER, die leerstellings van mense veroorsaak twis en verdeeldheid terwyl U Liefde versoening, eenheid, verdraagsaamheid en ondersteuning bring. U Woord is duidelik, wat U Seun aan ons gebring het, jy moet die HERE jou GOD liefhê met jou hele hart, siel en verstand en jou naaste soos jouself. En vir wie die "Liefde" nie verstaan nie, is dit duidelik gemaak met die woorde, en hierin is die liefde, dat jy my gebooie onderhou. Gee ons asb die krag om oor U Liefde te spreek wat siele tot bekering sal bring.

In die Naam van ons Meester YESHUA, bid ons vir 'n gesindheid wat mense na U toe sal trek en nie sal wegdryf nie.

Amen.

•••••••

Webtuiste: https://tentvansamekoms.co.za

Sel: +27716283107

MATTHÉÜS 21:20-22 AFR53

Mon, 02 Feb 2026 05:57:00 GMT

20. En toe die dissipels dit sien, was hulle verwonderd en sê: Hoe het die vyeboom so onmiddellik verdroog?

21. Maar Jesus antwoord en sê vir hulle: Voorwaar Ek sê vir julle, as julle geloof het en nie twyfel nie, sal julle nie alleen doen wat met die vyeboom gebeur het nie; maar al sê julle ook vir hierdie berg: Hef jou op en werp jou in die see — sal dit gebeur.

22. En alles wat julle in die gebed vra, sal julle ontvang as julle glo.

***

Kern gedeelte:

"as julle geloof het en nie twyfel nie"

'n Fontein kan nie bitter en soet water lewer nie, en net so min kan 'n boom goeie en slegte vrugte dra!

Maar daagliks doen ons presies dit met die woorde van ons mond.

In gebed pleit ons voor GOD oor alles wat ons nodig het, oor dit wat ons wil doen, oor die pad vorentoe en keuses wat ons moet maak.

Maar die oomblik as ons van die gebed vloer af opstaan, spreek ons dood oor ons kinders, ons huise, huwelike, besighede finansies, gesondheid en toekoms.

Vandag wil ek dit vir jou duidelik maak, jou woorde skep jou toekoms want as jy geloof gehad het en nie getwyfel het nie, sou jy nie al hierdie negatiewe dinge gespreek het nie.

Almal maak foute, almal maak een of ander swak besluit, almal eindig soms waar ons voel dit is 'n doodloop straat, maar wat by die mens onmoontlik lyk, is by GOD moontlik, want ons dien 'n GOD wat 'n pad deur die see maak, ons dien 'n GOD van wonders.

Staan op, spreek lewe oor die situasie, beur vorentoe, en laat die res in GOD se hande.

-------

GEBED.

VADER, voor U staan ons vanoggend skuldig, met die negatiewe gedagtes wat die vrees in ons laat heers. Die lewe gaan oor besluite en ons is so bang om enige besluit te maak want wat as iets skeefloop. Wat as dinge nie uitwerk nie? Gee ons asb die krag om lewe te spreek oor elke situasie al lyk dit ook hoe onoorkombaar, want U my GOD bly in beheer.

In die Naam van ons Meester YESHUA, spreek ons lewe oor elke situasie, ons spreek dat bonatuurlike groei sal plaasvind selfs waar ons nie gesaai het nie.

Amen.

-------

Webtuiste: https://tentvansamekoms.co.za

Sel: +27716283107

I KORINTHIËRS 3:13-14 AFR53

Fri, 30 Jan 2026 06:56:07 GMT

13. elkeen se werk sal aan die lig kom, want die dag sal dit aanwys, omdat dit deur vuur openbaar gemaak word; en die vuur sal elkeen se werk op die proef stel, hoedanig dit is.

14. As iemand se werk bly staan wat hy daarop gebou het, sal hy loon ontvang;

***

Kern gedeelte:

"elkeen se werk sal aan die lig kom"

Soveel mense dink dat hulle met dinge weggekom het en niemand weet daarvan nie.

Maar hier is die realiteit, ons werke sal beproef word, ons sal rekenskap gee vir elke gedagtes, aksie en gewoonte.

Sommige van ons lewe asof ons vir ewig gaan lewe, en nooit verantwoording gaan doen vir ons dade nie, maar vanoggend is die boodskap duidelik.

Stop waarmee jy besig is want jy is geweeg maar jy is te lig bevind.

Die tyd loop uit, bekeer jou terwyl die geleentheid nog daar is, want die dag van môre is ons nie gewaarborg nie.

Moenie uitstel nie, neem vandag JESUS CHRISTUS aan as jou Verlosser en Saligmaker.

Laat Sy Lig vandag oor jou begin skyn vir die wêreld om te sien!

--------

GEBED.

VADER, soms moet ons hoor dat ons weer van die pad af gedwaal het en weer in die werke van die wêreld betrokke geraak het. Ons kan dit probeer wegsteek, maar U Woord sê dit duidelik, dat alles aan die lig sal kom, en ons werke sal beproef word. Vergewe ons asb ons swakheid en ons dwaling.

In die Naam van ons Meester YESHUA, bely ons vanoggend ons sondes, en vra vir vergifnis.

Amen

•••••••

Webtuiste: https://tentvansamekoms.co.ca

Sel: +27716283107

MATTHÉÜS 15:10-11 AFR53

Thu, 29 Jan 2026 05:49:42 GMT

10. En Hy het die skare na Hom geroep en vir hulle gesê: Luister en verstaan!

11. Nie wat in die mond ingaan, maak die mens onrein nie; maar wat uit die mond uitgaan, dit maak die mens onrein.

-------

Kern gedeelte:

"maar wat uit die mond uitgaan"

Ons gaan deur fases in ons lewe en in hierdie fases raak dinge soms makliker, soms moeiliker, meer uitdagend en meer frustreerend.

Ons staan dikwels in konflik teenoor ander, en ander kere word jy aangeval met woorde, sonder rede.

Ongeag, in tye van konflik kom ons ware karakter te voorskyn, want wat die hart van vol is loop die mond van oor.

Wanneer ons Gees gevul lewe, en GOD se vrede wat alle verstand te bowe gaan in ons is, dan lyk ons anders, stap ons anders, lewe ons anders, spreek ons anders, want ons is bekleed met die vrede en outoriteit wat GOD op ons geplaas het.

Dit is nie meer in jou vermoë om aan hierdie wêreld gelykvormig te word nie, want jy weet dat lewe en dood is in die mag van die tong.

Wanneer JESUS CHRISTUS in jou lewe sal Sy Lig deur jou skyn, Sy woorde van vrede en vreugde, voorspoed en opbou sal op jou tong wees.

Kom ons luister vandag na die woorde wat ons spreek, en laat ons onthou:

Nie wat in die mond ingaan, maak die mens onrein nie; maar wat uit die mond uitgaan, dit maak die mens onrein.

-------

GEBED.

VADER, vanoggend weet ek nie mooi wat om te bid nie, want my woorde klink dikwels soos woorde van iemand wat nie die vrede van GOD in hom het nie. Ons raak frustreerd wanneer omstandighede teen ons opbou, en dit is waar, wat die hart van vol is, loop die mond van oor. Laat U Heilige Gees asb ons hart skoonmaak en ons mond aanraak sodat ons weer woorde van lewe sal spreek en die woorde van die wêreld nie meer in ons woordeskat sal wees nie.

In die Naam van ons Meester YESHUA, vra ons dat U ons oë sal open vir ons eie foute.

Amen.

•••••••

Webtuiste: https://tentvansamekoms.co.za

Sel: +27716283107

SPREUKE 26:13-16 AFR53

Wed, 28 Jan 2026 06:09:04 GMT

13. Die luiaard sê: Daar is 'n leeu op die pad, 'n leeu op die pleine.

14. 'n Deur draai rond op sy skarniere, so die luiaard op sy bed.

15. Het die luiaard sy hand in die skottel gesteek, hy is te moeg om dit na sy mond terug te bring.

16. Die luiaard is wyser in sy eie oë as sewe wat verstandig antwoord.

***

Kern gedeelte:

"Die luiaard sê"

Moenie toelaat dat mense op jou rug ry nie, want vir die luiaard sal daar altyd 'n rede wees, en hy sal altyd 'n antwoord hê in 'n argument want sodoende kan hulle aanhou om jou leeg te suig.

Daar sal 'n rede vir alles wees, hoekom dit nie gedoen kan word nie, want hulle weet dat jy, reeds na alles omsien, en dat jy na hulle ook sal omsien .

Die Woord van GOD sê dit duidelik, as 'n man nie wil werk nie, moet hy ook nie eet nie.

Trek vandag die streep in die sand, moenie langer toelaat dat die persoon of persone op jou rug ry nie

As jy kan werk, kan hulle dit ook doen.

Deur aan te hou om toe te gee maak die probleem by die dag groter.

As jy die ware kleure van die persoon/persone na vore wil sien kom, sny die voorsiening af.

-------

GEBED.

VADER, ons weet dat ons 'n helpende moet uitreik na die mense wat dit werklik nodig het, maar ons weet ook dat vandag se hulp, môre se verwagting is. Hoe meer ons gee, hoe meer word van ons verwag. Ons vra dat U Heilige Gees ons sal lei om te kan onderskei tussen nood en misbruik. Laat U Heilige Gees dit op ons hart lê waar ons die hand vir ander moet oopmaak, maar ook wanneer dit tyd geword het om weer die hand van voorsiening weer toe te maak.

In die Naam van ons Meester YESHUA, bid ons dat U ons sal rig in ons besluite.

Amen.

•••••••

Webtuiste: https://tentvansamekoms.co.za

Sel: +27716283107

SAGARÍA 4:5-6 AFR53

Tue, 27 Jan 2026 05:59:11 GMT

5. En die engel wat met my gespreek het, antwoord en sê vir my: Weet jy dan nie wat dit beteken nie? En ek het gesê: Nee, my heer.

6. Toe antwoord hy en sê vir my: Dit is die woord van die Here aan Serubbábel, naamlik: Nie deur krag of deur geweld nie, maar deur my Gees, sê die Here van die leërskare.

***

Kern gedeelte:

"maar deur my Gees"

Soms voel dit of sake in ons lewe nie wil verander nie, ongeag hoe hard ons probeer.

En dit is presies waar die probleem inkom, omdat ons nie kan wag nie en alles self wil reg forseer.

Ek sê nie dat ons geen ambisie of dryf in ons lewe moet hê nie, maar wat ek wel sê is dat GOD eers die saak moet bevestig voordat ons die nodige dryf en ywer toepas om dit te bereik.

Onthou altyd, die windpomp gaan soek nie die wind nie, alles gebeur op die regte tyd.

So ook in ons lewe, bid, wag op GOD, en wanneer die Heilige Gees winde van verandering deur jou lewe laat waai, sal dit water van lewe voortbring wat niemand kan stop nie.

As GOD eers begin werk, wie kan dit keer?

Daarom sê ek vanoggend, hou op dinge forseer, hou op om agter die leë beloftes van hierdie wêreld aan te hardloop.

Wanneer GOD 'n deur toemaak, kan niemand dit oop forseer nie, maar wanneer GOD deure open, kan niemand dit sluit nie.

Onthou deurlopend soos dit in GOD se woord geskrywe staan:

Nie deur krag of geweld nie, maar deur my Gees!

-------

GEBED.

VADER, dikwels moet ons hieraan herhinner word, want met elke nuwe "geleentheid", wat die "verderwer" op ons pad plaas, begin ons dit najaag, want dit voel of ons dit kan bereik, dit kan verkry as ons dit net so bietjie druk, so bietjie forseer. Maak ons asb vanoggend bewus van die feit dat U 'n GOD van wonders is wat sake in 'n oogwink verander, wat deure oopmaak sonder om iets te forseer.

In die Naam van ons Meester YESHUA, bid ons vir die geduld om te wag sodat die regte verandering in U tyd sal plaasvind.

Amen.

•••••••

Webtuiste: https://tentvansamekoms.co.za

Sel: +27716283107

MATTHÉÜS 18:12-13 AFR53

Mon, 26 Jan 2026 06:07:39 GMT

12. Wat dink julle? As iemand honderd skape het en een van hulle verdwaal, sal hy nie die negen-en-negentig laat staan en op die berge die verdwaalde een gaan soek nie?

13. En as hy hom kry, voorwaar Ek sê vir julle dat hy blyer is oor hom as oor die negen-en-negentig wat nie verdwaal het nie.

***

Kern gedeelte:

"en een van hulle verdwaal"

Moenie dink as jy GOD dien, dat jy nie verdwaald kan raak en die pad kan byster raak nie!

Ek gee nie om wie, wat sê nie, maar die "verderwer" sal nooit rus nie!

Maak nie saak hoe lank jy GOD dien nie, die aanslae sal bly kom, selfs wanneer jy voel dat jy oorwin het.

Een van twee dinge gaan gebeur, deur een van twee areas, sal die aanslae op jou lewe kom.

Die "verderwer" ken jou swak punte en daarop sal hy aanhou werk om jou tot struikeling te bring, maar meer as dit, pasop vir die area waar jy dink dat jy sterk is, want daar het jy jou skild laat saak, daar het jy jouself oopgemaak vir sonde.

As jou broer of suster in Christus verdwaald is, help hom om sy pad terug te vind, want hy weet dalk nie eers dat hy die pad byster geraak het nie.

-------

GEBED.

VADER, dankie dat U ons vanoggend waarsku, ons nog 'n kans gee deur mense te stuur op ons lewenspad wat na ons gaan soek wanneer ons verlore raak. Wat ons waarsku wanneer ons die pad byster raak, wat na ons gaan soek en ons deur U Woord terugbring op die regte pad. Dankie vir tweede kanse, dankie vir U genade.

In die Naam van ons Meester YESHUA, bid ons dat ons elkeen sal luister na waarskuwings wat U aan ons rig.

Amen.

•••••••

Webtuiste: https://tentvansamekoms.co.za

Sel: +27716283107

JEREMIA 1:17-19 AFR53

Fri, 23 Jan 2026 05:53:45 GMT

17. Jy dan, omgord jou heupe en maak jou klaar en sê aan hulle alles wat Ek jou sal beveel; wees nie vir hulle verskrik nie, dat Ek jou nie vir hulle laat skrik nie.

18. Want kyk, Ek maak jou vandag 'n versterkte stad en 'n ysterpilaar en kopermure teen die hele land: teen die konings van Juda, teen sy vorste, teen sy priesters en teen die volk van die land.

19. En hulle sal teen jou veg, maar jou nie oorwin nie; want Ek is met jou, spreek die Here, om jou uit te red.

***

Kern gedeelte:

"En hulle sal teen jou veg, maar jou nie oorwin nie"

Die aanslae teen jou sal kom, deur wéreldse sisteme, menslike maniere en gesindhede.

Maar vanoggend lees jy nog hierdie boodskap, GOD het jou gedra tot hier.

Dit is tyd dat jy opstaan, dit is tyd om die wêreld in die oë te kyk en te verklaar, ek is 'n kind van GOD, ek gaan nie voor die mens of die wêreld sisteme buig nie!

En nog minder is ons land verlore, want GOD is in beheer!

Dit is tyd vir jou om op te staan, in die Naam van JESUS CHRISTUS.

Hou op vrees, want uit GOD se Woord kry jy vanoggend hierdie boodskap,

Jy dan, omgord jou heupe en maak jou klaar en sê aan hulle alles wat Ek jou sal beveel; wees nie vir hulle verskrik nie!

Staan op, staan sterk, en laat GOD se Lig deur jou skyn, want daardeur sal ander mense ook in eenheid begin opstaan en saamstaam.

-------

GEBED.

VADER, soms laat U boodskap ons onseker oor wat om te doen en watter pad om te volg. Een ding uit U Woord vanoggend is verseker, dit is tyd om op te staan, U Naam te verkondig en daardeur eenheid te bring. Laat U Heilige Gees ons asb lei, sodat wanneer die tyd reg is, alles in beweging sal kom, en dat ons sonder vrees sal opstaan en spreek soos dit U behaag.

In die Naam van ons Meester YESHUA, bid ons dat deur U Woord, ons land en ons mense in eenheid sal kom.

Amen.

•••••••

Webtuiste: https://tentvansamekoms.co.za

Sel: +27716283107

MATTHÉÜS 13:29-30 AFR53

Thu, 22 Jan 2026 05:45:01 GMT

29. Maar hy antwoord: Nee, dat julle nie miskien, as julle die onkruid bymekaarmaak, die koring daarmee saam uittrek nie.

30. Laat altwee saam groei tot die oes toe, en in die oestyd sal ek vir die maaiers sê: Maak eers die onkruid bymekaar en bind dit in bondels om dit te verbrand, maar bring die koring bymekaar in my skuur.

***

Kern gedeelte:

"Laat altwee saam groei tot die oes toe"

Jy is waar jy is vir 'n rede, self as jy voel jy hoort nie daar nie.

Waar jy is, is waar GOD jou geplaas het, en miskien voel dit op hierdie stadium dat jy nie langer hier hoort nie.

Jy is verkeerd, want jy is geplant in die saailand van GOD en die onkruid in jou lewe word deur die "verderwer" daar geplaas om jou te verdring, om jou uit jou grond gebied uit te stoot.

Maar GOD maak dit in Sy Woord duidelik, hou aan groei waar jy geplant is en as die groei tyd verby is, en jy lewer 'n oes sal GOD die onkruid uit jou lewe uitsif.

Vir nou moet jy bly waar jy is, aanhou groei tot die oestyd toe.

Wat jy dalk nie besef nie, is dat die onkruid wat rondom jou geplant is, ' n sekere mate van beskutting bied teen die elemente, die aanslae van die lewe, en daarom sal GOD hulle toelaat om daar te bly want tans is dit dalk jou behoud.

-------

GEBED.

VADER, ons wil graag onmiddelik die onkruid, die mense wat nie hier hoort nie verwyder, maar min wetend word dit toegelaat vir 'n rede. Gee ons asb die krag, wysheid, insig en gehoorsaamheid om nie op die onkruid rondom ons te fokus nie maar om aan te hou groei ter ere van U.

In die Naam van ons Meester YESHUA, bid ons vir elkeen wat siek is, lê asb U Genesende hand op elkeen.

Amen.

•••••••

Webtuiste: https://tentvansamekoms.co.za

Sel: +27716283107

PREDIKER 2:10-11 AFR53

Wed, 21 Jan 2026 05:54:18 GMT

10. En alles wat my oë begeer het, het ek hulle nie ontsê nie; my hart het ek van geen enkele vreugde teruggehou nie, want my hart het hom verheug vanweë al my moeitevolle arbeid, en dit was my deel van al my moeitevolle arbeid.

11. Toe het ek gekyk na al my werke wat my hande tot stand gebring het, en al die moeitevolle arbeid wat ek verrig het — en kyk, dit was alles tevergeefs en 'n gejaag na wind, en daar was geen voordeel onder die son nie.

***

Kern gedeelte:

"alles tevergeefs en 'n gejaag na wind"

Nee, vanoggend se boodskap is nie negatief nie, maar as een van die mees wyse manne in die wêreld dit kon insien, dan dra hierdie stelling gewig.

Neem so oomblik en laat hierdie net insink!

Ja dit is so, ons almal moet leef en oorleef, maar ten koste waarvan?

Een ding is seker, soos ons met niks in die wêreld ingekom het nie, so gaan ons ook niks saamneem die dag as ons sterwe nie.

Lewe geballanseerd, daar is 'n tyd om te werk, 'n tyd om te rus, 'n tyd om aan jou gesin aandag te gee.

Spandeer tyd saam met die mense wat vir jou omgee, mense wat nog steeds daar vir jou sal wees nadat jy jou besigheid of jou werk verloor het.

Die tyd stap aan, gister is verby en die uurglas loop leeg.

As vandag jou laaste dag was, met wie sou jy jou tyd wou deurbring?

Moenie wag nie, môre is nie in ons hande nie.

-------

GEBED.

VADER, ons spandeer ons lewe in die rot-resies van wêreld ten koste van ons verhouding met U, ten koste van ons families en geliefdes en selfs ten koste van ons gesondheid. Laat ons asb vandag net so oomblik tot stilstand kom sodat ons, ons kan prioriteite uitsorteer, en kyk na wat werklik belangrik is in ons lewe.

In die Naam van ons Meester YESHUA, bid ons dat U ons sal lei deur die inwerking van U Heilige Gees, om die regte besluite te maak, ewige lewe en nie ewige verderf besluite nie.

Amen.

•••••••

Webtuiste: https://tentvansamekoms.co.za

Sel: +27716283107

MATTHÉÜS 15:18-20 AFR53

Tue, 20 Jan 2026 06:05:20 GMT

18. Maar die dinge wat uit die mond uitgaan, kom uit die hart, en dit is dié wat die mens onrein maak.

19. Want uit die hart kom daar slegte gedagtes, moord, egbreuk, hoerery, diewery, valse getuienis, lastertaal.

20. Dit is hierdie dinge wat die mens onrein maak; maar om met ongewaste hande te eet, maak die mens nie onrein nie.

***

Kern gedeelte:

"Want uit die hart kom daar"

Vanoggend wil ek dit duidelik maak, plaas 'n wag voor jou mond want die lewe en die dood is in die mag van die tong.

Maar die "wag" voor die mond stop miskien hier en daar 'n paar woorde, terwyl die woede, afguns, bitterheid, naywer, haat en jaloesie nog vlak in ons hart lê.

Belangriker as die wag voor die mond is dat ons, ons hart bewaar meer as enigeiets.

En die Woord van GOD maak dit baie duidelik, ons spreek dit wat tans in ons hart is, as jou hart gevul met JESUS CHRISTUS, kan jy nie langer aan hierdie wêreld gelykvormig praat of dink.

Ek hoef nie ander te oordeel nie, want as ons na ons eie woorde luister sal ons besef dat ons dalk nog steeds soos die wêreld klink.

-------

GEBED.

VADER, help ons asb dat ons woorde van lewe spreek, nie ter wille ander mense alleen nie maar ook ter wille van ons verhouding met U. Namate ons nader aan U beweeg deur U Seun, sal nie net ons taal gebruik verander nie maar ook ons gesindheid teenoor ander mense. Leer ons asb hoe om hierdie pad saam met U te stap.

In die Naam van ons Meester YESHUA, bid ons vir 'n ander gesindheid van hart sodat ons woorde van opbou en stigting sal spreek

Amen.

•••••••

Webtuiste: https://tentvansamekoms.co.za

Sel: +27716283107

MATTHÉÜS 14:15-18 AFR53

Mon, 19 Jan 2026 05:54:44 GMT

15. En toe dit aand geword het, kom sy dissipels na Hom en sê: Die plek is verlate, en dit is al oor die tyd; stuur die skare weg, sodat hulle na die dorpe kan gaan en vir hulle voedsel koop.

16. Maar Jesus sê vir hulle: Hulle hoef nie weg te gaan nie; gee julle vir hulle iets om te eet.

17. Maar hulle antwoord Hom: Ons het hier net vyf brode en twee visse.

18. En Hy sê: Bring dit hier vir My.

***

Kern gedeelte:

"En Hy sê: Bring dit hier vir My"

Ek het hierdie gedeelte reeds 'n paar keer oorgelees, oordink en die slotsom bly dieselfde, die dissipels kon nie die skare voed nie omdat hulle in hulle tekortkominge vasgekyk het instede daarvan om in geloof met dit wat hulle gehad het na GOD gegaan het.

Daarom het JESUS gesê, bring dit hier vir my, want die verskil tussen 'n verskoning en 'n wonderwerk lê in ons benadering tot GOD en om Hom te vertrou, om jou beperking in jou voorsiening te verander.

JESUS CHRISTUS, het die tekortkoming geneem, Sy oë opgeslaan na die hemel en nadat Hy GOD daarvoor gedank het kon Hy die skare voed.

Vanoggend, neem dit wat jy het, nader tot GOD in geloof en laat dit vir jou wees soos jy glo!

Moenie aanhou om jou in jou beperking vas te staar nie, want GOD voorsien in 'n oomblik.

-------

GEBED.

VADER, ons het so gewoond geraak daaraan om eerder verskonings te maak as in geloof tot U te nader. Wat as dit wat ek gaan probeer nie gaan werk nie, wat sal die mense dan sê. Gee ons asb vanoggend die krag, insig en geloof om dit wat ons het te neem, en dit aan U op te dra en dit dan te neem en daarmee voort te gaan want dit sal lei tot ons oorvloedige voorsiening.

In die Naam van ons Meester YESHUA, bid ons dat U die werk van ons hande sal seën, nie net vir ons eie behoeftes nie, maar ook tot die seën van ander.

Amen.

•••••••

Webtuiste: https://tentvansamekoms.co.za

Sel: +27716283107

MATTHÉÜS 12:43-45 AFR53

Fri, 16 Jan 2026 05:58:13 GMT

43. En wanneer die onreine gees uit die mens uitgegaan het, gaan hy deur waterlose plekke en soek rus en vind dit nie.

44. Dan sê hy: Ek sal teruggaan na my huis waar ek uitgegaan het. En hy kom en vind dit leeg, uitgeveeg en versier.

45. Dan gaan hy en neem sewe ander geeste slegter as hy self met hom saam, en hulle kom in en woon daar; en die laaste van daardie mens word erger as die eerste. Só sal dit ook wees met hierdie bose geslag.

***

Kern gedeelte:

"En hy kom en vind dit leeg, uitgeveeg en versier"

Vanoggend wil ek sommer prontuit vra, waarmee is jy besig om jou huis mee te vul.

Sommige van ons sal 'n lang storie van die antwoord probeer maak omdat ons weet waarmee ons besig is om ons huis te vul.

Dit kan net een van twee dinge wees.

As jy nie daagliks gevoed word deur GOD se Woord nie, en jou huis nie gevul is met GOD se genade, liefde, vergifnis en onpartydige opregtheid nie, sal die "verderwer" die god van hierdie wêreld dit vul met leuns, onvergifnis, hartseer, bitterheid en allerhande verleidings en verslawings.

Hierdie boodskap het jou bereik vir 'n rede, gaan besin oor die dinge waarmee jy besig is, bid GOD vir krag om dit te laat gaan, in JESUS Naam!

Die dag van môre is ons nie gewaarborg nie, maar as jy hierdie lees of luister, dan het jy vandag nog die kans.

Laat vandag jou mylpaal van verandering wees.

-------

GEBED.

VADER, ons is nou eers twee weke in hierdie jaar in, en reeds het ons, ons nuwejaars voorneme in die drein laat afspoel en verval ons weer in die gewoontes van hierdie wêreld. Gee ons asb die krag om vandag daarmee klaar te maak, ons huis skoon te maak, U Heilige Gees in ons lewe in te nooi sodat ons huis gevul sal wees met U Heerlikheid.

In die Naam van ons Meester YESHUA, bid ons vir U hulp om ons huis en ons lewe skoon te maak.

Amen.

•••••••

Webtuiste: https://tentvansamekoms.co.za

Sel: +27716283107

ESTER 9:25 AFR53

Thu, 15 Jan 2026 05:55:26 GMT

25. Maar toe dit voor die koning kom, het hy skriftelik bevel gegee dat sy goddelose plan wat hy teen die Jode uitgedink het, op sy eie hoof moes neerkom; en hulle het hom en sy seuns aan die galg opgehang.

***

Kern gedeelte:

"op sy eie hoof moes neerkom"

Ons dien 'n GOD wat nie slaap nie, die bewaarder van Israel sluimer of slaap nie.

Waar ons is, mag mense teen ons opstaan, teen ons saam smee om ons ondermyning te bewerkstellig, maar die finale sê is in GOD se Hand.

Daarom mag jy nooit op die arm van vlees steun nie.

GOD sal jou uitred met Sy reddende regterhand, Hy sal jou oprig, Hy sal jou bo jou vyande plaas, en GOD sal jou tafel dek teenoor jou teëstanders.

Let mooi op, teenoor jou teëstanders, nie in hulle afwesigheid nie.

Hulle sal jou vooruitgang aanskou, maar self, kan hulle niks daaraan nie nie.

En dit wat hulle teen jou beplan het, sal ons VADER, op hulle eie hoofde laat neerkom.

Moenie probeer om weerwraak te neem nie, laat die saak in GOD se hande, lewe voluit tot die eer van GOD, volhard in Sy onpartydige opregtheid en sien hoe jou situasie net beter en beter word.

-------

GEBED.

VADER, ons sien hoe die mens teen ons begin inwerk, maar dit bekommer ons nie want U is in beheer. Dankie dat U na ons omsien in elke situasie, en U gebruik die klippe wat mense na ons gooi, om vir ons huise van seëninge te bou. Dankie dat ons in U Hand van beskerming kan lewe.

In die Naam van ons Meester YESHUA, bid ons vir reën in areas wat dit so nodig het.

Amen.

••••••••

Webtuiste: https:tentvansamekoms.co.za

Sel: 0716283107

MATTHÉÜS 12:25-26 AFR53

Wed, 14 Jan 2026 05:50:19 GMT

25. Maar Jesus het hulle gedagtes geken en vir hulle gesê: Elke koninkryk wat teen homself verdeeld is, word verwoes; en elke stad of huis wat teen homself verdeeld is, sal nie bly staan nie.

26. En as die Satan die Satan uitdryf, dan is hy teen homself verdeeld. Hoe sal sy koninkryk dan bly staan?

***

Kern gedeelte:

"wat teen homself verdeeld is, sal nie bly staan nie"

Moenie verdeeldheid in jou huis, in jou lewe, of jy verhoudings toelaat nie.

Verdeeldheid kom nie soveel van die buitekringe as van die binnekringe nie.

Soos die gesêgde sê:

Die makste honde byt die seerste.

Let op na die persoon wat alles probeer beheer, wat met alles teen die bors wil lewe, en aan ander geen plek in die son wil gee nie.

Hulle is slegs besorgd oor hulle eie gewin, en om dit te bereik saai hulle verdeeldheid om jou aandag op hulle gefokus te hou.

Daarom stel die Engelse gesêgde, Divide and rule, dit so kort en kragtig.

Gaan sit net stil en besin hieroor, bid en laat GOD jou oë open.

-------

GEBED.

VADER, verwyder asb die gees van verdeeldheid in ons lewe, sodat ons van vandag af weer in eenheid voor U kan kom, want dan sal ons in eenheid, in hierdie lewe kan staan. Laat ons ook nie verdeeldheid veroorsaak deur die sonde van van hierdie wêreld met U onpartydige opregtheid, U geregtigheid te probeer meng. Laat ons deeglik besef, sonde is sonde en daar is geen manier om dit goed te praat nie.

In die Naam van ons Meester YESHUA, bid ons dat U aan ons 'n gees van onderskeiding sal gee.

•••••••

Webtuiste: https://tentvansamekoms.co.za

Sel: +27716283107

MATTHÉÜS 11:18-19 AFR53

Tue, 13 Jan 2026 06:21:03 GMT

[18] Want Johannes het gekom en nie geëet of gedrink nie, en hulle sê: Hy het 'n duiwel. [19] Die Seun van die mens het gekom — Hy eet en drink, en hulle sê: Dáár is 'n mens wat 'n vraat en 'n wynsuiper is, 'n vriend van tollenaars en sondaars. Maar die wysheid is geregverdig deur sy kinders.

***

Kern gedeelte:

"en hulle sê: Hy het 'n duiwel"

Waar mense jou "nodig" het, sal hulle jou ophemel, gebruik en misbruik, maar as jy die kraantjie toedraai of as die omstandighede verander so jy nie meer kan help nie, dan kom die ware kleur van die mens na voorskyn.

Dink mooi, as mense dit van JESUS CHRISTUS gesê het, hoeveel te meer sal oor jou en my gesê word.

Laat die opinies van mense oor jou, soos water van 'n eend se rug afrol.

Stap hierdie pad saam met GOD, ken hom in al jou weë, en lewe in Sy onpartydige opregtheid.

Luister na die teregwysing van mense wat waarde bydra in jou lewe, maar sluit die konstante geraas, kritiek en oordeel van die wêreld uit.

Onthou altyd, wat mense sê, is hulle opinie en laat hulle daarby hou!

Maar moenie toelaat dat hulle opinie, jou realiteit word nie.

-------

GEBED.

VADER, leer ons asb vandag dat nie elke woord of uitlating van mense 'n antwoord nodig het nie. Leer ons asb hoe om situasies, wat geen waarde in ons lewe het nie, te hanteer sodat ons nie meugesleur word deur die opinies en kritiek van mense nie. Ons bid vir U leiding en laat ons asb daarteen waak, sodat ons nie eiewys sal wees, en ons eie kop sal volg nie. Laat U Heilige Gees ons asb versterk sodat ons staande sal bly teen die aanslae van die "verderwer".

In die Naam van ons Meester YESHUA, bid ons vir vergifnis van die woorde wat ons in 'n slegte gesindheid teenoor ander gespreek het.

Amen.

•••••••

Webtuiste: https://tentvansamekoms.co.za

Sel: +27716283107

MATTHÉÜS 8:23-26 AFR53

Mon, 12 Jan 2026 06:07:25 GMT

23. EN toe Hy in die skuit klim, het sy dissipels Hom gevolg.

24. En daar het 'n groot storm op die see gekom, sodat die skuit toe was onder die golwe; maar Hy was aan die slaap.

25. Daarop kom sy dissipels en maak Hom wakker en sê: Here, red ons, ons vergaan!

26. En Hy sê vir hulle: Waarom is julle bang, kleingelowiges? Toe staan Hy op en bestraf die winde en die see, en daar het 'n groot stilte gekom.

***

Kern gedeelte:

"Waarom is julle bang, kleingelowiges?"

Net soos 2025 sy eie storms gehad het, tye van hartseer, moeilikheid, tye van beproeiwings en die wêreldse uitdaging, sal 2026 ook met sy eie uitdagings na vore kom.

Ons raak so maklik deur die storms oorweldig, deur vrees beetgepak, ons raak negatief in ons gemoed en sien dan geen uitkoms nie.

Een stelling wat ons moet onthou hierdie jaar is, Laat gaan, en laat GOD.

Laat gaan jou storms, gee dit vir GOD, laat Hy daarmee deel, en jy sal ook kan sê, ek dien die GOD wat groter is as my storms, want Hy maak ook die storms in my lewe still.

As jy jou probleme voor GOD se voete geplaas het, laat dit dan daar wanneer jy van die gebed vloer af opstaan!

Moenie alles saamsleep nie, want jou bagasie gaan vir jou te swaar word.

-------

GEBED.

VADER, waar ons nog aan die begin van 'n nuwe jaar is, vra ons vir die inwerking van U Heilige Gees in ons lewe. Leer ons asb hoe om ons probleme en bekommernisse te laat gaan. Gee asb dat ons in moeilike tye U kalmte sal ervaar wat alle verstand te bowe gaan. Waak asb oor ons sodat ons aan die "verderwer" geen ge-opende deur sal gee nie.

In die Naam van ons meester YESHUA, bid is vir elkeen wat vanoggend met twyfel in hulle hart loop. Maak asb hulle storms stil.

Amen.

••••••••

https://tentvamekoms.co.za

Sel: +2771 628 3107

MATTHÉÜS 5:14-16 AFR53

Fri, 09 Jan 2026 06:07:19 GMT

14. Julle is die lig van die wêreld. 'n Stad wat bo-op 'n berg lê, kan nie weggesteek word nie;

15. en 'n mens steek ook nie 'n lamp op en sit dit onder die maatemmer nie, maar op die staander, en dit skyn vir almal wat in die huis is.

16. Laat julle lig só skyn voor die mense, dat hulle julle goeie werke kan sien en julle Vader wat in die hemele is, verheerlik.

***

Kern gedeelte:

"Laat julle lig só skyn voor die mense"

Ek luister na 'n gedeelte oor Ligtorings en die besef kom by my op, Ligtorings is daar geplaas vir 'n rede.

Die ligging van so 'n toring is nie normaalweg ideal nie, maar dit is in areas waar skepe deur storms in die moeilikheid beland en die Ligtorings help om die skepe veilig te hawe te laat inkom.

So word ons ook geplaas in minder ideale plekke, maar bly jy net waar GOD jou geplaas het, want mense wat koers en rigting nodig het deur GOD se Woord sal oor jou pad kom.

Hulle sal hulle rigting vind in die Lig van JESUS CHRISTUS wat deur jou skyn.

Moenie wegbeweeg van waar GOD jou geplaas het nie, en moenie rondval, na mense gaan soek wat jy dink dat hulle hulp nodig het nie.

Staan vas, lewe in GOD, laat Sy Lig skyn, en die mense wat in storms beland het, sal deur jou weer hulle rigting na GOD terugvind.

-------

GEBED.

VADER, U is ons Rots en ons Vesting, en in U is ons hoop om staande te bly. Laat ons nie deur ondankbaarheid, onsekerheid en ontevredenheid ons posisie verlaat of ons grond gebied opgee wat U vir ons bestem het nie. Laat U Heilige Gees ons asb versterk sodat ons, waar ons geplaas is staande kan bly. Laat U Lig sonder ophou deur ons skyn vir ander om te sien.

In die Naam van ons Meester YESHUA, bid ons dat U ons sal rig wanneer ons moet bly en wanneer dit tyd geword het om aan te beweeg.

Amen.

••••••••

Webtuiste: https://tentvansamekoms.co.za

Sel: +27716283107

I THESSALONICENSE 5:16-20 AFR53

Thu, 08 Jan 2026 05:51:10 GMT

16. Wees altyddeur bly.

17. Bid sonder ophou.

18. Wees in alles dankbaar, want dit is die wil van God in Christus Jesus oor julle.

19. Blus die Gees nie uit nie.

20. Verag die profesieë nie.

***

Kern gedeelte:

"Wees in alles dankbaar"

As jy vanoggend wakker geword het met negatiewiteit in jou, en jy voel miskien dat alles net verkeerd loop, jy voel jy kan nie meer nie, dan is dit tyd om net te stop, alles te los en vir GOD dankie te sê.

Dankie vir die gesondheid om vanoggend te kon ontwaak.

Dankie vir oë om hierdie boodskap te kan lees.

Dankie vir 'n dak oor ons kop en 'n bed om in te kon slaap.

Dankie vir voorsiening en dankie vir 'n werk.

Dankie vir mense wat ons ondersteun.

Dankie vir ons vyande want deur hulle ons hoe om ander mense binne GOD se geregtigheid te hanteer.

As jy in 'n gesindheid van dankbaarheid begin beweeg, sal jy verbly wees in dit wat jy het, instede daarvan om negatief en ongelukkig te wees oor dit wat jy nie het nie.

Neem net so oomblik en dink mooi na oor dit wat ek vanoggend sê.

-------

GEBED.

VADER, ons ongelukkigheid lê dikwels in ons soeke na meer. Leer ons asb, en gee ons asb 'n gesindheid van dankbaarheid. Laat ons nie bekommerd wees oor die dag van môre nie, want die dag van môre het sy eie probleme. Vanoggend wil ons ophou kla oor ons tekortkominge en dankie sê vir dit wat ons het. Leer ons asb dat die lewe gaan nie daaroor om alles te kry wat ons wil hê nie, maar dat ons dankbaar en vergenoegd moet wees met dit wat ons reeds het.

In die Naam van ons Meester YESHUA, dankie ons U vir hierdie nuwe dag met nuwe geleenthede.

Amen.

•••••••

Webtuiste: https://tentvansamekoms.co.za

Sel: +27716283107

MATTHÉÜS 4:2-4 AFR53

Wed, 07 Jan 2026 05:55:23 GMT

2. En nadat Hy veertig dae en veertig nagte gevas het, het Hy naderhand honger geword.

3. En die versoeker het na Hom gekom en gesê: As U die Seun van God is, sê dat hierdie klippe brode word.

4. Maar Hy antwoord en sê: Daar is geskrywe: Die mens sal nie van brood alleen lewe nie, maar van elke woord wat deur die mond van God uitgaan.

***

Kern gedeelte:

"Die mens sal nie van brood alleen lewe nie"

Die lewe gaan nie net oor werk, en die liggaam gaan nie net oor brood nie.

Hierdie is dinge wat in GOD se beheer is, en as jy geseënd is met werk en jou inkomste is genoegsaam, dank GOD daarvoor in JESUS CHRISTUS.

Maar as jy vanoggend soek na die voedsel wat lei tot bekering, weg van die sonde, na die ewige lewe, sal jy dit vind in die Woord van GOD.

Namate ons deur GOD se Woord gevoed word, sal ons behoefte na dit wat die wêreld bied verloor, totdat ons die punt bereik waar Habakuk was toe dit met hom minder goed gegaan het, kon hy nog steeds sê:

Alhoewel die vyeboom nie sal bloei en aan die wingerdstokke geen vrug sal wees nie, die drag van die olyfboom sal teleurstel en die saailande geen voedsel oplewer nie, die kleinvee uit die kraal verdwyn en geen beeste in die stalle sal wees nie, nogtans sal ek jubel in die Here, ek sal juig in die God van my heil.

-------

GEBED.

VADER, dankbaar kom ons voor U vanoggend, want U voorsien en U versorg. Daar mag miskien tye gewees het wat dit minder goed gegaan het, maar deur U Woord het ons die krag gekry om alles te oorkom. Dankie dat U ons geleer het dat ons nie van brood alleen sal lewe nie maar van elke Woord wat uit U mond uitgaan.

In die Naam van ons Meester YESHUA, bid ons dat U ons sal versterk sodat ons ook nee kan sê vir versoekings wat ons pad sal kruis.

Amen.

•••••••

Webtuiste: https://tentvansamekoms.co.za

Sel: +27716283107

MATTHÉÜS 7:12-14 AFR53

Tue, 06 Jan 2026 05:56:13 GMT

12. Alles wat julle dan wil hê dat die mense aan julle moet doen, net so moet julle aan hulle ook doen; want dit is die wet en die profete.

13. Gaan in deur die nou poort, want breed is die poort en wyd is die pad wat na die verderf lei, en daar is baie wat daardeur ingaan.

14. Want die poort is nou en die pad is smal wat na die lewe lei, en daar is min wat dit vind.

***

Kern gedeelte:

"en daar is min wat dit vind"

Om GOD te dien moet ons somtyds die keuse maak om die pad alleen te stap, want nou is die pad en min sal dit vind.

Die harde realiteit is dat niemand gaan saam met ons staan wanneer ons voor die Witroon oordeel van GOD gaan staan nie.

Vriende, familie, eggenote of besigheids vriende wat jou van die pad af gelei het, gaan nie namens jou verantwoording doen nie.

Maak jou keuses en sny jou af van die dinge van hierdie wêreld, verloor eerder nou wat jy moet verloor deur jou keuse om GOD te dien, as wat jy jou siel verloor in die ewige verderf.

Elke aksie het 'n reaksie, en elke keuse het 'n nagevolg.

Kies dus om die pad saam met GOD te stap, kies om op die nou pad te bly en laat die ander hulle eie keuses maak.

-------

GEBED.

VADER, waar ons vanoggend voor U staan weet ons waar ons begin dwaal het, ken ons die keuses wat ons gemaak het wat ons weggelei het van ons dieper verhouding met U. Ons kan die skuld pak op wie ons wil, maar aan die einde van die dag was dit ons keuse. Gee ons asb die krag om hierdie keuse terug te draai, reg te maak sodat ons weer binne U Wil vir ons lewe, kan lewe.

In die Naam van ons Meester YESHUA, bid ons vir vergifnis van ons sonde, van ons swak lewens keuses.

Amen.

•••••••

Webtuiste: https://tentvansamekoms.co.za

Sel: +27716283107

MATTHÉÜS 3:1-3 AFR53

Mon, 05 Jan 2026 06:43:01 GMT

1. IN daardie dae het Johannes die Doper opgetree en in die woestyn van Judéa

2. gepreek en gesê: Bekeer julle, want die koninkryk van die hemele het naby gekom.

3. Want dit is hy van wie deur die profeet Jesaja gespreek is toe hy gesê het: Die stem van een wat roep in die woestyn: Berei die weg van die Here, maak sy paaie reguit!

***

Kern gedeelte:

"Bekeer julle"

As jy vanoggend die boodskap lees of luister is jy deel van die bevooregtes wat nog in die lewe is, want soveel persone, waarskynlik met groot drome en ideale vir hulle lewe is nie meer met ons in hierdie nuwe jaar nie.

Almal van ons het nuwe jaar's voorneme en almal beplan wat ons graag wil doen en bereik.

Maar ons lewe is nie in ons eie hande nie, en ons volgende asemteug is nie gewaarborg nie!

Daarom wil ek ook vanoggend vra, bekeer julle, want die Koningkryk van die Hemele het naby gekom!

Moenie soek wat die heidene soek nie want GOD weet wat ons nodig het, maar soek eers die Koningkryk van GOD en Sy Geregtigheid, en al hierdie dinge sal vir julle bygevoeg word.

--------

GEBED.

VADER, ons besef vanoggend dat ons prioriteite vir die nuwe jaar dalk nie so reg is as wat ons gedink het nie want ons het U uit ons beplanning uitgesluit, en het net weer begin stap in 'n rigting wat dalk nie moet wees nie. Bring ons asb tot stilstand deur die inwerking van U Heilige Gees sodat ons eers ons prioriteite sal uitsorteer. In hierdie jaar vra ons dat U Woord 'n lamp vir ons voet en 'n lig vir ons pad sal wees.

In die Naam van ons Meester YESHUA, bid ons vir die krag om staande te bly in 2026.

••••••••

Webtuiste: https://tentvansamekoms.co.za

Sel: +27716283107

MATTHÉÜS 2:12-14 AFR53

Fri, 02 Jan 2026 05:25:51 GMT

12. En omdat hulle in 'n droom 'n goddelike waarskuwing ontvang het om nie na Herodes terug te keer nie, het hulle met 'n ander pad na hul land teruggegaan.

13. EN toe hulle teruggegaan het, verskyn daar 'n engel van die Here in 'n droom aan Josef en sê: Staan op, neem die Kindjie en sy moeder en vlug na Egipte, en bly daar totdat ek jou sê; want Herodes gaan die Kindjie soek om Hom dood te maak.

14. Hy het toe opgestaan, die Kindjie en sy moeder in die nag geneem en na Egipte vertrek.

***

Kern gedeelte:

"in 'n droom 'n goddelike waarskuwing ontvang het"

GOD praat met sy kinders op verskeie maniere, maar ons let daar nie op nie.

Almal droom, maar nie alle drome het 'n betekenis nie.

Wanneer ons egter wakker word uit die droom en dit voel in ons geheue ingebrand is, jy kan nie van die droom vergeet nie, en in jou gees word jy gedurig daaraan herhinner, let dan op want dit kan 'n waarskuwing of besluit bevestiging wees.

Daarom sê die Woord vir ons in Job 33 vanaf vers 14-21 dat GOD met ons spreek deur naggesigte en krankheid met heerlike gevolge wanneer hy die seël van waarskuwing op ons druk om ons van ons verkeerde weë weg te hou.

As GOD ons waarsku deur die inwerking van Sy Heilige Gees, laat ons nie 'n dowe oor draai nie.

-------

GEBED.

VADER, U praat, maar ons luister nie en dikwels volg ons, ons eie kop deur ons eiesinnigheid. Ons word gedryf deur ons eie begeertes wat ons op die verkeerde pad lei en ons baie skade gaan berokken. Maak ons asb sensitief vir U Woord, en laat ons op U waarkuwings gehoor gee.

In die Naam van ons Meester YESHUA, bid ons vir siele tot bekering en vir harte wat op U waarkuwing gehoor sal gee.

Amen.

•••••••

Webtuiste: https://tentvansamekoms.co.za

Sel: +27716283107

SPREUKE 3:1-4 AFR53

Thu, 01 Jan 2026 19:46:14 GMT

1. MY seun, vergeet my onderwysing nie, en laat jou hart my gebooie bewaar

2. want dit sal lengte van dae en jare van lewe en vrede vir jou vermeerder.

3. Laat liefde en trou jou nie verlaat nie; bind dit om jou hals, skryf dit op die tafel van jou hart

4. dan sal jy genade vind en 'n goeie insig in die oë van God en die mense.

***

Kern gedeelte:

"MY seun, vergeet my onderwysing nie"

Almal het sekere voorneme vir die nuwe jaar wat vandag begin het, almal wil graag beter doen en sekere dinge verander.

As daar een ding is wat ek hierdie jaar wil doen is dit om GOD se Woord nie net te lees nie, maar in diepte uit te leef, en dit uit te leef sonder kompromie.

Die wêreld druk al hoe harder en verwag dat ons as GOD se kinders net meer en meer moet agteroor buig.

As ons nie staan vir iets in hierdie lewe nie, dan lewe ons vir niks.

Staan op, neem 'n standpunt in, en lewe voluit vir GOD deur Sy Woord prakties uit te leef.

Laat die wêreld sê en doen wat hulle wil, maar laat ons nooit GOD se onderwysing vergeet, of ons hart sy gebooie laat verbreek nie.

--------

GEBED.

VADER, in hierdie oggend kom ons voor U en vra vir 'n nuwe begin. Laat ons die seer en mislukkings van gister agterlaat en besef dat vanoggend is 'n splinternuwe dag, 'n splinternuwe begin. Laat ons die geleentheid aangryp om die pad hierdie jaar saam met U, binne U Wil te stap. Laat U Heilige Gees ons asb lei op die pad wat U behaag.

In die Naam van ons Meester YESHUA, bid ons vir vrede, vreugde, voorspoed en gesondheid oor elkeen wat hierdie boodskap lees of luister.

Amen.

•••••••

Webtuiste: https://tentvansamekoms.co.za

Sel: +27716283107

SPREUKE 24:16-18 AFR53

Wed, 31 Dec 2025 06:45:37 GMT

16. Want sewe maal val die regverdige en staan weer op, maar die goddelose struikel in die ongeluk.

17. As jou vyand val, verheug jou nie; en as hy struikel, laat jou hart nie juig nie,

18. dat die Here dit nie sien en dit miskien verkeerd is in sy oë en Hy sy toorn van hom afwend nie.

***

Kern gedeelte:

"Want sewe maal val die regverdige en staan weer op"

Waar ons vanoggend hierdie boodskap lees, is ons aan die einde van 2025, nog 'n jaar is verby.

Aan die begin van die jaar het ons waarskynlik gedink dat ons nie hierdie jaar sal deursien nie, en tog, hier is ons, GOD het ons daadwerklik deurgedra.

So is die lewenspad, en daarom staan daar geskrywe sewe maal val die regverdige en staan weer op.

Die krag wat jou oprig, wat jou laat opstaan kom die van die wêreld nie, maar van die Lewende GOD wat die hemel en die aarde gemaak het!

Soos hulle in Engels sê, life might knock you down but is will never keep you down.

En selfs waar ons vyande gestruikel het, het ons, onself nie daaroor verheug nie, maar GOD gevra om hulle deur te help sodat hulle nog die geleentheid gegun word om JESUS CHRISTUS as hulle Verlosser en Saligmaker aan te neem.

-------

GEBED.

VADER, dankie dat ons vanoggend die laaste dag van die jaar 2025 kan beleef, en die eer aan U kan gee. Waar ons nie meer kon nie, het U ons deurgedra, het U ons opgerig, sodat ons kon besef dat uit ons eie krag sou ons nie hierdie jaar kon deursien nie. Open asb ons oë vir ander se nood sodat ons die helpende hand kan uitreik na iemand wat dit nodig het.

In die Naam van ons Meester YESHUA, dank ons U vir nog 'n jaar wat ons die pad saam met U kon stap.

Amen.

-------

Webtuiste: https://tentvansamekoms.co.za

Sel: +27716283107

II KORINTHIËRS 12:7-9 AFR53

Tue, 23 Dec 2025 12:31:47 GMT

7. En dat ek my oor die voortreflikheid van die openbaringe nie sou verhef nie, is my 'n doring in die vlees gegee, 'n engel van die Satan, om my met die vuis te slaan, dat ek my nie sou verhef nie.

8. Hieroor het ek die Here drie maal gebid, dat hy van my sou wyk.

9. En Hy het vir my gesê: My genade is vir jou genoeg, want my krag word in swakheid volbring. Baie liewer sal ek dus in my swakhede roem, sodat die krag van Christus in my kan woon.

***

Kern gedeelte:

"dat ek my nie sou verhef nie"

Deur die verloop, die meule van die lewe, het ek geleer dat dit wat ek as my doring in my my vlees gesien het, dit wat my tot struikeling was, juis deur GOD daar geplaas is om my te beskerm teen myself.

Sonder die gegewe probleem sou ek waarskynlik te vroeg begin beweeg het, meer voortreflik gewees het op tye wat omstandighede nie daarvoor gereed was nie.

Persoonlike groei moes eers plaasvind, GOD moes deur hierdie doring in ons vlees ons karakter bou, en ons moes eers leer om dit te kan waardeur wat GOD later op ons pad sou bring.

Baie persone wat vanoggend hierdie boodskap lees, sal hiermee kan identifiseer, waar hulle ook voel dat sonder hierdie probleem in hulle lewe sou hulle baie beter gedoen het, verder vooruit gewees het in die lewe.

Maar as jy in stilte voor GOD terug kyk oor die saak, eers dan besef jy dat alles in die lewe het 'n seisoen, en tot nou toe was die seisoen nie reg nie.

Al die leg-kaart stukkies van GOD se plan was nog nie in plek nie, omdat ons eers ons nederigheid voor GOD moes vind.

Want as ons in nederigheid op ons knieë voor GOD bly, sal ons kan staande bly voor die ,"verderwer" teen sy planne om ons van GOD se plan te weerhou!

-------

GEBED.

VADER, vir jare lank reeds bid ons reeds oor hierdie doring in ons vlees, want in die begin het ons dit as 'n straf gesien maar namate die jare aangestap het, kan ons nou terugkyk en sien hoe U ons daardeur beskerm het omdat ons eers moes groei, eers sterker moes word om die probleme van die wêreld direk aan te spreek. Ek weet nou dat selfs met hierdie doring in my vlees het U ook 'n doel gehad. Dankie dat U hierdeur, my teen myself beskerm het.

In die Naam van ons Meester YESHUA, dank ons U vir hierdie doring in ons vlees en elke probleem wat ons gehelp het om te laat groei en deurlopend sterker gemaak het.

Amen.

°°°°°°°°

Webtuiste: https://tentvansamekoms.co.za

Sel: +27716283107

EFÉSIËRS 6:5-7 AFR53

Mon, 22 Dec 2025 10:42:01 GMT

5. Diensknegte, wees gehoorsaam aan julle here na die vlees, met vrees en bewing, in opregtheid van julle hart, soos aan Christus;

6. nie met oëdiens soos mensebehaers nie, maar soos diensknegte van Christus wat die wil van God van harte doen

7. en met goedwilligheid die Here dien en nie mense nie,

***

Kern gedeelte:

"nie met oëdiens soos mensebehaers nie"

Soveel van ons probeer nog die mens behaag deur ons optrede waar ons onself probeer voordoen wie en wat ons nie is nie.

Maar as ons JESUS CHRISTUS ontmoet het, en geleer het om binne GOD se Wil te leef deur die Leiding van die Heilige Gees, dan verander sake.

Wat die mense dan van ons dink, skeel ons min, en soos ons deur die Gees gelei word, so sal ons doen.

Solank as wat ons bereid is om voor die opinie van mense te buig, sal ons nie in die Wil van GOD leef nie.

As jy GOD in waarheid dien, is die keuse baie maklik.

So, voor jy vanoggend voortgaan met dit wat jy wil doen, stop 'n oomblik en maak seker hoekom jy dit wil doen, wie jy wil behaag?

-------

GEBED.

VADER, ons trap so maklik in die slaggate van die lewe omdat ons die mens gunse wil doen, omdat ons die mens wil behaag sonder om daaraan te dink wat U Wil vir ons lewe is. Laat U Heilige Gees asb vanoggend op ons hart inwerk sodat ons sal wegdraai van ons weë, sodat ons U Wil sal kies bo alles in ons lewe. Vergewe ons asb ons menslike tekortkomeninge.

In die Naam van ons Meester YESHUA, bid ons vir U Leiding en rigting in ons lewe.

Amen.

•••••••

Webtuiste: https://tentvansamekoms.co.za

Sel: +27716283107

SPREUKE 17:27-28 AFR53

Fri, 19 Dec 2025 06:09:57 GMT

27. Wie sy woorde inhou, besit kennis; en hy wat kalm is van gees, is 'n man van verstand.

28. Selfs 'n sot sal as hy swyg, vir wys gereken word; as hy sy lippe toehou, vir verstandig.

***

Kern gedeelte:

"Selfs 'n sot sal as hy swyg, vir wys gereken word"

Ek was vanoggend reeds besig om 'n ander gedeelte uit GOD se Woord voor te berei om uitgestuur te word, maar hierdie gedeelte het so swaar op my hart gelê dat ek van voor af begin het.

Maar gehoorsaamheid aan GOD deur die leiding van Sy Heilige Gees is beter as 'n offer, as die vet van ramme.

Miskien gaan vanoggend se boodskap nie net daaroor om ons woorde in te hou nie, maar oor gehoorsaamheid om van koers te verander wanneer ons die inspraak van die Heilige Gees ervaar.

Terug na vanoggend se Skrif gedeelte, verstaan asb die volgende:

Nie elke vraag is 'n antwoord werd nie, en soms is stilbly ook 'n antwoord.

Bly kalm, en plaas 'n wag voor jou mond, want woorde is soos dons vere in die stormwind, dit kan nooit weer terug getrek word nie.

-------

GEBED.

VADER, vanoggend kan ek nie besluit of U 'n waarskuwing rig en of U bloot gehoorsaamheid aan die leiding van U Heilige Gees toets nie. U Woord is 'n lamp vir ons voet en 'n lig vir ons pad, en daarom is dit vir ons belangrik om die pad te stap waarop U ons lei. Leer ons asb om in gehoorsaamheid aan U Stem te lewe. Laat die twyfel wat die "verderwer" in ons lewe saai ons nie van koers af druk nie.

In die naam van ons Meester YESHUA, bid ons vir elkeen op ons paaie wat gaan reis. Hou asb U Hand van beskerming oor elkeen.

Amen.

•••••••

Webtuiste: https://tentvansamekoms.co.za

Sel: +27716283107

PSALMS 124:1-4, 8 AFR53

Thu, 18 Dec 2025 06:55:28 GMT

1. As die Here nie vir ons was nie — laat Israel dit sê

2. as die Here nie vir ons was toe die mense teen ons opgestaan het nie,

3. dan het hulle ons lewendig verslind toe hulle toorn teen ons ontvlam het;

4. dan het die waters ons oorstroom, 'n stroom het oor ons siel gegaan;

8. Ons hulp is in die Naam van die Here wat hemel en aarde gemaak het.

***

Kern gedeelte:

"As die Here nie vir ons was nie"

Al was ons hierdie jaar al deur diep water en bittere beproewings, het GOD ons deurgedra tot waar ons vandag is.

Met sekere tye kon ons nie die lig sien aan die einde van die tonnel nie, en tog is ons ook daardeur.

Dit laat my dink aan die foto waar iemand saam JESUS op die strand gestap het, waar die twee rye spore in die sand, net een ry spore geword het.

Toe die persoon terugkyk kom die vraag op, waarom het U my verlaat.

JESUS het geantwoord, waar jy die een ry spore sien, is waar jy nie meer kon nie, en Ek het jou gedra.

Mag GOD ons ook deur die res van hierdie jaar dra, en as GOD nie vir ons was nie, laat ons dit dan sê, want ons hulp is in die Naam van die HERE wat hemel en aarde gemaak het.

-------

GEBED.

VADER, in dankbaarheid kom ons vanoggend voor U, in dankbaarheid gaan ons hierdie nuwe dag in, want U het gesê dat U ons nooit sal faal en dat U ons nooit sal verlaat nie. Vergewe ons asb ons twyfel en onsekerheid en maak ons asb standvastig in U. Laat ons nie deur die golwe van die lewe rondgeslinger word nie.

In die Naam van ons Meester YESHUA, bid ons vir elkeen wat die stryd teen kanker veg. Lê asb U genesende hande op elkeen.

Amen.

•••••••

Webtuiste: https://tentvansamekoms.co.za

Sel: +27716283107

II KORINTHIËRS 10:3-4 AFR53

Wed, 17 Dec 2025 07:59:36 GMT

3. Want hoewel ons in die vlees wandel, voer ons die stryd nie volgens die vlees nie;

4. want die wapens van ons stryd is nie vleeslik nie, maar kragtig deur GOD om vestings neer te werp,

***

Kern gedeelte:

"maar kragtig deur GOD"

As die woorde so bietjie byt vanoggend, laat dit dan so wees!

Waar jy GOD betrokke maak, sal jy oorwin, maar sonder GOD in jou lewe, sal jy in struikeling eindig.

Ons wil so graag op onself roem, maar ons kan nie eers ons volgende asemteug waarborg nie.

En as jy vandag moet roem, roem dan in GOD, deur Sy Seun JESUS CHRISTUS, wat alles vir jou moontlik gemaak het, vir jou die verlossing gebring het en jou terug gelei het na GOD toe.

In ons eiewysheid mag ons dalk gedink het, dat ons het alles tot hier toe hanteer, maar ons was nie bewus van die aller-om beskermde teenwoordigheid van ons Skepper nie.

Miskien moet ons net vir 'n oomblik terug dink hoe GOD ons versterk, gedra en beskerm het tot waar ons vandag is.

Aan ons GOD al die lof, en eer, en laat ons Sy Naam grootmaak.

-------

GEBED.

VADER, waar ons vandag voor U stilraak, word ons so mooi daaraan herhinner waar ons krag vandaan kom. Min besef ons eintlik dat U kragtig deur ons werk om die aanslae teen te staan, terwyl ons soms nie eers daarvan bewus was nie . Ons dank U vanoggend dat U ons lei deur die inwerking van U Heilige Gees, en ons beskerm waar ons magteloos voor die "verderwer" staan.

In die Naam van ons Meester YESHUA, dank ons U vir die beskerming, leiding, wysheid en insig waar U ons daagliks gee op ons lewenspad.

Amen.

•••••••

Webtuiste: https://tentvansamekoms.co.za

Sel: +27716283107

PSALMS 34:13-14, 16, 19-20 AFR53

Tue, 16 Dec 2025 15:58:53 GMT

13. Wie is die man wat lus het in die lewe, wat dae liefhet om die goeie te sien?

14. Bewaar jou tong vir wat verkeerd is, en jou lippe dat hulle nie bedrog spreek nie.

16. Die oë van die Here is op die regverdiges, en sy ore tot hulle hulpgeroep.

19. Die Here is naby die wat gebroke is van hart, en Hy verlos die wat verslae is van gees.

20. Menigvuldig is die teëspoede van die regverdige, maar uit dié almal red die Here hom.

***

Kern gedeelte:

"Menigvuldig is die teëspoede"

Ons mag miskien in die wêreld wees, maar ons is nie van die wêreld nie.

Een ding is baie seker!

Hoe nader ons aan ons Skepper beweeg, hoe meer sal die wêreld teen ons draai.

Daaglikse probleme sal oor ons pad kom, maar deur gebed sal jy krag kry om dit te oorkom.

GOD sal niks oor jou pad laat kom, waarvoor Hy jou nie die krag sal gee om dit te oorkom nie, om dit te oorwin nie.

Daarom sê GOD vir ons deur Sy Woord:

Menigvuldig is die teëspoede van die regverdige, maar uit dié almal red die Here hom.

Moenie moed verloor nie want die oë van GOD is op die regverdige!

-------

GEBED.

VADER, almal smag na 'n lewe sonder probleme, terwyl U deur U Woord vir ons sê, dat probleme deel van ons lewe sal wees. Laat ons nie versuim om te bid, en U te kên in elke saak nie. Deur ons eiewysheid sal ons struikel, maar as ons tyd op ons knieë voor U deurbring sal ons staande bly voor die wêreld. Dankie dat U ons versterk teen elke aanslag in ons lewe.

In die Naam van ons Meester YESHUA, bid ons vir die krag en inwerking van U Heilige Gees in ons lewe.

Amen.

•••••••

Webtuiste: https://tentvansamekoms.co.za

Sel: +27716283107

II KORINTHIËRS 9:6-8 AFR53

Mon, 15 Dec 2025 06:34:13 GMT

6. Maar dink daaraan: Wie spaarsaamlik saai, sal ook spaarsaamlik maai; en wie volop saai, sal ook volop maai.

7. Laat elkeen gee soos hy hom in sy hart voorneem, nie met droefheid of uit dwang nie, want God het 'n blymoedige gewer lief.

8. En God het mag om alle genade oorvloedig oor julle te laat wees, sodat julle altyd in alle opsigte volop kan hê en oorvloedig kan wees tot elke goeie werk.

***

Kern gedeelte:

"Laat elkeen gee soos hy hom in sy hart voorneem"

Vanoggend wil ek twee dinge onder jou aandag bring!

Die eerste is dat ons nie met 'n toe hand deur die lewe kan gaan nie.

Soos ons met 'n oop hand gee sal ons ook met 'n oop hand van GOD af ontvang.

Maar pasop, nie almal is dankbaar vir die hulp nie, want hulle lewe in die gretigheid en hebsug na meer.

Wat vandag se hulp is, word môre se verwagting.

Soos miere stroom na die suiker, stroom die misbruikers na die persoon wat te maklik uitdeel.

Daarom is dit nodig om te bid en te vra vir die Leiding van GOD se Heilige Gees in elke saak, laat die Heilige Gees aan jou openbaar waar hulp werklik nodig is.

Ja, GOD het die blymoedige gewer lief, maar onverskillige hulp gaan later jou tot spyt en las wees.

-------

GEBED.

VADER, hierdie skrif gedeelte word orals deur misbruikers gebruik om op mense se gevoel te speel, om hulp te verleen waar dit nie nodig is nie. Ons vra dat U ons sal lei in hierdie saak en laat ons weerstandig sal word deur die inwerking van U Heilige Gees, sodat ons nie in die strikke van misbruik sal trap nie. Laat dit asb op ons hart gelê waar hulp werklik nodig is.

In die Naam van ons Meester YESHUA, bid ons vir U Leiding, Wysheid en Insig sodat ons met ge-opende oë die pad kan stap.

Amen.

•••••••

Webtuiste: https://tentvansamekoms.co.za

Sel: +27716283108

II KORINTHIËRS 5:11, 13-14 AFR53

Thu, 11 Dec 2025 06:29:13 GMT

11. OMDAT ons dan die vrees van die Here ken, probeer ons om die mense te oortuig; maar voor God is ons openbaar, en ek hoop om ook in julle gewetens openbaar te wees.

13. Want as ons uitsinnig is, is dit tot eer van God; en as ons by ons verstand is, is dit om julle ontwil.

14. Want die liefde van Christus dring ons.

***

Kern gedeelte:

"Want die liefde van Christus dring ons"

Wanneer jy werklik JESUS CHRISTUS aanvaar het as jou Verlosser en Saligmaker, kan jy nie anders as om die Evangelie van Verlossing te verkondig nie.

Dit sal in jou handel en wandel gesien kan word want jy het die liefde vir GOD, die respekvolle vrees vir Hom leer ken as ons Abba Vader.

Dit kan nie anders nie!

As die Gees van GOD by jou inwoon, sal jy jou nie meer skaam oor die Woord van GOD of die Evangelie van Sy Seun nie.

Inteendeel, dit sal oorkook in jou, soos 'n bruis tablet in 'n oorvol glas water.

Waar jy vandag uitgaan, laat toe dat die Gees van GOD deur jou spreek tot ander.

-------

GEBED.

VADER, ons vra vir die krag, wysheid en insig om ander van U Woord, U Verlossings plan te leer, sodat hulle ook U Seun sal aanneem as hulle persoonlike Verlosser en Saligmaker. Laat U Heilige Gees deur ons werk om ander mense na U toe te lei. Laat ons nooit swyg oor U, of Woord nie.

In die naam van ons Meester YESHUA, bid ons vir die vrymoedigheid om U Woord te kan verkondig.

Amen.

•••••••

Webtuiste: https://tentvansamekoms.co.za

Sel: +27716283107

II KORINTHIËRS 4:16, 18 AFR53

Wed, 10 Dec 2025 10:38:48 GMT

16. DAAROM gee ons nie moed op nie, maar al vergaan ons uiterlike mens ook, nogtans word die innerlike mens dag ná dag vernuwe.

18. omdat ons nie let op die sigbare dinge nie, maar op die onsigbare; want die sigbare dinge is tydelik, maar die onsigbare ewig.

***

Kern gedeelte:

"DAAROM gee ons nie moed op nie"

Miskien was jy 'n jaar gelede in 'n posisie waar jy gedink het dat jy dit nie sou maak tot aan die einde van daardie jaar nie, en tog hier is jy vanoggend waar jy die boodskap lees of luister.

Ons omstandighede verander daagliks maar ons standvastigheid in GOD verander nooit.

As jy vanoggend oorweldig voel, onthou waar jou krag vandaan kom, draai jou gesig weg van die tydelike, van jou omstandighede en begin fokus op GOD.

Lees GOD se Woord en spandeer tyd in gebed, en weet dat Hy is ons GOD wat die onmoontlike, moontlik maak.

Die wiel van die lewe hou aan draai, en wat vandag onder mag wees, stel GOD môre weer bo.

Onthou, alles sal vergaan maar die Woord van GOD, die sal bly staan.

-------

GEBED.

VADER, in twyfel sien ons slegs die negatiewe, want dit is beeld wat die wêreld vir ons voorhou, maar as ons verby die tydelike kyk, sien ons die groter plan wat U vir ons berei het, want U plan vir ons lewe is 'n toekoms van lewe en oorvloed. Gee ons asb krag sodat ons tydelike omstandighede ons nie sal oorweldig nie.

In die Naam van ons Meester YESHUA, bid ons vir die krag om staande te bly in die oomblik van storms.

Amen.

•••••••

Webtuiste: https://tentvansamekoms.co.za

Sel: +27716283107

II KORINTHIËRS 2:16-17 AFR53

Tue, 09 Dec 2025 06:29:04 GMT

16. vir die laaste 'n reuk van die dood tot die dood, maar vir die eerste 'n reuk van die lewe tot die lewe. En wie is tot hierdie dinge bekwaam?

17. Want ons is nie soos baie wat handel dryf met die woord van God nie; maar as uit opregtheid, maar as uit God, in die teenwoordigheid van God, spreek ons in Christus.

****

Kern gedeelte:

"wat handel dryf met die woord van GOD"

In die hedendaagse tyd waarin ons leef, is hierdie 'n besonderde sensitiewe onderwerp.

As ons waag om hieroor iets te sê, voel die persone wat hiermee besig is, baie geaffronteerd.

Om hierdie rede wil ek jou ook vanoggend vra, dat jy ook niks sal sê nie, maar net rondkyk en sien watter sondes goedgekeur word ter wille van geld, ter wille van die insameling van die tiendes.

Vra dat die Heilige Gees jou hierin sal lei, en jou oë sal open.

Kortliks sal jy weet en ervaar of jy langer daar moet bly, langer tyd moet spandeer in die nes van van adders.

Die waarheid van GOD se Woord is nie te koop nie!

-------

GEBED.

VADER, maak ons asb bewus van dit wat rondom ons aangaan, waar U Woord verdraai word ter wille van geld, en laat ons daarvan nie deel sal wees nie. Lei ons asb na die waarheid van U Woord, al beteken dit dat ons langs die pad mense sal verloor wat weier om die waarheid te sien, mense van vasgevang is in die verblinding van die "verderwer".

In die Naam van ons Meester YESHUA bid ons dat U Waarheid ons sal vrymaak van dit waarmee die wêreld ons mislei.

Amen.

•••••••

Webtuiste: https://tentvansamekoms.co.za

Sel: +27716283107

I KORINTHIËRS 15:57-58 AFR53

Mon, 08 Dec 2025 06:47:08 GMT

57. Maar God sy dank, wat ons die oorwinning gee deur onse Here Jesus Christus.

58. Daarom, my geliefde broeders, wees standvastig, onbeweeglik, altyd oorvloedig in die werk van die Here, omdat julle weet dat julle arbeid in die Here nie tevergeefs is nie.

***

Kern gedeelte:

"wat ons die oorwinning gee deur onse Here Jesus Christus"

Het jy al gevoel jy kan nie meer nie, dinge raak te moeilik en jy wil opgee, maar aan die einde van die dag, week of maand, as jy terugkyk, het jy jou berg van probleme oorkom.

So ook wanneer ons in die Woord van GOD lewe, die Woord van GOD verkondig, daar sal dae kom wat ons vra, maak dit ooit 'n verskil, is dit die moeite werd om aan te gaan.

Vroeër in die bediening het ek myself moeg geworstel, dikwels gebid en gevra hoekom GOD my nie kerk toe stuur nie, en die antwoord wat ek ontvang het was eenvoudig!

Werk jy waar ek jou geplaas het!

Paulus het ook nie in 'n kerk gebou gesit en wag dat mense na hom toe kom nie!

Ek vra nie meer hoekom ek voltyds moet werk en terselfdetyd in die bediening moet staan nie want ek weet dat waar ek ook vandag mag gaan, GOD sal iemand stuur wat nodig het om Sy Woord te hoor en GOD stuur dit reguit na daardie persoon se werksplek.

Waar jy ookal vandag mag gaan, hou GOD se Woord lewend op jou lippe, en lewe met die wete dat julle weet dat julle arbeid in die Here nie tevergeefs is nie.

-------

GEBED.

VADER, dankie vir nog 'n dag, nog 'n geleentheid om U Woord uit te dra, en mag hierdie woord bekleed wees met U Krag, Genade, Outoriteit en Seën sodat dit 'n verskil sal maak, waar dit ookal gelees of geluister mag word. Laat ons nooit moeg word om U Woord uit te dra, te verkondig nie.

In die Naam van ons Meester YESHUA, bid ons vir ons gesinne, want die "verderwer" weet dat 'n gesin in GOD gevestig, is onbreekbaar.

Amen.

•••••••

Webtuiste: https://tentvansamekoms.co.za

Sel: +27716283107

JOB 42:7-8 AFR53

Fri, 05 Dec 2025 06:34:03 GMT

7. EN nadat die Here Job toegespreek het met hierdie woorde, sê die Here aan Élifas, die Temaniet: My toorn het ontvlam teen jou en jou twee vriende; want julle het nie reg van My gespreek soos my kneg Job nie.

8. Neem dan nou vir julle sewe bulle en sewe ramme, en gaan na my kneg Job en bring 'n brandoffer vir julle, en laat my kneg Job vir julle bid; want hom alleen sal Ek in guns aanneem, sodat Ek aan julle nie die dwaasheid laat vergelde nie; want julle het nie reg van My gespreek soos my kneg Job nie.

***

Kern gedeelte:

"en laat my kneg Job vir julle bid"

Orals op die lewenspad gaan mense met ons verskil, maar ons moet dit nooit so persoonlik maak dat ons nie vir hulle kan bid nie.

Ja, JOB se vriende het met hom geargumenteer, maar op die einde was hulle verkeerd en JOB moes vir hulle bid.

Job aan die ander kant was ook nie ongehoorsaam toe hy vir sy vriende moes bid.

As ons verder sou lees sal ons sien GOD het Job se lot verander nadat hy vir sy vriende gebid het.

Moenie toelaat dat weersin jou hart oorneem nie, maar bid eerder vir die mense met wie jy verskil.

Dit kan slegs sake verbeter.

-------

GEBED.

VADER, ons neem alles persoonlik op en keer ons in onself, want die mense het met ons verskil. Leer ons asb vandag dat verskille bou karakter, en geen argument is so belangrik dat ons nodig het om ons siel daaroor te verloor nie. Leer ons asb om eerder vir mense te bid as om hulle te kritiseer, te vergewe eerder as om hulle te woorde te kruisig.

In die Naam van ons Meester YESHUA, bid ons dat U ons sal help om te vergewe en aan te beweeg.

Amen.

•••••••

Webtuiste: https://tentvansamekoms.co.za

Sel: +27716283107

I KORINTHIËRS 15:33-34 AFR53

Wed, 03 Dec 2025 06:37:45 GMT

33. Moenie dwaal nie; slegte gesprekke bederf goeie sedes.

34. Wees nugter op die regte manier, en sondig nie; want sommige het geen kennis van God nie. Ek sê dit tot julle beskaming.

***

Kern gedeelte:

"want sommige het geen kennis van GOD nie"

As jy al die pad gestap het om die Evangelie van JESUS CHRISTUS te verkondig, dan sal jy verstaan wat Paulus probeer sê.

Daar is mense wat nie nie Woord van GOD wil erken of aanvaar nie, want hulle het geen kennis van GOD nie, hulle lewe net vir hulleself en in hulleself.

"Die mens" is vir homself die belangrikste deel in "sy heelal" en op die gegewe oomblik gaan niks die saak verander nie.

Kind van GOD, moenie betrokke raak in woorde en gesprekke wat tot dwaling gaan lei nie.

As jy die Woord gegee het, JESUS CHRISTUS verkondig het, draai om en stap weg.

Laat die meule van die lewe sy gang gaan en los die res vir die inwerking van die Heilige Gees om op die regte tyd die persoon se hart aan te raak.

Die bloed is nie meer op jou hande nie!

-------

GEBED.

VADER, ons hou aan en aan om dieselfde woord te verkondig aan iemand wat nie gehoor gee nie en dit bring ons van stryk, ons raak moedeloos oor die situasie. Dit begin ons verhouding met U affekteer en ons word tot dwaling gelei. Bevestig asb dat vandag die dag is om aan te beweeg, en die res in U hande te los.

In die Naam van ons Meester YESHUA, bid ons vir die hardnekkige sondes in ons lewe. Gee ons asb die krag om dit te oorkom.

Amen.

•••••••

Webtuiste: https://tentvansamekoms.co.za

Sel: +27716283107

MARKUS 5:35-36 AFR53

Tue, 02 Dec 2025 06:29:51 GMT

35. Terwyl Hy nog spreek, kom daar mense van die owerste van die sinagoge se huis en sê: U dogter is dood. Waarom val u die Meester nog lastig?

36. Maar dadelik, toe Jesus die woord hoor wat gespreek is, sê Hy vir die owerste van die sinagoge: Moenie vrees nie; glo net.

***

Kern gedeelte:

"Moenie vrees nie; glo net"

Een ding wat ons moet verstaan, is GOD is nooit laat nie!

As Lazarus betyds genees was, en hy nie reeds vier dae dood was nie, sou dit waarskynlik nie in GOD se Woord beskrywe gewees het nie.

As die owerste van die sinagoge vroeër by JESUS uitgekom het, sou ook hierdie gebeurtenis moontlik nie genoem geword het nie.

Maar beide sake is afgehandel, beide die owerste van die sinagoge se dogtertjie en Lazarus lewe, maar dit het gebeur ter ere van GOD.

By Lazarus se graf moes mense verstaan dat niks vir GOD onmoontlik is nie, en die owerste van die sinagoge moes die woorde hoor: Moenie vrees nie, glo net!.

Vandag wanneer dit vir jou voel of dit te laat is, of daar geen meer keer aan sake is nie nie, wil ek vir jou sê, Moenie vrees nie, glo net.

GOD sal jou nooit faal nie en jou nooit verlaat nie!

-------

GEBED.

VADER, in die kortsigtigheid van ons gemoed verwag ons dat iets onmiddelik moet gebeur, volgens ons wil en ons weg. Ons ken ten dele en sien ten dele, maar U sien die groter prentjie, en U tyds berekering is perfek. Vergewe ons asb ons sonde van ongeduld en ons onvermoë om op U te wag. Vergewe ons omdat ons gedurig U plan vir ons lewe wil aanjaag.

In die Naam van ons Meester YESHUA, bid ons vir die geduld om te wag sodat ons nie in die pad van U planne sal kom nie.

Amen.

•••••••

Webtuiste: https://tentvansamekoms.co.za

Sel: +27716283107

PSALMS 133:1-3 AFR53

Fri, 28 Nov 2025 06:31:54 GMT

1. Kyk, hoe goed en hoe lieflik is dit dat broers ook saamwoon!

2. Dit is soos die kosbare olie op die hoof, wat afloop op die baard, die baard van Aäron, wat afloop op die soom van sy klere.

3. Dit is soos die dou van Hermon wat neerdaal op die berge van Sion; want daar gebied die Here die seën, die lewe tot in ewigheid!

***

Kern gedeelte:

Kyk, hoe goed en hoe lieflik is dit dat broers ook saamwoon!

Die twis onder broers se oorsprong lê in die wêreld en sy begeertes, maar eenheid onder broers kom deur eenheid in GOD en Sy Woord.

Wanneer twee broers tot volwassenheid gegroei het in hulle verhouding met GOD sal hulle ook sake tussen mekaar in volwassenheid met mekaar kan hanteer.

Niemand in hierdie lewe is altyd reg nie, maar as ons in GOD se onpartydige opregtheid staan, sal ons nie net ander mense se punt insien nie, maar ons sal ook ons eie foute raaksien.

Onthou, daar waar eenheid is, daar sal die seëninge van die GOD ook uit gestort word.

-------

GEBED.

VADER, gee ons asb die krag om nie in nuttelose argumente betrokke te raak nie maar dat ons eerder sal soek na oplossings wat U sal behaag. Laat ons mekaar ondersteun en deurdra instede daarvan dat ons net na ons eie gewin, voordeel en belange wil soek. Leer ons asb om met 'n oop hand en 'n oop hart te lewe.

In die Naam van ons Meester YESHUA, bid ons dat U ons sal leer hoe om in eenheid met mekaar te staan.

Amen.

•••••••

Webtuiste: https://tentvansamekoms.co.za

Sel: +27716283107

I KORINTHIËRS 14:19-20 AFR53

Thu, 27 Nov 2025 06:23:13 GMT

19. maar in die gemeente wil ek liewer vyf woorde met my verstand spreek om ook ander te onderrig, as tienduisend woorde in 'n taal.

20. Broeders, moenie kinders wees in die verstand nie, maar wees kinders in die boosheid en wees volwassenes in die verstand.

***

Kern gedeelte:

"wil ek liewer vyf woorde met my verstand spreek"

Soveel mense probeer ander mense na JESUS CHRISTUS toe dryf, instede daarvan om hulle na Hom toe te lei.

Oormatige gebruik van woorde en skynheilige illustrasie van 'n vals lewensstyl sal mettertyd tot chaos lei, en dit dryf mense nog verder weg van bekering.

Vertel mense van JESUS CHRISTUS, hulle sal Sy Lig deur jou lewenswyse sien skyn, en wanneer jy dan spreek sal dit woorde van outoriteit wees, woorde deur GOD in jou mond gelê.

Lei deur voorbeeld hoe om GOD te dien, laat jou dade spreek, en wanneer jy dan woorde spreek, sal dit woorde wees, gesreek met verstand, woorde bevestig deur die Krag van GOD.

-------

GEBED.

VADER, gee ons asb die krag om stil te bly, maar beklee asb ons woorde met outoriteit, sodat wanneer ons spreek, sal dit woorde tot stigting wees, wat ander op die weg na saligheid sal lei. Laat ons woorde nie 'n struikeling wees vir ander nie.

In die Naam van ons Meester YESHUA, bid ons vir harte wat ander mense in nederigheid tot bekering sal lei.

Amen.

•••••••

Webtuiste: https://tentvansamekoms.co.za

Sel: 0725104040

I KORINTHIËRS 13:1 AFR53

Wed, 26 Nov 2025 06:30:35 GMT

1. AL sou ek die tale van mense en engele spreek, en ek het nie die liefde nie, dan het ek 'n klinkende metaal of 'n luidende simbaal geword.

***

Kern gedeelte:

"en ek het nie die liefde nie"

Ek wil niks byvoeg nie maar slegs uit GOD se Woord lees.

• Die liefde is lankmoedig en vriendelik

* die liefde is nie jaloers nie

* die liefde praat nie groot nie, is nie opgeblase nie

* handel nie onwelvoeglik nie, soek nie sy eie belang nie

* word nie verbitterd nie, reken die kwaad nie toe nie

* is nie bly oor die ongeregtigheid nie,

* maar is bly saam met die waarheid.

* Dit bedek alles, glo alles, hoop alles, verdra alles.

* En nou bly geloof, hoop, liefde, hierdie drie

• maar die grootste hiervan is die liefde.

-------

GEBED.

VADER, daar is 'n fyn lyn tussen die liefde wat U Woord ons leer en die "liefde" wat die wêreld ons probeer leer, wanneer die "verderwer" verwag dat ons sonde moet goedkeur ter wille van wêreldse "liefde". Leer ons asb elkeen om mekaar binne U Liefde, binne U Geregtigheid te hanteer sodat ons in onpartydige opregtheid voor U kan staan.

In die Naam van ons Meester YESHUA, bid ons dat U ons, ons tekortkominge sal vergewe. Leer ons asb om daagliks na beter te strewe.

Amen.

•••••••

Webtuiste: https://tentvansamekoms.co.za

Sel: +27716283107

JOB 39:35-38 AFR53

Tue, 25 Nov 2025 06:28:51 GMT

35. Wil die berisper met die Almagtige twis? Laat hy wat God teregwys, hierop antwoord!

36. Toe het Job die Here geantwoord en gesê:

37. Kyk, ek is te gering. Wat kan ek U antwoord? Ek lê my hand op my mond.

38. Een maal het ek gespreek, maar sal nie meer antwoord nie; ja, twee maal, maar ek sal nie voortgaan nie.

***

Kern gedeelte:

"Kyk, ek is te gering"

Dit is eers as ons in stille nabetragting na ons lewe terugkyk dat ons kan sien hoe GOD ons lewens gerig het.

Hoe Hy ons deur die inwerking van Sy Heilige Gees beskerm het, ons van die verkeerde paaie afgehou het.

Daar was tye dat GOD dinge toegelaat het om ernstig skeef te loop, om ons teen onself te beskerm, maar in die stormtyd was ons, soos Job ook te blind om dit raak te sien.

Laat ons nie vandag GOD probeer bevraagteken nie, want ons ken ten dele, maar ons Skepper ken die Verlossings plan van die heelal.

Laat ons eerder sê:

Kyk, ek is te gering. Wat kan ek U antwoord?

-------

GEBED.

VADER, in die stryd, in die storm mag dit dalk voel of U ons verlaat het, maar soos met Job, is U hand van beskerming oor ons, hou U ons in die lewe, al val alles rondom ons in mekaar. Dankie vir die bevestiging vandag dat U ons nooit sal faal en nooit sal verlaat nie. Dankie dat U Hand van beskerming oor ons is, selfs waar ons dit nie kan sien nie.

In die Naam van ons Meester YESHUA, bid ons vir elkeen wat in hierdie oggend alleen, verlore en verstote voel. Versterk hulle asb in hulle gemoed.

Amen.

•••••••

Webtuiste: https://tentvansamekoms.co.za

Sel: +27716283107

I KORINTHIËRS 12:18-20, 25 AFR53

Mon, 24 Nov 2025 06:40:05 GMT

18. Maar nou het God elkeen van die lede in die liggaam gestel soos Hy gewil het.

19. As almal een lid was, waar sou die liggaam wees?

20. Maar nou is daar wel baie lede, maar net een liggaam.

25. sodat daar geen verdeeldheid in die liggaam mag wees nie, maar dat die lede gelyke sorg vir mekaar mag dra.

***

Kern gedeelte:

"sodat daar geen verdeeldheid in die liggaam mag wees nie"

Daar is soveel argumente oor die Woord van GOD, en dit gaan daaroor dat elkeen dink dat hulle is reg, hulle weet van beter, hulle wil hulle eie standpunt en siening afdruk op ander.

Die fokus moenie lê op die argument en twisvrae binne die kerk, binne die bediening nie, maar eerder of jy GOD liefhet met jou hele hart, jou hele siel en jou hele verstand, en of jy die geloof in JESUS CHRISTUS bewaar.

As jou op die laasgenoemde fokus sal die geskille soos mis voor die son verdwyn en eenheid sal ontwikkel, en die gemeenskap van gelowiges sal mekaar ondersteun, nie omdermyn nie.

-------

GEBED.

VADER, daar is soveel verdeeldheid onder U kinders en dit gaan meestal oor die verwarring wat die "verderwer" in die bediening ingebring het. Laat ons asb vandag besef, U Woord bring lewe, U Woord bring eenheid, U Woord voeg saam, U Woord sal nooit verdeel nie. Laat ons asb van vandag af eerder op ons verhouding met U en ons Verlosser begin fokus, sodat verdeeldheid soos mis voor die son sal verdwyn.

In die Naam van ons Meester YESHUA, bid ons vir 'n gees van eenheid onder U kinders.

Amen.

•••••••

Webtuiste: https://tentvansamekoms.co.za

Sel: +27716283107

JESAJA 43:1-2, 5 AFR53

Fri, 21 Nov 2025 07:03:09 GMT

1. MAAR nou, so sê die Here, jou Skepper, o Jakob, en jou Formeerder, o Israel: Wees nie bevrees nie, want Ek het jou verlos; Ek het jou by jou naam geroep; jy is myne!

2. As jy deur die water gaan, is Ek by jou; en deur die riviere — hulle sal jou nie oorstroom nie; as jy deur vuur gaan, sal jy jou nie skroei nie, en die vlam sal jou nie brand nie.

5. Wees nie bevrees nie, want Ek is met jou; Ek sal jou geslag van die ooste af aanbring en jou versamel van die weste af.

***

Kern gedeelte:

"Wees nie bevrees nie, want Ek is met jou"

So dikwels begin ons die dag met die gedagte, wat nou en waarheen, of hoe gaan ek deur hierdie dag kom?

Maar as ons terugkyk het die situasie homself uitgesorteer, die probleem het verdwyn, of deurbrake het gekom.

Niks sal oor jou pad kom waarvoor jy nie die krag sal kry om dit te oorkom nie.

Probleme is realiteit maar deur gebed sal jy krag kry om dit te oorkom.

Dit mag vanoggend vir jou voel of die berg voor jou te groot is, maar die GOD wat ons dien is groter as die berg probleme voor jou.

Daarom is die boodskap vanoggend:

Wees nie bevrees nie want GOD is met jou!

-------

GEBED.

VADER, dankie dat U vanoggend bevestig dat U ons nooit sal verlaat nie, en in elke situasie is U met ons, in elke situasie gee U ons krag en dra U ons deur. Laat U Heilige Gees ons hart versterk sodat ons nie deur vrees oorweldig sal word nie, maar dat ons standvastig sal wees in U Wil en U Weg, U plan vir ons lewe.

In die Naam van ons Meester YESHUA, bid ons vir oplossings en beskerming ook in hierdie dag.

Amen.

•••••••

Webtuiste: https://tentvansamekoms.co.za

Sel: +27716283107

JOB 38:1-3 AFR53

Thu, 20 Nov 2025 06:23:11 GMT

1. DAARNA het die Here Job uit 'n storm geantwoord en gesê:

2. Wie maak die raadsbesluit daar tot duisternis met woorde sonder kennis?

3. Gord dan soos 'n man jou heupe — dan sal Ek jou ondervra, en onderrig jy My.

***

Kern gedeelte:

"dan sal Ek jou ondervra, en onderrig jy My"

Hoe dikwels wil ons GOD voorskryf en hoe dikwels wil ons GOD bevraagteken.

Die oorsaak hiervan spruit uit ons eie foute, ons eie swak lewens besluite, ons ongehoorsaamheid aan die Heilige Gees.

Miskien is dit tyd dat ons 'n tyd van stilte neem en in nabetragting ons lewens oordink waar GOD ons in 'n ander rigting moes instuur, juis om ons te beskerm teen onself.

Om GOD te blameer vir dit wat in ons lewe skeefloop is baie maklik, maar weet, as jy een vinger probeer wys, wys daar drie vingers terug na jou.

Miskien is dit tyd dat ons die heupe omgord, sodat GOD ons kan ondervra.

-------

GEBED.

VADER, om U en ander mense te blameer is baie maklik terwyl die fout eintlik by ons lê. Maar in ons hardkoppigheid en eiewysheid sien ons nie ons eie foute nie. Vergewe ons asb dat ons deurlopend die fout gaan soek in U Wil en U Weg vir ons lewe. Dat ons deurlopend ander wil blameer vir ons eie foute.

In die Naam van ons Meester YESHUA, bid ons vir vergifnis van ons eiesinnigheid. Beskerm ons asb teen onself.

Amen.

•••••••

Webtuiste: https://tentvansamekoms.co.za

Sel: +27716283107

I KORINTHIËRS 11:11-12 AFR53

Wed, 19 Nov 2025 06:23:18 GMT

11. En tog, in die Here is die man nie sonder die vrou nie, en die vrou ook nie sonder die man nie.

12. Want soos die vrou uit die man is, so is ook die man deur middel van die vrou; maar alles is uit God.

***

Kern gedeelte:

"maar alles is uit GOD"

In soveel huwelike wil die een belangriker wees as die ander, en die een wil die ander domineer, terwyl leiding deur GOD se Woord, die huwelik bevestig.

Ja die man is die hoof van die huis, soos Christus die hoof van die man is, maar as ons nie in en deur dit GOD in alles eerste stel nie, sal niks werk nie, sal alles tevergeefs wees.

Ons dien 'n GOD van orde en die orde begin soos volg.

GOD eerste en dan die res.

As GOD die kern van ons huweliks verhouding is, sal geen aanslae ons uit ons wentel baan van huweliks standvastigheid verwyder nie.

-------

GEBED.

VADER, U ken ons swakheid, en U weet dat ons, onself belangrik wil laat ag, juis omdat ons onseker is oor onself, ons probeer opgeblase wees, juis omdat ons 'n swak selfbeeld het. Gee ons asb die krag om ons vrede in U te vind. Ons gee vandag die leisels aan U oor, laat U ons plaas in die posisie waar ons moet wees.

In die Naam van ons Meester YESHUA, bid ons dat ons vir genesing, redding en uitkoms waar dit vanoggend nodig is.

Amen.

•••••••

Webtuiste: https://tentvansamekoms.co.za

Sel: +27716283107

I KORINTHIËRS 10:20-22 AFR53

Tue, 18 Nov 2025 06:31:37 GMT

20. Nee, maar dat die heidene wat dit offer, aan duiwels offer en nie aan God nie. En ek wil nie hê dat julle met die duiwels gemeenskap moet hou nie.

21. Julle kan nie die beker van die Here drink en ook die beker van die duiwels nie. Julle kan nie deel hê aan die tafel van die Here en ook aan die tafel van die duiwels nie.

22. Of wil ons die ywer van die Here opwek? Is ons miskien sterker as Hy?

***

Kern gedeelte:

"en ook aan die tafel van die duiwels nie"

Deur GOD se Woord is die boodskap vanoggend, maak jou keuse!

Of ons dien GOD of ons dien die wêreld, daar is nie 'n middelweg nie.

Ons wil Sondag oggend kerk toe gaan en een uur aan GOD afstaan, maar die ander 167 ure van die week leef ons nie net in die wêreld nie, ons leef voluit vir die wêreld!

Ons kan nie ons brood aan beide kante ge-botter hê nie, dit is of een of die ander.

Laat elkeen van ons vandag die keuse maak, die keuse is in niemand ander se hande nie, maar slegs in ons eie hande.

-------

GEBED.

VADER, dankie dat U ons deur U Woord tot die realiteit terug ruk, sodat ons kan besef dat ons met een voet in die wêreld staan en met een voet in die kerk, maar ons ken nie U Seun nie, ons laat die inwerking van U Heilige Gees nie toe nie en ons GOD is nie ons prioriteit nie. Ons gee voor dat ons goeie mense is, maar ons is skynheilig in ons Gods-diens. Gee ons asb die krag om die regte om die besluit te maak en die besef dat ons met die nagevolg gaan saamleef.

In die Naam van ons Meester YESHUA, bid ons dat die skille van ons oë sal afval sodat ons nie langer blind sal wees vir ons eie tekortkominge nie.

Amen.

•••••••

Webtuiste: https://tentvansamekoms.co.za

Sel: +27716283107

PSALMS 121:1 AFR53

Mon, 17 Nov 2025 06:24:15 GMT

1. BEDEVAARTSLIED. Ek slaan my oë op na die berge: waar sal my hulp vandaan kom?

***

Kern gedeelte:

"waar sal my hulp vandaan kom?"

As jy ook aan die begin van hierdie week vra, waar sal my hulp vandaan kom, dan vra ek dat ons die res van Psalms 121 sal saamlees!

* Ek slaan my oë op na die berge: waar sal my hulp vandaan kom?

* My hulp is van die Here wat hemel en aarde gemaak het.

* Hy kan jou voet nie laat wankel nie; jou Bewaarder kan nie sluimer nie.

* Kyk, die Bewaarder van Israel sluimer of slaap nie.

* Die Here is jou Bewaarder; die Here is jou skaduwee aan jou regterhand.

* Die son sal jou bedags nie steek nie, die maan ook nie by nag nie.

* Die Here sal jou bewaar vir elke onheil; jou siel sal Hy bewaar.

* Die Here sal jou uitgang en jou ingang bewaar, van nou af tot in ewigheid.

--------

GEBED.

VADER, dankie dat U vanoggend bevestig dat U nooit sal faal en ons nooit sal verlaat nie. Soms voel ons alleen en as die wêreld teen ons draai, dan lewe ons in die wete dat U is steeds in beheer, en as ons val sal U ons oprig deur U reddende regterhand. Dankie dat U nie sluimer of slaap nie, maar dat U die enigste Lewende GOD is.

In die Naam van ons Meester YESHUA, dank ons U vir U krag en genade in ons lewe.

Amen.

•••••••

Webtuiste: https://tentvansamekoms.co.za

Sel: +27716283107

JOB 36:8-12 AFR53

Thu, 13 Nov 2025 07:01:54 GMT

8. Maar as hulle in kettings geklink is, gevang word in bande van ellende,

9. dan gee Hy aan hulle hul dade te kenne en hul oortredinge, dat hul gedrag hoogmoedig was;

10. dan open Hy hulle oor vir die tugtiging en sê dat hulle moet terugkeer van ongeregtigheid.

11. As hulle luister en Hom dien, dan bring hulle hul dae deur in voorspoed en hul jare in aangenaamheid.

12. Maar as hulle nie luister nie, dan kom hulle om deur die spies, en hulle blaas die asem uit sonder kennis.

***

Kern gedeelte:

"dat hul gedrag hoogmoedig was"

Soos die spreekwoord sê, hoogmoed kom voor die val.

Op ons lewenspad gee GOD aan ons verskeie waarskuwings en teregwysings deur mense, deur gebeure, deur die inwerking van Sy Heilige Gees, en as ons daarop nie let nie, ons nie bekeer van ons hoogmoedeid nie, bly daar net een opsie oor.

Wie nie hoor nie, moet maar voel!

Ons moet maar eers van ons troontjie afklim voor ons, op ons knieë voor GOD kan kom.

Eers wanneer ons, ons sonde van hoogmoed voor GOD belei, besef en erken dat GOD in beheer is, dat alles wat ons is, is net genade en alles wat ons het is net geleen, eers dan kan GOD ons weer oprig, weer plaas waar Hy ons wil hê in Sy groter plan.

Moenie meer van jouself dink as wat nodig is nie!

-------

GEBED.

VADER, ons bid vir nederigheid, nederigheid en nederigheid en as daar gedagtes van hoogmoed by ons opkom, laat U Heilige Gees ons asb daarop wys, Laat ons voete nooit die grond verlaat nie, maar hou ons nederig voor U.

In die Naam van ons Meester YESHUA, dank ons U, dat ons in U genade mag leef.

Amen.

•••••••

Webtuiste: https://tentvansamekoms.co.za

Sel: 0716283107

I KORINTHIËRS 6:12-13 AFR53

Wed, 12 Nov 2025 06:25:18 GMT

12. ALLES is my geoorloof, maar nie alles is nuttig nie; alles is my geoorloof, maar ek sal my nie deur iets laat oorheers nie.

13. Die voedsel is vir die maag, en die maag is vir die voedsel, maar God sal die een sowel as die ander tot niet maak. En die liggaam is nie vir hoerery nie, maar vir die Here; en die Here vir die liggaam.

***

Kern gedeelte:

"maar ek sal my nie deur iets laat oorheers nie"

Ek het vanoggend die "Seven sins" gaan naslaan en vertaal in Afrikaans.

Die lys van die sewe sondes is soos volg:

1. Wellus

2. Hebsug of vraatsug

3. Gierigheid

4. Luiheid

5. Woede

6. Afguns

7. Trots

Ek het vanoggend nie veel daaroor te sê nie, maar gebruik eerder die stiltetyd om in nabetragting na te dink oor watter een van die sondes my eie lewe beheer.

Laat elkeen vanoggend sy eie antwoord vind en in gebed voor GOD belei.

--------

GEBED.

VADER, niemand is perfek nie, en niemand is sonder foute nie, vergewe my asb my sondes, en gee my die krag om deur niks oorheers te word nie. Laat ons besef dat ons, ons liggame tot eer van U moet aanwend.

In die Naam van ons Meester YESHUA, bid ons vir bevryding van dit waarmee ons worstel.

Amen.

•••••••

Webtuiste: https://tentvansamekoms.co.za

Sel: +27716283107

I KORINTHIËRS 4:3-5 AFR53

Mon, 10 Nov 2025 06:28:55 GMT

3. Maar vir my beteken dit baie min of ek deur julle of deur 'n menslike regbank beoordeel word; ja, ek beoordeel myself nie eens nie,

4. want ek is my van geen ding bewus nie. Daardeur is ek egter nie geregverdig nie; maar Hy wat my beoordeel, is die Here.

5. Daarom moet julle nie voor die tyd oordeel, voordat die Here kom nie, wat die verborge dinge van die duisternis in die lig sal bring en die bedoelinge van die harte openbaar sal maak; en dan sal elkeen lof van God ontvang.

***

Kern gedeelte:

"Daarom moet julle nie voor die tyd oordeel"

Ons is so vinnig om ander te oordeel terwyl ons nog self in GOD se oordeel staan.

Daarom sê GOD vir ons deur sy Woord, moenie oordeel nie, want met dieselfde oordeel wat jy mee oordeel, sal jy ook geoordeel word.

Weet net dit vanoggend, oral waar jy gaan sal jy deur mense geoordeel word en oral waar jy gaan sal daar altyd iemand wees wat 'n probleem met jou het.

Moenie daarop fokus nie want dit bring jou nie tot saligheid nie.

Fokus eerder daarop hoe GOD jou sien. Fokus daarop om daagliks meer en meer in GOD se geregtigheid, Sy onpartydige opregtheid te beweeg.

Dan sal jy ook kan sê, Maar vir my beteken dit baie min of ek deur julle of deur 'n menslike regbank beoordeel word.

-------

GEBED.

VADER, in hierdie oggend ure kom ons voor U en ons vra vergifnis dat ons die splinter in ons broer se oog soek, terwyl ons die balk in ons eie oë nie sien nie. Ons vra vanoggend vir die krag, wysheid en insig om eers na ons eie foute en tekortkomimge te kyk, en op ons verhouding met U te fokus, voor ons ander wil oordeel.

In die Naam van ons Meester YESHUA, vra ons vir geopende oë wat ons eie foute sal raaksien.

Amen.

•••••••

Webtuiste: https://tentvansamekoms.co.za

Sel: +27716283107

JOB 33:14-19 AFR53

Fri, 07 Nov 2025 06:22:40 GMT

14. WANT God spreek op een, ja, op twee maniere; maar die mens let daar nie op nie.

15. In die droom, in 'n naggesig, as diepe slaap op die mense val, tydens sluimeringe op die bed,

16. dan open Hy die oor van die mense, en Hy druk die seël op die waarskuwing aan hulle;

17. om die mens terug te hou van sy onderneming en trotsheid vir die man te verberg;

18. sodat Hy sy siel kan red uit die kuil; en sy lewe, dat dit nie omkom deur die spies nie.

19. OOK word hy getugtig met smart op sy bed en aanhoudende stryd in sy gebeente,

***

Kern gedeelte:

"maar die mens let daar nie op nie"

Hoeveel keer in ons lewe het GOD deur Sy Heilige Gees met ons gepraat, die seël van waarskuwing op ons gedruk, maar ons het nie daarop nie gelet nie, nie geluister nie.

As ons vanoggend sê dat ons geen waarskuwing ervaar, of nie GOD se stem hoor nie, dan is dit omdat ons nie ingestel is op die inwerking van die Heilige Gees nie, ons bid nie en vra vir GOD se Wysheid, Insig en Leiding nie.

Ons volg ons eie kop, jaag ons dit na wat deur ons eie begeertes gedryf word, maar as dit skeefloop, is dit GOD se skuld.

Nee, dit was ons keuse, neem verantwoordelikheid vir jou besluite, leer iets daaruit.

As jy GOD se Leiding soek, beweeg nader aan Hom, spandeer tyd in Sy Woord, bid en vas, en die sluier sal ook vir jou gelig word.

-------

GEBED.

VADER, ons maak soveel foute omdat ons nie luister nie. Ons dwaal want ons volg ons eie kop. Maar as dinge skeefloop wil ons terughardloop na die spaarwiel GOD toe. Gee asb aan ons die krag, deursetting vermoë, wysheid, insig en geduld om U in alles te ken, en dat ons kan wag vir die antwoord wat U ons sal gee.

In die Naam van ons Meester YESHUA, bid ons vir die geduld om op U antwoord te wag, voor ons beweeg.

Amen.

•••••••

Webtuiste: https://tentvansamekoms.co.za

Sel: +27716283107

DEUTERONÓMIUM 32:23-25, 28 AFR53

Thu, 06 Nov 2025 06:57:16 GMT

23. Ek sal onheile op hulle ophoop; my pyle sal Ek op hulle wegskiet.

24. As hulle uitgeput is van honger en verteer deur koorsgloed en dodelike siekte, sal Ek die tand van wilde diere teen hulle loslaat met die gif van stofkruipers.

25. Buitekant sal die swaard beroof, en in die binnekamers die verskrikking; die jongman sowel as die jongedogter, die suigling saam met die grysaard.

28. Want 'n nasie van verlore raadsplanne is hulle, en daar is geen verstand in hulle nie.

***

Kern gedeelte:

"Want 'n nasie van verlore raadsplanne is hulle"

Is dit nie 'wie en wat' ons as GOD se volk in hierdie land geword het nie.

Word ons nie van die buitekant met die swaard beroof nie, en is daar nie verskriking in ons binnekamers nie.

Instede van 'n hoopvolle toekoms wat GOD vir ons beplan het, sien ons reeds ons ondergang.

Niks gaan hieraan verander as ons nie na GOD terugkeer nie.

Inteendeel, dit gaan baie vinning, nog slegter gaan met ons, maar as ons in waarheid na GOD terugkeer, ons sondes belei, sal die herstel in ons land nie gestop kan word nie.

Wanneer GOD begin werk, sal niemand sy werk kan stop nie.

-------

GEBED.

VADER, voor U kom ons vanoggend en vra dat U, deur die inwerking van U Heilige Gees, op die regte tyd, herlewing in ons land sal teweegbring. Laat ons Suid-Afrika deur U oë sien, die land wat weer genoem sal word, die land van melk en heuning. Maar laat die besef ook insink, dat die verandering by ons moet begin.

In die Naam van ons Meester YESHUA, bid ons vir die herstel van ons land. Bring asb beweging en verandering op die regte tyd.

Amen.

•••••••

Webtuiste: https://tentvansamekoms.co.za

Sel: 0716283107

DEUTERONÓMIUM 32:12, 15, 18 AFR53

Wed, 05 Nov 2025 20:03:04 GMT

12. die Here alleen het hom gelei, en daar was geen vreemde god by hom nie.

15. Toe het Jesúrun vet geword en agterop geskop — jy het vet geword, dik geword, spekvet geword — en hy het God verwerp wat hom gemaak het, en die steenrots van sy heil geminag.

18. Die Steenrots wat jou verwek het, het jy veronagsaam; en jy het die God vergeet wat jou voortgebring het.

***

Kern gedeelte:

"en hy het God verwerp wat hom gemaak het"

Hoeveel keer het ek dit nie gesien nie, toegewyde kinders van GOD, wat van GOD af weggedryf het, die oomblik toe GOD hulle seën.

Soos die seëninge van finansies, van geld by die voordeur ingestroom het, het dit hulle verhouding met GOD by die agterdeur uit gedruk.

Die rede daarvoor is die skyn van voorspoed godsdiens, waar ons voorgegee het dat ons GOD dien ter wille van wat GOD vir ons kan doen.

As GOD die toets van seëninge oor jou pad bring, bly nederig voor GOD, en onthou eerder waar jy vandaan kom en uit watter situasie GOD jou uitgehelp het.

Onthou, soos GOD gegee het, so kan Hy ook weer neem!

-------

GEBED.

VADER, in hierdie oggend besef ons opnuut, hoe geld ons persoonlikhede kan verander, ons prioriteite verander, waar ons U nie meer eerste stel in ons lewe nie. Ons neem U seëning in ons lewe as vanselfsprekend en U seëninge aan ander mense wat deur ons moes gevloei het, lê nog by ons voete. Laat U Heilige Gees vandag ons tot stilstand ruk sodat ons, ons uitkyk en persepsie sal verander, sodat U weer ons eerste prioriteit sal word.

In die Naam van ons Meester YESHUA, bid ons vir die stilte en kalmte in ons lewe waar U ons weer op die regte pad kan terugbring.

Amen.

•••••••

Webtuiste: https://tentvansamekoms.co.za

Sel: +27716283107

MALEÁGI 4:2-3 AFR53

Tue, 04 Nov 2025 06:32:15 GMT

2. Maar vir julle wat my Naam vrees, sal die son van geregtigheid opgaan, en daar sal genesing onder sy vleuels wees; en julle sal uittrek en huppel soos kalwers uit die stal.

3. En julle sal die goddelose vertrap, want hulle sal soos stof wees onder julle voetsole op die dag wat Ek skep, sê die Here van die leërskare.

***

Kern gedeelte:

"Maar vir julle wat my Naam vrees"

Die wiel van die lewe hou nooit op draai nie en wat vandag bo is, is môre weer onder.

Dit mag op die oomblik lyk of die goddelose vooruitgaan, of alles vir hulle regloop, maar skielik kom hulle tot 'n val en verloor alles.

Maar al val die regverdige sewe keer, agt keer sal hy opstaan, opgerig deur GOD se reddende regterhand.

Daarom wees standvastig in jou weë, wees konstant in jou optrede, wandel in GOD se pad van onpartydige opregtheid!

Moenie wankel nie!

Wees nederig voor GOD, en op die regte tyd sal Hy jou oprig.

Weet egter verseker, vir die wat GOD se Naam vrees, sal die son van geregtigheid opgaan.

Die vraag is nie "of" dit sal gebeur nie, maar die stelling is "wanneer" dit sal gebeur.

-------

GEBED.

VADER, soms voel dit of ons in die dryfsand van die lewe vasgevang is, of ons stadig oppad is na nêrens, terwyl ons nie altyd besef dat ons vertraging juis tot ons beskerming is nie. As U seëninge vroeër gekom het, sou dit ons tot skade gewees het. Dankie dat U vanoggend bevestig dat U son van geregtigheid wel oor ons lewe sal opgaan, en dat ons moet volhard in ons standvastigheid in U.

In die Naam van ons Meester YESHUA, bid ons vir krag om staande teen die aanslae van die "verderwer".

Amen.

•••••••

Webtuiste: https://tentvansamekoms.co.za

Sel: +27716283107

EFÉSIËRS 6:10-12 AFR53

Mon, 03 Nov 2025 06:22:46 GMT

10. EINDELIK, my broeders, word kragtig in die Here en in die krag van sy sterkte.

11. Trek die volle wapenrusting van God aan, sodat julle staande kan bly teen die liste van die duiwel.

12. Want ons worstelstryd is nie teen vlees en bloed nie, maar teen die owerhede, teen die magte, teen die wêreldheersers van die duisternis van hierdie eeu, teen die bose geeste in die lug.

***

Kern gedeelte:

"word kragtig in die Here en in die krag van sy sterkte"

Voordat jy hierdie nuwe week ingaan, wil ek vir jou vra.

Het jy jou versterk in die HERE en in die krag van Sy sterkte?

Daar is net een een manier om dit te doen en dit is om tyd in Sy Woord te spandeer en in gebed voor GOD se voete te kom.

Ons verhouding met GOD het verander van 'n diepe verhouding met GOD waar ons hom in alles geken het na 'n Tik Tok boodskap of Facebook kort video verhouding waar ons net na grashalms gryp.

Kom weer in die roetine waar ons eerste deel van ons dag aan GOD toegewy word, en jy sal ervaar hoe GOD in jou lewe begin werk.

Onthou nie net 'n kort boodskappie nie, maar trek die volle wapenrusting van GOD aan, sodat julle staande kan bly teen die liste van die duiwel.

-------

GEBED.

VADER, in die begin van hierdie week bid ons dat U ons sal lei in ons keuse om U bo alles te kies, en laat ons breek van die gewoonte om U in die media te soek. Leer ons asb weer hoe om in 'n dieper verhouding met U te staan. Leer ons asb, GOD eerste en dan die res.

In die Naam van ons Meester YESHUA, bid ons vir krag om die regte keuse te maak in ons verhouding met U.

Amen.

•••••••

Webtuiste: https://tentvansamekoms.co.za

Sel: +27716283107

SPREUKE 1:7-9 AFR53

Fri, 31 Oct 2025 06:27:56 GMT

7. DIE vrees van die Here is die beginsel van die kennis; sotte verag wysheid en tug.

8. My seun, luister na die tug van jou vader, en verwerp die onderwysing van jou moeder nie;

9. want dit is 'n lieflike krans vir jou hoof en sierlike kettings vir jou hals.

***

Kern gedeelte:

"sotte verag wysheid en tug"

Al ooit die antwoord gehoor?

Dit is my lewe, ek kan daarmee maak wat ek wil en ek kan lewe soos ek wil.

Die probleem met die persoon is dat hy nog nie verstaan, dat hy nie verstaan nie?

Daarom sê die Woord van GOD, sotte verag wysheid en tug.

In tyd sal die meule van lewe sy tol eis, en 'n dieper begrip sal ontwikkel, en eers dan sal die persoon tug en teregwysing aanvaar.

Maar vir nou, laat hom begaan, laat hy sy kop stamp.

As hy nie eers respek vir homself het nie, hoe sal hy dan respekvolle vrees vir GOD hê?

-------

GEBED.

VADER, tyd is 'n goeie leermeester, maar spyt kom altyd te laat. Gee ons die krag en standvastigheid en deursettings vermoë en nee te kan sê en dan by ons Woord te hou. Laat ons nie sonde in ons lewe toelaat of goedkeur nie. Leer ons wanneer dit tyd is om te laat gaan.

In die Naam van ons Messter YESHUA, bid ons vir 'n beginsel vaste gesindheid in U Woord, Wil en Weg.

Amen.

•••••••

Webtuiste: https://tentvansamekoms.co.za

Sel: +27716283107

MALEÁGI 2:7-9 AFR53

Thu, 30 Oct 2025 11:10:47 GMT

7. Want die lippe van 'n priester moet kennis bewaar, en uit sy mond word onderrig gesoek, want hy is 'n boodskapper van die Here van die leërskare.

8. Maar júlle het van die weg afgewyk, julle het baie deur jul onderrig laat struikel, julle het die verbond met Levi verbreek, sê die Here van die leërskare.

9. So maak Ek julle dan ook veragtelik en gering by die hele volk, omdat julle my weë nie hou nie en partydig handel by die regspraak.

***

Kern gedeelte:

"julle het baie deur jul onderrig laat struikel"

Een ding moet ons deeglik verstaan, anders gaan dit ons tot ons bittere spyt wees.

Die dagstukke wat ons lees of luister, kan nie ons totale verhouding met GOD saamvat nie, want dit is eensydig.

So ook die uur wat ons in die kerk spandeer, dit kan nie ons hele lewe in GOD bevestig nie.

Wees gewaarsku, die leringe van hierdie wêreld, die leuens van die "verderwer" word baie mooi gemaak deur woorde wat jou van die pad af lei, waar jy dit die minste verwag.

Lees die Woord van GOD, bevestig of die onderrig suiwer is, kyk of die kennis bewaar word en of dit suiwer is.

Wees gewaarsku, mooi woorde is nie altyd die waarheid nie, en die waarheid het nie altyd mooi woorde nie.

-------

GEBED.

VADER, lei ons asb in U "Waarheid" sodat ons U Wil in ons lewe kan verstaan. Ons vra dat U Heilige ons sal lei, ons oë sal open sodat ons deur die sluier van leuens sal sien.

In die Naam van ons Meester YESHUA, bid ons vir U Hand van beskerming in ons lewe.

Amen.

•••••••

Webtuiste: https://tentvansamekoms.co.za

Sel: +27716283107

MALEÁGI 3:5-6 AFR53

Wed, 29 Oct 2025 10:58:47 GMT

5. En Ek sal tot julle nader om strafgerig te hou, en Ek sal 'n haastige getuie wees teen die towenaars en teen die egbrekers en teen die meinediges en teen die wat die dagloner in sy loon, die weduwee en die wees verdruk; en teen die wat die vreemdeling wegstoot en My nie vrees nie, sê die Here van die leërskare.

6. Want Ek, die Here, het nie verander nie; en julle, kinders van Jakob, is nie verteer nie.

***

Kern gedeelte.

"Want Ek, die Here, het nie verander nie"

Met tyd verander ons, maar GOD verander nooit.

Elkeen van ons verander met tyd, maar verandering en oud word is nie die probleem nie

Ons probleem is egter wanneer ons in die weë van die wêreld oud word, in die weë van die wêreld verval, en dan oud word, dan word ons negatief, verloor visie, die lewe raak moeitevol en ons lewe nie meer in GOD se geregtigheid nie.

Daarom lewe mense net vir hulleself en verloor hulle die respekvolle vrees vir GOD.

Kom ons verander, kom ons begin weer in GOD se Wil lewe, en vrede wat alle verstand te bowe gaan sal oor ons kom, en GOD se liefde sal weer in ons begin brand.

-------

GEBED.

VADER, voordat U dag van strafgerig aanbreek, open asb ons oë, sodat ons die ware persoon in onself kan raaksien. Laat ons asb self ondersoek doen en erkentlik wees vir ons eie foute. Gee ons asb krag om vandag te begin, om anders na die wêreld te kyk.

In die Naam van ons Meester YESHUA, bid ons vir U Goedheid en U Guns in ons lewe.

Amem.

••••••••

Webtuiste: https://tentvansamekoms.co.za

Sel: +27716283107

II KRONIEKE 35:21-23 AFR53

Mon, 27 Oct 2025 06:46:40 GMT

21. Toe stuur hy boodskappers na hom om te sê: Wat het ek met jou te doen, koning van Juda? Ek kom nie vandag teen jóú nie, maar teen die huis wat gedurig teen my oorlog voer; en God het gesê ek moet gou maak. Verset jou nie teen God wat met my is, dat Hy jou nie vernietig nie.

22. Josía het egter sy gesig nie van hom afgewend nie, maar homself onkenbaar gemaak om teen hom te veg; hy het nie geluister na die woorde van Nego uit die mond van God nie, en aangekom om te veg in die laagte van Megíddo.

23. En die skutters het koning Josía raak geskiet. Toe sê die koning aan sy dienaars: Bring my weg, want ek is swaar gewond.

***

Kern gedeelte:

"Verset jou nie teen God wat met my is"

Laat hierdie saak begaan!

Nie elke saak gaan jou aan nie, en jy gaan nie elke saak in die lewe wen nie!

Soms laat GOD dinge gebeur vir 'n rede, maar dan moet ons bid vir leiding oor die saak, en as die Heilige Gees dit op ons hart lê, om die saak te laat gaan, draai om en stap weg.

Moenie deur arrogansie en die "eie ek" verblind word nie.

Onthou hierdie woorde:

Verset jou nie teen God wat met my is, dat Hy jou nie vernietig nie.

-------

GEBED.

VADER, gee ons asb die wysheid en die insig om GOD geleide besluite te maak. Ons vra vir die inwerking van U Heilige Gees, sodat ons U Stem sal hoor, en daaraan gehoorsaam sal wees. Laat ons asb nie vandag in eie wysheid beweeg nie.

In die Naam van ons Meester YESHUA, bid ons dat U ons sal rig in ons besluite, sodat ons nie teen U Wil inwerk nie.

Amen.

•••••••

Webtuiste: https://tentvansamekoms.co.za

Sel: +27716283107

JAKOBUS 1:14-16 AFR53

Fri, 24 Oct 2025 08:27:14 GMT

14. Maar elkeen word versoek as hy deur sy eie begeerlikheid weggesleep en verlok word.

15. Daarna, as die begeerlikheid ontvang het, baar dit sonde; en as die sonde tot volle ontwikkeling gekom het, bring dit die dood voort.

16. Moenie dwaal nie, my geliefde broeders.

***

Kern gedeelte:

"en as die sonde tot volle ontwikkeling gekom het"

Wat begin as 'n gedagte saad in jou lewe, eindig as 'n vertende siekte van sonde wat jou lewe verwoes.

Daarom is dit belangrik dat jy dit stop nog voor dit begin.

Weet dit, dit is die klein jakkalsies wat die boorde verniel.

Dit wat jou vandag dink, dat jy dit kan beheer, gaan môre omdraai en dan gaan dit jou lewe beheer.

En as dit jou beheer, dan is jy die slaaf van dit wat jou beheer.

Jy is nie 'n slaaf nie maar 'n Konings kind, en daarom, vandag terwyl nog kan, breek met die sonde, voor die sonde jou breek!

-------

GEBED.

VADER, wees asb hierdie sondaar genadig, wat ons weet dat ons met dinge besig is, wat nie moet wees nie. Gee ons asb die krag om vandag met die sonde te breek, en nie weer op daardie pad te stap nie.

In die Naam van ons Meester YESHUA, bid ons vir ons vir vergifnis van ons sondes.

Amen.

•••••••

Webtuiste: https://tentvansamekoms.co.za

Sel: +27716283107

HANDELINGE 27:33-36 AFR53

Thu, 23 Oct 2025 06:38:58 GMT

33. En teen die tyd dat dit dag sou word, het Paulus almal aangemoedig om voedsel te gebruik en gesê: Dit is vandag die veertiende dag dat julle in afwagting bly vas sonder om iets te gebruik.

34. Daarom raai ek julle aan om voedsel te neem, want dit dien tot julle behoud; want van niemand onder julle sal 'n haar van sy hoof val nie.

35. Toe hy dit gesê het, neem hy brood, dank God in die teenwoordigheid van almal, breek dit en begin eet.

36. En hulle het almal moed geskep en self ook voedsel geneem.

***

Kern gedeelte:

"Daarom raai ek julle aan om voedsel te neem, want dit dien tot julle behoud"

In die storm het Paulus die manne aangemoedig om 'n oomblik te neem, eers iets te eet, sodat hulle versterk kon word om die storm uit te sien.

Vandag, waar ons tans is, is dit ook belangrik om net 'n tree terug te neem, sake in 'n ander lig te aanskou, nuwe moed te skep, na jouself om te sien, sodat ons ook die krag sal ontvang om hierdie storm ent uit te sien.

As jy dit nie doen nie, staan jy die kans, om alles te verloor.

Ek besef dat alles miskien tans in 'n warboel is, maar raak rustig en weet GOD is in beheer, en nie 'n haar sal van jou val sonder Sy Wil nie.

-------

GEBED.

VADER, slegs U kan die storms bedaar en ons is deeglik bewus daarvan, maar in ons mens-wees stry ons teen die storm en daarom raak ons moeg en uitgeput. Dankie dat U Heilige Gees dit op ons hart lê om net 'n oomblik te neem en onself versterk sodat ons die storm ent uit kan sien. Dankie vir bevestiging dat U met ons is en dat U teenwoordig is in die storm.

In die Naam van ons Meester YESHUA, bid ons vir kalmte van gemoed en helderheid van verstand.

Amen.

•••••••

Webtuiste: https://tentvansamekoms.co.za

Sel: +27716283107

HANDELINGE 26:15-16, 18 AFR53

Wed, 22 Oct 2025 06:25:20 GMT

15. Toe sê ek: Wie is U, Here? En Hy sê: Ek is Jesus wat jy vervolg.

16. Maar rig jou op en staan op jou voete, want hiertoe het Ek aan jou verskyn om jou te bestem tot 'n dienaar en getuie van die dinge wat jy gesien het en van die dinge waarin Ek nog aan jou sal verskyn,

18. om hulle oë te open, dat hulle hul van die duisternis tot die lig kan bekeer en van die mag van die Satan tot God, sodat hulle deur die geloof in My vergifnis van sondes en 'n erfdeel onder die geheiligdes kan ontvang.

***

Kern gedeelte:

"Maar rig jou op en staan op jou voete"

Die dag wat jy jou hart en jou lewe vir JESUS CHRISTUS gegee het, was die dag wat jy geroep is om jouself op te rig en op jou voete te staan.

Jy is nie geroep om in vrees te lewe nie, of in die donker hoekies van die samelewing weg te kruip nie, maar jy is geroep om die Woord van GOD lewendig te hou op jou lippe.

Ons is geroep sodat die Lig van Verlossing deur ons sal skyn.

Ons is geroep om die Woord van GOD in elke situasie met outoriteit uit te dra sodat ander deur ons handelinge, ook oortuig sal word om hulle oë te open, dat hulle hul van die duisternis tot die lig kan bekeer en van die mag van die "verderwer" tot GOD.

Daarom, vandag as jy die boodskap lees, rig jou op en staan op jou voete.

-------

GEBED.

VADER, soms wil ons soos Elia onder 'n bos inkruip, en net daar bly lê, maar selfs daar het U 'n boodskapper aan hom gestuur wat gesê het, staan op en eet. Soos Elia mag ons pad nog lank wees, en daarom moet ons ook eet van die Brood van die lewe, van die Woord van GOD, want daardeur sal U ons die krag gee om op te staan en voort te gaan. Dankie dat U ons versterk in ons oomblikke van swakheid.

In die Naam van ons Meester YESHUA, bid ons vir die krag om op te staan en uit te staan in U Naam.

Amen.

•••••••

Webtuiste: https://tentvansamekoms.co.za

Sel: +27716283107

OPENBARING 22:12, 14-15 AFR53

Tue, 21 Oct 2025 06:31:39 GMT

12. En kyk, Ek kom gou, en my loon is by My, om elkeen te vergeld soos sy werk sal wees.

14. Salig is die wat sy gebooie doen, sodat hulle reg kan hê op die boom van die lewe en ingaan deur die poorte in die stad.

15. Maar buite is die honde en die towenaars en die hoereerders en die moordenaars en die afgodedienaars en elkeen wat leuens liefhet en doen.

***

Kern gedeelte:

"Salig is die wat sy gebooie doen"

Soveel mense glo nie meer dat dit nodig is om GOD se gebooie te onderhou nie, want dit is te "wetties" te wet gedrewe.

Nee, ek onderhou nie die gebooie sodat ek gered kan word, want ek is reeds gered deur my Verlosser en Saligmaker, JESUS CHRISTUS.

Ek onderhou die gebooie uit liefde vir GOD en gehoorsaamheid van Sy Woord.

Uit die 33/53 Vertaling van GOD se Woord, lees gerus ook Openbaring 12:17 en Openbaring 14:12 vir meer duidelikheid.

Elkeen kan vir hulle self besluit, gaan ons gehoorsaam wees aan GOD se Woord, of gaan ons voortleef in die leringe van die wêreld.

Wie ore het, laat hom hoor!

-------

GEBED.

VADER, ons kies om siende blind, en horende doof deur die lewe te gaan wanneer U Woord ter sprake kom en tog hang ons elke lering van die wêreld, die "verderwer" aan sonder om enige iets te bevraagteken. Laat U Heilige Gees asb die sluier oor ons oë lig sodat ons die waarheid van U Woord sal sien, ervaar en verstaan.

In die Naam van ons Meester YESHUA, bid ons vir 'n gees van onderskeiding sodat ons deur die leuens van die "verderwer kan onderskei van U Woord.

Amen.

•••••••

Webtuiste: https://tentvansamekoms.co.za

Sel: +27716283107

OPENBARING 21:6-8 AFR53

Mon, 20 Oct 2025 06:37:02 GMT

6. En Hy het vir my gesê: Dit is verby! Ek is die Alfa en die Oméga, die begin en die einde. Aan die dorstige sal Ek gee uit die fontein van die water van die lewe, verniet.

7. Hy wat oorwin, sal alles beërwe; en Ek sal vir hom 'n God wees, en hy sal vir My 'n seun wees.

8. Maar wat die vreesagtiges aangaan en die ongelowiges en gruwelikes en moordenaars en hoereerders en towenaars en afgodedienaars en al die leuenaars — hulle deel is in die poel wat brand met vuur en swawel: dit is die tweede dood.

***

Kern gedeelte:

"hulle deel is in die poel wat brand met vuur en swawel"

In hierdie lewe kan ons dit probeer ontken, ons kan met ons kop in die sand lewe, voorgee dat ons nie sien nie, maar die realiteit gaan nie verander nie.

Die tyd vir elkeen om hierdie aarde te verlaat gaan een of ander tyd aanbreek, en nie een van ons gaan die Wittroon oordeel mis nie.

Elkeen sal verantwoording doen vir sy eie dade, en as jy die weë van hierdie wêreld oorwin het, het jy niks om te vrees nie.

Ek sê verder niks, almal kan lees, die Woord maak dit duidelik.

Elkeen wat hierdie Woord lees weet waarheen hulle oppad is, die oordeel kom my nie toe nie.

Maar as jy twyfel, GOD gee uit die fontein, van die water van die lewe, verniet!

As jy nog nie JESUS CHRISTUS in jou lewe ontmoet het nie, maak vandag die keuse.

-------

GEBED.

VADER, dankie vir hierdie nuwe dag, dankie dat U ons nog die geleentheid gegun het om ons lewe vandag aan U oor te gee want U Woord sê, so lief het GOD die wêreld gehad dat Hy Sy Eniggebore Seun gegee het, sodat Elkeen wat in Hom glo, nie verlore mag gaan nie, maar die ewige lewe kan hê. Laat U Heilige Gees ons asb vandag aanraak sodat ons die aanraking van U seun sal ervaar.

In die Naam van ons Meester YESHUA, bid ons vir elkeen wat by die kruispad van die lewe staan, en ons vra dat U elkeen sal aanraak, sodat hulle sal kies, om gekies te word.

Amen.

•••••••

Webtuiste: https://tentvansamekoms.co.za

Sel: +27716283107

SAGARÍA 4:5-6 AFR53

Thu, 16 Oct 2025 08:07:32 GMT

5. En die engel wat met my gespreek het, antwoord en sê vir my: Weet jy dan nie wat dit beteken nie? En ek het gesê: Nee, my heer.

6. Toe antwoord hy en sê vir my: Dit is die woord van die Here aan Serubbábel, naamlik: Nie deur krag of deur geweld nie, maar deur my Gees, sê die Here van die leërskare.

***

Kern gedeelte:

"Nie deur krag of deur geweld nie"

So dikwels wil ons dinge forseer, ryp druk, en in eie krag wil ons, ons sake hanteer wat nie volgens ons, vinnig genoeg beweeg of gebeur nie.

Vanoggend kry ons die boodskap wat sê, wag dit uit, maak spasie sodat GOD hierdie saak kan hanteer. As ons te naby aan hierdie saak bly, gee ons GOD nie kans om te doen wat Hy wil doen nie.

Moenie die situasie versleg nie, moenie inmeng nie en moenie sake in eie hande neem nie.

Die boodskap is duidelik, Nie deur krag of deur geweld nie, maar deur my Gees.

Laat GOD hierdie saak hanteer.

-------

GEBED.

VADER, soos Hiskia lê ons, ons probleme voor U voete neer. Gee ons asb die krag om te laat gaan, dit te los en daarvan weg te stap in die wete dat deur die inwerking van die Heilige Gees sal sake opgelos word, sal elke negatiewe situasie of probleem soos mis voor die son verdwyn.

In die Naam van ons Meester YESHUA, bid ons vir elkeen wat voel dat hulle kan nie meer wag nie en sake in eie hande wil neem. Versterk asb elkeen wat dit nodig het.

Amen.

•••••••

Webtuiste: https://tentvansamekoms.co.za

Sel: +27716283107

JESAJA 55:7-9 AFR53

Wed, 15 Oct 2025 17:02:25 GMT

7. Laat die goddelose sy weg verlaat en die kwaaddoener sy gedagtes; en laat hy hom tot die Here bekeer, dan sal Hy hom barmhartig wees; en tot onse God, want Hy vergeef menigvuldiglik.

8. Want my gedagtes is nie julle gedagtes nie, en julle weë is nie my weë nie, spreek die Here.

9. Want soos die hemel hoër is as die aarde, so is my weë hoër as julle weë en my gedagtes as julle gedagtes.

***

Kern gedeelte:

"Want my gedagtes is nie julle gedagtes nie"

Gedurig deur wil ons GOD voorskryf, terwyl ons nie eers weet wat die dag van môre sal inhou nie.

Ons raak nie stil voor GOD om na Sy Stem te luister nie, en ons gee ook nie ag op die waarskuwings deur die inwerking van GOD se Heilige Gees nie.

GOD beplan vir ons 'n hoopvolle toekoms, 'n lewe van oorvloed, maar deur hardnekkigheid, eiesinnigheid en hardkoppigheid jaag ons die verkeerde pad, die weë van hierdie wêreld na.

As dinge skeefloop blameer ons GOD omdat hy terugslae in ons lewe toelaat.

Wat ons sien as terugslae, is eintlik struikelblokke op pad na die hel, want daarsonder sou ons oop oë hel toe gestap het.

Vandag, soos hierdie nuwe dag begin, volg GOD se plan, luister na Sy Stem, want soos die hemel hoër is as die aarde, so is GOD se weë hoër as ons weë en Sy gedagtes as ons gedagtes.

-------

GEBED.

VADER, soms wil dinge nie uitwerk nie, en ons faal keer op keer. Maar ons raak nie net vir 'n oomblik stil voor U voete om U Wil vir ons lewe te probeer verstaan nie. Ons bid dat U ons teen onself sal bewaar, want ons keuses lei tot verkwiste tyd, frustrasies en depressie. Spreek asb vandag U Wil in ons lewe in en rig ons op die pad wat U vir ons beplan.

In die Naam van ons Meester YESHUA, bid ons vir U ingryping in ons lewe waar ons die pad byster raak.

Amen.

•••••••

Webtuiste: https://tentvansamekoms.co.za

Sel: +27716283107

HAGGAI 1:5-7 AFR53

Tue, 14 Oct 2025 06:31:56 GMT

5. So sê die Here van die leërskare dan nou: Gee ag op wat julle wedervaar het:

6. julle het baie gesaai, maar min ingebring; julle het geëet, maar nie tot versadiging nie; julle het gedrink, maar nie genoeg gekry nie; julle het jul geklee, maar nie warm geword nie; en wie hom vir loon verhuur, verhuur hom om dit in 'n stukkende beurs te steek.

7. So sê die Here van die leërskare: Gee ag op wat julle wedervaar het!

***

Kern gedeelte:

"Gee ag op wat julle wedervaar het"

'n Volk sonder GOD, is 'n versukkelende volk, en 'n huis sonder GOD is 'n gebroke huis.

As iemand oor hierdie wil debateer, kyk om jou rond in ons land Suid-Afrika, en sien hoe 'n eens voortvarende land besig is om tot 'n val te kom.

Dit het gebeur omdat ons as volk, van GOD af weggedraai het.

Dieselfde sal ook in ons huise, ons gesinne gebeur as ons begin om van GOD af weg draai!

Ons sal ook deur baie moeite gaan, maar die beloning daarvan sal min wees.

Ons sal vrede in huis verwag, maar dit sal met storms gevul wees, ons sal seëninge in ons bank rekenings nie sien nie, want die skuldeisers sal alles verteer.

Maar as ons in alles GOD eerste stel, dit wat ons doen, doen ter ere van Sy Naam, as ons binne Sy Wil begin leef, sal die vensters van die Hemel vir ons weer oopgemaak word, met 'n uitstort van seëninge.

Daarom, vanoggend ,Gee ag op wat julle wedervaar het!

-------

GEBED.

VADER, beskaamd staan ons voor U, ons huise gevul met sondes, ons land in verwarring. Laat vandag asb die eerste tree wees op ons pad na herstel, op ons pad terug na U, en leer ons asb om U in waarheid te soek, sonder om ons eie voordeel daarin te soek. Dankie dat U ons vanoggend nog die geleentheid gee om sake reg te maak.

In die Naam van ons Meester YESHUA, spreek ons lewe oor ons huise, gesinne, gesondheid en finansies, ter ere van U.

Amen.

•••••••

Webtuiste: https://tentvansamekoms.co.za

Sel:+27716283107

II KRONIEKE 31:20-21 AFR53

Mon, 13 Oct 2025 07:02:40 GMT

20. En so het Jehiskía in die hele Juda gedoen: hy het gedoen wat goed en reg en trou was voor die aangesig van die Here sy God.

21. En in elke werk wat hy begin het insake die diens van die huis van God en insake die wet en die gebod om sy God te soek, het hy met sy hele hart gehandel en voorspoed gehad.

***

Kern gedeelte:

"het hy met sy hele hart gehandel"

Moenie halfhartig wees in jou verhouding met GOD nie, want voorgee, skynheiligheid, en 'n halfhartige gesindheid pas nie, en het nie plek in jou verhouding met GOD nie.

Hoekom het Jehiskía voorspoed beleef in dit wat hy gedoen het?

Want in dit wat hy gedoen het, het hy met sy hele hart gedoen, met sy hele hart gehandel.

As jy vanoggend hierdie boodskap gelees of geluister het, maak die besluit wie jy wil dien, GOD of die wêreld.

As jy egter besluit het om GOD te dien, dien GOD dan met jou hele hart!

Onthou, as GOD enige iets vir jou beteken, sal Hy alles vir jou beteken.

-------

GEBED.

VADER, U Woord sê vir ons dat die boom sal aan sy vrugte geken word, en as ek vanoggend na die vrugte van my lewe kyk, dan sak ek my kop in skaamte, want ons laat toe dat die wêreld sistematies terugkruip in ons lewe in en dit maak inbreuk op ons verhouding met U. Vanoggend onderneem ons egter om U voluit te dien, sodat die wêreld, U Lig deur ons sal sien skyn.

In die Naam van ons Meester YESHUA, bid ons vir vergifnis van halfhartigheid.

Amen.

•••••••

Webtuiste: https://tentvansamekoms.co.za

Sel: +27716283107

II KORINTHIËRS 6:11-13 AFR53

Fri, 10 Oct 2025 06:33:46 GMT

11. ONS mond het teenoor julle oopgegaan, Korinthiërs, ons hart het verruim geword.

12. Nie in ons het julle dit te nou nie, maar in jul binneste het julle dit te nou.

13. Maar by wyse van vergoeding — ek praat soos met kinders — moet julle ook verruim word.

***

Kern gedeelte:

"maar in jul binneste het julle dit te nou"

Vanoggend wil ek net 'n kort boodskap bring!

Laat gaan die vrees in jou lewe, die angs in jou binneste, want GOD is in beheer!

Niks sal oor jou pad kom, waarvoor GOD jou nie die krag sal gee om te oorkom nie.

Die vrees en die angs verteer jou, en dit opsig self bring meer probleme in jou lewe in.

Weet dit, GOD is in beheer, daar sal nie 'n enkele haar van jou hoof val sonder die Wil van GOD nie.

-------

GEBED.

VADER, twyfel en angs in ons lewe is die boublokke van struikeling, die deur wat ons vir die "verderwer" oopmaak. Gee ons asb die krag om die vrees en angs tersyde te stel en met die wete te begin leef, dat my GOD is, en sal altyd in beheer wees. Dankie vir hierdie bevestiging want U sê in U Woord, al gaan ek ook deur 'n dal van doodskaduwee, ek sal geen onheil vrees nie.

In die Naam van ons Meester YESHUA, bestraf ek gedagtes van vrees en twyfel in my lewe.

Amen.

•••••••

Webtuiste: https://tentvansamekoms.co.za

Sel: +27716283107

EXODUS 23:20-22 AFR53

Thu, 09 Oct 2025 06:28:04 GMT

20. Kyk, Ek stuur 'n Engel voor jou uit om jou op die pad te bewaar en om jou na die plek te bring wat Ek gereedgemaak het.

21. Neem jou in ag vir Hom en luister na sy stem; wees nie wederstrewig teen Hom nie; want Hy sal julle oortreding nie vergewe nie, want my Naam is in Hom.

22. Maar as jy terdeë na sy stem luister en alles doen wat Ek sal sê, sal Ek die vyand van jou vyande en die teëstander van jou teëstanders wees.

***

Kern gedeelte:

"Neem jou in ag vir Hom en luister na sy stem"

Laat ons vanoggend nie wederstrewig wees nie, maar luister na die Stem van GOD, deur die inwerking van Sy Heilige Gees.

As jy wil hê dat GOD jou moet rig op jou lewenspad, dan moet jy nie net luister na Sy Stem nie, maar jy moet gehoorsaam wees daaraan.

Ons almal luister daagliks na die stemme, na die invloede van die wêreld en weens die geraas in ons lewe, hoor ons nie GOD se Stem nie.

Dit is nodig dat ons die geraas verwyder, gaan stil raak voor GOD sodat ons Sy plan vir ons lewe kan verstaan.

Wat op hierdie oomblik so reg lyk en voel in ons lewe, is dalk heeltemal verkeerd.

As jy sekerheid en vaste rigting wil hê, luister terdeë na GOD se stem, dan sal GOD die vyand van jou vyande en die teëstander van jou teëstanders wees.

-------

GEBED.

VADER, verwyder asb die geraas uit ons lewe en maak ons stil. Skep asb vir ons die geleentheid om in stilte, U insig, wysheid en raad te kom soek. Wys asb aan ons waar ons wederstrewig teen U Wil inwerk en ons eie koppe volg. Open asb ons oë sodat ons die Waarheid in elke situasie sal sien.

In die Naam van ons Meester YESHUA, bid ons vir U Wil in ons lewe.

Amen.

•••••••

Webtuiste: https://tentvansamekoms.co.za

Sel: +27716283107

II KRONIEKE 28:19, 21-22 AFR53

Wed, 08 Oct 2025 06:26:49 GMT

19. want die Here het Juda verneder ter wille van Agas, die koning van Israel, omdat hy losbandigheid in Juda bevorder en gedurig ontrou teen die Here gehandel het.

21. want Agas het die huis van die Here en die huis van die koning en van die owerstes geplunder, en dit aan die koning van Assirië gegee sonder dat dit hom tot hulp was.

22. Selfs in die tyd toe hulle hom in benoudheid gebring het, het hy nog meer ontrou teen die Here begaan, dieselfde koning Agas:

***

Kern gedeelte:

"die Here het Juda verneder ter wille van Agas"

Vanoggend se woord is so toepaslik op ons land Suid-Afrika!

GOD is besig om ons land te verneder ter wille van ons leiers wat van GOD af weggedraai het, en agter die afgode van hierdie wêreld aanhardloop.

Maar Pasop, voor ons 'n vinger wys na die regering, laat ons besef dat ons is die hoof van ons huis en ons sal ook vernedering oor ons huis bring as ons ontrou teenoor die HERE handel.

Hierdie boodskap sal nie by almal insink nie, want soos Agas, toe GOD hom in benoudheid gebring het, nog meer ontrou gehandel het, so sal sekere van ons, in ons ontrou voortgaan.

Dit is reg, dit is elkeen se keuse, maar as ons vernedering oor ons huis bring, moet ons nie vra hoekom nie, want ons is gewaarsku.

-------

GEBED.

VADER, U het vanoggend tot ons gespreek deur U Woord, maar die keuse van gehoorsaamheid lê by elkeen van ons. Ons kan vandag die lot van ons huis, ons gesin en families bepaal, deur te kies om voort te gaan en nog meer ontrou te handel. Of ons kan kies om van die wêreld weg te draai, en te verklaar, dat ek en my huis, ons sal die HERE dien.

In die Naam van ons Meester YESHUA, bid ons vir die regte keuse, die keuse om aan U getrou te bly.

Amen.

•••••••

Webtuiste: https://tentvansamekoms.co.za

Sel: +27716283107

LUKAS 18:38-42 AFR53

Tue, 07 Oct 2025 06:24:07 GMT

38. Toe roep hy uit en sê: Jesus, Seun van Dawid, wees my barmhartig!

39. En die wat voor loop, bestraf hom dat hy moet stilbly. Maar hy het al harder uitgeroep: Seun van Dawid, wees my barmhartig!

40. En Jesus het gaan staan en bevel gegee dat hy na Hom gebring moes word; en toe hy naby kom, vra Hy hom

41. en sê: Wat wil jy hê moet Ek vir jou doen? En hy antwoord: Here, dat ek kan sien.

42. En Jesus sê vir hom: Sien! Jou geloof het jou gered.

***

Kern gedeelte:

"Maar hy het al harder uitgeroep"

Vanoggend is die boodskap, roep al harder, moenie toelaat die die geraas van hierdie wêreld, die Stem van GOD in jou stilmaak nie.

Daar is soveel tyd vir ander dinge maar daar is nooit tyd vir GOD nie.

As enige iemand vanoggend met my wil verskil, dan het ek net een vraag, kyk na jou skerm tyd op jou foon vir die week, en kyk na na die tyd wat jy in stilte in GOD se Woord deurgebring het.

Die geraas in jou lewe is die dinge wat jou weghou van die voete, die teenwoordigheid van GOD, sodat jy met die wêreld bemoeid raak en die Verlossing plan, die ewige lewe sal mis.

Maar as jy vanoggend al harder roep en jou aandag toenemend aan GOD en Sy Woord toewy, sal jy ook die antwoord kry.

En Jesus sê vir hom: Sien! Jou geloof het jou gered.

-------

GEBED.

VADER, gee ons asb die krag om nooit te swyg oor U Woord, U gebooie of die redding wat U vir ons bewerkstellig het deur U Seun nie. Versterk ons asb, beklee ons met U wapenrusting deur die inwerking van U Heilige Gees. Laat ons van vandag af, bo die geraas van hierdie wêreld kan uitroep, sodat almal sal weet wie is ons GOD, en wie is ons Verlosser.

In die Naam van ons Meester YESHUA, bid ons dat U ons die krag sal gee om op te staan, en uit te staan in hierdie wêreld.

Amen.

•••••••

Webtuiste: https://tentvansmekoms.co.za

Sel: +27716283107

MATTHÉÜS 6:1-4 AFR53

Mon, 06 Oct 2025 06:32:00 GMT

1. PAS op dat julle nie jul liefdadigheid voor die mense bewys om deur hulle gesien te word nie; anders het julle geen loon by julle Vader wat in die hemele is nie.

2. Wanneer jy dan liefdadigheid bewys, moenie 'n trompet voor jou blaas soos die geveinsdes in die sinagoges en op die strate doen, dat hulle deur die mense geëer kan word nie. Voorwaar Ek sê vir julle, hulle het hul loon weg.

3. Maar jy, as jy liefdadigheid bewys, laat jou linkerhand nie weet wat jou regterhand doen nie,

4. sodat jou liefdadigheid in die verborgene kan wees; en jou Vader wat in die verborgene sien, Hy sal jou in die openbaar vergelde.

***

Kern gedeelte:

"laat jou linkerhand nie weet wat jou regterhand doen nie"

Soveel mense wil tog deur ander mense gesien word, deur ander mense geprys word.

Wanneer daar 'n uitreik na mense toe is, neem dan die nodige video of fotografiese materiaal, maar moet nie ten koste van ander mense doen nie.

As jy iemand gehelp het, is dit nie nodig om dit by elke plek aan mense te vertel, op die media te plaas net om deur mense gesien te word nie.

GOD ken die motiewe van die hart, en om mense te verneder ter wille van jou eie eer is nie aanvaarbaar nie.

Wanneer jy mense moet help, laat die Heilige Gees jou daarin lei.

Jy sal ervaar of jy die hand na iemand moet uitreik of nie, en as jy dit gedoen het, laat dit wees, niemand het nodig om te weet nie

-------

GEBED.

VADER, wanneer ons die eer van mense soek, kan ons nie in dit wat ons doen, aan U die eer aan U gee nie, want onself wil deur die mense geeër word. U Woord is duidelik dat ons U eer nooit moet aanraak nie, en daarom vra ons vir Leiding deur U Heilige Gees in elke saak.

In die Naam van ons Meester YESHUA, bid ons vir gehoorsaamheid aan U Stem.

Amen.

•••••••

Webtuiste: https://tentvansamekoms.co.za

Sel: +27716283107

MATTHÉÜS 12:34-37 AFR53

Fri, 03 Oct 2025 14:33:03 GMT

34. Addergeslag, hoe kan julle goeie dinge praat terwyl julle sleg is? Want uit die oorvloed van die hart praat die mond.

35. Die goeie mens bring uit die goeie skat van sy hart goeie dinge te voorskyn, en die slegte mens bring uit die slegte skat slegte dinge te voorskyn.

36. Maar Ek sê vir julle dat van elke ydele woord wat die mense praat, daarvan moet hulle rekenskap gee in die oordeelsdag.

37. Want uit jou woorde sal jy geregverdig word, en uit jou woorde sal jy veroordeel word.

***

Kern gedeelte:

"uit jou woorde sal jy veroordeel word"

Plaas 'n wag voor jou mond!

In Spreuke 10 staan geskrywe dat in die veelheid van woorde, ontbreek die sonde nie en die mond van die regverdige is 'n fontein van lewe.

Soms in die hitte van die oomblik wil ons iets kwytraak, wanneer die frustrasie begin oorkook.

Waak egter daarteen want woorde kan nooit weer terug getrek word nie.

Dit geld ook vir mense in jou lewe, pasop vir die man van vele woorde want daarin skuil die strikke van die lewe.

In elke woord, in elke saak, bid vir bevestiging deur die Heilige Gees, en GOD sal die valsheid van die woorde aan jou openbaar.

Wanneer jy egter praat, laat jou woorde 'n fontein van lewe wees.

-------

GEBED.

VADER, ons bid vir vergifnis van ons sonde, want ons gemoed is haastig in die woorde wat ons spreek. Tog leer U Woord ons dat selfs 'n sot wat swyg, kan as wys aangesien word. Beskerm ons teen die woorde van ons mond dat ons nie daardeur verstrik raak nie. Leer ons asb dat woorde kosbaar is en net gespreek moet word wanneer dit nodig is.

In die Naam van ons Meester YESHUA, bid ons vir woorde van wysheid en van seëninge vir ander.

Amen.

-------

Webtuiste: https://tentvansamekoms.co.za

Sel+27716283107

OPENBARING 20:12-13, 15 AFR53

Thu, 02 Oct 2025 06:29:51 GMT

12. En ek het die dode, klein en groot, voor God sien staan, en die boeke is geopen; en 'n ander boek, die boek van die lewe, is geopen. En die dode is geoordeel na wat in die boeke geskryf is, volgens hulle werke.

13. En die see het die dode gegee wat daarin was, en die dood en die doderyk het die dode gegee wat daarin was; en hulle is geoordeel, elkeen volgens sy werke.

15. En as dit bevind is dat iemand nie opgeskryf was in die boek van die lewe nie, is hy in die poel van vuur gewerp.

***

Kern gedeelte:

"volgens hulle werke"

Vandag is een van die boodskappe wat self spreek sonder dat ek veel hoef by te voeg, maar drie dinge is 'n realiteit al probeer soveel mense dit wegpraat.

* Elkeen sal geoordeel word vir sy eie werke.

* Die moontlikheid bestaan dat jou naam nie opgeskryf sal word in die boek van die lewe nie.

* Die vuurpoel, die Hel is 'n realiteit.

Mag vandag se boodskap, stof tot nadenke wees vir elkeen van ons, want voor GOD gaan ons elkeen vir sy eie dade verantwoording doen.

-------

GEBED.

VADER, dankie dat daar geen onduidelikheid is in U Woord nie. Elkeen van ons maak sy eie keuse, en elkeen staan pa vir dit wat hy in hierdie leeftyd doen. Help ons asb om die inwerking van U Heilige Gees te ervaar sodat ons daagliks daarna sal strewe om binne U Woord te lewe. Mag U Woord en U Naam nooit van ons lippe wyk nie.

In die Naam van ons Meester YESHUA, bid ons vir vergifnis van ons sondes, en bid ons vir siele tot bekering.

Amen.

•••••••

Webtuiste: https://tentvansamekoms.co.za

Sel: +27716283107

PSALMS 146:1-5 AFR53

Wed, 01 Oct 2025 06:29:34 GMT

1. HALLELUJA! Loof die Here, o my siel!

2. Ek wil die Here prys solank as ek lewe; ek wil psalmsing tot eer van my God solank as ek nog daar is.

3. Vertrou nie op prinse, op die mensekind, by wie geen heil is nie.

4. Sy gees gaan uit, hy keer terug na sy aarde toe; op daardie dag is dit met sy planne gedaan.

5. Welgeluksalig is hy wat die God van Jakob het as sy hulp, wie se hoop is op die Here sy God,

***

Kern gedeelte:

"Ek wil die Here prys solank as ek lewe; ek wil psalmsing tot eer van my GOD"

Vanoggend wil ek net vir jou sê, moenie GOD net prys wanneer dit goed gaan nie, maar prys GOD deurentyd.

Loof en prys Sy Heilige Naam selfs in jou donkerste omstandighede.

Roep uit tot GOD in jou omstandighede en dank Hom vir jou lewenspad vorentoe.

'n Pad van voorspoed, waar GOD jou binne Sy Wil sal lei.

Jou omstandighede word verander wanneer jy selfs daarin, GOD se plan kan sien, die uitweg wat wag.

Die donker in jou lewe verdwyn wanneer jy die Lig van JESUS CHRISTUS in jou lewe laat skyn.

Staan vanoggend op, loof en prys Sy Heilige Naam, en kyk hoe die gety van omstandighede begin draai.

-------

GEBED.

VADER, in alleen is ons vertroue en in U alleen is ons hoop. Daarom staan ons vanoggend op en ons loof en prys U Heilige Naam en gee aan U die eer. Ek is nie bekommerd oor my omstandighede nie, want U is nie net in my omstandighede nie, U is groter as my omstandighede, en deur U Woord word ons storms in 'n oomblik stil.

In die Naam van ons Meester YESHUA, gee ons aan U die lof en die eer, selfs in die donkerste omstandighede.

Amen.

•••••••

Webtuiste: https://tentvansamekoms.co.za

Sel: +27716283107

DEUTERONÓMIUM 28:1-2 AFR53

Tue, 30 Sep 2025 06:47:09 GMT

1. AS jy dan goed luister na die stem van die Here jou God om sorgvuldig te hou al sy gebooie wat ek jou vandag beveel, dan sal die Here jou God jou die hoogste stel bo al die nasies van die aarde.

2. En al hierdie seëninge sal oor jou kom en jou inhaal as jy luister na die stem van die Here jou God.

***

Kern gedeelte:

"En al hierdie seëninge sal oor jou kom"

Baie van ons kan nie verstaan hoekom GOD se Goedheid en Guns ons nie volg nie, maar dan moet ons dalk DEUTERONÓMIUM 28 stadig en aandagtig gaan deurlees en self ondersoek begin doen.

Ek gaan nie die fout by ander soek nie, want waarskynlik lê die probleem ook dalk by my!

Daarom, voor ek oordeel, gebruik ek eerder die geleentheid om seën en lewe oor ander mense se lewe te spreek.

Ons kan ander kritiseer en vingers wys, maar onthou, daar sal altyd drie vingers terug wys na ons toe.

Vandag wil ek vir jou sê, Mag die seëninge van DEUTERONÓMIUM 28 oor jou lewe kom, oor jou huis, jou gesondheid, jou finasies en oor jou kinders.

Mag jy wat hierdie lees of luister, van vandag af, die kop wees en nie die stert nie, en mag jou vyande op sewe paaie voor jou uitvlug.

Geseênd is jy in alles wat jy jou hand aan slaan.

-------

GEBED.

VADER, seën asb elkeen wat hierdie boodskap lees of luister, en mag U Goedheid en Guns hulle volg al die dae van hulle lewe. Mag elkeen van ons 'n Gees geleide lewe lei, en dat ons U Stem hoorbaar kan hoor en ons bid vir die gehoorsaamheid om daarop te reageer.

Seën asb elkeen van ons se ingang en ons uitgang, en mag ons voete standvastig op die Rots gevestig wees.

In die Naam van ons Meester YESHUA, spreek ons lewe oor elke situasie.

Amen.

••••••••

Webtuiste: https://tentvansamekoms.co.za

Sel: +27716283107

SEFÁNJA 3:1-3 AFR53

Mon, 29 Sep 2025 06:54:17 GMT

1. WEE die opstandige en die besoedelde, die verdrukkende stad.

2. Dit luister na geen stem nie, dit neem geen tugtiging aan nie; op die Here vertrou dit nie, tot sy God kom dit nie nader nie.

3. Sy vorste binne-in hom is brullende leeus; sy regters is aandwolwe wat niks vir die môre oorlaat nie.

***

Kern gedeelte:

"WEE die opstandige en die besoedelde"

Is die bognoemde teksverse nie 'n akkurate beskrywing van die toestand van ons land nie, en tog beweeg ons as GOD se volk net verder en verder van Hom af weg.

Deurlopend, deur die Woord van GOD, moes daar eers 'n strafgerig plaasvind, voordat die volk tot GOD sou nader.

Ons kan heeldag daaroor kla of ons kan iets daaraan doen.

Moenie rondloop en verkondig dat alles te laat is nie, maar laat elkeen van ons eers voor ons eie deur vee, en laat elkeen van ons die verandering in ons eie huis bring.

Hoe verander ons sake in ons huise en ons land?

* Deur te luister na GOD se Stem.

* Deur GOD tugtiging aan te neem.

* Deur ons vertroue weer in GOD te plaas.

* Deur weer daagliks tot GOD te nader.

Onthou, laat ons tot GOD nader, en Hy sal tot ons nader, niks is ooit te laat nie.

-------

GEBED.

VADER, U Woord is waarheid, maar soos deur die geskiedenis bewys, moet U volk eers struikel, ons moet eers val voor ons tot U sal nader en na U stem begin luister. Ons vra asb vir die krag om nie vir ander te wag nie, maar dat die verandering vandag by elkeen van ons sal begin, deur ons huise na die wêreld daar buite.

In die Naam van ons Meester YESHUA, bid ons vir die krag om op te staan en 'n verskil te maak waar dit binne ons mag is.

Amen.

•••••••

Webtuiste: https://tentvansamekoms.co.za

Sel: +27716283107

SEFÁNJA 1:17-18 AFR53

Fri, 26 Sep 2025 06:52:32 GMT

17. En Ek sal die mense in benoudheid bring, en hulle sal rondloop soos blindes, omdat hulle teen die Here gesondig het; en hulle bloed sal vergiet word soos stof en hulle ingewande soos drek.

18. Hulle silwer of hulle goud sal nie in staat wees om hulle op die dag van die grimmigheid van die Here te red nie, maar deur die vuur van sy ywer sal die hele aarde verteer word; want Hy bring vernietiging, ja, 'n verskriklike, oor die inwoners van die aarde.

***

Kern gedeelte:

"Hulle silwer of hulle goud sal nie in staat wees om hulle op die dag van die grimmigheid van die Here te red nie"

Met watter gedagtes het jy vanoggend wakker geword, en met watter gesindheid gaan jy hierdie dag in?

Is jou vertroue volkome op GOD, of staan jy nog met een voet in die wêreld waar jy tans besig is om te steun op die arm van vlees.

As jy meer bevoorreg is as die volgende persoon, moenie geld jou god maak nie, want dit gaan jou nie in die hemel bring nie.

Ons geloof in JESUS CHRISTUS, en gehoorsaamheid aan GOD se gebooie is wat jou in hemel sal inbring.

Die res is genadegawes van GOD waarmee jy geseën is.

Moenie 'n afgod maak van dit wat GOD jou meë geseën het nie.

Dien GOD met 'n volkome hart en soek jou wysheid en insig slegs by Hom alleen.

-------

GEBED.

VADER, ons bid vanoggend vir nederigheid, nederigheid en nederigheid sodat ons sal weet waar ons hulp vandaan kom. Gee ons asb die krag om nooit te dink dat dit wat die wêreld bied, groter is as U nie. U is ons Rots en ons Vesting, ons GOD op wie ons vertrou.

In die Naam van ons Meester YESHUA, bid ons vir vergifnis van ons sondes, selfs vir die onwetende sondes in ons lewe.

Amen.

•••••••

Webtuiste: https://tentvansamekoms.co.za

Sel+27716283107

HÁBAKUK 2:4-5, 9 AFR53

Thu, 25 Sep 2025 06:55:03 GMT

4. Kyk, sy siel is opgeblase in hom en nie reg nie. Maar die regverdige, deur sy geloof sal hy lewe.

5. En bowendien, die wyn is 'n bedrieër, 'n trotse man is onbestendig: hy wat sy keel wyd oopmaak soos die doderyk, en soos die dood is hy, so onversadelik — hy vergader vir homself al die nasies en maak vir hom al die volke bymekaar.

9. Wee hom wat vuil gewin maak vir sy huis, om sy nes in die hoogte te bou, om homself te red uit die greep van onheil.

***

Kern gedeelte:

"Wee hom wat vuil gewin maak vir sy huis"

As daar een ding is waarvan jy seker kan wees is dit die volgende!

Een onregverdige sent, vergeld tien duisend regverdige sente.

Miskien het jy vandag daarmee weggekom, en miskien sal jy ook môre daarmee wegkom, maar weet die arm van GOD is nooit te kort nie.

Die een of ander tyd gaan dit jou inhaal, en dan moet jy nie vra hoekom nie, want die antwoord gaan in jou eie hand wees.

Moet dan nie vra hoekom jou verdienste soos water deur jou vingers glip nie, en hoekom jou werke nie geseënd is nie.

Want jy het gekies om jou fondasie op ongeregtigheid te bou!

En hierdie woorde is op ons almal van toepassing!

-------

GEBED.

VADER, leer ons asb hoe om in U pad van geregtigheid te lewe, en om ander te behandel soos ons behandel wil word. U Woord is duidelik, ons kan kies watter pad ons wil stap. Die pad van geregtigheid of die pad van ongeregtigheid. As ons die pad van ongeregtigheid kies, laat ons dan nie vra hoekom U Goedheid en U Guns ons nie meer volg nie.

In die Naam van ons Meester YESHUA, bid ons vir die krag om aan te hou om die regte dinge te doen, selfs waar niemand sien nie.

Amen.

•••••••

Webtuiste: https://tentvansamekoms.co.za

Sel+27716283107

JUDAS 1:20-23 AFR53

Wed, 24 Sep 2025 06:17:12 GMT

20. Maar julle, geliefdes, moet julleself opbou in jul allerheiligste geloof en in die Heilige Gees bid

21. en julleself in die liefde van God bewaar, terwyl julle die barmhartigheid van onse Here Jesus Christus tot die ewige lewe verwag.

22. En aan sommige wat twyfel, moet julle barmhartigheid bewys;

23. maar ander moet julle met vrees red deur hulle uit die vuur te ruk; en ook die kleed moet julle haat wat deur sonde bevlek is.

***

Kern gedeelte:

"maar ander moet julle met vrees red deur hulle uit die vuur te ruk"

Ons lewe in 'n tyd en era waarin mense so gebreinspoel is dat hulle glo dat die "oor" streling van die mens, die liefde van GOD is.

Die realiteit is net net die teenoorgestelde!

Jy moet GOD se Woord in waarheid spreek, sagmoedig en self beheersing.

Die antwoord, nee beteken nog nee, al sê ek dit in liefde.

Met sagmoedigheid, en in liefde sê ek vandag vir jou, bekeer jou van jou sondige weë, en dan kom jy terug, maar jy bring nie jou wêreldse weë en gewoontes in my huis in nie.

Ek ruk jou uit die vuur deur dit vir jou duidelik te maak, dat 'n lewe weg van GOD af, gaan jou helwaarts lei, maar jy het nog vandag die keuse in JESUS CHRISTUS.

Ek sê dit nie om jou te kritiseer nie, maar as ek dit nie vir jou sê nie, bly die bloed op my hande.

Spreek die waarheid, tugtig en vermaan, en ruk die uit die vuur wat blindelings helwaarts stap.

-------

GEBED.

VADER, gee asb aan ons die krag, deur die inwerking van U Heilige Gees om te staan vir die waarheid van U Woord, en gee asb aan ons die vermoë om die waarheid in liefde te spreek. Maar maak ons ook asb sterk, sodat ons die sonde op die naam sal noem, sodat ons nie mense se ore sal streel om in die gewildheid van die wêreld te staan nie.

In die Naam van ons Meester YESHUA, bid ons dat slegs die waarheid van U Woord oor ons lippe sal gaan.

Amen.

•••••••

Webtuiste: https://tentvansamekoms.co.za

Sel: +27716283107

HÁBAKUK 1:6-7, 12 AFR53

Tue, 23 Sep 2025 09:23:54 GMT

6. Want kyk, Ek gaan die Chaldeërs opwek, daardie kwaai en onstuimige nasie wat trek deur die wydtes van die aarde, om wonings in besit te neem wat aan hom nie behoort nie.

7. Verskriklik en gedug is hy, van homself gaan sy reg en hoogheid uit.

12. IS U dan nie uit die voortyd nie, o Here, my God, my Heilige? Ons sal nie sterwe nie. Here, tot 'n strafoordeel het U hom bestel en, o Rots, tot 'n tugroede het U hom bestem!

***

Kern gedeelte:

"tot 'n tugroede het U hom bestem!"

Dikwels wanneer ons in situasies op-eindig waar daar geen reg en geregtigheid is nie, is dit juis vir ons tot tugtiging, vir ons tot lering, vir ons tot strafoordeel.

Moenie dat hierdie situasie waarin jy jouself bevind tot jou nadeel sal wees nie, maar leer om GOD se Geregtigheid, Sy onpartydige opregtheid in elke saak te soek.

Leer daaruit, sodat wanneer jy in die toekoms in beheer van sake is, jy nie dieselfde roete sal volg, weer die weg van ongeregtigheid sal soek nie.

Ja, soos die Chaldeërs opgewek is teen die volk van GOD, so sal mense deur GOD in plek geplaas word, sodat jy deur hulle tot die pad van geregtigheid kan kom.

Moet dit nie as 'n straf sien nie, maar gebruik die situasie om jouself te verbeter op elke moontlik vlak, en laat die probleem jou leer hoe om weer nader aan GOD te kom.

-------

GEBED.

VADER, vir alles en almal is daar 'n doel, soms juis om ons te leer hoe ons nie moet lewe nie. Ons leer dalk deur ander, hoe ons mense, nie moet behandel nie. Openbaar asb aan ons die doel van hierdie les, die doel van hierdie beproewings tydperk waardeer ons moet gaan. Gee ons asb die krag om sterker anderkant uit te stap, en dan te leef ter ere van GOD.

In die Naam van ons Meester YESHUA, bid ons dat U ons sal versterk in hierdie tyd van beproewing. Laat dit vir ons tot lering wees.

Amen.

•••••••

Webtuiste: https://tentvansamekoms.co.za

Sel: +27716283107

I KONINGS 17:13-14 AFR53

Mon, 22 Sep 2025 06:37:42 GMT

13. En Elía sê vir haar: Wees nie bevrees nie, gaan heen, doen volgens jou woord; maar maak eers daarvan vir my 'n broodkoekie en bring dit uit vir my; daarna kan jy vir jóú en jou seun iets klaarmaak.

14. Want so sê die Here, die God van Israel: Die meel in die pot sal nie opraak en die olie in die kruik sal nie minder word nie, tot op die dag dat die Here reën op die aarde sal gee.

***

Kern gedeelte:

"Wees nie bevrees nie, gaan heen, doen volgens jou woord"

Hoeveel van ons mis ons deurbrake omdat ons, ons vastaar in ons beperkinge, in die bietjie wat ons het.

Ons glo en spreek, dat na die dag van môre is ons ook daarmee heen, het ons ook ons einde bereik.

Ons spreek eerder negatiewiteit oor ons lewe en omstandighede en glo nie dat GOD sal voorsien in ons daaglikse brood nie.

Hier is die waarheid, hou op twyfel, staan op en loop die pad wat GOD vir jou uitgelê.

GOD sal jou nie stuur, waar Hy nie sal voorsien nie, maar jy moet opstaan, en die eerste tree in geloof neem, en dan sal jy sien hoe die meel in die pot sal nie opraak en die olie in die kruik sal nie minder word nie.

--------

GEBED.

VADER, in hierdie oggend bely ons, ons sonde van twyfel, onsekerheid en wantroue. Dit is menslik dat ons nie U plan vir ons lewe verstaan nie en daarom word ons deur ons twyfel oorheers. Ons vra dat U Heilige Gees ons sal lei binne U Wil, op die pad wat lei tot ons deurbraak wat U vir ons daar gestel het. Dankie dat die olie en die meel nie sal opraak totdat U die deurbraak, die reëns van U seëninge gestuur het nie.

In die Naam van ons Meester YESHUA, bid ons dat U met ons sal wees elke tree van die lewenspad.

Amen.

••••••••

Webtuiste: https://tentvansamekoms.co.za

MATTHÉÜS 19:16-17 AFR53

Fri, 19 Sep 2025 06:24:33 GMT

16. EN daar kom een na Hom en sê vir Hom: Goeie Meester, watter goeie ding moet ek doen, dat ek die ewige lewe kan hê?

17. En Hy sê vir hom: Waarom noem jy My goed? Niemand is goed nie, behalwe een, naamlik God. Maar as jy in die lewe wil ingaan, onderhou die gebooie.

***

Kern gedeelte:

"Maar as jy in die lewe wil ingaan, onderhou die gebooie"

As jy daarna strewe om binne GOD se geregtigheid te lewe, binne Sy onpartydige opregtheid, moet dan nie die tien gebooie net lees nie, maar pas dit toe, elke tree van jou lewenspad.

Dan sal jy in jou weë geseënd wees!

Beklee jou met GOD se Woord, laat dit sigbaar wees in jou handel, jou wandel, in jou spraak en jou optrede.

Wanneer jy jou beklee met GOD se Woord, gehoorsaam is aan Sy opdragte, en ons, ons geloof in JESUS CHRISTUS bewaar, sal die Lig van Verlossing deur ons skyn vir ander om te sien.

Laat jou lig skyn vir die wêreld om te sien, en versprei die Evangelie van ons Verlosser, elke tree van die lewenspad.

-------

GEBED.

VADER, U maak dit vir ons so duidelik in U Woord, As julle My liefhet, onderhou my gebooie, want in die onderhouding van U gebooie, sal ons U onpartydige opregtheid vind. Laat ons nie daaroor argumenteer nie, want U Woord is suiwer en U opdragte volmaak. Laat elkeen kies wat hulle wil doen, maar ek en my huis, ons sal die HERE dien.

In die Naam van ons Meester YESHUA, bid ons dat U Heilige Gees ons sal lei hoe om binne die bepalings van U Woord te wandel.

Amen.

•••••••

Webtuiste: https://tentvansamekoms.co.za

Sel: +27716283107

ROMEINE 12:3-6 AFR53

Thu, 18 Sep 2025 06:39:28 GMT

3. Want deur die genade wat aan my gegee is, sê ek vir elkeen wat onder julle is, dat hy nie van homself meer moet dink as wat 'n mens behoort te dink nie; maar dat hy daaraan moet dink om besadig te wees na die maat van geloof soos God dit aan elkeen toebedeel het.

4. Want soos ons in een liggaam baie lede het en die lede nie almal dieselfde werking het nie,

5. so is ons almal saam een liggaam in Christus en elkeen afsonderlik lede van mekaar.

6. En ons besit genadegawes wat verskil volgens die genade wat aan ons gegee is:

***

Kern gedeelte:

"dat hy nie van homself meer moet dink as wat 'n mens behoort te dink nie"

Vanoggend wil ek net vir jou sê, "PASOP" vir hoogmoed, want hoogmoed is die moeder van alle sondes.

Deur hoogmoed is die "verderwer" uit die hemel gewerp, en deur hoogmoed is Nebukadneser se koningkryk van hom weggeneem totdat hy erken het dat GOD die Allerhoogste is.

Rykdom, faam, talente of goeie posisie wat jy dalk beklee, is genade gawes in jou lewe.

Instede daarvan om onself bo ander te verhef, kom ons gebruik eerder GOD se seëninge om ander ook daarmee te seën.

Soos jy met 'n oop hand ontvang, so moet jy ook met 'n oop hand gee.

Laat GOD se son oor almal skyn.

-------

GEBED.

VADER, soveel van ons lewe nog met die "eie ek" gesindheid, en ons glo dat dit ons harde werk, vernuf en besigheids kennis was wat ons tot hier gebring het. Verblind deur ons arrogansie, besef ons nie dat elke gawe uit U Hand kom nie. Daarom wil ons vanoggend in nederigheid voor U kom om net dankie te sê dat U ons geseën het met dit wat ons vandag het.

In die Naam van ons Meester YESHUA, bid ons vir U goedheid en U guns in ons lewe.

Amen.

•••••••

Webtuiste: https://tentvansamekoms.co.za

Sel: +27716283107

FILIPPENSE 4:4-7 AFR53

Wed, 17 Sep 2025 06:57:46 GMT

4. Verbly julle altyd in die Here; ek herhaal: Verbly julle!

5. Laat julle vriendelikheid aan alle mense bekend word. Die Here is naby.

6. Wees oor niks besorg nie, maar laat julle begeertes in alles deur gebed en smeking met danksegging bekend word by God.

7. En die vrede van God, wat alle verstand te bowe gaan, sal julle harte en julle sinne bewaar in Christus Jesus.

***

Kern gedeelte:

"Verbly julle altyd in die Here"

As jou blydskap in GOD gevestig is, sal jy met dankbaarheid in jou hart lewe.

Die teenoorgestelde is ook waar, as jy nog na jou blydskap in die wêreld soek, as jy nog met onvergenoegdeid deur die lewe gaan, sal jy met 'n ondankbare hart na alles kyk.

In Romeine 12:2 sê staan daar duidelik geskrywe;

En word nie aan hierdie wêreld gelykvormig nie, maar word verander deur die vernuwing van julle gemoed.....

Miskien moet ons vanoggend nie vra vir dit wat ons begeer nie, maar eerder dankbaar wees met dit wat ons reeds het.

Kyk met waardering om jou rond, en dank GOD vir elke gawe uit Sy Hand, en dankbaarheid sal ook jou hart oorspoel, en jy sal weet, jy is maar nou eenmaal, 'n geseënde van GOD.

-------

GEBED.

VADER, in hierdie oggend ure voel ons soms te moeg om op te staan, maar dan neem ons 'n oomblik om U te dank vir elke stukkie seënige in ons lewe, en dan eers besef ons hoe geseënd ons werklik is, en op daardie oomblik kan ons nie anders as om ons te verbly in U nie.

Laat ondankbaarheid nooit vatplek in ons harte kry nie.

In die Naam van ons Meester YESHUA, bid ons vir krag in hierdie dag.

Amen

•••••••

Webtuiste: https://tentvansamekoms.co.za

Sel: +27716283107

MATTHÉÜS 6:34 AFR53

Tue, 16 Sep 2025 06:49:57 GMT

34. Kwel julle dus nie oor môre nie, want môre sal hom oor sy eie dinge kwel. Elke dag het genoeg aan sy eie kwaad.

***

Kern gedeelte:

"Elke dag het genoeg aan sy eie kwaad"

Soms kyk ons so vas in die dag van môre, dat ons vergeet om vandag voluit te lewe.

Net vir 'n oomblik, dink terug oor verlede week, die probleme en uitdagings wat jy mee moes deel.

Sommige was so groot dat ons hart gekrimp het daarvan en ons kon nie 'n uitweg sien nie, maar as ons nou terugkyk, het GOD ons ook daardeur gedra, versterk en krag gegee.

Die probleem wat onoorkombaar was, is nie meer nie, maar in jou gees is jy sterker, en jou geloof groei met elke tree.

Daarom, staan vandag op, leef voluit, maak GOD se Naam groot, want hierdie week se berg sal volgende week se getuienis wees.

Kwel jou dus nie oor die dag van môre nie, want GOD is in beheer, en Hy sal jou lei op die pad.

Weet net dat ook die dag van môre is in GOD se Hand en Sy Wil sal geskied!

Staan vas in jou geloof, en moenie wankel nie.

-------

GEBED.

VADER, vanoggend kyk ek terug en ek besef dat die aanslag van gister is my getuienis in hierdie oggend, van hoe groot U is en hoe U sake beskik binne U geregtigheid. Dankie dat U groter is as my probleme, en VADER dat U selfs negatiewe en moeilike situasies gebruik om my op te bou, te versterk sodat ek die volgende struikelblok in geloof kan hanteer, want my GOD is in beheer.

In die Naam van ons Meester YESHUA, bid ons vir geloof soos 'n Mosterd daad, wat sal groei, vir die "wêreld" ten aanskoue.

Amen.

•••••••

Webtuiste: https://tentvansamekoms.co.za

Sel: +27716283107.

MATTHÉÜS 24:33-35 AFR53

Mon, 15 Sep 2025 06:41:49 GMT

33. So weet julle ook, wanneer julle ál hierdie dinge sien, dat dit naby is, voor die deur.

34. Voorwaar Ek sê vir julle, hierdie geslag sal sekerlik nie verbygaan voordat al hierdie dinge gebeur het nie.

35. Die hemel en die aarde sal verbygaan, maar my woorde sal nooit verbygaan nie.

***

Kern gedeelte:

"maar my woorde sal nooit verbygaan nie"

Deur die laaste paar dekades, het die werkers van "wêreld" probeer om die Woord van GOD te verander, af te water en ons te oortuig dat alle sonde is aanvaarbaar, solank ons onder die genade lewe.

Nee vanoggend se boodskap is nie 'n Bybel debat nie, en ek wil niemand se oortuigings verander nie.

Maar die waarheid van GOD se Woord en die Evangelie van JESUS CHRISTUS sal nie verander word nie, al vat hulle ook ons Bybels weg.

Openbaring 14:12 AFR 33-53 vertaling lees,

Hier kom die lydsaamheid van die heiliges te pas; hier is hulle wat die gebooie van God en die geloof in Jesus bewaar.

Die wêreld kan die waarheid verdraai, maar deur die inwerking van GOD se Heilige Gees sal die waarheid altyd na vore kom.

In, en deur GOD se Woord sal jy die Lig, die Weg en die Waarheid vind.

-------

GEBED.

VADER, dankie dat ons, deur nie U Woord net te lees nie, maar U Woord te begin uitleef en toe te pas in ons lewe, ons laat wegkeer van die sonde, die begeertes van hierdie wêreld en die pad van waarheid saam met U kan begin stap. Dankie dat U Woord nooit sal verbygaan nie.

In die Naam van ons Meester YESHUA, bid ons dat die Waarheid van U Woord sal deurding tot ons.

Amen.

••••••••

Webtuiste: https://tentvansamekoms.co.za

Sel: +27716283107

HEBREËRS 13:5-6 AFR53

Fri, 12 Sep 2025 06:28:05 GMT

5. Julle gedrag moet vry van geldgierigheid wees. Wees tevrede met wat julle het, want Hy het gesê: Ek sal jou nooit begewe en jou nooit verlaat nie.

6. Daarom kan ons met alle vrymoedigheid sê: Die Here is vir my 'n Helper, en ek sal nie vrees nie; wat sal 'n mens aan my doen?

***

Kern gedeelte:

"Die Here is vir my 'n Helper"

In die lewe gaan ons mense teëkom wat dink dat alles en almal het 'n prys, en hulle kan ander mense se lewens met geld manupileer, omdat hulle self deur geldgierigheid gedryf word.

Maar as ons die teks gedeelte noukerig lees sal jy die bevestiging van GOD se getrouheid en voorsiening raaklees wanneer Hy vir ons sê:

Ek sal jou nooit begewe en jou nooit verlaat nie.

Moenie deur mense aan die neus rond gelei word nie, en moenie toelaat dat jy deur ander se gierigheid meegesleep word nie.

GOD het jou tot hierdie gedra en Hy sal voorsien in jou daaglikse brood.

Daarom kan ons met alle vrymoedigheid sê: Die Here is vir my 'n Helper, en ek sal nie vrees nie; wat sal 'n mens aan my doen?

-------

GEBED.

VADER, my gebed is eenvoudig, gee ons asb ons daaglikse brood, nie 'n maand se brood vooruit nie, sodat ons vertroue slegs in U sal wees en dat ons nie sal steun op die arm van vlees nie. Lei ons asb in U spore van geregtigheid.

In die Naam van ons Meester YESHUA, bid ons vir U leiding sodat ons nie in strikke van geldgierig sal trap nie.

•••••••

Webtuiste: https://tentvansamekoms.co.za

Sel: +27716283107

DEUTERONÓMIUM 23:14 AFR53

Thu, 11 Sep 2025 06:46:02 GMT

14. Want die Here jou God wandel midde-in jou laer om jou te red en jou vyande aan jou oor te gee; daarom moet jou laer heilig wees, sodat Hy niks skandeliks by jou mag sien en Hom van jou afwend nie.

***

Kern gedeelte:

"en Hom van jou afwend nie"

In die Woord van GOD staan geskrywe, wees heilig, want Ek is Heilig, en daarom moet ons daagliks ons motiewe, denkwyse, woorde en optrede, wat soms ver te kort skiet, ondersoek, sodat GOD se Heilige Gees Hom nie sal ontrek van ons lewe, omdat Hy iets afstootlik in ons lewe, ons huis gevind het nie.

Een ding wat ons duidelik moet verstaan, jy kan in hierdie lewe alleen teen die wêreld staan as GOD nie met jou is en Sy Heilige Gees versterk jou op jou lewenspad, jy sal miskien val maar GOD sal jou weer oprig deur Sy Reddende Regterhand.

Die Lig en die duisternis meng nie, dit is of die een, of die ander.

Ons moet kies of ons dit wat afstootlik is, uit ons lewe gaan verwyder en of ons alleen teen die wêreld gaan probeer staan.

Die laasgenoemde word nie aanbeveel nie!

-------

GEBED.

VADER, ons mag dalk dink dat ons alleen teen die wêreld, teen die aanslae van die "verderwer" kan staan, want U beskerm ons, self waar ons nie eers daarvan bewus is nie. Maar ons besef dit eers wanneer U, U Heilige Gees van ons ontrek het. Ons vra dat U ons tekortkomimge aan ons sal uitwys sodat ons dit wat nie moet wees nie, uit ons lewe sal verwyder.

In die Naam van ons Meester YESHUA, bid ons vir die teenwoordigheid en ondersteuning van U Heilige Gees in ons lewe.

Amen.

•••••••

Webtuiste: https://tentvansamekoms.co.za

Sel: +27716283107

ROMEINE 6:11-14 AFR53

Wed, 10 Sep 2025 09:13:14 GMT

11. So moet julle ook reken dat julle wel vir die sonde dood is, maar lewend is vir God in Christus Jesus, onse Here.

12. Laat die sonde dan in julle sterflike liggaam nie heers dat julle aan sy begeerlikhede gehoorsaam sou wees nie.

13. En moenie julle lede stel tot beskikking van die sonde as werktuie van ongeregtigheid nie, maar stel julleself tot beskikking van God as mense wat uit die dode lewend geword het, en julle lede as werktuie van geregtigheid in die diens van God.

14. Want die sonde sal oor julle nie heers nie; want julle is nie onder die wet nie, maar onder die genade.

***

Kern gedeelte:

maar stel julleself tot beskikking van GOD.

Hoe doen mens dit in hierdie deurmekaar, verdraaide en sondige wêreld?

Die volgende drie vrae help my baie wanneer ek voor besluite, voor die kruispaaie van die lewe staan.

1. Hoe sou JESUS dit hanteer het?

2. Is dit wat ek nou doen of gaan doen ter ere van GOD?

3. Is die besluit wat ek nou gaan neem, binne GOD se geregtigheid, volgens Sy onpartydige opregtheid.

Die maklike keuse is om aan wêreld gelykvormig te word, om te handel en wandel soos die kinders van die verderf.

Maar dit vat rugraat en integriteit om op te staan en nee te sê vir dit wat verkeerd is, vir dit wat nie moet wees nie.

Onthou verkeerd bly verkeerd, selfs as die oorgrote meerderheid dit doen, en reg bly reg, selfs wanneer niemand dit doen.

Staan op, staan vas en staan uit, neem 'n standpunt in, en sien hoe GOD jou bekragtig.

-------

GEBED.

VADER, dit word al hoe moeiliker om die regte dinge te doen want die wêreld waarin leef is so verdraaid deur die leuens van die "verderwer" dat sonde, ongeregtigheid en leuens as normaal beskou word. Daarom vra ons, dat U Heilige Gees ons oë sal verlig vir die waarheid, sodat ons, ongeag wat, binne U onpartydige opregtheid sal lewe. Gee ons asb die krag om in U Waarheid vas te staan ten spyte van die aanslae van die "verderwer".

In die Naam van ons Meester YESHUA, bid ons vir elkeen in nood, en ons vra dat U sal voorsien in elkeen se daaglikse brood.

Amen.

•••••••

Webtuiste: https://tentvansamekoms.co.za

Sel: +27716283107

II PETRUS 2:19-20, 22 AFR53

Tue, 09 Sep 2025 06:31:03 GMT

19. Hulle belowe vryheid aan hulle, terwyl hulle self slawe van die verdorwenheid is; want waar 'n mens deur oorwin is, daarvan het hy ook 'n slaaf geword.

20. Want as hulle, nadat hulle deur die kennis van die Here en Saligmaker, Jesus Christus, die besmettinge van die wêreld ontvlug het, hulle tog weer deur hierdie dinge laat verstrik en oorwin word, dan het vir hulle die laaste erger geword as die eerste.

22. Maar oor hulle het gekom wat die ware spreekwoord sê: Die hond het omgedraai na sy eie uitbraaksel, en die gewaste sog om in die modder te rol.

***

Kern gedeelte:

"want waar 'n mens deur oorwin is, daarvan het hy ook 'n slaaf geword"

Ons almal kan met vroom gesigte rondloop en 'n lewe van voorgee lewe, maar en ding is seker, GOD ken ons gedagtes en die begeertes van ons hart.

Maar weet dit, dit is net 'n kwessie van tyd voor die krake begin wys, voordat die sonde deurbreek en dan is daar geen keer meer daaraan nie.

Dit is wanneer ons daardeur verswelg word, dan word die sinnetjie toepaslik wat sê:

Die hond het omgedraai na sy eie uitbraaksel, en die gewaste sog om in die modder te rol.

As jy vanoggend voel dat jy besig is om van GOD af weg te dwaal nadat jy reeds JESUS CHRISTUS as jou Verlosser en Saligmaker aanvaar het, besef net een ding!

As jy met vuur speel, gaan jy brand!

Los dit waarmee jy besig is, bely dit voor GOD, terwyl jy nog die kans het, voordat dit te laat is.

-------

GEBED.

VADER, soos die mot om die kers, glo ons ook dat ons met sonde kan speel sonder om te brand. Spyt is 'n goeie ding maar kom altyd te laat en daarom bid ons vanoggend vir die krag en openhartigheid om ons sondes voor U te bely en dan weg te stap daarvan. Versterk ons asb deur die inwerking van U Heilige Gees sodat ons nie weer in dieselfde strikke van die lewe sal trap nie.

In die Naam van ons Meester YESHUA, bid ons vir krag om staande te bly in tye van versoeking.

Amen.

•••••••

Webtuiste: https://tentvansamekoms.co.za

MIGA 7:7-9 AFR53

Mon, 08 Sep 2025 06:26:37 GMT

7. Maar ek sal uitsien na die Here, ek wil wag op die God van my heil, my God sal my hoor.

8. Wees nie bly oor my nie, o my vyandin! Al het ek geval, ek staan weer op; al sit ek in duisternis, die Here is 'n lig vir my.

9. Die toorn van die Here sal ek dra, want ek het teen Hom gesondig; totdat Hy my saak verdedig en my reg verskaf. Hy sal my uitlei in die lig; ek sal met welgevalle sien hoe Hy geregtigheid oefen.

***

Kern gedeelte:

"Al het ek geval, ek staan weer op; al sit ek in duisternis, die Here is 'n Lig vir my"

Vandag wil ek jou bemoedig en vir jou sê, die storm hou nie vir ewig aan nie.

Maar weet ook dit, dat as jy voor die storm probeer uitvlug, sal die storm jou inhaal, wanneer jy geestelik uitgeput is en dan is sake soveel erger.

Staan op in geloof, verklaar dat GOD jou ook hierdeur sal dra, spreek die storm aan in die Naam van JESUS CHRISTUS.

Al val jy, jy sal weer opstaan, al raak dinge moeilik, deur gebed sal jy krag kry om enige situasie te oorkom.

Moenie moed verloor nie, ook hierdeur sal GOD jou dra.

Jy sal staande anderkant uitkom, die Lig van uitkoms sal vir jou deurbreek, en die son sal weer skyn.

Moet net nie moed opgee nie.

-------

GEBED.

VADER, vanoggend sien ons dalk nie meer 'n uitkoms nie en alles lyk of dit verlore is. Ons het egter nie in eiewysheid beweeg nie, maar ons het die eerste tree in geloof geneem en vertrou U vir die res. Laat dit wees soos dit U behaag, en al val ons, weet ons dat U ons weer sal oprig deur U Reddende Regterhand. Versterk ons asb sodat twyfel en vrees nie vatplek kry is ons lewe nie.

In die Naam van ons Meester YESHUA, bid ons vir krag om staande te bly en voort te beur deur hierdie storm waarin ons, ons tans bevind.

Amen.

•••••••

Webtuiste: https://tentvansamekoms.co.za

Sel+27716283107

EXODUS 33:13-15 AFR53

Fri, 05 Sep 2025 06:55:55 GMT

13. As ek dan nou genade in u oë gevind het, maak my dan tog u weë bekend, dat ek U kan ken; sodat ek genade in u oë kan vind. En bedink tog dat hierdie nasie u volk is.

14. En Hy antwoord: Moet Ek self meegaan om jou die rusplek te verskaf?

15. Toe sê hy vir Hom: As U nie self meegaan nie, laat ons dan nie hiervandaan optrek nie.

***

Kern gedeelte:

"As U nie self meegaan nie"

Hierdie moet nie net 'n paar woorde in GOD se Woord wees nie, maar ons hele lewens bestaan moet daarop gevestig wees.

Voor jy iets doen, vra hoe sou JESUS CHRISTUS dit gedoen het, hoe sou Hy die saak hanteer het, en sou Hy by sekere plekke ingegaan het, waar jy tans ingaan.

GOD gaan jou nie forseer nie, en die verandering moet van jou kant af kom.

As jy binne gehoorsaamheid aan GOD se Woord lewe, sal jydie nodige leiding ontvang deur die inwerking van die Heilige Gees.

Dan sal Sy Woord 'n Lamp vir jou voet en 'n Lig op jou pad wees.

-------

GEBED.

VADER, ook in hierdie oggend moet ons bieg dat ons daaglik dinge aanpak wat U nie goedkeur nie, en ons gaan waar U Heilige Gees ons nie kan lei nie. Vergewe ons asb daarvoor en lei ons asb binne U Wil, op U pad van onpartydige opregtheid.

In die Naam van ons Meester YESHUA, bid ons vir die teenwoordigheid van U Heilige Gees in ons lewe.

Amen.

•••••••

Webtuiste: https://tentvansamekoms.co.za

Sel:+27716283107

JEREMIA 32:41-43 AFR53

Thu, 04 Sep 2025 06:42:36 GMT

41. En Ek sal My oor hulle verheug om aan hulle goed te doen; en Ek sal hulle duursaam in hierdie land plant, met my hele hart en met my hele siel.

42. Want so sê die Here: Soos Ek oor hierdie volk gebring het al hierdie groot onheile, so bring Ek oor hulle al die goeie wat Ek oor hulle spreek.

43. En daar sal grond gekoop word in hierdie land waarvan julle sê: Dit is 'n wildernis, sonder mens of dier; dit is in die hand van die Chaldeërs oorgegee.

***

Kern gedeelte:

"dit is in die hand van die Chaldeërs oorgegee"

Soveel van ons mense in ons land Suid -Afrika het reeds moed opgegee en glo ook dat ons land nooit weer sal herstel nie.

Dit mag dalk 'n opinie wees, en soveel mense glo die leuen wat die "verderwer" en sy werkers versprei.

Solank as wat jy negatief is oor ons land gaan jy nie bereid wees om aktief op te staan, te doen wat reg is nie, en weer eienaarskap vat oor die grongebied wat GOD aan jou gegee het nie.

GOD sê vandag vir ons deur Sy Woord:

Daar sal grond gekoop word in hierdie land waarvan julle sê: Dit is 'n wildernis, sonder mens of dier; dit is in die hand van die Chaldeërs oorgegee..

Luister na hierdie boodskap, staan op, neem jou grondgebied terug, dit sal so wees, want ons dien 'n GOD van wonders.

--------

GEBED.

VADER, dankie dat die winde van verandering begin waai in ons land Suid-Afrika. Dankie dat die verandering wat U bring, reeds begin het. Dankie vir die hoopvolle toekoms wat U vanoggend in hierdie boodskap vir ons bevestig.

In die Naam van ons Meester YESHUA, bid ons dat U Heilige Gees, ons in eenheid sal laat opstaan vir ons land Suid-Arika.

Amen.

•••••••

Webtuiste: https://tentvansamekoms.co.za

Sel: +27716283107

JONA 3:1-3 AFR53

Wed, 03 Sep 2025 06:38:21 GMT

1. EN die woord van die Here het vir die tweede maal tot Jona gekom en gesê:

2. Maak jou klaar, gaan heen na die groot stad Ninevé, en verkondig daar die boodskap wat Ek jou sal sê.

3. Toe maak Jona hom klaar en gaan na Ninevé volgens die woord van die Here. En Ninevé was 'n ontsaglike groot stad, drie dagreise te voet.

***

Kern gedeelte:

"EN die woord van die Here het vir die tweede maal tot Jona gekom"

Deur hoeveel storms van die lewe moet ons gaan voor ons gaan luister.

Almal ken Jona se verhaal, en ja dit was sy eiesinnigheid wat hom in die storm laat beland het, skipbreuk laat ly het, en drie in die buik van 'n vis laat deurbring het.

Eers daarna was hy bereid om te luister nadat die Stem van GOD vir 'n tweede keer na hom gekom het.

Vanoggend wanneer ons die stem van GOD hoor wat sê, gaan links of gaan regs, laat ons daarna luister, en laat ons nie ons eie koers volg wat ons weer na die volgende storm van die lewe gaan lei nie.

-------

GEBED.

VADER, U het gepraat, en daar was soveel waarskuwings op die pad, maar ons het gekies om ons eie kop te volg, en die nagevolge van ons besluite kan ons slegs voor ons eie voete plaas. Laat ons nie met bitterheid rondloop oor die verlede nie, maar laat ons iets daaruit leer.

Bewaar ons asb teen ons eie swak besluite.

In die Naam ons Meester YESHUA, belei ons vandag ons hardkoppighied en sonde van eiesinnigheid.

Amen.

•••••••

Webtuiste: https://tentvansamekoms.co.za

Sel: +27716283107

JOB 1:21-22 AFR53

Tue, 02 Sep 2025 11:46:23 GMT

21. en gesê: Naak het ek uit my moeder se skoot gekom, en naak sal ek daarheen terugkeer. Die Here het gegee, en die Here het geneem: die Naam van die Here sy geloofd!

22. By dit alles het Job nie gesondig en aan God niks ongerymds toegeskrywe nie.

***

Kern gedeelte:

Die Here het gegee, en die Here het geneem.

Wees dankbaar vir dit wat jy vandag het en moenie daaroor spog nie, want wat jy is, is net genade en alles wat jy het is net geleen!

So vinnig raak ons gewoond aan ons omstandighede, en so vinnig verhef ons, onself bo ander.

Hoogmoed is die moeder van alle sondes, en so dikwels wanneer ons toelaat dat hoogmoed in ons hart inkruip, dan word ons van ons troontjie afgestoot, sodat ons weer op grondvlak, die lewe in die oë kan kyk.

En eers wanneer ons besef en erken dat alles wat ons het kom deur GOD se seëning in ons lewe in en wanneer ons toelaat dat GOD se seëning deur ons hande na ander mense toe vloei, keer sake terug na normaal.

Eers dan sal GOD se Goedheid en Guns ons nie net volg nie, maar ons vooruitgaan op ons lewenspad.

-------

GEBED.

VADER, so maklik raak ons hoogmoedig en so maklik kruip arrogansie en trots in ons lewe in, sonder dat ons dit besef, en daarom vra ons vanoggend dat U ons sal versterk deur die inwerking van U Heilige Gees sodat ons nederig voor U voete sal bly. Laat ons asb nooit die grond verlaat nie, maar laat ons in U skadu bly.

In die Naam van ons Meester YESHUA, bid ons vir 'n nederige en dankbare hart in elke situasie.

•••••••

Webtuiste: https://tentvansamekoms.co.za

Sel: +27716283107

JONA 1:10-12 AFR53

Mon, 01 Sep 2025 06:30:29 GMT

10. Toe word die manne baie bang en sê vir hom: Wat het jy nou gedoen! Want die manne het geweet dat hy van die aangesig van die Here af wegvlug; want hy het hulle dit te kenne gegee.

11. Verder sê hulle vir hom: Wat moet ons met jou doen, sodat die see om ons heen kan bedaar? — want die see het hoe langer hoe onstuimiger geword.

12. En hy antwoord hulle: Neem my en gooi my in die see; dan sal die see om julle heen bedaar; want ek weet dat om my ontwil hierdie groot storm oor julle gekom het.

***

Kern gedeelte:

"want ek weet dat om my ontwil hierdie groot storm oor julle gekom het"

GOD sal 'n storm in jou lewe gebruik om jou van koers te laat verander, en jou weer nader aan Hom te bring.

Enige een wat weet hoe 'n storm lyk, sal weet dat 'n storm het wye gevolge en dit raak meer as net jouself.

So ook met Jona!

Sy ongehoorsaamheid het gelei tot die skade van ander, want nie net moes hulle die skip se vrag oorboord gooi nie, die skip self het die gevaar geloop om te sink.

So is daar mense in ons lewe wat ons lewens-skip die gevaar laat loop om te sink, deur hulle ongehoorsaamheid!

Dit is nie 'n eensydig storie nie want deur ons ongehoorsaamheid, bring ons ook storms in ander mense se lewens in, deur nie te luister na GOD se stem nie, affekteer ons dikwels 'n weier kring mense as net onself.

Let op wat jy doen, en kyk hoe jou keuse ander mense se lewens gaan aanraak.

-------

GEBED.

VADER, spyt is 'n goeie ding maar kom altyd te laat. Ons vra vanoggend vergifnis van ons sonde, en vra dat U ons sal vergewe vir al die swak besluite wat ons geneem het wat soveel storms, nie net in ons lewe veroorsaak het nie, maar skade in ander mense se lewens veroorsaak het. Vergewe ons dat ons nie gereageer het op U Stem, deur die inwerking van U Heilige Gees nie.

In die Naam van ons Meester YESHUA, bid ons vir 'n nuwe, GOD geleide, lewenskoers, ter ere van U Heilige Naam.

Amen.

•••••••

Webtuiste: https://tentvansamekoms.co.za

Sel: +27716283107

OBÁDJA 1:12, 15 AFR53

Fri, 29 Aug 2025 06:53:08 GMT

12. En tog moes jy nie met genot die dag van jou broer aanskou het nie, die dag van sy onheil, en jou nie verheug het oor die kinders van Juda op die dag van hulle ondergang nie en nie gespog het op die dag van benoudheid nie!

15. Want die dag van die Here is naby oor al die nasies; soos jy gedoen het, sal aan jou gedoen word, jou daad sal op jou hoof neerkom.

***

Kern gedeelte:

"moes jy nie met genot die dag van jou broer aanskou het nie"

Hierdie is een beginsel wat ek in glo, want my ma het my dit van kindsbeen af geleer, moenie jouself verheug in 'n ander se leed nie, want jy is nie so onskuldig as wat jy dink nie.

Dank GOD eerder dat jy nog die geleentheid het om sake reg te maak.

Die lewens wiel draai stadig, maar hy draai wel, en wat vandag bo is, is môre weer onder.

Moenie jouself verheug is ander se leed nie, nie eers in jou vyand sin nie, want wie weet, môre is jy dalk onder.

-------

GEBED.

VADER, laat ons eerder na ons eie lewe, ons eie foute kyk, voordat ons, ons verheug oor ander mense se leed. Help ons asb om in U onpartydige opregtheid te lewe, en leer ons asb om eerder ander te ondersteun as om te oordeel. Vergewe ons asb ons eie sondes en leer ons asb dat die enigste keer wat ons na iemand afkyk, is wanneer ons besig is om hom op te help.

In die Naam van ons Meester YESHUA, bid ons dat U vir ons wys hoe om almal in U onpartydige opregtheid te hanteer.

Amen.

•••••••

Webtuiste: https://tentvansamekoms .co.za

Sel: +27716283107

DEUTERONÓMIUM 30:19-20 AFR53

Thu, 28 Aug 2025 10:05:20 GMT

19. Ek neem vandag die hemel en die aarde as getuies teen julle; die lewe en die dood, die seën en die vloek het ek jou voorgehou. Kies dan die lewe, dat jy kan lewe, jy en jou nageslag,

20. deur die Here jou God lief te hê, na sy stem te luister en Hom aan te hang; want dit is jou lewe en die lengte van jou dae, sodat jy kan woon in die land wat die Here aan jou vaders Abraham, Isak en Jakob met 'n eed beloof het om dit aan hulle te gee.

***

Kern gedeelte:

"Kies dan die lewe, dat jy kan lewe"

Ongeag wie ons is en waar ons vandaan kom, elke oggend as ons wakker word, word twee dinge aan ons gegee.

1. 'n Keuse wat ons vandag met ons dag gaan doen.

2. 'n Nuwe geleentheid om ons lewe te verander, nader aan GOD te beweeg.

Gryp dit vanoggend aan want die dag van môre is ons nie vir ons gewaarborg nie.

Baie van ons sal kies om presies te doen, soos ons gister dinge gedoen het, ons sal vasgevang bly in depressie, self bejammering, negatief wees, en aanhou kla oor die lewe, al loop ons met die witbrood onder die arm.

Dit is tyd dat ons kies om nader aan GOD beweeg, dan sal ons vernuwe word in ons gees en wanneer dit gebeur sal jy ook elke dag se keuses en geleenthede raaksien.

Nou sê ek weer, Kies dan die lewe, dat jy kan lewe!

-------

GEBED.

VADER, ons word wakker met ondankbare harte, met oë wat net die negatiewe kan raaksien. Ons is die rede vir ons ons eie probleme, want as die Lig van ons Verlosser in ons lewe geskyn het, sou ons die toekoms gesien het wat U vir ons beplan, 'n hoopvolle toekoms en lewe in oorvloed. Open asb vandag ons oë sodat ons vanoggend ons seëninge kan tel en met dankbare harte hierdie dag kan ingaan.

In die Naam van ons Meester YESHUA, bid ons vir vrede en vreugde in ons harte.

Amen.

•••••••

Webtuiste: https://tentvansamekoms.co.za

Sel: +27716283107

II KRONIEKE 20:35, 37 AFR53

Wed, 27 Aug 2025 12:02:53 GMT

35. Maar daarna het Jósafat, die koning van Juda, 'n bondgenootskap aangegaan met Ahásia, die koning van Israel, wat goddeloos gehandel het.

37. Maar Eliëser, die seun van Dódawa, uit Marésa, het teen Jósafat geprofeteer en gesê: Omdat u 'n bondgenootskap met Ahásia aangegaan het, verbreek die Here u werk. En die skepe het skipbreuk gely, sodat hulle nie in staat was om na Tarsis te vaar nie.

***

Kern gedeelte:

"verbreek die Here u werk"

Sekere venootskappe moet nie wees nie, en daarom sal GOD ons daarmee frustreer, ons beperk, en dit verbreek, want dikwels is dit nodig dat GOD ons beskerm teen onself.

Ons sien in die oomblik maar GOD sien die lang termyn nadraai van dit wat ons vandag begin sonder om GOD eers in die saak te ken.

Daarom is dit nodig dat ons eers daaroor bid, seker maak, bevestiging van GOD ontvang, voordat ons eers begin.

Moenie in venootskappe betrokke raak by mense wat GOD nie ken nie, want met tyd sal een van twee dinge gebeur.

▪︎ Hulle sal jou tenakom en jou skade laat ly waarvan jy nooit gaan herstel nie.

▪︎ Hulle sal jou gewoond maak aan hulle weë en jou sistematies weglei van GOD af.

-------

GEBED.

VADER, ons wil deure oop forseer, sake maak werk, terwyl U ons aandag daarop wil vestig dat hierdie besluit verkeerd is en dat ons nie daarmee moet voortgaan nie. Gee asb dat ons sal luister na U Stem, deur die inwerking van U Heilige Gees, en dat ons nie in hardkoppigheid sake sal forseer waar U dit nie goedkeur nie.

In die Naam van ons Meester YESHUA, vra ons vir U Leiding in elke saak en besluit.

Amen.

•••••••

Webtuiste: https://tentvansamekoms.co.za

Sel: +27716283107

II KRONIEKE 20:15, 17 AFR53

Tue, 26 Aug 2025 19:17:11 GMT

15. en hy het gesê: Luister, almal wat uit Juda is en inwoners van Jerusalem en u, koning Jósafat! So sê die Here aan julle: Wees nie bevrees of verskrik vanweë hierdie groot menigte nie, want die stryd is nie julle saak nie, maar die saak van God.

17. Julle hoef daarby nie te veg nie; staan gereed, bly staan en aanskou die redding van die Here by julle, Juda en Jerusalem! Vrees nie en wees nie verskrik nie; trek môre teen hulle uit, en die Here sal met julle wees.

***

Kern gedeelte:

"staan gereed, bly staan en aanskou die redding van die HERE"

Ons hoor van hierdie geweldige groot probleem wat op ons lewenspad gaan kom, die uitdagings wat ons gaan oorweldig, en waarskynlik sou dit so gewees het, maar een ding het die "verderwer" en die mense van hierdie "wêreld" misgekyk.

Ons dien die Lewende GOD, die GOD van wonders wat die onmoontlike, moontlik maak.

Daarom sê GOD vandag deur Sy Woord vir ons!

Wees nie bevrees of verskrik vanweë hierdie groot menigte nie, want die stryd is nie julle saak nie, maar die saak van God.

Julle hoef daarby nie te veg nie; staan gereed, bly staan en aanskou die redding van die Here by julle.

Raak rustig in die wete dat GOD is in beheer, want as GOD vir jou is, wie gaan teen jou wees.

-------

GEBED.

VADER, in hierdie oggend gee U aan ons die berusting deur U Woord wat sê, ons hoef nie te veg nie, maar ons moet net ons deel doen, gereed staan, en aanskou hoe U die wat teen ons optrek, teen mekaar laat draai, mekaar vernietig. Ons dank U dat U ons reeds vooruitgegaan het en die sake vir ons hanteer. Ons loof, prys en dank U, vir U ingryping waardeur die onmoontlike moontlik word.

In die Naam van ons Meester YESHUA, bid ons vir die kalmte om sake in U Hand te los, en U te vertrou vir die uitkoms.

Amen.

•••••••

Webtuiste: https://tentvansamekoms.co.za

Sel: +27716283107

HANDELINGE 19:15-17 AFR53

Mon, 25 Aug 2025 08:42:53 GMT

15. Maar die bose gees het geantwoord en gesê: Jesus ken ek, en van Paulus weet ek, maar julle, wie is julle?

16. Toe spring die man in wie die bose gees was, op hulle en oormeester en oorweldig hulle, sodat hulle naak en gewond uit daardie huis gevlug het.

17. En dit het bekend geword aan al die Jode en Grieke wat in Éfese woon, en vrees het op hulle almal geval, en die Naam van die Here Jesus is groot gemaak.

***

Kern gedeelte:

Jesus ken ek, en van Paulus weet ek, maar julle, wie is julle?

Ek kan nie anders help as om te wonder of hierdie vraag ook deur die demone van die "verderwer" aan ons gevra sal word in hierdie dag nie.

Wanneer ons in konfrontasie met die wêreld staan, gaan dit nie help as jy net van JESUS CHRISTUS weet nie, anders gaan jy ook oorweldig word en naak wegvlug.

Toe Dawid voor Goliat gaan staan het, het hy nie daar net as Dawid gaan staan nie, maar as 'n toegewyde kind van GOD wat sy krag en sy sterkte van GOD verwag, en met die vertroue dat geen vyand of probleem groter as GOD is nie.

Daarom is dit nodig dat ons nie wankel in ons geloof nie en dat ons beklee sal wees met die volle wapenrustig van GOD.

As jy vanoggend opstaan om hierdie dag in te gaan, moet jy opstaan in die outoriteit waarmee GOD jou beklee, want sonder dit gaan jy ook deur die wêreld oorweldig word en sonder dit gaan jy ook naak wegvlug.

-------

GEBED.

VADER, soms word ons moeg om daagliks teen die aanslae van die wêreld op te staan, omdat ons dit in eie krag probeer beveg, dit in ons eie krag probeer hanteer. Gee ons asb die insig om die situasie vandag anders te hanteer, gee asb dat ons elke situasie sal hanteer in die Naam van ons Verlosser en Saligmaker, en dat ons sal beweeg in die krag van ons GOD, want U is ons Rots en ons Sterkte.

In die Naam van ons Meester YESHUA, bestraf ons elke aanslag wat op lewenspad geplaas word deur die "verderwer".

Amen.

•••••••

Webtuiste: https://tentvansamekoms.co.za

Sel: +27716283107

HANDELINGE 18:5-6 AFR53

Thu, 21 Aug 2025 06:45:42 GMT

5. En toe Silas en Timótheüs van Macedónië afgekom het, was Paulus ywerig besig om aan die Jode kragtig te betuig dat Jesus die Christus is.

6. Maar toe hulle aanhou om teëstand te bied en godslasterlike dinge te spreek, het hy sy klere uitgeskud en vir hulle gesê: Julle bloed is op julle hoof. Ek is rein. Van nou af sal ek na die heidene gaan.

***

Kern gedeelte:

"Julle bloed is op julle hoof"

As jy die boodskap klaar gegee het, as jy klaar gepraat het en die persoon/persone wil nie luister nie, draai om en stap weg, die bloed is nie meer op jou hande nie, en jy kan niemand se lewe vir hulle lei nie.

Elkeen van ons keuses, vorm ons lewenspad, en dek ons tafel van nagevolg.

Ek praat nie net van Godsdiens lewe nie, ek praat ook van ons persoonlike lewe.

Moenie dat ander se lewe, hulle keuses en optrede jou siel in die verderf laat beland nie.

Weet dit, beweeg aan, want daar sal altyd die persone wees wat siende blind en horende doof is!

-------

GEBED.

VADER, gee ons asb vandag die diskresie en oortuiging om te weet wanneer ons klaar gepraat het. Wanneer dit tyd is om aan te beweeg want wat ons sê gaan geen verskil meer maak nie. Laat ons woorde min, en ons boodskap kort en duidelik wees, voordat ons omdraai en wegstap. Laat ons woorde asb Gees geleide woorde wees, en nie woorde van menslike emosie nie .

In die Naam van ons Meester YESHUA, bid ons dat ons woorde op vrugbare grond sal val.

Amen.

•••••••

Webtuiste: https://tentvansamekoms.co.za

Sel+27716283107

II KORINTHIËRS 3:14-17 AFR53

Wed, 20 Aug 2025 06:30:09 GMT

14. Maar hulle sinne is verhard. Want tot vandag toe bly by die lesing van die Ou Testament dieselfde bedekking sonder dat dit opgelig word, die bedekking wat in Christus vernietig word.

15. Ja, tot vandag toe, wanneer Moses gelees word, lê daar 'n bedekking oor hulle hart;

16. maar wanneer hulle tot die Here bekeer is, word die bedekking weggeneem.

17. Die Here is die Gees, en waar die Gees van die Here is, daar is vryheid.

***

Kern gedeelte:

"Maar hulle sinne is verhard"

Hoekom is sekere mense nog in hulle sinne verhard, al loop hulle rond en verkondig dat hulle bekeerd is en dat hulle GOD dien.

Eenvoudig, om van GOD te weet, die Woord te kwoteer maak jou nie 'n kind van GOD nie, 'n ware volgeling van JESUS CHRISTUS NIE!

Die "verderwer" weet ook van GOD en hy het ook die Woord kwoteer!

Eers wanneer jy tot ware inkeer gekom het, JESUS as jou Verlosser en Saligmaker aanvaar het, en jy GOD soek bo alles, sal die sluier vir jou oor die Woord van GOD gelig word.

Dan breek die waarheid vir jou deur soos die daggeraad, want waar die Heilige Gees van GOD teenwoordig is, sal jy die waarheid verstaan en daardie waarheid sal jou vry maak.

-------

GEBED.

VADER, daar is soveel dwaling in hierdie wêreld, en U Waarheid maak vir soveel mense nog geen sin nie. Daarom bid ons vanoggend vir siele tot ware bekering, laat U Heilige asb elkeen se oë verlig sodat hulle die situasie kan sien vir wat dit is. Sodat ons sal besef waar ons nog in die sonde van die wêreld leef, betrokke is in dit wat nog 'n skeidsmuur vorm tussen ons en die waarheid van U Woord.

In die Naam van ons Meester YESHUA, bid ons dat U ons geestelike blindheid sal genees.

Amen.

•••••••

Webtuiste: https//tentvansamekoms.co.za

Sel: +27716283107

OPENBARING 14:12-13 AFR53

Tue, 19 Aug 2025 08:48:18 GMT

12. Hier kom die lydsaamheid van die heiliges te pas; hier is hulle wat die gebooie van God en die geloof in Jesus bewaar.

13. En ek het 'n stem uit die hemel aan my hoor sê: Skryf — salig is van nou af die dode wat in die Here sterwe. Ja, sê die Gees, sodat hulle kan rus van hul arbeid, en hulle werke volg met hulle.

***

Kern gedeelte:

"hier is hulle wat die gebooie van God en die geloof in Jesus bewaar"

Die Woord van GOD is onmiskenbaar duidelik vir die verligte siele wat die gebooie van GOD en hulle geloof in JESUS CHRISTUS bewaar.

Tog is daar soveel wat nog nie besef dat GOD se Woord, een Woord is wat nie gesky kan word nie.

Hulle besef nie dat ons verhouding met GOD lê in die eerste vier gebooie nie, en om in liefde teenoor ons naaste te lewe, lê juis vasgevang in die laaste ses van die tien gebooie nie.

Almal soek na die "vals" vorm van liefde wat in die wêreld verkondig word, en daarom nooi ons die sonde en die "verderwer" by die voordeur in.

JESUS maak dit duidelik in Johannes 15:10 wanneer Hy sê:

As julle my gebooie bewaar, sal julle in my liefde bly, net soos Ek die gebooie van my Vader bewaar en in sy liefde bly.

As ons dit verstaan, sal ons die grootste gebod verstaan wat sê, jy moet die HERE jou GOD liefhê met jou hele hart, jou hele siel en jou hele verstand, en jou naaste soos jouself.

Dan sal GOD se geregtigheid, Sy onpartydige opregtheid ook vir jou duidelik word.

-------

GEBED.

VADER, net 'n kort gebed waar ons vra dat U ons geestelike oë sal open sodat ons die waarheid van U Woord sal insien en begryp, sodat ons nie in die vals leringe van hierdie wêreld sal staan nie. Verlig asb vandag ons gees en ons gemoed.

In die Naam van ons Meester YESHUA, bid ons dat U Heilige Gees ons die waarheid van U Woord sal leer.

Amen.

•••••••

Webtuiste: https://tentvansamekoms.co.za

Sel: +27716283107

HÁBAKUK 3:17-19 AFR53

Mon, 18 Aug 2025 06:39:34 GMT

17. Alhoewel die vyeboom nie sal bloei en aan die wingerdstokke geen vrug sal wees nie, die drag van die olyfboom sal teleurstel en die saailande geen voedsel oplewer nie, die kleinvee uit die kraal verdwyn en geen beeste in die stalle sal wees nie

18. nogtans sal ek jubel in die Here, ek sal juig in die God van my heil.

19. Die Here Here is my sterkte, en Hy maak my voete soos dié van herte, en Hy laat my tree op my hoogtes. Vir die musiekleier op snaarinstrumente.

****

Kern gedeelte:

"nogtans sal ek jubel in die Here"

Ek luister hoe mense kla oor hulle finansies, situasies en omstandighede, en ek weet nie altyd wat om te antwoord nie, want elkeen se omstandighede is anders.

Iemand oor die naweek sê toe vir my die volgende:

Daardie man loop en kla, maar hy is nog vêr van Job se situasie af.

Nou ja, toe hou ek ook op met kla want ek is ook nog bitter vêr van Job af.

Nou sê ek eerder, ongeag wat, nogtans sal ek jubel in die HERE, en ek dank GOD vir die voorregte wat ek nog het, soos kos op die tafel en 'n dak oor ons kop.

Laat ons ophou kla terwyl ons nog met die "witbrood onder die arm" loop, terwyl ons nog in GOD se seën lewe.

Miskien nie in ons lys van verwagtinge nie, maar in GOD se seëninge.

-------

GEBED.

VADER, dankie vir hierdie oproep tot realiteit, sodat ons kan besef dat daar ander mense is wat slegter daaraan toe is as wat ons is. Help ons asb vandag om eerdeer ons seëninge te tel as wat ons, ons tekortkominge begin tel. Dankie vir vir stukkie voorsiening uit U Hand en dankie vir ons daaglikse brood.

In die Naam van ons Meester YESHUA, bid ons vir harte wat dankbaar kan wees vir dit wat ons tans het.

Amen.

•••••••

Webtuiste: https://tentvansamekoms.co.za

Sel: 0716283107

DEUTERONÓMIUM 16:19-20 AFR53

Wed, 13 Aug 2025 07:08:03 GMT

19. Jy mag die reg nie verdraai nie; jy mag nie partydig wees nie; ook mag jy geen omkoopgeskenk aanneem nie, want die geskenk verblind die oë van die wyse en verdraai die sake van die wat reg het.

20. Geregtigheid, geregtigheid moet jy najaag, dat jy kan lewe en die land in besit kan neem wat die Here jou God jou sal gee.

***

Kern gedeelte:

"Geregtigheid, geregtigheid moet jy najaag"

Geregtigheid is die een onderwerp wat soos 'n goue draad regdeur die Woord van GOD geweef is.

Daarom maak JESUS CHRISTUS dit vir ons duidelik wanneer Hy sê in Matthéüs 6:33.

Soek eers die Koningkryk van GOD en Sy Gerergtigheid, en al hierdie dinge sal vir julle bygevoeg word.

Al ooit die woorde gehoor wat sê, jou ongeregtigheid sal jou inhaal.

Dit word met reg so gesê want elke keer as jy in ongeregtigheid beweeg moet jy weet, jy dek jou tafel van nagevolg waar jy eendag sal moet aansit.

Jy mag dink dat jy daarmee weggekom het, maar weet dat die wiel draai, miskien stadig maar hy draai.

Wanneer jy dit die minste verwag sal jy deur jou eie ongeregtigheid raakgery word.

-------

GEBED.

VADER, ons land, ons volk en ons mense gaan ten gronde as gevolg van ongeregtigheid. Maar U is 'n GOD wat nie slaap nie, en daarom vra ons dat U sal toesien dat elke daad van ongeregtigheid na sy eienaar sal terugkeer sodat elkeen met die nagevolg van sy ongeregtigheid kan deel en aansit by sy tafel van nagevolg. Maar in alles bid ons dat U Wil sal geskied, soos dit U behaag.

In die Naam van ons Meester YESHUA, bid ons dat U Heilige Gees ons sal leer hoe om in U geregtigheid te leef.

Amen.

•••••••

Webtuiste://https://tentvansamekoms.co.za

Sel: +27716283107

PSALMS 147:6, 10-11, 13 AFR53

Thu, 07 Aug 2025 06:59:51 GMT

6. Die Here rig die ootmoediges weer op; die goddelose mense verneder Hy tot die grond toe.

10. Hy het geen welbehae in die krag van die perd, geen welgevalle in die bene van die man nie.

11. Die Here het 'n welgevalle in die wat Hom vrees, wat op sy goedertierenheid hoop.

13. Want Hy het die grendels van jou poorte sterk gemaak; Hy het jou kinders binne-in jou geseën.

***

Kern gedeelte:

"Die Here rig die ootmoediges weer op"

Vanoggend lê die Heilige Gees hierdie woorde so duidelik op my hart, want iemand het nodig om dit te hoor!

Jou uitkoms, jou krag, jou deurbraak, jou genesing lê nie in die hand van vlees nie, maar deur die krag van GOD!

Ons wag soms met verwagting dat iemand ons lewe en ons situasie moet kom verander, maar as dit nie van GOD kom nie, nie deur GOD se Wil is nie, lewe jy met 'n leë verwagting, want vervloek is die man wat steun op die arm van vlees!

Maar as jou verwagting op GOD is, weet dan dat jou oplossing is voor die deur, weet dat jou weg is reeds vir jou uitgelê, en weet verseker dat GOD jou nooit sal faal nie!

As jy GOD dien met jou hele hart, hele siel en hele verstand, en jou hoop en verwagting is slegs op GOD staan vandag op, stap die lewe in want alles gaan uitwerk presies soos GOD dit beplan het.

Moenie in vals hoop lewe of deur twyfel oorweldig word nie, maar staan op in die Krag van GOD.

-------

GEBED.

VADER, ons weet sonder twyfel dat U is ons Rots en ons Vesting, ons GOD op wie ons vertrou, want U het geen behae in die weë van hierdie wêreld nie, of die mens wat hardnekkig daarin bly voortleef nie. Help ons asb om noukeurig volgens, en in U weë te wandel, en laat die hoop wat hierdie wêreld bied vir ons tot niet gaan.

In die Naam van ons Meester YESHUA, dank ons U vandag, vir hierdie nuwe dag waarmee U ons geseën het.

Amen.

•••••••

Webtuiste: https://tentvansamekoms.co.za

Sel: +27716283107

JESAJA 30:15, 21 AFR53

Wed, 06 Aug 2025 06:21:29 GMT

15. Want so sê die Here Here, die Heilige van Israel: In terugkeer en rus lê julle heil, in stil wees en vertroue bestaan julle krag; maar julle wou nie.

21. en jou ore sal 'n woord agter jou hoor wat sê: Dit is die weg, wandel daarop! wanneer julle regs of wanneer julle links wil gaan.

***

Kern gedeelte:

"in stil wees en vertroue bestaan julle krag"

In elke situasie wil ons met alles stoei, worstel, ons eie wil afdruk en ons eie kop volg.

Maar dan kom daar sekere dae wat ons opstaan en besef, ons gaan absoluut niks aan ons situasie, ons saak verander nie, net GOD gaan hierdie probleme oplos, voorsiening stuur of uitkoms gee, want in ons eie krag gaan ons niks hieraan verander nie.

In pogings om dinge in ons eie krag op te los, het ons reeds 'n gemors daarvan begin maak.

Eers wanneer ons dan voor GOD kom stilraak en sê, laat U Wil geskied in hierdie saak, sien ons hoe sake verander, sien ons hoe GOD se Hand begin werk in ons lewe.

Hou op worstel, raak stil voor GOD en daar sal jy jou krag kry.

Ons dink ons is in beheer, maar die realiteit is, dat nie eers ons volgende asemteug is gewaarborg nie, en die dag van mag dalk nooit eers aan jou gegun wees nie.

-------

GEBED.

VADER, dankie dat U ons vanoggend teregwys, want ons vergeet soms, dat in ons swakheid kom U Krag te voorskyn. In ons stilte kan ons U Stem hoor wat sê gaan links of regs. Laat ons vanoggend nie ingee voor die wêreld nie, maar oorgee aan U sodat U ons kan rig op ons weë.

In die Naam van ons Meester YESHUA, bid ons vir elkeen wat geen sekerheid het oor hulle toekoms nie, bevestig U asb hulle lewenspad.

Amen.

••••••••

Webtuiste: https://tentvansamekoms.co.za

Sel: +27716283107

PSALMS 100:1-5 AFR53

Tue, 05 Aug 2025 06:18:18 GMT

1. Juig voor die Here, o ganse aarde!

2. Dien die Here met blydskap; kom voor sy aangesig met gejubel.

3. Erken dat die Here God is: Hy het ons gemaak, en ons is syne, sy volk en die skape van sy weide.

4. Gaan sy poorte in met lof, sy voorhowe met lofgesang; loof Hom, prys sy Naam.

5. Want die Here is goed; sy goedertierenheid is tot in ewigheid, en sy trou van geslag tot geslag.

***

Kern gedeelte:

"Want die Here is goed"

Miskien moet jy net vanoggend stop en jou seëninge tel!

Ja, ons almal het ons probleme, ons uitdagings en ons storms waardeur ons gaan, maar vanoggend lees of luister jy nog na hierdie boodskap.

Dit beteken 'n paar goed:

- Jy het wakker geword.

- Jy lewe nog.

- Jy kan sien.

- Jy besit 'n toestel waarop jy hierdie kan lees!

- En so gaan die lys aan oor die dinge waaroor jy vanoggend nog dankbaar kan wees.

Soms moet ons net stil word voor GOD, dankbaar wees selfs in die moeilike tye, meer eenvoudig begin leef, en vir meer begin omgee as net vir onself.

Soos wat jou hand oopgaan vir ander, so sal GOD se Hand ook oopgaan vir jou!

Die mooi van die lewe, die Liefde van GOD word raakgesien, beleef en ervaar in 'n hart van dankbaarheid, in 'n hart vol omgee te midde van jou eie omstandighede.

Verander jou gesindheid, Leef dankbaar en die son van geluk sal weer deurbreek, weer skyn in jou lewe.

Die mooi van die lewe sal terugkeer, en GOD se Goedheid en Guns sal weer plek vind in jou huis.

-------

GEBED.

VADER, vanoggend vra ek vir niks, maar ek sê net dankie vir alles, selfs vir my probleme want dit leer my hoe om in vertroue, nader aan U te leef. Leer my asb hoe om vir meer, as net myself te leef sodat U Liefde deur my, vir ander sigbaar sal word.

In die Naam van ons Meester YESHUA, bid ons vir oë en 'n hart wat die goeie te midde van die slegte kan raaksien.

Amen.

•••••••

Webtuiste: https://tentvansamekoms.co.za

Sel: +27716283107

II KRONIEKE 16:7, 9 AFR53

Mon, 04 Aug 2025 06:27:11 GMT

7. En in dié tyd het die siener Hanáni na Asa, die koning van Juda, gekom en aan hom gesê: Omdat u op die koning van Aram gesteun en nie op die Here u God gesteun het nie, daarom het die leër van die koning van Aram uit u hand vrygeraak.

9. want die Here — sy oë deurloop die hele aarde om diegene kragtig te steun wie se hart onverdeeld op Hom gerig is; hierin het u dwaas gehandel, want van nou af sal daar oorloë teen u wees.

***

Kern gedeelte:

"om diegene kragtig te steun wie se hart onverdeeld op Hom gerig is"

Miskien is jy vanoggend op 'n plek waar jy nie wil wees nie en miskien sien jy net storms om jou, en die lig wil nie vir jou deurbreek nie.

Staan vas, alles het 'n begin en 'n einde, en wanneer die Lig deurbreek sal dit helderder wees as ooit tevore!

As GOD vir my en vir jou tot hiertoe gebring het, sal GOD ons ook van hier af vorentoe deurdra.

GOD het niks begin wat hy nie sal klaarmaak nie, want die Here — sy oë deurloop die hele aarde om diegene kragtig te steun wie se hart onverdeeld op Hom gerig is, wie se gees standvastig in Hom gevestig is!

Daarom, gaan voort, doen wat jy moet doen en los die res in GOD se hande, want juis in ons swakheid kom die krag van GOD te voorskyn.

-------

GEBED.

VADER, in hierdie oggend bid ons vir krag, wysheid, insig en deursettings vermoë om nie in hierdie storm op te gee nie, maar standvastig te bly in U. Om die probleme in die gesig te kyk en te verklaar dat my GOD is groter as die berg probleme voor my, want U het ons nie op die aarde geplaas om in twyfel te dwaall nie, maar om die pad wat U vir ons uitgelê het in U outoriteit waarmee U ons beklee, te wandel.

In die Naam van ons Meester YESHUA, bid ons vir deurbrake vir elkeen wat dit so nodig het.

Amen.

•••••••

Webtuiste: https://tentvansamekoms.co.za

Sel: +27716283107

PSALMS 91:5-9 AFR53

Fri, 01 Aug 2025 06:29:36 GMT

5. Jy hoef nie te vrees vir die skrik van die nag, vir die pyl wat bedags vlieg nie,

6. vir die pes wat in die donker wandel, vir die siekte wat op die middag verwoes nie!

7. Al val daar duisend aan jou sy en tienduisend aan jou regterhand — na jou sal dit nie aankom nie.

8. Net met jou oë sal jy dit aanskou en die vergelding van die goddelose sien.

9. Want U, Here, is my toevlug. Die Allerhoogste het jy jou beskutting gemaak.

***

Kern gedeelte:

"Die Allerhoogste het jy jou beskutting gemaak"

So dikwels wanneer dinge moeilik raak, en ons nie die antwoorde kry waarna ons soek nie, gryp ons na grashalms, pak die vrees ons beet, en gaan soek ons skuiling in die "wêreld".

Waarmee begin vanoggend se Woord gedeelte?

GOD maak dit vanoggend so duidelik, jy hoef nie te vrees nie!

Ja, sekere dinge sal ons wel met ons oë aanskou, dit mag dalk naby aan ons kom, maar na ons sal dit nie aankom nie, sê GOD.

Hou aan doen wat jy moet doen, beur vorentoe, stap die storm in, want ons GOD wat ons dien maak die storms stil.

Weet dit, jy lewe in Sy Beskerming en Sy Beskutting.

-------

GEBED.

VADER, elkeen van ons kan vanoggend net stilraak, ons kop in skaamte laat sak, omdat ons so min vertroue in U het, omdat ons geloof so wankelrig is. Met die eerste terugslag, raak ons paniekerig, gryp ons na grashalms, en gaan soek ons na die tydelike oplossings van hierdie "wêreld". Maak asb die storms in ons stil.

In die Naam van ons Meester YESHUA, bid ons vir kalmte in ons gemoed.

Amen.

•••••••

Webtuiste: https://tentvansamekoms.co.za

Sel: +27716283107

II KRONIEKE 13:10, 18 AFR53

Thu, 31 Jul 2025 07:05:09 GMT

10. Maar ons — die Here is onse God, en ons het Hom nie verlaat nie; en as priesters dien die seuns van Aäron die Here, en die Leviete is in die dienswerk.

18. En die kinders van Israel is in dié tyd verneder, maar die kinders van Juda het sterk geword, omdat hulle op die Here, die God van hulle vaders, gesteun het.

***

Kern gedeelte:

"maar die kinders van Juda het sterk geword"

Hoekom het die kinders van Juda deurlopend sterker geword, en hoekom het hulle gegaan van krag tot krag?

Selfs in die stryd waarin hulle gestaan het, was hulle vierhonderd duisend man en die Israel stamme was agthonderd duisend.

Nogtans het hulle nie opgegee of moedeloos geword nie, maar deur geloof, vertroue en gehoorsaamheid aan GOD het hulle oorwin en hulle het net sterker en sterker geword.

Mense wat in die glorie van hierdie wêreld staan is vir 'n oomblik in die kollig en vir 'n tyd stuig hulle uit, maar dit is van korte duur.

Maar die wat op GOD vertrou gaan van krag tot krag, en hulle is konstant in hulle verhouding met GOD, en soos 'n boom geplant by water strome dra hulle vrugte op hulle tyd, en die blare verwelk nie in die droogte nie.

Staan op, staan vas, in GOD lê jou oorwinning.

--------

GEBED.

VADER, in ons vrese lê ons struikeling en deur ons twyfel kom ons tot 'n val. Ons bid dat U ons sal versterk deur die inwerking van U Heilige Gees, dat U ons die krag sal gee om te kan opstaan en uitstaan, te verklaar dat ons oorwinning lê in ons verhouding met U. Ons oorwinning sal ons behaal deur ons GOD wat ons reeds vooruit gaan.

In die Naam van ons Meester YESHUA, bid ons vir deursettings vermoë, om die pad voluit saam met U te stap.

Amen.

•••••••

Webtuiste: https://tentvansamekoms.co.za

Sel: +27716283107

I TIMÓTHEÜS 6:8, 10-11 AFR53

Wed, 30 Jul 2025 06:54:44 GMT

8. Maar as ons voedsel en klere het, moet ons daarmee vergenoeg wees.

10. Want die geldgierigheid is 'n wortel van alle euwels; en omdat sommige dit begeer, het hulle afgedwaal van die geloof en hulleself met baie smarte deurboor.

11. Maar jy, man van God, vlug van hierdie dinge weg, en jaag ná die geregtigheid, godsaligheid, geloof, liefde, lydsaamheid, sagmoedigheid.

***

Kern gedeelte:

"Maar jy, man van God, vlug van hierdie dinge weg"

Ja, dit is so, geld is 'n integrale deel van ons lewe, maar moenie toelaat dat geld jou god word nie.

Die daaglikse druk van oorlewing dwing ons van koers af, om ons voorsiening in die wêreld te gaan soek, instede om die Voorsiener te soek.

Wanneer die druk meer word is dit juis die tyd, om standvastig te wees in jou soeke, jou verhouding met GOD, want Hy is die, Voorsiener, Geneser, Beskermer, Raadsman en Ewige GOD, en hy sal nie net voorsien nie, maar te midde van jou storms sal Hy jou op die water laat loop, solank jy jou fokus en oë slegs op Hom gerig hou en jou nie vaskyk in die vals vrese van hierdie wêreld nie.

Ek het hierdie teksvers op my voertuig/bakkie se deure en agterklap geskrywe, Matt 6:33 wat sê, soek eers die Koningkryk van GOD en Sy Gerigtigheid, en al hierdie sal vir julle bygevoeg word.

Daagliks, word ek dan herhinner om die Voorsiener te soek, en nie voorsiening na te jaag nie.

-------

GEBED.

VADER, voor U staan ons vanoggend en sê net dankie vir die "min", en vir die "baie", want die "min" leer ons vergenoegdheid, want as die "baie" in ons lewe kom weet ons hoe dit voel om in nood te leef en daarom is ons meer bereid om in ander se tye van nood, die helpende hand ook na hulle uit te reik sonder om iets van hulle terug te verwag.

In die Naam van ons Meester YESHUA, bid ons vir die krag om standvastig te bly in U, ongeag ons status of omstandighede.

Amen.

•••••••

Webtuiste:

Sel: +27716283107

HANDELINGE 17:30-31, 34 AFR53

Tue, 29 Jul 2025 06:33:03 GMT

30. God het dan die tye van onkunde oorgesien en verkondig nou aan al die mense oral dat hulle hul moet bekeer,

31. omdat Hy 'n dag bepaal het waarop Hy die wêreld in geregtigheid sal oordeel deur 'n Man wat Hy aangestel het, en Hy het hiervan aan almal sekerheid gegee deur Hom uit die dode op te wek.

34. Maar sommige manne het by hom aangesluit en gelowig geword,.......

***

Kern gedeelte:

"God het dan die tye van onkunde oorgesien"

As jy nog in vandag se tyd opstaan en sê, ek weet nie wie GOD is, en wie Hy gestuur het, deur wie ons Verlossing sal verkry nie, dan het ek vir jou slegte nuus.

In die tyd van die skrywe van hierdie boek van Handelinge het Paulus aan die mense van Athenai, verduidelik wie die onbekende GOD is wat hulle aanbid het.

Maar vandag weet ons wie ons Lewende GOD is wat die hemel en die aarde gemaak het, en wie ons Verlosser en Saligmaker, JESUS CHRISTUS is, want die tye van onkunde het by ons verbygegaan.

Soos wat jy kies om hierdie boodskap te ignoreer, so sal elkeen wat dit doen voor GOD gaan staan sodat ons in Sy onpartydige opregtheid ge-oordeel kan word.

Maak vandag nog jou saak reg met GOD, jy het nog die tyd!

-------

GEBED.

VADER, ons dink dat ons nog 'n verskoning het wat ons kan gebruik deur te sê, maar ek het U nog nie geleer ken nie. Ons dink dat ons, ons kan wegdraai van U boodskap sonder nagevolg, maar die uurglas het vir ons leeg geloop want U het die tyd van onkunde oorgesien. Terwyl ons vandag nog in die lewe is, laat ons die geleentheid gebruik deur, gedrewe deur die inwerking van Heilige Gees.

In die Naam van ons Meester YESHUA bid ons dat U ons gees sal aanraak sodat ons tot U sal nader.

Amen.

•••••••

Webtuiste: https://tentvansamekoms.co.za

Sel: +27716283107

HANDELINGE 16:30-33 AFR53

Mon, 28 Jul 2025 06:17:45 GMT

30. En hy het hulle na buite gebring en gesê: Menere, wat moet ek doen om gered te word?

31. Toe sê hulle: Glo in die Here Jesus Christus en jy sal gered word, jy en jou huisgesin.

32. En hulle het aan hom die woord van die Here verkondig en aan almal wat in sy huis was.

33. En in dieselfde uur van die nag het hy hulle geneem en hulle wonde gewas, en hy is onmiddellik gedoop, hy en al sy mense.

***

Kern gedeelte:

"wat moet ek doen om gered te word?"

Soveel mense soek hulle hulp, hoop en redding in die weë van hierdie wêreld, wat uiteindelik lei op die pad na die ewige verderf.

Soeke na drank, dwelms, hoerery, dinge wat nie betaam nie, dinge wat nie geoorloof is nie.

Vanoggend wil ek net die antwoord gee wat op my hart gelê is om uit te dra, en dit is:

Glo in die HERE JESUS CHRISTUS en jy sal gered word, jy en jou huisgesin.

Die dag wat jy van die wêreld wegdraai, jy tot bekering kom en JESUS CHRISTUS as jou persoonlike Verlosser en Saligmaker aanvaar, sal Sy Lig ook in jou begin skyn.

'n Lig wat die duisternis van hierdie wêreld nooit weer sal kan oorweldig nie.

-------

GEBED.

VADER, in hierdie hoofstuk het hierdie Romeinse soldaat en sy huisgesin se lewens in 'n oomblik onherroepbaar verander. Ons vra dat U ons vandag nog sal aanraak sodat ons lewe ook nie langer in die weë van sal voortgaan nie maar dat ons vandag nog ons Skepper en Verlosser ontmoet. Vergewe ons asb ons sondes.

In die Naam van ons Meester YESHUA, bid ons vir siele tot bekering.

Amen.

•••••••

Webtuiste: https://tentvansamekoms.co.za

Sel: +27716283107

PSALMS 1:3, 6 AFR53

Fri, 25 Jul 2025 06:59:08 GMT

3. En hy sal wees soos 'n boom wat geplant is by waterstrome, wat sy vrugte gee op sy tyd en waarvan die blare nie verwelk nie; en alles wat hy doen, voer hy voorspoedig uit.

6. Want die Here ken die weg van die regverdiges, maar die weg van die goddelose sal vergaan.

***

Kern gedeelte:

"soos 'n boom wat geplant is by waterstrome"

En so lees ons almal net dit wat ons wil hoor, ons lees dat ons op by waterstrome geplant sal wees en dat ons gedurig deur net in voorsiening sal leef, en dat ons net sterker en sterker sal word.

En dit is so, maar alles kom met seisoene, soos die boom wat by die waterstrome staan.

Die boom gaan ook deur die normale seisoene van die jaar, lente, somer, herfs en winter, maar nog meer, dan kom tye van vloed, tye van droogte, tye van storms en geweldige winde.

Ook van tyd tot tyd sal die vuur tot op die rivier oewer brand.

Maar nietemin, soos die boom, dra GOD ons deur, ons groei, rus, herstel, maar met elke siklus word ons sterker.

Daarom, ongeag die seisoen waarin jy jou tans bevind, GOD bly in beheer, en ook hierdeur sal jy kom.

-------

GEBED.

VADER, dankie dat U vanoggend bevestig, dat ons af tye net deel is van ons groei proses. Dit is nie ons toekoms plan of ons finale bestemmimg nie. Gee ons asb die krag om iets te leer uit elke situasie waar ons deurmaak, elke seisoen wat ons deurleef.

In die Naam van ons Meester YESHUA, bid ons vir krag om staande te bly in elke situasie.

Amen.

•••••••

Webtuiste: https://tentvansamekoms.co.za

Sel: +27716283107

OPENBARING 12:12, 17 AFR53

Thu, 24 Jul 2025 07:25:14 GMT

12. Daarom, wees verheug, o hemele en die wat daarin woon; wee die bewoners van die aarde en die see, want die duiwel het na julle neergedaal met groot woede, omdat hy weet dat hy min tyd het.

17. En die draak was vertoornd op die vrou, en hy het weggegaan om oorlog te voer teen haar ander nakomelinge wat die gebooie van God bewaar en die getuienis van Jesus Christus hou.

***

Kern gedeelte:

"met groot woede, omdat hy weet dat hy min tyd het"

As jy die gebooie van GOD en die Getuienis, die Evangelie van JESUS CHRISTUS glo en verkondig, dan moet jy nie simpatie van die "verderwer" verwag nie.

Die Woord van GOD maak dit duidelik dat hy rond loop soos 'n brullende leeu en soek na wie hy kan verslind.

Let op, soos 'n brullende leeu.

As jy jou standvastigheid in GOD vind, sal die gebrul van die "verderwer" verander van vrees wat jou lamlê, na nuttelose geraas in jou lewe wat geen effek op jou het nie.

Aanslae en vals aantuigings sal na jou kant toe kom, maar as ons vers 11 lees, dan staan daar:

En hulle het hom oorwin deur die bloed van die Lam en deur die woord van hulle getuienis, en hulle het tot die dood toe hulle lewe nie liefgehad nie.

Onthou, jou oorwinning lê in die bloed van die Lam!

-------

GEBED.

VADER, hoe dikwels lewe ons in vrees, voel ons dat ons nie goed genoeg is nie, lei ons aan 'n swak selfbeeld, en alles deur die leuens van die "verderwer". Laat hierdie waarheid asb by ons insink dat ons oorwinning lê in die bloed van die Lam. As ons U Seun aangeneem het as ons Verlosser en Saligmaker, sal ons U in onpartydige opregtheid wil lewe, deur U gebooie te onderhou.

In die Naam van ons Meester YESHUA, bid ons 'n 'n nuwe dag, 'n nuwe begin in ons lewe.

Amen.

•••••••

Webtuiste: https://tentvansamekoms.co.za

Sel: +27716283107

DEUTERONÓMIUM 14:29 AFR53

Wed, 23 Jul 2025 06:56:51 GMT

29. dan moet die Leviet kom — omdat hy geen deel of erfenis saam met jou het nie — en die vreemdeling en die wees en die weduwee wat in jou poorte is, en hulle moet eet en versadig word, sodat die Here jou God jou kan seën in al die werk van jou hand wat jy doen.

***

Kern gedeelte:

"sodat die Here jou God jou kan seën"

Soos jy met 'n oop hand gee, so sal jy ook met 'n oop hand ontvang.

Die misbruikers en die wat op jou gevoel probeer speel sal daar altyd wees, maar daar is mense wat werlik hulp nodig het.

Dit maak aan my geen saak hoe groot jou amp is, hoe belangrik jy dink jy is, of hoe ryk jy is nie of hoe goed jy jou probeer voordoen nie.

Hoe jy ander mense behandel, sal my presies wys waar jy in jou verhouding met GOD staan.

As jy mense rondom jou vertrap, uitsluit, verstoot, verneder en nie help waar jy kan help nie, moenie vra vra nie maar lees weer:

en die vreemdeling en die wees en die weduwee wat in jou poorte is, 'en hulle moet eet en versadig word, sodat die Here jou God jou kan seën in al die werk van jou hand wat jy doen'.

Soos jy met 'n oop hand gee, so sal jy ook met 'n oop hand ontvang.

-------

GEBED.

VADER, hoe dikwels hou ons U seëninge wat moes deurvloei na ander toe, nog steeds teen ons bors vas. Die lank en kort is ons doen dit omdat ons U nie vertrou vir ons voorsiening in die dag van môre nie, daarom gaar ons op, word ons gierig en wil alles vir onself hou. Gee asb aan ons 'n hart van omgee en meegevoel, sodat ons U seëninge ook kan laat deurvloei na ander toe.

In die Naam van ons Meester YESHUA, bid ons vir 'n gees van onderskeid sodat ons die verskil tussen nood en misbruik sal raaksien.

Amen.

•••••••

Webtuiste: https://tentvansamekoms.co.za

JOSUA 3:15-16 AFR53

Tue, 22 Jul 2025 06:46:31 GMT

15. en net toe die draers van die ark by die Jordaan kom en die priesters wat die ark dra, hulle voete aan die kant van die water insteek, terwyl die Jordaan vol was op al sy walle al die dae van die oes,

16. bly die water staan wat van die bokant afkom: dit het opgerys soos een wal, baie ver weg by die stad Adam wat langs Sartan lê; en die wat afstroom na die See van die Vlakte, die Soutsee, het heeltemal verdwyn; toe het die volk deurgetrek, teenoor Jérigo.

***

Kern gedeelte:

"hulle voete aan die kant van die water insteek"

As jy ook vanoggend staan by die walle van jou Jordaan rivier, en jou probleme is ook in vloed, met geen menslike hoop om dit te keer of daardeur te kom nie, wil ek vir jou die volgende bevestiging gee!

Om op die wal te bly staan en kyk gaan niks verander nie, maar as jy op GOD se Woord reageer, vorentoe beweeg, die eerste tree in geloof neem, jou voete in die water insteek, sal die pad vir jou oopgaan.

Miskien weet jy nie as besigheid, as persoon waar die voorsiening vandaan sal kom nie, maar weet dit!

Soos jy begin beweeg, so sal GOD se voorsiening jou volg en jy sal met elke tree net sterker word.

Jou mosterd saadjie in jou bank rekening, sal groei tot 'n boom van voorsiening, nie net vir jouself nie, maar ook vir ander.

Moenie nou begin twyfel nie, jy het dit reeds gemaak, hou net aan stap.

-------

GEBED.

VADER, so dikwels wil ons net op die kant staan en bid, oor ons uitdagings en probleme kla, maar tog was U Woorde aan Moses, Wat roep jy na My? Sê aan die kinders van Israel dat hulle moet wegtrek. Dankie vir U Woord van bevestiging dat ons moet begin beweeg, dat ons moet wegtrek na 'n nuwe toekoms, na 'n nuwe bestemming saam met U. Gee ons asb die krag om die eerste tree in geloof te neem, en dan in volharding die pad aan te hou stap.

In die Naam van ons Meester YESHUA, dank ons U vandag vir hierdie

bevestiging, Dit is Tyd om te Beweeg.

Amen.

•••••••

Webtuiste: https://tentvansamekoms.co.za

Sel: +27716283107

DEUTERONÓMIUM 11:26-28 AFR53

Mon, 21 Jul 2025 04:27:26 GMT

26. Kyk, ek hou julle vandag seën en vloek voor

27. die seën as julle luister na die gebooie van die Here julle God wat ek julle vandag beveel

28. en die vloek as julle nie luister na die gebooie van die Here julle God nie, maar afwyk van die weg wat ek julle vandag beveel, om agter ander gode aan te loop wat julle nie geken het nie.

***

Kern gedeelte:

"Kyk, ek hou julle vandag seën en vloek voor"

Elkeen van ons, sonder uitsondering het 'n keuse.

As jy vanoggend wakker geword het, met asem in jou longe en genoeg helderheid van verstand om hierdie boodskap te lees, dan is dit nog nie te laat nie.

Jy het vanoggend nog die geleentheid om 'n keuse te maak.

'n Keuse om JESUS CHRISTUS aan te neem as jou persoonlike Verlosser en Saligmaker, 'n keuse om jou weg te draai van die sonde en GOD te dien met jou hele hart, siel en verstand.

Of jy kan die "wêreld" kies wat jou verder in die sonde gaan inlei, op die hoofweg na die ewige verderf.

Hierdie keuse word vanoggend vir JOU voorgehou.

Nee, dit is niemand anders se keuse nie, niemand anders kan die skuld kry vir dit wat jy gekies het nie.

Jy moet kies, want as jy klaar gekies het, gaan jy die verantwoordelikheid dra vir jou keuse!

-------

GEBED.

VADER, vandag is die eerste dag van die res van ons lewe. Die eerste dag nadat ons die keuse gemaak het om U te dien, of nie te dien nie. Gee ons asb die krag om die regte keuse te maak, om die pad saam met U te stap, maar sonder U nie 'n tree nie. Laat die besef asb tot ons indring dat elke aksie het 'n reaksie en elke besluit het 'n nagevolg.

In die Naam van ons Meester YESHUA, bid ons dat U ons hart sal aanraak en ons lei in hierdie keuse wat ons vandag moet maak.

Amen.

•••••••

Webtuiste: https://tentvansamekoms.co.za

Sel: +27716283107

SPREUKE 17:27-28 AFR53

Thu, 17 Jul 2025 16:16:18 GMT

27. Wie sy woorde inhou, besit kennis; en hy wat kalm is van gees, is 'n man van verstand.

28. Selfs 'n sot sal as hy swyg, vir wys gereken word; as hy sy lippe toehou, vir verstandig.

***

Kern gedeelte:

"Wie sy woorde inhou"

Hulle sê dat met die grysheid kom die wysheid, en ek het daadwerklik al mense ontmoet op my lewenspad wat hierdie stelling gestaaf het.

Maar dan het ek ook al gryse mense teëgekom wat oorkook soos 'n pot warm melk en 'n totale gek van hulleself gemaak het.

Al is dit moeilik, hou jou gees kalm want in die hitte van die oomblik kom jou ware karakter na vore, dan sien mense jou vir wie en wat jy is.

As jy nie die situasie kalm kan hanteer, en weet wat om te sê nie, draai om en stap weg.

Môre is nog 'n dag,

Verloor eerder die geveg, maar wen die oorlog.

-------

GEBED.

VADER, Elia het nie U Stem in die vuur of in die wind gehoor nie, maar in die gesuis van sagte koelte. Al is dit die plan van die "verderwer" om die slegste in ons na vore te bring, gee U Heilige Gees ons kalmte en maak ons stil sodat eers na U Stem kan luister voordat ons reageer. Versterk ons asb sodat ons nie uit teësin of weerwraak sal spreek nie, maar slegs God gerigde woorde van wysheid.

In die Naam van ons Meester YESHUA, bid ons vir 'n kalm gees en stil gemoed.

Amen.

•••••••

Webtuiste: https://tentvansamekoms.co.za

PSALMS 23:1-6 AFR53

Mon, 14 Jul 2025 04:26:43 GMT

1. Die Here is my herder; niks sal my ontbreek nie.

2. Hy laat my neerlê in groen weivelde; na waters waar rus is, lei Hy my heen.

3. Hy verkwik my siel; Hy lei my in die spore van geregtigheid, om sy Naam ontwil.

4. Al gaan ek ook in 'n dal van doodskaduwee, ek sal geen onheil vrees nie; want U is met my: u stok en u staf dié vertroos my.

5. U berei die tafel voor my aangesig teenoor my teëstanders; U maak my hoof vet met olie; my beker loop oor.

6. Net goedheid en guns sal my volg al die dae van my lewe; en ek sal in die huis van die Here bly in lengte van dae.

***

Kern gedeelte:

"Die Here is my herder; niks sal my ontbreek nie"

Ek wil vanoggend nie veel sê nie, maar jou slegs herhinner, wie is,

▪︎ Jou Herder,

▪︎ Jou voorsiener,

▪︎ Jou bewaarder,

▪︎ Jou stok en jou staf,

▪︎ En Wie is dit wat jou tafel voorberei teenoor jou teëstanders.

Dit is die Lewende GOD wat die hemel en aarde geskape het!

-------

GEBED.

VADER, ons sien nie meer U Grootheid en Almag, nie, want ons het van U weg beweeg. Die skeidsmuur van sonde staan tussen ons en U, en ons verstoot die inwerking van U Heilige Gees. Gee ons asb vanoggend 'n oomblik van stilte, 'n oomblik van helderheid van verstand, sodat dit by ons sal insink dat U al om teenwoordig is, want die Bewaarder van Israel sluimer of slaap nie.

In die Naam van ons Meester YESHUA, bid ons vir U Wysheid, U Insig en die inwerking van U Heilige Gees in ons lewe.

Amen.

•••••••

Webtuiste: https://tentvansamekoms.co.za

Sel: +27716283107

HOSÉA 4:1-3 AFR53

Fri, 11 Jul 2025 04:32:08 GMT

1. HOOR die woord van die Here, o kinders van Israel! Want die Here het 'n regsaak met die inwoners van die land, omdat daar geen trou en geen liefde en geen kennis van God in die land is nie.

2. Hulle sweer en lieg en moor en steel en pleeg owerspel; hulle breek in, sodat bloedbad aan bloedbad raak.

3. Daarom treur die land, en alles wat daarop woon, kwyn weg: die wilde diere van die veld en die voëls van die hemel, ja, ook die visse van die see kom om.

***

Kern gedeelte:

"Daarom treur die land"

Ons kla en kerm, maar ons keer nie terug na GOD toe nie.

Ons immigreer, maar die swaard sal ons ook daar inhaal, want die liefde en trou van ons GOD is nie in ons hart nie.

Ons wys vingers na die goddelose regering, maar niemand dink daaraan dat GOD, soos met Nebukadneser, hulle daar geplaas het om hierdie volk weer op hulle knieë te dwing, weer terug te kry by Hom nie.

Ons voortdurende gekerm en gekla gaan niks verander nie, maar gebed verander sake.

Nader tot my sê GOD, en Ek sal tot julle nader.

Kortliks, wanneer die volk nie meer kan nie, wanneer dit bitter sleg gaan, wanneer choas in land uitbreek, sal ons in eenheid tot GOD begin nader.

Dan eers sal GOD se herstel proses begin.

-------

GEBED.

VADER, die besef sink nog nie by ons in dat dit eers bitter sleg met ons moet gaan voordat dit weer goed sal gaan nie. Ons weet dat herstel deur U Hand sal kom, maar ons loop nog rond as siende blind en horende doof. Ons vra dat Heilige deur ons land sal beweeg, harte sal aanraak, sal voorberei vir die groot Herlewing, die dag wanneer ons weer saam in U Naam sal vergader.

In die Naam van ons Meester YESHUA, bid ons dat U die skille van ons oë sal verwyder, sodat ons die dwaasheid van ons weë sal sien.

Amen.

•••••••

Webtuiste: https://tentvansamekoms.co.za

Sel: +27716283107

JAKOBUS 1:19-21 AFR53

Thu, 10 Jul 2025 04:26:20 GMT

19. SO dan, my geliefde broeders, elke mens moet gou wees om te hoor, stadig om te praat, stadig om toornig te word.

20. Want die toorn van 'n man bewerk nie die geregtigheid voor God nie.

21. Daarom, doen afstand van alle vuiligheid en oorvloed van boosheid, en ontvang met sagmoedigheid die ingeplante woord, wat in staat is om julle siele te red.

***

Kern gedeelte:

"stadig om te praat, stadig om toornig te word"

'n Mens kan nie jouself, jou spieëlbeeld nie sien in 'n pot kokende water nie, daarom laat die water afkoel, laat jou gemoed rustig word, oordink die situasie.

As die water stil en kalm is, eers dan sal jy die volle prentjie sien.

As jy dan nog nie seker is hoe om die situasie te hanteer nie, hanteer die situasie in liefde, in kalmte.

Die maklikste manier om die situasie in GOD se Wil te hanteer, in liefde te hanteer, is om die volgende vraag te vra.

Wat sou JESUS gedoen het, en daarin sal jy jou antwoord vind!

Moenie deur oorhaastige woorde en dade aan hierdie wêreld gelykvormig word nie!

-------

GEBED.

VADER, spyt is 'n goeie ding, maar spyt kom altyd te laat. So ook woorde wat gespreek is, soos vere wat deur die wind verstrooi is, kan dit nooit weer teruggetrek word nie. U Woord sê vir ons dat lewe en dood is in die mag van die tong, daarom gee ons asb die krag om in die hitte van die oomblik, eerder stil te bly, te luister as om woorde van dood te spreek waaroor ons later bitter jammer gaan wees.

In die Naam van ons Meester YESHUA, bid ons vir die krag om elke situasie in liefde te hanteer.

Amen.

•••••••

Webtuiste: https://tentvansamekoms.co.za

Sel: +27716283107

II KRONIEKE 11:2, 4 AFR53

Wed, 09 Jul 2025 04:27:33 GMT

2. Maar die woord van die Here het tot Semája, die man van God, gekom en gesê:

4. So spreek die Here: Julle mag nie optrek en teen julle broers oorlog voer nie; julle moet omdraai, elkeen na sy huis, want van My het hierdie saak gekom. Hulle het toe geluister na die woorde van die Here en omgedraai sonder om teen Jeróbeam op te trek.

***

Kern gedeelte:

"want van My het hierdie saak gekom"

Jy mag dalk gevra word om by iets of iemand betrokke te raak wat op die ingewing van die oomblik reg lyk of voel, mag dalk teen GOD se Wil inwerk.

Moenie emosioneel reageer of blindelings instorm nie, want sekere sake is juis so beskik, en die persoon/persone sit juis nou aan by hulle eie tafel van nagevolg.

Neem net 'n tree terug, Nader in gebed tot GOD, vra vir leiding, rigting, wysheid en insig, wag vir bevestiging en die antwoord sal ook dalk wees:

▪︎ julle moet omdraai, elkeen na sy huis, want van My het hierdie saak gekom.

-------

GEBED.

VADER, so dikwels storm ons kop eerste in 'n situasie in, sonder om die langtermyn gevolge te oordink. Ons raak by ander mense se foute betrokke wat hulle deur hulle eie hande veroorsaak het. Laat ons vanoggend net 'n oomblik neem en U ken in hierdie saak, sodat ons nie teen U Wil inwerk nie, nie in die pad kom van U Geregtigheid nie. Lei ons asb soos dit U behaag.

In die Naam van ons Meester YESHUA, bid ons vir U Leiding aangaande hierdie saak.

Amen.

•••••••

Webtuiste: https://tentvansamekoms.co.za

Sel: +27716283107

JOHANNES 12:24-25 AFR53

Tue, 08 Jul 2025 04:27:36 GMT

24. Voorwaar, voorwaar Ek sê vir julle, as die koringkorrel nie in die grond val en sterf nie, bly dit alleen; maar as dit sterf, dra dit veel vrug.

25. Wie sy lewe liefhet, sal dit verloor; maar wie sy lewe haat in hierdie wêreld, sal dit bewaar vir die ewige lewe.

****

Kern gedeelte:

"Wie sy lewe liefhet, sal dit verloor"

Ek wil vanoggend tot die punt kom en vra, watse vrug dra jy vir jou Verlosser, of is die saadjie van die "eie ek" nog veilig in jou hande.

Dit is eers wanneer jy die aanraking van JESUS CHRISTUS in jou lewe ervaar het dat jy besef, jy moet die "eie ek" begrawe, jou lewe aan GOD toewy sodat daar groei in jou lewe kan plaasvind, waardeur ander mense aangeraak sal word.

As jy nog met die saadjie van die "eie ek"in die hand staan, het jy nog nie oorgegee nie, het jou nog nie jou Verlosser ontmoet nie, nog nie jou lewe aan GOD toegewy nie, en sal hierdie boodskap jou waarskynlik tot aanstoot wees.

Hoe dit ook al sy, as jy hierdie boodskap lees, het jy nog vandag die tyd om sake te verander voor jou lig vir ewig uitgedoof word.

Jou Verlosser staan voor die deur van jou hart en klop, die vraag is, hoe gaan jy daarop reageer.

-------

GEBED.

VADER, dankie vir die geleentheid wat U ons vandag gee, nie net om ons lewe aan U toe te wy nie, maar ook om opnuut te besef dat U vuur in ons afgekoel het, en dat ons, ons Verlosser, ons eerste liefde verlaat het. Plaas asb 'n nuwe lied in ons mond wat sing oor U vuur wat in ons harte brand. Rig ons asb op en maak ons sterk.

In die Naam van ons Meester YESHUA, bid ons vir 'n geestelike aanraking, waar dit nodig is, en laat hierdie boodskap soos 'n veldbrand versprei.

Amen.

•••••••

Webtuiste: https://tentvansamekoms.co.za

Sel: +27716283107

SPREUKE 29:25-27 AFR53

Mon, 07 Jul 2025 04:30:55 GMT

25. Die vrees vir die mens span 'n strik; maar hy wat op die Here vertrou, sal beskut word.

26. Daar is baie wat die aangesig van die heerser soek, maar die reg van 'n mens kom van die Here.

27. 'n Man van onreg is vir die regverdiges 'n gruwel, en vir die goddelose is die opregte van wandel 'n gruwel.

***

Kern gedeelte:

"Die vrees vir die mens span 'n strik"

Vanoggend wil ek dit baie duidelik maak!

Die enigste vrees wat jy in jou lewe moet hê, is die respekvolle vrees vir GOD, want daarin is die kennis waardeur ons gerig sal word op ons lewenspad.

Op die lewenspad, sal beide goed en sleg oor ons pad kom, maar ons hoef dit nie te vrees nie, maar ook daardeur sal GOD ons dra.

Moenie in vrees lewe nie want die Woord van GOD sê duidelik, dat dit wat jy vrees, sal na jou toe aankom.

Vra eerder dat GOD jou sal oprig, jou sal versterk, om elke aanslag die hoof te bied, en dat ons nie sal buig voor die wêreld nie.

As jy vanoggend vra waar sal jou hulp vandaan kom, dan wil ek vir jou sê, ons hulp is van die HERE wat die hemel en die aarde geskape het.

-------

GEBED.

VADER, vanoggend moet ons belei dat vrees ons verlam, en daarom is ons bang om die geleenthede aan te gryp wat U oor ons pad bring. Ons vrees dit wat die toekoms inhou want ons land gaan ten gronde, maar ons vergeet dat U 'n pad deur die see gemaak het vir U volk, U kinders, uitkoms gegee her waar daar geen uitkoms meer was nie. Laat ons vandag opstaan en verklaar, laat kom wat wil, want my GOD is in beheer.

In die Naam van ons Meester YESHUA, bid ons vir krag om uit te styg bo ons probleme.

Amen.

•••••••

Webtuiste: https://tentvansamekoms.co.za

Sel: +27716283107

HANDELINGE 14:18-19 AFR53

Fri, 04 Jul 2025 04:29:47 GMT

18. Selfs met hierdie woorde het hulle met moeite die skare verhinder om aan hulle te offer.

19. Maar daar het Jode van Antiochíë en Ikónium aangekom, en hulle het, nadat hulle die skare omgepraat het, Paulus gestenig en hom buitekant die stad gesleep, met die gedagte dat hy dood was.

***

Kern gedeelte:

"nadat hulle die skare omgepraat het"

Pasop vir die eer en lofprysing van mense!

Wanneer daar vir hulle iets tot voordeel is, sal mense jou ophemel, jou op die hande dra.

Maar wanneer jy jou doel gedien het sal dieselfde mense wat jou vandag eer en lof toegejuig het, klippe optel om jou te stenig.

Daarom sê die Woord van GOD, vervloek is die man wat steun op die arm van die vlees.

Loop eerder die pad alleen, kies jou vriende baie versigtig, en moenie skares aanhangers rondom jou vergader nie.

Dit gaan jou tot spyt wees.

-------

GEBED.

VADER, met die grysheid kom die wysheid, en soos ons ouer word besef ons dat mense nie vertrou kan word nie, want ons sien slegs die uiterlike van die mens maar die intensies en planne van hulle harte verstaan ons glad nie. Daarom bid ons vir nederigheid van hart sodat, ons nie die eer van die mens najaag nie. Gee asb aan ons die gees van onderskeiding wat nie ongewenste persone in ons lewe sal toelaat nie.

In die Naam van ons Meester YESHUA, bid ons dat U ons sal rig op ons lewenspad.

Amen.

-------

Webtuiste: https://tentvansamekoms.co.za

Sel: +27716283107

ROMEINE 8:5-8 AFR53

Thu, 03 Jul 2025 04:23:51 GMT

5. Want die wat vleeslik is, bedink vleeslike dinge, maar die wat geestelik is, geestelike dinge.

6. Want wat die vlees bedink, is die dood, maar wat die Gees bedink, is lewe en vrede,

7. omdat wat die vlees bedink, vyandskap teen God is; want dit onderwerp hom nie aan die wet van God nie, want dit kan ook nie.

8. En die wat in die vlees is, kan God nie behaag nie.

***

Kern gedeelte:

En die wat in die vlees is, kan God nie behaag nie

Ons kan 'n lewe van voorgee, voor mense lei, maar GOD sien die waarheid.

Sy Heilige Gees getuig vir ons of teen ons, afhangend waar ons geestelike lewe tans is.

Lees die hele hoofstuk 8 van Romeine en laat dit insink.

As GOD nie alles is vir jou nie, dan is Hy niks vir jou nie.

Jy is of gered of jy is nie.

Soveel mense verklaar dat JESUS CHRISTUS hulle Verlosser en Saligmaker is, maar die duisternis van die wêreld verblind nog hulle oë, hulle denke, hulle weë, sodat hulle die pad van Waarheid nie kan sien nie.

Onthou net, die wat in die vlees is, kan God nie behaag nie.

-------

GEBED.

VADER, gee asb aan ons die krag om die deure van versoeking toe te hou, want die "verderwer" het sy vingers oral in. Soms is dit wat so reg lyk, juis die verkeerde ding, en as dit te goed lyk om waar te wees, dan is dit juis die weg van struikeling. Beskerm ons asb dat ons nie weer in die strikke van die vlees sal trap nie.

In die Naam van ons Meester YESHUA, bid ons vir krag om geestelik, staande te bly.

Amen

•••••••

Webtuiste: https://tentvansamekoms.co.za

Sel+27716283107

DEUTERONÓMIUM 10:12-13 AFR53

Wed, 02 Jul 2025 04:28:33 GMT

12. En nou, Israel, wat eis die Here jou God van jou as net om die Here jou God te vrees, in al sy weë te wandel en Hom lief te hê en die Here jou God te dien met jou hele hart en met jou hele siel,

13. om te hou die gebooie van die Here en sy insettinge wat ek jou vandag beveel, dat dit met jou goed kan gaan?

***

Kern gedeelte:

"dat dit met jou goed kan gaan"

Ek verstaan die bogenoemde beter as wat baie mense verstaan en as jy in GOD se Wil probeer lewe sal jy dit ook verstaan!

Orals in die lewe is daar mense wat wil hê wat ons het, maar hulle is nie bereid om te doen wat ons doen nie.

Waar ander mense agter die wêreld aanjaag, na grashalms gryp en probeer inpas, het ons, in ons, die vrede van GOD wat alle verstand te bowe gaan.

Die Woord van GOD leer ons; soek eers die Koningkryk van GOD en Sy Geregtigheid, en al hierdie dinge sal vir julle bygevoeg word.

As jy dit navolg sal GOD dit vir jou gee wat jou toekom, op die tyd wanneer jy dit jy dit kan hanteer, sodat dit ook met jou goed kan gaan.

Moenie die Bybel net lees nie, maar begin dit uitleef, en sien hoe GOD se hand begin beweeg in jou lewe.

-------

GEBED.

VADER, vir jare lank lewe ons in die wêreld en dek ons, ons tafel van nagevolg. Dan vra ons hoekom dit met ons so sleg gaan, terwyl U jare lank deur die inwerking van U Heilige Gees, ons geroep het tot bekering. Ons bid vir vir 'n nuwe blaai, 'n nuwe hoofstuk in ons lewe, waar ons sal leer om U en U Woord eerste te stel, sodat dit met ons goed kan gaan.

In die Naam van ons Meester YESHUA, vra ons vir 'n nuwe begin, vir 'n lewe toegewy aan U.

Amen.

•••••••

Webtuiste: https://tentvansamekoms.co.za

EFÉSIËRS 5:31-33 AFR53

Tue, 01 Jul 2025 04:32:35 GMT

31. Daarom moet die man sy vader en sy moeder verlaat en sy vrou aankleef, en hulle twee sal een vlees word.

32. Hierdie verborgenheid is groot, maar ek sê dit met die oog op Christus en die gemeente.

33. In alle geval moet elkeen van julle ook afsonderlik sy eie vrou liefhê net soos homself, en die vrou moet die man eerbiedig.

***

Kern gedeelte:

"Daarom moet die man sy vader en sy moeder verlaat"

Hoekom hou huwelike nie?

Want daar is geen fondasie nie!

Wanneer ons 'n huis begin bou, bou ons van die fondasie af op boontoe.

Eers moet ons mekaar vind, en dan moet ons in ons gemeenskaplike verhouding, GOD vind.

As dit gedoen is, sal jy besef dat soos wat julle as huweliks maats nader aan GOD beweeg, sal julle nader aan mekaar beweeg.

Dit is hoe die huweliks driehoek werk.

Dan sal buite invloede van familie, vriende en vals vriende, die aanslae van die verderwer geen effek op ons verhoudings, ons huwelike hê nie.

Die Woord is duidelik, die twee sal een word.

In eenheid met mekaar, dan saam in eenheid tot GOD.

Ek sê nie dat ons nie na raad moet luister nie, maar hou ander mense en hulle opinies wat 'n wig tussen julle indryf, uit julle huwelik uit.

-------

GEBED.

VADER, elke dag staan ons teen die storms, die aanslae teen ons huwelike, want die "verderwer" weet dat as hy die huwelik kan opbreek, gaan hy die gesin opbreek en daardeur kan mense tot 'n val, eindig kinders sonder rigting en sonder toekoms. Laat ons vandag besef dat in eenheid, lê die geheim, in eenheid met mekaar, in eenheid met U.

In die Naam van ons Meester YESHUA, bid ons vir restorasie van huwelike, vir hulle wat nie meer die pad vorentoe, saam kan sien nie.

Amen.

•••••••

Webtuiste: https://tentvansamekoms.co.za

Sel: +27716283107

MATTHÉÜS 6:9-14 AFR53

Fri, 27 Jun 2025 12:16:35 GMT

9. Só moet julle dan bid: Onse Vader wat in die hemele is, laat u Naam geheilig word;

10. laat u koninkryk kom; laat u wil geskied, soos in die hemel net so ook op die aarde;

11. gee ons vandag ons daaglikse brood;

12. en vergeef ons ons skulde, soos ons ook ons skuldenaars vergewe;

13. en lei ons nie in versoeking nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid.

Amen.

***

Kern gedeelte:

"laat u wil geskied"

Soveel van ons mis nog hierdie punt:

Dit is nie ons wil in GOD se lewe nie,

maar GOD se Wil in ons lewe.

En deur weerstand te bied, die sonde nie te laat gaan nie, stap ons deur die woestyn paaie van die lewe.

Dink net so oomblik in nabetragtig oor dit wat ek vanoggend sê.

-------

GEBED.

VADER, ons bid die gebed, soos U Seun ons geleer het, maar as ons klaar is, vergeet ons onmiddelik die deel wat sê, laat U Wil geskied.

Leer ons asb vandag wat U Wil is, en maak ons oë oop vir ons eie foute.

In die Naam van ons Meester YESHUA, bid ons vir gehoorsaamheid aan U Woord.

Amen.

•••••••

Webtuiste: https://tentvansamekoms.co.za

Sel: +27716283107

DEUTERONÓMIUM 8:14, 17-18 AFR53

Thu, 26 Jun 2025 04:28:06 GMT

14. en jou hart hom dan verhef, dat jy die Here jou God vergeet wat jou uit Egipteland, uit die slawehuis, uitgelei het;

17. en jy in jou hart dink: My krag en die sterkte van my hand het vir my hierdie rykdom verwerwe.

18. Maar dink aan die Here jou God, dat dit Hy is wat jou krag gee om rykdom te verwerwe, dat Hy sy verbond kan bevestig wat Hy aan jou vaders met 'n eed beloof het, soos dit vandag is.

***

Kern gedeelte:

"dat dit HY is wat jou krag gee om rykdom te verwerwe"

Moenie meer van jouself dink as wat nodig is nie, en moenie op ander mense neerkyk nie, want jy is nie so spesiaal en verhewe as wat jy dink nie.

Miskien leef jy in GOD se Goedheid en Guns en miskien is jy geseënd, sodat GOD se seëninge deur jou na ander mense kan vloei.

Moet egter nooit vergeet wie jou GOD is, en waar jy vandaan kom nie.

As jy nog dink dat, wie jy is en alles wat jy het, het deur jou hand en jou krag gekom, dan lewe jy in die wêreld van materialisme, die wêreld van die "eie ek" waar jy van jou GOD vergeet het.

Weet net, die wiel draai en alles wat vandag bo is, is môre weer onder.

Daarom gaan op jou knieë, dank GOD vir alles in jou lewe, en onthou hierdie woorde:

Maar dink aan die Here jou God, dat dit Hy is wat jou krag gee om rykdom te verwerwe.

-------

GEBED.

VADER, ons bid vanoggend vir nederigheid, nederigheid en nederigheid, en help ons dat ons nooit die grond sal verlaat nie, maar in U skadu bly. Vergewe ons asb vir die verkeerde gesindheid wat ons tans in ons harte koester, en gee ons asb die krag om nederig by U voete te bly.

In die Naam van ons Meester YESHUA, dank ons U vir elke gawe uit U Hand.

Amen.

•••••••

Webtuiste: https://incurio.co.za

Sel: +27716283107

DEUTERONÓMIUM 7:26 AFR53

Wed, 25 Jun 2025 04:34:33 GMT

27. En jy mag geen gruwel in jou huis inbring nie, sodat jy nie net so onder die banvloek kom nie; jy moet daar heeltemal 'n afsku van hê en dit geheel en al as gruwel beskou; want dit is onder die banvloek.

****

Kern gedeelte:

"En jy mag geen gruwel in jou huis inbring nie"

Hierdie is 'n waarskuwing boodskap en as jy nie hierop ag slaan nie, gaan dit jou duur te staan kom.

Die mense, die items, die gruwels wat jy vandag in jou huis inbring, is dit wat jou gaan lei tot jou val in die dag van môre.

Miskien omdat geld jou fokus is, en nie GOD nie, is jy besig om 'n besigheids transaksie aan te gaan, 'n venootskap te sluit wat jou bitter duur te staan kom.

Stop waarmee jy besig is, soek na GOD se Wil in jou lewe, ken Hom in al jou weë, want as GOD iets uit jou lewe uithou is dit juis tot jou beskerming, en as Hy jou vertraag, is dit juis sodat die euwel eers kan verbygaan.

Jy is gewaarsku, moenie die gruwel in jou huis inbring nie!

-------

GEBED.

VADER, deur die sondige begeertes word ons verblind en deur gierigheid nooi ons die verderf na binne. Die "verderwer" sal na die swakheid in ons soek, en daardeur sal hy persone, items of transaksies oor ons pad bring, om ons tot 'n val te bring. Gee asb aan ons die Gees van onderskeiding sodat die waarskuwings ligte vir ons sal aangaan, dat ons nie die gruwel in ons huis sal inbring nie. Gee asb aan ons die geduld om te wag, en laat geen besluit uit ons eie wil wees nie.

In die Naam van ons Meester YESHUA, bid ons vir geestelike leiding in elke saak.

Amen.

•••••••

Webtuiste: https://tentvansamekoms.co.za

Sel: +27716283107

JOB 19:25-27 AFR53

Tue, 24 Jun 2025 04:25:08 GMT

25. MAAR ek, ek weet: My Verlosser leef; en Hy sal as laaste oor die stof opstaan.

26. En nadat hulle so my vel afgeskeur het, sal ek nogtans uit my vlees God aanskou;

27. Hom wat ék sal aanskou my ten goede .......

***

Kern gedeelte:

"MAAR ek, ek weet: My Verlosser leef"

Vanoggend wil ek net vir jou sê dat die GOD wat jy dien is, is groter as die omstandighede waarin jy jou tans bevind.

Die Woord van GOD sê vir ons dat JESUS CHRISTUS is die Lig, die Weg en die Waarheid.

Maar steeds tas ons in die donker rond, steeds raak ons die pad byster en steeds word ons deur die leuens van die "verderwer" mislei!

Dit is omdat ons nog te veel van die wêreld en te min van die Lig van ons Verlosser in ons het.

As die "verderwer" jou vanoggend wil oortuig dat dit verby is, dat daar geen hoop meer is nie, dan staan jy op en jy verklaar:

My Verlosser leef, en as GOD al is wat ek oorhet, dan het ek alles wat ek nodig het.

Staan op, laat GOD jou rig op jou pad, en berus jou in die feit dat Hy is in beheer.

-------

GEBED.

VADER, ons wil so graag in beheer wees, terwyl U vir ons sê, My genade is vir jou genoeg. U Krag kan nie in ons "trots" en "eie ek" werk nie, maar die dag wanneer ons niks meer het en nie weet watter kant toe nie, dan eers kom U Krag in ons na vore, dan staan ons eers op en sê, te midde van alles, my Verlosser leef en my GOD is in beheer. Laat ons dit nie net sê nie, maar laat ons dade van geloof dit bevestig.

In die Naam van ons Meester YESHUA, bid ons vir elkeen wat nie meer weet watter kant toe nie.

Amen.

•••••••

Webtuiste: https://tentvansamekoms.co.za

Sel: +27716283107

MATTHÉÜS 7:1-3 AFR53

Mon, 23 Jun 2025 04:24:26 GMT

1. MOENIE oordeel nie, sodat julle nie geoordeel word nie.

2. Want met die oordeel waarmee julle oordeel, sal julle geoordeel word; en met die maat waarmee julle meet, sal weer vir julle gemeet word.

3. En waarom sien jy die splinter in die oog van jou broeder, maar die balk in jou eie oog merk jy nie op nie?

***

Kern gedeelte:

"MOENIE oordeel nie"

Vanoggend mag sommige nie met my saamstem nie, maar laat dit so wees.

Ek sê dikwels, wanneer ons een vinger na 'n ander toe wys, wys daar drie vingers terug na ons toe.

En voordat ons kritiek lewer oor ander mense se lewe, laat ons net so oomblik neem om te kyk waar ons vandaan kom en waar ons tans is.

Ons lewer in een area van die persoon se lewe kritiek, maar in die ander areas is hulle dalk beter af as ons, is hulle dalk beter mense as ons.

Daarom sê die Woord, want met die oordeel waarmee julle oordeel, sal julle geoordeel word; en met die maat waarmee julle meet, sal weer vir julle gemeet word.

Die wêreld doen reeds genoeg afbreek aan GOD se mense, dus, laat ons woorde eerder opbouend wees.

-------

GEBED.

VADER, met dieselfde mond spreek ons dood oor ander mense se lewens, en met dieselfde mond wil ons U loof en prys. Ons besef nie dat 'n fontein nie skoon, en troebel water kan voortbring nie. Ons vra vanoggend slegs dat U Heilige Gees ons oë sal oopmaak vir ons eie foute en ons eie tekortkominge. Laat ons nie in ons eiewysheid sal bly staan nie.

In die Naam van ons Meester YESHUA, bid ons dat U Lig in ons eie lewens sal inskyn en die donker daarin verlig.

Amen.

••••••••

Webtuiste: https://tentvansamekoms.co.za

Sel: +27716283107

EXODUS 23:1-3 AFR53

Fri, 20 Jun 2025 15:34:13 GMT

1. JY mag geen valse gerug rondstrooi nie. Verbind jou nie met die skuldige om 'n kwaadwillige getuie te wees nie.

2. Jy mag die meerderheid nie volg in verkeerde dinge nie. En jy mag in 'n regsaak geen getuienis aflê agter die meerderheid aan om die reg te verdraai nie.

3. Ook mag jy die geringe nie voortrek in sy regsaak nie.

***

Kern gedeelte:

"Jy mag die meerderheid nie volg in verkeerde dinge nie"

Wat gaan ek hieroor sê?

Om die meerderheid te volg in die verkeerde dinge is dieselfde as om deur 'n rivier in vloed meegesleur te word.

In vloed word alles meegesleur maar soos die water sak, lê die opdrifsel orals op die walle van die rivier.

Moenie in die rivier inspring nie, want jy sal uitvind dat as die meerderheid se sensasie verby is, sal hulle weer agter iets nuut aanhardloop maar jy gaan een van die opdrifsels wees wat langs die pad gaan agterbly.

Eers dan sal jy besef dat jy eerder op die rots moes gebly tot die vloed gesak het, en dan kon jy die pad van onpartydige opregtheid verder saam met GOD gestap het.

Staan vas in ons Rots en Vesting, in JESUS CHRISTUS, en geen vloed sal jou skuif nie.

-------

GEBED.

VADER, ons word soos golwe van die see voortgedryf, en elke lewens vloed sleur ons mee omdat ons geloof nie in U geanker is nie. Ons Verlosser is nie meer die basis van ons lewe nie en daarom begin ons te wankel. Gee ons asb die krag om weg te draai van die "wêreld" en na U terug te keer.

Inndie Naam van ons Meester YESHUA, bid ons vir standvastigheid in ons lewe.

Amen.

•••••••

Webtuiste: https://tentvansamekoms.co.za

Sel: +27716283107

LUKAS 9:24-26 AFR53

Thu, 19 Jun 2025 04:28:01 GMT

24. Want elkeen wat sy lewe wil red, sal dit verloor; maar elkeen wat sy lewe om My ontwil verloor, hy sal dit red.

25. Wat baat dit 'n mens tog as hy die hele wêreld win, maar homself verloor of skade aandoen?

26. Want elkeen wat hom skaam vir My en my woorde, vir hom sal die Seun van die mens Hom skaam wanneer Hy kom in sy heerlikheid en dié van die Vader en van die heilige engele.

***

Kern gedeelte:

"Want elkeen wat hom skaam vir My en my woorde"

Ongeag waar, wanneer ons aansit om te eet, dan bid ons en dank ons GOD vir al die seëninge in ons lewe, en waar ek mag gaan vertel ek mense van ons GOD, ons VERLOSSER en die inwerking van die Sy HEILIGE GEES in ons lewe.

Die hartseer gedeelte is dat baie mense wat voorgee dat hulle GOD dien, wegskrum en nie aan die gesprek deelneem nie, hulle kan nie vinnig genoeg wegkom nie, of hulle eerste reaksie is, wie kyk of het iemand dalk gesien.

Jy kan voorgee solank as wat jy wil, maar die dag van rekenskap gaan niemand mis nie, dan sal hierdie woorde jou oordeel bepaal en daarom lees ek dit weer:

Want elkeen wat hom skaam vir My en my woorde, vir hom sal die Seun van die mens Hom skaam wanneer Hy kom in sy heerlikheid en dié van die Vader en van die heilige engele.

-------

GEBED.

VADER, voor U staan ons vanoggend en ons vra vir die krag, sterkte en geloof, sodat waar ons ookal mag gaan, ons U sal verheerlik en die Naam van ons Verlosser sal grootmaak in die teenwoordigheid van die "wêreld". Laat U Naam uitgebeeld word in ons handel en wandel, in ons vriendekring en familie. Laat selfs ons vyande weet, U Reddende Regterhand dra ons en ondersteun ons en daarom sal ons nie struikel nie.

In Naam van ons Meester YESHUA, bid ons vir die vrymoedigheid om ook aan ander die Evangelie van Redding te verkondig.

Amen.

•••••••

Webtuiste: https://tentvansamekoms.co.za

Sel: +27716283107

HANDELINGE 13:2-3 AFR53

Wed, 18 Jun 2025 04:29:36 GMT

2. En terwyl hulle besig was om die Here te dien en te vas, het die Heilige Gees gesê: Sonder nou Bárnabas en Saulus vir My af vir die werk waarvoor Ek hulle geroep het.

3. En toe hulle gevas en gebid het en hulle die hande opgelê het, laat hulle hul gaan.

***

Kern gedeelte:

"En toe hulle gevas en gebid het"

Vanoggend se boodskap is kort, maar tot die punt.

Ek oordeel niemand, maar as jy glo dat jy nie kan vas nie moenie begin nie, want jy het reeds opgegee nog voor jy begin het.

As jy van opinie is dat daar geen voordeel in vas en gebed is nie, hou vas waaraan jy glo, want dit is steeds jou opinie.

Maar weet dat JESUS self aan sy dissipels gesê het, Hierdie geslag kan deur niks anders uitgaan as deur gebed en vas nie.

Die wêreld sal jou anders probeer oortuig, maar deur gebed en vas sal jy nie net jou geestelike lewe verbeter nie, maar jou liggaam en gesondheid sal ook daarby baat..

-------

GEBED.

VADER, ons vra dat U Heilige Gees ons sal lei oor wanneer ons moet vas, en vir hoe lank. Leer ons asb om 'n GOD welgevalle lewe voor U te lei, en dat ons sal wegdraai van die wêreld en sy sondes, terug na U toe.

In die Naam van ons Meester YESHUA, bid ons volharding van ons geloof in U.

Amen.

•••••••

Webtuiste: https://tentvansamekoms.co.za

Sel: +27716283107

HANDELINGE 12:22-24 AFR53

Tue, 17 Jun 2025 04:26:11 GMT

22. Daarop het die volk hom toegeroep: 'n Stem van 'n god en nie van 'n mens nie!

23. En onmiddellik het 'n engel van die Here hom getref, omdat hy die eer nie aan God gegee het nie; en hy is deur wurms verteer en het gesterwe.

24. Maar die woord van God het gegroei en toegeneem.

***

Kern gedeelte:

"Maar die woord van GOD het gegroei en toegeneem"

Orals waar jy mag gaan op jou lewenspad sal jy mense teëkom, wat jy dwarsboom, jou sal probeer ondermyn.

Toe ek jonger was het dit my gepla en wou ek vuur met vuur bestry, maar namate die jare aangestap het, het ek besef dat al wat ek moet doen is om in geregtigheid te bly staan, op GOD en sy werk te fokus en stil te wees, en die geveg in GOD se hande te los.

Daarom sê GOD se Woord, wees stil, Ek sal vir julle stry.

Hier het die magtige Herodes, die een oomblik nog vol van homself, nie die eer aan GOD gegee nie, en die volgende oomblik het GOD hom uit die prentjie verwyder, maar die Woord van GOD het gegroei en toegeneem.

Daarom, gee aan GOD die eer, wy jou lewe toe aan GOD, en bly staan in Sy onpartydige opregtheid, en sien hoe GOD jou verhoog, hoe jy beklee word met outoriteit.

-------

GEBED.

VADER, dankie dat U vanoggend bevestig, die geveg, is nie ons geveg nie, maar ons het net nodig om op U, ons verhouding met U, en U werk te fokus. Dankie dat U ons tafel dek voor ons aangesig, in die teenwoordigheid van ons teëstanders, sodat hulle U seën in ons lewe kan sien, maar niks daaraan sal kan doen nie.

In die Naam van ons Meester YESHUA, bid ons dat U Goedheid en U Guns ons sal volg al die dae van ons lewe.

Amen.

•••••••

Webtuiste: https://tentvansamekoms.co.za

Sel: +27716283107

MATTHÉÜS 12:33-37 AFR53

Mon, 16 Jun 2025 05:05:27 GMT

33. JULLE moet òf die boom goed maak en sy vrugte goed, òf julle moet die boom sleg maak en sy vrugte sleg; want aan die vrugte word die boom geken.

34. Addergeslag, hoe kan julle goeie dinge praat terwyl julle sleg is? Want uit die oorvloed van die hart praat die mond.

35. Die goeie mens bring uit die goeie skat van sy hart goeie dinge te voorskyn, en die slegte mens bring uit die slegte skat slegte dinge te voorskyn.

36. Maar Ek sê vir julle dat van elke ydele woord wat die mense praat, daarvan moet hulle rekenskap gee in die oordeelsdag.

37. Want uit jou woorde sal jy geregverdig word, en uit jou woorde sal jy veroordeel word.

***

Kern gedeelte:

"en uit jou woorde sal jy veroordeel word"

Ek het die teksvers gedeelte probeer korter maak, maar elke teksvers ondersteun die volgende teksvers.

Ons lewe werklik in 'n tyd waar ons ook kan sê, Addergeslag, want bitter min mense met wie ons paaie kruis is werklik opreg met ons.

Voor ons is hulle skynheilig, lewe hulle 'n lewe van voorgee met die hoop om iets by jou te baat.

Maar as jy die kraantjie toedraai, en hulle het nie meer nut vir jou nie, dan begin die stories, aantuigings, verdraaide waarheid.

Dan leer jy die ydele woorde, wat uit die hart van die mens kom, baie goed ken.

Pasop vir die mens teenoor wie jy oopmaak, vir wie jy jou planne vertel en jy jou lewens tekortkomimge mee deel, want dit is feitlik gewaarborg dat daardie persoon môre sal omdraai en alles teen jou sal gebruik tot hulle voordeel.

-------

GEBED.

VADER, ons besef nie altyd dat die makste honde byt die seerste nie, en daarom praat ons dikwels ons harte uit met die mense wat juis die geleentheid soek om ons in die rug te steek. Plaas asb 'n wag voor ons mond, en gee aan ons 'n gees van onderskeiding sodat ons nie in die strikke van die lewe sal trap nie. Beskerm ons asb teen onself.

In die Naam van ons Meester YESHUA, bid ons dat die waarheid in elke situasie na vore sal kom.

Amen.

•••••••

Webtuiste: https://tentvansamekoms.co.za

Sel: +27716283107

EXODUS 15:2-4 AFR53

Fri, 13 Jun 2025 04:30:03 GMT

2. Die Here is my krag en my psalm, en Hy het my tot heil geword. Hy is my God, Hom sal ek roem; die God van my vader, Hom sal ek verhef.

3. Die Here is 'n krygsman; Here is sy naam.

4. Hy het Farao se strydwaens en sy leërmag in die see gewerp. En sy beste vegsmanne het in die Skelfsee gesink.

***

Kern gedeelte:

"Die HERE is my krag en my psalm"

Vanoggend wil ek die lof, prys en eer aan die HERE gee, en ek wil vir jou sê, as GOD al is wat jy oorhet, het jy alles wat jy nodig het.

Waar Moses voor daardie see gaan staan het, het hy tot GOD uitgeroep, want hy het nie meer geweet watter kant toe nie.

En GOD antwoord hom:

Wat roep jy na My?

Sê aan die kinders van Israel dat hulle moet wegtrek.

En jy, hef jou staf op en steek jou hand uit oor die see en kloof dit, sodat die kinders van Israel dwarsdeur die see op droë grond kan trek.

Vanoggend wil ek vir jou sê, lig jou staf op in gebed en steek jou hand uit oor jou probleme, jou doodloop straat, en sien hoe GOD vir jou 'n pad oopmaak waar daar nie 'n pad is nie en die onmoontlike, moontlik maak.

Ek sê weer, as GOD al is wat jy oorhet, het jy alles wat jy nodig het!

-------

GEBED.

VADER, U gee oorwinning soos geen mens dit kan doen nie, en U is 'n GOD wat die onmoontlike, moontlik maak! Ons eer en dank U vir die oorwinning, en vir die pad wat U reeds vir ons voorberei het, al kan ons dit nog nie sien nie. Alle eer en lof aan U, ons GOD!

In die Naam van ons Meester YESHUA, dank ons U vir U Leiding, U Insig wat U deur U Heilige Gees in ons lewe inspreek.

Amen.

•••••••

Webtuiste: https://tentvansamekoms.co.za

Sel: +27716283107

II TIMÓTHEÜS 1:6-7 AFR53

Thu, 12 Jun 2025 04:27:40 GMT

6. Om hierdie rede herinner ek jou daaraan om die genadegawe van God aan te wakker wat in jou is deur die oplegging van my hande.

7. Want God het ons nie 'n gees van vreesagtigheid gegee nie, maar van krag en liefde en selfbeheersing.

***

Kern gedeelte:

"Want God het ons nie 'n gees van vreesagtigheid gegee nie"

Waarom is daar vanoggend vrees in jou gemoed?

Het GOD jou nie tot hier toe nog gedra, en jou deur elke situasie gehelp nie?

Die engelse woord vir vrees is "fear" en dit staan vir die volgende

* F - False

* E - Evidence

* A - Appearing

* R - Real

En dit is wat die "verderwer" in jou gedagte plaas!

Jy is nie goed genoeg nie, jy gaan nie bo uitkom nie, jou besigheid gaan dit nie maak nie, jy gaan nie deur hierdie siekte kom nie, is maar enkele van die leuens wat daagliks jou voorgehou word.

Jy moet kies of jy dit gaan glo, en of jy gaan opstaan en verklaar:

GOD het my deur al die lewens storms tot hier toe gedra en Hy sal die pad voluit met my stap.

GOD sal my nie begeef of verlaat nie!

-------

GEBED.

VADER, dankie dat uit hierdie storm, ons deurbraak tot voorskyn sal kom. Dankie dat U, in U Woord bevestig dat U planne van 'n hoopvolle toekoms vir ons het, planne van lewe en lewe in oorvloed. Gee aan ons asb die krag om in geloof te bly staan.

In die Naam van ons Meester YESHUA bid ons vir U vrede wat alle verstand te bowe gaan.

Amen.

•••••••

Webtuiste: https://tentvansamekoms.co.za

Sel: +27716283107

II TIMÓTHEÜS 2:14-16 AFR53

Wed, 11 Jun 2025 04:32:04 GMT

14. HERINNER aan hierdie dinge en betuig voor die Here dat hulle geen woordestryd moet voer wat tot geen nut is nie, maar net tot ondergang van die hoorders.

15. Lê jou daarop toe om jou beproef voor God te stel as 'n werker wat hom nie hoef te skaam nie, wat die woord van die waarheid reg sny.

16. Maar die onheilige, onsinnige praatjies moet jy vermy; want hulle sal al verder voortgaan in goddeloosheid,

***

Kern gedeelte:

"wat die woord van die waarheid reg sny"

Ongelukkig is daar net een waarheid, en daardie waarheid is in die Woord van GOD saamgevat.

JESUS CHRISTUS maak dit duidelik wanneer Hy sê, Ek is die Lig, die Weg en die Waarheid.

Hierdie is die harde realiteit, soos gekrywe is in Openbaring 14:12:

Hier kom die lydsaamheid van die heiliges te pas; hier is hulle wat die gebooie van GOD en die geloof in JESUS bewaar.

Ons kan die twee nooit van mekaar skei nie, en ons kan nie met die Naam van ons Verlosser op ons lippe loop en met die wêreld in ons hart nie.

Deur die Woord van GOD nie net te lees nie, maar te begin uitleef, sal die Heilige Gees die sluier ons oë meer en meer lig sodat ons ook die waarheid kan sien, sodat ons daarin kan staan.

-------

GEBED.

VADER, leer ons asb hoe ons in U Waarheid moet staan en U Woord sonder voorgee te spreek sodat meer siele tot ware bekering sal kom. Die "verdewer" lei die wêreld en sy mense aan die neus rond en hulle kan die Waarheid van U Woord nie verstaan nie. Laat U Lig asb deur ons skyn, sodat die Waarheid van U Woord sal deurbreek soos die daggeraad.

In die Naam van ons Meester YESHUA, bid ons dat U Heilige Gees ons voetstappe sal rig op ons lewenspad.

Amen.

•••••••

Webtuiste: https://tentvansamekoms.co.za

Sel: +27716283107

DEUTERONÓMIUM 6:5-7 AFR53

Tue, 10 Jun 2025 04:28:31 GMT

5. Daarom moet jy die Here jou God liefhê met jou hele hart en met jou hele siel en met al jou krag.

6. En hierdie woorde wat ek jou vandag beveel, moet in jou hart wees;

7. en jy moet dit jou kinders inskerp en daaroor spreek as jy in jou huis sit en as jy op pad is en as jy gaan lê en as jy opstaan.

***

Kern gedeelte:

"en jy moet dit jou kinders inskerp"

Enige persoon met 'n gesonde verstand en klein bietjie lewens ervaring sal weet dat ons kinders doen nie wat ons sê nie, maar hulle doen wat ons doen.

Deur ons leiding as ouers word ons kinders gevorm en deur ons voorbeeld giet ons die raamwerk van wie en wat hulle gaan wees.

As ek na 'n kind kyk wat geen maniere en self respek het nie, hoef ek nie veel verder as die ouers te gaan soek nie.

Dalk is dit vanoggend tyd om die harde realiteit in die oë te kyk en te vra, wat sien my kind in my lewe?

Sien hy die teenwoordigheid van GOD se Heilige Gees in my lewe waar ek GOD dien en respekvol vrees, of sien hy die wêreld se maniere van drank, hoerery, leuens, diefstal en geen respek vir ons medemens nie.

As die skoen pas, laat ons hom dan aantrek?

-------

GEBED.

VADER, ons foute affekteer nie net ons lewens nie, maar ook die van ons kinders. Ons faal hulle omdat ons hulle nie in U Woord, U Wil en U Weg opbring nie. Leer ons asb om nie ons kinders in struikeling te bring deur ons goddelose optrede nie, maar laat ons vir hulle 'n voorbeeld wees van ouers wat hulle anker en standvastigheid in ons GOD gevind het.

In die Naam van ons Meester YESHUA, bid ons dat U ons sal lei sodat ons, ons kinders sal lei in U spore van geregtigheid.

Amen.

•••••••

Webtuiste: https://tentvansamekoms.co.za

Sel: +27716283107

LUKAS 18:13-14 AFR53

Mon, 09 Jun 2025 04:30:13 GMT

13. En die tollenaar het ver weg gestaan en wou selfs nie sy oë na die hemel ophef nie, maar het op sy bors geslaan en gesê: o God, wees my, sondaar, genadig!

14. Ek sê vir julle, hierdie laaste een het geregverdig na sy huis gegaan eerder as die eerste een; want elkeen wat homself verhoog, sal verneder word, en hy wat homself verneder, sal verhoog word.

***

Kern gedeelte:

"want elkeen wat homself verhoog, sal verneder word"

Soms maak ek net verskoning en stap uit die gesprek, die geselskap en uit die vertrek uit, want daar is nie genoeg plek vir my, die persoon met wie ek gesels, en sy ego van die "eie ek" nie.

Wanneer ons nog so vol van onself is, is daar nie plek vir GOD in ons lewens nie, en hoe sal die Heilige Gees in ons lewe inspreek, wanneer ons eiewysheid deur ons eie stem aangevuur word.

Moenie te hoog probeer vlieg nie, en moenie jouself verhoog nie want GOD haat trotse oë.

Hoogmoed kom voor die val, want eers dan word ons stem stil, gaan ons ore oop, sodat ons na GOD se stem kan luister.

Eers dan leer ons ook om te sê:

o GOD, wees my, sondaar, genadig!

-------

GEBED.

VADER, in 'n oogwink kruip trots en die "eie ek" weer terug in ons lewe in. Ons wil so graag deur mense gesien en geprys word en kortliks staan ons weer op die verhoog van valse toneelspel, waar ons die wêreld se goedkeuring wil wegdra. Gee asb aan ons die krag om vandag van hierdie pad weg te draai sodat ons sal besef, dat alles wat ons is, is slegs deur U genade. Sodat ons ook sal bid, o GOD, wees my sondaar genadig!

In die Naam van ons Meester YESHUA, bid ons vir nederigheid, nederigheid en nederigheid voor U.

Amen.

•••••••

Webtuiste: https://tentvansamekoms.co.za

Sel: +27716283107

ESÉGIËL 43:10-11 AFR53

Fri, 06 Jun 2025 04:23:44 GMT

10. Jy, o mensekind, vertel die huis van Israel van die huis, sodat hulle beskaamd kan staan vanweë hul ongeregtighede, en laat hulle die voorbeeld nameet.

11. En as hulle beskaamd staan oor alles wat hulle gedoen het, maak hulle dan bekend die vorm van die huis en sy inrigting en sy uitgange en sy ingange en al sy vorme en al sy verordeninge, ja, al sy vorme en al sy wette; en skrywe dit voor hulle oë op, sodat hulle sy hele vorm kan bewaar en al sy verordeninge en dié kan uitvoer.

***

Kern gedeelte:

"as hulle beskaamd staan oor alles wat hulle gedoen het"

Hierdie is so van toepassing in almal van ons se lewe.

Dit is eers wanneer ons beskaamd staan oor ons verlede, dit wat ons gedoen het voor GOD belei, en vir vergifnis vra in die Naam van JESUS CHRISTUS, wat die sluier voor ons oë gelig sal word, en ons sal die waarheid begin sien vir wat dit werklik is.

Eers dan sal GOD se bloudruk plan vir ons lewe stelselmatig aan ons openbaar word.

Maar as ons nog glo dat die ongeregtigheid waarmee ons besig is, reg is, dan is ons nog verblind deur die "verderwer" en lewe ons nog in die verlusting van hierdie wêreld.

-------

GEBED.

VADER, daar is niemand so blind soos 'n persoon wat nie wil sien nie en daarom bid ons dat U die sluier oor ons oë sal lig. Laat ons sien en beskaamd staan oor die ongeregtigheid, die sonde wat ons mee besig is, en laat ons nie oop oë hêl toe gaan nie. Dankie dat ons slegs deur U genade tot hiertoe nog in die lewe gehou is, sodat ons nog die geleentheid het om ons Verlosser te vind.

In die Naam van ons Meester YESHUA, bid ons dat elkeen wat hierdie boodskap lees of luister, se geestelike oë geopen sal word vir hulle eie foute.

•••••••

Webtuiste: https://tentvansamekoms.co.za

Sel: +27716283107

HÁBAKUK 3:17-19 AFR53

Thu, 05 Jun 2025 04:25:14 GMT

18. nogtans sal ek jubel in die Here, ek sal juig in die God van my heil.

19. Die Here Here is my sterkte, en Hy maak my voete soos dié van herte, en Hy laat my tree op my hoogtes.

***

Kern gedeelte:

"nogtans sal ek jubel in die Here"

Vanoggend is een van daardie oggende waar alles net skeefloop, en sedert ek uit die bed geklim het gaan dit reeds so.

Die waarheid is dat dit gaan al die hele week so, maar selfs dit bekommer my nie.

As die storms kom, hou aan stap in geloof, stap teen die storm in, glo dat GOD jou gaan krag gee, jou gaan deurdra en sodoende gaan hierdie storm ook binnekort iets van die verlede gaan wees.

Niks hou vir ewig aan nie, nie eers ons woestyn tye nie.

Ook dit sal verbygaan, maar ons verhouding met GOD sal bly staan.

Daarom kan ons sê: Nogtans sal ek jubel in die Here, ek sal juig in die God van my heil.

-------

GEBED.

VADER, ons weet dat die "verderwer" ons sal aanval met 'n rede, en daardie rede is die Evangelie van U Seun, ons Verlosser. As ons gekies het om weg te stap van die weë van die wêreld af, aan U gehoorsaam word, sal die aanslae kom, maar U reddende regterhand het ons tot nou toe nog deur alles gedra, selfs deur ons swak besluite. Dankie dat ook in hierdie storm, U ons die krag gee om alles te oorkom.

In die Naam van ons Meester YESHUA, verklaar ons oorwinning oor hierdie dag.

Amen.

•••••••

Webtuiste: https://tentvansamekoms.co.za

Sel: +27716283107

PSALMS 101:3-7 AFR53

Wed, 04 Jun 2025 04:22:09 GMT

3. Ek stel geen lae ding voor my oë nie; die dade van afvalliges haat ek; dié sal my nie aankleef nie.

4. 'n Verkeerde hart moet ver van my af bly; wat kwaad is, wil ek nie ken nie.

5. Hy wat heimlik van sy naaste kwaad spreek, hom sal ek vernietig; hy wat hoog van oë is en trots van hart, hom verdra ek nie.

6. My oë sal wees op die getroues in die land, dat hulle by my kan woon; hy wat wandel in die weg van opregtheid, dié mag my dien.

7. Hy wat bedrog pleeg, mag binne-in my huis nie bly nie; wie leuens praat, kan voor my oë nie bestaan nie.

***

Kern gedeelte:

"n Verkeerde hart moet ver van my af bly"

Ek dink nie ek is beter as ander nie, en ek sal met enige persoon gesels, tyd spandeer en 'n pad saam met hulle probeer stap.

Wanneer ek egter bewus word dat 'n persoon nie met 'n opregte hart wandel nie, dan sê ek dit vir die persoon, en ons paaie skei.

Laat mense eerder nie van jou hou nie, as wat dieselfde mense, wat nou van jou sleg praat en van jou skinder, jou in die grond in sou vertrap het.

Twee gesêgdes staan altyd vir my uit, en ons moet dalk na die geselskap kyk waarin ons daagliks verkeer.

* Meng jou met die Semels en die varke vreet jou op.

* Wys my jou vriende en ek wys jou, jou toekoms.

Besluit maar selfs, ek is nie hier om te oordeel nie.

-------

GEBED.

VADER, U Woord leer ons, Welgeluksalig is die man wat nie wandel in die raad van die goddelose en nie staan op die weg van die sondaars en nie sit in die kring van die spotters nie. Laat U Heilige Gees asb aan ons openbaar wie nie in ons lewe hoort nie, en watter mense ons eerder moet laat gaan.

In die Naam van ons Meester YESHUA, bid ons vir geestelik geopende oë.

Amen

•••••••

Webtuiste: https://tentvansamekoms.co.za

Sel: +27716283107

ESÉGIËL 37:11, 14 AFR53

Tue, 03 Jun 2025 06:34:13 GMT

11. Toe sê Hy vir my: Mensekind, hierdie bene is die hele huis van Israel. Kyk, hulle sê: Ons bene is verdor, en ons verwagting is verlore; dit is klaar met ons!

14. En Ek sal my Gees in julle gee, dat julle lewendig kan word; en Ek sal julle vestig in jul land; en julle sal weet dat Ek, die Here, dit gespreek en gedoen het, spreek die Here.

***

Kern gedeelte:

"Ek sal julle vestig in jul land"

Ek slaan my oë op na die berge, waar sal my hulp vandaan kom?

Vandag se boodskap is vir elkeen wat wil vlug uit ons land Suid-Afrika, na die groener weivelde wat die wêreld vir julle voorhou.

Maar weet, jy sal terugkom na jou land, want GOD sal jou hier vestig.

Miskien sê jy ook vandag, Ons bene is verdor, en ons verwagting is verlore; dit is klaar met ons!

Nee, dit is eers klaar met ons wanneer GOD so gesê het en vanoggend is hierdie 'n boodskap van hoop en verwagtig, 'n bevestiging dat ons land nie net sal herstel nie, maar een van die beste lande in die wêreld sal word.

Hoekom?

Want GOD het so gesé, Hy spreek, en dit sal so wees!

Daarom hoef ons nie te wonder waar ons hulp vandaan sal kom want nie, want ons weet, ons Hulp is van die HERE.

-------

GEBED.

VADER, daagliks raak toestande en omstandighede net slegter in ons land, en almal begin oorboord spring en gryp na reddings bootjies wat die wêreld bied. Maar die wat in geduld en geloof op die verandering wag wat U besig is om teweeg te bring, sal die vrugte pluk. Ons vra vir die besef, deur die inwerking van U Heilige Gees, dat Suid-Afrika ons land van geboorte is, dat dit my reg is om hier te bly, en hier gaan ek nie verdring word nie.

In die Naam van ons Meester YESHUA, bid ons vir 'n gees van standvastigheid in ons, wat kan opstaan vir ons reg.

Amen.

••••••••

Webtuiste: https://tentvansamekoms.co.za

Sel: +27716283107

I KRONIEKE 29:1 AFR53

Mon, 02 Jun 2025 04:29:08 GMT

VERDER het koning Dawid aan die hele vergadering gesê: My seun Salomo, die een wat God verkies het, is jonk en teer, en die werk is groot, want nie vir 'n mens is die paleis nie, maar vir die Here God.

***

Kern gedeelte:

"is jonk en teer, en die werk is groot"

Ons as ouers faal ons kinders omdat ons hulle nooit toelaat om te faal op hulle eie nie.

Dawid het vir sy seun Salomo alles gereël om die tempel van GOD te bou, en hy het gedoen wat hy kon deur regerings amptenare te oortuig om Salomo te ondersteun.

Deel van Salomo se suskses was aan sy pa toe te skryf, maar die taak van die bou van die tempel en sy verhouding met GOD moes hy self hanteer.

So ook met ons kinders, as hulle sukkel, wil ons dinge uit hulle hande neem, en as hulle foute maak, wil ons intree om die nagevolg sagter te maak.

As jy vandag alles vir jou kind wil doen, hoe gaan hy môre as jy jou kop neergelê het, die wêreld in die oë kyk, sake op sy eie besluite hanteer en steeds standvastigheid in sy verhouding met GOD hê.

Dit is nie jou lewe nie, dit is jou kind se lewe, rig hulle op hulle pad, leer hulle tussen reg en verkeerd, maar laat hulle die besluite maak en die nagevolg daarvan dra!

-------

GEBED.

VADER, leer ons asb hoe om ons kinders te leer hoe om hulle lewe te leef, laat ons nie alles oorvat en probeer om hulle lewe vir hulle te lewe nie. Leer asb ons kinders dat hulle besluite, afekteer hulle toekoms, en hulle dek hulle eie tafel van nagevolg. Laat ons as ouers nie ons en ons kinders se toekoms affekteer deur gedurig in te meng, besluite vir hulle te maak, en die nagevolge van hulle swak besluite op ons te neem nie.

In die Naam van ons Meester YESHUA, bid ons vir insig om ons kinders te rig op hulle lewenspad, sodat hulle GOD vresend voor U kan staan.

Amen.

•••••••

Webtuiste: https://tentvansamekoms.co.za

LUKAS 17:5-6 AFR53

Fri, 30 May 2025 04:25:50 GMT

Toe het die apostels aan die Here gesê: Gee ons meer geloof.

En die Here sê: As julle geloof gehad het soos 'n mosterdsaad, sou julle vir hierdie moerbeiboom sê: Word ontwortel en in die see geplant — en hy sou julle gehoorsaam wees.

***

Kern gedeelte:

"As julle geloof gehad"

Vanoggend se boodskap is laat, want ek was nie seker nie, maar ek het bevestiging ontvang.

Vanoggend se boodskap is, daar is geen boodskap nie.

Daardie saak, daardie probleem wat voor jou lê soos 'n berg, wat jy geen uitkoms voor sien nie, vat jy dit self na GOD toe in geloof, en begin lewe in die wete dat GOD dit gaan oplos, en jy sal sien hoe maak GOD, die onmoontlike, moontlik!

-------

GEBED.

VADER, dankie dat U vanoggend bevestig, dat U die onmoontlike vir ons moontlik gaan maak, as ons hierdie saak in geloof en wete na U toe bring.

In die Naam van ons Meester YESHUA, dank ons U dat vandag die begin is van 'n nuwe seisoen is in ons lewe.

Amen.

•••••••

Webtuiste: https://tentvansamekoms.co.za

Sel: +27716283107

II SAMUEL 22:29-31 AFR53

Thu, 29 May 2025 04:27:19 GMT

Want U is my lamp, o Here! En die Here laat my duisternis opklaar.

Want met U loop ek 'n bende storm, met my God spring ek oor 'n muur.

Die weg van God is volmaak; die woord van die Here is gelouter; Hy is 'n skild vir almal wat by Hom skuil.

***

Kern gedeelte:

"met my GOD"

Stop gou 'n oomblik en kyk na jou dag!

Hoe gaan jy vanoggend jou probleme en jou uitdagings hanteer en saam met wie trek jy aan die wa?

As jy nie jou dag saam met GOD beplan het nie en gevra het dat GOD deur Sy Heilige aan jou krag verleen nie, gaan jy nie deur hierdie dag kom nie.

Maak seker jou dag begin Gees gevul, want dan verander jou probleme in uitdagings wat oorkombaar is, want die vuur in jou, verteer enige probleme voor jou.

Selfs waar mense klippe na jou gooi, sien jy geleenthede, want jy gebruik die klippe om die platform waarop GOD jou geplaas het nog hoër te bou.

Staan op, staan sterk, want as GOD vir jou is, wie gaan teen jou wees?

-------

GEBED.

VADER, soms lyk die berg voor ons so groot, omdat ons nog nie in geloof vlerke gegroei het om bo die probleme en uitdagings uit te styg nie. Ons is nog op die grond vlak van hierdie wêreld en daarom lyk die probleme oorweldigend groot. Dankie dat U vanoggend bevestig dat U ons nooit sal faal en nooit sal verlaat nie, want deur gebed sal ons krag kry om alles te oorkom.

In die Naam van ons Meester YESHUA, bid ons vir die Vuur van U Heilige Gees in ons.

Amen.

•••••••

Webtuiste: https://tentvansamekoms.co.za

Sel: +27716283107

I KRONIEKE 28:9 AFR53 9

Wed, 28 May 2025 06:16:32 GMT

9. En jy, my seun Salomo, ken die God van jou vader en dien Hom met 'n volkome hart en met 'n gewillige siel, want die Here deursoek al die harte, en Hy verstaan elke versinsel van die gedagtes. As jy Hom soek, sal Hy Hom deur jou laat vind; maar as jy Hom verlaat, sal Hy jou vir altyd verstoot.

*******

Kern gedeelte:

"dien Hom met 'n volkome hart"

As ons die geskiedenis van Dawid en van sy seun Salomo ken, sal ons eers begin verstaan wat die term "'n volkome hart" beteken.

Dawid was defnitief nie perfek nie, en nadat hy by Betseba ingegaan het, het hy selfs verder gegaan en Uria, haar man laat sterf in die voorgrond van die geveg.

Nietemin, hy het sy sonde bely, en by GOD om vergifnis gepleit, maar sy hart, sy weë was deurentyd in GOD gevestig.

Salomo wat GOD gegewe wysheid besit het se hart was nie volkome op GOD gevestig nie, en daarom het hy in sy laaste jare agter ander gode aangeloop.

Ons almal is mense en ons almal maak foute, maar die slotsom is of ons GOD dien met ons hele hart, siel en verstand!

Dan dien jy GOD met 'n volkome hart!

Of gaan jy bereid wees om 'n kompromie aan te gaan met die wêreld wat jou uiteindelik gaan weg lei van GOD af?

-------

GEBED.

VADER, ons almal loop met die Woord van GOD op ons lippe, maar ek twyfel of almal U met 'n volkome hart dien. Daagliks vra ek U Heilige Gees om aan my te openbaar, waar sonde besig is om in my lewe in te kruip, waar ek van U wegdwaal deur wêreldse begeertes. Gee asb dat ek U nie sal verlaat nie, maar dat ek U in nederigheid met 'n volkome hart sal dien.

In die Naam van ons Meester YESHUA, bid ek dat U alle bande sal breek wat ons nog aan die dinge van die wêreld vashou.

Amen.

•••••••

Webtuiste: https://tentvansamekoms.co.za

Sel: +27716283107

HANDELINGE 10:2-4 AFR53 2

Tue, 27 May 2025 04:27:47 GMT

2. Hy met sy hele huis was vroom en godvresend en het baie aalmoese aan die volk gegee en was altyddeur in die gebed tot God.

3. Hy het duidelik in 'n gesig omtrent die negende uur van die dag 'n engel van God na hom sien inkom en vir hom sê: Cornelius!

4. En hy het die oë op hom gehou en vol vrees gesê: Wat is dit, my heer? Toe antwoord hy hom: Jou gebede en jou aalmoese het voor God in gedagtenis gekom.

*******

Kern gedeelte:

"Jou gebede en jou aalmoese het voor God in gedagtenis gekom"

Dikwels hoor ek mense sê dat hulle gebede nie verhoor word nie, en dat hulle woestyn tyd nie verbygaan nie.

Ek is 'n mens en kan geen vinger na ander wys nie, want ek self het my eie foute, probleme en sondes.

Dit verander nie die saak nie, en daarom stuur ek die boodskap uit.

As jy met 'n toe hand deur die lewe gaan, as GOD se seëninge nie deur jou, na ander kan vloei nie, hoe kan GOD jou dan seën?

As jy net vir jouself leef, en nie onpartydig opreg teenoor ander staan nie, hoe kan GOD jou seën?

As jy nie jou lewensdoel, jou lewenspad voor GOD se voete vind nie, en wandel in geestelike afgestorwenheid, hoe moet GOD jou seën?

Wanneer ons weer bid, onthou dat ons dade van onpartydige opregtheid by die geloof moet voeg.

Daarom se die Woord:

Hy met sy hele huis was vroom en godvresend en het baie aalmoese aan die volk gegee en was altyddeur in die gebed tot God.

-------

GEBED.

VADER, hoe maklik fokus ons nie net op onself nie, dink ons in ons gebede net aan ons eie behoeftes. In die wêreld sien ons ander swaarkry, maar ons hou U seëninge in ons lewe styf teen ons bors vas. Leer ons asb vandag om Gees gelei, U seëninge ook na ander te laat deurvloei, want in hierdie wêreld is leuens, luiheid en hebsug aan die orde van die dag.

In die Naam van ons Meester YESHUA, bid ons vir 'n gees van onderskeiding wat die waarheid in elke situasie kan sien.

Amen.

•••••••

Webtuiste: https://tentvansamekoms.co.za

Sel: +27716283107

HANDELINGE 9:4-5, 8 AFR53

Mon, 26 May 2025 04:27:57 GMT

4. en hy val op die grond en hoor 'n stem vir hom sê: Saul, Saul, waarom vervolg jy My?

5. En hy sê: Wie is U, Here? En die Here antwoord: Ek is Jesus wat jy vervolg. Dit is hard vir jou om teen die prikkels te skop.

8. Toe staan Saulus van die grond af op, en alhoewel sy oë oop was, het hy niemand gesien nie; en hulle het hom aan die hand gelei en in Damaskus ingebring.

***

Kern gedeelte:

"Dit is hard vir jou om teen die prikkels te skop"

Op die weg na Damaskus het Saulus, nog vol van homself, sy eie planne gehad hoe hy die Evangelie gaan uitroei, hoe hy homself voor die leier priesters, voor die wêreld gaan bewys.

Soveel mense doen dit vandag nog, wanneer hulle GOD nog ontken en nog nie hulle Verlosser ontmoet het nie, omdat hulle die inwerking van die Heilige Gees teëstaan.

Maar die tyd kom, waar jy in een oomblik nog trots voor die wêreld staan, nog teen die prikkels skop, en die volgende oomblik stort alles vir jou ineen en lê jy ook dalk blind op die grond.

Eers dan leer ons, soos Saulus om tot GOD in nederigheid te nader, ons Verlosser te leer ken, en die mense wat jy op neergekyk het, sal jou tot hulp gestuur word.

Gaan voort, ontken JESUS CHRISTUS as jou Verlosser en Saligmaker, maar onthou, die wiel van die lewe draai, miskien stadig, maar hy draai.

Die een of ander tyd, is jou jy ook onder en eers dan sal hierdie boodskap vir jou sin maak.

-------

GEBED.

VADER, hoe arrogant en ontkenend het ons ook nie voor die wêreld gestaan, voordat ons U as GOD erken het, en U Seun as ons persoonlike Verlosser en Saligmaker aanvaar het nie. Ons bid vir nederigheid van hart sodat ons nooit weer in trots, in die "eie ek" in die wêreld sal staan nie. Ons bid vir elkeen wat nog hierdie pad moet stap, wees asb met hulle sodat nie een verlore sal gaan nie.

In die Naam van ons Meester YESHUA, bid ons dat U harte sal aanraak sodat hulle die Lig, die Weg en die waarheid sal sien.

Amen.

•••••••

Webtuiste: https://tentvansamekoms.co.za

Sel: +27716283107

II PETRUS 3:8-9 AFR53

Fri, 23 May 2025 04:32:07 GMT

8. Maar laat hierdie een ding julle nie ontgaan nie, geliefdes, dat een dag by die Here soos duisend jaar is en duisend jaar soos een dag.

9. Die Here vertraag nie die belofte soos sommige dit vertraging ag nie, maar Hy is lankmoedig oor ons en wil nie hê dat sommige moet vergaan nie, maar dat almal tot bekering moet kom.

***

Kern gedeelte:

"Die Here vertraag nie die belofte"

Net soos die belofte van die Wederkoms van JESUS CHRISTUS nie vertraag word nie, word sekere dinge in ons lewe ook nie vertraag nie.

Alles onder die son het sy bepaalde tyd, en as ons voor die tyd swak besluite maak, is GOD nie verantwoordelik vir die nagevolg nie.

Dit was ons keuse!

Moenie dat jou ongeduld jou tot struikeling bring nie.

Ek het bitter min, in GOD, geduldige mense teëgekom wat kon wag op GOD se belofte, en wat binne GOD se Wil kon bly beweeg.

Hulle het die vrugte daarvan gepluk, want GOD is nooit laat nie.

Jy is geplaas waar jy is vir 'n tyd, en jy moet doen wat jy moet doen vir 'n tyd, en laat die res aan ons Skepper oor, Hy is nooit laat nie, en as daar 'n vertraging is, is dit vir 'n rede.

-------

GEBED.

VADER, dankie vir die vertraging wat ons tans ervaar, want as ons mooi daaroor dink, is dit nie tot ons straf nie, maar juis om ons te beskerm. As sekere sake vroeër afgehandel was sou dit tot ons nadeel wees, en daarom hou U sekere mense vir eers uit ons lewe en vertraag U finansies of genesing vir 'n rede. Dankie dat ons besef, dat ons eers dit wat U tans aan ons toevertrou het onder die knieg moet kry, voordat U meer aan ons kan toe aan ons kan toevertrou.

In die Naam van ons Meester YESHUA, dank ons U vir elke uitdaging in ons lewe, want dit bou ons karakter en vertroue in U.

Amen.

•••••••

Webtuiste: https://tentvansamekoms.co.za

Sel: +27716283107

SPREUKE 22:1-4 AFR53

Thu, 22 May 2025 04:44:18 GMT

1. 'n NAAM is verkiesliker as groot rykdom, guns beter as silwer en as goud.

2. Rykes en armes ontmoet mekaar, die Here het hulle almal gemaak.

3. 'n Skrander mens sien die onheil en verberg hom, maar die eenvoudiges gaan verder en word gestraf.

4. Die loon van nederigheid is die vrees van die Here, is rykdom en eer en die lewe.

***

Kern gedeelte:

"Die loon van nederigheid"

Hierdie is 'n moeilike boodskap om te verstaan as jy nog nie die pad saam met GOD gestap het nie, as jy nog nie deur die meule van die lewe was nie!

Eers wanneer jy in totale oorgawe staan, wanneer jy 'n tree terugneem en GOD toelaat om in jou lewe te beweeg, sake vir jou te verander, sien en verstaan ons die groter prentjie.

Waar begin die proses?

Die Woord van GOD verduidelik vir ons.

Verneder jou voor die HERE, en op die regte tyd sal Hy jou verhoog.

Wanneer ons nederig in gebed tot GOD nader, op HOM wag voor ons beweeg, sal die konflik van die wêreld ons nie meer aangaan nie en leer ons om alles in nederigheid te hanteer, en daardeur sal rykdom en eer en die lewe na ons toe kom en GOD se Goedheid en Guns sal jou volg al die dae van jou lewe.

-------

GEBED.

VADER, opnuut besef ek vanoggend hoe maklik ons van die pad afwyk, want arrogansie, die "eie ek" kruip soos 'n kanker terug in ons lewe in, en voor ons besef, staan ons trots in die wêreld en volg ons eie kop, en maak weer dieselfde foute wat ons baie duur te staan gaan kom. Laat U Heilige Gees ons asb herhinner daaraan om in elke situasie nederig voor U te staan.

In die Naam van ons Meester YESHUA, bid ons dat U ons sal beskerm teen onself, sodat ons nie weer sal verval in die weë van die wêreld nie.

Amen.

•••••••

Webtuiste: https://tentvansamekoms.co.za

Sel: +2772510404

DEUTERONÓMIUM 3:25-26 AFR53

Wed, 21 May 2025 04:31:04 GMT

25. Laat my tog oortrek en die mooi land sien wat oorkant die Jordaan lê, daardie goeie bergland en die Líbanon!

26. Maar die Here het toornig op my geword om julle ontwil en my nie verhoor nie; maar die Here het vir my gesê: Dit is nou genoeg! Moenie nog verder met My oor hierdie saak spreek nie.

***

Kern gedeelte:

"maar die Here het vir my gesê: Dit is nou genoeg!"

NEE, is ook 'n antwoord!

Miskien bid jy ook oor 'n sekere saak, en jy bid reeds baie lank hieroor, maar GOD sê vanoggend vir jou, die antwoord is Nee!

Dit gaan nie gebeur nie.

So is dit ook ons ouers se plig om ons kinders te leer, dat Nee, ook 'n antwoord is, want ons lewe in 'n tyd waar die "verderwer" deur die sisteme van die wêreld alles in ons keel wil afdruk, en as ons nie ja sê nie is ons verkeerd en word allerhande name genoem.

Die antwoord is Nee, ek staan op vir my reg, ek staan op vir my land waarin ek gebore, ek staan op vir die GOD wat ek dien, en Nee, en gaan nie aan die wêreld gelykvormig word nie.

Laat daardie boodskap helder en duidelik uitgaan!

-------

GEBED.

VADER, dankie dat U vanoggend bevestig dat Nee ook 'n antwoord is, en dat ek ook die reg het om Nee te sê, want sonde en ongeregtigheid gaan ek nie in my huis, my lewe, my besigheid toelaat nie. Ek vra vir die krag om op te staan, 'n standpunt in te neem, en daarby te hou, ongeag wat oor my pad kom. Gee ons asb die moed en krag om hierdie boodskap ook aan ander oor te dra, sodat ons in eenheid teen hierdie wêreld sal staan, want eendrag maak mag.

In die Naam van ons Meester YESHUA, bid ons vir eenheid en herstel in ons land Suid-Afrika.

Amen.

•••••••

Webtuiste: https://tentvansamekoms.co.za

Sel: +27716283107

SPREUKE 3:5-8 AFR53

Tue, 20 May 2025 04:29:03 GMT

5. Vertrou op die Here met jou hele hart en steun nie op jou eie insig nie.

6. Ken Hom in al jou weë, dan sal Hý jou paaie gelykmaak.

7. Wees nie wys in jou eie oë nie; vrees die Here, en wyk af van die kwaad;

8. dit sal genesing wees vir jou liggaam en verkwikking vir jou gebeente.

***

Kern gedeelte:

"en steun nie op jou eie insig nie"

As jy vanoggend opgestaan het, en GOD nog nie geraadpleeg het in gebed nie, STOP, want jy is op die verkeerde pad.

Jy is besig om te dwaal en struikel rond in die donker, terwyl die "verderwer" struikelblokke in jou pad plaas wat jou daagliks tot 'n val sal bring.

Los eers alles en vra dat GOD jou rigting sal gee, die Lig van JESUS CHRISTUS in jou lewe sal laat inskyn, want Hy is die Lamp vir jou voet en die Lig vir jou pad.

Dan sal jy tree vir tree uitbreek uit die doolhof van hierdie wêreld en die pad van geestelike vryheid saam met GOD kan stap.

Nooit weer sal jy dan nodig hê om op jou eie insig te steun nie, want dan is GOD in beheer, en in elke stryd sal die oorwinning joune wees.

Dit sal genesing wees vir jou liggaam en verkwikking vir jou gebeente wees, en jou lewens uitkyk sal nooit weer dieselfde wees nie.

-------

GEBED.

VADER, ons verstaan nie dat depressie, frustrasie, negatiwiteit en siekte deel is van dit wat ons oor ons eie pad bring, wanneer ons in ons eie insig probeer beweeg, en nog nie tot U genader het om ons in ELKE saak, ELKE aspek van ons lewe, betrokke te maak nie. U het reeds ons pad vir ons uitgelê, die hoofweg na Saligheid, maar ons eie insig lei ons deur die modder paaie van die lewe. Open asb ons oë sodat ons U Lig sal sien.

In die Naam van ons Meester YESHUA, bid ons vir U Hand van beskerming in ons lewe.

Amen.

-------

Webtuiste: https://tentvansamekoms.co.za

Sel: +27716283107

DEUTERONÓMIUM 1:28-30, 32 AFR53

Mon, 19 May 2025 04:33:44 GMT

28. Waarheen moet ons optrek? Ons broers het ons hart laat versmelt deur te sê: Dit is 'n volk groter en hoër van gestalte as ons; die stede is groot en tot aan die hemel versterk; en ons het daar ook die kinders van die Enakiete gesien.

29. Toe het ek aan julle gesê: Word nie verskrik en wees nie bevrees vir hulle nie.

30. Die Here julle God wat voor jul uit trek, Hy sal vir julle stry net soos Hy voor julle oë met julle in Egipte gedoen het.

32. Maar ondanks hierdie woord het julle nie geglo in die Here julle God nie,

***

Kern gedeelte:

"Ons broers het ons hart laat versmelt"

Vanoggend wil ek jou prontuit vra:

Hoe lank gaan jy nog toelaat dat ander mense jou weerhou van die pad wat GOD vir jou uitgelê het.

Weet dit, GOD het jou nie 'n gees van vrees gegee nie, maar jy laat toe dat mense vrees in jou lewe inspreek.

Ek sê nie dat die pad saam met GOD wat jy kies, gaan Maanskyn en Rose wees nie, maar deur uitdagings en moeilike omstandighede vorm GOD jou karakter om binne Sy Wil te bly voort beweeg.

As jy bevestiging nodig het, "bid en vas" oor die saak, en GOD sal dit in jou hart bevestig of jy moet voortgaan of nie.

As jy bevestiging ontvang het, begin stap, en GOD sal voorsien wat jy nodig het.

-------

GEBED.

VADER, hoeveel geleenthede het nie reeds by ons verby gegaan en hoe lank stap ons reeds die woestyn pad omdat ons nie glo dat U ons sal vooruitgaan en U sal vir ons veg nie. Met vrees word ons gebind deur die leuns van die "verderwer" en dit word in ons lewe ingespreek deur mense wat daagliks saam met ons beweeg, ons broers in ons midde.

Leer ons asb deur U Heilige Gees om op U Stem te reageer.

In die Naam van ons Meester YESHUA, bid ons vir die krag om op te staan en in die outoriteit van U Naam te beweeg.

Amen.

•••••••

Webtuiste: https://tentvansamekoms.co.za

Sel: +27716283107

HEBREËRS 13:5-6 AFR53

Fri, 16 May 2025 06:32:22 GMT

5. Julle gedrag moet vry van geldgierigheid wees. Wees tevrede met wat julle het, want Hy het gesê: Ek sal jou nooit begewe en jou nooit verlaat nie.

6. Daarom kan ons met alle vrymoedigheid sê: Die Here is vir my 'n Helper, en ek sal nie vrees nie; wat sal 'n mens aan my doen?

***

Kern gedeelte:

"Wees tevrede met wat julle het"

So vinnig vergeet ons die gedeelte van die gebed wat JESUS CHRISTUS ons geleer het in GOD se Woord wat sê:

En gee ons vandag, ons daaglikse brood!

As ons ophou om GOD te vertrou vir ons daaglikse voorsiening, begin ons geldgierig raak, en dan begin die gejaag na meer, en dan verdwyn vergenoegdheid uit ons lewens.

Vanoggend ontvang jy bevestiging van GOD wat sê, Ek sal jou nooit begewe en jou nooit verlaat nie.

Onthou, plaas GOD eerste, en geld, saam met die res van die wêreldse dinge tweede, en Sy Goedheid en Guns sal jou volg al die dae van jou lewe.

-------

GEBED.

VADER, vanoggend besef ons opnuut hoe die "verdêrwer", die saad van twyfel gebruik om ons sistematies terug te dryf in die sisteem van die wêreld in. Hoe ons deur onvergenoegdheid, deur ondankbaarheid in die slag-gate van verderf trap. Gee ons asb die krag om oor die sonde te heers, sodat ons nie weer 'n slaaf daarvan word nie.

In die Naam van ons Meester YESHUA, bid ons dat U ons sal vrymaak van wêreldse denke.

Amen.

•••••••

Webtuiste: https://tentvansamekoms.co.za

Sel: +27716283107

ROMEINE 6:21-23 AFR53

Wed, 14 May 2025 04:24:18 GMT

21. Watter vrug dan het julle toe gehad van die dinge waaroor julle jul nou skaam? Want die uiteinde daarvan is die dood.

22. Maar nou dat julle vrygemaak is van die sonde en diensbaar geword het aan God, het julle jul vrug tot heiligmaking en uiteindelik die ewige lewe.

23. Want die loon van die sonde is die dood, maar die genadegawe van God is die ewige lewe in Christus Jesus, onse Here.

***

Kern gedeelte:

"Want die loon van die sonde is die dood"

Soveel van ons gebruik die verskoning dat GOD se genade vir ons genoeg is, en dit is waar, tot op 'n punt.

GOD se genade het ons deurgedra tot hier, en dit is slegs deur genade dat ons vandag nog hierdie boodskap lees!

Wees egter versigtig, moenie GOD beproef nie, moenie die Heilige Gees weerstaan deur te volhard in moedswillige sonde nie.

Sonde het 'n sneeubal effek, en een of ander tyd, gaan dit buite beheer raak en dan is daar nie meer keer nie.

Daarom sê die Woord van GOD vir ons:

Watter vrug dan het julle toe gehad van die dinge waaroor julle jul nou skaam? Want die uiteinde daarvan is die dood.

Terwyl jy vanoggend nog die geleentheid het, stop en draai jou weg daarvan.

--------

GEBED.

VADER, dankie vir U genade wat ons tot hier toe nog gedra het. Elkeen van ons weet watter dinge ons tans mee besig is, dinge wat buite U Wil is. Gee ons asb die krag om daarmee te breek, ook hierdie hoofstuk van ons lewe af te sluit. Wanneer ons by die dinge van die wêreld kom, laat ons ja, ja wees en ons nee, nee wees. Laat ons asb nie langer buig voor die "verderwer" en sy weë van manipulasie nie.

In die Naam van ons Meester YESHUA, bid ons vir die krag om te breek met ons sondige gewoontes.

Amen.

•••••••

Webtuiste: https://tentvansamekoms.co.za

Sel: +27716283107

ESÉGIËL 36:26-27, 31 AFR53

Tue, 13 May 2025 04:38:02 GMT

26. En Ek sal julle 'n nuwe hart gee en 'n nuwe gees in jul binneste gee; en Ek sal die hart van klip uit julle vlees wegneem en julle 'n hart van vlees gee.

27. En Ek sal my Gees in jul binneste gee en sal maak dat julle in my insettinge wandel en my verordeninge onderhou en doen.

31. Dan sal julle dink aan jul verkeerde weë en aan jul handelinge wat nie goed was nie; en julle sal vir julleself walglik wees oor jul ongeregtighede en oor jul gruwels.

***

Kern gedeelte:

"en julle sal vir julleself walglik wees"

As ek vandag terugkyk na my lewe, voor ek JESUS CHRISTUS as my Verlosser en Saligmaker aangeneem het, was ek nie net van die pad af nie, maar ek het die hele padkaart gemis.

Terwyl ek in die sienswyse van die wêreld geleef het, was sekere aksies/norme aanvaarbaar en aan die orde van die dag.

As ek vandag terugkyk, kan ek nie glo waarmee ek alles besig was nie, ek verstaan nie eers hoe ek kon dink dat dit reg was nie.

Wanneer ons, deur ons Verlosser 'n nuwe hart en 'n nuwe gees ontvang, sal ons verlede ook vir ons walglik wees.

Dan sal ons weet dat dit slegs GOD se genade was wat ons tot hiertoe gedra het.

-------

GEBED.

VADER, al wat ek vandag wil doen is om U te dank, te loof en te prys, vir dit wat U alles vir my gedoen het, dat U my 'n tweede kans gegee het. Ek het nog vanoggend die geleentheid om mense te vertel wie my Verlosser is en hoe groot my GOD is. Ek bid vandag vir elkeen wat nog nie die aanraaking van U Heilige Gees in hulle lewe ervaar het nie en laat U Gees nie by hulle verby gaan nie.

In die Naam van ons Meester YESHUA, bid ons vir siele tot bekering.

Amen.

•••••••

Webtuiste: https://tentvansamekoms.co.za

Sel: +27716283107

MATTHÉÜS 15:18-19 AFR53

Mon, 12 May 2025 04:23:36 GMT

18. Maar die dinge wat uit die mond uitgaan, kom uit die hart, en dit is dié wat die mens onrein maak.

19. Want uit die hart kom daar slegte gedagtes, moord, egbreuk, hoerery, diewery, valse getuienis, lastertaal.

***

Kern gedeelte:

"wat uit die mond uitgaan, kom uit die hart"

Net 'n kort woord vandag.

Ons kan probeer voorgee, en ons kan alles probeer verbloem, maar die woorde van jou mond spreek uit, wat die hart mee worstel.

Vir 'n klein rukkie kan ons, onself skeinheilig probeer voordoen, mooi woorde praat, maar kortliks kom die waarheid na vore.

Bly net so klein bietjie langer in iemand se geselskap, en die waarheid syfer deur die mond, soos 'n water fontein uit die aarde.

As ons Verlosser en Sy Evangelie in jou hart is, en jy jou lewe volgens Sy Woorde uitleef, sal die woorde van jou mond dieselfde klanke maak.

Maar as die begeertes van hierdie wêreld jou hart oorheers, sal die waarheid uit jou mond dit kortliks bevestig.

-------

GEBED.

VADER, wanneer die wêreld, sy probleme, begeertes en frustrasies terug kruip in ons hart in, word dit onmiddelik duidelik deur die woorde van ons mond. Daarom bid ons vandag dat U ons hart sal reinig en 'n wag voor ons mond sal plaas, en maak dit maar 'n groot wag want ons arrogansie in die "eie ek" wat deurbreek is nie noodwendig klein nie.

In die Naam van ons Meester YESHUA, bid ons dat U ons sal leer om twee keer te dink voordat ons een keer praat.

Amen.

•••••••

Webtuiste: https://tentvansamekoms.co.za

Sel: +27716283107

ESÉGIËL 33:31-32 AFR53

Fri, 09 May 2025 04:26:59 GMT

31. En hulle kom na jou toe soos 'n volk saamstroom en sit voor jou as my volk en hoor jou woorde, maar hulle doen dit nie; want hulle maak liefdesverklaringe met hulle mond, maar hulle hart gaan agter hulle onregverdige wins aan.

32. En kyk, jy is vir hulle soos 'n minnelied, soos een skoon van stem, wat goed op die snare speel: hulle hoor jou woorde, maar hulle doen dit nie.

***

Kern gedeelte:

"en hoor jou woorde, maar hulle doen dit nie"

Vandag wil ek net 'n stukkie stof tot nadenke gee!

Daagliks ontvang mense GOD se woord deur boodskappe, media en persoonlike kommunikasie en party gaan selfs kerk toe, maar as hulle klaar geluister, gaan hulle weer hulle gewone gang.

Omdat die hart van die mens verhard is, val die saad wat daagliks gesaai word langs die pad en op die rotse, waar dit deur die begeertes van die wêreld verteer word en waar daar geen geestelike groei plaasvind nie.

Hoeveel van ons luister werklik na die Woord van GOD, leef dit uit, en hoeveel van ons sit voor GOD soos mense wat Sy Woord hoor, maar as die boodskap klaar is gaan ons weer ons gewone gang?

-------

GEBED.

VADER, gee asb aan elkeen van ons die geestelike deursigtigheid om die ware persoon in ons te sien, wat die huigelaar in ons sal raaksien. Ons luister, maar ons hoor nie, omdat ons U nie in waarheid soek nie, en ons hart is nog gevestig in hierdie wêreld. Gee asb dat ons nie 'n dag langer verblind sal wees deur die skynheiligheid van die "eie ek" nie.

In die Naam van ons Meester YESHUA, bid ons dat U ons oë sal open vir wie ons werklik is.

Amen.

•••••••

Webtuiste: https://tentvansamekoms.co.za

Sel: +27716283107

JESAJA 40:29-31 AFR53

Thu, 08 May 2025 04:25:46 GMT

29. Hy gee die vermoeide krag en vermenigvuldig sterkte vir die wat geen kragte het nie.

30. Die jonges word moeg en mat, en die jongmanne struikel selfs;

31. maar die wat op die Here wag, kry nuwe krag; hulle vaar op met vleuels soos die arende; hulle hardloop en word nie moeg nie, hulle wandel en word nie mat nie.

***

Kern gedeelte:

"maar die wat op die Here wag"

So duidelik bevestig GOD dit in Sy Woord, maar daagliks in hierdie wêreld, in hierdie kits era waarin ons leef, word ons deur die media en deur skelm en geldgierige mense gedryf om onmiddelike besluite te maak.

Ons wil alles nou hê, en daardeur druk ons onself in skuld, maak ons swak besigheid en verhoudings besluite.

Ons word moeg deur dit waarmee die wêreld ons besig hou.

As ons pampoene plant weet ons dit vat 90-110 dae voor die oes reg is.

Ons kan nie vandag plant en môre oes nie.

GOD het reeds die saad in ons geplant, en nou moet ons eers deur die groei proses gaan, voor die oes in volheid sal kom.

Maar in haastigheid, eiesinnigheid en hardkoppigheid, gaan ploeg ons die land om en plant ons saad van die wêreld wat geen oes gaan oplewer nie.

As jy egter op GOD wag, sal jy nuwe krag kry, sal jou GOD gegewe oes ook in volheid na jou toe kom.

-------

GEBED.

VADER, in stille nabetragting sien ons die foute wat ons gemaak het deur van U plan vir ons lewe af te wyk. Omdat ons in ons ongeduld nie op U gewag het nie. Gee ons asb berusting oor elke saak en laat U Heilige Gees in ons, ons kalmte gee, en ons leer om geduldig te wag totdat die oes wat U voorberei het, in volle rypheid sal kom. Dankie dat U ons daagliks krag gee en versterk op ons lewenspad.

In die Naam van ons Meester YESHUA, bid ons vir U hand van beskerming oor ons lewe.

Amen.

•••••••

Webtuiste: https://tentvansamekoms.co.za

Sel: +27716283107

ESÉGIËL 33:4, 9 AFR53

Wed, 07 May 2025 06:26:54 GMT

4. as dan iemand die geluid van die basuin hoor, maar hom nie laat waarsku nie, en die swaard kom en neem hom weg, dan is sy bloed op sy hoof.

9. Maar as jy die goddelose waarsku vir sy weg, dat hy hom daarvan moet bekeer, en hy hom nie bekeer van sy weg nie, dan sal hy deur sy ongeregtigheid sterwe; maar jy het jou siel gered.

***

Kern gedeelte:

"maar hom nie laat waarsku nie"

Daar sal wel 'n tyd kom wanneer GOD sal sê, genoeg is genoeg, maar daardie tyd is nie in ons hande nie.

Blaas die basuin, laat iemand duidelik verstaan dat dit tyd is om na GOD terug te keer, om JESUS te aanvaar as sy persoonlike Verlosser en Saligmaker, en hulle dan weg te keer van die sonde.

Ons het egter nie nodig om heeldag agter mense aan te loop en hulle te probeer waarsku teen dit wat hulle verkeerd doen nie.

Ons kan kinders rig in hulle weë, vertel van GOD en die redding deur Sy Seun, as hulle tot bekering kom, en hulle wegkeer van die sonde van hierdie wêreld.

Maar as volwassenes het hulle die keuse om te luister na die waarskuwing, te luister na die Woord van GOD.

Maar hulle het ook die keuse om in hulle sonde voort te leef, maar dan is jou hande skoon, en jy het jou siel gered.

-------

GEBED.

VADER, ons kan 'n perd tot by die water bring maar ons kan hom nie maak drink nie. So ook 'n mens wat in sy sonde bly voortleef. Laat ons asb besef, dat aanhou praat gaan nie help nie, maar dat ons die persoon moet laat begaan, want sy bloed sal op sy hoof neerkom. As ons die waarskuwing gegee het, laat ons die res in U Hand, en vra dat U Wil sal geskied.

In die Naam van ons Meester YESHUA, bid ons vir die inwerking van U Heilige Gees wat harte sal verander.

Amen.

•••••••

Webtuiste: https://tentvansamekoms.co.za

Sel: +27716283107

ESÉGIËL 31:9-11 AFR53

Tue, 06 May 2025 04:26:25 GMT

9. Ek het hom mooi gemaak deur die menigte van sy takke, sodat al die bome van Eden wat in die tuin van God was, hom beny het.

10. Daarom, so het die Here Here gesê: Omdat hy hoog uitgegroei het, en hy sy top tussen die wolke verhef het en hoogmoedig geword het oor sy hoogte,

11. sal Ek hom oorgee in die hand van die magtige onder die nasies; dié sal sekerlik met hom handel; vanweë sy goddeloosheid het Ek hom uitgedrywe.

***

Kern gedeelte:

"en hoogmoedig geword het oor sy hoogte"

Ek luister na verskeie gesprekke die afgelope maand, en wat my getref het is die "arrogansie" van die mens, die "eie ek".

Verskeie kere het ek aangehoor, hoe persone sê:

Ek het dit of dat bereik omdat ek so goed is, en ek het hierdie of daardie gebou deur my vernuftigheid.

Vandag wil ek net sê, pasop vir die woorde van jou mond en die trotsheid van jou hart.

Jy is nie waar jy is omdat jy goed is nie, maar omdat GOD groot is.

Vandag se teks verse begin met die woorde:

EK het hom mooi gemaak deur die menigte van sy takke.

Moenie GOD se eer aanraak nie, want hoogmoed kom net voor die val.

Voor jy weer woorde van hoogmoed spreek, gaan eerder op jou knieë en dank GOD dat jy geseënd is, en vir elke gawe uit Sy Hand.

-------

GEBED.

VADER, die teenoorgestelde van hoogmoed, is dankbaarheid en daarom kom ons vanoggend in nederigheid, in dankbaarheid voor U voete, en ons dank U vir elke gawe uit U Hand en elke seëning waarmee U ons so mildelik seën. Laat ons nooit die grond verlaat nie, maar nederig in U skadu bly.

In die Naam van ons Meester YESHUA, bid ons vir drie dinge in ons lewe, nederigheid, dankbaarheid en vergenoegdheid.

Amen.

•••••••

Webtuiste: https://tentvansamekoms.co.za

Sel: +27716283107

PSALMS 27:1-3 AFR53

Mon, 05 May 2025 04:30:48 GMT

1. Die Here is my lig en my heil: vir wie sou ek vrees? Die Here is die toevlug van my lewe: vir wie sou ek vervaard wees?

2. As kwaaddoeners teen my nader kom om my vlees te eet — my teëstanders en my vyande, ja, myne — struikel hulle self en val.

3. Al word 'n laer teen my opgeslaan, my hart sal nie vrees nie; al staan 'n oorlog teen my op, nogtans vertrou ek.

***

Kern gedeelte:

"Al word 'n laer teen my opgeslaan"

Jy moenie bekommerd wees wanneer mense teen jou draai en kragte saamspan om jou te ondermyn nie.

Onthou GOD is in beheer, laat die geveg aan Hom oor.

Wanneer alles opgelyn is om jou ten gronde te rig, sal GOD jou verwyder uit die situasie, en die vyand sal teen mekaar draai.

Ons moenie uit weerwraak reg in eie hande probeer neem en ook betrokke raak by die ongeregtigheid van hierdie wêreld nie.

Hy jy net aan om voor GOD in onpartydige opregtheid te leef en sien hoe GOD verwarring en verwoesting in die laer van die vyand bring.

As jy vanoggend onseker voel, bring die saak voor GOD se voete en verklaar dan verklaar die volgende:

Die Here is my lig en my heil: vir wie sou ek vrees? Die Here is die toevlug van my lewe: vir wie sou ek vervaard wees?

-------

GEBED.

VADER, ons voel dikwels oorweldig deur alles en almal wat teen ons draai terwyl U deurentyd in beheer is. Ons twyfel omdat ons nie kan sien waar U reeds aan die werk is en sake in ons guns begin draai nie. Ek dank U vir die wete dat, hoe groter die oormag teen my is, hoe groter gaan die val in hulle eie midde wees, want U is my Lig en my Heil, vir wie sou ek vrees?

In die Naam van ons Meester YESHUA, bid ons dat U geregtigheid in elke saak sal geskied.

Amen.

•••••••

Webtuiste: https://tentvansamekoms.co.za

Sel: +27716283107

EXODUS 20:1-2, 6 AFR53

Fri, 02 May 2025 04:27:42 GMT

1. TOE het God al hierdie woorde gespreek en gesê:

2. Ek is die Here jou God wat jou uit Egipteland, uit die slawehuis, uitgelei het.

6. en Ek bewys barmhartigheid aan duisende van die wat My liefhet en my gebooie onderhou.

***

Kern gedeelte:

"die wat My liefhet en My gebooie onderhou"

Soveel van ons wil GOD dien op ons terme.

Ons wil net sekere van die gebooie onderhou, maar ander verdraai ons om ons te pas.

As 'n sekere een van die gebooie ons nie pas, soek ons 'n rede hoekom ons dit nie kan toepas of onderhou nie.

Ons skuil dan agter die massas van die wêreld en ons redeneer dat al die ander dit doen, en daarom doen ons dit ook.

Die realiteit is, die massas van die wêreld gaan nie saam met jou voor die Wittroon oordeel staan nie.

Elkeen gaan ALLEEN daar staan en verduidelik hoekom ons nie die gebooie onderhou het nie, hoekom ons GOD nie opreg gedien het nie, hoekom ons nie ons naaste in onpartydige opregtheid behandel het nie en hoekom ons nie die Evangelie van ons Verlosser verkondig het nie.

------

GEBED.

VADER, ons kan in hierdie wêreld U geregtigheid verdraai, hier kan ons nog voorgee om U te dien, maar vir elkeen elkeen van ons is die uurglas van hierdie lewe besig om leeg te loop, en die tyd van rekenskap kom nader. Ons kan dit probeer uitstel, maar nie een gaan dit mis. Van ons elkeen gaan U rekenskap eis. Gee ons asb geopende oë wat die leuens sal sien, en ore wat die waarheid sal hoor.

In die Naam van ons Meester YESHUA, bid ons dat U Heilige Gees ons in die waarheid van U Wil en U Weg in ons lewe sal lei.

Amen.

•••••••

Webtuiste: https://tentvansamekoms.co.za

Sel: +27716283107

I KRONIEKE 22:12-13 AFR53

Thu, 01 May 2025 06:53:03 GMT

12. Mag die Here jou net insig en verstand gee en jou aanstel oor Israel; en dit om die wet van die Here jou God te onderhou.

13. Dan sal jy voorspoedig wees as jy sorgvuldig die insettinge en verordeninge onderhou wat die Here aan Moses oor Israel beveel het; wees sterk en vol moed, wees nie bevrees en wees nie verskrik nie.

***

Kern gedeelte:

"Dan sal jy voorspoedig wees"

So dikwels sê mense vir my, o maar jy is baie gelukkig, en meestal tot hulle verontwaardiging, kom die antwoord, Nee ek is nie gelukkig nie, ek is geseënd.

Ek dien nie die geluks godin nie, maar wel die Lewende GOD.

Of dit met jou goed gaan of slegs gaan, jy is nou maar een maal die geseënde van die HERE.

Jou huidige situasie, terugslae of probleme bepaal nie jou emosionele welstand nie, want jou vreugde word nie deur die aardse skatte gedryf nie.

Ongeag wat, jy dien GOD met jou hele hart, siel en verstand, en jou vreugde vind jy in die uitleef van Sy Woord.

Daarom, sal jy geseënd wees!

-------

GEBED.

VADER, dankie dat my vreugde, vrede en voorspoed nie van hierdie wêreld is nie, maar in my verhouding met U. Dankie dat U ons, deur U Seun losgemaak het van die "geluk" wat hierdie wêreld bied. Mag ons verhouding met U daagliks verdiep, soos wat ons nader aan U beweeg deur die uitleef van U Woord.

In die Naam van ons Meester YESHUA, bid ons dat ons, ons vrede, vreugde en geluk in U sal vind.

Amen.

••••••••

Webtuiste: https://tentvansamekoms.co.za

Sel: +27716283107

I KRONIEKE 21:17, 30 AFR53

Wed, 30 Apr 2025 04:33:24 GMT

17. En Dawid sê tot God: Is dit nie ék wat beveel het om die volk te tel nie? Ja, dit is ek wat gesondig en baie verkeerd gehandel het; maar hierdie skape, wat het hulle gedoen? Here, my God, laat u hand tog teen my en my familie wees, maar nie as 'n plaag teen u volk nie.

18. En Dawid het nie daarvoor durf verskyn om God te soek nie, want hy was verskrik vanweë die swaard van die engel van die Here.

****

Kern gedeelte:

"En Dawid het nie daarvoor durf verskyn om God te soek nie"

Soos die Woord ons waarsku, dit is die klein jakkalsies wat die wingerde verniel!

So ook met die sonde, eers begin ons klein en namate groei dit, tot die sonde in ons so groot word dat ons nie meer die vrymoedigheid het om tot GOD nader, om voor Sy voete te kom buig nie.

Ons sondes is die daaglikse boublokke in die skeidings muur tussen ons en GOD.

Voor ons besef is ons so verswelg deur ons sondige gewoontes, dat ons nie eers weet hoe om in gebed tot GOD te nader nie.

Eers wanneer ons ware berou ervaar, besef ons dat GOD se genade is ook vir ons genoeg, besef ons dat genade bring die vrymoedigheid om te erken dat ons verkeerd was, en wanneer ons verantwoordelik aanvaar vir ons foute, ons wegkeer daarvan sal ons verhouding met GOD, deur JESUS CHRISTUS weer herstel word.

Keer jou weg van die sonde, nader tot GOD en Hy sal tot jou nader.

-------

GEBED.

VADER, U ken die sondige gedagtes in my, die eerste tree wat ek besig is om te gee op die pad na verderf. Gee my asb die krag om dit vanoggend te belei, verantwoordelikheid daarvoor te neem, en dan daarvan weg te draai, sodat ek in vrymoedigheid deur U Seun tot U kan nader. Vergewe my asb my moedswillige sondes.

In die Naam van ons Meester YESHUA, bid ek vir 'n hart wat my sondes openlik voor U kan belei en 'n gees van standvastigheid om my dan daarvan weg te keer, en die pad saam met U te wandel.

Amen.

•••••••

Webtuiste: https://tentvansamekoms.co.za

Sel: 0725104040

HANDELINGE 8:35-37 AFR53

Tue, 29 Apr 2025 04:20:17 GMT

35. En Filippus het sy mond geopen en van hierdie Skrif af begin en die evangelie van Jesus aan hom verkondig.

36. En terwyl hulle voortreis op die pad, kom hulle by water; en die hofdienaar sê vir hom: Daar is water; wat verhinder my om gedoop te word?

37. Toe sê Filippus: As u glo met u hele hart, is dit geoorloof. En hy antwoord en sê: Ek glo dat Jesus Christus die Seun van God is.

***

Kern gedeelte:

"As u glo met u hele hart, is dit geoorloof"

Ek persoonlik glo nie in die doop van massas mense wat deur die emosie van die oomblik meegsleur word nie.

Mense wat nog nie in 'n verhouding met GOD staan en nie glo dat hulle Verlossing deur die aanneming van JESUS CHRISTUS sal wees nie, is nie daarvoor gereed nie.

Die doop is 'n bevestiging van jou geloof in GOD, en die aanneming van JESUS CHRISTUS as jou persoonlike Verlosser en Saligmaker.

Dit word bevestig in GOD se woord wanneer Johannes skrywe:

Elkeen wat bely dat JESUS CHRISTUS die Seun van GOD is - GOD bly in hom, en hy in GOD.

Daarom het Fillipus aan hom die vraag gevra!

Toe sê Filippus: As u glo met u hele hart, is dit geoorloof. En hy antwoord en sê: Ek glo dat Jesus Christus die Seun van God is.

Moenie jou laat doop vir die verkeerde redes nie, anders word jy net nat.

Wanneer jy Heilige Gees gelei, hierdie stap neem, is dit die bevesting van jou geloof in GOD, en die aanneming van JESUS CHRISTUS as jou persoonlike Verlosser en Saligmaker.

-------

GEBED.

VADER, soveel besluite word in die hitte van die oomblik geneem, en dan glo ons dat ons gered is omdat ons gedoop is, terwyl ons nog nie in 'n verhouding met U staan, en nog nie U Seun as ons persoonlike Verlosser en Saligmaker aangeneem het nie. Laat U Heilige Gees ons hierin lei, en bevestig wanneer ons gereed is om hierdie stap te neem.

In die Naam van ons Meester YESHUA, bid ons vir siele tot bekering.

Amen.

•••••••

Webtuiste: https://tentvansamekoms.co.za

Sel: 0716283107

FILIPPENSE 4:4-7 AFR53

Mon, 28 Apr 2025 06:01:58 GMT

4. Verbly julle altyd in die Here; ek herhaal: Verbly julle!

5. Laat julle vriendelikheid aan alle mense bekend word. Die Here is naby.

6. Wees oor niks besorg nie, maar laat julle begeertes in alles deur gebed en smeking met danksegging bekend word by God.

7. En die vrede van God, wat alle verstand te bowe gaan, sal julle harte en julle sinne bewaar in Christus Jesus.

***

Kern gedeelte:

"Wees oor niks besorg nie"

Vanaand se boodskap is duidelik op my hart gelê, en dit gaan oor dankbaarheid, oor vergenoegdheid.

Die lewe gaan nie daaroor om te kry wat ons wil hê nie, maar om te wil hê, dit wat ons reeds het.

Bekommernis onstel die hart in en bring negatiwiteit en ondankbaarheid na vore.

Ons waardeer nie wat ons tans het nie, want dit word oorskadu deur ons soeke na meer.

As jy vanoggend nog 'n dak oor jou kop het en 'n bord kos op jou tafel, wees dankbaar.

As jy in dankbaarheid lewe sal jy vers 7 beter verstaan wat sê:

En die vrede van God, wat alle verstand te bowe gaan, sal julle harte en julle sinne bewaar in Christus Jesus.

-------

GEBED.

VADER, U Woord leer ons om te bid vir ons daagliks brood, maar in ondankbaarheid, bid ons vir maand of die jaar vooruit. U het in die woestyn U volk geleer om net genoeg Manna bymekaar te maak vir een dag, maar onmiddelik was daar diegene wat gejaag het na meer wat in vergryping gesondig het. Leer ons asb om in dankbaarheid voor U te staan vir vandag se voorsiening.

In die Naam van ons Meester YESHUA, bid ons vir harte van dankbaarheid.

Amen.

•••••••

Webtuiste: https://tentvansamekoms.co.za

Sel: 0716283107

HANDELINGE 6:2-4 AFR53

Fri, 25 Apr 2025 04:31:44 GMT

2. En die twaalf het die menigte van die dissipels byeengeroep en gesê: Dit is nie reg dat ons die woord van God nalaat om die tafels te bedien nie.

3. Kyk dan uit, broeders, na sewe manne uit julle, van goeie getuienis, vol van die Heilige Gees en wysheid, wat ons oor hierdie nodige saak kan aanstel;

4. maar ons sal volhard in die gebed en die bediening van die woord.

****

Kern gedeelte:

"Dit is nie reg dat ons die woord van God nalaat"

Hoe dikwels raak ons vasgevang deur dinge, aktiwiteite wat nie primêr handel oor die Woord van GOD nie.

Die "verderwer" sal absoluut seker maak dat geskille onstaan omdat jy dalk die bediening van mense nalaat, sodat jy nie op GOD se Woord, Sy Wil en Sy Weg kan fokus nie.

As GOD jou stuur om sy Woord, Sy Boodskap uit te dra, die Evangelie van JESUS CHRISTUS te verkondig, sal Hy ook daarmee saam die nodige hulpbronne voorsien.

Daarom wees aan GOD meer gehoorsaam as aan die mens, want deur die mens sal die aanslae van die "verderwer" na jou toe aankom.

Ongeag wat, onthou in alles, en deur alles, weet dit.

GOD SAL VOORSIEN.

Wat moet ons dan doen?

Ons moet volhard in die gebed en die bediening van die Woord!

-------

GEBED.

VADER, laat ons nooit die instruksie van U Seun vergeet, wat ons hoofdoel moet wees nie, Gaan dan heen, maak dissipels van al die nasies, en doop hulle in die Naam van die Vader en die Seun en die Heilige Gees; en leer hulle om alles te onderhou wat Ek julle beveel het.

Gee aan ons asb die nodige visie om nie van ons doel af te wyk nie.

In die Naam van ons Meester YESHUA, bid ons dat U aan ons 'n gees van standvastigheid in U en U, Woord sal gee.

Amen.

•••••••

Webtuiste: https://tentvansamekoms.co.za

Sel: +27716283107

OPENBARING 3:15-17 AFR53

Thu, 24 Apr 2025 04:24:34 GMT

15. Ek ken jou werke, dat jy nie koud is en ook nie warm nie. Was jy tog maar koud of warm!

16. Maar nou, omdat jy lou is en nie koud of warm nie, sal Ek jou uit my mond spuug.

17. Want jy sê: Ek is ryk en het verryk geword en het aan niks gebrek nie; en jy weet nie dat dit jy is wat ellendig en beklaenswaardig en arm en blind en naak is nie.

***

Kern gedeelte:

"EK ken jou werke"

In gister se boodskap, sê GOD vir ons, " en al die gemeentes sal weet dat dit EK is wat niere en harte deursoek, en EK sal aan elkeen van julle gee volgens sy werke.

Hoeveel van ons dien GOD met ons hele, siel en verstand, en hoeveel mense daar buite dien GOD, net om deur ander gesien te word?

Ek wil dit vandag baie duidelik maak, en as die boodskap jou nie geval nie, weet dat elke Whatsapp en Telegram applikasie het 'n blok knoppie en jy is welkom is dit te gebruik.

Maar weet, al loop jy dag en nag agter jou Prediker/Pastoor/Predikant of Leeraar aan, en al sit jy in die kerk totdat daar drukmerke op die houtbanke is, gaan dit nie jou saligheid bevestig nie.

Ons verlossing lê slegs in ons Verlosser, JESUS CHRISTUS, en wanneer ons aan Hom gelykvormig word, deur die riglyne van GOD se Woord nie net te lees nie, maar uit te leef, toe te pas in ons lewe.

Onthou, ons kan 'n Doring boom, 'n Appel boom noem, maar as die blomtyd verby, word die boom aan sy vrugte geken.

Met woorde kan voorgee dat jy warm is, maar deur jou dade word jou geloof bevestig.

-------

GEBED.

VADER, vanoggend se boodskap is moeilik want dit het soveel toepassing op my eie lewe, waar kleurvolle woordeskat en gedagtes van twyfel my lei na die weë van die wêreld, waar ek daarna neig om lou te begin word, en nie in alles, die Naam van my GOD op my lippe te hê nie, en soms ons hulp in wêreld te gaan soek. Vergewe ons asb ons sondes en ons swakhede.

In die Naam van ons Meester YESHUA, bid ons vir die krag om weer ons aandag te vestig op dit wat ons moet doen, soos U Gees ons sal lei.

Amen.

•••••••

Webtuiste: https://tentvansamekoms.co.za

Sel: +27716283207

OPENBARING 2:21-23 AFR53

Wed, 23 Apr 2025 04:18:39 GMT

21. En Ek het haar tyd gegee om haar van haar hoerery te bekeer, en sy het haar nie bekeer nie.

22. Kyk, Ek werp haar neer op 'n siekbed, en die wat met haar owerspel bedryf, in 'n groot verdrukking, as hulle hul nie van hul werke bekeer nie.

23. En haar kinders sal Ek sekerlik doodmaak, en al die gemeentes sal weet dat dit Ek is wat niere en harte deursoek, en Ek sal aan elkeen van julle gee volgens sy werke.

***

Kern gedeelte:

"En Ek het haar tyd gegee om haar van haar hoerery te bekeer"

En so kan nie een van ons omdraai en sê dat ons nie die tyd gegun is om ons van ons weë weg te keer en terug te draai na GOD toe nie.

Miskien is vanoggend ons laaste waarskuwing om ons weg te keer van dit wat ons mee besig is, om dit te stop wat GOD nie behaag nie.

Ek gaan nie vir jou sê dat jy moet ophou rook, drink, vals lewe, tweedrag saai, hoereer of derglike doen nie.

Die keuse is joune!

Elkeen weet waarmee hulle besig is, en die saak is tussen jou en GOD.

Kom tot bekering en begin die GOD gegewe doel vir jou lewe najaag, of kies om die nagevolge te dra, nie jy alleen nie, maar ook die wat die naaste aan jou is, wat saam met jou in die saak van die sonde staan.

-------

GEBED.

VADER, hierdie is harde woorde op die regte tyd, want ons ry reeds te lank op U genade se rug. Selfs 'n uurglas loop een of ander tyd leeg, en vandag het die uurglas vir ons ook leeg-geloop en ons staan nou voor keuses in die lewe. Ons bid dat U Heilige Gees ons sal versterk om die regte keuses te maak. Laat elkeen besluit wie hulle wil dien, maar ek en my huis, ons sal die HERE dien.

In die Naam van ons Meester YESHUA, bid ons vir duidelike rigting vir ons lewenspad vorentoe.

Amen.

-------

Webtuiste: https://tentvansamekoms.co.za

Sel: +27716283107

II TIMÓTHEÜS 2:19-21 AFR53

Tue, 22 Apr 2025 04:26:23 GMT

19. Ewenwel, die fondament van God staan vas met hierdie seël: Die Here ken die wat syne is; en: Laat elkeen wat die Naam van Christus noem, afstand doen van die ongeregtigheid.

20. Maar in 'n groot huis is daar nie alleen voorwerpe van goud en silwer nie, maar ook van hout en erdewerk; en sommige tot eer, maar ander tot oneer.

21. As iemand hom dus hiervan deeglik reinig, sal hy 'n voorwerp tot eer wees, geheilig en bruikbaar vir die Here, toeberei vir elke goeie werk.

***

Kern gedeelte:

"geheilig en bruikbaar vir die Here"

Wanneer kan ons bruikbaar wees vir GOD en wanneer sal ons geheilig voor GOD kan staan?

As ons hoofstuk 2 gaan klaar lees, sal ons die volgende sien:

* Maar vlug vir die begeerlikhede van die jonkheid en jaag ná geregtigheid, geloof, liefde, vrede, saam met die wat die Here uit 'n rein hart aanroep.

•En die dwase en onverstandige strydvrae moet jy afwys, omdat jy weet dat dit twis verwek;

en 'n dienskneg van die HERE moet nie twis nie, maar vriendelik wees teenoor almal, bekwaam om te onderrig en een wat kwaad kan verdra.

* Hy moet die weerspanniges in sagmoedigheid teregwys, of God hulle nie miskien bekering sal gee tot die kennis van die waarheid nie,

* en hulle weer nugter kan word, vry van die strik van die duiwel, nadat hulle deur hom gevang was om sy wil te doen.

Laat ons nie net die Woord van GOD lees nie, maar laat ons ook toepas wat ons lees!

-------

GEBED.

VADER, U Woord is waarheid en U uiteensetting is duidelik, maar ons sien nie, ons verstaan nie, omdat ons nog die leuens van die "verderwer" glo, omdat ons nog die begeerlikhede van die jeug najaag. Leer ons asb hoe om geregtigheid, geloof, liefde, vrede na te jaag sodat ons bruikbaar voor U kan staan.

In die Naam van ons Meester YESHUA, bid ons dat U elkeen sal verlos wat met die gees van verwaandheid, die gees van die "eie ek" worstel.

Amen.

•••••••

Webtuiste: https://tentvansamekoms.co.za

Sel: 0716283107

NEHEMÍA 6:12-13 AFR53

Mon, 21 Apr 2025 14:08:27 GMT

12. Want ek het duidelik gemerk dat God hom nie gestuur het nie, maar dat hy die profesie oor my gespreek het, omdat Tobía en Sanbállat hom gehuur het.

13. Daarvoor was hy gehuur, dat ek bang sou word en so sou maak en sonde doen, sodat dit hulle as slegte gerug kon dien om my smaadheid aan te doen.

***

Kern gedeelte:

"Want ek het duidelik gemerk dat God hom nie gestuur het nie"

Moenie toelaat dat die woorde van ander jou ontmoedig nie.

So dikwels word woorde gespreek uit jaloesie, afguns en naywer, en nie deur GOD se leiding nie.

En hoeveel keer word ons nie ontmoedig deur die woorde van ander nie.

Weet dit, as GOD vir jou 'n boodskap het, sal jy dit in jou gees ervaar dat dit moet wees, en jy sal daardeur gedryf word.

Jy sal selfs bevestiging daaroor ontvang deur gemeenskaplike gelowiges, gebeure wat net in plek val en alles wat uitwerk soos dit moet.

Bly voor die voete van GOD oor die saak, en as twyfel bestaan, vas en bid totdat sekerheid in jou hart bevestig word.

Dan sal jy duidelik merk dat GOD die persoon nie gestuur het nie om die saak te bevestig nie, maar wel vir ander redes en agendas.

-------

GEBED.

VADER, in hierdie nuwe dag staan ons voor U, en ons vra dat U ons geestelike oë en ore sal open sodat ons die verskil sal ken tussen U Wil, U Waarheid en die leuens van die "verderwer". Soveel mense spreek negatiwiteit in ons lewe in om ons van stryk te bring, sodat U plan vir ons lewe nie tot volheid sal kom nie. Versterk ons asb en gee ons asb die krag om voort te beur, vas te staan in ons geloof.

In die Naam van ons Meester YESHUA, bid ons dat U Waarheid na vore sal kom in elke saak.

Amen.

•••••••

Webtuiste: https://tentvansamekoms.co.za

Sel: 0716283107

I KORINTHIËRS 13:8, 13 AFR53

Fri, 18 Apr 2025 11:07:36 GMT

8. Die liefde vergaan nimmermeer; maar profesieë — hulle sal tot niet gaan; of tale — hulle sal ophou; of kennis — dit sal tot niet gaan.

13. En nou bly geloof, hoop, liefde — hierdie drie; maar die grootste hiervan is die liefde.

***

Kern gedeelte:

"maar die grootste hiervan is die liefde"

Ek wil vanoggend niks probeer byvoeg nie, maar laat die Woord vanself spreek!

* Die liefde is lankmoedig en vriendelik; die liefde is nie jaloers nie; die liefde praat nie groot nie, is nie opgeblase nie,

* handel nie onwelvoeglik nie, soek nie sy eie belang nie, word nie verbitterd nie, reken die kwaad nie toe nie,

* is nie bly oor die ongeregtigheid nie, maar is bly saam met die waarheid.

* Dit bedek alles, glo alles, hoop alles, verdra alles.

Ons kan self besluit of ons daadwerklik in liefde met ander saamleef.

-------

GEBED.

VADER, leer ons asb hoe om in U Liefde te beweeg, hoe om dit uit te leef, maar meer as dit vra ons dat U ons sal leer hoe om U son oor almal te laat skyn.

In die Naam van ons Meester YESHUA, vra ons dat U enige bitterheid in ons, met U Liefde sal vervang.

Amen.

-------

Webtuiste: https://tentvansamekoms.co.za

Sel: 0716283107

NÚMERI 35:33-34 AFR53

Thu, 17 Apr 2025 04:16:41 GMT

33. En julle mag die land nie ontheilig waar julle in is nie; want die bloed ontheilig die land, en vir die land word geen versoening gedoen vir die bloed wat daarin vergiet is nie, as net deur die bloed van hom wat dit vergiet het.

34. En jy mag die land waar julle in woon, nie verontreinig nie, omdat Ek daarin woon; want Ek, die Here, woon in die midde van die kinders van Israel.

***

Kern gedeelte:

"want Ek, die HERE, woon in die midde van die kinders van Israel"

Soveel mense vra, waar is die teenwoordigheid van GOD in ons land Suid-Afrika.

Die GOD wat ons dien, is 'n GOD van orde, van onpartydige opregtheid, 'n Heilige GOD wat sy kinders lei deur die teenwoordigheid en inwerking van Sy Heilige Gees.

Maar kyk na ons land, onskuldige bloed word vergiet, chaos, korrupsie, wanorde en swak morele waardes is aan die orde van die dag.

Hierin sal ons GOD nie vind, en dinge gaan nie verander voordat ons as GOD se volk nie in eenheid opstaan en GOD se teenwoordig gaan soek deur gebed en vas nie.

Deur ons te bekeer van ons weë en GOD weer eerste te stel in alles wat ons doen.

Die Woord is duidelik:

Nader tot GOD en Hy sal tot julle nader.

Dan sal GOD se teenwoordigheid weer ervaar word, en ons land sal weer die land van melk en heuning word.

-------

GEBED.

VADER, baie mense gaan verskil met die gebed, maar as die koring op die land vrot is, brand ons dit, sodat ons kan ploeg en plant sodat U 'n nuwe seisoen nuwe oes, kan teweegbring. Ons land is vrot van moord, korrupsie, oneerlikheid en onskuldige bloed word vergiet. Laat U Wil geskied, laat die sondes van ons land op die skuldige partye neerkom sodat ons opnuut die pad saam met U kan stap.

In die Naam van ons Meester YESHUA, bid ons dat reg en geregtigheid uit U Hand sal geskied, sodat U weer in ons midde kan woon.

Amen.

•••••••

Webtuiste: https://tentvansamekoms.co.za

Sel: 0716283107

I KORINTHIËRS 3:6-8 AFR53

Wed, 16 Apr 2025 04:32:55 GMT

6. Ek het geplant, Apollos het natgemaak, maar God het laat groei.

7. So is dan hy wat plant of hy wat natmaak, niks nie, maar God wat laat groei.

8. Maar hy wat plant en hy wat natmaak, is een, maar elkeen sal sy eie loon volgens sy eie arbeid ontvang.

***

Kern gedeelte:

"maar GOD wat laat groei"

Hierdie is een van die grootste slaggate, struikelblokke of gevare in elke kind van GOD se lewe, of jy in die bediening staan of nie.

Ons raak frustreerd deur ons onvermoë om by mense in te dring, die boodskap duidelik en helder oor te dra en hulle op die pad na JESUS CHRISTUS toe te lei.

Hier is die harde waarheid, jy kan niks verander nie, niemand lei, of tot bekering bring nie.

Dit is die werk van GOD, deur die inwerking van Sy Heilige Gees.

Ons kan mense van ons Verlosser vertel, die genade van GOD wat vir elkeen beskikbaar gestel is, ons kan lewe sodat ander die Lig van ons Verlosser in ons kan sien, maar meer as dit is nie in jou hande nie.

Dit is elkeen se persoonlike keuse om tot bekering te kom, wanneer hulle GOD in hulle lewe toelaat deur JESUS CHRISTUS wat vir ons aan die kruis gesterf het.

Die Heilige sal laat groei, wanneer en soos nodig om GOD se perfekte Wil vir ons lewe te bereik.

Saai jy net die saad en beweeg aan, die bloed is nie meer op jou hande nie.

Die persoon is gewaarsku!

-------

GEBED.

VADER, wie ore het, laat hom hoor. Ons beweeg in sirkels en bedien oor en oor op dieselfde plekke, waar verandering nie deur ons gebring gaan word nie. Daarom stagneer ons, raak ons frustreerd maar ons besef nie dat dit tyd is om aan te beweeg nie. Open asb ons oë en wys vir ons wanneer dit tyd is vir verandering. Laat ons vatbaar wees vir die stem van U Heilige Gees wat ons op 'n nuwe pad gaan lei.

In die Naam van ons Meester YESHUA, bid ons vir 'n nuwe rigting in ons lewe en in ons bediening, soos U dit op ons hart geplaas het.

Amen.

•••••••

Webtuiste: https://tentvansamekoms.co.za

Sel: 0716283107

PSALMS 46:8, 11-12 AFR53

Tue, 15 Apr 2025 04:20:26 GMT

8. Die Here van die leërskare is met ons; die God van Jakob is 'n rotsvesting vir ons.

11. Laat staan en weet dat Ek God is; Ek sal hoog wees onder die nasies, hoog op die aarde.

12. Die Here van die leërskare is met ons; die God van Jakob is 'n rotsvesting vir ons.

***

Kern gedeelte:

"Laat staan en weet dat Ek GOD is"

'n Ander vertaling lees , Wees stil en weet dat ek GOD is.

Ongeag, ons hou aan karring met dit wat verby is, en ons bly terugkyk en hoop op dinge wat nooit weer sal wees nie.

GOD het jou rigting verander, en in jou beproewing, lê jou oorwinning!

Omdat ons nie erken dat GOD ons Rots en Vesting is nie, Hom nie volkome vertrou nie en stagneer in ons geloof, sal GOD jou omgewing, jou situasie en jou gemaksone vir jou verander, want daardeur sal jou oorwinning kom.

Jou beproewing baan die weg na jou oorwinning.

Laat staan die verlede, wees stil, en weet GOD is in beheer!

As jy in geloof sal bly staan, weet dan dat die Here van die Leërskare is met jou; die GOD van Jakob is 'n Rotsvesting vir jou.

Onthou moeilike tye groei karakter, en wat vandag jou stryd is, word jou boublokke na die pad van oorwinning in die dag van môre.

-------

GEBED.

VADER, ons vra dat U Heilige Gees kalmte oor ons sal bring, en dat ons sal besef dat ons was nog nooit in beheer van die situasie van vandag, of wat voorlê in die dag van môre nie. Gee asb aan ons die vermoë om te laat gaan, stil te word, en te weet dat ons GOD is in beheer.

In die Naam van ons Meester YESHUA, bid ons vir U Leiding, U Wysheid en U Insig in ons lewe.

Amen.

•••••••

Webtuiste: https://tentvansamekoms.co.za

Sel: 0716283107

MALEÁGI 2:6-8 AFR53

Mon, 14 Apr 2025 04:31:23 GMT

6. Betroubare regsleer was in sy mond, en onreg is op sy lippe nie gevind nie; in vrede en opregtheid het hy met My gewandel, en baie mense het hy van ongeregtigheid teruggebring.

7. Want die lippe van 'n priester moet kennis bewaar, en uit sy mond word onderrig gesoek, want hy is 'n boodskapper van die Here van die leërskare.

8. Maar júlle het van die weg afgewyk, julle het baie deur jul onderrig laat struikel, julle het die verbond met Levi verbreek, sê die Here van die leërskare.

***

Kern gedeelte:

"Want die lippe van 'n priester moet kennis bewaar"

Bitter min mense in vandag se tyd, spandeer nog werklik tyd in GOD se Woord, met 'n dieper soeke en behoefte na die waarheid.

Daar is soveel valsheid en verdraaide leringe daarbuite, en die volk gaan ten gronde weens 'n gebrek aan kennis.

Want ons glo net wat ons hoor, en ons bevestig nie wat die Skrifte sê nie.

Dan wonder ons hoekom die bruid van Christus, die Kerk van JESUS CHRISTUS, sy glans en glorie verloor het en die gemeenskaplike byeenkomste 'n samesang van sonde geword.

Daarom waarsku GOD die priesters in vers 9, wat sal gebeur as hulle sy Woord verdraai:

So maak Ek julle dan ook veragtelik en gering by die hele volk, omdat julle my weë nie hou nie en partydig handel by die regspraak.

-------

GEBED.

VADER, ons vra net vanoggend dat U Heilige Gees aan ons die Waarheid sal openbaar wanneer ons tyd in U Woord deurbring. Beskerm ons asb teen die dwaal leer wat die norm van ons tyd geword het. Rig ons asb in U weg van onpartydige opregtheid.

In die Naam van ons Meester YESHUA, bid ons dat die waarheid van U Woord weer tot ons sal deurdring.

Amen.

•••••••

Wetuiste: https://tentvansamekoms.co.za

Sel: +27716283107

PSALMS 100:2-4 AFR53

Fri, 11 Apr 2025 04:30:22 GMT

2. Dien die Here met blydskap; kom voor sy aangesig met gejubel.

3. Erken dat die Here God is: Hy het ons gemaak, en ons is syne, sy volk en die skape van sy weide.

4. Gaan sy poorte in met lof, sy voorhowe met lofgesang; loof Hom, prys sy Naam.

***

Kern gedeelte:

"Dien die Here met blydskap"

Ek kyk rondom my, dan sien ek hoe kinders van GOD worstel met die sake van die wêreld.

Hoe bekommernis, depressie en angstigheid, hulle van hulle lewens vreugde ontneem.

Wanneer ons meer tyd met GOD spandeer, nader aan Hom beweeg sal jy vrede ervaar wat alle verstand te bowe gaan.

As jy vanoggend voel dat alles vir jou te veel raak, weet dat jy tot alles in staat is deur JESUS CHRISTUS wat jou die krag gee.

Daarom neem die tyd wat jy in bekommernis deurbring en spandeer dit in gebed. Dank GOD vir dit wat jy het, en moenie bekommerd wees oor jou tekortkomimge nie, GOD weet reeds dat jy voorsiening en genesing nodig het.

Die kinders van die wêreld jaag agter hierdie dinge aan, maar GOD gee dit aan sy beminde in sy slaap.

-------

GEBED.

VADER, daagliks oortuig die media platforms van die wêreld ons dat ons nie goed genoeg is nie en dat ons dit nie gaan maak nie. Ons loof U nie in vreugde nie, en dien U nie met blydskap nie, omdat ons in vrees lewe en die leuens van die "verdêrwer" glo. Open asb oë sodat ons waarheid sal sien, in ons gees kalm sal wees met die wete dat ons GOD in beheer is.

In die Naam van ons Meester YESHUA, vra ons vir kalmte van gemoed en helderheid van verstand.

Amen.

•••••••

Webtuiste: https://tentvansamekoms.co.za

Sel: +27716283107

ESÉGIËL 24: 9, 11-12 AFR53

Thu, 10 Apr 2025 04:26:45 GMT

9. Daarom, so sê die Here Here: Wee die bloedstad! Ék sal ook die houtstapel groot maak.

11. En laat dit leeg op sy kole staan, dat dit warm kan word en sy koper kan gloei en sy onreinheid kan smelt in hom — sy roes verteer kan word.

12. Dit het My met moeite oorlaai, en sy baie roes gaan nie van hom af nie. Sy roes moet die vuur in!

***

Kern gedeelte:

"Sy roes moet die vuur in!"

As kind het ek dikwels hierdie woorde by my ma gehoor, vat die pot en gaan brand hom skoon.

Jy kan skuur tot vervelens toe aan daardie pot, maar die roes het bly sit en wanneer jy kos probeer kook, trek die roes in die kos in.

So is ons lewens ook maar dieselfde, GOD kan skuur aan ons lewe deur die inwerking van Sy Heilige Gees, maar as ons verhard geraak het, die roes van sonde te veel is, is daar net een manier.

Ons moet deur die vuurproef van die lewe gaan, en dit is eers wanneer ons daardeur is, dat ons besef hoe vuil en vol roes ons lewens eintlik was.

GOD praat en dit sal kom, want ons GOD is nie net 'n GOD van barmhartigheid nie, maar ons GOD is ook 'n verterende vuur.

Daar lê vanoggend twee paaie voor ons oop, die pad van bekering, deur JESUS CHRISTUS, of die pad wat deur die vuuroond van die lewe gaan, waar die roes van die sonde uit ons lewens weggebrand moet word, sodat ons weer bruikbaar voor GOD kan staan.

-------

GEBED.

VADER, dit is in ons menslike natuur dat ons eers moet voel, voor ons sal luister. Mag ons vandag by hierdie vurk in die pad, die regte besluit maak, die besluit van bekering en Verlossing deur U Seun. Laat ons skoon kom, voor ons roes van sonde ook in ander se lewens sal begin inwerk.

In die Naam van ons Meester YESHUA, bid ons dat U Woord vandag, die Lamp vir ons voet en die Lig vir ons pad sal wees.

Amen.

•••••••

Webtuiste: https://tentvansamekoms.co.za

Sel: +27716283107

EXODUS 20:1, 3, 6 AFR53

Wed, 09 Apr 2025 04:05:36 GMT

1. TOE het God al hierdie woorde gespreek en gesê:

3. Jy mag geen ander gode voor my aangesig hê nie.

6. en Ek bewys barmhartigheid aan duisende van die wat My liefhet en my gebooie onderhou.

***

Kern gedeelte.

"Jy mag geen ander gode voor my aangesig hê nie"

Elke mens, ongeag in watter stand van die lewe, het 'n soeke na iets, 'n liefde vir dit wat hom dryf.

Maar hier is die waarheid, as jy nie GOD liefhet nie, sal jy iets anders liefhê.

En enige iets wat ons bo GOD stel, is 'n afgod.

Ek gaan nie vanoggend weer alles lys nie want elkeen wat hierdie boodskap lees of luister, weet wat in hulle lewe aan die gang is, hulle weet wat is die dinge wat hulle bo GOD stel.

GOD se Woord is duidelik, jou moet die HERE jou GOD liefhê met jou hele hart, jou hele siel en jou hele verstand.

Kom ons onthou gerus hierdie Engelse stelling:

If GOD is anything to you, then HE is everything to you, but if GOD is not everything to you, then HE is not anything to you.

-------

GEBED.

VADER, ek staan vanoggend in nederigheid voor U, met die besef in my hart dat ek nog steeds soveel dinge in my lewe voor U stel. Ons hoef net te kyk na die begeertes van die oë, na die dinge wat ons gedagte-gang beheer, en ons aan die wêreld vasmaak. As ons soek sal ons vind, en hierdie antwoord is voor die hand liggend.

In die Naam van ons Meester YESHUA, bid ons vir die waarheid, want die waarheid sal ons vrymaak.

Amen.

•••••••

Webtuiste: https://tentvansamekoms.co.za

Sel: +27716283107

I KORINTHIËRS 6:9-10 AFR53

Tue, 08 Apr 2025 04:24:04 GMT

9. Of weet julle nie dat die onregverdiges die koninkryk van God nie sal beërwe nie?

10. Moenie dwaal nie! Geen hoereerders of afgodedienaars of egbrekers of wellustelinge of sodomiete of diewe of gierigaards of dronkaards of kwaadsprekers of rowers sal die koninkryk van God beërwe nie.

***

Kern gedeelte:

Moenie dwaal nie!

Hierdie is nie net 'n waarskuwing nie, maar 'n waarskuwing met 'n uitroep teken!

Waar is GOD in ons land, vra mense my, dat Hy toelaat dat alles so ten gronde gaan.

Ek antwoord die vraag met 'n vraag, wys my GOD se teenwoodigheid in jou huis, jou lewe, en ek wys jou GOD se teenwoordigheid in ons land.

Ons soek GOD se teenwoordigheid waar dit ons pas, maar ons keur alles goed, wat teen Sy Woord staan.

As jy met my verskil, gaan raak stil en kyk met 'n streng oordeel wat jy in jou huis, jou huwelik, jou gesin en lewe toelaat.

Waar jy nog dinge toelaat, wat teen GOD se Woord staan, sal jy die oordeel dra, want jy is nog deel van die misleiding van hierdie wêreld.

Die dag wanneer ons as GOD se volk in hierdie land in eenheid tot GOD terugkeer, sal die herstel begin!

Dan sal die eenheid wat GOD se Woord bring, ons weer saamvoeg en ons land die ligpunt van hierdie wêreld maak!

Moenie dwaal nie, en moet jouself nie laat mislei nie.

Die Woord van GOD is baie duidelik.

-------

GEBED.

VADER, ons word deur die leiers mislei, die priesters het soos die volk geword, en die media het die sonde so normaal en aanvaarbaar gemaak dat ons nie meer die verskil sien nie, dat ons oordeel van so aard aangetas is, dat ons dit in ons huise, gesinne en lewens goedkeur. Ons bid vandag slegs dat U Heilige Gees ons oë sal open, sodat ons die waarheid kan sien. Laat ons nie verder dwaal nie!

In die Naam van ons Meester YESHUA, bid ons vir 'n gees van onderskeiding wat die verskil tussen waarheid en dwaling kan sien.

Amen.

•••••••

Webtuiste: https://tentvansamekoms.co.za

Sel: +27716283107

I KRONIEKE 19:12-13 AFR53

Mon, 07 Apr 2025 04:26:52 GMT

12. En hy het gesê: As die Arameërs vir my te sterk word, dan moet jy my te hulp kom, en as die kinders van Ammon vir jou te sterk word, sal ek jou te hulp kom.

13. Wees sterk en laat ons saam moedig wees vir ons volk en vir die stede van onse God. Mag die Here dan doen wat goed is in sy oë!

***

Kern gedeelte:

Mag die HERE dan doen wat goed is in Sy oë!

Daar gaan 'n tyd kom wat die oormag voor jou groot is, die situasie voor jou baie moeilik lyk.

Moenie huiwer nie, moenie twyfel nie, neem die besluit, berei jou deeglik voor, en doen alles wat menslik moontlik is.

Vra ander om jou te help, net soos wat jy ook bereid moet wees om op die regte tyd hulp aan ander te verleen.

Die res van die saak, los jy dan in GOD se hande, laat Sy Wil geskied, want jou sukses, jou oorwinning sal nie deur die hand van vlees wees nie, maar deur die Hand van GOD wat die onmoontlike, moontlik maak.

Beweeg in geloof, en jy sal aanskou hoe GOD jou vooruitgaan, jou oorwinning bewerkstellig.

-‐-----

GEBED.

VADER, hier waar ons vandag staan, lyk die situasie onmoontlik, lyk die oormag te groot. Maar ons weet dat ons hulp nie van die wêreld sal kom nie, maar deur die reddende regterhand van GOD. Laat ons egter besef dat ons ook 'n deel het om te doen. Ons moet deeglik voorberei, ons moet ons deel doen, ons beplanning moet tot oorwinning wees, en ons moet nie vir die nederlaag voorberei nie. Ons moenie die stryd gewonne gee, nog voor ons begin het nie.

In die Naam van ons Meester YESHUA, plaas ons die saak van sukses, die saak van oorwinning in U Hand.

Amen.

•••••••

Webtuiste: https://tentvansamekoms.co.za

Sel: +27716283107

MATTHÉÜS 5:39-41 AFR53

Fri, 04 Apr 2025 04:24:58 GMT

39. Maar Ek sê vir julle dat julle 'n slegte mens nie moet weerstaan nie; maar as iemand jou op jou regterwang slaan, draai ook die ander een na hom toe.

40. En hy wat met jou na die gereg wil gaan en jou onderkleed wil neem, laat hom ook die bo-kleed kry.

41. En elkeen wat van jou een myl afdwing, loop met hom twee myl saam.

***

Kern gedeelte:

"loop met hom twee myl saam"

Elke dag kom ons mense teë wat daarop uit is om ons lewe moeilik te maak, oneerlik, lewe net vir hulleself, skelm of manipulerend, ongeag moenie deel word van hulle lewens spel nie.

So dikwels wil ons rondloop met die "ek sal hom wys" gesindheid terwyl GOD eintlik die persone oor jou pad gebring, sodat hulle van GOD's Woord kan leer.

Sodat hulle die gesindheid en handelinge van ons Verlosser JESUS CHRISTUS ook in jou sal sien.

Moenie aan hierdie wêreld gelykvormig word nie, maar staan vas in jou geloof's beginsels en vertrou GOD om jou die nodige leiding te gee hoe om elke situasie te hanteer.

Laat die onuitblusbare Lig van ons Verlosser deur jou skyn vir die wêreld om te sien.

-------

GEBED.

VADER, ons wil so graag reg in eie hande neem, terwyl ons eerder soos Hiskia, elke saak voor U voete moet bring, daar moet plaas en vir U los om daarmee te deel. Laat ons die "eie ek" wat alles op my manier wil hanteer tot ruste sal lê en begin luister na die inspraak van U Heilige Gees. Gee ons asb die krag om nie die "verderwer" toe te laat om sake deur agressie te vererger nie. Laat ons nie brandstof op 'n reeds brandende vuur gooi nie.

In die Naam van ons Meester YESHUA, bid ons vir kalmte van gemoed, vir U vrede wat alle verstand te bowe gaan.

Amen.

•••••••

Webtuiste: https://tentvansamekoms.co.za

Sel: +27716283107

I KRONIEKE 17:5 AFR53

Thu, 03 Apr 2025 04:25:43 GMT

5. Ek het tog in geen huis gewoon van die dag af dat Ek Israel laat optrek het tot vandag toe nie, maar Ek het gekom van tent tot tent, en van tabernakel tot tabernakel.

***

Kern gedeelte:

"maar Ek het gekom van tent tot tent"

Ons dien nie 'n Lewende GOD nie, maar DIE LEWENDE GOD, want daar is net een, en daar is net een Verlossings Plan en dit is deur Sy Seun JESUS CHRISTUS.

As hierdie besef en gedagte jou nie geestelik beheer nie, dan soek jou nog na GOD op die verkeerde plekke.

Ons GOD is 'n persoonlike GOD, 'n al-om teenwoordige GOD wat jou ken in al jou weë, en weet wat jy gaan doen nog voor dit in jou gedagtes opkom.

Dikwels gaan soek ons na GOD in ander plekke, in die teenwoordigheid van ander mense, terwyl Hy dit aan Dawid duidelik gemaak het dat Hy het gekom van tent tot tent.

GOD beweeg vandag nog van huis tot huis, maar daar is vir Hom nie meer plek nie, omdat ons huise, ons lewens gevul is met die mense, die gewoontes en die weë van hierdie wêreld.

•••••••

GEBED.

VADER, U Woord sê, die vurige gebed van die regverdige het groot krag en, U seëninge rus op die huis van die regverdige. Ons probeer U in ons huis en lewe in nooi, terwyl dit oorloop van wêreldse ongeregtigheid. Dankie dat U, U Seun gegee het wat vir ons sonde aan die kruis gesterf het, sodat ons tot bekering kan kom, ons sondes bely en vra dat U Heilige Gees ons sal lei op die pad van onpartydige opregtheid. Maak asb ons lewe en huise skoon, dat U nie by ons sal verbygaan nie.

In die Naam van ons Meester YESHUA, bid ons vir siele tot bekering.

Amen.

•••••••

Webtuiste: https://tentvansamekoms.co.za

Sel: +27716283107

I KRONIEKE 16:43 AFR53

Wed, 02 Apr 2025 04:15:44 GMT

43. En toe die hele volk elkeen na sy huis gegaan het, het Dawid omgedraai om sy huisgesin te seën.

****

Kern gedeelte:

"het Dawid omgedraai om sy huisgesin te seën"

Vanoggend se boodskap is maar kort, en is dalk meer 'n vraag as 'n boodskap?

Wanneer laas het jy omgedraai om jou huisgesin te seën?

Ons raak so besig met die dinge van hierdie wêreld dat ons nie eers omdraai om te kyk na ons eie gesinne wat agter ons staan, ons ondersteun en wat opkyk na ons nie.

Die wereld is so vol kritiek, oordeel, en naywer dat jou gesin, jou ondersteunings netwerk, nie ook jou uitbarsting, woede en oordeel nodig het nie, maar eerder jou begrip, ondersteuning en die seëninge van GOD wat jy oor hulle lewe spreek.

Ek vra weer, wanneer laas het jy omgedraai om jou huisgesin te seën?

-------

GEBED.

VADER, lewe en dood is in die mag van die tong en ons spreek meer dood as lewe oor ons eie gesinne, en daar is geen verskil tussen ons spraak en die oordele van hierdie wêreld nie. Daarom klink ons gesinne ook soos die mense van die wêreld want hulle word deur ons voorbeeld gelei. Verander asb ons spraak van oordele na seëninge in U Naam.

In die Naam van ons Meester YESHUA, bid ons woorde van seëninge, woorde van lewe in ons mond.

•••••••

Webtuiste: https://tentvansamekoms.co.za

Sel: +27716283107

HANDELINGE 4:11-12 AFR53

Tue, 01 Apr 2025 04:26:28 GMT

11. Hy is die steen wat deur julle, die bouers, verag is, wat 'n hoeksteen geword het.

12. En die saligheid is in niemand anders nie, want daar is ook geen ander naam onder die hemel wat onder die mense gegee is, waardeur ons gered moet word nie.

***

Kern gedeelte:

"En die saligheid is in niemand anders nie"

As jy vanoggend nog enige twyfel in jou hart het, wil ek dit helder en duidelik bevestig!

Dit wat jy tans voor bid, jou oplossing, jou deurbraak, jou genesing, die wonderwerk wat jy tans op wag sal net op een manier, deur een Naam bewerkstellig word, en dit is deur gebed tot GOD, in die Naam van JESUS CHRISTUS.

As jy vanoggend nog glo dat dit nie moontlik is nie, nog gryp na grashalms, jou hoop en uitkoms op die arm van vlees stel, dan is jy op die verkeerde pad.

Weet, dat die gebed van die regverdige het groot krag, en jou gebed kan jou omstandige skud, verandering in jou lewe inforseer, deur GOD se Wil.

Maar niks gaan gebeur, as die verandering nie by ons begin nie, as ons nie in gebed tot GOD nader, en bid in die Naam bo alle Name nie, die een Naam wat ook jou lewe sal verander.

Stel dit op die proef, en sien hoe sake verander, sien hoe jou twyfel, jou getuienis word.

-------

GEBED.

VADER, ons twyfel is die fondasie en boublokke van ons huidige omstandighede, en ons besef nie die krag van gebed nie. In U Woord lees ons dat die gebed van die regverdige het groot krag. Laat ons eers voor ons eie deur vee, eers ons eie huis in orde kry, sodat ons in onpartydige opregtheid tot U kan nader, dat ons U perfekte Wil vir ons lewe sal verstaan. Laat ons gebed ons boublokke van geregtigheid word.

In die Naam van ons Meester YESHUA, spreek ons lewe oor elke negatiewe situasie, spreek ons Sy Lig in elke donker aspek van jou lewe in.

Amen.

•••••••

Webtuiste: https://tentvansamekoms.co.za

Sel: +27716283107

HANDELINGE 4:11-12 AFR53

Mon, 31 Mar 2025 04:26:26 GMT

11. Hy is die steen wat deur julle, die bouers, verag is, wat 'n hoeksteen geword het.

12. En die saligheid is in niemand anders nie, want daar is ook geen ander naam onder die hemel wat onder die mense gegee is, waardeur ons gered moet word nie.

***

Kern gedeelte:

"En die saligheid is in niemand anders nie"

As jy vanoggend nog enige twyfel in jou hart het, wil ek dit helder en duidelik bevestig!

As jy vanoggend nog glo dat dit nie moontlik is nie, nog gryp na grashalms, jou hoop en uitkoms op die arm van vlees stel, dan is jy op die verkeerde pad.

Weet, dat die gebed van die regverdige het groot krag, en jou gebed kan jou omstandige skud, verandering in jou lewe inforseer, deur GOD se Wil.

Maar niks gaan gebeur, as die verandering nie by ons begin nie, as ons nie in gebed tot GOD nader, en bid in die Naam bo alle Name nie, die een Naam wat ook jou lewe sal verander.

Stel dit op die proef, en sien hoe sake verander, sien hoe jou twyfel, jou getuienis word.

-------

GEBED.

In die Naam van ons Meester YESHUA, spreek ons lewe oor elke negatiewe situasie, spreek ons Sy Lig in elke donker aspek van jou lewe in.

Amen.

•••••••

Webtuiste: https://tentvansamekoms.co.za

Sel: +27716283107

EFÉSIËRS 5:14-17 AFR53

Fri, 28 Mar 2025 04:28:53 GMT

14. Daarom sê Hy: Ontwaak, jy wat slaap, en staan op uit die dode, en Christus sal oor jou skyn.

15. Pas dan op dat julle nougeset wandel, nie as onwyse nie, maar as wyse;

16. en koop die tyd uit, omdat die dae boos is.

17. Daarom moet julle nie onverstandig wees nie, maar verstaan wat die wil van die Here is.

***

Kern gedeelte:

"Koop die tyd uit"

Sedert gistermiddag druk hierdie boodskap swaar op my hart, en vanoggend het ek hiermee wakker geword.

Ons leef in 'n era waar "tyd" ons kosbaarste kommoditeit is, en geen geld kan dit koop nie.

Ons almal weet dit, maar soos 'n volstruis met sy kop in die sand, probeer ons hierdie realiteit miskyk.

Soos die Engelse lied sê, "You've gotta stop, and smell the roses".

Gaan luister gerus na die lied en dan besef jy, minder is meer, ons moet ons seëninge begin tel, en aandag skenk aan dit wat geld nie kan koop nie.

Tyd saam met GOD, jou vrou, jou kinders en familie.

Nie een van die wêreld se mense gaan bydrae tot jou ewigheids plan nie, en jou naaste familie en vriende gaan jou afsien op jou begrafnis.

Ek sê weer, Koop Die Tyd Uit.

Môre is jou nie gewaarborg nie!

-------

GEBED.

VADER, ons besef nie altyd die hoe kosbaar tyd is nie. Ons bly kibbel, baklei en bemoei ons met die dinge wat verdeeldheid instede van eenheid bewerkstellig. Ons jaag agter die wêreld aan asof die dag van môre vir ons gewaarborg is. Help ons asb om vanoggend tot stilstand te kom, sodat ons weer besef wie en wat belangrik is, wat het ewigheids waarde en wat is 'n gejaag na wind.

In die Naam van ons Meester YESHUA, bid ons vir dieper insig sodat ons sal verstaan wat die wil van die HERE is.

Amen.

•••••••

Webtuiste: https://tentvansamekoms.co.za

Sel: +27716283107

LUKAS 24:48-49 AFR53

Thu, 27 Mar 2025 04:27:20 GMT

48. En julle is getuies van hierdie dinge.

49. En kyk, Ek stuur die belofte van my Vader op julle. Maar julle moet in die stad Jerusalem bly totdat julle toegerus is met krag uit die hoogte.

***

Kern gedeelte:

"totdat julle toegerus is met krag"

Ons kan nie beweeg as ons nie toegerus is met die krag van GOD nie, en ook kan die Heilige Gees vir 'n tyd van ons ontrek, as ons volhard om slegs die weë van die wêreld te volg en elke versoeking van die "verderwer" na te jaag.

Ook in my lewe was daar 'n tyd wat ek die keuse moes maak, wie ek in my tempel, my gedates, wil en emosie toelaat.

Eers nadat ek gekies het om GOD bo alles te stel, om Hom voluit te dien en toe te laat dat Hy my lewe rig volgens Sy Wil en Sy Weg, kon ek weer die teenwoordigheid van GOD se Heilige Gees ervaar.

As jy vanoggend in die donker is, verlore voel in hierdie wêreld, weet dat jou Verlosser leef, en jou gebed sal vir jou die deure oopmaak sodat jy weer jou pad na Sy Lig sal vind.

Jy is nie alleen nie, GOD is met jou, en waar jou menslike krag op 'n einde gekom het, begin die Wonderwerkende Krag van GOD eers in jou lewe werk.

-------

GEBED.

VADER, vir ons sal dit beter wees om te wag totdat ons toegerus is met U Krag voor ons onself weer begewe in die keuses, die doolhof van hierdie wêreld, waardeur slegs U Heilige Gees ons kan lei. Neem ons asb vandag aan die hand en lei ons terug na die pad van Verlossing, deur U seun.

In die Naam van ons Meester YESHUA, bid ons vir die inwerking van U Heilige Gees in ons lewe.

Amen.

•••••••

Webtuiste: https://tentvansamekoms.co.za

Sel: +27725104040

HEBREËRS 13:4 AFR53

Wed, 26 Mar 2025 04:52:55 GMT

4. Laat die huwelik in alle opsigte eerbaar wees en die bed onbesmet; want God sal hoereerders en egbrekers oordeel.

***

Kern gedeelte:

"want GOD sal hoereerders en egbrekers oordeel"

Die oordeel van GOD gaan nie een van ons mis, omdat ons deur skynheiligheid met die woord van GOD op ons lippe loop, en die kerkbanke volsit om deur ander mense raakgesien te word nie.

As jy tans besig is met hoerery, weet dat sonde se betaaldag ook vir jou sal aanbreek.

As jou oë dwaal, jy in jou gedagtes begeer, weet net dat jy is reeds skuldig hieraan, want jy beweeg met die gees van wellus in jou hart.

As die boodskap vanoggend vir jou tot aanstoot is, moenie my blameer nie, maar gaan soek die onderliggende rede.

As jy tot GOD bid in onpartydige opregtheid, sal die Heilige Gees van GOD, die wortel van die probleem aan jou openbaar.

Miskien troos jy jouself deur te sê, maar ons bly net saam.

Gaan lees die Woord van GOD baie aandagtig deur, en die realiteit van jou saambly verskoning sal op jou neerdaal.

Ek wys nie vingers nie, maar die Woord van GOD het geen grys areas nie.

Laat die huwelik in alle opsigte eerbaar wees en die bed onbesmet; want GOD sal hoereerders en egbrekers oordeel.

-------

GEBED.

VADER, elke dag kom versoeking oor ons pad in verskillende vorme, die TV se programme wat die beelde in ons en ons kinders se keel afdruk. Die selfone wat die mense beheer, waar pornografie in die palm van ons hand is, en die verleiers en verleidster van hierdie wêreld ons probeer oortuig dat dit net 'n daad van gemeenskap is, en geen skade kan doen nie. Laat ons sonder twyfel besef dat hoerery, sonde teen ons eie ligaam is.

In die Naam van ons Meester YESHUA, bid ons vir oorwinning oor die gees van wellus.

Amen.

•••••••

Webtuiste: https://tentvansamekoms.co.za

Sel: +27716283107

HEBREËRS 12:14-15 AFR53

Tue, 25 Mar 2025 04:25:48 GMT

14. Jaag die vrede na met almal, en die heiligmaking waarsonder niemand die Here sal sien nie;

15. en pas op dat niemand in die genade van God veragter nie; dat geen wortel van bitterheid opskiet en onrus verwek en baie hierdeur besoedel word nie.

***

Kern gedeelte:

"dat geen wortel van bitterheid opskiet"

Of jy 'n plaasboer is, of net 'n tuinier of iemand wat net met saad plant eksperimenteer, sal jy duidelik verstaan dat as jy Pampoen saad plant, gaan dit Pampoene voortbring.

As die plant wortel skiet, begin groei, weet jy dat dit kunsmis en water nodig het om die groei siklus te voltooi.

Ons wil bitterheid en onvergifnis plant en verwag dat dit vrede, vreugde en geluk sal voortbring.

Dit werk egter nie so nie, wat jy voed en koester, gaan jou lewens-oes word, en jou tafel van nagevolg sal daarmee gedek word.

Pasop, wees versigtig, tyd verander jou karakter, en sonder dat jy dit besef word jy meer en meer soos die persoon teen wie jy die wrok dra.

As jy my nie glo nie, gaan sit stil en dink, waar kom jy vandaan, en hoe het hierdie saak van bitterheid en onvergifnis reeds jou lewe, jou denkwyse, jou optrede teenoor ander en jou uitkyk op die toekoms verander?

Jy sien GOD nie meer nie, maar net die bitter donkerheid van hierdie wêreld!

Laat gaan, vergewe, sodat GOD jou ook kan vergewe en hierdie sluier van donker bitterheid, van jou kan verwyder.

-------

GEBED.

VADER, elkeen van ons loop met een of ander on-afgehandelde saak, 'n saak van bitterheid of onvergifnis in ons rond. Ons verwagting is 'n GOD geseënde oes van vrede, vreugde en voorspoed, maar ons voed daagliks die onkruid in ons lewe, die dinge wat ons oes verdruk en verdring. Laat ons nie blind wees vir die skade wat ons, onself aandoen nie. Laat ons vandag bely, nie verder die verderf in ons lewe sal voed nie. Laat ons vandag onself en ander vergewe, aanbeweeg sodat ons oes deur U geseën kan word.

In die Naam van ons Meester YESHUA, bid ons vir die krag en vrede om ander te kan vergewe.

AMEN.

•••••••

Webtuiste: https://tentvansamekoms.co.za

Sel: +27716283107

I KORINTHIËRS 10:12-13 AFR53

Mon, 24 Mar 2025 04:19:07 GMT

12. Daarom, wie meen dat hy staan, moet oppas dat hy nie val nie.

13. Geen versoeking het julle aangegryp behalwe 'n menslike nie; maar God is getrou, wat nie sal toelaat dat julle bo julle kragte versoek word nie; maar Hy sal saam met die versoeking ook die uitkoms gee, sodat julle dit sal kan verdra.

****

Kern gedeelte:

"maar Hy sal saam met die versoeking ook die uitkoms gee"

In die sirkel van die lewe sal jy herhaaldelik versoek word totdat jy hierdie versoeking, hierdie sonde waarmee jy worstel, oorkom het.

En die oorwinning oor die sonde is eenvoudig, maar ons kan die oplossing nie sien nie, omdat die duisternis nog oor ons heers.

Dit is eers wanneer ons JESUS CHRISTUS in ons lewe in nooi, dat Sy Lig, die waarheid na vore sal bring, vir ons wys dat deur volharding in gebed, standvastigheid in geloof, en die keuse om jou weg te draai van die sonde, die oorwinning sal bring.

Maar as jy vanoggend nog in hardkoppigheid bly staan, gedurigdeur die fout by ander gaan soek, en nie erken dat jy 'n probleem het nie, dan meen jy dat jy nog staan, terwyl jou val reg voor die deur is!

Die dag van môre is nie vir een van ons gewaarborg nie, los alles waarmee jy besig is, sorteer dit wat op jou hart is vandag met GOD uit want môre is dalk te laat.

Onthou "Geen versoeking het julle aangegryp behalwe 'n menslike nie"

-------

GEBED.

VADER, geen mens is so blind soos 'n mens wat nie wil sien nie. Paulus het ook blind deur die lewe gegaan, geglo dat dit wat hy doen reg was, totdat U Lig hom omstraal het op die pad na Damaskus. Deur U Lig en U teenwoordigheid in sy lewe kon hy tot die waarheid kom en kon hy hom wegdraai van sy weë en die pad volg wat U vir hom uitgelê het.

In die Naam van ons Meester YESHUA, bid ons dat die skille van sonde vanoggend van ons oë sal afval sodat ons, ons eie sonde sal raaksien en sal bely voor U.

Amen.

•••••••

Webtuiste: https://tentvansamekoms.co.za

Sel: +27716283107

SPREUKE 27:17, 19 AFR53

Fri, 21 Mar 2025 08:23:57 GMT

17. Yster slyp yster, so slyp die een mens die persoon van die ander.

19. Soos in die water aangesig teenoor aangesig is, so is die hart van die mens teenoor die mens.

***

Kern gedeelte:

"so slyp die een mens die persoon van die ander"

Nie een van ons ken die Weg van GOD of verstaan die perfekte Wil van GOD in ons lewe nie.

Wat ek wel verstaan is dat nie elke mens wat in ons lewe geplaas word of met wie ons paaie kruis, tot ons seëning sal wees of ons lewe tot voordeel sal verryk nie.

Sekere mense sal deur die "verderwer" op jou pad gebring word om jou tot verderf te lei.

Ander sal deur GOD in jou lewe geplaas word, miskien tot jou seëning, sodat jou huis deur hulle geseën kan word, maar ook die teenoorgestelde kan gebeur!

Die persoon wat in jou lewe geplaas is, kan jou dalk tot straf wees, om die "eie ek" in jou te verwyder sodat jy eendag sal besef, wie jou GOD is en deur wie jou Verlossing tot by die deur van jou hart gekom het.

Hoe dit ook al mag wees, onthou altyd:

Yster slyp yster, so slyp die een mens die persoon van die ander.

--------

GEBED.

VADER, ons paaie kruis daagliks met vele mense en soms is die ervaring minder aangenaam, maar nietemin, ons weet dat elke ontmoeting 'n doel het. Ons vra dat U Heilige Gees met ons sal wees en sal openbaar of die ontmoeting ten goede of ten slegte sal wees en laat ons keuses deur U gerig word. Laat ons ook asb besef, dat nie alle slange pik met die eerste oogopslag nie, maar soek eers 'n plek om nes te maak.

In die Naam van ons Meester YESHUA, bid ons vir U hand van beskerming oor ons huise en ons gesinne.

Amen.

•••••••

Webtuiste: https://tentvansamekoms.co.za

Sel: +27716283107

ESÉGIËL 20:39 AFR53

Thu, 20 Mar 2025 04:29:24 GMT

39. Maar julle, o huis van Israel, so sê die Here Here: Gaan weg en dien elkeen sy drekgode; maar hierná — sekerlik sal julle na My luister en my heilige Naam nie meer ontheilig met julle offergawes en julle drekgode nie.

***

Kern gedeelte:

"maar hierná"

Voor die opstaan moet die val kom, en die verdeeldheid sal eers verskillende paaie met ons stap voordat ons eenheid in GOD sal vind.

Daarom is die boodskap baie duidelik, sonder enige misverstand.

Gaan weg en dien elkeen sy drekgode, maar weet dit, as daar van ons land niks meer oor is nie, en dit wat die wêreld ons bied lê in die as verbrand, dan sal ons weet dat GOD nog altyd hier was, maar ons het Hom nooit gesoek nie.

Dan eers sal ons GOD in eenheid begin soek, dan sal GOD ons by die hand neem, ons land herstel en dan sal Suid-Afrika die Ligpunt van hierdie wêreld word.

Wanneer GOD die vuur van herlewing in ons land aan die brand steek, sal geen wereldse sisteem dit onderdruk, en geen werke van die "verderwer" sal daarteen staan nie.

Maar intussen, kies maar solank waarmee jy, jou en jou gesin gaan besig, maar ek en my huis, ons sal die HERE dien.

-------

GEBED.

VADER, ons weet dat ons lewe is eintlik maar die som van ons keuses, en die keuse wat ons vandag maak, bepaal die toekoms pad wat ons gaan stap. Ons kan kies of ons die pad na die beloofde land saam met U gaan stap, en of ons nog steeds gaan dwaal saam met ons drekgode deur die woestyn. Open asb ons oë vir die waarheid.

In die Naam van ons Meester YESHUA, bid ons dat U ons sal wys watter keuses ons vandag moet maak.

Amen.

•••••••

Webtuiste: https://tentvansamekoms.co.za

Sel: +27716283107

MATTHÉÜS 6:32-33 AFR53

Wed, 19 Mar 2025 03:46:33 GMT

32. Want na al hierdie dinge soek die heidene; want julle hemelse Vader weet dat julle al hierdie dinge nodig het.

33. Maar soek eers die koninkryk van God en sy geregtigheid, en al hierdie dinge sal vir julle bygevoeg word.

***

Kern gedeelte:

"en sy geregtigheid"

Wie 'n oor het, laat hom hoor!

Daagliks sien ek, kom ek in aanraking met mense wat slegs die gedeeltes van GOD se Woord verklaar, spreek en verdraai soos dit hulle pas.

Nee, ek oordeel nie, ek het my eie foute en tekortkomeninge en as ek een vinger na jou toe wys, wys daar drie vingers terug na my toe.

Maar dit verander niks aan die saak nie, jy kan nie met GOD se Woord op jou lippe loop terwyl jy mense rondom jou verdruk en vertrap nie.

GOD se Woord is duidelik:

"soek eers die koninkryk van God en sy geregtigheid"

Seën, en jy sal geseën word.

Gee, en vir jou sal gegee word.

Behandel ander, soos jy graag behandel wil word.

Neem 'n oomblik van stilte, gaan lees Eségiël 18 vanaf vers 4-9 en Exodus 20.

Gaan kyk dan in die spieël, antwoord jou eie vrae, jy weet wat die waarheid is.

-------

GEBED.

VADER, vanoggend besef ek opnuut dat die teenoorgestelde van heilig, is skynheilig. Soveel mense wil graag ander mense behaag maar ons vrees U nie, terwyl ons siele oppad is na ewige verderf. Laat U Heilige Gees vanoggend die waarhede van ons eie karakter op ons uitstort sodat ons sal verstaan wanneer U deur U Woord vir ons sê, wees heilig, want "EK" is Heilig.

In die Naam van ons Meester YESHUA, bid ek dat U Heilige Gees ons sal skoonwas van die leuens wat ons vir onself vertel.

Amen.

•••••••

Webtuiste: https://tentvansamekoms.co.za

Sel: +27716283107

I KRONIEKE 14:14, 16 AFR53

Tue, 18 Mar 2025 04:30:20 GMT

14. Toe raadpleeg Dawid God weer, en God het aan hom gesê: Jy moet nie agter hulle aan optrek nie; trek om, van hulle af weg, en val hulle vlak voor die balsembosse aan.

16. En Dawid het gedoen soos God hom beveel het, en hulle het die leër van die Filistyne verslaan van Gíbeon af tot by Geser.

***

Kern gedeelte:

"En Dawid het gedoen soos God hom beveel het"

Wat is die doel van gebed?

Ons vra vir GOD se Wil en Sy Leiding in ons lewe.

Ons faal egter in twee areas in ons lewe, die eerste is wanneer GOD ons antwoord op gebed dat ons "A" moet doen, maar omdat ons, ons ons eie wil doen en op eie insig beweeg, gaan doen ons "B".

Waarom dan in die eerste plek tyd mors om te bid as jy nie bereidwillig is om in GOD se plan vir jou lewe te beweeg nie.

Tweedens kan ons nie vir sonde, ons eie begeertes, wellus en wêreldse verleiding bid nie!

In alles het Dawid GOD geraadpleeg, en GOD het hom gelei, oorwinning gegee en gedurigdeur groter gemaak.

Maar ons weet ook dat die een area waar Dawid, GOD nie geraadpleeg het, het tot 'n diep sonde gelei, toe hy het by Betseba ingegaan en haar man met die swaard laat vermoor het.

Daarom het GOD die nooit weer die swaard van sy huis verwyder nie.

Oorwinning en neerlaag word ons voorgehou, maar ons moet kies of ons GOD gaan raadpleeg in hierdie saak.

-------

GEBED.

VADER, gee asb ons aan 'n hart van gehoorsaamheid, wat binne U Wil kan beweeg. Laat ons nooit weer op ons eie insig steun maar tot U sal nader in gehoorsaamheid in elke saak.

In die Naam van ons Meester YESHUA, bid ons vir GOD geleide keuses in ons lewe.

Amen.

••••••••

Webtuiste: https://tentvansamekoms.co.za

Sel: +27716283107

I KRONIEKE 11:7-9 AFR53

Mon, 17 Mar 2025 04:27:07 GMT

7. En Dawid het in die bergvesting gaan woon; daarom noem hulle dit die stad van Dawid.

8. En hy het die stad rondom opgebou van Millo af tot by die omtrek; en Joab het die orige deel van die stad herstel.

9. En Dawid het gedurigdeur groter geword, en die Here van die leërskare was met hom.

***

Kern gedeelte:

"En Dawid het gedurigdeur groter geword"

Hou op twyfel, Moenie vandag na jou vertrek punt kyk nie, want jy is nog nie waar jy moet wees nie.

Jou huidige situasie of posissie is nie is nie wat GOD vir jou beplan het nie, want as jy aan GOD getrou bly sal jy ook gedurigdeur net groter word.

Daarom bevestig GOD in Sy Woord wanneer Hy sê:

Want Ék weet watter gedagtes Ek aangaande julle koester, spreek die Here, gedagtes van vrede en nie van onheil nie, om julle 'n hoopvolle toekoms te gee.

Jou huidige en toekomstige probleme en struikelblokke sal jou tot groei en versterking dien, maar jy het nodig om jou gesindheid te verander.

My ma het die uitgangs punt gehad, dat wat jou nie doodmaak nie, maak jou net sterker.

Daarom staan vas, staan sterk want GOD sal jou deurdra jou verhoog en Hy sal jou tafel dek teenoor jou teënstanders.

Moenie vir 'n oomblik twyfel nie, maar dank GOD, loof en prys Hom dat die oorwinning reeds joune is.

-------

GEBED.

VADER, dit is nie binne ons gedagte-gang of vermoë om die toekoms te sien wat U vir ons beplan nie. Ons word beperk deur ons eie vrese wat ons lam lê, en ons hoopvolle toekoms word deur die "verderwer" van ons gesteel. Dankie dat ek vandag, te midde van vrese en probleme kan opstaan, die "wêreld" in die oë kyk, en verklaar dat hierdie is nie my eindpunt nie, maar my vertrek punt.

In die Naam van ons Meester YESHUA, bid ons dat U Wil in ons lewe sal geskied.

Amen.

•••••••

Webtuiste: https://tentvansamekoms.co.za

Sel: +27716283107

MATTHÉÜS 6:9, 12, 14 AFR53

Fri, 14 Mar 2025 04:26:27 GMT

9. Só moet julle dan bid: Onse Vader wat in die hemele is, laat u Naam geheilig word;

12. en vergeef ons ons skulde, soos ons ook ons skuldenaars vergewe;

14. Want as julle die mense hulle oortredinge vergewe, sal julle hemelse Vader julle ook vergewe.

***

Kern gedeelte:

"Want as julle die mense hulle oortredinge vergewe"

Soveel mense het ons reeds tenagekom in ons lewe dat ons pakkie van onvergifnis deur die jare net swaarder geword het.

Om nie te vergewe nie, en om haat met jou saam te dra het dieselfde effek as om elke dag klein bietjie gif te drink en te verwag dat die ander persoon gaan siek word.

Die realiteit is dat jy daagliks sieker word, maar die ander persoon beweeg aan met hulle lewe.

Om te vergewe maak nie die ander persoon vry nie, maar dit maak jou vry van die lewenslas wat jy met jou saamdra!

Om te vergewe, maak jou siel en menswees gesond sodat jy onverhinderd nader aan GOD kan beweeg, in eenheid met Hom kan kom.

Om te vergewe herstel jou lewenslus, om te vergewe gee jou 'n nuwe uitkyk op die lewe, want jy kyk nie meer terug na wat verby is nie, jy lewe nie meer is die "gister's" van jou lewe nie, maar jy sien 'n nuwe pad, 'n toekoms wat GOD vir jou beplan het.

Vergewe, beweeg aan, dit maak jou vry!

-------

GEBED.

VADER, as ons terugdink oor ons lewe, besef ons, dat die oomblik wat ons iemand vergewe het, is die emosionele houvas oor van die dinge van gister gebreek. Dan kan ons met vrymoedigheid voor U voete kom kniel met die wete dat U ons ook sal vergewe. Dankie dat ons vandag kan vergewe, die dinge van gister kan afsny, en hierdie nuwe toekoms-pad saam met U kan begin stap.

In die Naam van ons Meester YESHUA, bid ons vir 'n gesindheid van vergifnis, wat die "gister's" van die lewe in die verlede kan los.

Amen.

•••••••

Webtuiste: https://tentvansamekoms.co.za

Sel: +27716283107

HEBREËRS 11:25-26 AFR53

Thu, 13 Mar 2025 04:24:51 GMT

25. omdat hy verkies het om liewer sleg behandel te word saam met die volk van God as om 'n tyd lank die genot van die sonde te hê,

26. en die smaad van Christus groter rykdom geag het as die skatte van Egipte, want hy het uitgesien na die beloning.

***

Kern gedeelte:

"as om 'n tyd lank die genot van die sonde te hê"

Elke dag kom daar keuses oor ons lewenspad, soms is die een keuse groter as die ander keuse, ongeag, die keuse bly joune om te maak.

Wanneer hierdie keuse vandag oor jou lewenspad kom, maak die regte besluit, want versoeking en verleiding kom juis in gerief en weelde, in gemak en beloftes van rykdom.

Kies liewer nou die slegter, die minder gemaklike opsie, bly aan GOD en Sy Woord getrou, voordat jy jou siel aan die "verderwer" verkoop sonder dat jy dit besef.

Op die oog af, lyk die situasie dalk na 'n goeie keuse, maar op die lang termyn gaan jy die prys daarvoor betaal.

As jy, soos Moses eerder die eenvoudige pad kies, sal GOD jou verhef op die regte tyd, sal GOD jou die hulp, die ondersteuning en die voorsiening gee wat jy sal nodig hê.

Moenie vandag die keuse met 'n kort tydjie saam met sonde kies nie.

-------

GEBED.

VADER, ons buig vanoggend in nederigheid voor U en vra dat U ons sal lei in hierdie saak, in hierdie besluit, en laat ons, Heilige Gees gelei, die regte keuses maak. Open asb ons oë sodat ons nie blind sal wees vir die front wat die "verderwer" vir ons voorhou nie, waarmee ons versoek sal word. Laat ons keuses, GOD geleide keuses en besluite wees.

In die Naam van ons Meester YESHUA, bid ons, HERE, dat U ons sal vooruit gaan en die paaie vir ons sal gelykmaak.

Amen.

•••••••

Webtuiste: https://tentvansamekoms.co.za

Sel: 0716283107

HEBREËRS 11:1, 3, 6 AFR53

Wed, 12 Mar 2025 11:48:56 GMT

1. DIE geloof dan is 'n vaste vertroue op die dinge wat ons hoop, 'n bewys van die dinge wat ons nie sien nie.

3. Deur die geloof verstaan ons dat die wêreld deur die woord van God toeberei is, sodat die dinge wat gesien word, nie ontstaan het uit sienlike dinge nie.

6. En sonder geloof is dit onmoontlik om God te behaag; want hy wat tot God gaan, moet glo dat Hy is en 'n beloner is van die wat Hom soek.

***

Kern gedeelte:

"DIE geloof dan is 'n vaste vertroue"

Hoeveel seëninge, deurbrake, geleenthede en oplossings het nie reeds by jou verby gegaan, omdat jy nie in geloof saam met die inwerking van die Heilige Gees beweeg het nie, maar in twyfel bly staan het, verblind deur die omstandighede van die wêreld.

In Hebreërs 11 staan die woorde "Deur die geloof" 19 keer geskrywe.

Nie een voorbeeld word genoem, waar daar geskrywe staan, "Deur te twyfel nie.

Tog twyfel jy, tog is jy onseker of GOD jou situasie of omstandighede kan verander.

'n Motor sonder brandstof, is net so nuttig soos 'n mens sonder geloof.

Daarom bely jou sonde van twyfel, vra GOD om jou op te rig en neem die tree in geloof soos GOD jou lei.

-------

GEBED.

VADER, vanoggend belei ons, ons sonde van ongeloof, van twyfel en vra dat U ons sal versterk deur die inwerking van U Heilige Gees. Laat die gedagtes van onsekerheid, die gevoel van twyfel nie by ons opkom nie, en die woorde van onmoontlikheid nooit weer oor ons lippe kom nie.

In geloof staan ons vanoggend op en ons dank U dat U die onmoontlike reeds vir ons moontlik gemaak het.

In die Naam van ons Meester YESHUA, bid ons vir krag en standvastigheid in geloof.

Amen.

•••••••

Webtuiste: https://tentvansamekoms.co.za

Sel: +27716283107

PSALMS 18:22-25 AFR53

Tue, 11 Mar 2025 04:26:35 GMT

22. Want ek het die weë van die Here gehou en nie goddeloos van my God afgewyk nie

23. want al sy verordeninge was voor my, en sy insettinge het ek nie van my verwyder nie.

24. Maar ek was opreg by Hom, en ek was op my hoede vir my ongeregtigheid.

25. So het die Here my dan vergelde na my geregtigheid, na die reinheid van my hande, voor sy oë.

***

Kern gedeelte:

"Maar ek was opreg by HOM"

As ons vier mense in een vertrek plaas, sal daar vier opinies oor 'n saak wees.

As ons 'n vyfde persoon daar inbring, sal daar weer vier opinies oor die nuwe persoon wees.

Ons kan wel luister na goeie raad, maar om jou te verander om by mense in te pas, sal lei tot verdrukking en vertrapping.

Maak baie seker dat jy voor GOD geregverdig staan en nie verander in jou karakter om die goedkeuring van mense weg te dra nie.

Wees opreg, wees wie jy is, en staan in jou hart opreg en geregverdig voor jou Skepper.

Moenie eiewys wees in jou eie oë nie, maar nederig voor GOD in gebed, in jou handel en wandel.

Laat die mense hulle opinies oor jou hê, want aan die einde van die dag is dit presies wat dit is, die opinies van mense.

-------

GEBED.

VADER, gee ons asb die krag om nie te verander om by die mens aan te pas nie. Laat U Heilige Gees ons rig in ons swakhede, aan ons openbaar waar ons tekortkominge is. Laat ons nie net U Woord lees nie, maar uitleef. Laat die verwagtinge en opinies van die mense soos "water van 'n eend se rug" wees en ook nie op ons 'n invloed hê in hoe ons voor U in geregtigheid staan nie.

In die Naam van ons Meester YESHUA, bid ons vir krag om onbeweeglik in U en U Woord te bly staan.

Amen.

•••••••

Webtuiste: https://tentvansamekoms.co.za

Sel: +27716283107

HEBREËRS 10:36-39 AFR53

Mon, 10 Mar 2025 04:27:43 GMT

36. Want julle het lydsaamheid nodig, om, nadat julle die wil van God gedoen het, die belofte te verkry.

37. Want nog 'n klein tydjie, en Hy wat kom, sal kom en nie versuim nie.

38. Maar die regverdige sal uit die geloof lewe; en as hy hom onttrek, het my siel geen welbehae in hom nie.

39. Maar by ons is daar geen onttrekking tot verderf nie, maar geloof tot behoud van die lewe.

***

Kern gedeelte:

"Want julle het lydsaamheid nodig"

Om in geloof te staan beteken nie net om in GOD te vertrou nie, te dien nie, maar ook om op GOD te kan wag, al lyk dit of almal rondom jou vooruit beweeg, en net jy bly agter.

Die Woord hierbo is duidelik:

Maar die regverdige sal uit die geloof lewe; en as hy hom onttrek, het my siel geen welbehae in hom nie.

Ons het nodig om te verstaan dat dit nie ons wil in GOD se lewe is nie, maar GOD se Wil in ons lewe.

Daarom, so dikwels verander ons van koers reg voor ons deurbraak kom, reg voor GOD se plan in werking kom.

En dan verloor ons geloof, omdat sake en omstandighede teen ons inwerk.

Die slotsom is, jy het lydsaamheid nodig, want deur in geloof op GOD te wag, SAL JY NIE TELEURGESTEL WORD NIE!

-------

GEBED.

VADER, deur ons die geloofspad te laat stap, ons te laat wag op U, bewaar U ons van die strikke van die lewe wat die "verderwer" reeds vir ons opgestel het. As ons terugkyk op ons lewenspad, kan ons sien hoe U ons beskerm het, terwyl ons in daardie oomblik gedink het dat alles net verkeerd loop, en U het ons ingeperk sodat ons nie ons eie kop sou volg, wat tot ons verderf sou gelei het. Dankie vir U ingryping en U Hand van beskerming oor ons lewe.

In die Naam van ons Meester YESHUA, bid ons vir lydsaamheid om in geloof te kan wag.

Amen.

•••••••

Webtuiste: https://tentvansamekoms.co.za

Sel: +27716283107

PSALMS 112:1 AFR53

Fri, 07 Mar 2025 04:25:35 GMT

1. Welgeluksalig is die man wat die Here vrees, wat 'n groot welbehae in sy gebooie het.

***

Kern gedeelte:

"Welgeluksalig is die man wat die Here vrees"

Ek wil niks byvoeg nie, maar net die res van Psalms 112 lees!

* Sy nageslag sal geweldig wees op die aarde; die geslag van die opregtes sal geseën word.

* Oorvloed en rykdom is in sy huis; en sy geregtigheid bestaan tot in ewigheid.

* Vir die opregtes gaan Hy op as 'n lig in die duisternis: genadig en barmhartig en regverdig.

* Gelukkig die man wat hom ontferm en uitleen, wat sy sake volgens reg besorg.

Want hy sal nooit wankel nie; die regverdige sal in ewige gedagtenis wees.

* Hy vrees nie vir slegte tyding nie; sy hart is gerus, vol vertroue op die Here.

* Hy strooi uit, hy gee aan die behoeftiges; sy geregtigheid bestaan tot in ewigheid; sy horing word verhoog in eer.

* Vas is sy hart, hy vrees nie, totdat hy op sy teëstanders neersien.

•Die goddelose sien dit en is vererg; hy kners met sy tande en smelt weg; die begeerte van die goddelose mense vergaan.

-------

GEBED.

VADER, mag ons vandag hierdie man wees in U oë wees, en mag ons Godvresende vroue ons hierin ondersteun, en dat ons huise in eenheid, in geregtigheid voor U mag staan. Rig ons asb in ons weë, versterk ons in ons geloof, maak ons standvastig in U Seun, sodat die "verderwer" ons nie in struikeling sal bring nie. Laat ons nooit die grond verlaat, maar laat ons nederig in U skadu bly.

In die Naam van ons Meester YESHUA, bid ons U reddende hand van genade oor elkeen se lewe.

Amen.

•••••••

Webtuiste: https://tentvansamekoms.co.za

Sel: +27716283107

I THESSALONICENSE 5:21-23 AFR53

Thu, 06 Mar 2025 04:26:12 GMT

21. Beproef alle dinge; behou die goeie.

22. Onthou julle van elke vorm van kwaad.

23. En mag Hy, die God van die vrede, julle volkome heilig maak, en mag julle gees en siel en liggaam geheel en al onberispelik bewaar word by die wederkoms van onse Here Jesus Christus!

***

Kern gedeelte:

"Beproef alle dinge; behou die goeie"

So dikwels wanneer ons iets wat ons verkeerd doen in ons lewe wil regverdig, sal ons net die positiewe daarvan na vore bring.

Ons sal dit verdedig ten koste van selfs familie, vriende en ouers.

Maar, onthou alles in die lewe kan nie net goed, of net sleg wees nie, en selfs te veel van 'n goeie ding, is ook nie goed nie.

Maar ons maatstaaf as GOD se kinders word deur hierdie vraag gerig!

Wat sou JESUS CHRISTUS gedoen het en hoe sou hy die saak of situasie hanteer het, en hoe sou sy optrede of gedrag gelyk het.

Ons Verlosser het Homself nie opgehou met ydele taal, dronk partye, diefstal, egbreuk, moord, losbandigheid, twis, naywer, en ander soortgelyke gedrag nie.

As jou dade nie in en deur JESUS CHRISTUS geregverdig kan word nie, pas dan die res van die skrif toe wat sê, wanneer ons die sin volledig lees.

* Beproef alle dinge

* Behou die goeie.

* Onthou julle van elke vorm van kwaad.

-------

GEBED.

VADER, sekere dinge is ooglopend verkeerd en daarom vra ons vir krag om daarvan weg te stap. U het elkeen van ons geseën met gesonde verstand, maar dit word aangetas deur die oortuiging van die "verderwer", die verleiding van hierdie wêreld. Laat ons vandag besef dat NEE is ook 'n antwoord en dat ons het die reg om Nee te sê.

In die Naam van ons Meester YESHUA, bid ons vir 'n gees van onderskeiding wat die goeie en slegte in alles kan sien.

Amen.

•••••••

Webtuiste: https://tentvansamekoms.co.za

Sel: +27716283107

PSALMS 37:3-7 AFR53

Wed, 05 Mar 2025 04:19:49 GMT

3. Vertrou op die Here, en doen wat goed is; bewoon die aarde en beoefen getrouheid,

4. en verlustig jou in die Here; dan sal Hy jou gee die begeertes van jou hart.

5. Laat jou weg aan die Here oor en vertrou op Hom, en Hý sal dit uitvoer;

6. en Hy sal jou geregtigheid laat voortkom soos die lig en jou reg soos die middag.

7. Swyg voor die Here en verwag Hom; wees nie toornig op hom wat voorspoedig in sy weg is nie, op die man wat listige planne uitvoer nie.

***

Kern gedeelte:

"Swyg voor die Here en verwag Hom"

Ons lewe is so vol van die geraas van hierdie wêreld, ons word van so aard meegesleur dat dit ons van koers af druk.

Baie mense wil hulle stem laat hoor om net ook hulle plek in hierdie wêreld te bevestig.

Deur die weë van hierdie wêreld na te jaag, jaag jy net na wind, want dit is die verleiding van die "verderwer" wat veroorsaak dat ons wil hê wat ons oë kan sien.

Vanoggend se boodskap is dat jy net vir 'n oomblik moet stop, heroorweeg of die huidige koers, die besluite wat jy neem, GOD geleide besluite is, of probeer jy jou eie kop volg.

Luister wat die Woord sê;

en verlustig jou in die Here; dan sal Hy jou gee die begeertes van jou hart.

Laat jou weg aan die Here oor en vertrou op Hom, en Hý sal dit uitvoer.

Hou op om alles na te jaag, en laat dit in GOD se Hande, want GOD het alles onder beheer.

-------

GEBED.

VADER, die "verderwer" oortuig ons dat ons aan die gejaag van die lewe moet deelneem om te kry wat ons wil hê, terwyl U Woord bevestig dat U gee dit aan U beminde in sy slaap. Ons ongeduld veroorsaak dat ons U seëninge mis, omdat die "verderwer" ons deur ons oorhaastige besluite telkens van koers af druk. Laat ons asb van hierdie oomblik af nie oorhaastige besluite sal maak nie, maar op U sal wag.

In die Naam van ons Meester YESHUA, bid ons vir kalmte en vrede wat alle verstand te bowe gaan, sodat ons van U plan nie sal afwyk nie.

Amen.

•••••••

Webtuiste: https://tentvansamekoms.co.za

Sel: +27716283107

JOHANNES 8:11-12 AFR53

Tue, 04 Mar 2025 04:30:35 GMT

11. En sy antwoord: Niemand nie, Here. En Jesus sê vir haar: Ek veroordeel jou ook nie. Gaan heen en sondig nie meer nie.

12. EN Jesus het weer met hulle gespreek en gesê: Ek is die lig van die wêreld; wie My volg, sal sekerlik nie in die duisternis wandel nie, maar sal die lig van die lewe hê.

***

Kern gedeelte:

"Gaan heen en sondig nie meer nie"

Die boodskap is duidelik, en tog verwag ons om deur GOD gelei te word, terwyl ons nog in die drank bedwellemdheid van die wêreld leef.

Ons vra dat GOD se Heilige Gees op ons sal inwerk, helderheid van verstand sal gee, terwyl ons nog pille en dwelms gebruik wat ons so verdoof dat ons nie GOD se stem kan hoor nie.

Ons bid vir GOD se vrede op ons huis, maar as die deur agter ons toegaan kom die ware man wat deur gesins geweld gedryf word na vore.

Ons bid vir gesondheid, maar druk een na die ander sigaret in ons mond, en vergiftig ons eie liggaam.

Bekeer jou in waarheid, kom voor GOD se voete in berou, bid in die Naam van JESUS CHRISTUS dat GOD jou waarlik vry sal maak van die sonde wat oor jou heers.

Gaan dan heen, en sondig nie meer nie.

Kom ons kyk weer wat Jesus vir ons sê; Ek is die lig van die wêreld; wie My volg, sal sekerlik nie in die duisternis wandel nie.

-------

GEBED.

VADER , ons is mens en ons struikel in ons weë, maar deur U Genade hou U ons in die lewe, deur U Genade dra U ons deur. Versterk ons asb dat ons ook vandag ons deel sal doen, dat ons, ons sal wegkeer van die sonde en nie langer op U genade se rug sal lei nie. Leer ons asb om in integriteit voor U te staan, sodat ons sal sê wat ons gaan doen, en laat ons dan uitgaan en doen wat ons sê. Laat ons vandag uitgaan en breek met die sonde.

In die Naam van ons Meester YESHUA, bid ons vir vergifnis van ons herhaaldelike en moedswillige sondes.

Amen.

•••••••

Webtuiste: https://tentvansamekoms.co.za

Sel+27716283107

MATTHÉÜS 10:28-31 AFR53

Mon, 03 Mar 2025 04:27:11 GMT

28. En moenie vrees vir die wat die liggaam doodmaak, maar die siel nie kan doodmaak nie; maar vrees Hom liewer wat die siel sowel as die liggaam kan verderwe in die hel.

29. Word twee mossies nie vir 'n stuiwer verkoop nie? En nie een van hulle sal op die aarde val sonder julle Vader nie.

30. En van julle is selfs die hare van die hoof almal getel.

31. Wees dan nie bevrees nie: julle is meer werd as baie mossies.

***

Kern gedeelte:

"En van julle is selfs die hare van die hoof almal getel"

Ons lewenspad van die "kot tot die kis" is reeds vir ons uitgelê, en die dag van ons geboorte en afsterwe is reeds vir ons beplan.

Ja, sekere dinge gebeur om ons terug te ruk na die realiteit van die oomblik, waar GOD ons waarsku om onafgehandelde sake uit te sorteer, waar genade tyd nog aan ons gegun word.

Maar nege en negentig persent van die dinge waaroor ons daagliks ons kop breek, gebeur nie eers.

Die Woord is duidelik, jy kan nie een el by jou lengte voeg deur jou te bekommer nie, want jy leef in GOD se hand en niks en niemand sal jou daaruit ruk as dit nie binne Sy Wil is nie.

Luister na die Woord wat sê:

Word twee mossies nie vir 'n stuiwer verkoop nie? En nie een van hulle sal op die aarde val sonder julle Vader nie.

Hou op om jou te bekommer oor die dag van môre, en begin vandag voluit lewe.

-------

GEBED.

VADER, dankie dat U ons beskerm teen die aanslae wat ons nooit eers gesien kom het nie. Dat U ons gespaar het om die dag van môre nog te kan beleef. Leer ons asb vandag om voluit te leef ter ere van U Naam en dat ons, ons vrees oor dit wat miskien kan gebeur by U voete sal neerlê, en verklaar dat my GOD is in beheer, en dat slegs U Wil in my lewe sal geskied. Nie een haar sal van ons hoof val sonder U Wil nie.

In die Naam van ons Meester YESHUA, bid ons dat U vrees en twyfel uit ons lewe sal verwyder.

Amen.

•••••••

Webtuiste: https://tentvansamekoms.co.za

Sel: +27716283107

ESÉGIËL 9:9-10 AFR53

Fri, 28 Feb 2025 04:29:15 GMT

9. Toe sê Hy vir my: Die ongeregtigheid van die huis van Israel en van Juda is buitengewoon groot, en die land is vol bloedskuld, en die stad is vol regsverbreking; want hulle sê: Die Here het die land verlaat, en die Here sien nie.

10. Daarom ook, wat My aangaan, my oog sal nie verskoon nie, en Ek sal nie spaar nie; Ek sal hulle wandel op hulle hoof laat neerkom.

***

Kern gedeelte:

"en die land is vol bloedskuld, en die stad is vol regsverbreking"

Die Woord van GOD is baie duidelik wanneer dit sê, Wat jy saai sal jy ook maai.

En daar is geen uitsondering wanneer dit by ons land Suid-Afrika en sy mense kom nie.

Vanoggend is die boodskap aan almal wat nog in GOD se onpartydige opregtheid staan, wat volhard om GOD te dien met hart, siel en verstand.

Hou aan bid, volhard in geregtigheid, en leef Sy Woord uit in jou lewe, want die dag kom spoedig nader wat die werke van die ongeregtiges op hulle hoof gaan neerkom, die dag wanneer GOD se oordeel soos 'n vuur deur ons land gaan trek.

Hierdie dag is nie so vêr as wat almal dink nie!

Laat die ongeregtiges voortlewe met die persepsie dat GOD die land verlaat het en dat GOD nie sien nie.

Die geregtiges sal hierdie dag sien en beleef, maar moenie vrees nie, want al val daar duisend aan jou sy en tienduisend aan jou regterhand, na jou sal dit nie aankom nie.

Staan jy net vas in GOD.

-------

GEBED.

VADER, dankie dat hierdie uurglas van ongeregtigheid wat in ons land heers besig is om leeg te loop. Die vyand is oortuig dat U die land verlaat het en dat U nie meer sien nie. Min weet hulle dat die nag besig is om tot 'n einde te kom en dat U son van geregtigheid kortliks sal opkom, en die werke van ongeregtigheid voor U Heerlikheid verteer sal word. Wie ore het, laat hom hoor.

In die Naam van ons Meester YESHUA, bid ons dat U nie sal talm nie, maar dat U oordeel oor ons land spoedig sal kom.

Amen.

•••••••

Webtuiste: https://tentvansamekoms.co.za

Sel: +27716283107

I KRONIEKE 10:13-14 AFR53

Thu, 27 Feb 2025 04:30:22 GMT

13. En Saul het gesterwe weens ontrou wat hy teen die Here begaan het, weens die woord van die Here wat hy nie gehou het nie; en ook omdat hy die gees van 'n afgestorwene om inligting gevra het,

14. maar die Here nie geraadpleeg het nie. Daarom het Hy hom omgebring en die koningskap laat oorgaan op Dawid, die seun van Ísai.

***

Kern gedeelte:

"weens die woord van die Here wat hy nie gehou het nie"

Wanneer ons in gebed tot GOD nader, bid ons dat Hy ons lewe sal rig, en dat GOD se Wil sal laat geskied in ons lewe.

Dit is wat soveel van ons nie verstaan nie!

Jy bid nie jou wil in GOD se lewe in, maar vir GOD se Wil in jou lewe.

As hierdie konsep nie vir jou aanvaarbaar is nie, is ek jammer om te sê dat jy besig is om jou eie kop te volg en soos Saul sal jy toenemend meer op die arm van vlees begin steun wat jou na die verderf sal lei, want jou vertroue is nie in GOD nie, en jy beweeg nie in gehoorsaamheid nie.

Daarom, as jy vandag GOD se stem hoor, deur die inspraak van Sy Heilige Gees, verhard nie jou hart nie, maar wees gehoorsaam, al maak dit wat jy nou moet doen vir jou geen sin nie.

GOD se plan is perfek, en Hy het reeds jou pad na oorwinning vir jou uitgewerk.

Saul het dit nie gedoen en die seëninge wat vir hom bedoel was het oorgegaan na Dawid.

Moenie vandag dieselfde fout begaan nie!

-------

GEBED.

VADER, ons laat sak ons kop in skaamte, want soveel keer het U seëninge by ons verby gegaan deur ons ongehoorsaamheid. Het ons die grondpad van die lewe gekies waar mense ons ingedoen en te na gekom het. Daarom herhinner U ons vandag om nie op die arm van vlees te steun na maar dat ons vertroue slegs in U moet wees, en dat ons in absolute gehoorsaamheid moet beweeg.

In die Naam van ons Meester YESHUA, bid ons dat U Wil in ons lewe sal geskied.

Amen.

•••••••

Webtuiste: https://tentvansamekoms.co.za

Sel: +27716283107

JOHANNES 21:21-23 AFR53

Wed, 26 Feb 2025 04:23:15 GMT

21. Toe Petrus hom sien, vra hy vir Jesus: Here, maar wat van hom?

22. Jesus antwoord hom: As Ek wil hê dat hy bly totdat Ek kom, wat gaan dit jou aan? Volg jy My.

23. Hierdie woord het toe onder die broeders uitgegaan dat daardie dissipel nie sou sterwe nie; en Jesus het nie vir hom gesê dat hy nie sou sterwe nie, maar: As Ek wil hê dat hy bly totdat Ek kom, wat gaan dit jou aan?

***

Kern gedeelte:

"wat gaan dit jou aan? Volg jy My"

Hoekom bemoei jy jou met die lewe van ander?

Ons kan nie ander mense se lewens beheer, hulle keuses vir hulle maak, of voor die "Wittroon van oordeel" namens hulle gaan staan nie.

Maar probeer vanoggend dit verstaan, dat om heeltyd op ander mense se lewens te fokus, steel nie net jou lewens geluk nie, maar laat jou van GOD af wegdryf, want hulle dade en keuses los jou soms met 'n bitter smaak in die momd.

Maar, as jy hulle tereggewys het, hulle gerig het in GOD se weë, laat hulle gaan, volg jy GOD deur jou geloof in JESUS CHRISTUS.

Deur hulle keuses sal GOD hulle ook deur die meule van die lewe laat gaan wat uiteindelik die verharde laag van sondes in hulle lewe sal wegwerk totdat GOD se Heilige Gees kan deurdring na hulle toe.

-------

GEBED.

VADER, U Woord is so tot die punt, wanneer ons lees, wat gaan dit jou aan? Volg jy my! Dankie dat U ons vanoggend daarop wys, dat ons is so besig met ander mense se lewens dat ons verhouding met U daardeur skade lei. Gee ons vandag U vrede in ons gemoed, sodat ons kan aanbeweeg, en ons fokus op ons eie verhouding met U te kan plaas.

In die Naam van ons Meester YESHUA, bid ons vir 'n gees van onderskeiding wat GOD geleide besluite kan maak.

Amen.

•••••••

Webtuiste: https://tentvansamekoms.co.za

Sel: +27716283107

JOHANNES 20:25, 27 AFR53

Tue, 25 Feb 2025 04:18:49 GMT

25. Die ander dissipels sê toe vir hom: Ons het die Here gesien! Maar hy het vir hulle gesê: As ek nie in sy hande die merk van die spykers sien en my vinger steek in die merk van die spykers en my hand in sy sy steek nie, sal ek nooit glo nie.

27. Daarna sê Hy vir Thomas: Bring jou vinger hier, en kyk na my hande; en bring jou hand en steek dit in my sy; en moenie ongelowig wees nie, maar gelowig.

***

Kern gedeelte:

"sal ek nooit glo nie"

Vanoggend wil ek vir jou sê, ongelowige Thomas, miskien sien jy ook nie GOD se teenwoordigheid in jou lewe nie.

Miskien verwag jy ook die onmoontlike in jou lewe wat jou sal oortuig dat jy in geloof moet begin beweeg.

Die Chinese gesêgde sê: Wees versigtig waarvoor jy wens, want dit mag dalk waar word.

As GOD Sy Teenwoordigheid in jou lewe begin openbaar, sal jou lewe onherroeplik verander en dan eers sal jy die diepte van die woorde wat JESUS CHRISTUS gespreek het besef en daarom wil ek dit weer onder jou aandag bring!

"Daarna sê Hy vir Thomas: Bring jou vinger hier, en kyk na my hande; en bring jou hand en steek dit in my sy; en moenie ongelowig wees nie, maar gelowig"

-------

GEBED.

VADER, hulle sê, sien is glo en al wat ons vanoggend moet doen is om net om vir 'n oomblik stil te raak en terug te kyk na ons lewenspad. Dan sal ons raaksien wat U reeds vir ons gedoen het, hoe U ons deurgedra het, deure geopen het en ons gerig het. As ons in diepte na alles kyk sal ons U genade in ons lewe raak sien, en dan sal ons nie meer in ongeloof rondgeslinger word nie, maar ons sal standvastig in U ge-anker wees.

In die Naam van ons Meester YESHUA, spreek ons "vrede, vreugde, voorspoed, vergenoegdheid en gesondheid oor elkeen se lewe.

Amen.

•••••••

Webtuiste: https://tentvansamekoms.co.za

Sel: +27716283107

JOB 2:3 AFR53

Mon, 24 Feb 2025 04:21:38 GMT

3. En die Here vra vir die Satan: Het jy ag gegee op my kneg Job? Want daar is niemand op die aarde soos hy nie: 'n man vroom en opreg, godvresend en wat afwyk van die kwaad; en hy volhard nog in sy vroomheid, alhoewel jy My teen hom opgehits het om hom te vernietig sonder oorsaak.

***

Kern gedeelte:

"en hy volhard nog in sy vroomheid"

Weet net dit, dat in hierdie saak, net soos Job, sal die "verderwer" jou nie oorsien as jy gekies het om in opregtheid, vroomheid en God-vresend, GOD te dien, Sy gebooie te bewaar en jou geloof in JESUS CHRISTUS te bevestig nie.

Die "verderwer" sal aanslae teen jou, jou lewe en jou gesin rig om jou van stryk te bring, sodat jy in geloof-struikeling kan kom.

Staan vas, moenie wankel nie, hou aan bid, want GOD sal nie toelaat dat jy bo jou kragte versoek word nie.

GOD weet wat jy nodig het om jou deur hierdie tyd van beproewing te dra, Hy sal voorsien, en soos Job sal jou einde meer geseënd wees as jou begin.

Staan op, lig jou kop op, kyk die wêreld in die oë, en te midde van al jou probleme, vertel hulle hoe groot die Lewende GOD is wat ons dien.

-------

GEBED.

VADER, ons kan in 'n hopie gaan sit en ons lot beklaag, jammer voel vir onself, of ons kan opstaan van die ashoop van die lewe af, en te midde van ons probleme kan ons U loof en prys, U Naam groot maak ter aanskouing van die wêreld en sy mense wat dink dat daar geen hoop meer vir ons is nie. Selfs in hierdie storm, bly U in beheer, en ons dank U daarvoor.

In die Naam van ons Meester YESHUA, bid ons dat U Heilige Gees ons sal versterk en staande sal hou.

Amen.

•••••••

Webtuiste: https://tentvansamekoms.co.za

Sel: +27716283107

HEBREËRS 8:10-11 AFR53

Fri, 21 Feb 2025 04:35:46 GMT

10. Want dit is die verbond wat Ek ná dié dae sal sluit met die huis van Israel, spreek die Here: Ek sal my wette in hulle verstand gee en dit op hulle hart skrywe; en Ek sal vir hulle 'n God wees, en hulle sal vir My 'n volk wees.

11. En hulle sal nie meer elkeen sy naaste en elkeen sy broer leer en sê: Ken die Here nie; want almal sal My ken, klein en groot onder hulle.

***

Kern gedeelte:

"want almal sal My ken, klein en groot"

As jy bemoeienis het met GOD, is jy 'n kind van GOD, maar as jy die wêreld se dinge in jou hart ronddra, is jy 'n kind van die wêreld!

Nee, ek oordeel nie, maar ek weet dat selfs toe ek vir die wêreld geleef het, was GOD se Gees in my hart en het my konstant daarin herhinner dat ek in sonde leef, en nie in GOD se onpartydige opregtheid staan nie.

Daagliks, van kind af was GOD in my hart aan die werk, totdat ek my van die wêreld weggedraai het, en nou is GOD my alles, deur JESUS CHRISTUS wat dit moontlik gemaak het.

Dus, as jy ag slaan op hierdie boodskap, bemoeienis maak met GOD, dan sal Sy Gees in jou, jou lei na die pad van ware bekering, en jy sal jou Verlosser omtmoet wat jou die pad sal wys na die ewige lewe.

Jy het vanoggend nog die kans, gebruik dit, want die dag van môre is nie gewaarborg nie.

-------

GEBED.

VADER, dankie dat U lankmoedigheid, ons die tyd gun om tot bekering te kom en U Seun as ons Verlosser en Saligmaker te aanvaar. Ons vra dat U Heilige Gees ons daagliks die krag sal gee om meer en meer van die wêreld af weg te draai, sodat U werke in ons sigbaar sal word.

In die Naam van ons Meester YESHUA, bid ons dat ons harte deur U Gees gesuiwer sal word.

Amen.

•••••••

Webtuiste: https://tentvansamekoms.co.za

Sel: +27716283107

NÚMERI 23:19-21 AFR53

Thu, 20 Feb 2025 04:19:57 GMT

19. God is geen man dat Hy sou lieg nie; of 'n mensekind dat dit Hom sou berou nie. Sou Hý iets sê en dit nie doen nie, of spreek en dit nie waar maak nie?

20. Kyk, ek het ontvang om te seën; en het Hy geseën, dan kan ek dit nie keer nie.

21. 'n Mens aanskou geen ongeregtigheid in Jakob en sien geen onheil in Israel nie. Die Here sy God is met hom, en die gejubel tot eer van die Koning is by hom.

***

Kern gedeelte:

"Kyk, ek het ontvang om te seën"

Vanoggend wil ek net gehoorsaam wees om die seëninge van die GOD ons Vader oor jou, jou huis en jou gesin uit die spreek.

As jy in 'n opregte verhouding met GOD staan, as jy in onpartydige opregtheid voor Hom leef en geen onheil binne in jou dra of beplan nie, dan wil ek net die volgende oor jou uitspreek.

Geseënd sal jy wees met jou ingang en jou uitgang, geseënd sal jou huis wees, jou gesin, jou finansies en jou gesondheid en wat jou hande vind om te doen, doen dit, want geseënd sal wees die werke van jou hande.

Neem vanoggend hierdie seëninge in jou lewe aan, want let op wat die Woord van GOD sê:

Kyk, ek het ontvang om te seën; en het Hy geseën, dan kan ek dit nie keer nie.

-------

GEBED.

VADER, daar is soveel mense daar buite wat gereed is om die kinders van GOD, die volk van GOD te vervloek. Maar ons in nie van hierdie wêreld nie, en daarom seën ons die wat ons vervloek, want U vergeld elkeen volgens sy werke, en U laat dit op hulle hoof neerkom.

In die Naam van ons Meester YESHUA, seën ek elkeen wat hierdie boodskap lees of luister. Jy staan voor GOD geopende deure en al wat jy moet doen is om in geloof te beweeg en in te gaan.

Amen.

•••••••

Webtuiste: https://tentvansamekoms.co.za

Sel: +27716283107

PSALMS 23:4-5 AFR53

Wed, 19 Feb 2025 04:12:22 GMT

4. Al gaan ek ook in 'n dal van doodskaduwee, ek sal geen onheil vrees nie; want U is met my: u stok en u staf dié vertroos my.

5. U berei die tafel voor my aangesig teenoor my teëstanders; U maak my hoof vet met olie; my beker loop oor.

***

Kern gedeelte:

"teenoor my teëstanders"

Ek wil hê dat ons die volgende gedeelte wat ook uit vanoggend se skrif is, moet begryp!

"Al gaan ek ook in 'n dal van doodskaduwee, ek sal geen onheil vrees nie"

GOD verander sake, en Hy berei jou tafel voor jou aangesig, teenoor jou teëstanders.

Al lyk dit vanoggend of sake nie in jou guns gaan draai nie, staan vas en moenie dat vrees jou beetpak nie.

Na die storms en die reëns, kom die oes te voorskyn, en dan sien jy dat GOD reeds jou tafel vir jou gedek het, teenoor jou teëstanders.

GOD sal nie jou vyande verwyder nie, maar hulle kan slegs aanskou dat dit met jou goed gaan en dat jy 'n geseënde van GOD is.

-------

GEBED.

VADER, miskien voel dit of ons die stryd verloor het, en dat ons ook deur 'n dal van doodskaduwee gaan, en dit gaan alles oor die leuens van die "verderwer" wat ons probeer oortuig dat alles te laat is, en dat daar geen uitkoms meer is nie. Dan onthou ons dat Moses het ook geen uitkoms meer gehad nie, net voordat U vir hom 'n pad deur die see gemaak. Laat ons asb besef dat ons lamp-pit is nie uitgedoof nie, maar dat ons in U krag weer sal vlamvat.

In die Naam van ons Meester YESHUA, spreek ons lewe en voorspoed oor elke negatiewe situasie in ons lewe.

Amen.

ESÉGIËL 3:20-21 AFR53

Tue, 18 Feb 2025 04:24:32 GMT

20. En as 'n regverdige hom van sy geregtigheid afkeer en onreg doen, en Ek 'n struikelblok voor hom gooi, dan sal hy sterwe; omdat jy hom nie gewaarsku het nie, sal hy deur sy sonde sterwe, en aan sy geregtigheid wat hy beoefen het, sal nie gedink word nie; maar sy bloed sal Ek van jou hand eis.

21. Maar as jý die regverdige waarsku, dat die regverdige nie moet sondig nie, en hy sondig nie, dan sal hy sekerlik lewe, omdat hy hom laat waarsku het; en jy het jou siel gered.

***

Kern gedeelte:

"en Ek 'n struikelblok voor hom gooi"

Almal is van die opinie dat alle probleme en struikelblokke net deur die "verderwer" op ons pad geplaas word.

As ons die bogenoemde teks verse lees, sal ons weet en besef dat GOD ook struikelblokke op ons lewenspad sal plaas, om ons te rig, te stop om verkeerde besluite te maak, te keer om by sekere mense betrokke te raak, want die pad wat wat ons wil volg, lei reguit hêl toe.

As dinge nie uitwerk nie, verhoudings bly haak, of transaksies bly sloer, neem 'n tree terug, bid tot GOD en maak seker dat jy reg besluit het, of jy nog binne GOD se onpartydige opregtheid staan, want hierdie struikelblok wat jy ervaar kan dalk daar geplaas wees tot jou redding.

-------

GEBED.

VADER, uit frustrasie en desperaatheid bly ons dinge forseer, ons hou aan probeer sonder om te besef dat ons daadwerklik besig is om teen U Wil in te werk, besig is om die pad te stap wat helwaarts lei. Ons vra dat U Heilige Gees ons oë sal open vir die waarheid van die situasie. Laat ons nie verder sake of verhoudings sal aanhou forseer wat teen U wil inwerk nie.

In die Naam van ons Meester YESHUA, bid ons vir GOD geleide besluite in ons lewe.

Amen.

•••••••

Webtuiste: https://tentvansamekoms.co.za

Sel: +27716283107

KOLOSSENSE 3:16-17 AFR53

Mon, 17 Feb 2025 04:24:28 GMT

16. Laat die woord van Christus ryklik in julle woon in alle wysheid. Leer en vermaan mekaar met psalms en lofsange en geestelike liedere, en sing in julle hart met dankbaarheid tot eer van die Here.

17. En wat julle ook al doen in woord of in daad, doen alles in die Naam van die Here Jesus en dank God die Vader deur Hom.

***

Kern gedeelte:

"En wat julle ook al doen in woord of in daad"

Ons moet bitter versigtig wees om nie aan hierdie wêreld gelykvormig te word nie.

As die dinge en mense van die wêreld ons fokus word, sal ons kortliks ook wêreldse vrug begin dra.

Hoe sal ons die verskil ken?

Eenvoudig, as dit waarmee jy tans besig is, nie in die Naam van JESUS CHRISTUS gedoen kan word nie, en jy kan GOD nie daarvoor dank nie, dan is jy met die wêreldse dinge besig.

Ons kan GOD nie dank vir moord, diefstal, egbreuk, hoerery, oneerlikheid of terwyl ons ander mense vertrap nie.

As jy binne GOD se Wil lewe, sal jy alles doen waarvoor jy Hom kan dank, in die Naam van JESUS CHRISTUS.

-------

GEBED.

VADER, soveel van ons kom daagliks voor U, en ons bid vir U Leiding, Krag, Voorsiening en Beskerming, maar as ons van die gebed vloer af opstaan, haas ons, ons terug na die dinge en mense van die wêreld wat ons op die paaie van verderf lei. Beskerm ons asb nie net teen die aanslae van die lewe nie, maar beskerm ons ook asb teen onself, want soms is ons, ons eie grootste vyand.

In die Naam van ons Meester YESHUA, bid ons vir U Hand van beskerming in ons lewe.

Amen.

•••••••

Webtuiste: https://tentvansamekoms.co.za

Sel: +27716283107

ESÉGIËL 2:1-2 AFR53

Fri, 14 Feb 2025 04:42:34 GMT

1. EN Hy het vir my gesê: Mensekind, staan op jou voete, dat Ek met jou kan spreek.

2. En die Gees het in my gekom sodra Hy met my gespreek het, en my op my voete laat staan; en ek het Hom gehoor wat met my gespreek het.

***

Kern gedeelte:

"Mensekind, staan op jou voete"

Weet vandag dat as GOD jou roep, dat hy jou ook sal oprig!

Wanneer GOD iets op jou hart lê om te doen, en jy voel dat jy nie meer die krag, die lus, of die dryf daarvoor het nie, weet dit, dat as jy in gehoorsaamheid beweeg, GOD met jou sal wees.

Hy sal jou oprig, versterk en bemagtig, sodat geen probleem, situasie of uitdaging vir jou te groot sal wees nie.

Onthou altyd dat gehoorsaamheid aan GOD is beter as die offers van die vet van ramme.

As jy GOD se stem hoor deur die inspraak van Sy Heilige Gees, weet dat jy op jou voete geplaas sal word, versterk sal word vir die taak wat voorlê.

-------

GEBED.

VADER, ons besef nie altyd dat dit nie ons wil in U lewe is nie, maar U Wil in ons lewens. Dankie dat U vanoggend bevestig dat U ons sal oprig, bemagtig en krag gee vir dit wat vir ons voorlê op ons lewenspad.

Dankie VADER, dat U die pad wys waarop ons moet stap. Dankie vir U Leiding waar ons nie meer weet waar om te gaan nie.

In die Naam van ons Meester YESHUA, bid ons vir gehoorsaamheid van hart.

Amen.

•••••••

Webtuiste: https://tentvansamekoms.co.za

Sel: +27716283107

I KRONIEKE 5:19-20 AFR53

Thu, 13 Feb 2025 04:31:04 GMT

19. En hulle het oorlog gevoer met die Hagareners en Jetur en Nafis en Nodab;

20. en hulle het hulp gekry teen hulle, en die Hagareners is in hulle hand oorgegee, en almal wat met hulle saam was; want hulle het God aangeroep in die oorlog, en Hy het hulle verhoor, omdat hulle op Hom vertrou het.

***

Kern gedeelte:

"Hy het hulle verhoor, omdat hulle op Hom vertrou het"

Vanoggend wil ek net vir jou sê, moenie jou asem ophou as jy tans jou oplossings en deurbrake van die wêreld verwag nie.

Niemand gaan jou te hulp snel, of jou probleme vir jou kom oplos nie.

Jou gebede tot GOD en jou vertroue in Hom gaan jou deurdra en aan jou die oorwinning gee.

Op die regte, God-gegewe tyd, sal jy hulp kry soos GOD dit beplan het.

Draai jou weg van die vals sekerheid van hierdie wêreld, en steun nie op die arm van vlees nie, maar wees standvastig in geloof, vertrou op GOD en volhard in jou geloofsekerheid in Hom.

Die oorwinning is reeds joune, maar die tyd daarvoor is nog nie reg nie.

-------

GEBED.

VADER, U weet dat ek vanoggend 'n ander boodskap wou uitstuur, maar U het hierdie woord op my hart gelê. Ek vra dat U hierdie boodskap sal seën en dat U Heilige Gees dit sal openbaar aan elkeen vir wie dit bedoel is. Vergewe asb ons onsekerheid en twyfel.

In die Naam van ons Meester YESHUA, bid ons vir krag om staande te kan bly in tye van nood.

Amen.

•••••••

Webtuiste: https://tentvansamekoms.co.za

Sel: +27716283107

JOHANNES 18:25-27 AFR53

Wed, 12 Feb 2025 04:24:00 GMT

25. En Simon Petrus het hom staan en warm maak. En hulle sê vir hom: Jy is tog nie ook een van sy dissipels nie? Toe ontken hy dit en sê: Ek is nie.

26. Een van die hoëpriester se diensknegte wat familie was van die man wie se oor Petrus afgekap het, sê: Het ek jou nie in die tuin by Hom gesien nie?

27. En Petrus het dit weer ontken; en dadelik het die haan gekraai.

***

Kern gedeelte:

"En Petrus het dit weer ontken"

Ons mag miskien dink dat ons GOD nie ontken in ons lewe nie, en ons sê dit miskien nie so reguit nie, maar hoeveel keer ontken ons GOD deur nie die eer aan Hom te gee nie?

Hoeveel keer verander ons die gesprek tussen vriende/kollegas op 'n subtiele manier omdat ons skaam is om oor GOD en sy Woord te praat.

Hoeveel keer staan ons nie op wanneer ons GOD se Woord moet verdedig of iemand daarop teregwys nie.

Petrus was so seker oor sy geloof in JESUS, en tog het hy Hom drie maal verloën.

Wees versigtig met die woorde van jou mond en die dade van jou hart, want niks kom uit onself nie, maar alles wat ons het, en wie ons tans is, is net genade!

-------

GEBED.

VADER, so dikwels skrum ons Weg van U, en U Woord wanneer ons in die teenwoordigheid van mense in die wêreld is. Ons besef nie eers meer dat dit deur U lydsaamheid en genade is, dat ons nog vandag nog hier is nie. Laat U Heilige Gees ons asb versterk in karakter sodat ons U nooit sal verloën of ontken nie.

In die Naam van ons Meester YESHUA, bid ons dat U Gees ons lippe sal aanraak sodat ons woorde ter ere en lofprysing van U Heilige Naam sal wees.

Amen.

•••••••

Webtuiste: https://tentvansamekoms.co.za

Sel:+27716283107

JOHANNES 17:15-17 AFR53

Tue, 11 Feb 2025 04:27:34 GMT

15. Ek bid nie dat U hulle uit die wêreld wegneem nie, maar dat U hulle van die Bose bewaar.

16. Hulle is nie van die wêreld nie, net soos Ek nie van die wêreld is nie.

17. Heilig hulle in u waarheid; u woord is die waarheid.

***

Kern gedeelte:

"Ek bid nie dat U hulle uit die wêreld wegneem nie"

Elkeen van ons het 'n doel en rede vir ons bestaan, en die pad wat GOD vir ons uitgelê het, sal ons in Sy Woord vind, sal ons beter verstaan deur tyd met GOD deur te bring, en toe te laat dat Sy Heilige Gees ons lei.

GOD het ons nie 'n gees van vrees gegee nie, en al is ons daagliks in stryd gewikkel tussen goed en kwaad, tussen duisternis en lig, tussen sonde en geregtigheid, sal GOD jou die krag gee om alles te oorkom, om alles te deurstaan, jou lewenspad voluit te stap.

Moenie toelaat dat die "verderwer" se leuens jou sonder hoop of uitsig vir die toekoms laat nie, want jy is reeds 'n oorwinnaar deur JESUS CHRISTUS wat jou die krag gee.

-------

GEBED.

VADER, ons kan kies om in gebed die knieg voor U te buig sodat ons in die wêreld staande kan bly. Die "verderwer" se einddoel is om ons terug te win na die wêreld van sonde waar ons geen hoop en verwagting in U het nie, want die sonde word 'n skeidsmuur tussen U en U kinders. Gee ons asb die krag om in ons geloof nie te faal nie.

In die Naam van ons Meester YESHUA, bid ons vir die krag om te volhard in gebed, ons geloofspad voluit te stap.

Amen.

•••••••

Webtuiste: https://tentvansamekoms.co.za

Sel: +27716283107

HEBREËRS 7:24-25 AFR53

Mon, 10 Feb 2025 04:25:36 GMT

24. maar Hy, omdat Hy vir ewig bly, besit 'n priesterskap wat nie op ander oorgaan nie.

25. Daarom kan Hy ook volkome red die wat deur Hom tot God gaan, omdat Hy altyd leef om vir hulle in te tree.

***

Kern gedeelte:

"Daarom kan Hy ook volkome red"

In die teksverse hierbo moet ons noukeurig oplet na die bewoording waar daar geskrywe staan;

"kan Hy ook volkome red"

Daar staan nie geskrywe dat Hy sal volkome red nie, want die keuse tussen "kan en sal" lê by ons" en by niemand anders nie.

Niemand anders kan jou lewe vir jou lei nie en niemand anders kan vir jou kies om JESUS CHRISTUS as jou Verlosser en Saligmaker aan te neem en dan in gehoorsaamheid binne GOD se Wil te wandel deur die leiding en inwerking van Sy Heilige Gees nie.

Net so ook kan niemand anders in ons plek voor die troon van oordeel gaan staan nie.

Die slotsom is dat die keuse, is in elkeen van ons se hande en die verantwoordelik lê by niemand anders nie.

Jy het vandag nog die keuse, daarom terwyl jy nog kan, bely jou sondes, en nader tot GOD in waarheid.

-------

GEBED.

VADER, alles wat verkeerd is in ons lewe blameer ons op ander en nooit is dit ons skuld nie. Dit is eers wanneer ons in stilte, in waarheid voor U kom en elke sonde bely dat ons besef, dat as ons een vinger na 'n ander wys, dan wys daar drie vingers terug na ons toe. Wanneer ons leer om eers eerlik met onself te wees, kan ons in opregtheid voor U kom en vra dat U ons sal lei op die pad na verlossing, op die pad na die ewige lewe.

In die Naam van ons Meester YESHUA, bid ons dat ons vandag die regte besluite voor U sal neem.

Amen.

•••••••

Webtuiste: https://tentvansamekoms.co.za

Sel: +27716283107

PSALMS 27:1, 3 AFR53

Fri, 07 Feb 2025 04:22:33 GMT

1. 'n PSALM van Dawid. Die Here is my lig en my heil: vir wie sou ek vrees? Die Here is die toevlug van my lewe: vir wie sou ek vervaard wees?

3. Al word 'n laer teen my opgeslaan, my hart sal nie vrees nie; al staan 'n oorlog teen my op, nogtans vertrou ek.

***

Kern gedeelte:

"my hart sal nie vrees nie"

Die "verderwer" sal jou nie in vrede laat as jy besluit het om die pad in gehoorsaamheid saam met GOD te stap nie.

Jy SAL aanslae op jou lewe kry en probleme SAL in jou pad geplaas word, vir jou tot struikeling.

Die "verderwer" wil jou gedagtes verander sodat jy sal vra, as ek die GOD dien, hoekom al die probleme?

Hier is die geheim.

Jou benadering teenoor jou probleme en jou struikelblokke sal jou die oorwinning gee!

As jy negatief raak oor elke probleem of uitdaging, sal die "verderwer" die oorhand oor jou kry.

Maar as jy in alles GOD se Naam groot maak en elke probleem na GOD toe bring in geloof, is die oorwinning reeds joune, want GOD draai die negatiewe na die positiewe.

Jy hoef nie te vrees nie, want GOD sal dit wat in jou pad geplaas word tot struikeling gebruik as materiaal om die pad voor jou uit gelyk te maak.

Ongeag wat, neem vanoggend die standpunt in:Die Here is my lig en my heil: vir wie sou ek vrees?

-------

GEBED.

VADER, dit is ons keuse of ons gaan toelaat dat die "verderwer" die oorhand kry en of ons in oorwinning gaan staan. Laat ons asb vanoggend besef, dat die probleme is nie die hoof faktor in ons lewe nie, maar hoe ons daarna kyk. Gee ons asb die krag om in oorwinning na elke situasie te kyk met die wete dat my GOD is in beheer. Met die wete, te midde van alle aanslae, die oorwinning is reeds myne.

In die Naam van ons Meester YESHUA, bid ons vir geloof soos 'n Mosterd saad.

Amen.

•••••••

Webtuiste: https://tentvansamekoms.co.za

Sel: +27716283107

HEBREËRS 6:14-16 AFR53

Thu, 06 Feb 2025 04:23:36 GMT

14. en gesê: Voorwaar, Ek sal jou ryklik seën en jou grootliks vermeerder.

15. En so het hy die belofte verkry nadat hy geduldig gewag het.

16. Want mense sweer by een wat meer is, en die eed van bevestiging is vir hulle die einde van alle teëspraak.

***

Kern gedeelte:

"En so het hy die belofte verkry nadat hy geduldig gewag het"

In ons ongeduld om op GOD te wag, maak ons sake vir onself moelik.

Elkeen van ons het 'n pad wat ons saam met GOD moet stap, en ongeduld maak die pad nie korter nie.

Die distansie tussen Pretoria en waar ons bly op die plaas is 1170 km, en geen ongeduld of ander roete gaan dit korter maak nie.

Deur ongeduld neem ons swak besluite, verkeerde keuses wat die reis vertraag.

En so dikwels neem ons verkeerde afdraai paaie wat die reis nog langer maak, en op hierdie onbeplande roetes kry ons skade wat GOD nie vir ons beplan het nie.

Daarom, as jy vanoggend voel dat jy deur ongeduld gedryf word, bid tot GOD vir kalmte met die wete dat jy die belofte sal verkry as jy op GOD wag!

-------

GEBED.

VADER, deur ongeduld aangedryf, maak ons sake vir onself erger. Selfs Abraham het ingegee nadat hy deur sy vrou se ongeduld beinvloed was en by hulle slavin ingegaan het en ons almal ken die konflik wat dit in sy huishouding verwek het. Gee ons asb die krag om geduldig op U te wag, sodat ons nie verkeerde keuses maak nie, en ook nie van U pad vir ons lewe sal afwyk nie.

In die Naam van ons Meester YESHUA, bid vir standvastigheid van geloof, en vir geduld tot beloning.

Amen.

•••••••

Webtuiste: https://tentvansamekoms.co.za

Sel: +27716283107

HEBREËRS 5:8-9 AFR53

Wed, 05 Feb 2025 04:16:30 GMT

8. Hy, al was Hy die Seun, het gehoorsaamheid geleer uit wat Hy gely het;

9. en nadat Hy volmaak is, het Hy vir almal wat Hom gehoorsaam is, 'n bewerker van ewige saligheid geword

***

Kern gedeelte:

"het gehoorsaamheid geleer uit wat Hy gely het"

So dikwels kla ons oor die toetse, uitdagings en storms wat ons moet deurgaan op ons lewenspad.

Dan moet ons net 'n oomblik stil raak en kyk na die pad wat ons Verlosser moes stap om vergifnis van ons sondes deur Sy kruisdood te bewerkstellig.

Ons lees dat in gebed het Hy gevra, as dit U Wil is, laat hierdie beker by my verbygaan, maar nogtans nie My wil nie, maar U Wil.

Deur ons toetse en struikelblokke van die lewe leer ons gehoorsaamheid en begin ons GOD se pad vir ons lewe soveel beter verstaan.

Daarom laat ons nie traag word in ons gehoor en ophou luister na die Heilige Gees wanneer omstandighede moeilik raak nie, maar laat ons ook bid en sê, nogtans nie my wil nie, maar U Wil.

-------

GEBED.

VADER, hoekom moet ek hierdie deurgaan, is die eerste woorde op ons lippe wanneer die storms op ons lewenspad ons tref. Ons besef nie dat elke uitdaging ter voorbereiding van die volgende stap in ons lewe is nie. Ons besef nie dat U ons stapsgewys gehoorsaamheid leer om U plan vir ons lewe na te volg en uit te leef nie. Gee ons asb vandag die wysheid om uit die huidige situasie gehoorsaamheid te leer.

In die Naam van ons Meester YESHUA, bid ons vir U Wil in ons lewe.

Amen.

•••••••

Webtuiste: https://tentvansamekoms.co.za

Sel: +27716283107

HEBREËRS 4:1-2 AFR53

Tue, 04 Feb 2025 15:50:53 GMT

1. LAAT ons dan vrees dat, terwyl die belofte om in sy rus in te gaan nog standhou, dit nie miskien sal blyk dat iemand van julle agtergebly het nie.

2. Want aan ons is die evangelie ook verkondig net soos aan hulle; maar die woord van die prediking het hulle nie gebaat nie, omdat dit by die hoorders nie met die geloof verenig was nie.

***

Kern gedeelte:

"maar die woord van die prediking het hulle nie gebaat nie"

Daar is net een ware Evangelie wat verkondig word, en dit is die Evangelie van JESUS CHRISTUS, tot ons redding, wat ons lei op die pad na die ewige lewe.

Daarom as jy vanoggend Sy Stem hoor, verhard nie jou hart nie maar kies om gekies te word.

Die Woord van prediking gaan soveel mense niks baat nie, omdat hulle nie glo in die verlossings plan van GOD deur Sy Seun nie.

Of ons dit wil glo of nie, ons kan kies om nie gekies te word, en ongeloof is dit wat staan tussen ons en die regte keuse.

Die Verlossings plan van GOD is ook vir jou bedoel, maar die keuse is in jou hande.

-------

GEBED.

VADER, ons hoor net wat ons wil hoor, en daarom luister ons nie na die inspraak van U Heilige Gees nie. U staan voor die deur en klop maar ons maak nie oop. Ons lewe voort in ons eiesinnigheid en eiewysheid, en ons steur ons nie aan die boodskap van U Woord nie. Daagliks praat U met ons en roep ons tot bekering maar ons is te besig met die dinge van die wêreld. Bring ons asb tot stilstand, sodat ons ag sal slaan op dit wat U vir ons sê.

In die Naam van ons Meester YESHUA, bid ons vir die regte keuse, die persoonlike keuse van bekering, weg van die sonde, op die pad na die ewige lewe.

Amen.

•••••••

Webtuiste: https://tentvansamekoms.co.za

Sel: +27716283107

NÚMERI 22:31-33 AFR53

Mon, 03 Feb 2025 11:42:20 GMT

31. Toe open die Here die oë van Bíleam, sodat hy die Engel van die Here in die pad sien staan met sy ontblote swaard in sy hand, en hy het gebuig en op sy aangesig neergeval.

32. En die Engel van die Here vra hom: Waarom het jy jou esel nou al drie maal geslaan? Kyk, Ek self het uitgegaan as 'n teëparty, want jou weg loop gevaarlik steil in my oog!

33. Maar die esel het My gesien en nou al drie maal voor My uitgedraai. As sy nie voor My uitgedraai het nie — dan het Ek jou alte seker gedood en haar laat lewe.

***

Kern gedeelte:

"want jou weg loop gevaarlik steil in my oog!"

In 'n ander vertaling lees die woorde: want jou pad loop onaanvaarbaar voor my uit.

Ons moet bitter versigtig wees om nie sake te forseer en teen die Wil van GOD te beweeg nie, want dikwels wil ons dinge doen ter eër in die oë van mense en dink slegs aan die voordele wat mamon kan bied.

As dinge nie wil werk nie, moet dit nie forseer nie, want GOD het dalk in hierdie saak as teëparty teen jou opgetrek, en beskerm jou teen die foute en die skade wat jy vir jouself gaan veroorsaak in die toekoms.

Wees nie wys in jou eie oë, en steun nie op jou eie insig nie, maar ken GOD in alles.

As dit binne GOD se Wil is, sal deure outomaties oopgaan, geleenthede sal opkom, en GOD se Goedheid en Guns sal jou volg op hierdie pad.

-------

GEBED.

VADER, hoe dikwels waarsku U ons nie deur die inspraak van U Heilige Gees nie, maar ons volhard op die pad waarteen U ons gewaarsku het ter wille van geld en die eer van mense. Ons belei ons hardkoppigheid om in sonde voort te beur en teen U Wil in te werk. Open asb ons oë en wys U vir ons die pad waarop ons moet gaan.

In die Naam van ons Meester YESHUA, bid ons slegs vir die uitvoering van U Wil in ons lewe.

Amen.

•••••••

Webtuiste: https://tentvansamekoms.co.za

Sel: +27716283107

JEREMIA 50:7 AFR53

Fri, 31 Jan 2025 16:14:38 GMT

7. Almal wat hulle kry, het hulle opgeëet; en hulle teëstanders het gesê: Ons maak ons nie skuldig nie, omdat hulle gesondig het teen die Here, die Woning van geregtigheid en die Verwagting van hulle vaders, die Here.

***

Kern gedeelte:

"die Verwagting van hulle vaders"

As jy deur sonde, deur ongeduld van jou drome vergeet het, beteken dit nie dat GOD daarvan vergeet het nie.

Die verwagting wat ons in GOD gehad het om dit 'n werklikheid te maak verdof met tyd afgetakel deur sonde van ongeloof, en ons glo nie meer soos in die begin nie

Soos die tyd aanstap verloor ons hoop, raak ons moeg en begin die wêreld ons afgemat maak.

STOP EN LUISTER!

Haal jou oë van die wêreld af, en draai jou fokus terug na GOD toe want die wat op die Here wag, kry nuwe krag; hulle vaar op met vleuels soos die arende; hulle hardloop en word nie moeg nie, hulle wandel en word nie mat nie.

Moet dat GOD net 'n flou verwagting wees nie, deel opnuut jou drome en jou visie met GOD, herhinner GOD aan Sy beloftes oor jou lewe, en laat GOD jou aktiewe Verwagting word, laat GOD jou Woning van onpartydige opregtheid word.

-------

GEBED.

VADER, as ons lank genoeg na 'n leuen luister, word dit mettertyd die waarheid wat ons aanvaar in ons lewe. Die "verderwer" is die meester van leuens en daagliks vertel die wêreld ons dat daar geen hoop en verwagting in U is nie, en dat slegs die wêreld die oplossing kan bied. Ons slaan slaan vanoggend ons oë op na die berge, waar sal ons hulp vandaan kom. Ons hulp is van die HERE.

In die Naam van ons Meester YESHUA, dank ons U dat U ons aktiewe hoop en verwagting is.

Amen.

•••••••

Webtuiste: https://tentvansamekoms.co.za

Sel: +27716283107

JOHANNES 10:27-29 AFR53

Thu, 30 Jan 2025 11:11:37 GMT

27. My skape luister na my stem, en Ek ken hulle, en hulle volg My.

28. En Ek gee hulle die ewige lewe, en hulle sal nooit verlore gaan tot in ewigheid nie, en niemand sal hulle uit my hand ruk nie.

29. My vader wat hulle aan My gegee het, is groter as almal; en niemand kan hulle uit die hand van my Vader ruk nie.

***

Kern gedeelte:

"My skape luister na my stem"

Moenie mislei word nie, want GOD roep jou nie deur jou sonde nie, maar uit jou sonde uit tot bekering deur JESUS CHRISTUS na die ewige lewe.

As die stem wat jy hoor, die gevoel wat jy ervaar, jou terugroep na jou sondes, weet dan dat die " verderwer" jou tot struikeling wil bring!

Die "verderwer" ken jou naam en hy roep jou deur jou sondes.

GOD aan die ander kant, ken jou sondes, maar Hy roep jou op jou naam tot wegkeer van jou sondes.

Reg is reg, verkeerd is verkeerd, en nooit sal GOD jou terugvat na waar jy vandaan kom nie, Hy sal jou nooit terugvat na jou sondes toe nie.

-------

GEBED.

VADER, hoe maklik is dit nie om deur die wêreld bedrieg te word nie, want soos die engelse mense së: "Nowdays everything goes". U sê, wees heilig want Ek is Heilig. Gee ons asb 'n honger na U Woord, sodat ons U riglyne wat U vir ons deur U Woord gee, sal navolg en uitleef.

Laat ons nie deur die stem van die wêreld mislei word nie.

In die Naam van ons Meester YESHUA, bid ons vir geestelike geopende oë wat die waarheid sal sien.

Amen.

•••••••

Webtuiste: https://tentvansamekoms.co.za

Sel: +27716283107

SPREUKE 6:16-19 AFR53

Wed, 29 Jan 2025 07:38:04 GMT

16. Hierdie ses dinge haat die Here, en sewe is vir sy siel 'n gruwel:

17. trotse oë, 'n leuenagtige tong en hande wat onskuldige bloed vergiet,

18. 'n hart wat onheilsplanne beraam, voete wat haastig na die kwaad toe loop,

19. een wat as valse getuie leuens uitstrooi en tussen broers tweedrag saai.

***

Kern gedeelte:

"Hierdie ses dinge haat die Here, en sewe is vir sy siel 'n gruwel"

Kom ons neem 'n oomblik om weer stadig deur alles te werk.

1. Trotse oë.

2. 'n Leuenagtige tong.

3. Hande wat onskuldige bloed vergiet.

4. 'n Hart wat onheilsplanne beraam.

5. Voete wat haastig na die kwaad toe loop.

6. Een wat as valse getuie leuens uitstrooi

7. Tussen broers tweedrag saai.

Ek dink nie ons moet net vaskyk in die sewe dinge wat GOD haat nie, maar ook waarom sou GOD die bogenoemde haat?

Wat sal die teenoorgestelde van die bogenoemde sewe dinge wees.

1. Nederige oë voor GOD want wat ons is, is net genade.

2. 'n Tong wat waarheid en lewe spreek

3. Hande wat nie onskuldige bloed vergiet nie.

4. 'n Hart wat eerlik en opreg is voor GOD.

5. Voete wat haastig na die goeie toe loop.

6. Een wat as eerlike getuie in die waarheid staan.

7. Tussen broers vrede maak.

As ons, ons gesindheid verander, sal die wêreld 'n baie beter plek wees.

-------

GEBED.

VADER, dankie dat U ons daarop wys dat ons gesindheid bepaal ons lewens-koers en eindbestemming. Laat U Heilige Gees ons asb lei om ons gesindheid te verander. As ons nie alles in een dag kan verander nie, gee ons dan asb die krag om elke dag te strewe om beter te word, meer en meer soos U Seun te wees.

In die Naam van ons Meester YESHUA, bid ons dat U ons in die pad van waarheid sal lei.

Amen.

Webtuiste: https://tentvansamekoms.co.za

Sel: +27716283107

MATTHÉÜS 7:3-5 AFR53

Tue, 28 Jan 2025 04:51:45 GMT

3. En waarom sien jy die splinter in die oog van jou broeder, maar die balk in jou eie oog merk jy nie op nie?

4. Of hoe sal jy vir jou broeder sê: Laat my toe om die splinter uit jou oog uit te haal, en kyk, in jou eie oog is die balk!

5. Geveinsde, haal eers die balk uit jou oog uit, en dan sal jy goed sien om die splinter uit die oog van jou broeder uit te haal.

***

Kern gedeelte:

"maar die balk in jou eie oog merk jy nie op nie?"

In die eiewysheid van die mens lê die grootste probleem in ons oordeel van ander.

Wanneer ander mense nie in ons oortuigings raamwerk inpas nie, wil ons hulle oordeel en vingers wys.

Vanoggend wil ek vir jou sê, niemand is perfek nie, nie ek nie, en ook nie jy nie.

GOD het elkeen van ons anders geskape en het 'n unieke plan vir elkeen se lewe.

As iemand wel in blatante sonde voortleef nadat jy hom daarop gewys het, sny hom af, beweeg aan met jou lewe en moet jou nie met hom assosieer nie, want die sonde mag jy nie goedkeur nie.

Maar moet hom nie oordeel nie, en wys nie vingers nie, want onself staan onder die oordeel van GOD en ons is nie naastenby so perfek as wat ons wil dink of voorgee nie.

-------

GEBED.

VADER, al wat ons kan vra is dat U ons genadig sal wees, want almal sondig en almal maak foute. Verblind deur ons eiewysheid oordeel ons ander mense, maar ons vergeet dat as ons een vinger na 'n ander wys, wys daar drie vingers terug na ons. Vergewe ons asb en leer ons asb hoe om die son oor almal te laat skyn.

In die Naam van ons Meester YESHUA, bid ons dat U ons oë sal open sodat ons eers die balk in ons eie oë sal raaksien.

Amen.

•••••••

Webtuiste: https://tentvansamekoms.co.za

Sel: +27716283107

NEHEMÍA 13:1-2 AFR53

Mon, 27 Jan 2025 08:43:02 GMT

1. OP dié dag is daar voor die ore van die volk voorgelees uit die boek van Moses, en daarin het geskrywe gestaan dat geen Ammoniet of Moabiet tot in ewigheid in die vergadering van God mag kom nie,

2. omdat hulle die kinders van Israel nie teëgekom het met brood en water nie, en Bíleam teen hulle gehuur het om hulle te vervloek; maar onse God het die vloek in 'n seën verander.

***

Kern gedeelte:

"maar onse God het die vloek in 'n seën verander"

Jy mag miskien dink dat jou vyande oorwin het, omdat hulle teen jou opgestaan het, omdat hulle ander mense gebruik om jou te na te kom, omdat hulle ander mense gebruik om jou te ondermyn.

Hierdie is slegs die begin en jy moenie nou probeer om na wapens te gryp en terug te veg nie.

Jy moenie nou probeer om sake self te hanteer nie, maar jy het nodig om stil te wees, sake aan GOD oor te laat, tyd in gebed deur te bring en dan sal GOD hulle vloek oor jou in seëninge verander.

Dan sal die woorde van dood wat oor jou gespreek is, woorde van lewe word en jy sal lewe in oorvloed ervaar, want GOD het so gesê.

-------

GEBED.

VADER, ek dank U vanoggend dat U bevestig dat my vyande op een pad teen my sal optrek maar op tien paaie voor my sal uitvlug. Dat U die vloek en die dood wat hulle oor my lewe spreek tot seëning en lewe in oorvloed sal verander. Gee my asb die standvastigheid van geloof, sodat ek sal voortgaan met my lewe, met die wete dat my GOD is in beheer, met die wete dat U het reeds die oorwinning bewerkstellig het.

In die Naam van ons Meester YESHUA, bid ons vir gehoorsaamheid en standvastigheid.

Amen.

•••••••

Webtuiste: https://tentvansamekoms.co.za

Sel: +27716283107

MALEÁGI 3:10 AFR53

Fri, 24 Jan 2025 15:42:26 GMT

10. Bring die hele tiende na die skathuis, sodat daar spys in my huis kan wees; en beproef My tog hierin, sê die Here van die leërskare, of Ek vir julle nie die vensters van die hemel sal oopmaak en op julle 'n oorvloedige seën sal uitstort nie.

***

Kern gedeelte:

"en beproef My tog hierin, sê die Here van die leërskare"

Die oomblik wat ek verwys na Maleagi 3:10, dink almal ek vra vir geld, maar die lewe draai nie net om geld nie.

Deel van jou tiendes is ook van jou tyd, en hoeveel van jou tyd bestee jy aan GOD?

Moderne fone kan jou skerm tyd wat jy op elke applikasie spandeer het vir jou gee aan die einde van elke week.

Vergelyk die skermtyd met jou stiltetyd, waar jy stilte tyd saam met GOD deurgebring het, waar jy die eerste tiende van jou tyd spandeer het.

Enige iets groter as GOD in ons lewe is 'n afgod, en as die woorde jou tot aanstoot is, laat dit dan so wees.

Die waarheid is nie altyd mooi nie, maar dit bly die waarheid.

Jou huis is waar jou hart is, en as jou hart in opregte soeke na GOD is, sal mense meer van JESUS en minder van die wêreld in jou sien.

Sal jou stiltetyd vir jou belangriker word as jou media se skermtyd!

Nader tot GOD en hy sal tot jou nader.

-------

GEBED.

VADER, U Woord is waarheid en daarom onderneem ons vandag om 'n tiende van ons tyd aan U, U werk en die verspreideding van U Evangelie af te staan. Ons behoefte is om nader aan U groei en verder van die wêreld se verleiding en verderf af.

In die Naam van ons Meester YESHUA, bid ons dat U ons sal verlos van die media verslawing wat oor ons heers.

Amen.

•••••••

Webtuiste: https://tentvansamekoms.co.za

Sel: +27716283107

JOHANNES 16:7-11 AFR53

Thu, 23 Jan 2025 08:32:43 GMT

7. Maar Ek sê julle die waarheid: Dit is vir julle voordelig dat Ek weggaan; want as Ek nie weggaan nie, sal die Trooster nie na julle kom nie; maar as Ek weggaan, sal Ek Hom na julle stuur;

8. en as Hy kom, sal Hy die wêreld oortuig van sonde en van geregtigheid en van oordeel:

9. van sonde, omdat hulle in My nie glo nie;

10. en van geregtigheid, omdat Ek na my Vader gaan en julle My nie meer sal sien nie;

11. en van oordeel, omdat die owerste van hierdie wêreld geoordeel is.

***

Kern gedeelte:

"maar as Ek weggaan, sal Ek Hom na julle stuur"

Die Heilige Gees, die Gees van Waarheid is aan ons gegee om ons te oortuig van ons sondes en ons te lei na die pad van bekering waar ons JESUS CHRISTUS aanvaar as ons persoonlike Verlosser en Saligmaker.

Van daar sal die Heilige Gees daagliks in ons lewe inspreek, en ons rig op ons lewenspad.

Hy sal ons nie net oortuig van sonde en van geregtigheid en van oordeel nie, maar deur Sy inwerking sal ons strewe na die onpartydige opregtheid van GOD, na GOD se perfekte Wil vir ons lewe, na 'n lewe waar ons in 'n skoon hart en gewete voor GOD kan staan.

Dus as jy vandag Sy Stem hoor, verhard nie jou hart nie.

-------

GEBED.

VADER, vandag kom ons voor U en ons belei ons sondes, ons hardheid van hart, en ons ongeloof. Hierdie gebeur nog omdat U Heilige nog nie in volheid by ons kan inwoon nie omdat ons nog besig is met die dinge van hierdie wêreld. Ons vra dat U Heilige Gees ons sal aanraak en verandering sal bring in ons hart en ons lewens.

In die Naam van ons Meester YESHUA, bid ons vir waarheid, insig en vrede.

Amen.

••••••

Webtuiste: https://tentvansamekoms.co.za

Sel: +27716283107

JOHANNES 15:1-2, 4-5 AFR53

Wed, 22 Jan 2025 08:35:41 GMT

1. EK is die ware wynstok, en my Vader is die landbouer.

2. Elke loot wat in My nie vrug dra nie, neem Hy weg; en elke loot wat vrug dra, dié maak Hy skoon, sodat dit meer vrug kan dra.

4. Bly in My, soos Ek in julle. Net soos die loot geen vrug kan dra van homself as dit nie in die wynstok bly nie, so julle ook nie as julle in My nie bly nie.

5. Ek is die wynstok, julle die lote. Wie in My bly, en Ek in hom, hy dra veel vrug; want sonder My kan julle niks doen nie.

***

Kern gedeelte:

"Elke loot wat in My nie vrug dra nie"

Hierdie teksvers is vir my die skeidslyn van geloof in GOD, deur JESUS CHRISTUS, wat vir ons sonde aan die kruis gesterf het.

Om dit met die mond te bely gaan nie my opinie rondom die volgende persoon verander nie, maar aan die vrugte sal die boom geken word.

Ons kan voorgee dat ons geloof in GOD gevestig is, deur JESUS CHRISTUS, maar 'n vyeboom kan nie perskes dra nie, en Kakiebos ruik nie soos Laventel nie.

Maar as jy deur JESUS CHRISTUS, daadwerklik GOD dien en Sy gebooie onderhou, sal jy wees soos 'n boom wat geplant is by 'n waterstroom, wat sy vrugte gee op sy tyd..

Dan sal jy nie net lewe nie, maar jy sal 'n lewe van oorvloed beleef, want met GOD is jy tot alles in staat.

-------

GEBED.

VADER, as ons nie in U Seun geloot is nie en nog die vrugte van die "verderwer", die vrugte van hierdie wêreld dra, laat die Gees van Waarheid, U Heilige Gees in ons lewe inwerk en ons skoon sny van die dinge wat nie in ons lewe hoort nie, van die dinge wat ons nog gebonde hou. Maak ons asb vry sodat ons U in waarheid sal dien.

In die Naam van ons Meester YESHUA, bid ons vir die inwerking van U Heilige Gees in ons lewe sodat dit wat nie in ons lewe hoort nie, verwyder sal word.

Amen.

•••••••

Webtuiste: https://tentvansamekoms.co.za

Sel: +27716283107

JOHANNES 14:15, 21, 23 AFR53

Tue, 21 Jan 2025 07:33:16 GMT

15. As julle My liefhet, bewaar my gebooie.

21. Wie my gebooie het en dié bewaar, dit is hy wat My liefhet; en wie My liefhet, hóm sal my Vader liefhê, en Ek sal hom liefhê en My aan hom openbaar.

23. Jesus antwoord en sê vir hom: As iemand My liefhet, sal hy my woord bewaar, en my Vader sal hom liefhê, en Ons sal na hom toe kom en by hom woning maak.

***

Kern gedeelte:

"Ons sal na hom toe kom en by hom woning maak"

Daar is soveel argumente oor GOD se gebooie en soveel mense sê dat dit nie meer van toepassing is nie, en tog as ons Johannes 14:10 gaan lees, sê dit: Glo jy nie dat Ek in die Vader is en die Vader in My nie? Die woorde wat Ek tot julle spreek, spreek Ek nie uit Myself nie; maar die Vader wat in My bly, Hy doen die werke.

JESUS CHRISTUS, maak dit duidelik, as julle My liefhet, bewaar my gebooie, en die woorde deur Hom gespreek, kom van die VADER af.

As jy GOD se gebooie nie net lees nie, maar begin uitleef, sal jy ook beter verstaan wanneer daar gesê word, soek eers die Koningkryk van GOD, en Sy Geregtigheid, al hierdie dinge sal vir julle bygevoeg word.

In die gebooie lê die antwoord op die bogenoemde.

-------

GEBED.

VADER, daar is niemand so blind soos iemand wat nie wil sien nie en niemand so doof soos iemand wat nie wil hoor. Daarom hoor mense net wat hulle wil hoor, maar die riglyne wat U gee in U Woord, pas nie by hulle in nie, want die navolg van die wêreld se plesiere is vir hulle belangriker. Ek vra vandag dat U oë en ore sal open vir die Waarheid van U Woord.

In die Naam van ons Meester YESHUA, bid ons dat U nie sal toelaat dat ons mislei word deur die "verdêrwer" nie.

Amen.

•••••••

Webtuiste: https://tentvansamekoms.co.za

Sel: +27716283107

HEBREËRS 3:7-8, 15 AFR53

Mon, 20 Jan 2025 08:51:23 GMT

7. Daarom, soos die Heilige Gees spreek: Vandag as julle sy stem hoor,

8. verhard julle harte nie soos in die verbittering, in die dag van die versoeking in die woestyn nie,

15. omdat daar gesê word: Vandag as julle sy stem hoor, verhard julle harte nie soos in die verbittering nie.

***

Kern gedeelte:

"Vandag as julle sy stem hoor"

Moenie hierdie geleentheid laat verbygaan nie, en moenie uitmis op dit wat GOD in jou lewe wil inspreek nie.

Hoeveel keer in die verlede moes jy die toetse van die lewe herhaal, want as jy nie uit jou lewens foute leer nie, sal die "verderwer" dit herhaaldelik op jou lewens pad plaas tot jou struikeling.

GOD het die antwoorde, maar kon tot nou nog nie tot jou deurdring nie.

Weet net dit, vandag as julle Sy stem hoor, verhard nie julle hart in spyt, woede, verbittering, hartseer of onvergifnis nie.

Maak oop jou hart, laat die Heilige Gees toe om by jou te kom inwoon, en sien hoe GOD se Goeheid en Guns in jou lewe begin inwerk.

-------

GEBED.

VADER, in hierdie oggend kom ons voor U en vra vir vergifnis vir die verskeie kere wat ons, ons hart verhard het en na U Stem nie geluister het nie. Vergewe asb ons ongeloof, want as U ons nie in die minste kan vertrou nie, hoe sal U ons dan met die meeste kan vertrou. Open asb ons hart, ons wil en emosie en maak ons asb ontvanklik vir die inspraak van U Heilige Gees.

In die Naam van ons Meester YESHUA, bid ons vanoggend vir geopende ore wat U Stem kan hoor.

Amen.

•••••••

https://tentvansamekoms.co.za

Sel: +27716283107

NÚMERI 16:24, 26 AFR53

Fri, 17 Jan 2025 10:42:23 GMT

24. Spreek met die vergadering en sê: Maak dat julle wegkom rondom die woning van Korag, Datan en Abíram!

26. Daarop het hy die vergadering toegespreek en gesê: Verwyder julle tog van die tente van hierdie goddelose manne en raak nie aan iets wat aan hulle behoort nie, dat julle nie weens al hulle sondes omkom nie.

***

Kern gedeelte:

"dat julle nie weens al hulle sondes omkom nie"

So dikwels in my eie lewe het ek mense ontmoet, en onmiddelik het ek in my gees met hulle gebots, en dan ervaar dat die Heilige Gees in my inspreek met die waarskuwing, kom nie naby hulle huise of moenie met hulle besigheid doen nie.

Uit duur lesse, het ek gehoorsaamheid aangeleer, want waar ek nie ag geslaan het op die waarskuwings nie, was dit tot my bitterre spyt, en tot baie groot finansiële skade.

As jy 'n Goddelike waarskuwing ontvang deur die inspraak van die Heilige Gees, luister, draai om en stap weg.

Want as jy nie luister nie, sal hulle sondes jou ook tot skade wees.

Sal jy deur hulle sondes meegesleep word.

-------

GEBED.

VADER, spyt is 'n goeie ding, maar dit kom altyd te laat. Gee ons asb die krag om die pad in gehoorsaamheid te stap, sodat ons nie deur ander se sondes meegesleep sal word, en dit ons tot skade sal wees nie. Dankie vir U Hand van beskerming oor ons lewe, en ons vra dat U ons ore sal open vir waarskuwings wat U aan ons rig.

In die Naam van ons Meester YESHUA, bid ons vir U Krag, Wysheid, Insig en Leiding in ons lewe!

Amen.

•••••••

Webtuiste: https://tentvansamekoms.co.za

Sel: +27716283107

MATTHÉÜS 6:25, 27 AFR53

Thu, 16 Jan 2025 14:55:39 GMT

25. Daarom sê Ek vir julle: Moenie julle kwel oor jul lewe — wat julle sal eet en wat julle sal drink nie; of oor jul liggaam — wat julle sal aantrek nie. Is die lewe nie meer as die voedsel en die liggaam as die klere nie?

27. Wie tog onder julle kan, deur hom te kwel, een el by sy lengte voeg?

***

Kern gedeelte:

"Moenie julle kwel oor jul lewe"

As jy die tyd neem wat jy spandeer om jou te sit en bekommer oor die dag van môre, en jy spandeer dit in gebed, in toenadering tot GOD, sal jy GOD se plan vir jou lewe soveel beter verstaan, en jy sal sien hoe GOD se hand in jou lewe begin beweeg.

Dit sal teweegbring dat jy vrede sal ervaar, soos GOD se Woord vir ons sê, vrede wat alle verstand te bowe gaan.

Dit sal GOD se plan vir jou lewe tot uitvoer bring, en daarmee ook GOD se Goedheid en Guns.

Ek sê dit weer, bekommernis en twyfel is die boublokke van die verderwer, en dit waaraan jy jou aandag spandeer sal die kern van jou lewens bestaan word.

-------

GEBED.

VADER, dankie dat U ons daaraan herhinner dat hoe nader ons aan U leef, hoe kleiner sal ons probleme wees en ons bekommernis oor die dag van môre sal nie meer die kern van ons bestaan wees nie, want ons sal lewe met die wete dat die Lewende GOD is in beheer van my lewe. Leer ons asb om nie bekommerd te wees oor die dag van môre nie want ook daarvoor het U reeds voorsien.

In die Naam van ons Meester YESHUA, bid ons vir U vrede in ons hart.

Amen.

•••••••

Webtuiste: https://tentvansamekoms.co.za

Sel: +27716283107

JEREMIA 45:4 AFR53

Wed, 15 Jan 2025 10:29:16 GMT

4. So moet jy vir hom sê: So spreek die Here: Kyk, wat Ek gebou het, breek Ek self af; en wat Ek geplant het, ruk Ek self uit; en dit betref die hele aarde.

***

Kern gedeelte:

"So moet jy vir hom sê"

Vanoggend se boodskap is gerig aan een persoon, aan die President van ons land.

Ek profeteer nie oor die toekoms nie, en doen geen voorspellings nie, want die dag van môre behoort aan die Lewende GOD.

GOD het u aangestel om ons land te lei maar u het toegelaat dat daar verlei word.

Al sal u waarskynlik nie ag gee op die boodskap nie, weet egter dat GOD sal afbreek wat Hy gebou het en sal uitruk wat Hy geplant.

Die kans was u gegun om na GOD te soek met u hele hart, siel en verstand, maar daardie venster van geleentheid het vir u verbygegaan.

My gebed vir u is dat GOD met u sal wees op die pad vorentoe, en mag dit met u gaan soos dit GOD behaag.

-------

GEBED.

VADER, die boodskap is gelewer, en die toekoms is in U hande. U sê in U Woord dat ons vir ons leiers moet bid, en daarom bid ons vandag vir ons president, en sy regering, en vra dat U hulle nog 'n kans sal gee om te belei en hulle weg te keer van die weë van hierdie wêreld. U is 'n genadige GOD, en daarom vra ons vir U genade.

In die Naam van ons Meester YESHUA, bid ons dat U ons land sal lei tot opbou en stigting, en laat Suid-Afrika die Ligpunt van die wêreld sal word.

Amen.

•••••••

Webtuiste: https://tentvansamekoms.co.za

Sel: +27716283107

JEREMIA 44:22 AFR53

Tue, 14 Jan 2025 11:42:20 GMT

22. sodat die Here dit nie langer kon verdra weens die boosheid van julle handelinge, weens die gruwels wat julle bedryf het nie. So het julle land dan 'n puinhoop geword en 'n voorwerp van verbasing en van vervloeking, sonder inwoners, soos dit vandag is;

***

Kern gedeelte:

"sodat die Here dit nie langer kon verdra"

Om jou te bekeer, in kort, beteken om jou weg te keer van die sondes, van die wêreldse gewoontes, deur JESUS CHRISTUS te aanvaar as ons Verlosser en Saligmaker.

Ons verwys so graag na onself as kinders van GOD, maar ons lewensboom dra nog die vrugte van die wêreld.

Deur GOD se genade bly ons steeds in die lewe, en deur Sy genade bly ons in Sy Hand van beskermimg.

Miskien kan jy nog 'n wyle op genade se rug ry en dink dat die dag van môre vir jou gewaarborg is.

Die dag van môre is nie aan een van ons gewaarborg nie, en daarom het jy, soos jy die boodskap lees of luister, die keuse om jou terug te draai na GOD.

Ja, weet dit, self genade het 'n einde, maar die keuse is joune om te maak.

-------

GEBED.

VADER, U praat, maar ons luister nie, omdat ons eiewys is, omdat ons dade in ons eie oë geregverdig is. Dit is eers wanneer U Heilige Gees ons oë open dat ons, onself sien vir wie ons werklik is. As ons U Seun as ons Verlosser en Saligmaker in waarheid aanvaar, maak ons nie verder verskonings nie, ry ons nie verder op die rug van U genade nie.

In die Naam van ons Meester YESHUA, bid ons dat U ons oë sal open sodat ons, onself sal sien vir wie ons werklik is.

Amen.

•••••••

Webtuiste: https://tentvansamekoms.co.za

Sel: +27716283107

JEREMIA 42:3, 6 AFR53

Mon, 13 Jan 2025 10:52:52 GMT

3. dat die Here u God ons bekend mag maak die pad wat ons moet trek, en die saak wat ons moet doen.

6. Laat dit goed of sleg wees — ons sal luister na die stem van die Here onse God na wie ons u stuur, dat dit met ons goed kan gaan as ons luister na die stem van die Here onse God.

***

Kern gedeelte:

"Laat dit goed of sleg wees — ons sal luister"

Dit is menslik dat ons die slegte nuus van beproewings wat kom, swaar tye wat voor die deur lê of teenspoed wat gaan tref probeer vermy en daarom hang die mense eerder "voorspoed" predikers aan, wat jou slegs goeie nuus sal gee tot hulle eie voordeel.

Deel eerder nou met die realiteit van die situasie, luister na GOD se stem deur die inspraak van Sy Heilige Gees.

Maak nie saak watter pad jy moet stap, deur watter situasie jy moet gaan nie, weet net dat GOD sal jou nooit faal nie en Hy sal jou nooit verlaat nie.

Al gaan ons deur 'n dal van doodskaduwee, ons sal geen onheil vrees nie.

As GOD so gesê het, sal dit so wees, want GOD is 'n Waarmaker van Sy Woord.

-------

GEBED.

VADER, dankie vir die boodskap en die besef dat ons die pad moet stap soos U ons Lei, ongeag moeilik of sleg. Dit is juis die moeilike tye van vandag wat ons voorberei vir die deurbrake, die goeie tye van môre. Versterk ons asb, en laat ons nie terugdeins vir die slegte nuus nie, want met ons GOD loop ons 'n bende storm en met ons GOD spring ons oor 'n muur.

In die Naam van ons Meester YESHUA, bid ons dat U ons ore sal open vir die waarheid, ongeag die boodskap, ongeag goed of sleg.

Amem.

•••••••

Webtuiste: https://tentvansamekoms.co.za

Sel: +27716283107

JOHANNES 13:37-38 AFR53

Fri, 10 Jan 2025 10:30:50 GMT

37. Petrus sê vir Hom: Here, waarom kan ek U nie nou volg nie? Ek sal my lewe vir U gee.

38. Jesus antwoord hom: Sal jy jou lewe vir My gee? Voorwaar, voorwaar Ek sê vir jou, die haan sal sekerlik nie kraai voordat jy My drie maal verloën het nie.

***

Kern gedeelte:

"die haan sal sekerlik nie kraai voordat jy My drie maal verloën het nie"

Hoe gaan jy optree wanneer sake skeef begin loop en jou lewe uitmekaar begin val.

Maklik om te antwoord as die son skyn en alles gaan goed, maar die oomblik as die storms tref, en alles draai teen ons, is dit dan nog so maklik om GOD te loof en te prys.

Moenie te vinnig antwoord nie, want soos Petrus kan jy dit dalk op die harde manier uitvind!

Jou omstandighede bepaal nie jou in diepte verhouding met GOD nie.

As jou fondasie in JESUS CHRISTUS gevestig is, sal niks in die wêreld jou lewe skud sodat jy jou rug op GOD draai nie.

Weereens kyk ons na Petrus se lewe en na die uitstorting van die Heilige Gees kon hy eers die pad begin stap met sy fondasie stewig gevestig in Jesus Christus.

Moenie dat omstandige jou geloof laat wankel nie, want dit is jou geloof in GOD wat jou deur jou omstandighede dra.

-------

GEBED.

VADER, ook vanoggend moet ons bieg, dat wanneer die storms onstuimig raak, groei die twyfel in ons. Raak ons onseker oor U teenwoordigheid en U plan vir ons lewe. Laat U Heilige Gees inwerk op ons lewe sodat ons sal voortbou op die fondasie wat U Seun in ons lewe gele het.

In die Naam van ons Meester YESHUA, bid ons dat U ons sal versterk in elke saak waar die lewe teen ons mag draai.

Amen.

•••••••

Webtuiste: https://tentvansamekoms.co.za

Sel: +27716283107

JOHANNES 12:42-43 AFR53

Thu, 09 Jan 2025 13:15:24 GMT

42. Maar tog het selfs baie van die owerstes in Hom geglo; maar ter wille van die Fariseërs het hulle dit nie bely nie, om nie uit die sinagoge geban te word nie.

43. Want hulle het die eer van die mense meer liefgehad as die eer van God.

***

Kern gedeelte:

"Want hulle het die eer van die mense meer liefgehad"

Die spreekwoord lui so, wys my jou vriende en ek wys jou, jou toekoms!

As jy nog bekommerd is oor die opinies van mense wanneer dit oor die Woord van GOD gaan, is jy nie op die regte plek nie.

As daar nie plek is vir GOD se Woord in die geselskap nie, dan is daar ook nie plek vir my nie.

Dit geld nie net vir ons vriende kring nie, maar sluit besigheids transaksies in.

Die laasgenoemde is uiters belangrik, want mense verander en draai die situasie, verander die rigting van die gesprek sodat die geld gedeelte op die ou end nie verlore gaan nie.

As ons liefde vir geld, groter is as liefde vir GOD, dan dien ons mamon!

As mense se opinies belangriker is as GOD se Woord, dan leef ons nog die wêreld.

Om dit te ontken gaan niks aan die saak verander nie, maar weet dat op die einde is dit net jy en GOD as ons voor die wit-troon oordeel staan.

-------

GEBED.

VADER, gee ons asb die krag deur die inwerking van U Heilige Gees om U nooit te ontken of ons te skaam vir U Woord in enige situasie, transaksie of gesprek nie. Laat ons nie bekommerd wees oor die nadraai van finansies nie, want U is die groot voorsiener. Laat U en U Woord ons eerste prioriteit wees.

In die Naam van ons Meester YESHUA, bid ons vir die krag om nie aan die wêreld gelykvormig te word nie.

Amen.

•••••••

Webtuiste: https://tentvansamekoms.co.za

Sel: +27716283107

I JOHANNES 4:4 AFR53

Wed, 08 Jan 2025 10:29:15 GMT

4. Julle is uit God, my kinders, en het hulle oorwin, omdat Hy wat in julle is, groter is as hy wat in die wêreld is.

***

Kern gedeelte:

"omdat Hy wat in julle is, groter is as hy wat in die wêreld is"

Vanoggend besef ek opnuut dat ons ongeloof is dit wat ons van GOD verwyder en ons twyfel is die bou blokke tot isolasie en struikeling wat die "verderwer" teen ons gebruik.

Daagliks vertel ons vir die mense van hierdie wêreld hoe groot en onoorkombaar ons probleme is, instede daarvan dat ons, ons probleme aanspreek in die Naam van JESUS CHRISTUS, en vir die mense vertel hoe groot ons GOD is.

Al het jy al sewe keer geval, weet dat GOD jou agt keer sal oprig.

Dit is nie hoe jy val wat saakmaak nie, maar dit is hoe jy opstaan in GOD.

Dit is hoe jy aanhou, weer probeer, en volhard in jou geloof.

Moenie opgee nie, want GOD sal die goeie werk wat Hy in jou begin het voltooi.

Die oorwinning is reeds joune, staan net op en probeer weer.

-------

GEBED.

VADER, vandag wil ek vir die wêreld vertel hoe groot ons GOD is, en daar is niks wat U nie kan doen. Ons weet ons is ons eie grootste vyand, ons is ons grootste beperking want ons spreek dood oor ons lewe en ons toekoms, en die vrees verlam ons en dan gee ons oor nog voor ons begin het, nog voor ons probeer het. Gee ons asb die krag om in U staande te bly.

In die Naam van ons Meester YESHUA, spreek ons lewe en verklaar ons reeds die oorwinning oor elkeen se lewe wat hierdie boodskap lees of luister.

Amen.

•••••••

Webtuiste: https://tentvansamekoms.co.za

Sel: +27716283107

TITUS 2:1-2 AFR53

Tue, 07 Jan 2025 18:17:14 GMT

1. MAAR spreek jy wat by die gesonde leer pas.

2. Die ou manne moet nugter wees, waardig, ingetoë, gesond in die geloof, in die liefde, in die lydsaamheid.

***

Kern gedeelte:

"Die ou manne moet nugter wees, waardig, ingetoë, gesond in die geloof, in die liefde, in die lydsaamheid"

Vandag wil ek met die ouer manne praat en ek wil praat oor ons gedrag, die voorbeeld wat ons stel vir die jonger volwassenes.

Sien hulle Lig van JESUS CHRISTUS wat deur jou skyn om die wêreld te verlig, ervaar hulle die standvastigheid van jou geloof in GOD?

Of lewe jy nog in die gewoontes van die wêreld, waar jy nog vasgevang is in die weë van die "verderwer".

Jy kan wel mense tydelik om die bos lei met mooi woorde en skynheilige optrede.

Maar weet, Olie is olie, en water is water, en wanneer die houer begin uitloop is die een tot lewe vir die grond en die ander tot die skade daarvan.

So ook jou karakter, die een sal tot lewe en opbou in GOD wees, en die ander sal tot die verderf van die mense rondom jou lei.

Word stil, ondersoek jouself, en laat die Heilige Gees in jou, jou aankla.

-------

GEBED.

VADER, hoe maklik raak ons nie aan die wêreld gelykvormig deur ons woorde en optrede nie. Die skeidslyn tussen U kinders en die kinders van hierdie wêreld het amper onsigbaar geword, en ons woorde en optrede is 'n bewys hiervan. Gee ons asb die krag om vandag op te staan en te verklaar dat ons in U leef, en dat ons woorde en dade dit sal bevestig.

In die Naam van ons Meester YESHUA, bid ons vir vergifnis van ons sonde, die losbandigheid waarin ons lewe.

Amen.

•••••••

Webtuiste: https://tentvansamekoms.co.za

Sel: +27716283107

NÚMERI 14:41-42 AFR53

Mon, 06 Jan 2025 10:22:22 GMT

41. Maar Moses het gesê: Waarom oortree julle tog die bevel van die Here, aangesien dit tog nie sal geluk nie?

42. Moenie optrek nie, want die Here is nie in julle midde nie — anders word julle verslaan voor julle vyande.

***

Kern gedeelte:

"Moenie optrek nie, want die Here is nie in julle midde nie"

Vanoggend, vroeg in die jaar wil ek net vir jou sê, moenie optrek, iets begin as jy nie die teenwoordigheid van GOD in jou lewe, in die saak ervaar nie.

Die Woord van GOD is baie duidelik in hierdie saak, as die HERE die huis nie bou nie, tevergeefs bou die bouer, en as die HERE die stad nie bewaak nie, tevergeefs waak die wagter.

Moenie in hardkoppigheid of eiesinnigheid beweeg nie, want slegs GOD verander sake en omstandighede ten goede.

Soos die Israeliete, kan ons wel voortgaan nadat ons hierdie waarskuwing ontvang het, maar weet dat dit jou ten skade sal wees.

Soek eers GOD se teenwoordigheid in elke saak, en laat Sy Heilige Gees jou beweeg wanneer die tyd reg is.

-------

GEBED.

VADER, ons het baie planne en idees wat ons wil najaag en tot uitvoering bring, sonder dat ons U in elke saak ken. Sonder dat ons U raadpleeg, en belangriker nog, ons wag nie op U bevestiging nie, ons forseer deure oop en volg ons eie kop. Ons vra vandag, dat U ons teen ons eiesinnigheid sal beskerm en ons sal leer om nie 'n tree te beweeg as U nie in ons midde is nie.

In die Naam van ons Messter YESHUA, bid ons vir U Hand van beskerming oor ons.

Amen.

•••••••

Webtuiste: https://tentvansamekoms.co.za

Sel: +27716283107

GALÁSIËRS 1:10 AFR53

Fri, 03 Jan 2025 12:11:36 GMT

10. Soek ek dan nou die guns van mense, of van God? Of probeer ek om mense te behaag? As ek nog mense behaag, dan sou ek nie 'n dienskneg van Christus wees nie.

***

Kern gedeelte:

"As ek nog mense behaag"

Vandag se dagstuk is kort, maar tot die punt.

Hoekom laat jy steeds toe dat mense jou manipuleer.

Die mens kan jou omstandighede tydelik ondraaglik maak, maar ook daaruit sal GOD jou uitred.

Besef dit vanoggend, jy kan nie GOD en die wêreld gelyktydig dien nie.

Of jy lewe saam met mense wat in eenheid voor GOD lewe, of jy lewe saam met die kinders van die verderf.

As jy hulle weë goedkeur, en jou met hulle assosieër, dan is jou net so skuldig.

Vertel hulle van die Evangelie van JESUS CHRISTUS, vertel hulle dat dit tyd is om hulle van hulle sonde te bekeer.

Dan beweeg jy aan, want die bloed is nie meer op jou hande nie, want hulle was gewaarsku, en voor GOD kan dit nooit ontken word nie.

-------

GEBED.

VADER, lê asb die woorde in ons mond wat ons moet spreek tot elkeen wat nog nie tot bekering gekom het nie, woorde van teregwysing en woorde wat hulle sal beweeg, om Heilige Gees gelei, verlossing deur U Seun te vind. Gee ons dan die krag om aan te beweeg, want die keuse is hulle keuse, en ons kan dit nie namens hulle maak nie.

In die Naam van ons Meester YESHUA, bid ons dat die regte keuses gemaak sal word wat siele sal lei tot bekering.

Amen.

•••••••

Webtuiste:https://tentvansamekoms.co.za

E-pos: fanie.le@tentvansamekoms.co.za

Sel: +27716283107

MATTHÉÜS 19:26 AFR53

Thu, 02 Jan 2025 11:04:29 GMT

26. Maar Jesus het hulle aangekyk en vir hulle gesê: By mense is dit onmoontlik, maar by God is alle dinge moontlik.

***

Kern gedeelte:

"By GOD is alle dinge moontlik"

As jy vanoggend glo dat jy dit nie gaan maak nie, dan wil ek vir jou sê, jy is besig om in die leuen van die "verderwer" te glo.

Deur jou twyfel sal jy negatief, afsydig en depresief raak en dan kan jy geen toekoms meer sien nie.

Maar as jy opstaan, GOD begin loof vir die onsienbare, dan sal GOD jou uitkyk oor sake verander, dan sal jy die krag van GOD in jou lewe begin ervaar, en jy sal lewe met die fondasie dat by GOD is alle dinge moontlik.

Moenie in 2025 op die arm van die die vlees steun nie, maar draai jou lewe, jou uitkyk en jou visie en plaas alles, sonder uitsondering voor GOD se voete, staan terug, glo soos 'n kind en jy sal GOD se hand sien beweeg, jy sal sien en ervaar dat by GOD is alles moontlik.

-------

GEBED.

VADER, U weet dat ek vanoggend iets anders wou uitstuur, maar op die laaste minuut het U hierdie woord op my hart gelê. Laat hierdie woord asb uitgaan, gelei deur U Heilige Gees en laat dit die persone bereik wat dit moet hoor. Laat dit asb tot opbou en bevestiging dien.

In die Naam van ons Meester YESHUA, spreek ons lewe oor elke dooie en stagnante situasie. Laat U Lig daar begin skyn.

Amen.

•••••••

Webtuiste: https://tentvansamekoms.co.za.

Sel: +27716283107

SPREUKE 3:5-8 AFR53

Wed, 01 Jan 2025 19:02:49 GMT

5. Vertrou op die Here met jou hele hart en steun nie op jou eie insig nie.

6. Ken Hom in al jou weë, dan sal Hý jou paaie gelykmaak.

7. Wees nie wys in jou eie oë nie; vrees die Here, en wyk af van die kwaad;

8. dit sal genesing wees vir jou liggaam en verkwikking vir jou gebeente.

***

Kern gedeelte:

"Wees nie wys in jou eie oë nie"

Vanoggend, die eerste dag van 2025, lê die jaar voor ons oop, en bevat nog geen van die spyt en teleurstellings van gister nie!

Daarom het ek vanoggend besluit op die woorde:

* Vertrou op die Here met jou hele hart

* Steun nie op jou eie insig nie.

* Ken Hom in al jou weë

* Wees nie wys in jou eie oë nie

Want as ons hierin leef, dek ons, ons tafel van nagevolg met die oorvloedige seëninge van GOD wat ook sal deurvloei na ander.

Dus sê GOD vir ons in sy Woord soos geskrywe in Jeremia 33:3

Roep My aan, en Ek sal jou antwoord en jou bekend maak groot en ondeurgrondelike dinge wat jy nie weet nie.

My wense aan elkeen vir 2025 is nie alles wat die wêreld ons kan bied nie, maar dat jy GOD se volkome Wil vir jou lewe sal ontdek, en mag GOD jou seën en beskerm op elke tree van jou lewenspad.

Ek spreek vandag lewe en die seëninge van GOD in jou lewe in.

Mag GOD jou ingang en jou uitgang bewaar.

-------

GEBED.

VADER, dankie dat ons gespaar is vir nog 'n lewensjaar wat ons kan lewe volgens U Wil en U Weg. Leer ons asb om ons lewe te lewe ter ere van U Naam. Laat ons nie swyg oor die Goedheid en Guns van die enigste en Almagtige Lewende GOD in ons lewe en in die wêreld nie.

In die Naam van ons Meester YESHUA, bid ons dat U met elkeen sal saamgaan op hulle lewenspad en dat U Goedheid en Guns hulle sal inhaal.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: +27716283107

JOHANNES 11:39-40 AFR53

Fri, 27 Dec 2024 09:58:57 GMT

39. Jesus sê: Neem die steen weg. Martha, die suster van die oorledene, sê vir Hom: Here, hy ruik al, want hy is al vier dae dood.

40. Jesus sê vir haar: Het Ek nie vir jou gesê, as jy glo, sal jy die heerlikheid van God sien nie?

***

Kern gedeelte:

"Het Ek nie vir jou gesê, as jy glo"

'n Ander vertaling wat ek lees, stel dit so: As jy aanhou glo!

In die gedeelte van Lazarus se afsterwe, wil ek nie met jou praat oor die feit dat JESUS nooit te laat is om die Wonderwerkende krag van GOD in jou lewe na vore te bring nie, maar eerder wil ek praat oor die feit dat ons nooit moed mag verloor nie.

Selfs in die smart van die oomblik, het JESUS vir Marta herhinner, met die woorde, Het Ek nie vir jou gesê, as jy glo, sal jy die heerlikheid van God sien nie?

Ek weet nie wat jou worsteling, beperking of Lasarus oomblik is wat jy tans mee moet deel nie, maar GOD se boodskap vanoggend is onmiskenbaar duidelik.

Het Ek nie vir jou gesê, as jy aanhou glo, sal jy die heerlikheid van God sien nie?

Staan vas, staan sterk, bly vertrou en begin GOD te loof vir dat wat ons nog nie kan sien nie.

-------

GEBED.

VADER, hoe dikwels mis ons die wonderwerke wat U op ons pad geplaas het, omdat ons nie volhard in geloof nie. Wanneer die pad te moeilik raak is ons nie bereid om die laaste paar tree te stap nie, maar gee ons op en begin ons op die wêreld te steun vir hulp en uitkoms. Versterk ons asb vandag dat ons in ons geloof nie sal struikel of faal nie. Gee ons asb die deursettings vermoë wat ons nodig het om die pad te stap en die krag om aan te hou glo.

In die Naam van ons Meester YESHUA, bid ons vir elkeen wat nie meer kan nie, wat wil opgee. Dra U hulle asb deur hierdie tyd.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: +27716283107

PSALMS 91:1-2 AFR53

Thu, 26 Dec 2024 09:47:46 GMT

1. HY wat in die skuilplek van die Allerhoogste sit, sal vernag in die skaduwee van die Almagtige.

2. Ek sal tot die Here sê: My toevlug en my bergvesting, my God op wie ek vertrou.

***

Kern gedeelte:

"in die skaduwee van die Almagtige"

Vanoggend ervaar ek hierdie boodskap wat die Heilige Gees op my hart gelê het om uit te stuur.

Ons is nou in die doodsnikke van 2024, in die laaste skaduwees van hierdie jaar wat snel tot 'n einde.

Jy het dit tot hier toe gemaak, omdat jy gelewe het in die Skaduwee van die Almagtige.

Hy was, en is steeds jou beskermimg teen die skroeiende son van hierdie wêreld.

Niemand wat nog nie op 'n 40 grade dag, op 'n oop land gewerk en geplant het nie, sal besef hoe die skroeiende son jou nie net brand nie, maar ook totaal uitput.

Dieselfde met ons lewe, solank ons deur die wêreld se son verskroei word, sal jy afgemat, uitgeput en seer gebrand wees.

Maar eers wanneer GOD Sy Hand oor ons hou, voel jy die verligting wat dit bring.

Daarom is dit nodig om daagliks GOD se beskerming te soek deur JESUS CHRISTUS.

Dan sal jy in die skuilplek van die Allerhoogste sit, sal jy vernag in die skaduwee van die Almagtige.

-------

GEBED.

VADER, dankie dat U ons tot hiertoe gedra het, en dankie vir die boodskap dat ons nie die nuwe jaar moet ingaan sonder om in die skaduwee van die Almagtige te wees. Gee asb dat ons vandag, die dinge van die wêreld sal los sodat ons by U voete, in U skaduwee, ons lewens vreugde en lewenslus sal vind.

In die Naam van ons Meester YESHUA, bid ons vir U vrede wat alle verstand te bowe gaan.

Amen.

••••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: +27716283107

HEBREËRS 13:7-8 AFR53

Wed, 25 Dec 2024 09:37:40 GMT

7. Gedenk julle voorgangers wat die woord van God aan julle verkondig het; aanskou die uiteinde van hulle lewenswandel en volg hulle geloof na.

8. Jesus Christus is gister en vandag dieselfde en tot in ewigheid.

***

Kern gedeelte:

"Jesus Christus is gister en vandag dieselfde en tot in ewigheid"

Die Woord van GOD maak dit duidelik dat die teënstander, die duiwel loop rond soos 'n brullende leeu en hy soek na wie hy kan verslind.

Miskien het ons reeds ons Verlosser gevind maar deur die aanslae van die "verderwer" dryf ons weg, verander ons uitkyk oor ons geloof en dan beweeg ons sistematies al verder van GOD af weg.

Dit is presies die oomblik wat die "verderwer" op wag, want jy begin buite GOD se beskerming beweeg en leef, jy is nie meer in die gelede van mede-gelowiges nie, en jy ontvang nie meer die leiding van GOD deur Sy Woord nie.

Draai terug, want jou Verlosser leef, en Hy is onveranderlik dieselfde.

Draai terug, want GOD het jou nie verlaat nie, maar deur omstandighede het jy begin wegdwaal.

-------

GEBED.

VADER, ook in hierdie oggend word ons herhinner by wie die probleem lê. Ons is vinnig om te sê dat ons bid tevergeefs, want U hoor nie ons gebede nie, en alles bly skeefloop, maar ons vergeet wie in die eerste plek nie na U waarskuwings geluister het en nie daarop ag gegee het nie. Maak asb ons oë oop vir ons eie foute sodat ons kan sien dat U is nog steeds ons GOD, en ons verlossing en redding is nog steeds deur U Seun.

In die Naam van ons Meester YESHUA, dank ons U, dat U nie U Hand van ons teruggetrek het nie.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: +27716283107

II TIMÓTHEÜS 4:2-3 AFR53

Tue, 24 Dec 2024 11:00:02 GMT

2. verkondig die woord; hou aan tydig en ontydig; weerlê, bestraf, vermaan in alle lankmoedigheid en lering;

3. want daar sal 'n tyd wees wanneer hulle die gesonde leer nie sal verdra nie, maar, omdat hulle in hul gehoor gestreel wil wees, vir hulle 'n menigte leraars sal versamel volgens hulle eie begeerlikhede,

***

Kern gedeelte:

"hou aan tydig en ontydig"

JESUS CHRISTUS maak dit duidelik dat as ons Hom ontken voor die mense sal Hy ons ontken voor Sy Vader en voor die engele.

Om hierdie rede kan ons Hom, die Woord van GOD nie in 'n tydsraamwerk plaas waar ons net op sekere tye die Woord verkondig nie.

In elke aktiwiteit skep GOD 'n geleentheid om Sy Woord te verkondig, Sy Naam te loof, te prys en groot te maak.

Daarom, hou aan, tydig en ontydig en laat geen geleentheid verbygaan om uitgesproke te wees oor die Woord van GOD wat sondaars tot bekering sal bring, om siele wat verlore is van die Lig te vertel nie, sodat hulle JESUS as hulle Verlosser en Saligmaker sal aanvaar.

Onthou, ek sê weer, tydig en ontydig.

-------

GEBED.

VADER, laat ons vandag uitgaan en elke geleentheid gebruik om die wêreld van die Woord van GOD te vertel. Van die Verlossings plan wat U deur U Seun tot ons beskikking gestel het. Laat ons nie vir 'n oomblik swyg nie, en gee ons asb die krag om vrymoediglik uitgesproke te wees oor U Woord.

In die Naam van ons Meester YESHUA, bid ons dat U ons sal stuur na waar ons die Woord moet verkondig.

Amen.

-------

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: +27716283107

JOHANNES 14:6-7 AFR53

Mon, 23 Dec 2024 10:57:48 GMT

6. Jesus antwoord hom: Ek is die weg en die waarheid en die lewe; niemand kom na die Vader behalwe deur My nie.

7. As julle My geken het, sou julle my Vader ook geken het, en van nou af ken julle Hom en het julle Hom gesien.

***

Kern gedeelte:

"Ek is die weg en die waarheid en die lewe"

Met ons almal gebeur daar dinge wat ons van die koers, van die pad af dwing, wat ons bring by die vurke in die pad en die doodloop strate van hierdie lewe.

Dit is wanneer ons opstaan en vra, HERE wat nou en waarheen?

As jy vanoggend op hierdie plek, in hierdie situasie is, en jy weet nie meer watter kant toe nie, weet dan dat jy presies is op die plek waar jy net kan vra, VADER wys U die pad.

Laat die Lig van JESUS CHRISTUS jou rig op die pad vorentoe, en al maak die pad wat jy moet stap vir jou geen sin nie, vertrou net op Hom want wat vir jou lyk na 'n woestynpad, is dalk die kortpad na jou deurbraak.

-------

GEBED.

VADER, hier by vurk in ons lewenspad, lei die een pad na 'n doodloop straat en die ander pad na 'n woestynpad waarvoor ons nie kans sien nie. Versterk ons op hierdie reis en gee ons asb die krag om te volhard in U en nie te buig of toe te gee aan die wêreld en sy weë nie. Laat ons ook hierdie pad stap ter ere van U Heilige Naam. Ons vra dat U ons sal deurdra waar ons nie meer die krag het om aan te gaan nie.

In die Naam van ons Meester YESHUA, vra ons dat U ons aan die hand sal neem en ons lei na die pad wat U vir ons uitgelê het.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: +27716283107

II TIMÓTHEÜS 1:5-6 AFR53

Fri, 20 Dec 2024 10:45:04 GMT

5. en as ek my herinner die ongeveinsde geloof wat in jou is, wat eers gewoon het in jou grootmoeder Loïs en in jou moeder Eunice, en wat — daarvan is ek oortuig — ook in jou is.

6. Om hierdie rede herinner ek jou daaraan om die genadegawe van God aan te wakker wat in jou is deur die oplegging van my hande.

***

Kern gedeelte:

"wat eers gewoon het in jou grootmoeder Loïs"

Ons besef nie op die gegewe oomblik wat se effek ons geestelike leierskap op ons kinders het nie.

Ons sal dit dalk ook nie eers in die leeftyd sien nie, maar weet dat daar kom 'n tyd wat jou kind sal opstaan as 'n toegeruste werker van GOD wat verder sal bou op die fondasie wat jy daar geplaas het.

Daarom is dit belangrik om so te lewe dat ons kinders GOD deur ons lewenswyse sal sien en leer ken.

Kinders doen nie wat ons sê nie, maar hulle doen die dinge wat ons doen en nog meer.

Hulle sal volg in ons voetspore na die wêreld, of in ons voetspore na die ewige lewe, wanneer hulle JESUS CHRISTUS kies as hulle Verlosser en Saligmaker.

Begin vandag die lewe uitleef wat jy graag in jou kinders wil sien.

-------

GEBED.

VADER, dikwels struikel ons in die opvoeding van ons kinders en hulle word 'n spieël beeld van ons karakter. In hulle kan ons die vrugte van U Gees sien of 'n weerkaatsing van hierdie wêreld en die werke van die "verderwer". Gee ons asb die insig en die wysheid om ons kinders te rig in U Wil en U weg. Leer ons asb om 'n fondasie te lê waarop hulle kan voortbou.

In die Naam van ons Meester YESHUA, bid ons dat U ons die wysheid sal gee om ons kinders te rig en nie te vertoorn nie.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: +27716283107

NÚMERI 9:22-23 AFR53

Thu, 19 Dec 2024 10:41:22 GMT

NÚMERI 11:22-23 AFR53

22. Sal daar vir hulle kleinvee en beeste geslag word, sodat daar vir hulle genoeg sal wees? Of sal al die visse van die see vir hulle versamel word, sodat daar vir hulle genoeg is?

23. Maar die Here sê vir Moses: Sou die hand van die Here te kort wees? Nou sal jy sien of my woord vir jou uitkom of nie.

***

Kern gedeelte:

"Nou sal jy sien of my woord vir jou uitkom of nie"

As jy ook vanoggend soos Moses in jou omstandighede vaskyk en sê, al doen ek alles wat ek kan, sal dit nog steeds nie genoeg wees nie.

Sal daar nog steeds 'n tekort wees om my deur die probleme te help.

Dan wil ek vir jou sê, fokus op GOD en nie op jou probleme en tekortkomeninge nie.

GOD se plan is nie ons plan nie, en Sy deurbrake kan nie aan wêreldse standaarde en metodes gelykvormig wees nie, want ons dien 'n GOD van wonders.

Ons dien 'n GOD wat die onmoontlike moontlik maak.

Staan jou grond, volhard en moenie opgee nie, want in jou volharding lê jou oorwinning!

Jy sal sien dat GOD se hand nooit te kort is nie!

-------

GEBED.

VADER, U weet daar kom dae wat ons nie meer weet wat nou en waarheen nie. Die probleme voor ons is so groot dat ons sukkel om U te sien, maar dit is tyd dat ons, ons oë hoër lig en bo-oor die probleme kyk. Dan sal ons U oplossings begin sien en verstaan. Laat ons nie vir mense vertel hoe groot ons probleme is nie, maar laat hulle duidelik hoor hoe groot ons GOD is.

In die Naam van ons Meester YESHUA, bid ons dat U elkeen sal versterk wat deur twyfel verswelg word.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: +27716283107

NÚMERI 9:22-23 AFR53

Wed, 18 Dec 2024 20:26:22 GMT

22. of ná twee dae of 'n maand of langer — as die wolk lank oor die tabernakel bly, het die kinders van Israel in die laer gestaan en nie weggetrek nie; en as dit optrek, het hulle weggetrek.

23. Volgens die bevel van die Here het hulle laer opgeslaan, en volgens die bevel van die Here het hulle weggetrek. Hulle het die voorskrif van die Here in ag geneem volgens die bevel van die Here deur die diens van Moses.

***

Kern gedeelte:

"Volgens die bevel van die HERE"

Hoe dikwels raak ons nie ongeduldig oor waar GOD ons geplaas het nie, en beweeg ons weg terwyl GOD se voorbereiding vir ons volgende stap nog in wording is.

Maar net so ook die teenoorgestelde, volgens GOD se bevel is dit tyd om aan te beweeg, maar ons doen dit nie.

Jy het so gemaklik geraak waar jy tans is, en jou wortels wat jy gegroei het, wat jou daar hou, word jou beperking.

Jou gemaksone veroorsaak dat jy jou deurbrake mis.

Daarom, wanneer jy bid, vra vir duidelike leiding deur GOD se Heilige Gees.

As die antwoord is om te bly, bly dan, maar as GOD jou lei om te trek, moenie talm of uitstel nie.

Pak op en trek, want jou deurbraak is reeds vir jou voorberei.

-------

GEBED.

VADER, ons ongeduld en eie wysheid is ons grootste struikelblokke want ons plaas onself in plekke en posissies waar ons nie U teenwoordigheid gaan vind nie. Laat ons Gees gelei op U antwoord wag, en as die bevel kom, gee ons asb die krag om aan te beweeg.

In die Naam van ons Meester YESHUA, bid ons dat ons ongeduld ons nie sal oorweldig nie.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: +27716283107

EFÉSIËRS 4:25-27 AFR53

Tue, 17 Dec 2024 10:12:17 GMT

25. Daarom, lê die leuen af en spreek die waarheid, elkeen met sy naaste, want ons is mekaar se lede.

26. Word toornig en moenie sondig nie; laat die son nie ondergaan oor julle toorn nie;

27. en gee aan die duiwel geen plek nie.

***

Kern gedeelte:

"En gee aan die duiwel geen plek nie"

Is dit net in woede wat ons die deur vir die "verderwer" oopmaak, of doen ons dit ook in stilbly of stilswye.

Deur stil te bly oor dinge wat pla, skep ons frustrasie, 'n worsteling, 'n oorlog van gedagtes binne onself.

Ons begin dinge oordink, redeneer irrationeel, omdat ons eensydige oplossings begin soek, wat niks aan die saak gaan verander nie.

Dit is wanneer die frustrasie in ons begin opbou wat tot woede uitbarstings lei.

Daarom, gee aan die duiwel geen plek nie want deur jou saak te stel, die kommunikasie eerlik en openlik te hou, verwyder jy die geleentheid vir misverstande.

Spreek eerder die moeilike woorde nou, voordat jy later met die moeilike nagevolge moet deel.

-------

GEBED.

VADER, plaas asb 'n wag voor ons mond sodat ons slegs woorde tot stigting sal spreek, en dat ons aan die "verderwer" geen plek sal gee deur net stil te bly of deur woorde van aggressie te spreek nie. Laat U Heilige Gees ons asb lei, sodat ons elke saak binne U Wil sal hanteer, en laat ons nie gelykvormig aan die wêreld begin optree nie.

In die Naam van ons Meester YESHUA, bid ons vir die krag om woorde van lewe te spreek, ter ere van U Naam.

Amen.

•••••••

Webtuiste: https://tentvansamekoms.co.za

E-pos: fanie.le@incurio.co.za

Sel: +27716283107

JEREMIA 29:11-13 AFR53

Mon, 16 Dec 2024 19:12:03 GMT

11. Want Ék weet watter gedagtes Ek aangaande julle koester, spreek die Here, gedagtes van vrede en nie van onheil nie, om julle 'n hoopvolle toekoms te gee.

12. Dan sal julle My aanroep en heengaan en tot My bid, en Ek sal na julle luister.

13. En julle sal My soek en vind as julle na My vra met julle hele hart.

***

Kern gedeelte:

"om julle 'n hoopvolle toekoms te gee"

As jy vandag op 16 Desember 2024, nog met twyfel in jou hart rondloop, met gedagtes van negatiwiteit oor ons land Suid-Afrika, is jy in die verkeerde plek.

Dan is dit dalk tyd om jou besluit te maak en aan te beweeg en jou hoopvolle toekoms op 'n ander plek te gaan soek.

Al lyk dinge tans sleg in ons land, en gaan dit kortliks nog slegter begin gaan, sal die wat in GOD bly staan, onwrikbaar in geloof beweeg die herstel van ons land aanskou.

Suid-Afrika mag dalk tans aan die agterspeen suig, maar weet vandag en skryf dit neer, Suid-Afrika sal in die toekoms nie net die land van melk en heuning word nie, maar sal die Ligpunt van die wêreld word.

Eendrag maak mag, en ons eenheid sal ons in ons GOD vind.

-------

GEBED.

VADER, dankie vir die boodskap van hoop wat U ons vandag gee, en dankie dat al gaan ons deur 'n dal van doodskaduwee, ons geen onheil sal vrees nie. Al ken ons vandag nie die pad wat vir ons voorlê nie, weet ons dat ons hierdie pad end-uit saam met U sal stap! Lig asb die sluier oor ons oë, dat elkeen die toekoms wat U vir ons beplan, sal kan sien.

In die Naam van ons Meester YESHUA, dank ons U vir die pad van afbreek en opbou wat vir ons voorlê. Laat U Wil geskied.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: +27716283107

PSALMS 37:3-6 AFR53

Fri, 13 Dec 2024 13:23:13 GMT

3. Vertrou op die Here, en doen wat goed is; bewoon die aarde en beoefen getrouheid,

4. en verlustig jou in die Here; dan sal Hy jou gee die begeertes van jou hart.

5. Laat jou weg aan die Here oor en vertrou op Hom, en Hý sal dit uitvoer;

6. en Hy sal jou geregtigheid laat voortkom soos die lig en jou reg soos die middag.

***

Kern gedeelte:

"Laat jou weg aan die Here oor en vertrou op Hom"

Sekere sake moet ons laat gaan en oorlaat aan GOD, want in tyd sal Hy geregtigheid laat geskied.

As jy dit nie doen nie, gaan dit jou verteer, negatiwiteit in jou veroorsaak, en jou net tot skade gaan wees.

Daarom, maak vrede met dit, vergewe eers jouself, en dan ander, spreek vry en stap weg.

Mettertyd sal GOD die saak vergelde en Hy sal jou geregtigheid na vore laat kom, en jou vyande sal beskaamd staan en weet dat GOD jou saak verdedig het.

Wanneer jy alles gedoen het wat jy kan doen, los dan die res in GOD se hande.

-------

GEBED.

VADER, dikwels uit frustrasie, wil ons reg in eie hande neem, probeer ons sake self afhandel sodat ons vrede en berusting kan kry, en in die proses veroorsaak ons nog meer probleme. Dankie dat ons vanoggend ook ons lewe en ons weg aan U kan toevertrou. Deel asb daarmee volgens U geregtigheid, soos dit U behaag.

In die Naam van ons Meester YESHUA, bid ons dat U ons sal help, om ons vrede in U te vind.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: +27716283107

SPREUKE 24:30-34 AFR53

Thu, 12 Dec 2024 10:56:19 GMT

30. Ek het by die land van 'n lui man verbygeloop en langs die wingerd van 'n verstandelose mens,

31. en kyk, dit was heeltemal toegegroei van die dorings, sy oppervlakte was oordek met brandnekels en sy klipmuur omgegooi.

32. En ek het dit aanskou, ja, daarop gelet, gekyk, en lering aangeneem:

33. Nog 'n bietjie slaap, nog 'n bietjie sluimer, nog 'n bietjie hande-vou om uit te rus;

34. dan kom jou armoede aangeloop en jou gebrek soos 'n gewapende man.

***

Kern gedeelte:

"Nog 'n bietjie slaap, nog 'n bietjie sluimer, nog 'n bietjie hande-vou om uit te rus"

As die woorde hard is, deel asb daarmee, want die waarheid is nie altyd sag op die ore nie, maar dit bly steeds die waarheid.

Soveel mense in vandag se lewe is nie meer geskik om in diens geneem te word nie, want hulle glo dat hulle twee hande is nie gemaak om mee te werk nie, maar om mee te bedel en op ander se rug te ry.

Paulus maak dit duidelik in 2 Thessalonisense 3:10 dat as iemand nie wil werk nie, moet hy ook nie eet nie.

Ja, daar is werklik nood in die wêreld en ons moet die hande uitreik na die wat dit nodig het, maar as die nood 'n gewoonte word, is dit nie meer nood nie maar misbruik.

Ek sê weer vir jou, soos wat jy moet werk, moet ander ook die hande uitsteek om te werk, om die las te verlig.

Moenie toelaat dat jou goedheid misbruik word nie, want NEE is ook 'n antwoord.

-------

GEBED.

VADER, gee asb aan ons die gees van onderskeiding sodat ons die waarheid kan sien vir wat dit is. Gee ons ook asb die krag om NEE te sê wanneer dit nodig is. Laat ons egter nooit ons harte toemaak vir ander om hulp te verleen waar die nood werklik druk nie. Leer ons asb om met oop hande deur die lewe te gaan, sodat ons sal help waar dit nodig is.

In die Naam van ons Meester YESHUA, bid ons vir leiding aangaande waar ons hulp moet verleen aan ander wat dit werklik nodig het.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: +27716283107

ESRA 8:22-23 AFR53

Wed, 11 Dec 2024 13:05:14 GMT

22. Want ek was skaam om van die koning 'n leër en perderuiters te vra om ons te help teen vyande op die pad, omdat ons met die koning gespreek en gesê het: Die hand van onse God is ten goede oor almal wat Hom soek, maar sy krag en sy toorn oor almal wat Hom verlaat.

23. So het ons dan gevas en onse God dit gevra, en Hy het ons verhoor.

***

Kern gedeelte:

"So het ons dan gevas en onse God dit gevra"

So dikwels verwag ons dat GOD ons moet deurdra en ondersteun in sake van belang terwyl ons verhouding met GOD nie is waar dit moet wees nie.

Ons staan in 'n monologiese verhouding met GOD, waar GOD met ons praat maar ons luister nie en ook praat ons nie met GOD oor ons lewe of sake van belang nie.

Maar as ons GOD begin soek, verwag ons onmiddelike reaksie op gebed, en die kits oplossing moet vinniger wees as 'n 60 minute aflewering.

Hoe gereeld vas en bid ons oor sake, en meer as dit, wag ons op GOD se antwoord?

Om nie 'n antwoord te kry nie, beteken nie dat ons kan voortgaan nie.

Wag op GOD, jy sal die antwoord kry.

-------

GEBED.

VADER, as ons gaan soek, sal ons 'n rede kry om iets nie te doen nie. So gaan dit wanneer ons moet vas en bid oor sake. Ons verwag oplossings en antwoorde maar is nie bereid om in vas en gebed voor U voete te nader nie. Leer ons asb U tyd, en gee ons dan die krag om te kan wag op U antwoord.

In die Naam van ons Meester YESHUA, bid ons dat U ons sal versterk in hierdie dag.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: +27716283107

JOHANNES 9:30-31 AFR53

Tue, 10 Dec 2024 10:43:02 GMT

30. Die man antwoord en sê vir hulle: Hierin is tog iets wonderliks dat julle nie weet van waar Hy is nie, en Hy het my oë geopen!

31. En ons weet dat God nie sondaars verhoor nie; maar as iemand godvresend is en sy wil doen, dié verhoor Hy.

***

Kern gedeelte:

"maar as iemand godvresend is en Sy wil doen, dié verhoor Hy"

As ons gebed nie verhoor word nie, is dit moontlik omdat ons nog steeds in sonde staan, of ons gebede handel nog oor ons vleeslike begeertes van hiedie wêreld.

Ons sondes, ons ongeregtigheid word 'n skeidsmuur tussen ons en GOD.

Daarom lê die klem op hierdie woorde maar as iemand Godvresend is en Sy wil doen.

Dit is nodig om te verstaan dat dit nie ons wil in GOD se lewe is nie, maar GOD se Wil in ons lewe.

As ons die bogenoemde begryp, en in respekvolle vrees vir GOD begin leef, sal niks of niemand die verandering kan stop nie.

As GOD deure begin oopmaak, sal niemand dit kan toemaak nie.

-------

GEBED.

VADER, dikwels forseer ons sake, forseer ons deure oop wat eerder toe moes gebly het, want dit wat ons mee besig is, is nie binne U Wil nie. Omdat ons U nie vereer in dit wat ons doen nie, sal ons nie slaag nie nie. Die "verderwer" sal wel help om deure oop te forseer, maak dit sal slegs na pyn en verderf lei.

In die Naam van ons Meester YESHUA, bid ons dat U Heilige Gees ons in onpartydige opregtheid sal lei en U Wil aan ons bekend sal maak.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: +27716283107

MATTHÉÜS 14:28-31 AFR53

Mon, 09 Dec 2024 10:11:54 GMT

28. En Petrus antwoord Hom en sê: Here, as dit U is, beveel my om op die water na U te kom.

29. En Hy sê: Kom! Petrus klim toe van die skuit af en loop op die water om na Jesus te gaan.

30. Maar toe hy die sterk wind sien, het hy bang geword; en toe hy begin sink, roep hy uit en sê: Here, red my!

31. En Jesus het dadelik sy hand uitgesteek en hom gegryp en vir hom gesê: Kleingelowige, waarom het jy getwyfel?

***

Kern gedeelte:

"Kleingelowige, waarom het jy getwyfel?"

GOD het jou tot hier toe gebring, en Hy sal jou verder deurdra, hoe onseker die toekoms ook mag wees of tans mag lyk.

Ek luister na verskeie boodskappe wat ek ontvang het die naweek, van die komende pandemie wat beplan word vir 2025.

Soos ek daarna luister, besef ek opnuut hoe die "verderwer", vrees gebruik om die mense van hierdie wêreld lam te lê.

Hoe hy hulle lewens vorm en verdraai deur deur sy leuens, hoe die onsekerheid hulle na grashalms laat gryp.

Dan wil ek vir jou sê, die "verderwer" mag in beheer van die wêreld wees, maar GOD is in beheer van die lewe van Sy kinders, en ons lewe in Sy Hoop, Beskerming, Voorsiening, Vreugde en Vrede.

Geen haar sal op jou kop sal aangeraak word as dit nie binne GOD se Wil is nie.

Draai jou oë weg van die golwe en hou jou oë gevestig op JESUS CHRISTUS en vra in Sy Naam dat GOD jou sal versterk, sal rig en lei.

Dan sal die vrees in jou verdwyn soos mis voor die son en die nuwe dag se lig, van hoop, van 'n toekoms wat GOD vir jou beplan ook deurbreek soos daggeraad.

-------

GEBED.

VADER, deur vrees word die massas gedryf, maar ons lewe voorbereid vir die toekoms, vir U wederkoms om die wêreld te oordeel. Laat die leuens waardeur die "verderwer" vrees saai, ons nie oorheers nie, maar dat ons sal vasstaan, opstaan en dat ons sal verklaar dat ons geloof in ons GOD is, en laat U Wil geskied.

In die Naam van ons Meester YESHUA, bid ons dat U ons sal lei volgens U Wil en U Weg.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: +27716283107

I TIMÓTHEÜS 6:9-10 AFR53

Fri, 06 Dec 2024 10:41:59 GMT

9. Maar die wat ryk wil word, val in versoeking en strikke en baie dwase en skadelike begeerlikhede wat die mense laat wegsink in verderf en ondergang.

10. Want die geldgierigheid is 'n wortel van alle euwels; en omdat sommige dit begeer, het hulle afgedwaal van die geloof en hulleself met baie smarte deurboor.

***

Kern gedeelte:

"Want die geldgierigheid is 'n wortel van alle euwels"

Daar is niks fout daarmee as GOD jou finansies seën en jy vooruitgaan in die lewe nie, want die probleem is nie geld nie, maar die liefde vir geld.

Die oomblik wanneer jou seëninge in gierigheid verander, weet dan dat dit die begin van jou smarte is.

As ons besigheid doen, binne GOD se onpartydige opregtheid en GOD se seën ook na ander laat deurvloei, sal ons met die hande wat ons gee, ook weer kan ontvang.

Maar as jy bereid is om ander te verdruk en vertrap in die proses om geld te maak, weet dat die wiel draai, miskien stadig, maar hy draai.

Daarom, soek eers die Koningkryk van GOD en Sy Geregtigheid, en al hierdie dinge sal vir julle bygevoeg word.

-------

GEBED.

VADER, mag die diep besef vanoggend oor ons kom dat ons nie twee meesters kan dien nie. Ons kan kies om U te dien met ons hele hart, siel en verstand, of ons kan kies om voor te gee dat ons U dien en in ons huigelary voortleef waar ons ander verdruk en vertrap ter wille van wêreldse begeertes. Gee ons asb die krag om standvastig in U te bly staan en nie te swig voor die versoekings van hierdie wêreld nie.

In die Naam van ons Meester YESHUA, bid ons vir 'n rein hart wat slegs op U gefokus sal wees.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: +27716283107

I TIMÓTHEÜS 5:24-25 AFR53

Thu, 05 Dec 2024 10:32:59 GMT

24. Die sondes van sommige mense is baie duidelik en gaan voor hulle uit tot die oordeel, maar volg ander eers agterna.

25. Net so is ook die goeie werke baie duidelik, en ook die wat anders is, kan nie weggesteek word nie.

***

Kern gedeelte:

"Die sondes van sommige mense is baie duidelik"

Ek is nie bekommerd oor die ooglopende sonde wat gesien kan word nie, want daarmee kan direk gedeel word, en ons kan probeer om so 'n persoon te lei na ons Verlosser, JESUS CHRISTUS.

As hy egter volhard in sy sonde, moet hy afgesny word want dit is sy keuse om in sy sonde voort te leef.

Maar ek is uiters versigtig, vir die vriendelike, toenaderende, skynheilige persoon wat hom vir 'n wyle anders voordoen ter wille van sy eie selfsugtige voordeel.

Deur mooi praatjies, goeie gedrag en spesiale behandeling sal hulle nader aan jou beweeg, probeer om in jou gesin, familie of beursie in te kom.

Maar as iets te goed lyk om waar te wees, is dit waarskynlik omdat dit presies so is.

Neem 'n oomblik, sit stil en hou dop, want die donker skaduwee wat die persoon volg kan nie weggesteek word nie.

Bid daaroor en die Lig van JESUS CHRISTUS sal die waarheid van die sonde na vore bring,

-------

GEBED.

VADER, hier staan ons voor U en vra vir U hand van beskerm teen die aanslae wat nog gesien kan word, want sommige mense spandeer jare om voor te berei, om ons te na te kom. Laat U Lig, deur die inwerking van U Heilige Gees die waarheid na vore bring.

In die Naam van ons Meester YESHUA, bid ons dat U ons sal seën met 'n gees van onderskeiding tussen lig en donker, ter ere van U Naam.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: +27716283107

I TIMÓTHEÜS 4:6-9 AFR53

Wed, 04 Dec 2024 10:49:51 GMT

6. AS jy hierdie dinge aan die broeders voorhou, sal jy 'n goeie dienaar van Jesus Christus wees terwyl jy jouself voed met die woorde van die geloof en van die goeie leer waarvan jy 'n navolger geword het.

7. Maar verwerp onheilige en oudwyfse fabels, en oefen jou in die godsaligheid.

8. Want die liggaamlike oefening is tot weinig nut, maar die godsaligheid is nuttig vir alles, omdat dit die belofte van die teenwoordige en die toekomende lewe het.

9. Dit is 'n betroubare woord en werd om ten volle aangeneem te word;

***

Kern gedeelte:

"en oefen jou in die godsaligheid"

Wys my jou vriende en ek wys jou, jou toekoms.

Jy sal word soos diegene waarmee jy jou omring, en as jy jou met die semels van die wêreld meng, sal jy deur die varke opgevreet word.

Daarom is dit nodig om tyd by GOD se voete deur te bring, sodat jy Sy Woord kan leer ken.

GOD se Woord is ons Leermeester en is vir ons na die wêreld gestuur om ons te leer wat Liefde is, wat onpartydige opregtheid voor GOD beteken.

Beoefen jou in die godsaligheid, want as jy JESUS CHRISTUS leer ken sal jy ook meer en meer soos JESUS word.

Dan sal GOD se plan vir jou lewe al duideliker word.

Wat is die lied in jou mond vanoggend?

Is dit "meer en meer soos JESUS", of is dit the "Highway to hell"

-------

GEBED.

VADER, ons besef nie hoe belangrik dit is om tyd by U voete en tyd in U Woord deur te bring nie. Die "verderwer" probeer ons nie net beinvloed nie, maar probeer ons in die drukgange van sonde plaas, waar daar geen uitkoms is nie. Dankie dat U hand nooit te kort is nie, dankie dat ons leiding, wysheid en insig by U voete kan vind.

In die Naam van ons Meester YESHUA, dank ons U dat ons vandag die son kan sien opkom en weet dat ons nog 'n kans het om gered te word.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: +27716283107

JEREMIA 24:5-7 AFR53

Tue, 03 Dec 2024 10:19:54 GMT

5. So spreek die Here, die God van Israel: Soos hierdie goeie vye, so sal Ek ten goede aansien die ballinge van Juda wat Ek uit hierdie plek na die land van die Chaldeërs weggestuur het;

6. en Ek sal my oog op hulle slaan ten goede en hulle terugbring in hierdie land; en Ek sal hulle bou en nie afbreek nie, en hulle plant en nie uitruk nie.

7. En Ek sal hulle 'n hart gee om My te ken, dat Ek die Here is; en hulle sal vir My 'n volk wees, en Ek sal vir hulle 'n God wees, want hulle sal na My terugkeer met hul hele hart.

***

Kern gedeelte:

"en Ek sal my oog op hulle slaan ten goede"

Ons mag miskien twyfel oor GOD se plan vir ons lewe, maar weet dat Hy alles ten goede sal laat meewerk vir die wat op Hom vertrou!

Hier sê GOD vir die mense van Juda om na die land van die Chaldeërs te gaan en dat Hy Sy Oog op hulle sal slaan ten goede.

Die verandering, die skuif wat jy moet maak is tydelik, sodat jy in GOD se beskerming mag wees in die tyd wat kom, want as jy besluit om jou eie kop te volg gaan dit jou tot skade en ellende wees.

Selfs al lyk die situasie, die toekoms ellendig, weet dat as jy kies om GOD te vertrou, dat Hy jou sal deurdra en jy sal weer die goeie sien.

Moenie dat jou huidige gemaksone jou verhoed om in GOD se plan te te beweeg nie, want buite sy plan beteken bloot dat jy buite Sy Hand van beskerming sal wees.

As jy moet verander van plan, as jy moet wegbeweeg, doen dit wat GOD op jou hart lê en weet dat GOD Sy oog op jou slaan ten goede en jou terugbring in hierdie land; en GOD sal jou bou en nie afbreek nie, en jou plant en nie uitruk nie.

-------

GEBED.

VADER, dankie dat U deure toemaak om ons te help om binne U plan vir ons lewe te bly. Lei ons asb vanoggend deur hierdie moeilike besluit en gee ons asb die krag en die insig om binne U Wil, die regte besluit te maak. Laat ons nie probeer om toe deure wat moet toebly, oop te forseer nie.

In die Naam van ons Meester YESHUA, bid ons vir krag, wysheid en insig om die regte besluite te neem.

Amen.

•••••••

NÚMERI 6:23-27 AFR53

Mon, 02 Dec 2024 10:43:57 GMT

23. Spreek met Aäron en sy seuns en sê: So moet julle die kinders van Israel seën deur vir hulle te sê:

24. Die Here sal jou seën en jou behoed;

25. die Here sal sy aangesig oor jou laat skyn en jou genadig wees;

26. die Here sal sy aangesig oor jou verhef en aan jou vrede gee.

27. So moet hulle dan my Naam op die kinders van Israel lê; en Ék sal hulle seën.

***

Kern gedeelte:

"So moet julle die kinders van Israel seën"

In hierdie wêreld vol onmin, twis, naywer, afgunstigheid en jaloesie wil ek vandag net die geleentheid gebruik om die seëninge van GOD oor jou lewe uit te spreek.

* Geseënd sal jy wees in die stad, en geseënd sal jy wees in die veld.

* Geseënd sal wees die vrug van jou liggaam en die vrugte van jou land en die vrug van jou vee, die aanteel van jou beeste en die aanteel van jou kleinvee.

* Geseënd sal wees jou mandjie en jou bakskottel.

* Geseënd sal jy wees by jou ingang, en geseënd sal jy wees by jou uitgang.

* Die Here sal maak dat jou vyande wat teen jou opstaan, voor jou verslaan word; op een pad sal hulle teen jou uittrek en op sewe paaie voor jou uit vlug.

* Die Here sal jou seën oor jou gebied, in jou skure en in alles waar jy jou hand aan slaan; en Hy sal jou seën in die land wat die Here jou God jou sal gee.

Mag die seën van die HERE met jou wees op die pad wat jy kies om met GOD te stap en na Sy Stem te luister.

-------

GEBED.

VADER, in hierdie oggend vra ons vir niks, maar dank ons U vir al U seëninge in ons lewe. Laat U seëninge nie net by ons bly nie, maar laat dit ook deurvloei na ander toe.

In die Naam van ons Meester YESHUA, spreek ons lewe oor elkeen wat hierdie boodskap lees, of daarna luister.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: +27716283107

JOHANNES 16:31-33 AFR53

Fri, 29 Nov 2024 14:20:50 GMT

31. Jesus antwoord hulle: Glo julle nou?

32. Kyk, die uur kom en het nou gekom dat julle uitmekaar gejaag sal word, elkeen na sy eie toe, en My alleen sal laat; tog is Ek nie alleen nie, omdat die Vader met My is.

33. Dit het Ek vir julle gesê, dat julle in My vrede kan hê. In die wêreld sal julle verdrukking hê; maar hou goeie moed, Ek het die wêreld oorwin.

Kern gedeelte:

"In die wêreld sal julle verdrukking hê"

Om GOD te dien, beteken nie dat jy 'n probleem vrye lewe gaan lei nie.

Nog minder beteken dit dat alles voortaan net goed sal gaan.

Ons sal probleme hê en uitdaging, struikelblokke en aanvalle van die "verderwer" sal daagliks ons pad kruis.

Om volstruis te speel en ons kop in die sand te druk gaan nie help nie, eerstens omdat GOD ons nie 'n gees van vrees gegee het nie en Sy planne vir ons is nie mislukking nie.

Staan vandag op, neem verantwoordelikheid, kyk jou probleme in die gesig en deel daarmee.

As jou probleme te groot lyk om mee te deel, wil ek jou herhinner dat Goliat was baie groter as Dawid.

As die probleem soos 'n berg voor jou lê, onthou dat GOD die berge ook gemaak het, en weet dat deur gebed sal jy krag kry om alles te oorkom.

-------

GEBED.

VADER, deur ongeloof en twyfel, glo ons die leuens wat die "verderwer" voor ons lê en ons kies dan om oor te gee nog voordat ons begin het. Wek asb 'n nuwe gees in ons op, 'n gees van hoop en oorwinning, en laat ons weet dat as ons op ons knieë is voor U bly, sal ons staande bly in hierdie wêreld, want U het reeds hierdie wêreld oorwin.

In die Naam van ons Meester YESHUA, bid ons vir nuwe krag in ons hart en 'n nuwe lied van oorwinning in ons mond.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: +27716283107

I KRONIEKE 16:34-36 AFR53

Thu, 28 Nov 2024 11:40:17 GMT

34. Loof die Here, want Hy is goed, want sy goedertierenheid is tot in ewigheid;

35. en sê: Verlos ons, God van ons heil, en versamel ons en red ons van die nasies, dat ons u heilige Naam kan loof en ons beroem in u lof!

36. Geloofd sy die Here, die God van Israel, van ewigheid tot ewigheid! En die hele volk het gesê: Amen! en: Prys die Here!

***

Kern gedeelte:

"Loof die Here, want Hy is goed"

So dikwels voel ons negatief oor situasies, gebeure of omstandighede, maar in dit alles moet ons GOD dank.

Ons mag dalk nie nou verstaan nie maar in GOD se groter plan sal al die legkaart stukke uiteindelik inmekaar pas.

Miskien voel jy alleen omdat jy gebid het dat GOD jou vyande uit jou lewe sal verwyder, en nou verloor jy "vriende".

Onthou dat Judas 'n apostel van JESUS CHRISTUS was.

Miskien het jy gebid vir uitkoms en nou bevind jy jou in 'n doodloop straat.

Moses moes eers voor die Rooi see gaan staan, sonder hoop, voordat die waters sou skei. Almal moes weet dat geen mens hierdie uitkoms kon bewerkstellig nie, maar dit was slegs deur die hand van GOD.

Word stil en oordink jou lewens gebeure, loof die HERE want Hy is goed.

Sonder Sy Hand in, en oor jou lewe, sou jy nie vanoggend hierdie boodskap kon lees of luister nie.

-------

GEBED.

VADER, ons mag dalk nie U plan vir ons lewe verstaan nie, bloot omdat ons nie die groter prentjie kan sien nie. Nogtans, ongeag alles, ongeag huidige probleme, omstandighede en tekortkominge, staan ons vanoggend op en sê. Geloofd sy die Here, die God van Israel, van ewigheid tot ewigheid! En die hele volk het gesê: Amen! en: Prys die Here!

In die Naam van ons Meester YESHUA, dank ons U vir elke gawe uit U Hand.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: +27716283107

JEREMIA 20:8-9 AFR53

Wed, 27 Nov 2024 10:47:44 GMT

8. Want elke keer as ek spreek, moet ek dit uitskreeu, moet ek roep: Geweld en verdrukking! — omdat die woord van die Here vir my 'n smaad en spot geword het die hele dag.

9. En as ek sê: Ek sal aan Hom nie dink nie en in sy Naam nie meer spreek nie, dan word dit in my hart soos 'n brandende vuur, opgesluit in my gebeente. En ek het my moeg gemaak om uit te hou, maar kon nie.

***

Kern gedeelte:

"dan word dit in my hart soos 'n brandende vuur"

Vanoggend wil ek jou vra?

Brand die vuur van GOD nog in jou hart, en spreek jy Sy Woord met krag deur, geloof in elke situasie, in alle omstandighede?

As dit nie die geval is nie, dan beteken dit dat ons geloof's reserwe laag begin loop en die vuur word net 'n flikkerende vlammetjie van twyfel.

As jy vanoggend in twyfel rondkyk en die lig nie sien nie, moenie toelaat dat jou gebed in 'n klaaglied verander nie, maar dank GOD vir die uitdagings, teenstand en probleme, want deur gebed sal jy die krag kry om alles te oorkom.

Dan verander die vlam van twyfel in 'n brandende vuur in jou, oor GOD en Sy Woord en word jy 'n getuie van die grootheid van GOD en hoe Hy in alles, jou deurdra en jou vooruitgaan.

-------

GEBED.

VADER, met dieselfde tong spreek ons lewe en dood en dieselfde hart kan gevul wees met twyfel en hoop. Gee ons asb die krag om vanoggend op te staan en die wêreld te vertel hoe groot ons GOD is, en hoe U ons gedra het tot waar ons vandag hierdie boodskap lees. Laat U Heilige Gees hierdie boodskap in geloof en hoop verander waar dit nodig mag wees.

In die Naam van ons Meester YESHUA, bid ons vir die krag om op te staan in U Naam.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: +27716283107

JEREMIA 18:6 AFR53

Tue, 26 Nov 2024 12:30:19 GMT

6. Sal Ek nie soos hierdie pottebakker met julle kan maak nie, o huis van Israel? spreek die Here. Kyk, soos klei in die hand van die pottebakker, so is julle in my hand, o huis van Israel!

***

Kern gedeelte :

"soos klei in die hand van die pottebakker, so is julle in my hand"

Vandag as jy GOD se Stem hoor, verhard jou hart nie, maar gee jou lewe oor aan GOD sodat Hy jou kan vorm volgens Sy perfekte wil.

Klei het 'n sekere tekstuur nodig voordat gebruik kan word om voorwerpe daaruit te maak.

Te droog sal dit verkrummel omdat dit nie vorm kan aanneem nie.

Eers wanneer ons van GOD se Lewende water inneem, raak ons bruikbaar vir GOD sodat Hy die beste uit ons te voorskyn sal laat kom.

As ons klei egter te nat is, omdat ons gedurigdeur die water van "verderwer", die geraas van hierdie wêreld inneem sal ons geen standvastigheid of vormbare tekstuur behou nie en sal keer op keer deur die mislukkings van die lewe gaan.

Daarom as jy vandag GOD se Stem hoor, verhard jou hart nie!

-------

GEBED.

VADER, dankie dat ons vandag nog die geleentheid gegun is om bruikbaar vir U te kan wees. U is die Pottebakker en ons is die klei en al wat ons vandag vra is dat ons nie teen U Wil sal inwerk nie, maar onself bruikbaar sal stel vir die inwerking van U Heilige Gees.

In die Naam van ons Meester YESHUA, vra ons dat U Wil sal geskied.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: +27716283107

NÚMERI 20:8, 11-12 AFR53

Mon, 25 Nov 2024 10:59:23 GMT

8. Neem die staf en laat die vergadering byeenkom, jy en jou broer Aäron, en spreek julle die rots aan voor hulle oë; dan sal hy sy water gee. So moet jy dan vir hulle water uit die rots laat vloei en die vergadering en hulle vee laat drink.

11. Daarop tel Moses sy hand op en hy slaan die rots twee maal met sy staf; en daar het baie water uitgekom, sodat die vergadering gedrink het en hulle vee.

12. Toe sê die Here vir Moses en Aäron: Omdat julle in My nie geglo het om My voor die oë van die kinders van Israel te heilig nie, daarom sal julle hierdie vergadering nie in die land inbring wat Ek aan hulle gegee het nie.

***

Kern gedeelte:

"en spreek julle die rots aan voor hulle oë; dan sal hy sy water gee"

Moenie toelaat dat mense, jou situasie of jou omstandighede jou frustreer nie want dit sal jou tot buite GOD se Wil bring en jou optrede in die hitte van die oomblik gaan jou duur te staan kom.

Daar sal water uit die klip stroom, want GOD het so gesê, en om die klip te slaan gaan nie meer water gee nie, maar sal jou net tot skade wees.

Vertrou op GOD om uit jou huidige situasie, die wonder werk te voorskyn te bring, en weet dat jy menslik niks kan doen wat dit gaan beter maak nie.

Doen presies wat GOD gesê het, spreek die situasie aan, maar in kalmte en vertroue, en laat die res aan hom oor.

-------

GEBED.

VADER, ons bid vir selfbeheersing te midde van die storm, want in 'n oomblik van woede kan ons onherstelbare skade veroorsaak. Laat ons nie die reg in eie hande neem nie, maar U sal vetrou om oplossing te voorsien wat mense sal verstom, wat alles tot kalmte sal bring.

In die Naam van ons Meester YESHUA, bid ons vir kalmte van hart in die hitte van die oomblik.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: +27716283107

JAKOBUS 4:7-8 AFR53

Fri, 22 Nov 2024 10:31:04 GMT

7. Onderwerp julle dan aan God; weerstaan die duiwel, en hy sal van julle wegvlug.

8. Nader tot God, en Hy sal tot julle nader. Reinig die hande, julle sondaars, en suiwer die harte, julle dubbelhartiges!

***

Kern gedeelte:

"weerstaan die duiwel, en hy sal van julle wegvlug"

Vanoggend wil ek spesifiek praat oor die dubbelhartigheid van die mens.

Ons bid tot GOD, maar gaan soek ons hulp in die wêreld!

Die meeste van ons gaan op ons knieë en bid tot GOD, maar as antwoord "A"ons nie pas nie, staan ons en gaan doen ons "B" in ons eie wysheid.

Hoekom bid ons dan vir leiding om die "verderwer" te kan weerstaan, maar as ons klaar gebid het, staan ons op en nooi hom by die voordeur in?

Al wat ek vanoggend vra, is maak dubbel seker of dit wat jy vandag wil doen, binne GOD se Wil is.

En as dit nie is nie, wag op bevestiging, maar sonder GOD moet ons nie 'n tree beweeg nie.

Op die regte tyd sal die regte dinge gebeur.

-------

GEBED.

VADER, hoe dubbelhartig gaan ons nie deur die lewe nie. Ons bid dat U ons sal beskerm, dat U Wil sal geskied, maar ons gryp na elke wêreldse geleentheid wat ons pad kruis. Ons wag nie op U tyd of U bevestiging nie, en in ons haastigheid maak ons deure oop wat nie weer toegemaak kan word nie. Stop ons asb vandag in ons spore, en laat ons terugkeer na die pad wat U vir ons beplan het.

In die Naam van oms Meester YESHUA, bid ons vir U perfekte Wil vir ons lewe.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: +27716283107

JOHANNES 7:38-39 AFR53

Thu, 21 Nov 2024 10:47:06 GMT

38. Hy wat in My glo, soos die Skrif sê: strome van lewende water sal uit sy binneste vloei.

39. En dit het Hy gesê van die Gees wat dié sou ontvang wat in Hom glo; want die Heilige Gees was daar nog nie, omdat Jesus nog nie verheerlik was nie.

***

Kern gedeelte:

"En dit het Hy gesê van die Gees wat dié sou ontvang wat in Hom glo"

As jy nog in die negatiewiteit van hierdie wêreld vasgevang is, mag daar miskien 'n ander gees in jou wees, want as jy in JESUS CHRISTUS glo, en die Heilige Gees van GOD in jou werk sal jy ongeag jou omstandighede in vrede, vreugde en vergenoegdheid lewe.

Dan sal jy verstaan wat dit beteken as strome van Lewende water uit jou binneste vloei.

As jy nog in die negatiwiteit, met die gees wat die "verderwer" oor die wêreld bring in jou loop, mag vandag dalk die tyd wees om te bely, GOD te vra om jou op te rig, sodat strome van Lewende water ook uit jou binneste mag vloei.

Staan op, bely met jou lippe dat JESUS CHRISTUS jou Verlosser en Saligmaker is, en bid dat dat GOD jou sal vrymaak, want as Hy jou vrymaak sal jy waarlik vry wees.

-------

GEBED.

VADER, terwyl ons in die probleem leef, kan ons nie die waarheid sien nie, dink ons nog dat net ons reg is en al die ander mense verkeerd is, terwyl dit ons is, wat 'n probleem met almal het. Lig asb die sluier van negatiwieteit wat die "verderwer" oor ons hou sodat ons U Lig sal sien wat die duisternis en negatiwiteit in ons sal verdryf.

In die Naam van ons Meester YESHUA, bid ons dat U ons vandag sal vrymaak van dit wat ons nog gebonde hou.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: +27716283107

OPENBARING 3:15-17 AFR53

Wed, 20 Nov 2024 10:33:06 GMT

15. Ek ken jou werke, dat jy nie koud is en ook nie warm nie. Was jy tog maar koud of warm!

16. Maar nou, omdat jy lou is en nie koud of warm nie, sal Ek jou uit my mond spuug.

17. Want jy sê: Ek is ryk en het verryk geword en het aan niks gebrek nie; en jy weet nie dat dit jy is wat ellendig en beklaenswaardig en arm en blind en naak is nie.

***

Kern gedeelte:

"omdat jy lou is en nie koud of warm nie"

Waarom het jy lou geword in jou verhouding met GOD, en waarom is jy onseker, twyfel jy oor jou toekoms.

Het GOD jou nie tot hier gebring en Sy Hand van beskermimg, van voorsiening oor jou gehou nie?

Ons verkoel in ons verhouding met GOD wanneer ons, onself met ander mense en met die wêreld vergelyk.

Die plan wat GOD met jou lewe het, kan nie met ander vergelyk word nie, en ons sien net die beeld van buite, en het geen idee wat werklik in ander mense se lewe aangaan nie.

Hulle worstel dikwels met probleme groter as joune, maar die beeld wat hulle uitstraal is hulle geloof in GOD en die vertroue dat Hy hulle sal deurdra.

Lewe jy jou doel uit, dit wat GOD op jou hart gelê het, moenie lou word nie.

Wees warm vir die Evangelie en dan sal jy weer ervaar hoe GOD jou wil gebruik.

-------

GEBED.

VADER, dankie dat U ons vanoggend daarin herhinner dat ons onself negatief maak deur ons lewe met ander te vergelyk. U plan vir ons lewe is uniek, maar ons het nodig om na U Stem te luister en gehoorsaam te wees sodat ons bruikbaar vir U kan wees. Sodat ons, ons volle potensiaal kan uitleef in U. Laat U vuur in ons begin brand soos nog nooit tevore nie.

In die Naam van ons Meester YESHUA, bid ons dat U ons die krag sal gee om op te staan, weer te lewe vir U.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

II THESSALONICENSE 2:10-12 AFR53

Tue, 19 Nov 2024 10:34:52 GMT

10. en met allerhande verleiding van ongeregtigheid in die wat verlore gaan, omdat hulle die liefde tot die waarheid nie aangeneem het om gered te word nie.

11. En daarom sal God hulle die krag van die dwaling stuur, om die leuen te glo,

12. sodat almal geoordeel kan word wat die waarheid nie geglo het nie, maar behae gehad het in die ongeregtigheid.

***

Kern gedeelte:

"sodat almal geoordeel kan word wat die waarheid nie geglo het nie"

Die boodskap is duidelik!

Die Woord van GOD maak nie voorsiening vir draadsitters nie.

Almal van ons kies die een of die ander.

Ons kies om werkers van geregtigheid of werkers van ongeregtigheid te wees.

In GOD se plan plaas Hy die keuse in ons hande en ons gaan daarvoor verantwoording doen.

Nee, jou lewens besluite is nie iemand anders se skuld nie.

Laat ander doen wat hulle wil doen, maar kies jy om GOD te dien.

Kies jy, om gekies te word!

-------

GEBED.

VADER, dankie vir die waarheid van U Woord. Oral rondom ons word die leuen verkondig dat ons kan lewe soos ons wil want U genade is vir ons genoeg. Terwyl, as ons nie die keuse maak nie, die genade venster kan toegaan en dan sal ons verantwoording doen vir ons keuses en ons dade. Laat ons nie verder op genade se rug ry nie, maar laat ons vandag tot inkeer sal kom. Laat ons kies, om gekies te word.

In die Naam van ons Meester YESHUA, bid ons vir siele tot bekering.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

I PETRUS 5:8-9 AFR53

Mon, 18 Nov 2024 10:44:59 GMT

8. Wees nugter en waaksaam, want julle teëstander, die duiwel, loop rond soos 'n brullende leeu en soek wie hy kan verslind.

9. Hom moet julle teëstaan, standvastig in die geloof, omdat julle weet dat dieselfde lyding opgelê word aan julle broederskap wat in die wêreld is.

***

Kern gedeelte:

"Hom moet julle teëstaan, standvastig in die geloof"

Die "verderwer" gaan alles wat hy het na jou kant toe gooi, om jou van stryk te bring, jou in jou geloof te laat struikel.

Wees egter versigtig in jou besluite want die versoekings kom nie net in die negatiewe nie, maar ook deur dit wat soms baie positief lyk.

Wees uiters waaksaam, want as dit te goed is om waar te wees, is dit waarskynlik omdat dit presies so is.

Wees waaksaam, standvastig in jou geloof, en as GOD dit nie bevestig nie, draai om en stap weg daarvan.

Ek herhaal die woorde, wees waaksaam, want dit is so op my hart gelê.

Die "verderwer" sal jou nie in jou swakheid nader nie want jy is reeds in jou passopings daarvoor, maar hy sal jou benader in areas in jou lewe waar jy dink dat jy sterk is.

Dit is presies waar hy sy vatplek sal kry.

-------

GEBED.

VADER, dankie vir die waarskuwing , want soms struikel ons in ons gretigheid. Laat ons besef dat soms moet dit eers sleg gaan voor dit sal beter gaan, soms moet ons die toets deurstaan, sodat ons standvastigheid in ons geloof kan groei. Laat ons nie gryp na die grashalms wat die "verderwer" in ons lewe plaas nie.

In die Naam van ons Meester YESHUA, bid ons vir leiding aangaande hierdie saak.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

II KORINTHIËRS 6:16-17 AFR53

Fri, 15 Nov 2024 11:17:03 GMT

16. Of watter ooreenkoms het die tempel van God met die afgode? Want julle is die tempel van die lewende God, soos God gespreek het: Ek sal in hulle woon en onder hulle wandel, en Ek sal hulle God wees, en hulle sal vir My 'n volk wees.

17. Daarom, gaan onder hulle uit en sonder julle af, spreek die Here; en raak nie aan wat onrein is nie, en Ek sal julle aanneem

***

Kern gedeelte:

"Daarom, gaan onder hulle uit en sonder julle af"

Die oomblik in elkeen van ons se lewe sal wel aanbreek wanneer ons sê, genoeg is genoeg.

Ek is 'n wedergebore kind van GOD, en ek is 'n tempel van GOD waar die Heilige Gees inwoon en daarom kan ek ek nie die pad verder met julle stap nie.

Aanvanklik mag dit moeilik wees, maar tyd genees en dan besef ons dat dit seerder was om vas te hou as wat dit was om te laat gaan.

Dit is tyd dat ons sekere mense, vriende, selfs familie vaarwel toewens omdat hulle hulself verkleef aan die dinge van die wêreld.

Niemand wat jou in die verderf inlei gaan verantwoording doen met die dag van oordeel nie, volgens ons keuses gaan ons geoordeel word.

-------

GEBED.

VADER, die boodskap mag dalk nie op die gegewe oomblik sin maak nie, maar op die regte tyd sal die lig vir ons opgaan. Lei ons asb in ons besluite en hou asb U Hand van bewaring oor ons en ons geliefdes. Ons vra dat U Wil vir ons lewe sal geskied.

In die Naam van ons Meester YESHUA, bid ons vir elkeen wat worstel met depressie en angs. Gee asb genesing.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

ESTER 5:12-13 AFR53

Thu, 14 Nov 2024 11:15:14 GMT

12. Verder sê Haman: Selfs het koningin Ester niemand saam met die koning na die maaltyd laat kom wat sy aangerig het nie, as net vir my, en ook vir môre is ek deur haar genooi saam met die koning.

13. Maar dit alles baat my niks, solank as ek die Jood Mórdegai in die poort van die koning sien sit.

***

Kern gedeelte:

"Maar dit alles baat my niks"

In hierdie verhaal was Haman verteer deur sy bitterheid teenoor Mordegai, en dit het uiteindelik gelei na sy dood.

Daarom stem ek volkome saam met die gesêgde wat sê, Bitterheid is 'n stadige dood.

Bitterheid is soos 'n stadig werkende gif wat jou verteer, maar die persoon teenoor wie jy bitter is kom niks oor nie.

Deur bitterheid te koester maak ons deure oop vir die "verderwer" waarmee hy jou sal teister.

Angs, depressie en negatiwiteit, is maar enkele van die vele toestande wat deur bitterheid, deur onvergifnis veroorsaak word.

Dit affekteer nie net vir jou nie maar ook al die ander mense rondom jou, want hulle kan sien hoe jy daardeur verteer word.

Vergifnis is lewens veranderend, want as jy vergewe, sal jy self ook vry kom van die houvas van die "verderwer".

Sit die gif van bitterheid vandag neer en neem daarvan nie meer nie.

-------

GEBED.

VADER, om te laat gaan van die verlede, die onreg wat teen ons gepleeg is, is makliker gesê as gedaan. Die bitterheid in ons groei soms onbeheerd en verswelg ons lewens geluk, terwyl die wat die onreg gepleeg het gelukkig voortleef. Laat ons vandag asb besef, die wraak kom ons nie toe, en maak ons vry, want as ons vryheid in U Seun vind, sal ons waarlik vry wees.

In die Naam van oms Meester YESHUA, bid ons dat U ons die krag sal gee om vandag te vergewe, sodat onself vry kan wees.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

JEREMIA 11:20-21 AFR53

Wed, 13 Nov 2024 13:16:29 GMT

20. Maar, o Here van die leërskare, regverdige Regter, wat niere en hart toets, laat my u wraak op hulle sien, want aan U het ek my regsaak toevertrou.

21. Daarom, so spreek die Here aangaande die manne van Ánatot wat jou lewe soek en sê: Jy mag nie profeteer in die Naam van die Here nie, anders sal jy sterwe deur ons hand —

***

Kern gedeelte:

"want aan U het ek my regsaak toevertrou"

Om ons humeur te verloor, die saak in eie hande te neem is waarskynlik die maklikste oplossing, maar dikwels met katastrofiese gevolge.

So vinnig kan ons, deur te oor-reageer ons eie saak versleg en kan ons baie vinnig buite GOD se onpartydige opregtheid staan.

Kan ons deel word van die oordeel van GOD.

Daarom het ek geleer om situasies, sover moontlik in gebed te hanteer en te vra dat GOD in die saak, regverdig sal oordeel en laat Sy Wil geskied.

Dan tree ek weg van die saak, wag ek op GOD, laat ek dit in Sy Hand en aan die einde van die dag hanteer GOD dit op maniere wat ek nooit kon sien nie.

Daarom, vandag, vertrou jou regsaak aan GOD toe en laat Hy regverdig oordeel.

-------

GEBED.

VADER, dit is moeilik om sekere sake te laat gaan, om te wag op U regverdige oordeel. Gee ons asb die krag om op U te wag, want U het gesê dat die wat op U wag kry nuwe krag. Laat ons vandag nie sake in eie hande neem maar eerder ons oë op U gefokus sal hou, terwyl U in geregtigheid met hierdie probleem deel.

In die Naam van ons Meester YESHUA, bid ons vir geduld om op U te wag.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

JEREMIA 9:4-6 AFR53

Tue, 12 Nov 2024 11:01:05 GMT

4. Pas op, elkeen vir sy vriend, en vertrou op geen broer nie; want elke broer is net 'n onderkruiper, en elke vriend gaan om met kwaadsprekery.

5. En hulle bedrieg elkeen sy vriend en praat nie die waarheid nie; hulle het hul tong geleer om leuens te praat, hulle maak hul moeg met verdraaiery.

6. Jou woning is in die midde van bedrog; deur bedrog weier hulle om My te ken, spreek die Here.

***

Kern gedeelte:

"Pas op, elkeen vir sy vriend, en vertrou op geen broer nie"

Of ons nou hou van vandag se boodskap, of nie.

Ongeag, dit is die realiteit van die lewe waarin ons lewe, en die mens wat ons daagliks mee moet deel.

Hoe gaan ons hierdie situasie reg hanteer sonder dat ons in wantroue deur die lewe gaan.

My raad is, bid tot GOD, vra dat Sy Heilige Gees elkeen se ware kleure te voorskyn sal bring, ons sal beskerm teen die onderkruipers, en die mense wat nie nie in ons lewe hoort nie, te verwyder.

Maar terselfde tyd, pasop met wie jy omgaan, dit is eers wanneer GOD jou oë open, dat jy die slange rondom jou sal raaksien.

-------

GEBED.

VADER, soos die spreekwoord sê, die makste honde byt die seerste en dikwels is ons die oorsaak van ons eie probleme omdat ons nie na U stem luister nie. Wanneer U 'n waarskuwing tot ons rig, gaan ons voort omdat ons, ons eie wil vir ons lewe najaag. Bring ons asb tot stilstand, open ons oë sodat ons kan sien dat ons reeds in die slangpit van die lewe staan.

In die Naam van ons Meester YESHUA, bid ons vir 'n gees van onderskeiding wat die waarheid kan sien agter elke masker.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

PSALMS 51:12-15 AFR53

Mon, 11 Nov 2024 10:27:58 GMT

12. Skep vir my 'n rein hart, o God, en gee opnuut in die binneste van my 'n vaste gees.

13. Verwerp my nie van u aangesig nie en neem u Heilige Gees nie van my weg nie.

14. Gee my weer die vreugde van u heil, en ondersteun my deur 'n gewillige gees.

15. Ek wil die oortreders u weë leer, dat die sondaars hulle tot U kan bekeer.

***

Kern gedeelte:

"Verwerp my nie van u aangesig nie en neem u Heilige Gees nie van my weg nie"

Daar is geen onderskeid nie, almal van ons doen sonde en almal maak foute.

Miskien worstel party van ons meer met herhaaldelike sonde en dan voel ons dat ons sondes soos 'n skeidsmuur tussen ons en GOD staan.

Dan voel ons soos Dawid wat sê, Verwerp my nie van U aangesig nie en neem U Heilige Gees nie van my weg nie.

Laat ons vanoggend ons sondes en worstelings in waarheid voor GOD bely en vra dat Hy ons sal wit-was en ons sondes van ons sal verwyder so ver as die Ooste van die Weste.

Moenie die leuen van die "verderwer" glo wanneer hy sê dat jou sonde te groot is om voor GOD te bring.

Nader tot GOD, bely jou sonde en keer jou dan weg daarvan.

-------

GEBED.

VADER, hoe glo ons nie die leuen van die "verderwer" nie, en dra ons die skuldlas van sonde met ons saam nie. Ons weet dat dit die "verderwer" se manier is om ons gebonde te hou, om ons van U te skei. Gee asb vandag aan ons die krag om in waarheid en berou voor U voete te kom, en dat ons, ons sal wegkeer van ons sondige weë om in U Waarheid te wandel.

In die Naam van ons Meester YESHUA, bid ons HERE, wees ons sondaar genadig.

Amen.

•••••••

Webtuiste: https://tentvansamekoms.co.za

Sel: (+27)(0)716283107

JOHANNES 5:5-7 AFR53

Fri, 08 Nov 2024 11:42:39 GMT

5. En 'n sekere man was daar, wat agt-en-dertig jaar aan sy siekte gely het.

6. Toe Jesus hom sien lê, terwyl Hy geweet het dat hy al 'n lang tyd siek was, sê Hy vir hom: Wil jy gesond word?

7. Die sieke antwoord Hom: Here, ek het niemand om my in die bad te sit as die water geroer word nie; en onderwyl ek kom, gaan 'n ander een voor my in.

***

Kern gedeelte:

"ek het niemand om my in die bad te sit as die water geroer word nie"

Die Oplossing, die Deurbraak staan by ons, maar deur die afwagting wat ons in die wêreld het sien ons dit ook nie raak nie.

Hier het JESUS CHRISTUS, in die vlees gestaan en die vraag gevra, wil jy gesond word?

Maar deur gewoonte, deur die afwagting van die water wat geroer moet word, kon hy nie die Verlosser raaksien nie.

Ons doen dieselfde deur aanhoudend terug te hardloop na daar waar ons afwagting is, na daar waar ons die hulp van mense nodig het.

Maak oop jou oë en jou ore, ons Verlosser staan by jou en vra, wil jy gesond word. Het jy 'n deurbraak nodig?

Draai weg van die wêreld en sy mense want hulle dra net hulle eie belange op die hart.

Elkeen kan antwoord soos dit hulle behaag, maar ek sal antwoord, ja HERE, gee my U Wil vir my lewe.

-------

GEBED.

VADER, U open ons oë sodat ons die Lig van U Seun kan sien en ervaar. Laat ons vanoggend nie verblind staan deur ons gewoontes en afwagting in die wêreld nie. Ons antwoord is Ja. Laat U Heilige Gees asb in ons harte en lewe inkom en neem beheer daarvan. Genees asb en gee deurbrake soos dit U behaag.

In die Naam van ons Meester YESHUA, dank ons U vir geopende oë wat die Lig kan sien.

Amen.

•••••••

Webtuiste: https://tentvansamekoms.co.za

Sel: (+27)(0)716283107

JOHANNES 4:49-51 AFR53

Thu, 07 Nov 2024 10:36:02 GMT

49. Die koninklike beampte sê vir Hom: Here, kom af voordat my kind sterwe.

50. Jesus antwoord hom: Gaan, jou seun lewe! En die man het die woord geglo wat Jesus vir hom gesê het, en hy het gegaan.

51. En toe hy al op pad was huis toe, kom sy diensknegte hom tegemoet en bring die berig en sê: U kind lewe!

***

Kern gedeelte:

"En die man het die woord geglo wat JESUS vir hom gesê het"

As jy tot GOD in gees en waarheid gebid het, en jy het die Woord ontvang oor die pad vorentoe, moenie twyfel nie, maar gaan onmiddelik voort en doen soos GOD dit op jou hart gelê het.

Dikwels twyfel ons en staan op die rand van oorwinning, maar deur ons twyfel wil ons nie die eerste tree neem nie, en dan word ons met so 'n ligte stootjie die water ingehelp.

Dit is eers wanneer ons kop onder die water ingaan dat ons besef dat ons moet rigting kry en beweeg soos GOD vir ons gesê het.

Moenie wag nie, maar begin beweeg, stap die pad, doen wat jy moet doen en laat die res aan GOD oor.

Moenie die eer aan die "verderwer" gee deur in twyfel te bly staan nie, maar begin die pad stap ter ere van GOD en Sy Heilige Naam.

-------

GEBED.

VADER, dankie dat U Woord ter bevestiging vanoggend so duidelik is soos daglig. So duidelik dat geen mens dit kan mis nie. Ons vra slegs vanoggend dat U ons voete sal rig op ons lewenspad en dat U ons sal lei in die rigting wat U van ons verwag, en laat dit wat ons doen slegs ter ere van U Naam sal wees.

In die Naam van ons Meester YESHUA, dank ons U vir hierdie eerste tree op die nuwe hoofstuk van ons lewenspad.

Amen.

•••••••

Webtuiste: https://tentvansamekoms.co.za

Sel: (+27)(0)716283107

I THESSALONICENSE 5:5-8 AFR53

Wed, 06 Nov 2024 11:01:10 GMT

5. Julle is almal kinders van die lig en kinders van die dag; ons is nie van die nag of die duisternis nie.

6. Laat ons dan nie slaap soos die ander nie, maar laat ons waak en nugter wees.

7. Want die wat slaap, slaap in die nag; en die wat dronk word, is in die nag dronk.

8. Maar laat ons wat van die dag is, nugter wees, met die borswapen van geloof en liefde aan, en as helm die hoop op die saligheid.

***

Kern gedeelte:

"Maar laat ons wat van die dag is, nugter wees"

Dikwels is die boodskap so duidelik dat ek nie daarop wil uitbrei of verduidelikings wil byvoeg nie.

Hierdie boodskap is reeds so duidelik soos daglig, en as ons nie die kern hiervan verstaan nie, is dit waarskynlik omdat ons nog in die duisternis leef!

Die son sal eers vir jou opkom, en jy sal verlig word soos daglig wanneer jy JESUS CHRISTUS in jou lewe in nooi, want Sy Lig sal die duisternis in jou verdryf, sodat jy ook 'n kind van die lig, 'n kind van die dag kan wees.

-------

GEBED.

VADER, dankie dat U ons daaraan herhinner om nie aan die aktiwiteite van die die wêreld, van die nag deel te neem nie, maar dat ons waaksaam sal wees, met die borswapen van geloof en liefde aan, en as helm die hoop op die saligheid. Beskerm ons asb sodat die duisternis nie weer vatplek in ons lewe sal kry nie.

In die Naam van ons Meester YESHUA, bid ons vir krag om staande te bly teen die aanslae en versoekings van hierdie wêreld.

Amen.

•••••••

Webtuiste: https://tentvansamekoms.co.za

Sel: (+27)(0)716283107

I KRONIEKE 11:8-9 AFR53

Tue, 05 Nov 2024 13:00:32 GMT

8. En hy het die stad rondom opgebou van Millo af tot by die omtrek; en Joab het die orige deel van die stad herstel.

9. En Dawid het gedurigdeur groter geword, en die Here van die leërskare was met hom.

***

Kern gedeelte:

"En Dawid het gedurigdeur groter geword"

Soms wil ons alles op een slag hê, en wanneer die terugslae van die lewe kom raak ons negatief en voel ons dat GOD ons verlaat het want die storms druis om ons heen.

Dawid se lewe was net so vol storms, uitdagings, probleme en oorlog.

Maar te midde van alles het hy volhard in sy soeke na GOD en was standvastig in sy verhouding met Hom.

Nog meer belangrik, as ons na Dawid se lewe kyk, hy was sensitief op die stem van GOD se Heilige Gees wat in ons inspreek.

En daardeur, te midde van alles, het Dawid gedurigdeur groter geword.

Staan op, staan vas, want GOD is met jou, en as jy in nederigheid voor GOD bly sal Hy jou gedurigdeur groter maak.

-------

GEBED.

VADER, soms voel ons of ons deur die wêreld oorweldig gaan word, maar as ons terugkyk na die dag van gister, was U met ons en het U ons deurgedra. Ons bid dat U ons ongeduld sal vergewe, ons sal versterk sodat ons in ons lewenspad nie wankel, maar standvastig sal wees in die wete dat U ons gedurigdeur groter maak.

In die Naam van ons Meester YESHUA, bid ons vir deurbrake in U tyd, soos dit U behaag.

Amen.

•••••••

Webtuiste: https:// tentvansamekoms.co.za

Sel: (+27)(0)71628310

HOSÉA 4:1, 6 AFR53

Mon, 04 Nov 2024 09:18:01 GMT

1. HOOR die woord van die Here, o kinders van Israel! Want die Here het 'n regsaak met die inwoners van die land, omdat daar geen trou en geen liefde en geen kennis van God in die land is nie.

6. My volk gaan te gronde weens gebrek aan kennis; omdat jý die kennis verwerp het, sal Ek jou verwerp, sodat jy vir My die priesteramp nie sal bedien nie; omdat jy die wet van jou God vergeet het, sal Ek ook jou kinders vergeet.

***

Kern gedeelte:

"My volk gaan te gronde weens gebrek aan kennis"

Ons gaan ten gronde omdat ons nie die Woord van GOD ken nie en na die "priesters van verleiding" luister.

In vandag se samelewing word van ons verwag om alles goed te keur in die Naam van "liefde vir jou naaste", maar tog staan dit duidelik geskrywe in Romeine 1: 32, mense wat — al ken hulle die verordening van God goed, dat die wat sulke dinge doen, die dood verdien — dié dinge nie alleen self doen nie, maar ook hulle goedkeuring skenk aan die wat dit doen.

Gaan lees gerus Romeine 1:18- 32.

Dit sal baie dinge duidelik maak, en dan sal jy nie weer die deur van jou huis daarvoor oopmaak nie, nie weer jou goedkeuring daaraan skenk nie.

Lees die Woord van GOD in diepte, gee aandag daaraan om na Sy Stem te luister.

Dan sal jy die kop wees en nie die stert nie.

-------

GEBED.

VADER, open asb vandag ons oë, sodat ons U Woord in waarheid sal lees en verstaan. Laat ons nie verder verlei word deur na die leuns van verleiding en die verdraaiing van U Woord te luister nie, maar dat ons sal kies om U in Waarheid te volg. Vergewe ons asb ons onkundigheid aangaande U Woord.

In die Naam van ons Meester YESHUA, bid ons vir die vergifnis van ons sondes.

Amen.

•••••••

Webtuiste: tentvansamekoms.co.za

Sel: (+27)(0)716283107

EFÉSIËRS 4:22-24 AFR53

Fri, 01 Nov 2024 10:37:45 GMT

22. dat julle, wat die vorige lewenswandel betref, die oue mens moet aflê wat deur die begeerlikhede van die verleiding te gronde gaan,

23. en dat julle vernuwe moet word in die gees van julle gemoed

24. en julle met die nuwe mens moet beklee wat na God geskape is in ware geregtigheid en heiligheid.

***

Kern gedeelte:

"dat julle vernuwe moet word in die gees van julle gemoed"

Wanneer jy die ou mens van hierdie wêreld afgelê het, is dit nie moontlik om donker en depresief deur die lewe te gaan nie, want jou vreugde is gebaseer op GOD en jy lewe jou lewe in JESUS CHRISTUS, want waar jy gaan en in wat jy sê, dra jy Sy Naam op jou lippe.

As jou gemoed gekwel is, en die bekommernis in jou bou op, weet jy dat die "verderwer" besig is om jou terug te sleep na wêreldse gewoontes en begeertes.

Want as jou versekerde verwagting in ons GOD is, sal jy daagliks vernuwe word, en jy sal die storms van die lewe deurstaan.

Onthou, as jy voor GOD op jou knieë is, sal Hy jou regop hou op jou lewenspad, en geen teëspoed sal jou van stryk bring, geen uitdaging sal vir jou te groot wees nie.

Staan op, staan vas, bewapen jou met GOD se Woord, en Hy sal jou versterk.

-------

GEBED.

VADER, wanneer ons oor die toekoms begin tob en kwel, neem dit U vrede wat alle verstand te bowe gaan van ons weg. Ons vra vanoggend dat U Heilige Gees op ons sal inwerk, ons sal versterk sodat ons met versekerde verwagting op U kan vertrou. Dat ons sal staan soos 'n huis wat op die Rots gebou. Ons dank U vir uitdagings en probleme want in ons lewe daardeur bou ons karakter.

In die Naam van ons Meester YESHUA, bid ons vir krag om op te staan en vas te staan.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

I KONINGS 19:5-7 AFR53

Thu, 31 Oct 2024 10:50:22 GMT

5. Daarop gaan hy lê en raak onder 'n besembos aan die slaap; en kyk, daar raak 'n engel hom aan en sê vir hom: Staan op, eet!

6. Toe hy opkyk, was daar aan sy koppenent 'n broodkoek, op warm klippe gebak, en 'n kruik water. En hy het geëet en gedrink en weer gaan lê.

7. En die engel van die Here het weer vir die tweede maal gekom en hom aangeraak en gesê: Staan op, eet; anders is die pad vir jou te veel.

***

Kern gedeelte:

"Staan op, eet; anders is die pad vir jou te veel"

Die lewe gaan nie net oor werk, oor die dinge wat hierdie wêreld bied nie.

Soos Elia kom daar 'n tyd wat alles te veel raak en dan is nodig dat ons moet rus, gevoed word, nie alleen met voedsel nie maar ook met Woord van GOD.

As ons dit nie doen nie, gaan die pad vir ons te veel raak, en ons sal nie die werk kan doen of die pad kan stap wat GOD vir ons beplan het nie.

Daarom, as die opdraende vir jou te styl word, stop, neem rus, word deur GOD se Woord versterk, dan sal geen pad te moeilik of opdraende te steil wees nie.

Onthou, by mense is dit onmoontlik, maar by GOD is alle dinge moontlik.

-------

GEBED.

VADER, wanneer ons teen die storms van die lewe instap, word die pad te moeilik, ons raak moeg en fokus dan slegs op die probleme. Dit is eers wanneer ons 'n tree terugneem, rus en versterk word deur U Woord, dat ons dinge uit 'n ander oogpunt sien, en dan sien ons die oplossings wat U voor ons geplaas het, sodat ons die pad voluit kan stap. Dankie dat ons vandag besef dat rus ook nodig is vir elkeen van ons.

In die Naam van ons Meester YESHUA, bid ons dat U die oogklappe van die lewe van ons oë sal verwyder sodat ons die Lig sal sien.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

JEREMIA 5:24-25 AFR53

Wed, 30 Oct 2024 06:57:00 GMT

24. en hulle het nie in hul hart gesê nie: Laat ons tog die Here onse God vrees, wat reën gee, vroeë reëns en laat reëns op hulle tyd, wat vir ons die vasgestelde weke van die oes in stand hou.

25. Julle ongeregtighede het hierdie dinge afgeweer, en julle sondes het die goeie van julle teruggehou.

***

Kern gedeelte:

"julle sondes het die goeie van julle teruggehou"

Dikwels praat ons oor die skeidsmuur van sonde, en ons besef nie die omvang daarvan nie.

Hoe kan GOD ons seën as ons dit waarmee ons geseën gaan word, gaan gebruik om dit in ons welluste deur te bring en nie toe te laat dat GOD se seëninge deur ons na ander toe vloei nie.

Ons staan in ongeregtigheid voor GOD, maar terselfde tyd verwag ons dat GOD ons in ons ongeregtigheid moet seën.

As GOD ons nie in die mindere kan vertrou nie, hoe gaan Hy ons in die meeste vertrou wanneer Hy ons seën.

Ons moet eers leer om met die minste in onpartydige opregtheid voor GOD te kan staan, sodat wanneer GOD ons seën in ons lewe, dat ander se seëninge nie by ons sal vashaak nie, maar sal deurvloei na ander wat dit ook so brood-nodig het.

Maak jou skure van sonde leeg sodat dit gevul met die seëninge van GOD.

Ek spreek vandag GOD se seën oor jou lewe, jou huis, jou gesin, jou gesondheid en oor jou finansies.

Mag jou seëninge wees soos jy ander seën.

-------

GEBED.

VADER, seën asb hierdie boodskap waar dit ookal mag gaan, en as dit 'n huis vind wat U seëninge waardig is, laat dit daarop rus. Maak asb die vensters van die hemel oop en vul daardie huis met U heerlikheid, U seën en U vrede.

In die Naam van ons Meester YESHUA, bid ons vir elkeen wat in nood is. Voorsien asb aan elkeen wat biddend voor U staan.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

GÉNESIS 4:6-8 AFR53

Tue, 29 Oct 2024 14:24:34 GMT

6. En die Here sê vir Kain: Waarom is jy kwaad, en waarom laat jy jou hoof hang?

7. Is daar nie verheffing as jy goed doen nie? En as jy nie goed doen nie — die sonde lê en loer voor die deur, en sy begeerte is na jou; maar jy moet daaroor heers.

8. En Kain het met sy broer Abel gepraat; en toe hulle in die veld was, het Kain teen sy broer Abel opgestaan en hom doodgeslaan.

***

Kern gedeelte:

"het Kain teen sy broer Abel opgestaan en hom doodgeslaan"

Moenie 'n deur van sonde oopmaak wat nie weer toegemaak kan word nie.

Pasop, moenie dat jou emosies nie die oorhand oor jou kry nie, want Kain was gewaarsku, maar deur emosie gedryf het hy 'n deur van sonde geopen wat nooit weer toegemaak kon word nie.

Daagliks lê die sonde en loer voor ons deur, en sy begeerte is na jou; maar jy moet daaroor heers.

Moenie die versoekings in jou lewe met emosie hanteer nie, maar vra dat GOD jou hierin sal lei, en hanteer die situasie binne Sy Wil.

Deur GOD se Wil na te volg sal jy nie net die versoeking oorkom nie, maar jy sal die sonde oorwin en daaroor heers.

-------

GEBED.

VADER, daagliks wil ons aan emosie oorgee en sake op 'n wêreldse manier hanteer. Die "verdêrwer" strewe daarna om ons aan die wêreld gelykvormig te maak sodat hy in oorwinning kan staan, maar op emosie gaan ons nie reageer nie, maar ons gaan opstaan en verklaar, die HERE is my Herder en ook deur hierdie situasie sal Hy my lei, my deurdra en my uitred.

In die Naam van ons Meester YESHUA, bid ons vir krag om nie in te gee of toe te gee nie.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

MATTHÉÜS 6:33-34 AFR53

Mon, 28 Oct 2024 10:52:08 GMT

33. Maar soek eers die koninkryk van God en sy geregtigheid, en al hierdie dinge sal vir julle bygevoeg word.

34. Kwel julle dus nie oor môre nie, want môre sal hom oor sy eie dinge kwel. Elke dag het genoeg aan sy eie kwaad.

***

Kern gedeelte:

"Kwel julle dus nie oor môre nie"

Vandag wil ek vir jou bevestiging gee, dat jy moet aangaan, doen wat jy kan, met dit wat jy het, net waar GOD jou op hierdie gegewe oomblik geplaas het.

Die res laat jy aan GOD oor, en Hy sal jou paaie voor jou gelykmaak.

Wanneer ons op GOD begin fokus, in onpartydige opregtheid voor Hom staan, verander ons beperkinge in geleenthede, word vandag se probleme, môre se ondervinding wat jy nodig het vir die pad vorentoe.

Moenie soos Petrus na die golwe kyk nie, want daarin is die twyfel, maar fokus op GOD en Hy sal jou op die water laat loop.

Hy sal vir jou die onmoontlike moontlik maak.

-------

GEBED.

VADER, ons kan vanoggend op 'n hopie gaan sit en huil, en toelaat dat bekommernis ons oorskadu, of ons kan opstaan en verklaar dat ons die Lewende GOD dien, wat die onmoontlike moontlik maak. Ons dank U reeds dat U 'n pad voorberei waar daar geen pad is nie, waar geen mens dit kan doen nie. Ons lewe plaas ons in U hande. Laat dit wees soos dit U behaag.

In die Naam van ons Meester YESHUA, bid ons in danksegging vir vandag se voorsiening, en dra ons die dag van môre op aan U.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

JEREMIA 2:17, 19 AFR53

Fri, 25 Oct 2024 10:21:55 GMT

17. Het jou verlating van die Here jou God in die tyd toe Hy jou op die pad gelei het, jou dit nie berokken nie?

19. Jou eie boosheid sal jou tugtig, en jou afkerighede sal jou straf; weet dan en sien dat dit verkeerd en bitter is dat jy die Here jou God verlaat het, en dat my vrees nie by jou is nie, spreek die Here, die Here van die leërskare.

***

Kern gedeelte:

"Jou eie boosheid sal jou tugtig"

So dikwels praat ek oor ons "tafel van nagevolg" en vanoggend se boodskap stel dit so selfs nog beter wanneer GOD ons deur Sy Woord, hierdie vraag vra!

Het jou verlating van die Here jou God in die tyd toe Hy jou op die pad gelei het, jou dit nie berokken nie?

Soms moet ons maar net rustig gaan sit en terug dink waar alles begin het, waar ons die pad byster geraak geraak het.

As jy eerlik genoeg met jouself kan wees, sal jy sien dat alles begin het, die dag toe jy GOD verlaat het en Sy Woord nie meer die prioriteit in jou lewe was nie.

Oordink alles deegliks, roep GOD aan, nader tot GOD en Hy sal tot jou nader.

-------

GEBED.

VADER, ons kan slegs ons kop in skaamte sak, en weet dat ons sekere dinge nie kan weg argumenteer nie. Alles het begin toe ons die volheid van GOD verruil het vir die leegheid van hierdie "wêreld". Neem ons asb vanoggend aan die hand, lei ons terug na U, en die weg wat U vir ons beplan het.

In die Naam van ons Meester YESHUA, bid ons vir vergifnis van ons sondes.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

JEREMIA 1:4-5 AFR53

Thu, 24 Oct 2024 10:29:53 GMT

4. Die woord van die Here het dan tot my gekom en gesê:

5. Voordat Ek jou in die moederskoot gevorm het, het Ek jou geken; en voordat jy uit die liggaam voortgekom het, het Ek jou geheilig; Ek het jou tot 'n profeet vir die nasies gemaak.

***

Kern gedeelte:

"Voordat Ek jou in die moederskoot gevorm het"

Soos met Jeremia, is ons lewe reeds vir ons uitgelê, en GOD het die perfekte plan vir ons lewe tot Sy verheerliking.

Soos Jeremia, het ons ook vrese dat ons nie sal kan doen wat GOD vir ons beplan nie.

Maar soos GOD vir Jeremia opgerig het, so sal Hy jou ook oprig vir jou lewenstaak.

Deur jou lewens keuses mag jy tans op 'n plek wees waar jy nie moet wees nie, maar selfs hieruit sal wonderwerke voortspruit en tot getuienis wees.

Ongeag huidige gevoelens, situasies of beperkinge, GOD maak nie foute nie en jy is geskep vir 'n tyd soos hierdie.

Maar dit is tyd dat jy deur gebed en vas jou roeping in GOD vind.

Ek sê weer, GOD maak nie foute nie!

-------

GEBED.

VADER, daagliks twyfel ons in onself, en in U roeping en doel vir ons lewe. Deur ongeduld, versoekings van die "verderwer", verkeerde lewens keuses dwaal ons, terwyl U plan vir ons lewe nog in wording is. Gee asb dat ons die dinge van hierdie wêreld sal agterlaat en U roeping vir ons lewe sal najaag. Versterk ons asb om binne U Wil te kan beweeg.

In die Naam van ons Meester YESHUA, bid ons vir elkeen wat siek is, mag U Hand hulle vanoggend aanraak en genees.

Amen.

•••••••

Webtuiste:https://tentvansamekoms.co.za

E-pos: fanie.le@tentvansamekoms.co.za

Sel:(+27)(0)716283107

II SAMUEL 22:29-31 AFR53

Wed, 23 Oct 2024 10:52:02 GMT

29. Want U is my lamp, o Here! En die Here laat my duisternis opklaar.

30. Want met U loop ek 'n bende storm, met my God spring ek oor 'n muur.

31. Die weg van God is volmaak; die woord van die Here is gelouter; Hy is 'n skild vir almal wat by Hom skuil.

***

Kern gedeelte:

"Want met U loop ek 'n bende storm"

As jy vandag huiwer om die eerste tree te neem, die pad van 'n nuwe begin te stap, neem die tyd en nooi GOD saam met jou op jou lewenspad.

Hy sal jou rig, jou lei, behoed en bewaar.

Deur die inwerking van Sy Heilige Gees sal jy die stem hoor wat sê, gaan links of gaan regs.

Met GOD saam met ons op ons lewenspad, kan ons opstaan en sê, met my GOD loop ek 'n bende storm.

Maar laat ons ook soos Moses sê:

As U nie self meegaan nie, laat ons dan nie hiervandaan optrek nie.

Wag op GOD, moenie jaag nie, kry sekerheid in jou hart, want as GOD jou begin beweeg, gaan niks jou stop nie!

-------

GEBED.

VADER, vandag kom vra ons dat ons nie in ons haastigheid sal beweeg nie, maar sal wag op U bevestiging. Gee ons asb sekerheid in ons hart wanneer die regte tyd aanbreek het om saam met U hierdie pad te begin stap. Dankie dat U vanoggend bevestig dat U ons die krag sal gee om alle struikelblokke te oorkom, want met ons GOD loop ons 'n bende storm, maar sonder U beweeg ons nie 'n tree nie.

In die Naam van ons Meester YESHUA, bid ons dat U met ons sal wees in alles wat ons aanpak, dat U hierdie lewenspad saam met ons sal stap.

Amen

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)7162831907

OPENBARING 22:6-7 AFR53

Tue, 22 Oct 2024 10:52:46 GMT

6. EN hy het vir my gesê: Hierdie woorde is betroubaar en waaragtig; en die Here, die God van die heilige profete, het sy engel gestuur om sy diensknegte te toon wat gou moet gebeur.

7. Kyk, Ek kom gou. Salig is hy wat die woorde van die profesie van hierdie boek bewaar.

***

Kern gedeelte:

"Kyk, Ek kom gou"

Hierdie is die onveranderde waarheid wat sal staan tot die Wederkoms van JESUS CHRISTUS, ons Verlosser en Saligmaker.

Tog ontken soveel mense die waarheid van die Woord van GOD.

Soveel van ons kies om nie gekies te word nie, en ander mense sal nie die Woord van GOD aanvaar voor hulle eers deur die meule van die lewe gegaan het, en erken dat GOD in beheer van ons lewe is nie.

Nietemin, as jy vandag hierdie boodskap lees of luister, het jy nog tyd om jou saak reg te maak en jou lewe, jou hart vir JESUS te gee.

Doen dit terwyl jy nog die geleentheid het, want die dag van môre is nie gewaarborg nie en jou volgende asemteug is in die Hand van die Een wat jy ontken.

Ek herhaal weer:

Salig is hy wat die woorde van die profesie van hierdie boek bewaar.

-------

GEBED.

VADER, alles wat ons is, is net genade, en alles wat ons het is net geleen en tog lewe ons asof ons nooit gaan sterwe nie. Deur ons arrogansie en die "eie ek", lewe ons asof ons in beheer van ons lewe is, en soms wil ons ook ander se lewe beheer. Ruk ons asb uit die vuur, bring ons tot stilstand, sodat die Waarheid van U Woord by ons sal insink. Laat ons U teenwoordigheid in ons lewe ervaar.

In die Naam van ons Meester YESHUA, bid ons dat die skille van die "verderwer" van ons oë sal afval.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

DANIËL 6:22-23 AFR53

Mon, 21 Oct 2024 10:44:57 GMT

22. Toe het Daniël met die koning gespreek: Mag die koning vir ewig lewe!

23. My God het sy engel gestuur en die bek van die leeus toegesluit, sodat hulle my geen leed aangedoen het nie, omdat ek voor Hom onskuldig bevind is en ek ook teen u, o koning, geen onreg gedoen het nie.

***

Kern gedeelte:

"omdat ek voor Hom onskuldig bevind is"

In jou lewe sal jy mense kry wat teen jou sal draai, mense wat alles in hulle vermoë sal doen om jou te ondermym, al beteken dit dat hulle jou moet verkleineer, leuens van jou vertel of jou slegmaak in die oë van hierdie "wêreld".

Maar dan kan ons die verhaal van Daniël in die leeukuil gerus weer gaan lees tot bevestiging.

Daniël het nie energie of tyd daaraan spandeer om terug te veg, homself te verdedig of vir sy eie saak te baklei nie.

Hy het egter aangehou om tot GOD te bid, Hom te loof en te prys en hy het onpartydig opreg aanhou lewe, ongeag die feit dat planne tot verderf teen hom beplan is.

Vandag wil ek net vir jou sê, draai jou fokus terug na GOD toe, hou op baklei en laat die ander mense doen soos dit hulle behaag.

Wees jy ten alle tye onpartydig opreg voor GOD, en Hy sal die planne van die "verderwer" tot jou voordeel laat uitwerk!

-------

GEBED.

VADER, U weet wie teen ons is, en wie planne teen ons beraam. Ongeag, ons sal stil wees en weet dat U GOD is, want as U vir ons is, wie sal teen ons wees. Gee ons asb die krag, wysheid en insig om aan te hou om in onpartydige opregtheid te lewe, sodat ons nie bloed op ons hande sal hê wanneer ons voor U staan nie.

In die Naam van ons Meester YESHUA, bid ons vir krag om op te staan vir die waarheid van U Woord.

Amen.

•••••••

Webtuiste: https://tentvansamekoms.co.za

Sel: (+27)(0)716283107

E-pos: fanie.le@tentvansamekoms.co.za

JOHANNES 3:19-21 AFR53

Fri, 18 Oct 2024 10:23:07 GMT

19. En dit is die oordeel: dat die lig in die wêreld gekom het, en die mense het die duisternis liewer gehad as die lig; want hulle werke was boos.

20. Want elkeen wat kwaad doen, haat die lig en kom nie na die lig nie, dat sy werke nie bestraf mag word nie.

21. Maar hy wat die waarheid doen, kom na die lig, sodat sy werke openbaar kan word, dat hulle in God gedoen is.

***

Kern gedeelte:

"Maar hy wat die waarheid doen, kom na die lig"

In hierdie saak is daar nie draad-sitter posisies beskikbaar nie.

Net soos ons nie twee gode kan dien nie, ons kan nie GOD en mamon dien nie, net so is dit in hierdie saak.

Jy staan in die Waarheid van GOD deur Sy Seun JESUS CHRISTUS, of jy is nog aan die wêreld verkleef, en aan die werke van die "verderwer" wat jou lei na donker duistere dinge.

Ongeag wat jou antwoord hierop gaan wees, dit is nie vir my om te weet of te oordeel nie, maar 'n saak tussen jou en GOD!

Ons kan die boodskap ignoreer, maar weet dat ELKEEN deur die Wittroon oordeel sal gaan, en rekenskap sal ons gee!

-------

GEBED.

VADER, die woorde mag dalk hard wees om te hoor, maar ons vra dat U Heilige Gees ons sal ontvanklik maak daarvoor, sodat ons vandag ons harte oopmaak vir U, dat ons verlossing sal kies deur U eniggebore Seun. Laat ons besef dat die tyd om in, en met verskonings te leef verby is. Laat ons besef dat dit is of die Lig of die duisternis.

In die Naam van ons Meester YESHUA, bid ons vir siele tot bekering.

Amen.

••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

JESAJA 41:10-11 AFR53

Thu, 17 Oct 2024 13:41:48 GMT

10. Wees nie bevrees nie, want Ek is met jou; kyk nie angstig rond nie, want Ek is jou God. Ek versterk jou, ook help Ek jou, ook ondersteun Ek jou met my reddende regterhand.

11. Kyk, hulle almal sal beskaamd staan en in die skande kom wat op jou toornig is; hulle sal word soos niks, en jou teëparty sal omkom.

***

Kern gedeelte:

"Wees nie bevrees nie"

Gister vra my vrou vir my of ek weet watter stelling staan 365 keer in die Bybel geskrywe, want sy het dit deur die loop van die dag raakgelees.

Ek was nie seker nie, en sy antwoord, "Wees nie bevrees nie, of moenie bang wees nie.

Ons het dit wel nog nie gaan tel om dit te bevestig nie, maar die boodskap hierin het ingedring, baie dieper as wat mens verstaan.

Die boodskap is dat daar 365 dae in 'n gewone jaar is, en 365 keer word ons daaraan herhinner dat ons nie moet vrees nie of dat ons nie moet bang wees nie.

Maar tog gaan slaap ons met bekommernis oor die dag van môre en staan ons op in vrees oor wat die nuwe dag gaan inhou.

Let vanoggend op en luister, laat dit by jou insink, GOD het jou nie 'n gees van vrees gegee nie, want groter is Hy wat in jou is, as hy wat in die "wêreld" is.

Jy staan reeds in oorwinnimg, al weet jy dit nog nie, en waar jy nie meer kan nie, sal GOD jou deurdra.

Staan op, staan sterk, beur voort want GOD is met jou.

-------

GEBED.

VADER, dankie dat te midde van soveel onsekerheid, U hierdie woorde van bevestiging en bemoediging bring. Dankie dat U in beheer is, en dat ons net moet opstaan en die pad stap soos U ons daarin lei. Laat ons nie die leuns van die "verderwer" langer glo nie, maar ons oë op U gevestig sal hou.

In die Naam van ons Meester YESHUA, dank ons U vir hierdie nuwe dag.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel(+27)(0)716283107

JOHANNES 1:3-5 AFR53

Wed, 16 Oct 2024 10:32:56 GMT

3. Alle dinge het deur Hom ontstaan, en sonder Hom het nie een ding ontstaan wat ontstaan het nie.

4. In Hom was lewe, en die lewe was die lig van die mense.

5. En die lig skyn in die duisternis, en die duisternis het dit nie oorweldig nie.

***

Kern gedeelte:

"en die duisternis het dit nie oorweldig nie"

Dikwels verander ons geestes toestand en sien ons net die negatiewe in die lewe raak.

Ons raak verduister in ons denke, en sien nie nie meer die Lig op ons lewenspad nie.

Wanneer dit gebeur, weet dit, dat jy 'n afdraai pad gevat het na waar jy nie moet wees nie.

Wanneer jy op die pad bly wat GOD vir jou beplan het sal Sy Lig voortdurend met jou wees.

Geen duisternis kan dit oorweldig nie want duisternis is slegs die afwesigheid van lig.

Laat ons vanoggend besef dat dit tyd is om onself leeg te maak van die dinge van hierdie "wêreld", sodat die Lig van JESUS CHRISTUS, nie slegs in ons teenwoordig sal wees nie, maar ook deur ons sal skyn vir almal om te sien.

Dit is tyd dat jy die donker agterlaat, en weer in Sy Lig begin lewe.

-------

GEBED.

VADER, soms sonder om dit te besef, begin ons dwaal en voor ons dit weet is ons die pad byster en sien ons nie meer U Lig nie. U is die ware Lewende GOD wat ons voetstappe rig, en daarom vra ons dat U ons weer sal terugbring na die Lig, na die lewe wat U vir ons beplan het. Almal maak foute, en laat ons asb die lesse daaruit leer, maar trek nie U reddende regterhand van ons terug nie.

In die Naam van ons Meester YESHUA, bid ons dat ons aan U Stem gehoorsaam sal wees.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

PSALMS 88:2-3, 14 AFR53

Tue, 15 Oct 2024 10:33:55 GMT

2. Here, God van my heil, bedags roep ek, in die nag is dit voor U.

3. Laat my gebed voor u aangesig kom, neig u oor tot my smeking.

14. Maar ék, Here, roep U aan om hulp, en in die môre kom my gebed U tegemoet.

***

Kern gedeelte:

"Maar ék, Here, roep U aan om hulp"

Staan jy werklik in 'n verhouding met GOD, spandeer jy tyd by Sy voete, en lees jy Sy Woord omdat jy 'n behoefte daaraan het om ons Skepper en Verlosser beter te leer ken.

Of is jy 'n vriend van die "wêreld" wat die norme van die wêreld daagliks soek, dit beter leer ken?

'n Studie het getoon dat sekere hoeveelheid ure nodig is om vriendskappe te vorm en 40+ ure lei tot oppervlakkige vrienskap, 60-90+ lei tot vriendskappe en 200+ ure lei tot goeie vriende, dieper verhoudings.

Kom ons vat net die jaar 2024, vergelyk ons skerm tyd op ons foon met ons leestyd in GOD se Woord.

Dit sal jou wys waarna jy soek en hoe jy in jou verhouding met GOD staan.

Hierdie antwoord kan dalk koue water in elkeen van ons se gesig wees sodat ons wakker kan word en die realiteit kan sien.

-------

GEBED.

VADER, as ons U Woord so belangrik geag het soos ons media toestelle, sou die "wêreld", U Koningkryk en U Geregtigheid geken het en soveel beter verstaan het. Dit sou die houvas van die "verderwer" in die nek geslaan het en U Wil vir ons lewe sou tot verwelking kom. Maar ons kan vanoggend verduidelik soos ons Wil, die feite spreek vanself. Vergewe ons asb en laat U Heilige Gees ons leer hoe om ons van die "wêreld" weg te draai, en nader aan U te leef.

In die Naam van ons Meester YESHUA, bid ons vir vergifnis van ons swakheid en ons sondes.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

I THESSALONICENSE 2:3-5 AFR53

Mon, 14 Oct 2024 14:18:06 GMT

3. Want ons vermaning was nie uit dwaling of uit onsuiwerheid of uit bedrog nie;

4. maar soos ons deur God waardig geag is dat die evangelie aan ons toevertrou sou word, so spreek ons, nie om mense te behaag nie, maar God wat ons harte beproef.

5. Want ons het, soos julle weet, ons nooit met vleitaal opgehou of met bedekte hebsug nie. God is getuie.

***

Kern gedeelte:

"nie om mense te behaag nie"

Spreek die Woord van GOD reguit, opreg en sonder om dit te verdraai sodat dit die ore van mense sal streel.

Spreek dit, nie om mense te behaag nie, maar GOD wat ons harte beproef.

Lei eerder een persoon tot ware bekering voordat jy, met jou aan die voorpunt, die massas saam met jou hel toe sleep.

Onthou, voor GOD gaan ons staan, en verantwoording doen vir elke woord wat ons gespreek het.

Daarom, spreek GOD se Woord in waarheid, soos dit GOD behaag, en as dit iemand tot aanstoot is, laat dit so wees, want sommige mense moet deur ons uit die vuur geruk word.

Bid en vra dat die Heilige Gees jou, in jou woorde sal lei, en dat geen woorde van bedrog tot misleiding oor jou lippe sal kom nie.

-------

GEBED

VADER, U Woord leer ons dat voor die Wederkoms, dit weer sal wees soos in die dae van Noag, waar die mens U Woord sal verdraai om hulle te pas, terwyl hulle, in hulle ongeregtigheid sal voortleef. Baie sal kies om nie gekies te word nie maar vergaan in verderf. Gee ons asb die krag om ten alle tye in U Waarheid te staan, en U boodskap suiwer oor te dra.

In die Naam van ons Meester YESHUA, bid ons vir woorde van waarheid in ons mond.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

I THESSALONICENSE 1:7-8 AFR53

Fri, 11 Oct 2024 10:38:08 GMT

7. sodat julle voorbeelde geword het vir al die gelowiges in Macedónië en Acháje.

***

Kern gedeelte:

"Want van julle uit het die woord van die Here weerklink"

Wat weerklink vandag uit jou lewe uit en watse spoor laat jy na vir ander om te volg.

Wanneer ons die Woord van GOD nie net lees nie, maar begin uitleef, sal die "verderwer" die aanslae teen ons vermeerder om ons weer gelykvormig aan die gesindheid van die wêreld te kry.

Maar wanneer ons hierdie terugslae, beproewings, toetse en probleme deurstaan, sal ons geloof in GOD uitgaan en vansself spreek!

Moenie deur mense anders oortuig word nie, moenie opgee nie en moenie hoop verloor nie, want jou dade in geloof sal tot baie spreek, want in jou dade word jou geloof gesien.

--------

GEBED.

VADER, woorde is leeg, maar ons dade sal water dra, want in ons geloof staan ons vas, en geen gebeurlikheid van hierdie wêreld gaan dit verander nie. Ongeag ons omstandighede, ons weet waar ons hulp vandaan kom, want ons hulp is van die Bewaarder van Israel en ons Bewaarder sluimer of slaap nooit nie.

In die Naam van ons Meester YESHUA, bid ons vir ons probleme wat onoorkombaar lyk. Ons plaas dit vandag voor U voete en vra dat U daarmee sal deel.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

LEVÍTIKUS 26:36 AFR53

Thu, 10 Oct 2024 10:42:59 GMT

36. En wat aangaan diegene wat onder julle oorgebly het — Ek sal in hulle hart 'n vreesagtigheid bring in die lande van hulle vyande, sodat die geruis van 'n verwaaide blaar hulle op die loop sal ja; en hulle sal vlug, soos 'n mens vir 'n swaard vlug en val sonder dat iemand agtervolg.

***

Kern gedeelte:

"die geruis van 'n verwaaide blaar hulle op die loop sal ja"

Ons land lewe in vrees en ons mense in paniek, omdat ons die beginsel van die "wêreld" bo ons GOD gekies het.

Net soos ons nie twee meesters kan dien nie, ons kan nie GOD en mamon dien nie, net so kan ons nie met 'n gees van vrees en met 'n gees van oorwinning in GOD staan nie!

As ons vanoggend in vrees staan, bang is vir die toekoms, beteken dit dat ons nie ons GOD ken nie en ook nie die reddende Krag van Sy regterhand nie.

Ons dien die Lewende GOD en in Hom, is daar hoop, verlossing, genesing, redding, uitkoms en deurbrake.

Moenie bevrees staan voor die wêreld nie, want dan skyn Sy Lig nie deur jou nie.

As jy in vrees lewe, sal die geruis van 'n verwaaide blaar jou op die loop jaag.

Maar as jy in GOD staan, sal 'n duisend voor jou uitvlug!

-------

GEBED.

VADER, ons begrip en denke kan nooit die omvang van U Krag verstaan nie, want ons sien net die probleme van die oomblik, terwyl U plan vir ons toekoms nog duister lê omdat ons U nie raadpleeg nie. Soos Petrus, kyk ons na die golwe terwyl hy op U moes gefokus het, en daarom het die vrees beheer oorgeneem. Leer ons asb deur U Heilige Gees om in oorwinning in U te staan en nie die knieg voor die "verderwer" te buig nie.

In die Naam van ons Meester YESHUA, bid ons vir krag om uit ons huidige omstandighede op te staan en voort te beur in U Naam.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

DEUTERONÓMIUM 4:29-30 AFR53

Wed, 09 Oct 2024 10:42:13 GMT

29. Dan sal julle daarvandaan die Here jou God soek en vind as jy Hom met jou hele hart en jou hele siel soek.

30. As jy in die nood is en al hierdie dinge aan die einde van die dae oor jou kom, sal jy na die Here jou God terugkeer en na sy stem luister.

***

Kern gedeelte:

"As jy in die nood is"

Die harde realiteit is, hoe meer voorspoedig dit met ons gaan, hoe verder beweeg ons van GOD af weg en ons lewens begin al hoe meer gelykvormig raak aan die wêreld.

Wanneer GOD ons in ons weë begin rig en die winde van veranderimg draai teen ons, dan begin ons soek na die spaarwiel GOD.

Na Hom wat ons slegs ken in tye van nood en dan verwag ons dat ons gebede onmiddelik verhoor sal word.

Soek GOD in jou tye van voorspoed en Hy sal ook met jou wees in tye van teëspoed, swaarkry en beproewing.

Want ons dien die Lewende GOD, en Hy sal jou nooit faal nie en jou nooit verlaat nie.

-------

GEBED.

VADER, dankie dat U ons nooit faal en nooit verlaat nie. As ons terugkyk na ons lewenspad, sien ons die een ry spore in die sand, en dan weet ons dat U ons nooit gefaal of verlaat het nie, maar ons deurgedra het toe ons nie meer staande kon bly onder die druk van hierdie wêreld nie. Laat U Heilige Gees ons asb herhinner om naby aan U te bly, selfs in die tye van voorspoed.

In die Naam van ons Meester YESHUA, bid ons dat U die pad voor ons sal gelykmaak want U sê dat U gee dit aan U beminde in sy slaap.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

JAKOBUS 5:17-18 AFR53

Tue, 08 Oct 2024 10:21:05 GMT

17. Elía was 'n mens net soos ons, en hy het ernstig gebid dat dit nie moes reën nie, en dit het op die aarde drie jaar en ses maande lank nie gereën nie;

18. en hy het weer gebid, en die hemel het reën gegee en die aarde het sy vrug laat uitspruit.

***

Kern gedeelte:

"Elía was 'n mens net soos ons"

Vanoggend se boodskap het nie maklik gekom nie, en mag dalk nie almal geval nie, maar laat dit wees soos dit GOD behaag.

Moenie toelaat dat jou gebede slegs 'n stortvloed van woorde is nie, maar wees spesifiek in jou gebed, en bid vir dit wat jy voel wat die swaarste op jou hart druk.

Stilwees, te luister na GOD se stem is deel van gebed, sodat ons ook Sy Wil in ons lewe kan verstaan.

Elia het gebid en dit het vir drie jaar en ses maande nie gereën nie, en Elia het weer gebid en dit het begin reên, en deurentyd was Elia bewus van GOD se stem oor dit was hy moes gaan doen voor die reën weer sou kom.

Die antwoord sal kom, wanneer ons leer om in stilte op GOD te wag.

-------

GEBED.

VADER, terwyl ons bid val ons U in die rede omdat ons voel dat 'n oorvloed van woorde sake sal verander, terwyl U ons die teendeel leer. Leer ons asb wanneer om te praat en wanneer om stil te wees sodat ons ook U inwerking in ons lewe kan ervaar, U stem kan hoor.

In die Naam van ons Meester YESHUA, bid ons vir kalmte en stilwees in ons gemoed.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

KOLOSSENSE 3:17 AFR53

Mon, 07 Oct 2024 10:15:49 GMT

17. En wat julle ook al doen in woord of in daad, doen alles in die Naam van die Here Jesus en dank GOD die Vader deur Hom.

***

Kern gedeelte:

"en dank GOD die Vader deur Hom"

Dit wat jy op fokus is dit wat jy sal sien!

As jy net op die negatiewe dinge in jou lewe fokus, sal jy mettertyd net die negatiewe dinge raaksien.

Maar, as jy op die positiewe dinge begin fokus, GOD daarvoor begin dank, sal jy sien hoe die negatiewe in positiewe begin verander.

Sal jy werklik begin sien hoeveel jy nog het om voor dankbaar te wees.

Maar die geheim van dankbaarheid lê in jou fokus op GOD, want hoe nader jy aan GOD aan beweeg, hoe groter sal die dankbaarheid in jou lewe wees, en voor jy besef, word die negatiewe gedagtes in jou, na die positiewe verander.

Daarom sê GOD se Woord in Fillipense 4:6, wees oor niks besorg nie, maar laat julle begeertes in alles deur gebed en smeking met danksegging bekend word by GOD.

-------

GEBED.

VADER, vanoggend bieg ons oor, en belei ons, ons twyfel, kommer en onsekerheid oor die pad vorentoe want ons lewe met ons beperkings so naby aan ons gesig dat ons nie die toekoms kan sien wat U reeds vir ons voorberei het nie. Daarom dank ons U vanoggend vir die positiewe en negatiewe in ons lewe, want uit die negatiewe en slegte situasies leer ons lesse en bou ons karakter ter voorbereiding van die hoopvolle toekoms wat U vir ons beplan wanneer ons op die positiewe begin fokus.

In die Naam van ons Meester YESHUA, spreek ons lewe oor ons toekoms.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

PSALMS 1:1-4 AFR53

Fri, 04 Oct 2024 11:39:02 GMT

1. WELGELUKSALIG is die man wat nie wandel in die raad van die goddelose en nie staan op die weg van die sondaars en nie sit in die kring van die spotters nie;

2. maar sy behae is in die wet van die Here, en hy oordink sy wet dag en nag.

3. En hy sal wees soos 'n boom wat geplant is by waterstrome, wat sy vrugte gee op sy tyd en waarvan die blare nie verwelk nie; en alles wat hy doen, voer hy voorspoedig uit.

4. So is die goddelose mense nie, maar soos kaf wat die wind verstrooi.

***

Kern gedeelte:

"wat nie wandel in die raad van die goddelose"

Wys my jou vriende, en ek wys jou, jou toekoms!

Daagliks kom en gaan mense in ons lewe, en ons kan net tot GOD bid dat ons nie deur negatiewe invloede beinvloed sal word nie.

Dat ons nie van die pad gelei word deur sogenaamde "vriende" nie.

Romeine 1 vanaf vers 18 tot 32 gee ons 'n baie goeie indikasie wie ons moet vermy en sluit dan af met die volgende woorde:

mense wat — al ken hulle die verordening van God goed, dat die wat sulke dinge doen, die dood verdien — dié dinge nie alleen self doen nie, maar ook hulle goedkeuring skenk aan die wat dit doen.

Pasop, want as jy hierdie gedrag goedkeur, of in jou huis toelaat is jy ook skuldig hieraan.

Gaan, bid en vas en vra dat GOD jou oë sal open vir die mense wat nie in jou lewe moet wees nie.

-------

GEBED.

VADER, om nee te sê in die hedendaagse lewe word al hoe moeiliker, anders oordeel ons. U Woord se duidelik dat die oordeel kom ons nie toe nie, maar U Woord maak dit duidelik dat, WELGELUKSALIG is die man wat nie wandel in die raad van die goddelose en nie staan op die weg van die sondaars en nie sit in die kring van die spotters nie. Laat ons asb vanoggend besef dat beide die antwoorde, Nee en jy is nie welkom hier nie, is steeds aanvaarbare antwoorde wanneer ons dit binne U Onpartydige opregtheid gebruik.

In die Naam ons Meester YESHUA, bid ons vir elke persoon wat in die gees geteister word, sodat elkeen U vrede wat alle verstand te bowe gaan sal ervaar.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

MATTHÉÜS 18:5-7 AFR53

Thu, 03 Oct 2024 10:42:30 GMT

5. En elkeen wat een van sulke kindertjies in my Naam ontvang, ontvang My;

6. maar elkeen wat een van hierdie kleintjies wat in My glo, laat struikel, dit is vir hom beter dat 'n meulsteen aan sy nek gehang word en hy wegsink in die diepte van die see.

7. Wee die wêreld weens die struikelblokke! Want dit is noodsaaklik dat daar struikelblokke kom, maar wee die mens deur wie die struikelblok kom.

***

Kern gedeelte:

"maar wee die mens deur wie die struikelblok kom"

Is ons, ons kinders se boustene of is ons hulle struikelblokke.

Soos wat JESUS CHRISTUS die Hoeksteen is in ons lewe, so moet ons ook daardie fondasie verder uitbou by ons kinders, sodat ons die geestelike huis kan uitbou tot Sy eer.

Maar net so kan ons hulle ook tot struikeling wees deur hulle die gewoontes en begeertes van hierdie "wêreld" te leer.

Onthou, kinders doen nie wat ons sê nie, hulle doen wat ons doen!

Ons huidige gewoontes word die lewens basis van ons kinders.

As jy GOD ter ere uit lewe, sal jou kinders in jou voetspore volg.

Dit mag dalk 'n wyle vat, maar die fondasie sal reeds gelê wees!

-------

GEBED.

VADER, waar ons aan die begin van hierdie nuwe dag staan, laat ons hierdie geleentheid gebruik om net na te dink wat se voorbeeld is ons vir ons kinders, en wat se voorbeeld ons vir hulle stel. Ken hulle U, en U weë deur ons lewenswyse of sien hulle nog steeds die "wêreld" in ons.

Gee ons asb die krag om ons kinders op te voed in U Woord, Wil en Weg.

In die Naam van ons Meester YESHUA, bid ons dat U ons kinders sal beskerm teen die aanslae van hierdie wêreld.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

JESAJA 58:4-6 AFR53

Wed, 02 Oct 2024 11:41:43 GMT

4. Kyk, om te twis en te kyf, vas julle, en om te slaan met misdadige vuis; julle vas nie nou om julle stem in die hoogte te laat hoor nie.

5. Is dít die vas wat Ek verkies, die dag as die mens sy siel gaan kwel: dat hy sy hoof buig soos 'n biesie en sak en as uitsprei om sy bed te wees? Noem jy dit vas en 'n dag wat die Here welgevallig is?

6. Is dít nie die vas wat Ek verkies nie: dat julle losmaak die bande van goddeloosheid, dat julle afhaal die stroppe van die juk en vry laat weggaan die verdruktes en elke juk stukkend breek?

***

Kern gedeelte:

"julle vas nie nou om julle stem in die hoogte te laat hoor nie"

So dikwels worstel of sukkel ons met blykbaar onoorkombare probleme in ons lewe, en dan wil ek graag die klem lê op JESUS CHRISTUS se woorde aan sy dissipels.

Maar hierdie geslag gaan nie uit behalwe deur gebed en vas nie.

Die uitleg was duidelik, nie net deur gebed nie en nie net deur vas nie, maar deur gebed en vas!

Vra dat GOD jou oë sal open en gaan lees gerus Jesaja 58 'n paar keer deur en dan sal ons die gesindheid van vasting wat nodig is verstaan, die uitkoms en genesing wat daarmee gepaard gaan en die toekoms van oorvloed binne GOD se Wil

Onthou, hierdie geslag gaan nie uit behalwe deur gebed en vas nie!

-------

GEBED.

VADER, U Woord is so eenvoudig dat selfs 'n kind dit kan verstaan en tog begryp ons dit nie as volwassenes nie. Ons lewe met verdraaide uitkyke en harte vol ongeloof en daarom volg ons nie meer U basiese instruksies wat U vir ons deur U Seun gegee het nie. Open asb ons oë sodat ons U Woord sonder voorbehoud sal lees en uitleef.

In die Naam van ons Meester YESHUA, bid ons vir belangrike besluite wat vandag gemaak moet word.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

DANIËL 5:22-23 AFR53

Tue, 01 Oct 2024 10:26:45 GMT

22. Maar u, Bélsasar, sy seun, het u hart nie verneder nie, alhoewel u dit alles weet;

23. maar u het u verhef teen die Here van die hemel, en die voorwerpe van sy huis het hulle voor u gebring; en u en u maghebbers, u vroue en u byvroue het wyn daaruit gedrink; en u het die gode van silwer en goud, koper, yster, hout en klip geprys, wat nie sien en nie hoor en nie weet nie, maar die God in wie se hand u asem en voor wie al u paaie is, Hom het u nie vereer nie.

***

Kern gedeelte:

"Hom het u nie vereer nie"

Alle eer aan GOD!

Hierdie is 'n waarskuwing dat die gees van trotsheid wat in ons opbou, onmiddelik aangespreek moet word.

Trots, die "eie ek" in ons lewe, het 'n sneeubal effek, en met die draai van elke dag word dit groter en as dit eers momentum optel teen die afdraende van die lewe kan dit nie meer gestop word nie.

Dit sal buite beheer vir jou wegrol en groter en groter word tot dit botsend tot stilstand kom en in stukke spat.

As ons GOD se eer aanraak, sal die "eie ek" groei tot ons lewe ook so in stukke spat.

Spyt is 'n goeie ding, maar kom altyd te laat.

Moenie eers wag tot die Woorde van GOD jou bereik nie, woorde wat sê:

Jy is geweeg maar is te lig bevind nie.

Nou dat ons daarvan weet, laat ons, ons hart verneder en die eer gee aan HOM wat dit toekom!

-------

GEBED.

VADER, vergewe ons asb ons hooghartigheid en verwyder die "eie ek" wat besig is om vat plek te kry. Almal van ons wil geprys word as ons goed doen, maar laat ons altyd onthou Wie dit vir ons moontlik gemaak het. Laat ons besef, as die HERE die huis nie bou nie, tevergeefs bou die bouer. Ons loof, prys en dank U vir elke gawe en geleentheid uit U Hand.

In die Naam van ons Meester YESHUA, bid ons vir drie dinge, nederigheid, nederigheid en nederigheid.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

LUKAS 24:24-25 AFR53

Mon, 30 Sep 2024 11:02:13 GMT

24. En sommige van die wat saam met ons was, het na die graf gegaan en dit net so gevind soos die vroue ook gesê het; maar Hom het hulle nie gesien nie.

25. En Hy sê vir hulle: o Onverstandiges, met harte wat traag is om te glo alles wat die profete gespreek het!

***

Kern gedeelte:

"o Onverstandiges, met harte wat traag is om te glo"

Vanoggend wil ek een ding vir jou duidelik maak, jou Verlosser leef!

As jy nie Sy Liefde en en Omgee in jou lewe ervaar nie, weet dat die probleem nie by GOD lê nie, maar by jou.

As ons te ver van die pad wegdwaal, ervaar ons nie meer die inwerkende krag van die Heilige Gees wat JESUS CHRISTUS, ons Meester vir ons gestuur het nie.

Daarom dwaal ons, en is ons harte traag om te glo, en begin ons twyfel oor die toekoms.

Maar eers wanneer ons die wêreld opsy skuif, afsonder en Sy teenwoordigheid gaan soek, besef ons, ons het hoop, ons het lewe en ons het 'n toekoms want ons Verlosser leef.

As jou oë dit nie vanoggend sien, en jou hart dit nie verstaan nie, is dit tyd dat jy bemoeienis met GOD maak en Sy aangesig gaan soek.

Dan sal Sy Lig deurbreek soos die dageraad en jou oë sal geopen word sodat jy verlig die toekoms kan instap.

-------

GEBED.

VADER, U Woord is duidelik. As ons tot U nader, sal U tot ons nader, maar ons kies bemoeienis met die dinge van die wêreld. Ons kies bekommernis, depressie, siekte, afgematheid en 'n toekoms sonder hoop. Eers wanneer ons tot U nader, word ons oë verlig, sien ons 'n toekoms en sien ons U geleenthede in hierdie wêreld. Laat ons vandag kies om tot ons GOD te nader.

In die Naam van ons Meester YESHUA, bid ons geestelike geopende oë en harte wat vatbaar is vir U Woord.

Laat dit wees soos dit U behaag.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

JESAJA 22:22-23 AFR53

Thu, 26 Sep 2024 10:29:52 GMT

22. En Ek sal die sleutel van die huis van Dawid op sy skouer lê; en hy sal oopmaak, en niemand sal sluit nie; en hy sal sluit, en niemand sal oopmaak nie.

23. En Ek sal hom inslaan soos 'n pen in 'n vaste plek, en hy sal 'n eretroon wees vir die huis van sy vader.

***

Kern gedeelte:

"En Ek sal hom inslaan soos 'n pen in 'n vaste plek"

As jy vanoggend nog onseker is oor jou posissie, jou toekoms, jou plek onder die son, wil ek net bevestig dat waar GOD jou gaan plaas, gaan niemand jou skuif nie.

Die oggend boodskap is effens laat vanoggend, want ek wou ander boodskap uitstuur, maar die Heilige Gees het die bogenoemde op my hart bly druk.

Neem jou standpunt in, berei jou voor want wanneer GOD hierdie deur oopmaak gaan niemand dit vir jou toemaak nie.

Jy, gesalfde van die HERE, moenie twyfel in jou roeping nie, want GOD maak nie foute.

Jy sal 'n anker wees, 'n pen op 'n vaste plek.

-------

GEBED.

VADER, al voel ons onseker, al dreig die onweers wolke, weet ons dat die storms van die lewe baie is, maar U het ons tot nou toe deur alles gedra. Ons vertroue is in U en ons vra dat U ons sal plaas waar U ons nodig het, en nie waar ons wil wees nie. Dankie dat U reeds deure open waarvan ons nog nie bewus is nie.

In die Naam van ons Meester YESHUA, bid ons dat U die Lamp vir ons voet en die Lig op ons pad sal wees.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

MATTHÉÜS 6:32, 34 AFR53

Wed, 25 Sep 2024 10:53:31 GMT

32. Want na al hierdie dinge soek die heidene; want julle hemelse Vader weet dat julle al hierdie dinge nodig het.

34. Kwel julle dus nie oor môre nie, want môre sal hom oor sy eie dinge kwel. Elke dag het genoeg aan sy eie kwaad.

***

Kern gedeelte:

"Kwel julle dus nie oor môre nie"

Waarmee hou jy tans jou gedagtes besig?

Dink jy aan die probleme, tekortkomimge waaraan jy tans niks kan verander nie, of gebruik jy die tyd om aan GOD se Wil vir jou lewe te dink?

GOD het vir ons die perfekte pad uitgelê om te leef ter ere van Sy Naam, maar ons keuses het ons gelei tot waar ons vandag is.

Daarom, moet jou nie kwel oor die dag van môre nie, want môre sal sy eie probleme hê, maar laat ons vandag bid vir ons daaglikse brood.

Op die regte tyd sal GOD ons weer op die regte pad plaas.

Staan vas, staan sterk, wees stil en laat GOD vir jou die pad voorberei.

-------

GEBED.

VADER, ons bekommer ons so oor die dag van môre sodat ons heeltemal vergeet om vandag ons lewe voluit te lewe ter ere van U Naam. U weet wat ons behoeftes is en vra dat U daarin sal voorsien.

Gee ons asb vandag ons daaglikse brood. Leer ons asb om die dag van môre in U hande te plaas.

In die Naam van ons Meester YESHUA, bid ons dat U aan ons die kalmte van hart sal gee om elke situasie binne U Wil te hanteer.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

JESAJA 19:21-22 AFR53

Tue, 24 Sep 2024 12:46:08 GMT

21. En die Here sal Hom aan die Egiptenaars bekend maak, en die Egiptenaars sal die Here ken in dié dag; en hulle sal Hom dien met slagoffers en spysoffers en geloftes doen aan die Here en dit betaal.

22. En die Here sal die Egiptenaars slaan, slaan en genees; en hulle sal hul tot die Here bekeer, en Hy sal hulle verhoor en hulle genees.

***

Kern gedeelte:

"slaan en genees; en hulle sal hul tot die Here bekeer"

Op 09 September 2023 het ons 'n diens gehou op Jesus Koppie buite Lydenburg, en daar het ek gesê dat die probleme in ons land kortliks gaan begin.

Nou net meer as 'n jaar later het GOD se straftyd oor ons land aangebreek, en die vergelding van die goddelose se werke sal ons met ons oë aanskou.

Die tyd wat ons nou binnegaan sal GOD ons land slaan, slaan en genees en ons sal ons tot GOD bekeer en Sy Lig sal deur ons land begin skyn.

Maar weet dit, na hierdie tyd sal GOD hierdie land weer oprig, en die vooruitgang van die regverdige sal nie gestop kan word nie.

Moenie dat die huidige vals vrede jou mislei nie.

Bid tot GOD, luister na Sy Stem, sodat jy kan weet wat jou te doen staan.

-------

GEBED.

VADER, U waarsku ons vooraf oor dit wat U oor ons, en ons land gaan bring, maar of ons wil luister is elkeen se keuse. Wie vanoggend ore het, laat hulle hoor. Rig ons asb op die pad vorentoe, en laat ons nie net hoorders sal wees nie maar daders van U Woord wat nougeset gehoorsaam sal wees op U Leiding.

In Naam van ons Meester YESHUA, bid ons dat U Wil in ons land sal geskied.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

PSALMS 20:7-9 AFR53

Mon, 23 Sep 2024 12:32:25 GMT

7. Nou weet ek dat die Here sy gesalfde verlos; Hy sal hom verhoor uit sy heilige hemel met magtige dade van verlossing van sy regterhand.

8. Sommige roem op strydwaens en ander op perde, maar óns sal roem op die Naam van die Here onse God.

9. Húlle het inmekaargesak en geval, maar óns het opgestaan en ons weer opgerig.

***

Kern gedeelte:

"maar óns sal roem op die Naam van die Here onse God"

So dikwels raak die situasie desperaat en sien ons nie meer die uitkoms, oorwinning of oorlewing in die saak nie.

Miskien is die oormag van probleme teen jou te groot, of miskien voel jy dat alles sonder hoop is.

Weet dit, wanneer jou planne tot 'n einde kom, sal GOD se plan in jou lewe begin werk.

Maar jy het nodig om op te staan, te roem in die Naam van die HERE onse GOD.

Moet dit nie net spreek nie, maar begin dit uitleef of dit reeds in wording is.

Weet dat niks vir GOD onmoontlik is nie.

Maar die "eie ek" in ons moes eers tot 'n einde kom!

-------

GEBED.

VADER, hoe maklik soek ons nie ons uitkoms in die wêreld nie, probeer ons nie steun op die arm van vlees nie. Elkeen het vanoggend die keuse waar hulle, hulle vertroue wil plaas. Laat elkeen kies soos dit hulle behaag, maar ons, ons sal vertrou op die HERE onse GOD. U wat uitred deur U reddende regterhand.

In die Naam van ons Meester YESHUA, bid ons krag sodat ons in ons geloof in U, nie sal wankel nie.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

PREDIKER 3:1, 3, 8 AFR53

Fri, 20 Sep 2024 14:36:14 GMT

1. ALLES het sy bepaalde uur, en vir elke saak onder die hemel is daar 'n tyd:

3. 'n tyd om dood te maak en 'n tyd om gesond te maak, 'n tyd om af te breek en 'n tyd om op te bou,

8. 'n tyd om lief te hê en 'n tyd om te haat, 'n tyd vir oorlog en 'n tyd vir vrede.

***

Kern gedeelte:

"ALLES het sy bepaalde uur"

Niks kan vir ewig op dieselfde trant aangaan nie.

Of jy wil wegskrum daarvan of nie, een of ander tyd sal die situasie jou forseer om die harde besluite in jou lewe te maak.

Jy kan probeer om die probleme rondom jou te ignoreer en met jou kop in die sand te lewe, maar wanneer die winde van verandering selfs die sand rondom jou wegwaai, sal jy die harde realiteit in die oë moet kyk.

Maak eerder nou die harde, regte besluite terwyl die besluit nog in jou hande is, voordat die besluit vir jou gemaak word, en jy slegs met die nagevolge moet saamleef.

As jy twyfel, onthou dan, alles het 'n bepaalde uur en niks hou vir ewig nie.

-------

GEBED.

VADER, dankie dat U vanoggend bevestig dat soms is dit seerder om vas te hou, as wat dit is om te laat gaan. Gee ons asb die krag om die harde, regte, GOD geleide besluite te maak. Selfs as dit besluite is wat tot konflik gaan lei om situasies weer terug te bring binne U Wil en U Weg. Laat ons soos Dawid opstaan en die reus in die oë kyk en sê, in die Naam van HERE kom ek na jou toe.

In die Naam van ons Meester YESHUA, bid ons dat U ons hart en ons gees sal versterk sodat ons nie slegs die besluit sal maak nie maar ook sal deur deurvoer.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

MATTHÉÜS 19:26 AFR53

Thu, 19 Sep 2024 10:47:56 GMT

26. Maar Jesus het hulle aangekyk en vir hulle gesê: By mense is dit onmoontlik, maar by God is alle dinge moontlik.

***

Kern gedeelte:

"maar by God is alle dinge moontlik"

So dikwels is die probleem nie ons omstandighede nie maar die manier waarna ons na die omstandighede kyk.

Eerstens sien ons die glas half leeg, en nie half vol nie, en tweedens voel ons dat ons dit nooit gaan vermag nie.

Daarom die boodskap vanoggend om 'n Wagwoord vir die dag uit te gee en die die wagwoord is;

Met GOD se hulp.

As jy vanoggend net jou uitkyk verander is die glas onmiddelik half vol, en met GOD se hulp sal jou beker oorloop!

Wat jy vandag aanpak of moet hanteer, verklaar dat met GOD se hulp sal jy dit vermag, dit oorkom want by GOD is alle dinge moontlik.

-------

GEBED.

VADER, dankie dat U ons vandag weereens bewus maak dat by U is alles moontlik, en met U hulp is geen struikelblok onoorkombaar nie, geen probleem te groot nie. Help ons asb vandag om ons uitkyk te verander, lewe te spreek oor situasies, en dan tot U uit te roep vir ons hulp.

In die Naam van ons Meester YESHUA, verklaar ons; as U vir ons is, wie sal teen ons wees!

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

I KORINTHIËRS 15:57-58 AFR53

Wed, 18 Sep 2024 10:46:56 GMT

57. Maar God sy dank, wat ons die oorwinning gee deur onse Here Jesus Christus.

58. Daarom, my geliefde broeders, wees standvastig, onbeweeglik, altyd oorvloedig in die werk van die Here, omdat julle weet dat julle arbeid in die Here nie tevergeefs is nie.

***.

Kern gedeelte:

"wees standvastig, onbeweeglik"

Soms draai die wind teen ons, verloop die pad nie soos ons dit beplan het nie, ons begin twyfel in GOD se plan vir ons lewe en dan begin ons oplossings soek wat van die "wêreld" is.

Wees versigtig, want dit sal jou lei na groter verwarring en onstandvastigheid.

Maar as jy bly staan in jou geloof en op GOD vertrou, sal jy deur die storms, jou rigting hou.

Die regte goed sal op die regte tyd gebeur, nie 'n minuut vroeër of 'n minuut later as wat GOD dit beplan het nie.

Hou moed, staan vas, wees onbeweeglik in jou geloof en sien hoe GOD se Hand deur jou lewe beweeg en sake verander.

Moenie deur twyfel, jou grondgebied prysgee nie, maar hou aan om die pad te stap waarop GOD jou geplaas het, en te volhard met dit wat Hy op jou hart gelê het.

-------

GEBED.

VADER, soos die tyd aanstap, begin die twyfel in ons groei en begin ons na grashalms gryp. Deur twyfel laat die "verderwer" ons rigting verloor omdat ons van U plan begin afwyk. Gee ons asb die krag om standvastig en onbeweeglik te wees in ons geloof in U.

In die Naam van ons Meester YESHUA, bid ons vir U voorsiening. Gee asb aan ons, ons daaglikse brood.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

I TIMÓTHEÜS 6:10-11 AFR53

Tue, 17 Sep 2024 10:50:20 GMT

10. Want die geldgierigheid is 'n wortel van alle euwels; en omdat sommige dit begeer, het hulle afgedwaal van die geloof en hulleself met baie smarte deurboor.

11. Maar jy, man van God, vlug van hierdie dinge weg, en jaag ná die geregtigheid, godsaligheid, geloof, liefde, lydsaamheid, sagmoedigheid.

***

Kern gedeelte:

"Maar jy, man van God, vlug van hierdie dinge weg"

Jy kan nie GOD en Mamon dien nie.

Dit gaan of die een of die ander wees.

Sommige mense dink as hulle eers geld het, sal hulle GOD daarmee vereer.

Dit gaan nie so wees nie, want hoe meer jy het, hoe meer wil jy hê, en dit sal jou in jou geloof tot struikeling bring, en jou nog verder van GOD verwyder.

Ek sê nie dit is verkeerd om geld te hê nie, en as GOD jou daarmee seën , is ek dankbaar vir jou.

Maar as jy geld bo GOD kies, weet dan dat dit gaan lei tot bittere spyt en jy gaan jouself met baie smarte deurboor.

Daarom sê GOD se Woord:

Soek eers die Koningkryk van GOD en Sy Geregtigheid, en al hierdie dinge sal vir julle bygevoeg word.

-------

GEBED.

VADER, ons vra vanoggend dat ons die opkomende besluite binne U Wil sal maak, en nie sal toelaat dat ons deur die liefde vir geld oorweldig word nie. Lei ons asb deur U Heilige Gees om die regte besluite, op die regte tye te maak, ter ere van U Naam.

In die Naam van ons Meester YESHUA, bid ons dat U ons deur U Gees sal versterk sodat ons nie swig voor die versoekings van hierdie wêreld nie.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

KLAAGLIEDERE 3:22-25 AFR53

Mon, 16 Sep 2024 10:39:52 GMT

22. Dit is die goedertierenhede van die Here dat ons nie omgekom het nie, want sy barmhartighede het geen einde nie;

23. hulle is elke môre nuut; u trou is groot.

24. Die Here is my deel, sê my siel, daarom sal ek op Hom hoop.

25. Goed is die Here vir die wat op Hom hoop, vir die siel wat Hom soek.

***

Kern gedeelte:

"Goed is die Here vir die wat op Hom hoop"

As jy die bogenoemde teksverse lees besef ons opnuut weer twee dinge;

1. Dit is die genade van die HERE wat ons deurdra,

2. Aan sy barmhartigheid is daar geen einde nie.

Soms wanneer die wêreld druk, en ons voel alleen in hierdie stryd, hoop ons op GOD, en daarom faal Hy ons nooit nie.

Daarom sê die Woord:

Goed is die Here vir die wat op Hom hoop.

As jy aan die begin van hierdie week ervaar dat alle hoop verlore is, en dat daar geen uitkoms is nie, wil ek vir jou sê, hou aan bid, hoop op GOD, want Hy is 'n waarmaker van Sy Woord.

-------

GEBED.

VADER, soms voel ons soos Job, en is ons vasgekeer deur die "verderwer" omdat ons U nie loon nie, en ons hoop steeds op U plaas. Herhinner ons asb vanoggend, dat Job se einde meer geseënd was as sy begin omdat hy op U bly hoop het. Laat ons in geloof en gebed nooit faal of moed opgee nie.

In die Naam van ons Meester YESHUA, bid ons vir standvastigheid van ons geloof.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

FILIPPENSE 4:4, 6-7 AFR53

Fri, 13 Sep 2024 10:56:13 GMT

4. Verbly julle altyd in die Here; ek herhaal: Verbly julle!

6. Wees oor niks besorg nie, maar laat julle begeertes in alles deur gebed en smeking met danksegging bekend word by God.

7. En die vrede van God, wat alle verstand te bowe gaan, sal julle harte en julle sinne bewaar in Christus Jesus.

***

Kern gedeelte:

Verbly julle altyd in die Here; ek herhaal: Verbly julle!

As jy jou blydskap in die HERE vind, sal jy nie deur jou omstandighede beinvloed word nie.

As GOD die middelpunt, die kern van jou behoeftes is, sal die aanslae van die lewe kom en gaan, maar jy sal staande bly omdat Hy jou Rots en jou Vesting is.

Jou vertroue sal nie wees op die materiêle besitting of inkomste nie, maar in GOD se voorsiening.

As jy vanoggend die laste en druk van die wêreld ervaar wat jou vreugde wegneem, weet dan dat jy te ver van GOD wegbeweeg het en nie Sy vrede en vreugde kan ervaar nie.

Ongeag waar jy jou bevind, onthou alles het 'n begin en alles het 'n einde, maar weet, hy wat op GOD wag kry nuwe krag.

-------

GEBED.

VADER, soms verloor ons, ons vreugde omdat ons net fokus op die storms en aanslae van hierdie wêreld. Ons ervaar nie U teenwoordigheid nie en U Lig skyn ook nie meer deur ons nie. Ons vra vir 'n oomblik van stilte sodat ons net weer U teenwoordigheid kan soek en U vrede kan ervaar.

In die Naam van ons Meester YESHUA, spreek ons lewe oor elkeen wat hierdie boodskap lees of luister.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

JAKOBUS 3:14-16 AFR53

Thu, 12 Sep 2024 10:19:17 GMT

14. Maar as julle bittere afguns en selfsug in julle hart het, moenie roem en lieg teen die waarheid nie.

15. Dít is nie die wysheid wat van bo kom nie, maar is aards, natuurlik, duiwels;

16. want waar afguns en selfsug is, daar is wanorde en allerhande gemene dade.

***

Kern gedeelte:

"Maar as julle bittere afguns en selfsug in julle hart het"

Wees versigtig, want die makste honde byt die seerste, dit is gewoonlik die persoon naaste aan jou wat jou die meeste skade aandoen.

Solank mense gunste en gawes van jou ontvang, voordeel uit jou kan trek, sal hulle met 'n glimlag teenoor jou optree, met 'n gesplete tong met jou praat.

Maar in jou tyd van moeilikheid en tekortkome, wanneer jy nie meer kan voorsien nie, sal die ware kleure van die mens na vore kom.

Dan eers sal jy die waarheid van die hart leer ken, en die selfsug en gemene dade sal na vore kom.

Vra GOD om jou te lei, sodat hy die dubbelhartiges in jou lewe sal openbaar, voordat jy die hand na hulle uitreik, hulle in jou vertroue neem.

-------

GEBED.

VADER, ons sien net die uiterlike en daarom stap ons sy aan sy met die vyand. Met die wat beplan om ons te ondermyn en hulle gemene dade tot uitvoer te bring wanneer hulle nie meer nut vir ons het nie. Maar U sien die hart, en ken die gesindheid van die mens, en daarom bid ons dat U ons sal lei in ons besluite en beskerm teen die dubbelhartiges van hierdie lewe.

In die Naam van ons Meester YESHUA, bid ons dat U die mense uit ons lewe sal verwyder wat nie daar hoort nie.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

JAKOBUS 5:15-16 AFR53

Tue, 10 Sep 2024 11:53:20 GMT

15. En die gebed van die geloof sal die kranke red, en die Here sal hom oprig. Selfs as hy sonde gedoen het, sal dit hom vergewe word.

16. Bely mekaar julle misdade en bid vir mekaar, sodat julle gesond kan word. Die vurige gebed van 'n regverdige het groot krag.

***

Kern gedeelte:

"Selfs as hy sonde gedoen het, sal dit hom vergewe word"

Die probleem waarmee jy worstel, wat tans vir jou onoorkombaar lyk, is nietig in die oë van GOD.

Maar sekere dinge in jou lewe wat nie reg is nie, staan in die pad van jou deurbraak, oplossing of genesing.

Eers wanneer ons die onbelyde sonde voor GOD bring, daarvan afstand doen, kan GOD met ons begin werk en Sy plan vir ons lewe tot uitvoer bring.

Daarom, bid nie net oor dit waarmee jy tans worstel nie, maar bid ook dat GOD elkeen se oë sal open sodat ons sal besef wat se sonde ons nog koester, ons nog in ons ronddra.

Watse sonde vorm nog hierdie skeidsmuur tussen ons en GOD?

As jy hierdie saak met GOD uitklaar sal jou oplossing deurbreek soos die môreson en niks of niemand sal dit kan keer nie.

-------

GEBED.

VADER, hierdie saak is moeilik want die mag van gewoonte oorheers ons denke, ons lewe en is reeds deel van wie ons is, deel van ons karakter. Daarom sê U Woord dat ons in ons gemoed vernuwe moet word sodat ons nie aan die wêreld gelykvormig moet wees nie. Gee ons asb die krag om hierdie verandering te maak, hierdie onbelyde sondes te los, en daarvan weg te keer.

In die Naam van ons Meester YESHUA, bid ons vir krag om vandag die keerpunt te bereik, en weg te draai van dit wat ons nog gebind hou.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

10 September 2024

LUKAS 6:41-42 AFR53

Mon, 09 Sep 2024 12:13:52 GMT

41. En waarom sien jy die splinter in die oog van jou broeder, maar die balk wat in jou eie oog is, merk jy nie op nie?

42. Of hoe kan jy vir jou broeder sê: Broeder, laat my toe om die splinter wat in jou oog is, uit te haal, terwyl jy self die balk wat in jou oog is, nie sien nie? Geveinsde, haal eers die balk uit jou oog uit, en dan sal jy goed sien om die splinter wat in jou broeder se oog is, uit te haal.

***

Kern gedeelte:

"Geveinsde, haal eers die balk uit jou oog uit"

As jy een vinger na iemand wys, wys daar drie vingers terug na jou toe, sê die gesegde.

As jy voel dat almal teen jou is en dat almal 'n probleem met jou het, is dit miskien tyd om self ondersoek te gaan doen, eers die balk uit jou eie oog te haal, en te kyk of die probleem nie anders om is nie.

Of jy nie dalk die persoon is wat 'n probleem het met al die ander mense nie.

Dit maak tog nie sin dat al die ander mense verkeerd is, en net jy is reg nie.

Laat ons eers die balk wat ons so verblind uit ons eie oog haal!

-------

GEBED.

VADER, U weet dat elke mens wys is in sy eie oë, en as U Heilige Gees nie hierdie foute aan ons uitwys nie, sal ons dit nooit besef nie. Daarom vra ons vanoggend dat U ons hart sal aanraak, ons oë sal open vir ons eie foute, voordat ons die fout verder by ander mense gaan soek.

In die Naam van ons Meester YESHUA, bid ons dat U ons oë sal open vir die waarheid.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

PSALMS 34:7-9 AFR53

Fri, 06 Sep 2024 10:45:30 GMT

7. Hierdie ellendige het geroep, en die Here het gehoor, en Hy het hom uit al sy benoudhede verlos.

8. Die Engel van die Here trek 'n laer rondom die wat Hom vrees, en red hulle uit.

9. Smaak en sien dat die Here goed is; welgeluksalig is die man wat by Hom skuil!

***

Kern gedeelte:

"welgeluksalig is die man wat by Hom skuil!"

As ons terugkyk na ons lewe het ons voor soveel onoorkombare situasies gestaan, en soveel keer het die aanslae van die "verderwer" gedreig om ons te verswelg.

Maar ook daardeur het die HERE ons gedra, ons beskerm en ons sterker anderkant laat uitkom.

Sonder dat jy dit besef, trek die engel van die HERE ook vandag 'n laer rondom jou, en Hy sal jou uitred.

Want GOD sê vir ons in Sy Woord, omdat hy My liefhet, sal ek hom bevry, Ek sal hom beskerm omdat hy My Naam ken.

Draai jou fokus weg van jou probleme af, en terug na GOD en aanskou hoe Hy jou uitkoms bewerkstellig.

-------

GEBED.

VADER, leer ons asb vandag hoe om 'n tree terug te neem, weg van ons probleme, en ons fokus weer op U te plaas. Laat ons besef dat niks deur ons eie krag opgelos gaan word nie, maar alles sal gebeur deur U krag, deur U reddende regterhand. Laat ons stil word in U teenwoordigheid en aanskou hoe U sake behartig.

In die Naam van ons Meester YESHUA, dank ons U vir die uitkoms wat U bring.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

JOSUA 9:14-15 AFR53

Thu, 05 Sep 2024 10:43:04 GMT

14. Toe neem die manne van hulle padkos; maar die mond van die Here het hulle nie geraadpleeg nie.

15. En Josua het met hulle vrede gemaak en met hulle 'n verbond gesluit, dat hy hulle sou laat lewe; en die owerstes van die vergadering het hulle dit met 'n eed beloof.

***

Kern gedeelte:

"maar die mond van die Here het hulle nie geraadpleeg nie"

Hierdie boodskap is na gelang van 'n lied wat ek gister deur 'n whatsapp boodskap ontvang het, en die waarheid lê in die woorde: maar die mond van die Here het hulle nie geraadpleeg nie.

Hoe dikwels het ons tyd om by familie en vriende, selfs professionele adviseurs te gaan aanklop vir raad aangaande wat ons te doen staan.

Maar die groot Raadgewer ken ons nie in ons sake nie.

Besef dit vanoggend, as jy by die wêreld gaan aanklop gaan jy wêreldse raad kry en dit gaan jou lei na verderf en ondergang.

Maar as jy tyd maak om stil te raak by GOD, na Sy Woorde te luister sal jy voorspoed hê, want GOD beplan vir jou 'n lewe in oorvloed.

Ken GOD eerste in alles en dan sal die raad van hierdie wêreld jou nie van stryk bring nie.

-------

GEBED.

VADER, vergewe ons dat ons U, nie eerste in alles ken nie. Selfs Josua het hierdie fout gemaak, en daagliks volg ons in sy voetspore. Ons maak besluite sonder om U te ken en so dek ons, ons tafel van nagevolg. Laat U Heilige Gees ons asb rig in ons besluite, nadat ons U geraadpleeg het, sodat die raad van hierdie wêreld ons nie van stryk sal bring nie.

In die Naam van ons Meester YESHUA, bid ons vir 'n oomblik van stilte in ons lewe sodat ons weer oor alles kan besin.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

PSALMS 107:11-13 AFR53

Wed, 04 Sep 2024 10:46:05 GMT

11. omdat hulle wederstrewig was teen die woorde van God en die raad van die Allerhoogste verwerp het,

12. het Hy hulle hart deur moeite verneder; hulle het gestruikel, en daar was geen helper nie.

13. Toe het hulle die Here aangeroep in hul benoudheid; uit hul angste het Hy hulle verlos.

***

Kern gedeelte:

"het Hy hulle hart deur moeite verneder"

Hoe bekeer die volk hulle tot GOD as die volk nie besef dat hulle in sonde lewe nie, en hulleself nie verootmoedig voor GOD nie.

Vir jare lank in ons land Suid-Afrika kruip die verval in soos 'n kanker wat die land verteer, self in plekke wat nooit daardeur geraak was nie.

Hierdie is slegs die begin want ons volk en ons mense kies om op die verkeerde pad te bly leef, te leef in afvalligheid, van GOD verwyderd.

Daarom sal GOD hierdie land en sy mense deur die oond van vernedering laat gaan, totdat ons besef wie ons GOD is, en na Hom terugkeer.

Kom ons lees vers 13 weer en laat dit by ons insink.

Toe het hulle die Here aangeroep in hul benoudheid; uit hul angste het Hy hulle verlos.

-------

GEBED.

VADER, daar is geen mens so blind as een wat nie wil sien nie, en geen een so doof soos een wat nie wil hoor nie. Dit beskryf ons volk en ons mense. Trek U Hand nie van ons terug nie, en verlaat ons nie op ons dwaalpad nie. Maar laat U Heilige Gees asb inwerk waar dit nodig is sodat harte sal verander en dat herlewing in ons land sal plaasvind en dat ons volk en ons mense weer hulle GOD sal vind.

In die Naam van ons Meester YESHUA, bid ons dat U Heilige Gees soos 'n vuur deur die land sal trek, en herlewing sal bring.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

I JOHANNES 5:16-18 AFR53

Tue, 03 Sep 2024 10:28:35 GMT

16. As iemand sy broeder 'n sonde sien doen wat nie tot die dood is nie, moet hy bid, en Hy sal hom die lewe gee — vir die wat nie 'n sonde tot die dood doen nie. Daar is 'n sonde tot die dood; daarvoor sê ek nie dat hy moet bid nie.

17. Alle ongeregtigheid is sonde, en daar is 'n sonde wat nie tot die dood is nie.

18. Ons weet dat elkeen wat uit God gebore is, nie sondig nie; maar hy wat uit God gebore is, bewaar homself, en die Bose het geen vat op hom nie.

***

Kern gedeelte:

"Ons weet dat elkeen wat uit God gebore is, nie sondig nie"

Ons kan voor mense voorgee, onself voordoen as heilig en bekeerd, maar GOD ken die hart van die mens en die valsheid wat daarmee gepaard gaan.

Maar valsheid en leuns vat ons net sover en dan sal die sonde na vore kom en ons tot vernietiging lei.

Die slotsom en ook die boodskap wat vandag moet uitgaan is, breek met die sondes van jou verlede want dit sal jou inhaal en jou tot erge skade wees.

Onthou, daar is sonde wat lei tot die dood.

Breek daarmee terwyl jy nog in GOD se genade tyd lewe.

-------

GEBED.

VADER, vanoggend belei ons, ons sondes wat ons nog in die geheim koester. Ons weet dat as ons hiermee voortgaan, dit sal groei totdat ons dit nie meer kan beheer nie, en dan sal dit ons tot ons ondergang lei. Ons lê hierdie sondes voor U voete, en vra dat U ons die krag sal gee om daarmee te breek.

In die Naam van ons Meester YESHUA, dank ons U dat U ons werklik vrymaak.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

DANIËL 3:16-18 AFR53

Mon, 02 Sep 2024 10:58:16 GMT

16. Sadrag, Mesag en Abednégo het geantwoord en aan koning Nebukadnésar gesê: Ons ag dit nie nodig om u hierop 'n antwoord te gee nie.

17. As onse God wat ons dien, in staat is om ons te verlos, dan sal Hy ons uit die brandende vuuroond en uit u hand, o koning, verlos;

18. maar so nie, laat dit u dan bekend wees, o koning, dat ons u gode nie sal dien nie en die goue beeld wat u opgerig het, nie sal aanbid nie.

***

Kern gedeelte:

"laat dit u dan bekend wees, o koning"

Jy hoef nie in arrogansie of vermetelheid op te tree nie, maar jy kan staande bly in die Naam van die HERE, onse GOD!

So dikwels verwag die "mense van hierdie wêreld" dat ons die goue beelde, voorwerpe en sisteme wat ons lewe probeer beheer, moet aanbid, en dat ons uitkoms slegs daardeur bewerkstellig sal word.

Vanoggend wil ek jou herhinner aan die woorde van Ps 121 wat sê:

Ek slaan my oë op na die berge, waar sal my hulp, vandaan kom? My hulp is van die HERE wat die hemel en die aarde gemaak het.

Laat dit vandag bekend word, dat jy nie op die hand van vlees steun nie, maar jou uitkoms sal wonderwerkend deur GOD bewerkstellig word.

-------

GEBED.

VADER, so dikwels lyk die probleem, die uitdaging voor ons te groot te groot en dat ons geen ander keuse het as om te buig voor die "wêreld" nie. Die rede daarvoor is omdat ons te naby aan die probleem en te vêr van U lewe, en daarom kan ons nie die uitkoms sien deur U reddende Hand nie. Gee ons asb die krag om vandag op te staan en te verklaar dat ons hulp slegs van U sal wees.

In die Naam van ons Meester YESHUA, bid ons dat U vir ons die onmoontlike, moontlik sal maak.

Amen.

••••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

HANDELINGE 2:37-38 AFR53

Fri, 30 Aug 2024 10:36:11 GMT

37. TOE hulle dit hoor, is hulle diep in die hart getref en het vir Petrus en die ander apostels gesê: Wat moet ons doen, broeders?

38. En Petrus sê vir hulle: Bekeer julle, en laat elkeen van julle gedoop word in die Naam van Jesus Christus tot vergewing van sondes, en julle sal die gawe van die Heilige Gees ontvang.

***

Kern gedeelte:

"Bekeer julle, en laat elkeen van julle gedoop word"

Vanoggend wil ek nie met jou praat oor die gevoel in jou, dat jy verkeerd lewe nie, maar ek wil met jou praat oor die gevoel dat dit te laat is en dat jy reeds te ver van GOD verwyderd is.

Weet dit, GOD sal jou nooit verlaat nie, en Hy sal jou nooit faal nie.

Daarom vra ek vanoggend, wil jy nie die oomblik neem, JESUS CHRISTUS, as jou Verlosser en Saligmaker aanneem nie.

Dan sal jy besef, GOD is met jou, maar jy het in die skeidsmuur van sonde vasgekyk, en daarom het dit gevoel of jy reeds te vêr weg was, gevoel dat dit reeds te laat is.

Dit is nooit te laat nie, neem 'n oomblik en raak stil voor GOD en laat Sy genade deur jou lewe spoel.

-------

GEBED.

VADER, ons bid vanoggend dat U elkeen sal bystaan wat voel dat alles verby is, dat dit te laat is en dat daar geen hoop meer is nie. Ons bid dat U Heilige Gees op elkeen sal inwerk, elkeen sal versterk sodat hulle in hulle hart sal ervaar dat U hulle nooit sal faal en hulle nooit sal verlaat nie. Gee U, ons GOD die krag wat ons nodig het.

In die Naam van ons Meester YESHUA, bid ons vir elkeen wat moeg en moedeloos voel. Versterk ons asb in hierdie oomblik.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)71628307

EXODUS 20:1-6 AFR53

Thu, 29 Aug 2024 11:41:37 GMT

1. TOE het God al hierdie woorde gespreek en gesê:

2. Ek is die Here jou God wat jou uit Egipteland, uit die slawehuis, uitgelei het.

3. Jy mag geen ander gode voor my aangesig hê nie.

4. Jy mag vir jou geen gesnede beeld of enige gelykenis maak van wat bo in die hemel is, of van wat onder op die aarde is, of van wat in die waters onder die aarde is nie.

5. Jy mag jou voor hulle nie neerbuig en hulle nie dien nie; want Ek, die Here jou God, is 'n jaloerse God wat die misdaad van die vaders besoek aan die kinders, aan die derde en aan die vierde geslag van die wat My haat;

6. en Ek bewys barmhartigheid aan duisende van die wat My liefhet en my gebooie onderhou.

***

Kern gedeelte:

"TOE het GOD al hierdie woorde gespreek"

Hierdie is woorde deur GOD gegee en nie menslike versinsel wat in die hedendaagse christendom aanvaar word nie.

GOD se Woord, Sy instruksies het nog nooit verander nie, en daarom vra ek dat elkeen besin oor die tekverse soos hierbo saamgevat.

Maar laat ons spesiaal kennis neem van wat geskrywe is in vers 5 en 6.

___

* Jy mag jou voor hulle nie neerbuig en hulle nie dien nie; want Ek, die Here jou GOD, is 'n jaloerse GOD wat die misdaad van die vaders besoek aan die kinders, aan die derde en aan die vierde geslag van die wat My haat;

• en Ek bewys barmhartigheid aan duisende van die wat My liefhet en My gebooie onderhou.

-------

GEBED.

VADER, vanoggend se boodskap mag vir elkeen 'n ander betekenis hê en daarom vra ons dat U Heilige Gees aan ons sal openbaar waar ons nie binne U gebooie, U wil en U weg lewe nie. Laat dit wees soos dit U behaag.

In die Naam van ons Meester YESHUA, bid ons dat ons ontvanklik sal wees vir U boodskap.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

EFÉSIËRS 6:10-11 AFR53

Wed, 28 Aug 2024 10:42:45 GMT

10. EINDELIK, my broeders, word kragtig in die Here en in die krag van sy sterkte.

11. Trek die volle wapenrusting van God aan, sodat julle staande kan bly teen die liste van die duiwel.

***

Kern gedeelte:

"word kragtig in die Here en in die krag van sy sterkte"

Waar jy vandag hierdie boodskap lees of daarna luister, voel dit dalk vir jou of jy nie die struikelblokke in jou lewe gaan oorkom nie.

Ongeag of dit probleme in jou huwelik, jou finansies, gesondheid of struikelblokke is wat jy mee worstel, weet dat GOD jou die krag sal gee om alles te oorkom.

Jou oplossing lê nie in die veelheid van woorde of die gedrag wat jou aan die wêreld gelykvormig maak nie, maar jou oplossing lê in stil wees voor GOD en in die vertroue dat Hy jou sal uitred deur die Krag van Sy Sterkte.

Leer by Hiskia, hy het nie sy saak voor die volk gelê en na hulle toe gegaan met sy probleem nie.

Hy het sy saak aan GOD voorgelê, op Hom vertrou, en GOD het aan hom uitkoms gegee.

Onthou net dit:

Vir die mens is dit onmoontlik, maar by GOD is alle dinge moontlik.

-------

GEBED.

VADER, waar ons vanoggend voor U nader, besef ons dat ons oplossing kan slegs deur U bewerkstellig word. Ons gaan niks daarby baat om met ons probleme te koop rond te loop nie, of om op die arm van vlees te probeer steun nie. Versterk ons asb vanoggend in ons gemoed, sodat ons kan stilraak voor U, en sal weet dat U ons reeds vooruitgaan en die oplossings en uitkomste bewerkstellig.

In die Naam van ons Meester YESHUA, bid ons dat U ons sal rig op ons lewenspad.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

MALEÁGI 3:8, 10 AFR53

Tue, 27 Aug 2024 11:19:31 GMT

8. Mag 'n mens God beroof? Want julle beroof My, en julle sê: Waarin het ons U beroof? In die tiendes en die offergawe.

***

Kern gedeelte:

"en beproef My tog hierin, sê die Here van die leërskare"

Die bogenoemde is nie net van toepassing wanneer dit met ons goed gaan nie, maar ook wanneer dit met ons minder goed gaan.

Dink aan die woorde van JESUS CHRISTUS toe hy gepraat het oor die aalmoese van die weduwee.

Sy het meer as al die ander gegee, want sy het in haar gebrek ingegooi.

Hierdie weduwee is vir ons 'n duidelike voorbeeld van iemand wat op GOD vertrou vir die voorsiening van hulle daaglikse brood.

Daarom kon sy selfs in haar gebrek aan GOD gee wat GOD toekom.

Miskien is hierdie boodskap vir jou vanoggend, wanneer GOD sê:

en beproef My tog hierin, sê die Here van die leërskare, of Ek vir julle nie die vensters van die hemel sal oopmaak en op julle 'n oorvloedige seën sal uitstort nie

-------

GEBED.

VADER, hoe moeiliker dit met ons gaan, hoe meer lewe ons met die hand teen die bors, omdat ons nie op U vertrou vir die dag van môre nie. Laat ons asb besef dat U aan die regverdiges, aan U kinders sal gee, en in nood sal U Hand nie tekort wees nie. Laat ons nie bekommer wees oor die dag van môre nie want U gaan ons reeds vooruit, en U het reeds daarvoor voorsien.

In die Naam van ons Meester YESHUA, bid ons dat ons ook die nood van ander sal raaksien.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

I SAMUEL 15:1, 3 AFR53

Mon, 26 Aug 2024 11:18:22 GMT

1. TOE sê Samuel vir Saul: Die Here het my gestuur om jou as koning te salf oor sy volk, oor Israel; luister dan nou na die stem van die woorde van die Here.

3. Gaan nou en verslaan Ámalek, en julle moet met die banvloek tref alles wat hy het; en jy mag hom nie verskoon nie, maar jy moet om die lewe bring man sowel as vrou, kind en suigling, bees en kleinvee, kameel en esel.

***

Kern gedeelte:

"luister dan nou na die stem van die woorde van die HERE"

As ons nou vanoggend eerlik moet wees, sal ons moet erken dat ons nie die pad voluit saam met die HERE stap, en presies doen wat HY sê nie.

Die redes hiervoor verskil van mens tot mens.

Twyfel, ongehoorsaamheid, eiesinningheid, gebrek aan oortuiging of selfvertroue, invloed en inspraak van ander mense in ons lewe, is maar enkele redes hoekom ons soos Saul, nie presies doen wat GOD vir ons sê nie.

Wanneer die kaart huis van ons lewe ineenstort, kan ons maar vra, HERE hoekom, maar in die binneste van ons hart weet ons, dit is omdat ek nie geluister het na die stem van die HERE, ons GOD nie.

Raak stil voor die HERE, bely jou foute en swak besluite, vra GOD vir rigting, en wanneer jy die antwoord kry, staan op en doen presies wat HY sê.

-------

GEBED.

VADER, weereens het ons gestruikel in ons besluite en ons eie kop gevolg. Wat verby is, is verby en dit is water onder die brug deur, en ons leef met die nagevolge van ons besluite. Maar gee asb dat ons sal leer uit ons foute, en dat ons U weë sal navolg, na U Stem sal luister en slegs doen wat U behaag.

In die Naam van ons Meester YESHUA, bid ons vir 'n hart en gees van gehoorsaamheid.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

LUKAS 22:31-32 AFR53

Fri, 23 Aug 2024 11:15:19 GMT

31. EN die Here sê: Simon, Simon, kyk, die Satan het vurig begeer om julle soos koring te sif.

32. Maar Ek het vir jou gebid, dat jou geloof nie ophou nie; en as jy eendag bekeerd is, moet jy jou broeders versterk.

***

Kern gedeelte:

"dat jou geloof nie ophou nie"

Soos ons weet, die pen word in die nate van die plaveisel ingekap en nie in die soliede gedeeltes nie.

So sal die "verderwer" ook die nate, die krake in ons geloofs-lewe gebruik om twyfel, onsekerheid en onmin te saai.

En stadig maar seker sal die wortels vatplek kry en begin groei, en selfs die sterktste huis laat skade kry.

Daarom as GOD jou Rots en Vesting is, sal daar nie nate van ongeloof wees vir die vyand om die wig van sonde in te kap nie.

Woorde is leeg maar dade dra gewig en deur jou dade sal ander jou geloof sien en versterk word.

Staan sterk en weet dat as GOD vir jou is, wie sal teen jou wees?

-------

GEBED.

VADER, selfs Petrus het gesink toe hy die golwe rondom hom sien. Deur sy twyfel het sy geloof skade gely. Daarom bid ons vanoggend dat U Heilige Gees ons sal versterk in ons tekortkomeninge, die krake in ons geloofs-lewe sal heel totdat dit ondeurdringbaar is vir die vyand.

In die Naam van ons Meester YESHUA, bid ons vir krag om elke aanslag te kan weerstaan.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

PSALMS 23:1-3 AFR53

Thu, 22 Aug 2024 12:05:21 GMT

1. Die Here is my herder; niks sal my ontbreek nie.

2. Hy laat my neerlê in groen weivelde; na waters waar rus is, lei Hy my heen.

3. Hy verkwik my siel; Hy lei my in die spore van geregtigheid, om sy Naam ontwil.

***

Kern gedeelte:

"Hy lei my in die spore van geregtigheid"

Ons wil so graag enkel verse uit die Woord van GOD neem, en dit maak pas volgens ons lewenswyse en sondige optrede wat daarmee gepaard gaan.

Die feit bly staan, lig en duisternis kan nooit in dieselfde plek, op dieselfde tyd teenwoordig wees nie.

Dus, onthou vanoggend, GOD lei ons op die pad van geregtigheid, om Sy Naam ontwil.

As ons onself vanoggend op die pad van ongeregtigheid bevind, weet dit, dit was nie GOD se leiding nie, maar ons eie keuses.

Keuses het nagevolge, en dit is waarmee ons tans deel.

Miskien is dit tyd om te gaan afsonder, te bid en vas sodat GOD die pad terug na geregtigheid aan ons kan openbaar.

As jy nie seker is nie, onthou: Die Here is jou Herder!

-------

GEBED.

VADER, dit moet iemand anders se skuld wees dat ek in die situasie is waarin ek myself tans bevind, en so probeer ons om onself te verontskuldig. Ons is blind vir ons eie sonde en ons eie foute, sonder U Heilige Gees wat alles openbaar gaan ons, ons nie van ons weë bekeer nie, want ons sien nie die ongeregtigheid waarmee ons tans besig is nie. Open asb ons oë vir ons eie foute, voor ons die foute by ander gaan soek.

In die Naam van ons Meester YESHUA, bid ons dat ons nie hardnekkig sal volhard in ons sonde, ons ongeregtigheid nie.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

JAKOBUS 4:1-3 AFR53

Wed, 21 Aug 2024 12:47:33 GMT

1. WAARVANDAAN kom oorloë en vegterye onder julle? Kom hulle nie hiervandaan, van julle welluste wat in julle lede stryd voer nie?

2. Julle begeer en julle het nie, julle pleeg moord en is naywerig en julle kan niks verkry nie. Julle veg en maak oorlog, en julle het nie, omdat julle nie bid nie.

3. Julle bid en julle ontvang nie, omdat julle verkeerd bid, om dit in julle welluste deur te bring.

***

Kern gedeelte:

"Julle bid en julle ontvang nie, omdat julle verkeerd bid"

Hierdie verwysing na verkeerd bid verwys nie na die woorde van die mond nie, maar na gesindheid van die hart!

Nader ons tot GOD in gebed met 'n gees van diensbaarheid, waar ons binne GOD se Wil, ons versoeke en node rig, of spreek ons bloot 'n lys van vleeslike begeertes uit.

In enige verhouding is daar kommunikasie, en as ons nie bid nie, nie met GOD praat nie, is die woord verhouding nie van toepassing nie.

In 'n verhouding gaan dit nie oor die belang van een party nie, maar om mekaar se behoeftes te verstaan.

Daarom is dit nodig om binne GOD se Wil te bid, want Sy Woord sê: soek eers die Koningkryk van GOD, en Sy Geregtigheid en al hierdie dinge sal vir julle bygevoeg word.

-------

GEBED.

VADER, uit ons geestelike blindheid, kom na vore ons eensydige eiesinnigheid, en daarom gaan ons gebede slegs oor ons vleeslike begeertes. Laat ons asb vanoggend besef dat eers wanneer ons met 'n gees van diensbaarheid na U kom, sal sake en situasies in ons lewe verander, sal ons gebede verhoor word.

In die Naam van ons Meester YESHUA, bid ons vir 'n gesindheids verandering.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

JAKOBUS 4:7-8, 10 AFR53

Tue, 20 Aug 2024 11:25:52 GMT

7. Onderwerp julle dan aan God; weerstaan die duiwel, en hy sal van julle wegvlug.

8. Nader tot God, en Hy sal tot julle nader. Reinig die hande, julle sondaars, en suiwer die harte, julle dubbelhartiges!

10. Verneder julle voor die Here, en Hy sal julle verhoog.

***

Kern gedeelte:

"weerstaan die duiwel, en hy sal van julle wegvlug"

GOD het aan ons vrye keuse gegee, vuur en water word vir ons voorgehou, en ons kan kies waarna ons die hand gaan uitsteek.

Wanneer jy jou begeertes na die dinge van die wêreld najaag, open jy die deure van verderf in jou lewe en die "verderwer" sal inkom en verwoesting saai want hy het gekom om te steel, te slag en te verwoes.

Wanneer jy egter die sake van GOD, Sy gebooie en verordeninge bepeins, navolg en as eerste beginsels toepas, sal Wysheid oor jou kom, en jy sal die Lewende water kies bo die brandende verderf van die hel.

Dan sal die "verderwer" van jou wegvlug!

Deur ons keuses sal ons koers bepaal word en deur ons keuses sal ons aansit by die feesmaal van ons Verlosser, of ons sal aansit by ons tafel van nagevolg, die tafel van spyt en berou.

-------

GEBED.

VADER, daagliks struikel ons deur vleeslike begeertes en word die houvas van die "verderwer" geleidelik sterker. Gee ons asb die krag om alles, geestelik tot stilstand te bring sodat ons die geleentheid het om te besin oor die verkeerde dinge in ons lewe. Gee ons asb die krag om die water bo die vuur te kies.

In die Naam van ons Meester YESHUA, bid ons vir siele tot bekering en 'n terugkeer na GOD beweging in ons land.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

II KORINTHIËRS 6:14, 17-18 AFR53

Mon, 19 Aug 2024 11:11:10 GMT

14. Moenie in dieselfde juk trek saam met ongelowiges nie, want watter deelgenootskap het die geregtigheid met die ongeregtigheid, en watter gemeenskap het die lig met die duisternis?

17. Daarom, gaan onder hulle uit en sonder julle af, spreek die Here; en raak nie aan wat onrein is nie, en Ek sal julle aanneem;

18. en Ek sal vir julle 'n Vader wees, en julle sal vir My seuns en dogters wees, spreek die Here, die Almagtige.

***

Kern gedeelte:

"Moenie in dieselfde juk trek saam met ongelowiges nie"

Hulle sê, elke lewende wese hou van sy gelyke en elke mens van sy medemens.

Alle vlees vergader volgens soort, en aan een soos hy, sal 'n man hom verbind.

Daarom kan jy kan nie as 'n lewende tempel van GOD, jou met die dinge van hierdie wêreld ophou nie, of omgaan met mense wat dit doen of selfs net goedkeur nie.

As jy modder en skoon water meng, word die mengsel modderig. Die skoon water kan nie die modder oorheers nie.

Daarom sal jou karakter, deur jou vriende verander word.

Dus hierdie waarskuwing, Moenie in dieselfde juk trek saam met ongelowiges nie.

Wolwe en lammers wei nie saam nie.

-------

GEBED.

VADER, soms in ons dwaasheid dink ons dat ons ander mense sal kan verander. Hulle die regte pad kan wys. Die realiteit is dat slegs U Heilige Gees harte kan verander, en wanneer mense, hardnekkig in hulle sonde volhard, moet ons nie self probeer ingryp nie, maar aanbeweeg sodat ons nie aan hierdie wêreld gelykvormig sal word nie. Laat ons nie deelgenote van die ongeregtigheid word nie.

In die Naam van ons Meester YESHUA, bid ons vir 'n GOD geseënde week.

Amen.

•••••••

Webtuiste: https://tentvansamekoms.co.za.

E-pos: fanie.le@tentvansamekoms.co.za

Sel: (+27)(0)716283107

SPREUKE 18:6-8 AFR53

Fri, 16 Aug 2024 11:56:55 GMT

6. Die lippe van die dwaas kom met getwis, en sy mond roep na slae.

7. Die mond van die dwaas is sy ondergang en sy lippe 'n strik vir sy lewe.

8. Die woorde van die kwaadstoker is soos lekkernye, en dit gly af na die kamers van die binneste.

***

Kern gedeelte:

"Die lippe van die dwaas kom met getwis"

Soos die spreekwoord sê:

"So gemaak en so gelaat-staan" of daar is geen salf aan hom te smeer nie.

En dit is een ding wat ons moet besef.

Die tong van die dwaas sal altyd met getwis kom, en as jy daarin betrokke raak sal dit ook die sotheid in jou na vore bring.

Jy kan nie saam met 'n vark in die modder rol en verwag om skoon te bly nie.

Net so sal hierdie voortdurende argumente vir jou skade veroorsaak.

Dit het tyd geword dat jy opstaan en wegloop daarvan, want so 'n persoon wat in dwaasheid voortleef, hoort in jou verlede en kan nie deel van jou toekoms wees nie.

Bid tot GOD, dat Hy vir jou insig sal gee oor wat jou te doen staan, en die toekomspad wat jy moet kies.

-------

GEBED.

VADER, sekere dinge gaan nie verander nie, ongeag van die verskonings en leë beloftes wat aangebied word. Sekere persone in ons lewens lei tot gedurige twis en onmin, en dit laat bitterheid en onvergifnis in ons groei. Gee ons asb die wysheid om binne U Wil, aan te beweeg, sekere verhoudings of vriendskappe tot 'n einde te bring, agter te laat. Laat dit wees soos dit U behaag.

In die Naam van ons Meester YESHUA, bid ons vir U Leiding en insig aangaande hierdie saak.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

SPREUKE 9:9-11 AFR53

Thu, 15 Aug 2024 11:49:07 GMT

9. Deel mee aan die wyse, en hy sal nog wyser word, leer die regverdige, en hy sal insig vermeerder.

10. Die beginsel van die wysheid is die vrees van die Here, en kennis van die Heilige is verstand.

11. Want deur my word jou dae meer en word jare van lewe vir jou toegevoeg.

***

Kern gedeelte:

"Die beginsel van die wysheid is die vrees van die HERE"

As jy hierdie beginsel in jou lewe toepas, sal jy geseënd wees en die Hand van GOD sal oor jou wees.

As ons met respekvolle vrees vir GOD deur die lewe gaan, sal ons 'n gesindheid hê, wat Hom welbehaaglik is.

Ons keuses sal binne Sy Wil wees, want ons sal Hom in elke saak ken.

Ons sal ook ander mense met respek hanteer, want die vrug van die Gees sal in ons wees.

Blydskap sal in ons heers, ongeag van dit wat in die "wêreld" gebeur, want die "wêreld" sal sy houvas op jou verloor.

Neem so oomblik en oordink die bogenoemde in nabetragting, en die Waarheid van GOD se Woord sal ook tot ons kom, en ons sal wysheid en insig verkry.

-------

GEBED.

VADER, laat U Woord ons rig, vir ons tot stigting sal wees, sodat wysheid ook by ons sal kom inwoon. Laat ons asb tot insig kom sodat ons U volmaakte Wil vir ons lewe kan verstaan, sodat ons nie verder op die dwaalweë van hierdie "wêreld sal stap nie. Neem ons lewe en laat dit Heer, U gewy wees, meer en meer.

In die Naam van ons Meester YESHUA, bid ons vir U Wysheid en Insig in ons lewe.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

PSALMS 37:16-18 AFR53

Wed, 14 Aug 2024 11:40:46 GMT

16. 'n Klein bietjie is vir die regverdige beter as die rykdom van baie goddelose;

17. want die arms van die goddelose sal verbreek word, maar die Here ondersteun die regverdiges.

18. Die Here ken die dae van die opregtes, en hulle erfdeel sal tot in ewigheid bly.

***

Kern gedeelte:

"maar die Here ondersteun die regverdiges"

As jy vandag voel dat die "wêreld" teen jou draai omdat jy voor GOD in geregtigheid, in onpartydige opregtheid probeer lewe, weet dan net dit.

Die HERE ondersteun die regverdige, daarom sê Hy vir ons in Sy Woord, as hy val, dan stort hy nie neer nie, want die HERE ondersteun sy hand.

As jy geval het, en jy is op jou knieë, gebruik die geleentheid om GOD te dank in gebed, vir die een deur wat hy toegemaak het en die sewe ander deure wat Hy vir jou oopmaak.

Waar GOD die deur open sal geen mens dit toemaak nie, en al val jy sewe keer, dan staan jy agt keer op.

Dit gaan nie oor jou val nie, maar hoe jy opstaan in jou geloof in GOD.

-------

GEBED.

VADER, die val is nie lekker nie, maar deur dit dra U ons telkemale. Ons besef dat dit nodig is om deure toe te maak, want daardie deure is besig om ons in die verkeerde rigting te lei, weg van U af. Gee ons asb die krag om staande te bly in die tye van beproewing en versoeking. Laat ons, selfs in die moeilike tye, nie afwyk van U pad van geregtigheid nie, maar dat ons keuses en lewenswyse nog steeds onpartydig opreg voor U sal wees.

In die Naam van ons Meester YESHUA, spreek ons lewe oor elke moeilike en donker situasie, laat U Lig deurbreek vir almal om te sien.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

ROMEINE 6:21-23 AFR53

Tue, 13 Aug 2024 11:20:13 GMT

21. Watter vrug dan het julle toe gehad van die dinge waaroor julle jul nou skaam? Want die uiteinde daarvan is die dood.

22. Maar nou dat julle vrygemaak is van die sonde en diensbaar geword het aan God, het julle jul vrug tot heiligmaking en uiteindelik die ewige lewe.

23. Want die loon van die sonde is die dood, maar die genadegawe van God is die ewige lewe in Christus Jesus, onse Here.

***

Kern gedeelte:

"Want die loon van die sonde is die dood"

Elke aksie het 'n reaksie, en elke besluit het 'n nagevolg.

Daarom die boodskap vanoggend!

Dink mooi na oor dit waarmee jy besig is, want dit lyk nou onskuldig maar, sonde het 'n sneeubal effek.

As jy nog onder die vals oortuiging lewe dat dit net 'n klein onskuldige sonde is en dat jy dit kan staak wanneer jy wil, dan lewe jy in die blindheid en beheer van die "verderwer".

Die waarheid en harde realiteit is dat ons 'n slaaf van die sonde is, solank as wat die sonde nog beheer oor ons het.

Ons het vandag nog 'n keuse om tot bekering te kom, weg te draai van die sonde en JESUS CHRISTUS as ons Verlosser en Saligmaker te aanvaar, want ons in reeds vrygekoop deur Sy bloed.

Maar as jy kies om verder in sonde te bly lewe, weet dan dat die loon van die sonde is die dood.

-------

GEBED.

VADER, voor mense kan ons, ons anders voordoen. Ons kan voorgee dat ons heilig en vroom is. Maar binne ons huise, agter toe deure of in die donker van die nag kom die geraamtes van ons sonde tot lewe en saai verwoesting in ons geestelike lewe, in ons verhouding met U. Gee ons asb die krag en deursettings vermoë om die houvas van hierdie sonde te verbreek want ons weet wat die loon daarvan is.

In die Naam van ons Meester YESHUA, bid ons dat elke houvas oor ons gebreek sal word.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

ESTER 7:9-10 AFR53

Mon, 12 Aug 2024 11:16:50 GMT

9. Daarop sê Harbóna, een van die hofdienaars voor die koning: Daar staan reeds die galg wat Haman laat maak het vir Mórdegai wat ten voordele van die koning gespreek het, by die huis van Haman, vyftig el hoog! Toe sê die koning: Hang hom daaraan op!

10. En hulle het Haman opgehang aan die galg wat hy vir Mórdegai opgerig het, en die woede van die koning het bedaar.

***

Kern gedeelte:

"En hulle het Haman opgehang aan die galg wat hy vir Mórdegai opgerig het"

As jy 'n gat vir iemand anders grou, sal jy self daarin val, lui die spreekwoord!

Moenie aan ander doen wat jy nie aan jouself gedoen wil hê nie, en behandel ander soos jy behandel wil word.

Moet jou ook nie bekommer oor die gate wat jou vyande vir jou grou nie.

Laat hulle doen soos hulle goed dink, maar bly jy staan in jou onpartydige opregtheid voor GOD.

Moenie kwaad met kwaad vergeld nie, maar bid voortdurend en laat dit in GOD se Hande, en Hy sal elkeen vergeld volgens sy werke.

Daarom sê Hy vir ons in sy Woord, wees stil en weet dat EK GOD is.

-------

GEBED.

VADER, daagliks word die wet verdraai, en die reg gebuig, en die een probeer die ander te-nakom. Vanoggend draai ons na U vir reg en geregtigheid, en vra dat U Hand oor ons sal wees. Ons gaan nie aan die "wêreld" gelykvormig word en kwaad met kwaad vergeld nie, maar vra dat U onpartydig sal oordeel en dat elkeen van ons se werke op ons hoofde sal laat neerkom.

In die Naam van ons Meester YESHUA, bid ons vir die krag om standvastig te bly in ons Skepper, in ons GOD.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

I PETRUS 5:5-6 AFR53

Fri, 09 Aug 2024 13:14:45 GMT

5. Net so moet julle, jongeres, aan die oueres onderdanig wees; en wees almal met ootmoed bekleed in onderdanigheid aan mekaar, want God weerstaan die hoogmoediges, maar aan die nederiges gee Hy genade.

6. Verneder julle dan onder die kragtige hand van God, sodat Hy julle kan verhoog op die regte tyd.

***

Kern gedeelte:

"God weerstaan die hoogmoediges, maar aan die nederiges gee Hy genade"

Wanneer ons deur die meule van die lewe gaan, is ons een dag bo, en die volgende dag weer onder.

Niemand in hierdie lewe is dit gevrywaar nie, en ons huidige posissie, status, rykdom en eer is slegs so beskik deur GOD se genade.

Selfs Nebukadneser is in sy grootheid en hoogmoed neergewerp tot hy erken het, dat GOD in beheer is.

Hoogmoed kom net voor die val, en daarom is dat belangrik dat ons in nederigheid voor GOD lewe, en op die gepaste tyd sal Hy sake verander, jou in die posissie plaas waar jy ter ere van Sy Naam dit kan doen wat Hy vir jou beplan het.

Moet nooit vergeet waar jy vandaan kom, en hoe GOD jou lewe verander het nie!

-------

GEBED.

VADER, soms raak ons weggevoer deur die lofprysing van mense, die weelde van hierdie wêreld en min besef ons dat alles wat ons is, is net genade en alles wat ons het, is net geleen. Laat U Heilige Gees asb vandag op ons inwerk en enige vorm van hoogmoed uitwys, want hoogmoed is die moeder van alle sonde. Deur hoogmoed is die "verderwer" uit die Hemel gewerp.

In die Naam van ons Meester YESHUA, bid ons vir nederige harte wat U behaag.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

MATTHÉÜS 6:22-23 AFR53

Thu, 08 Aug 2024 11:11:40 GMT

22. Die lamp van die liggaam is die oog. As jou oog dan reg is, sal jou hele liggaam verlig wees.

23. Maar as jou oog verkeerd is, sal jou hele liggaam donker wees. As dan die lig in jou donkerheid is, hoe groot is die donkerheid nie!

***

Kern gedeelte:

"As jou oog dan reg is, sal jou hele liggaam verlig wees"

Die gawe van sig, is die gawe van lig, want dit is vir ons gegee om te kan onderskei tussen goed en kwaad.

Maar deur die invloed van die "verderwer" word ons oë die voorwerpe van verleiding en misleiding, waardeur ons deur die begeertes van hierdie wêreld meegesleep word.

Ons maak besluite gebasseer op dit wat ons sien, en nie deur die Leiding van die Heilige Gees nie, want in die skoonheid, prag en praal, lê die verleiding van hierdie wêreld.

Wag vanoggend net so oomblik, bid die saak deuglik deur, en as jy nie 'n antwoord van GOD kry nie, beteken dit nie dat jy nie moet voortgaan nie.

As GOD nie met jou is in hierdie saak nie, moenie voortgaan nie, want dit sal jou tot skade wees.

Moenie dat jou ondergang bewerk word deur die begeertes van jou oë nie.

-------

GEBED.

VADER, dankie dat U ons gebede op die regte tyd beantwoord, en dat U ons rig en lei op ons lewenspad, deur die inwerking van U Heilige Gees. Help ons asb vandag om nie deur ons hardkoppigheid en eiesinnigheid in struikeling te kom nie. Leer ons asb om te wag vir 'n antwoord en nie oorhaastig of ongeduldig te raak nie.

In die Naam van ons Meester YESHUA, dank ons U, dat U ons lei, rig, en bewaar op ons lewenspad.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)716283107

JESAJA 59:1-2 AFR53

Wed, 07 Aug 2024 11:12:04 GMT

1. KYK, die hand van die Here is nie te kort om te help nie, en sy oor is nie te swaar om te hoor nie;

2. maar julle ongeregtighede het 'n skeidsmuur geword tussen julle en julle God, en julle sondes het sy aangesig vir julle verberg, sodat Hy nie hoor nie.

***

Kern gedeelte:

"KYK, die hand van die Here is nie te kort om te help nie"

Waar jy vanoggend hierdie boodskap lees of daarna luister, wil ek net vir jou sê:

Daar is vir jou uitkoms, en jou oplossing is voor die deur!

Die deurbraak waarvoor jy gebid het is op hande, want ons dien die Lewende GOD, 'n GOD van wonders.

Nog nooit het die HERE, die regverdige gefaal, na Sy kinders nie omgesien nie.

Moenie dat die sonde van twyfel 'n skeidsmuur, 'n beperking vir jou word nie, want op die geloofs reis, het jy nodig om die eerste tree te neem, in geloof, deur geloof en die HERE sal jou op die pad omtmoet en jou vooruitgaan.

Onthou JESUS se woorde wat sê, By mense is dit onmoontlik, maar by God is alle dinge moontlik.

Staan op, staan sterk en weet dat Hy GOD is, en dat Sy Hand is nie te kort om te help nie, en sy oor is nie te swaar om te hoor nie.

-------

GEBED.

VADER, ons twyfel het 'n berg voor ons geword, 'n skeidsmuur van onmoontlikheid en daarom sien ons nie die uitkoms of die pad vorentoe wat U reeds vir ons berei het nie. Dankie dat U vanoggend bevestig, dat ons huidige omstandighede nie ons eind bestemming is nie, maar die punt van vertrek in ons geloof reis saam met U. Lei ons asb en dui die rigting aan waarin ons die eerste tree moet neem.

In die Naam van ons Meester YESHUA, bely ons, ons sonde van twyfel. Vergewe ons asb.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

HÁBAKUK 3:17-19 AFR53

Tue, 06 Aug 2024 12:36:48 GMT

18. nogtans sal ek jubel in die Here, ek sal juig in die God van my heil.

19. Die Here Here is my sterkte, en Hy maak my voete soos dié van herte, en Hy laat my tree op my hoogtes.

***

Kern gedeelte:

"nogtans sal ek jubel in die Here"

Hierdie is woorde wat maklik gespreek word in omstandighede van voorsiening, wanneer die wind van voorspoed in ons seile waai.

Maar die oomblik as die wind teen ons draai, en die storms van teëspoed breek teen ons aan het ons een van twee keuses.

Ons kan GOD verwyt vir die probleme, storms wat op ons lewenspad kom, of ons kan op ons knieë gaan en GOD dank, dat Hy ons selfs in die storm nog tot hierdie gedra het.

En soms is dit nodig dat GOD ons eers uit ons gemaksone uithaal, want ons grootste deurbraak is juis aan die einde van daardie gemaksone.

Dus, staan op, dank GOD vir uitdagings, vir deure wat toegaan, want ons is op die punt waar GOD deure gaan open wat niemand gaan toemaak nie.

Onthou, wie jou sterkte is: Die HERE HERE, is jou sterkte.

-------

GEBED.

VADER, in tye van storms, wanneer ons die pad van teëspoed stap is dit nie so maklik om woorde van geloof te spreek nie. Maar tog vanoggend, wil ons U dank dat U ons lewe in 'n nuwe rigting stuur want slegs U weet wat die toekoms gaan inhou. Daarom verklaar ons vanoggend, dat te midde van teëspoed sal ons jubel in die HERE, ons sal juig in die GOD van ons heil.

In die Naam van ons Meester YESHUA, dank ons U vir die toekoms pad wat U vir ons berei. Laat dit wees soos dit U behaag.

Amen.

•••••••

Webtuiste: https://tentvansamekoms.co.za

E-pos: fanie.le@incurio.co.za

Sel: (+27)(0)716283107

ROMEINE 12:19, 21 AFR53

Mon, 05 Aug 2024 14:16:07 GMT

19. Moenie julle wreek nie, geliefdes, maar gee plek vir die toorn; want daar is geskrywe: Aan My kom die wraak toe, Ek sal vergeld, spreek die Here.

21. Laat jou nie deur die kwaad oorwin nie, maar oorwin die kwaad deur die goeie.

***

Kern gedeelte:

"Aan My kom die wraak toe, Ek sal vergeld, spreek die Here"

So dikwels wil ons sake in eie hande neem, en ons wil GOD se werk doen.

Wanneer iemand ons te nakom, is die onmiddelike reaksie om ook dieselfde, of erger aan hulle te doen, want ons loop met die redenasie dat "ek sal" hulle wys.

Dit is nie GOD wat deur jou werk nie, maar die "eie ek" van hierdie "wêreld" wat na vore kom.

Stel jou saak in waarheid, staan in geregtigheid voor GOD en jou naaste, en vra GOD dat Hy regverdig sal oordeel.

Lê dan die saak ter ruste, beweeg aan met jou lewe, en laat GOD elkeen vergeld volgens sy werke.

Moenie in vergelding, bloed op jou eie hande bring nie.

Wees stil en weet dat GOD vir jou sal veg.

-------

GEBED.

VADER, gee ons asb die nodige leiding en krag om nie kwaad met kwaad te vergelde nie, want U Woord is duidelik dat die wraak ons nie toekom nie. Mense sê dikwels dat ons leef in 'n hond eet hond wêreld, maar dit is nie nodig dat ons aan hierdie wêreld gelykvormig word nie. Laat ons lewe 'n spieëlbeeld word van U reg en geregtigheid.

In die Naam van ons Meester YESHUA, bid ons vir krag om op te staan na elke terugslag en aanslag van die "verderwer".

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

II KORINTHIËRS 4:3-4 AFR53

Fri, 02 Aug 2024 14:50:17 GMT

3. Maar as ons evangelie dan nog bedek is, is dit bedek in die wat verlore gaan,

4. naamlik die ongelowiges in wie die god van hierdie wêreld die sinne verblind het, sodat die verligting van die evangelie van die heerlikheid van Christus, wat die beeld van God is, op hulle nie sou skyn nie.

***

Kern gedeelte:

"is dit bedek in die wat verlore gaan"

Nader tot GOD en Hy sal tot jou nader, staan daar geskrywe in SY Woord.

As die Woord van GOD vanoggend nie vir ons sin maak nie, of ons stel nie daarin belang nie, is dit waarskynlik omdat ons sinne nog verblind is deur die "verderwer" die god van hierdie wêreld.

Namate ons tyd spandeer in GOD se Woord, met 'n hart wat in waarheid na HOM soek, sal die Heilige Gees die sluier lig, sal die Heilige Gees ons leer wat ons moet weet.

Maar as die Bybel nog toe lê in jou huis, en jy al jou tyd aan wêreldse dinge bestee, weet dan dat jy verblind sal bly, en die Lig van JESUS CHRISTUS sal nie in jou begin skyn nie.

Soos die Woord sê, as die evangelie dan nog bedek is, is dit bedek in die wat verlore gaan.

-------

GEBED.

VADER, open asb vanoggend ons geestelike oë, ore, hart en verstand sodat U Woord tot ons sal deurdring. Laat ons asb nie kies, om nie gekies te word nie. Ruk ons asb uit die vuur van sonde as dit nodig sou wees.

In die Naam van ons Meester YESHUA, bid ons vir elkeen wat voel dat daar geen hoop meer is nie. Versterk elkeen asb.

Amen.

KLAAGLIEDERE 3:37-42 AFR53

Thu, 01 Aug 2024 10:57:35 GMT

37. Wie spreek daar, en dit gebeur? Het die Here dit nie beveel nie?

38. Gaan uit die mond van die Allerhoogste nie kwaad sowel as goed nie?

39. Wat klaag 'n mens in sy lewe? Laat elkeen klaag oor sy sondes.

40. Laat ons ons weë naspeur en deursoek en ons tot die Here bekeer;

41. laat ons ons hart saam met die hande ophef tot God in die hemel en sê:

42. Óns het oortree en ons was wederstrewig — Ú het nie vergewe nie.

***

Kern gedeelte:

"Laat ons ons weë naspeur en deursoek en ons tot die Here bekeer"

Bekering in kort, beteken om weg te draai van die sonde, en dit nie meer te doen nie.

Wanneer ons egter geestelik blind is, sien ons niks verkeerd met oms huidige weë nie.

Maar wanneer die Heilige Gees in ons begin inwerk, dring die Lig van JESUS CHRISTUS deur na ons, en ontwikkel ons die behoefte om ons weë na te speur en tot bekering te kom.

Dan eers sal ons opstaan, en ons hart saam met ons hande ophef en sê; ons het oortree en ons was wederstrewig.

As jy vanoggend nog worstel met hardnekkige sondes, bely dit, bring dit voor die voete van GOD.

Daar sal jy krag kry om dit te oorkom.

-------

GEBED.

VADER, dit is die hardnekkige sondes wat bly terugkom en 'n skeidsmuur vorm tussen ons en U. Dit dryf ons sistematies weer terug na die weë van hierdie wêreld. Open asb ons hart en ons verstand, sodat wanneer ons, ons weë naspeur, dat ons nie blind sal wees vir ons eie foute nie.

In die Naam van ons Meester YESHUA, bid ons vir die krag om die hardnekkige sondes in ons lewens te oorkom.

Amen.

••••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

LUKAS 14:18-20 AFR53

Wed, 31 Jul 2024 11:34:08 GMT

18. En hulle het hul almal eenparig begin verontskuldig. Die eerste het vir hom gesê: Ek het 'n stuk grond gekoop en ek moet noodsaaklik uitgaan om daarna te kyk. Ek vra u, verskoon my tog.

19. En 'n ander een het gesê: Ek het vyf paar osse gekoop en gaan hulle probeer. Ek vra u, verskoon my tog.

20. En 'n ander een het gesê: Ek het 'n vrou getrou en daarom kan ek nie kom nie.

***

Kern gedeelte:

"En hulle het hul almal eenparig begin verontskuldig"

Ja, soos die spreekwoord sê, dood het ook 'n oorsaak!

Daar sal altyd 'n rede wees hoekom ons te besig is om met die Woord van GOD betrokke te raak.

Die Woord te lees, te verkondig en dissipels te maak.

Maar wanneer ons net vir 'n oomblik gaan sit en 'n tyd's analisie doen, sal ons vinnig besef wat vir ons belangrik is.

Die Woord sê vir ons, waar jou skat is daar sal jou hart ook wees.

Met hierdie groter prentjie in ag geneem, waar is die skat van jou hart?

Is dit die Woord van GOD en die verkondiging daarvan?

Of staan ons ook vanoggend en verontskuldig onsself?

Ons kan dalk nog vandag daarmee wegkom, maar die dag gaan aanbreek wanneer die kaf van die hooi geskei gaan word.

Gebruik die tyd en lewe voluit vir GOD, want ons weet nie wat die dag van môre gaan inhou nie.

-------

GEBED.

VADER, U Woord sê, jy moet die HERE jou GOD liefhê met jou hele hart, siel en verstand. Jy mag geen afgode hê nie, en tog is enige iets belangriker as GOD, is 'n afgod. Daarom vra ons vanoggend dat U Heilige Gees in ons sal inwerk om die afgode waarmee ons, ons besig hou, na vore te bring. Ons vra dat U hierdie verskonings uit ons lewe sal verwyder, alles waarmee ons onself probeer verontskuldig.

In die Naam van ons Meester YESHUA, bid ons dat die waarheid, in elke situasie na vore sal kom.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

PSALMS 119:105-106, 109 AFR53

Tue, 30 Jul 2024 11:48:05 GMT

105. U woord is 'n lamp vir my voet en 'n lig vir my pad.

106. Ek het gesweer, en dit gehou, om u regverdige verordeninge te onderhou.

109. My lewe is altyddeur in my hand; nogtans vergeet ek u wet nie.

***

Kern gedeelte:

"U woord is 'n lamp vir my voet en 'n lig vir my pad"

Miskien is jy vanoggend frustreerd omdat jy nie weet wat die dag van môre gaan inhou nie.

Maar daardie informasie is nie vir ons beskore nie, want die Woord van GOD leer ons dat ons moet bid vir ons daaglikse brood.

Ons moenie dinge probeer vooruit hardloop nie, haastige spronge maak nie, want daarin lê die besluite van spyt, van jammer wees.

'n Lamp gee genoeg lig vir jou volgende tree, nie vir die hele pad vorentoe nie en daarom bid ons dat GOD ons vandag sal vooruitgaan en ons paaie sal gelykmaak.

Raak rustig, want in jou kalmte sal jy antwoorde kry, in die stilte sal jy GOD se stem hoor.

-------

GEBED.

VADER, dankie dat U ons vanoggend daarop wys dat ons 'n tree terug moet neem, stil moet raak en op U moet vertrou. Die antwoorde en die oplossings sal ons by U voete vind. Soos elke nuwe dag breek sal U vir ons wys wat die volgende tree sal wees. Laat ons nie in ons eiewysheid besluite maak nie.

In die Naam van ons Meester YESHUA, bid ons dat U ons deur hierdie dag sal dra, een tree op 'n slag.

Amen.

***

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

EFÉSIËRS 2:19-22 AFR53

Mon, 29 Jul 2024 11:28:41 GMT

19. So is julle dan nie meer vreemdelinge en bywoners nie, maar medeburgers van die heiliges en huisgenote van God,

20. gebou op die fondament van die apostels en profete, terwyl Jesus Christus self die hoeksteen is,

21. in wie die hele gebou, goed saamgevoeg, verrys tot 'n heilige tempel in die Here,

22. in wie julle ook saam opgebou word tot 'n woning van God in die Gees.

***

Kern gedeelte:

"in wie julle ook saam opgebou word tot 'n woning van GOD in die Gees"

Ek wil vanoggend werklik jou aandag bring op 'n gedeelte van die kern gedeelte.

: tot 'n woning van GOD in die Gees!

Een van twee geeste gaan by ons inwonend wees.

Of die Gees van GOD of die gees van die wêreld, die "verderwer".

Gebrek aan geloof, twyfel, negatiwiteit, onmin, twis, skinder, lieg steel, haat, afguns, ensovoort is die gees van die "verderwer" wat in jou heers.

Die Gees van GOD, is geloof, krag, sterkte, standvastigheid, liefde, geduld, eenheid, vrede, en soveel meer.

Jou hoef nie die Gees van GOD in jou te probeer verkondig nie, want die wêreld sal GOD se Lig deur jou sien uitstraal.

Netso kan ons maar sê dat die Gees van GOD by ons inwonend is, maar ons optrede sal die teendeel bewys, want die gedrag van die wêreld sal in jou sigbaar wees.

Ons kan leuens vir ander probeer vertel, maar die waarheid sal deurbreek soos die môreson.

-------

GEBED.

VADER, hierdie is vanoggend 'n harde waarheid om mee te deel, die waarheid van watter gees in ons heers. Help ons asb met self-ondersoek, laat U Heilige Gees ons daarop wys waar daar nog tekens van die wêreld in ons sigbaar is, en gee ons asb die krag om dit uit ons lewe te verwyder. Laat alles wat ons doen ter ere van U Naam sal wees.

In die Naam van ons Meester YESHUA, bid ons dat hierdie week, 'n week van GOD gegewe deurbrake sal wees.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

EFÉSIËRS 1:17-19 AFR53

Fri, 26 Jul 2024 11:03:01 GMT

17. dat die God van onse Here Jesus Christus, die Vader van die heerlikheid, aan julle die Gees van wysheid en openbaring in kennis van Hom mag gee,

18. verligte oë van julle verstand, sodat julle kan weet wat die hoop van sy roeping en wat die rykdom van die heerlikheid van sy erfdeel onder die heiliges is;

19. en wat die uitnemende grootheid van sy krag is vir ons wat glo, na die werking van die krag van sy sterkte

***

Kern gedeelte:

"aan julle die Gees van wysheid en openbaring in kennis van Hom mag gee"

Niemand hoef geestelik blind deur die lewe te gaan nie, want die Geneesheer is reeds aan ons gegee!

As jy vanoggend die besluit neem, JESUS CHRISTUS aanneem as jou Verlosser en Saligmaker, kan jy Hom vra dat die Heilige Gees ook die oë van jou verstand, wil en emosie sal open.

Dan kan jy ook met 'n versekerde verwagting leef want jy sal Sy Wonderwerkende Krag in jou lewe ervaar!

As jy vanoggend in die donker tas, in onsekerheid leef, nie hoop vir die toekoms het nie, neem die stap, bely jou sondes, keer jou weg daarvan, neem JESUS CHRISTUS AAN, en word deel van geestelike verligtes.

Al sal jy nog in die wêreld wees, sal jy nie meer van die wêreld wees nie.

-------

GEBED.

VADER, ons is siende blind, en horende doof omdat ons, ons nog nie na U toe gekeer het nie. Ons geestelike oë word dof en die gedagtes van ons verstand vertroebel wanneer ons van U weg beweeg. Gee ons asb die krag om vandag hierdie skeidsmuur van sonde af te breek.

In die Naam van ons Meester YESHUA, bely ons, ons sondes en vra dat U ons sal vergewe, en ons op 'n nuwe pad sal plaas.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

I KORINTHIËRS 3:18-20 AFR53

Thu, 25 Jul 2024 11:43:21 GMT

18. Laat niemand homself mislei nie: as iemand meen dat hy wys is onder julle in hierdie wêreld, laat hom dwaas word, sodat hy wys kan word;

19. want die wysheid van hierdie wêreld is dwaasheid by God; want daar is geskrywe: Hy wat die wyse mense in hulle listigheid vang;

20. en verder: Die Here ken die gedagtes van die wyse mense, dat dit nietig is.

***

Kern gedeelte:

"Hy wat die wyse mense in hulle listigheid vang"

As jy voor GOD kom, tot GOD nader, maak seker dat jou motiewe suiwer is, want GOD sê in Sy Woord: Wees heilig, want EK is Heilig.

Ons kan GOD nie manipuleer nie, maar ons kan vra dat Sy regverdige oordeel oor 'n saak sal kom en dat Sy Wil geskied.

Ons kan wys wees in ons eie oë, maar dit gaan GOD nie behaag nie, en met hierdie gesindheid gaan ons, onself net skade berokken.

Ons kan miskien vir 'n wyle, 'n paar mense om die bos lei, maar onthou, GOD ken ons elke gedagte.

Kom voor GOD in nederigheid, met 'n opregte hart en die verskil sal sigbaar word in jou lewe.

-------

GEBED.

VADER, elke dag maak ons soveel foute omdat ons deur ons eie gedagtes weggevoer word. Ons denke word aan die wêreld gelykvormig, en dan tree die eie-wyshied in omdat ons U nie in die saak geken het nie. Beskerm ons asb teen ons eie gedagtes van arrogansie, weerwraak, manipulasie, en eie-sinningheid.

In die Naam van ons Meester YESHUA, bid ons dat U ons naby aan U sal hou.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

JESAJA 14:26-27 AFR53

Wed, 24 Jul 2024 11:53:35 GMT

26. Dit is die besluit wat geneem is oor die hele aarde, en dit is die hand wat uitgestrek is oor al die nasies

27. want die Here van die leërskare het dit besluit — wie sal dit kan verydel? En sy hand is uitgestrek — wie sal dit kan afkeer?

***

Kern gedeelte:

die Here van die leërskare het dit besluit — wie sal dit kan verydel?

Ons loop rond met soveel vrese in ons lewe, terwyl GOD weet wat se planne Hy vir ons lewe het!

Planne van voorspoed, nie teënspoed nie, planne van vrede, planne van 'n hoopvolle toekoms.

Maar ons kies om die leuens van die "verderwer" te glo.

Die "verderwer" is nie GOD nie, maar wil soos GOD wees.

En net so is hy nie in beheer van jou lewe nie, maar hy wil in beheer wees.

Daarom sê die Woord, hy loop rond soos 'n brullende leeu en soek na wie hy kan verslind.

Gaan op jou knieë, dank GOD vir dit wat HY vir jou bewerk het, al kan jy dit nog nie sien nie.

Maak die deur van twyfel toe, en weet vandag, die Here van die leërskare het dit besluit — niemand sal dit kan verydel nie.

-------

GEBED.

VADER, ons sien net die negatiewe omdat ons deur die oë van twyfel na alles kyk. Verander asb ons lewens uitkyk, dat ons in geloof sal beweeg, deur die oë van geloof na die pad vorentoe sal kyk, en sal weet ons GOD is in beheer. Laat ons nie deure open wat die "verderwer" 'n houvas op ons lewe sal gee nie.

In die Naam van ons Meester YESHUA, bid ons dat U ons, in ons gees sal versterk, sodat ons staande sal bly teen die aanslae.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

JESAJA 12:1-3 AFR53

Tue, 23 Jul 2024 11:31:17 GMT

1. EN in dié dag sal jy sê: Ek dank U, Here, dat U toornig op my gewees het; u toorn is afgewend, en U het my vertroos.

2. Ja, God is my heil, ek sal vertrou en nie vrees nie; want die Here Here is my krag en my psalm, en Hy het my tot heil geword.

3. En julle sal water skep met vreugde uit die fonteine van heil.

***

Kern gedeelte:

"U toorn is afgewend, en U het my vertroos"

Elke tydperk het 'n begin en 'n einde.

So het hierdie woestyn tydperk waardeur jy gegaan het, ook tot 'n einde gekom.

Dit was nodig om eers ons karakter te vorm, ons binne GOD se Wil vir ons lewe te kry, sodat ons op die pad vorentoe saam met GOD sal stap.

Sodat ons slegs op Hom sal vertrou en nie weer ons hulp in die wêreld sal gaan soek nie.

Nader tot GOD, en dank Hom dat sy genade ons deurgedra het, en dat ons nie langs die pad verlore geraak het nie.

-------

GEBED.

VADER, dankie vir hierdie dag, waar ons al die lof en die eer aan U kan gee. Terwyl ons in die woestyn tyd, in die storms was, kon ons nie sien waar U ons gedra het nie. Eers wanneer ons daardeur is en terugkyk, besef ons dat dit slegs U genade was wat ons deurgedra het. Ons dank U daarvoor.

In die naam van ons Meester YESHUA, bid ons vir elkeen wat voel dat hulle deur die storms oorweldig word. Gee asb krag aan elkeen en versterk hulle.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

MATTHÉÜS 12:30-31 AFR53

Mon, 22 Jul 2024 11:09:15 GMT

30. Hy wat nie met My is nie, is teen My; en hy wat nie saam met My versamel nie, verstrooi.

31. Daarom sê Ek vir julle: Elke sonde en lastering sal die mense vergewe word, maar die lastering teen die Gees sal die mense nie vergewe word nie.

***

Kern gedeelte:

"Hy wat nie met My is nie, is teen My"

Bou ons op, of breek ons af?

As ons nie Koningkryk van GOD help bou nie, dan is ons besig om afbreek daaraan te doen!

Daar bestaan nie so iets soos 'n neutrale lewe waar ons maar net saam met die stroom beweeg nie, want die stroom waarmee jy saambeweeg is die stroom van die "wêreld".

Hierin kan ons GOD nie verheerlik nie, want die Woord van GOD is duidelik wanneer dit sê, moenie aan hierdie wêreld gelykvormig word nie.

Staan op vir vir GOD, laat Sy Heilige Gees deur jou werk en begin bou aan die Koningkryk van JESUS CHRISTUS.

Dit is duidelik, wie nie vir Hom is nie, is teen Hom.

-------

GEBED.

VADER, dankie dat die boodskap duidelik is, dankie dat ons nie draadsitters kan wees nie, maar of ons is vir U, of teen U. Help ons asb om nie af te breek nie maar op te bou, orals waar ons gaan. Gee ons asb die krag om U Naam uit te dra, ongeag waar ons onself mag bevind.

In die Naam van ons Meester YESHUA, bid ons vir U Leiding en seëninge.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

PSALMS 119:125, 129-130 AFR53

Fri, 19 Jul 2024 11:16:07 GMT

125. Ek is u kneg; maak my verstandig, dat ek u getuienisse kan ken.

129. U getuienisse is wonderbaar; daarom bewaar my siel hulle.

130. Die opening van u woorde gee lig; dit maak die eenvoudiges verstandig.

***

Kern gedeelte:

"Die opening van U woorde gee lig"

Moenie oorhaastige besluite neem nie, maar luister na die Stem van GOD.

Die woorde wat HY in jou lewe in spreek sal jou koers en jou rigting bepaal, dit sal wysheid aan jou gee om die regte besluite te maak.

Gaan sit weer, beplan van voor af, maar meer as dit, vas en bid totdat die antwoord na jou kom.

Oorhaastige besluite is nie in lyn met GOD se Woord nie, maar wie op GOD wag sal met wysheid gevul word.

Oorywerigheid, oorhaastigheid en ongeduld gaan jou tot groot skade wees.

-------

GEBED.

VADER, laat ons nie in die hitte van die oomblik optree nie, maar dat ons sal wag op U bevestiging. Daar is 'n tyd vir alles, en daarom bid ons vir wysheid, insig en geduld om versigtig te beplan sodat die besluit wat ons vandag wou neem, ons nie tot skade sou wees nie.

In die Naam van ons Meester YESHUA, bid ons vir die regte besluit op die regte tyd.

Amen.

•••••••

Webtuiste: htpps://tentvansamekoms.co.za

E-pos: fanie.le@incurio.co.za

Sel: (+27)(0)716283107

EFÉSIËRS 5:23, 25, 28 AFR53

Thu, 18 Jul 2024 11:28:41 GMT

23. Want die man is die hoof van die vrou, soos Christus ook Hoof is van die gemeente; en Hy is die Verlosser van die liggaam.

25. Manne, julle moet jul eie vroue liefhê, soos Christus ook die gemeente liefgehad en Homself daarvoor oorgegee het.

28. So behoort die mans hulle eie vroue lief te hê soos hul eie liggame. Wie sy eie vrou liefhet, het homself lief;

***

Kern gedeelte:

"Wie sy eie vrou liefhet, het homself lief"

Respek word verdien, nie afgedwing nie!

As daar chaos in die huis is, begin dit gewoonlik met gebrek aan respek, verwarring oor wie is in beheer van wat, en wie staan aan die hoof van die huis.

Ongeag wat die "verderwer" doen en sê deur middel van die "wêreld" en media kommunikasie, die man bly aan die hoof van die huis.

Waar daar nie liefde, respek, leiding, orde en dissipline is nie, help dit nie dat ons as mans daarvan wegskrum nie, want as jy een vinger na jou vrou en gesin wys, wys daar drie vingers terug na jou toe.

Staan op, neem jou verantwoordelikheid op, en behandel jou vrou soos jy graag behandel wil word.

Vra GOD om jou te lei, en as jy dan deur deur voorbeeld lei, sal dit afvryf na die res van die gesin toe.

-------

GEBED.

VADER, laat ons as mans vanoggend opstaan en ons plekke inneem as hoof van die huis, en laat ons nie ander blameer vir ons eie foute nie. Waar daar nie rigting en leiding is nie, is dit omdat ons U nie ken nie, nie naby aan U leef nie, en ons word nie gelei deur U Heilige Gees nie.

Verander asb vanoggend eers die sake van ons hart, voordat ons die sake in ons huis probeer verander.

In die Naam van ons Meester YESHUA, bid ons vir krag om die regte besluite te neem.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

LUKAS 12:35-36 AFR53

Wed, 17 Jul 2024 11:12:22 GMT

35. LAAT julle heupe omgord wees en julle lampe aan die brand.

36. En julle moet wees soos mense wat op hulle heer wag wanneer hy van die bruilof terugkom, sodat hulle dadelik vir hom kan oopmaak as hy kom en aanklop.

***

Kern gedeelte:

"en julle lampe aan die brand"

Die instruksie is duidelik, julle heupe omgord en julle lampe aan die brand.

Is dit nog die geval, of het die sorge van die lewe veroorsaak dat jy in sak en as gaan sit?

Gemaksones van die lewe en oorvloed van besitting bepaal nie jou koers of jou lewensgeluk nie, maar in JESUS CHRISTUS sal jy jou vrede, vreugde en voorspoed vind.

Jy kan nie die rigting van die wind verander nie, maar jy kan jou seile daarvolgens aanpas.

Staan op, omgord jou heupe, wees gereed, en gaan waar die wind van GOD jou waai.

Daar sal jy jou vreugde en vrede in jou Skepper vind.

-------

GEBED.

VADER, soms blus die sorge van die lewe ons geestelike vlammetjie en brand die vuur van U Heilige Gees nie meer so helder in ons nie. Ons is nie meer gereed en wagtend op U nie, want ons kyk in die beperkings van die lewe vas. Gee ons asb vandag die krag om op te staan, U te loof sodat ons lampe weer kan brand.

In die Naam van ons Meester YESHUA, spreek ons lewe, vrede, vreugde, vergenoegdheid, voorspoed en gesondheid oor elkeen.

Amen.

•••••••

Webtuiste: https://tentvansamekoms.co.za

E-pos: fanie.le@incurio.co.za

Sel: (+27)(0)716283107

SPREUKE 18:20-21 AFR53

Mon, 15 Jul 2024 11:02:00 GMT

20. Van die vrug van iemand se mond word sy maag versadig; hy word versadig van die opbrings van sy lippe.

21. Dood en lewe is in die mag van die tong; en elkeen wat dit graag gebruik, sal die vrug daarvan eet.

***

Kern gedeelte:

"Dood en lewe is in die mag van die tong"

Vanoggend wil ek nie vra watter woorde spreek jy oor jou eie lewe nie, maar ek wil eerder die geleentheid gebruik om woorde van lewe oor jou te spreek.

Ek wil die seën van GOD ons Vader in jou lewe inspreek.

* Geseënd sal jy wees in die stad, en geseënd sal jy wees in die veld.

* Geseënd sal wees die vrug van jou liggaam en die vrugte van jou land en die vrug van jou vee, die aanteel van jou beeste en die aanteel van jou kleinvee.

* Geseënd sal wees jou mandjie en jou bakskottel.

* Geseënd sal jy wees by jou ingang, en geseënd sal jy wees by jou uitgang.

* En mag al hierdie seëninge oor jou kom en jou inhaal as jy luister na die stem van die Here jou God.

-------

GEBED.

VADER, dankie dat ons vanoggend lewe kan spreek oor elkeen wat hierdie boodskap lees of luister. Laat U Heilige Gees met die boodskap saamgaan en inwerk waar dit nodig is, soos dit U behaag. Vergewe ons asb ons sondes wat nog ons seëninge terughou.

In die Naam van ons Meester YESHUA, bid ons vir krag vir die week wat voorlê.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

‭II TIMÓTHEÜS 3:16-17 AFR53‬

Tue, 09 Jul 2024 11:02:24 GMT

‭16. Die hele Skrif is deur God ingegee en is nuttig tot lering, tot weerlegging, tot teregwysing, tot onderwysing in die geregtigheid,

17. sodat die mens van God volkome kan wees, vir elke goeie werk volkome toegerus.

***

Kern gedeelte:

"sodat die mens van God volkome kan wees, vir elke goeie werk volkome toegerus"

In die laat ure van die nag lê die Heilige Gees reeds hierdie gedagte op my hart.

Soos wat die mediese spesialis X-straal plate gebruik om vir hom te wys waar die breuke, die probleme en die siekte lê, so gebruik die Heilige Gees, die Woord van GOD om ons tekortkominge na vore te bring.

Areas waar ons geestelik tekort skiet!

As die spesialis nie die X-straal plate neem nie, sal hy in raaisels, onsekerheid en twyfel die besering of siekte probeer behandel.

So ook ons lewe wanneer ons nie GOD se Woord opneem en begin lees nie.

Ons sal bly ronddwaal in twyfel, onsekerheid en sondes van hierdie wêreld.

As jy genesing nodig het, sal jy dit in die Woord van GOD vind.

-------

GEBED.

VADER, U Woord sê, ons dwaal, omdat ons die Skrifte nie ken nie. Ons vra vanoggend dat U Heilige Gees, die Woord vir ons sal oopbreek, sodat ons volkome kan wees, vir elke goeie werk volkome toegerus. Laat U Woord ons lewens kompas wees.

In die Naam van ons Meester YESHUA, bid ons dat U, deur U Woord tot ons sal spreek.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

‭MATTHÉÜS 15:18-19 AFR53‬

Mon, 08 Jul 2024 10:30:59 GMT

18. Maar die dinge wat uit die mond uitgaan, kom uit die hart, en dit is dié wat die mens onrein maak.

19. Want uit die hart kom daar slegte gedagtes, moord, egbreuk, hoerery, diewery, valse getuienis, lastertaal.

***

Kern gedeelte:

"Maar die dinge wat uit die mond uitgaan"

Vanoggend wil ek hierdie boodskap begin met die volgende stelling:

As die Woord van GOD nie op jou lippe is nie, dan is die woorde van hierdie wêreld op jou lippe.

As ek na jou woorde luister, sal ek weet wie jy aanhang en waar jou prioriteite is.

En so gaan die gesêgde ook, wat die hart van vol is, loop die mond van oor!

‭Daarom sê die Woord van GOD vir ons;

Niemand kan twee here dien nie; want òf hy sal die een haat en die ander liefhê, òf hy sal die een aanhang en die ander verag. Julle kan nie God én Mammon dien nie!

As jy vanoggend nie seker is oor jou prioriteite nie, luister net na jou eie woorde, en dit sal jou tot bevestiging dien.

-------

GEBED.

VADER, soms as ons terugkyk na die gebeure van 'n dag, die woorde wat ons gespreek het terugspeel, besef ons dat U waarskynlik nie ons eerste prioriteit was nie, en dat ons vermoeid en belas is, oor die dinge van hierdie wêreld. Daarom is ons meer besorgd oor die sake van hierdie wêreld. Maak ons asb stil, en laat U Gees deur ons werk en spreek.

In die Naam van ons Meester YESHUA, bid ons dat ons U ons sal rig op ons pad, en ons sal lei in ons besluite.

Amen.

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

‭I SAMUEL 25:32-34 AFR53‬

Fri, 05 Jul 2024 11:32:41 GMT

32. Toe sê Dawid vir Abígail: Geseënd is die Here, die God van Israel, wat jou vandag my tegemoet gestuur het!

33. En geseënd jou verstandigheid en geseënd jy self wat my vandag teëgehou het om in bloedskuld te geraak en my met eie hand te help.

34. Maar so waar as die Here, die God van Israel, leef wat my verhinder het om aan jou kwaad te doen — as jy my nie gou tegemoetgekom het nie, voorwaar, daar sou van Nabal niemand wat manlik is, tot die môrelig oorgebly het nie.

***

Kern gedeelte:

"En geseënd jou verstandigheid en geseënd jy self wat my vandag teëgehou het"

Miskien het GOD, jou ook vir 'n seisoen in 'n posisie van ondankbaarheid geplaas.

'n Posissie waar jy gedurigdeur die kole uit die vuur moet krap vir iemand anders, maar sonder enige waardering vir dit wat jy doen.

So moes Abigail ook met Nabal saamleef en moes sy deel met Nabal se slegte gesindheid en hart van ondankbaarheid.

Maar aan die einde het GOD haar dit vergelde, Nabal is dood en Abigail het die koning se vrou geword.

Dus, moet jou nie laat ontstel deur ander se selfsug en hart van ondankbaarheid nie, doen wat GOD op jou hart lê, en HY sal jou dit vergelde.

-------

GEBED.

VADER, ons raak dikwels moeg, frustreerd en verstaan nie hoekom ons nog iets vir iemand moet doen wat geen waardering daarvoor het en net in hulle eie selfsug vasgevang is nie. Maar vanoggend kom antwoord U die vraag, en ons besef dat ons hierdie seisoen moet deurleef, want iets groter is oppad. U sal beloon volgens die werke van ons hande.

In die Naam van ons Meester YESHUA, bid ons dat U elkeen die krag sal gee om ook die seisoen deur te leef.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

‭LUKAS 10:2, 4, 9 AFR53‬

Thu, 04 Jul 2024 11:55:21 GMT

2. Hy sê toe vir hulle: Die oes is wel groot, maar die arbeiders min. Bid dan die Here van die oes dat Hy arbeiders in sy oes uitstuur.

4. Moenie 'n beurs of 'n reissak of skoene dra nie, en groet niemand op die pad nie.

9. En maak die siekes gesond wat daarin is, en sê vir hulle: Die koninkryk van God het naby julle gekom.

***

Kern gedeelte:

"En maak die siekes gesond wat daarin is"

Hierdie was een van die instruksies van JESUS CHRISTUS wat hy sy dissipels gegee het; "en maak die siekes gesond".

Dikwels sal dit wel so gebeur dat die siekes na jou toe gestuur sal word, om hulle die hande op te lê en vir hulle te bid.

Wat doen jy dan wanneer dit gebeur, sien jy GOD se plan raak en beweeg in gehoorsaamheid of is jy so vasgevang in jou eie sake, jou eie besigheid, dat jy GOD se werk laat oorstaan, laat verbygaan.

Miskien is hierdie boodskap vanoggend dalk 'n 'wakker maak oproep', fokus jy op GOD se werk en laat GOD met die sake van hierdie wêreld deel.

Miskien is dit tyd dat ons weer ons prioriteite in orde kry.

-------

GEBED.

VADER, vergewe asb ons ongehoorsaamheid, dat ons die dinge van hierdie wêreld bo U werk stel. Dat ons meer besorg is oor ons sake as om genesing deur U Naam, aan ander te bring. Help ons asb om vandag ons huis in orde te kry, ons prioriteite uit te sorteer en U werk eerste te stel.

In die Naam van ons Meester YESHUA, bid ons dat ons elke geleentheid sal aangryp om aandag aan U werk te gee.

Amen.

-------

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

‭LUKAS 10:10-11, 16 AFR53‬

Wed, 03 Jul 2024 08:39:11 GMT

10. Maar in watter stad julle ook al mag ingaan en hulle jul nie ontvang nie, gaan uit op sy strate en sê:

11. Selfs die stof wat uit julle stad aan ons kleef, vee ons vir julle af; maar tog moet julle dit weet dat die koninkryk van God naby julle gekom het.

16. Wie na julle luister, luister na My; en wie julle verwerp, verwerp My; en wie My verwerp, verwerp Hom wat My gestuur het.

***

Kern gedeelte:

"Selfs die stof wat uit julle stad aan ons kleef, vee ons vir julle af"

Ons is gestuur om die evangelie te verkondig, nie om die persoon/e se lewens vir hulle te lei nie.

So onsimpatiek as wat dit mag klink, daar kom ook 'n tyd vir omdraai en wegstap.

Daarom sê JESUS, as hulle julle nie ontvang nie, gaan uit op die strate en sê, Selfs die stof wat uit julle stad aan ons kleef, vee ons vir julle af.

Daarom as jy die Woord van GOD tot by die persoon gebring het, het jy jou deel gedoen, en die bloed is nie meer op jou hande nie.

Om toe te laat dat jy deur die persoon misbruik word, gaan hom nie nader aan bekering bring nie.

Dit is 'n pad wat hy/sy met GOD moet stap.

-------

GEBED.

VADER, gee asb aan ons 'n gees van onderskeiding, om te identifiseer wanneer hulp in misbruik verander. Wanneer iemand verwag dat, omdat ons U Evangelie aan hulle verkondig het, ons ook hulle lewens vir hulle moet lei en hulle keuses vir hulle moet maak. Gee ons asb die krag om nee te sê, wanneer genoeg ook genoeg is.

In die Naam van ons Meester YESHUA, bid ons vir 'n gees van standvastigheid in U.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

LUKAS 9:54-56 AFR53‬

Tue, 02 Jul 2024 10:46:40 GMT

‭54. En toe sy dissipels, Jakobus en Johannes, dit sien, sê hulle: Here, wil U hê ons moet sê dat vuur van die hemel afdaal en hulle verteer, soos Elía ook gedoen het?

55. Maar Hy draai Hom om en bestraf hulle en sê: Julle weet nie van hoedanige gees julle is nie;

56. want die Seun van die mens het nie gekom om die mense se lewe te verderf nie, maar te red. En hulle het na 'n ander dorp vertrek.

***

Kern gedeelte:

"Julle weet nie van hoedanige gees julle is nie"

Hoe dikwels reageer ons nie soos die dissipels nie, en wil onmiddelik met 'n gees van weerwraak optree.

Ons kyk so vas in die reaksie van mense, en wil dan daarop reageer.

Maar JESUS het hom nie van stryk laat bring nie, maar het aanhou fokus op Sy einddoel, op Sy reis na Jerusalem.

Vanoggend die vraag, gaan jy deur die reaksie van mense van stryk gebring word, gaan die gees van weerwraak in jou oorneem?

Of gaan jy fokus op die pad wat jy saam met GOD stap?

Laat die optrede van mense op hulle rus, maar hou jy aan om in geregtigheid saam met GOD te stap.

-------

GEBED.

VADER, vanoggend vra ons vir die krag om op U, en U doel vir ons lewe te fokus. Laat die negatiewe gedra van ander mense nie ons koers verander of ons in struikeling bring nie. Ons weet dat aanslae daagliks oor ons pad sal kom, want die "verderwer" plaas soms mense in ons lewe, om vir ons as struikelblokke te dien.

In die Naam van ons Meester YESHUA bid ons vir elkeen wat worstel met siekte. Laat U genesende Hand vandag oor elkeen beweeg.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

‭GALÁSIËRS 2:12-13 AFR53‬

Mon, 01 Jul 2024 17:27:40 GMT

12. Want voordat sommige van Jakobus af gekom het, was hy gewoond om saam met die heidene te eet; maar ná hulle koms het hy hom teruggetrek en hom eenkant gehou uit vrees vir die wat uit die besnydenis is.

13. En saam met hom het ook die ander Jode geveins, sodat selfs Bárnabas hom laat meevoer het deur hulle geveins.

***

Kern gedeelte:

"hom laat meevoer het deur hulle geveins"

Hoe dikwels sien ons dit nie, hoe mense hulle laat verander deur ander mense of voor ander mense hulleself anders voordoen?

As jy in die Waarheid van GOD leef en jy is gered in JESUS CHRISTUS, sal jy daarin standvastig wees en nie daarvan afwyk nie nie.

Wil jy GOD behaag of wil jy die mens behaag?

As jy GOD wil behaag, staan jy in sy Waarheid, leef volgens Sy Wil en Sy Weg, en laat die opinie van mense presies net dit bly, die opinie van mense.

Moenie deur die toneelsplelers van valse karakter meegesleep word nie.

-------

GEBED.

VADER, gee ons asb die krag om ons standvastigheid in U te vind, ongeag die opinies van mense in hierdie wêreld. Laat U Gees ons lei soos dit U behaag sodat ons in U waarheid kan bly staan. Laat ons besef dat die "verderwer" altyd 'n verdraaide weergawe van die waarheid sal voorhou.

In die Naam van ons Meester YESHUA, bid ons vir elkeen wat onseker voel oor die toekoms, en vra dat U hulle sal lei in hulle besluite.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

‭II KONINGS 21:20-22 AFR53‬

Fri, 28 Jun 2024 11:38:36 GMT

21. En hy het gedoen wat verkeerd was in die oë van die Here, soos sy vader Manasse gedoen het.

21. En hy het geheel en al gewandel in die weg wat sy vader bewandel het, en die drekgode gedien wat sy vader gedien het en hom voor hulle neergebuig.

22. En hy het die Here, die God van sy vaders, verlaat en nie in die weg van die Here gewandel nie.

***

Kern gedeelte:

"En hy het geheel en al gewandel in die weg wat sy vader bewandel het"

Wees versigtig hoe jy jou lewe ly, want kinders doen nie wat ons sê nie, maar hulle doen wat ons doen.

As ek ouers se gesindheid en gedrag wil sien, of wat in hulle huise aangaan, hoef ons net te luister en te kyk na die kinders.

Soos die Lig van JESUS CHRISTUS deur ons moet skyn, so is die gedrag van ons kinders, 'n spieēl beeld van ons lewe en ons gesindheid

Ons moet lei deur voorbeeld, en nie deur woorde nie.

As GOD die middelpunt van jou lewe is, sal HY ook die middelpunt van jou kinders se lewe wees.

-------

GEBED.

VADER, hoe duidelik is hierdie boodskap nie. Laat ons as ouers eers aan ons eie lewe werk, aan ons verhouding met U, sodat ons kinders in ons voetspore kan volg. Laat ons as ouers nie ons kinders faal deur 'n voorbeeld te stel wat U nie welhaaglik is nie.

In die Naam van ons Meester YESHUA, bid ons dat U ons sal leer hoe om ons kinders in U Wil, U Weg en U Weë te leer.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

‭II KONINGS 20:4-5 AFR53‬

Thu, 27 Jun 2024 10:54:56 GMT

4. En Jesaja het die middelste voorhof nog nie uitgegaan nie of die woord van die Here het tot hom gekom en gesê:

5. Draai om en sê vir Hiskía, die vors van my volk: So spreek die Here, die God van jou vader Dawid: Ek het jou gebed gehoor, Ek het jou trane gesien; kyk, Ek sal jou gesond maak; op die derde dag sal jy opgaan na die huis van die Here.

***

Kern gedeelte:

"Ek het jou gebed gehoor"

Soms voel ons dat ons gebede die plafon tref en soms voel dit of GOD sloer met die antwoord van gebede.

Vir elke durasie voor die antwoord kom, is daar 'n rede, maar die feit bly staan, die gebed van die regverdige het groot krag.

Toe Hiskia, wat rein voor GOD gelewe, in nederigheid en waarheid tot GOD genader het, het GOD sy gebed gehoor en Jesaja het nog nie by die voorhof uitgegaan voordat GOD hom geantwoord het nie.

Wat ek probeer sê, GOD antwoord gebede, hou aan bid, moenie moed opgee of ophou bid nie.

-------

GEBED.

VADER, soms twyfel ons in ons gemoed, maar vanoggend kan ek weereens getuig dat U my GOD, gebede verhoor. U is 'n GOD van wonders, en in 'n oomblik verander U sake. U maak die onmoontlike moontlik, waar daar geen uitweg was nie. Dankie dat U berge skuif, en dankie dat U die see voor ons oopmaak, want U maak 'n pad waar die mens alle hoop verloor het.

In die Naam van ons Meester YESHUA, bid ons dat U gebede sal verhoor waar U kinders tot U nader.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

I KORINTHIËRS 14:33 AFR53‬

Wed, 26 Jun 2024 11:31:49 GMT

33. want God is nie 'n God van wanorde nie, maar van vrede, soos in al die gemeentes van die heiliges.

***

Kern gedeelte:

"want God is nie 'n God van wanorde nie"

Vanoggend net 'n paar woorde as stof tot nadenke.

Waar daar twis, argumente, gebrek aan dissipline is, sal die sonde nie vêr agter dit volg nie.

Die "verdêrwer" weet, waar daar verwarring en verdeeldheid is, is daar vir hom siele, wat hom sal volg oppad hêl toe.

Maar waar ons standvastig, doelgerig, gehoorsaam is, waar ons in eenheid saam beweeg in JESUS CHRISTUS, sal niks ons van HOM kan skei nie.

Sit net vanoggend so oomblik stil en kyk waar die twis, argumente, onmin en wanorde se oorsprong is, en dan sal ons die oorsprong van die "verdêrwer" se plan ook sien.

-------

GEBED.

VADER, dankie dat ons vanoggend net vir 'n oomblik kan stil word en ons eie lewens in oënskou neem, en ons vra dat U Heilige Gees ons oë sal open vir ons eie tekortkominge. Laat ons dit belei en erken waar ons nodig het om te verander, en gee U ons asb die krag om die probleme te oorkom. Maak ons asb standvastig in U.

In die Naam van ons Meester YESHUA, bid ons vir elkeen wat in die chaos van die wêreld vasgevang is. Gee hulle asb rigting en leiding soos dit U behaag.

Amen.

•••••••

Webtuiste: https://tentvansamekoms.co.za

E-pos: fanie.le@incurio.co.za

Sel: (+27)(0)716283107

‭II KONINGS 19:6-7 AFR53

Tue, 25 Jun 2024 11:00:39 GMT

6. sê Jesaja vir hulle: So moet julle jul heer antwoord: So spreek die Here: Vrees nie vir die woorde wat jy gehoor het, waarmee die dienaars van die koning van Assirië My gelaster het nie.

7. Kyk, Ek sal 'n gees in hom gee, dat hy 'n gerug hoor en na sy land terugtrek, en Ek sal hom in sy land deur die swaard laat val.

***

Kern gedeelte:

"Vrees nie vir die woorde wat jy gehoor het"

Hoe dikwels voel ons nie geintimideerd of bedreigd deur woorde wat teen ons gespreek word nie.

Leë woorde van mense wat nog in die weë van hierdie wêreld vasgevang is.

GOD bepaal nie net ons weë nie maar hulle weë ook, en soos GOD ons beskerm sal hy die wat dreig en moord blaas, ook in struikeling bring.

Hier het 'n magtige koning teen die gesalfde van GOD, teen Hiskia opgestaan, hom gedreig deur sy mag en possisie, en aan die einde het hy gesterf aan die hande van sy eie seuns.

-------

GEBED.

VADER, so dikwels word ons oorheers deur woorde van mense omdat ons met vrees daarop reageer. Hiskia het egter hierdie dreigbriewe voor U voete kom neerlê, en omdat sy vertroue in U gevestig was, het U met die saak gedeel. Leer ons asb vandag om ook ons probleme wat onoorkombaar lyk, voor U voete te kom plaas en U in die saak te ken.

In die Naam van ons Meester YESHUA, bid ons vir rigting en leiding in hierdie dag.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

‭JOB 42:10, 12 AFR53‬

Mon, 24 Jun 2024 11:24:14 GMT

‭10. En die Here het die lot van Job verander toe hy vir sy vriende gebid het; en die Here het Job se besittings vermeerder tot dubbel soveel as voorheen.

12. En die Here het die einde van Job meer geseën as sy begin..........

***

Kern gedeelte:

"En die Here het die lot van Job verander toe hy vir sy vriende gebid het"

So dikwels wanneer ons in 'n verskil of dispuut met 'n ander staan, wil ons graag die laaste woord inkry.

Ons dra nog hierdie gevoel, as ek hom net die volgende kon sê!

Maar dit sal nie die oplossing wees nie, want die laaste woord is gewoonlik die begin van 'n nuwe argument.

Laat die saak gaan, en bid eerder daaroor, stel die saak voor GOD se voete en laat HY regverdig oordeel.

Dit maak jou vry van die gebondenheid van die argument wat nog nie afgesluit is nie, en jy kan aanbeweeg en op jou toekoms fokus wat GOD vir jou beplan.

In tyd sal GOD se regverdige oordeel na vore kom, en dan sal jou einde meer geseënd wees as jou begin.

GEBED.

VADER, dankie dat ons vanoggend die argumente, die verskille voor U voete kan plaas. Dankie dat U die verlede tot 'n einde gebring het, sodat ons van vandag af op ons toekoms saam met U kan fokus. Gee ons asb die vrymoedigheid om vir almal te bid, selfs die mense wat ons te-nagekom het.

In die Naam van ons Meester YESHUA, bid ons vir almal wat van ons verskil, ons teenstaan, en mag U seën ook op hulle wees.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

‭II KORINTHIËRS 9:6-8 AFR53‬

Fri, 21 Jun 2024 11:09:01 GMT

6. Maar dink daaraan: Wie spaarsaamlik saai, sal ook spaarsaamlik maai; en wie volop saai, sal ook volop maai.

7. Laat elkeen gee soos hy hom in sy hart voorneem, nie met droefheid of uit dwang nie, want God het 'n blymoedige gewer lief.

8. En God het mag om alle genade oorvloedig oor julle te laat wees, sodat julle altyd in alle opsigte volop kan hê en oorvloedig kan wees tot elke goeie werk.

***

Kern gedeelte:

"Wie spaarsaamlik saai, sal ook spaarsaamlik maai"

Ek weet nie eintlik hoe om dit beter te verduidelik as wat die Woord van GOD dit alreeds vir ons stel nie.

Ons moenie gee met die doel of gedagte om iets daarvoor in ruil terug te kry nie, maar soos wat jy met oop hand gee, sal jy weer met daardie oop-hand van GOD kan terug ontvang.

Werp jou brood op die water en na vele dae sal dit na jou toe terugkom.

Maar moenie net uitgaan en begin uitdeel nie, maar bid eers daaroor en vra dat GOD se Heilige Gees jou sal lei na waar daar werklik nood is.

Gee soos dit op jou hart gelê word, want GOD het die blymoedige gewer lief.

-------

GEBED.

VADER, so dikwels raak ons vasgevang in ons eie probleme, dat ons nie die nood van ander sien nie. As ons dan kyk waar die seëninge van ander lê, dan vind ons dit nog by ons, omdat ons in U voorsiening twyfel. Leer ons asb hoe om met oop hande deur die lewe te gaan, sodat U seëninge ook kan deurvloei na ander toe.

In die Naam van ons Meester YESHUA, bid ons dat U Heilige Gees in ons hart sal inspreek, en ons sal lei in hierdie dag.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283207

‭II KORINTHIËRS 12:8-10 AFR53‬

Thu, 20 Jun 2024 11:49:37 GMT

8. Hieroor het ek die Here drie maal gebid, dat hy van my sou wyk.

9. En Hy het vir my gesê: My genade is vir jou genoeg, want my krag word in swakheid volbring. Baie liewer sal ek dus in my swakhede roem, sodat die krag van Christus in my kan woon.

10. Daarom het ek behae in swakhede, in mishandelinge, in node, in vervolginge, in benoudhede, om Christus wil. Want as ek swak is, dan is ek sterk.

***

Kern gedeelte:

"My genade is vir jou genoeg, want my krag word in swakheid volbring"

Elkeen van ons het daardie een probleem, worsteling wat nie wil wyk nie, waaroor ons waarskynlik meer as drie keer oor gebid het.

Miskien soos Paulus sê, dat hierdie doring in sy vlees hom juis nederig gehou het, sodat hy ten alle tye sou weet waar sy krag vandaan kom.

As jy vanoggend ook worstel met 'n aanhoudende kwelling of probleem in jou lewe, moenie wegdraai van GOD nie, maar wees standvastig in GOD want Sy Genade is ook vir jou genoeg.

-------

GEBED.

VADER, gee asb aan ons die krag om te aanvaar, wat ons nie kan verander nie en dat ons nie deur die worsteling of probleem van U weggedryf word nie, maar dat ons juis nader aan U sal beweeg, want U sal ons die krag gee om te oorkom. Laat ons in hierdie swakheid begin roem ter ere van U Naam.

In die Naam van ons Meester YESHUA, bid ons vir krag om te oorkom!

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

‭JOHANNES 11:39-40 AFR53‬

Tue, 18 Jun 2024 10:42:47 GMT

39. Jesus sê: Neem die steen weg. Martha, die suster van die oorledene, sê vir Hom: Here, hy ruik al, want hy is al vier dae dood.

40. Jesus sê vir haar: Het Ek nie vir jou gesê, as jy glo, sal jy die heerlikheid van God sien nie?

***

Kern gedeelte:

"Het Ek nie vir jou gesê, as jy glo, sal jy die heerlikheid van God sien nie?"

Vanoggend is ek laat, en daarom is die boodskap laat en dit bring my by die gedagte dat dit maak nie saak wat ons doen, waar ons gaan nie, GOD was nog altyd betyds en altyd het alles presies volgens Sy Plan verloop.

Maar ons ongeduld, eiesinningheid en verkeerde keuses wek die gevoel op dat GOD laat is.

Miskien is die huidige vertraging juis jou beskerming, want GOD weet dat jy weereens in die verkeerde rigting wil beweeg.

As jy vanoggend voel dat niks gebeur nie, en jy voel dat alles besig is om inmekaar te val, weet dit dat in GOD se plan is alles besig om vir jou in plek te val.

Staan sterk, want GOD is nooit laat nie.

-------

GEBED.

VADER, dankie vir die bevestiging dat alles besig is om in plek te val, en dat U plan vir ons lewe tot uitvoer sal kom. Gee ons asb die krag om in standvastigheid op U te wag, want U is 'n Waarmaker van U Woord.

In die Naam van ons Meester YESHUA, bid ons vir elkeen wat deur vrees en twyfel oorweldig word. Gee hulle asb U vrede wat alle verstand te bowe gaan.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

‭II KONINGS 17:13-14 AFR53‬

Mon, 17 Jun 2024 07:44:10 GMT

13. En die Here het Israel en Juda gewaarsku deur die diens van elke profeet en elke siener en gesê: Bekeer julle van jul verkeerde weë en onderhou my gebooie, my insettinge, volgens die hele wet wat Ek julle vaders beveel het, en wat Ek deur die diens van my diensknegte, die profete, vir julle gestuur het.

14. Maar hulle het nie geluister nie en hul nek verhard soos die nek van hul vaders wat nie op die Here hulle God vertrou het nie.

***

Kern gedeelte:

"Maar hulle het nie geluister nie en hul nek verhard soos die nek van hul vaders"

Tans het ons 'n tydperk bereik waar GOD ons land Suid-Afrika aan sy eie lot oorgelaat het.

Maar hierdie tydperk wat ons nou ingaan is slegs die voorloper van die vyf jaar van waar ons land deur beproewing, geweld, hongersnood en onstabiliteit sal gaan.

Maar dit is nodig dat die veld eers brand voor die nuwe gras sal groei, en so sal 'n nuwe generasie opstaan wat hulle tot GOD sal bekeer, en Hom in waarheid sal dien.

En weet dit, dat ons land Suid Afrika sal uit die "verbrande as" sal opstaan, en dan wanneer ons, ons tot GOD in waarheid gewend het, sal Hy hierdie land van ons seën, en ons sal groei beleef soos nog nooit tevore.

Jy kan na die boodskap luister, en GOD vra om jou te lei en beskerm deur hierdie tyd, of jy kan jou nek verhard en aangaan soos jy tans doen.

Dit bly ons elkeen se keuse.

-------

GEBED.

VADER, vanoggend se boodskap is nie wat ons wil hoor nie, en al ignoreer ons dit, gaan die uitkoms nie verander nie. Daarom vra ons dat U, ons sal rig en lei, ter voorbereiding van dit wat wat oppad is. Laat ons nie vrees vir slegte nuus nie, maar sal staan in die wete dat U ons sal beskerm en dat U ons ook deur hierdie tyd sal dra.

In die Naam van ons Meester YESHUA, bid dat U Heilige Gees ons sal lei ter voorbereiding, soos dit U behaag.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)(0)716283107

‭LUKAS 18:1, 7 AFR53‬

Fri, 14 Jun 2024 10:46:07 GMT

1. EN Hy het ook aan hulle 'n gelykenis vertel met die oog daarop dat 'n mens gedurig moet bid en nie moedeloos word nie,

7. Sal God dan nie reg doen aan sy uitverkorenes wat dag en nag tot Hom roep nie, al is Hy ook lankmoedig in hulle geval?

***

Kern gedeelte:

"dat 'n mens gedurig moet bid en nie moedeloos word nie"

Om die konteks van die boodskap te verstaan, moet ons al die verse van 1-7 lees, maar ongeag, volhard in gebed, want gebed verander sake.

GOD weet ook om sekere van ons gebede nie te verhoor nie, tot ons eie beskerming, want as sekere dinge nou gebeur, sal dit ons toekoms nadelig beinvloed.

Ons mag dalk nie nou verstaan nie, maar in tyd sien ons hoe die hand van GOD ons, teen onself beskerm het.

Hou aan bid en bid en bid dat GOD Sy plan vir jou lewe tot uitvoer sal bring.

Moenie teen die prikkels probeer skop nie, en moenie jou eie kop volg nie.

Hou aan bid, en in GOD se tyd sal Sy plan tot uitvoer kom.

-------

GEBED.

VADER, dikwels raak ons moedeloos omdat alles net hang en dit vir ons voel of daar geen beweging is nie. Ons verstaan nie dat U reeds aan die werk is, waar ons nog nie kan sien nie. Gee asb aan ons die begrip om te verstaan, dat as die antwoord nee is, is dit tot ons eie beskerming. Laat ons nie ongeduldig word nie, maar gee ons asb die krag sodat ons sal volhard in gebed.

In die Naam van ons Meester YESHUA, bid ons dat U vanoggend elkeen sal versterk wat moedeloos voel en voel dat hulle gebed slegs die plafon tref.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27) 0716283107

‭LUKAS 6:12-13 AFR53‬

Thu, 13 Jun 2024 11:44:54 GMT

12. EN Hy het in daardie dae uitgegaan na die berg om te bid en die nag in die gebed tot God deurgebring.

13. En toe dit dag geword het, het Hy sy dissipels na Hom geroep en twaalf van hulle uitgekies, wat Hy apostels genoem het:

***

Kern gedeelte:

"en die nag in die gebed tot God deurgebring"

Het jy al die slagspreek gehoor wat sê: As jy die knieg voor GOD buig, kan jy staan voor enige mens.

Hierdie waarheid dring nie altyd deur na ons toe nie, maar die teksvers wys dit duidelik dat, voor die kies van twaalf dissipels, het JESUS eers deur-nag gebid, voor hy die keuse gemaak het.

Ons staan miskien voor keuses en enige belangrike besluit sonder gebed is 'n verkeerde besluit.

Daarom, stel dit eerder uit, bid dit deur, en as jy bevestiging ontvang het, en jy voel kalm oor die besluit, gaan dan voort.

Bid dat jou besluit binne GOD se Wil sal wees en volgens Sy plan vir ons lewe.

Selfs in JESUS se geval moes dit binne GOD se Wil wees, want uit die groep van twaalf moes daar een veraaier ook gekies word.

-------

GEBED.

VADER, ons faal omdat ons nie alles aan U opdra in gebed nie. Ons is oorhaastig in ons besluite en neem nie die tyd om te wag op U bevestiging nie. Ons bid dat U ons sal help om te fokus op ons gebeds lewe en dat die vuur van U Heilige Gees in ons, weer aangesteek sal word. U sê as ons in geloof bid, kan ons berge versit. Gee ons asb die insig om die krag van gebed te begryp.

In die Naam van ons Meester YESHUA, bid ons dat U ons die krag sal gee om te volhard in gebed.

Amen.

•••••••

Webtuiste: https://tentvansamekoms.co.za.

E-pos: fanie.le@tentvansamekoms.co.za

Sel: (+27) 0716283107

‭II KORINTHIËRS 7:9-10 AFR53‬

Wed, 12 Jun 2024 12:51:14 GMT

‭9. Nou is ek bly, nie omdat julle bedroef was nie, maar omdat julle bedroef was tot bekering, want julle was bedroef volgens die wil van God, sodat julle deur ons in niks skade gely het nie.

10. Want die droefheid volgens die wil van God werk 'n onberoulike bekering tot redding, maar die droefheid van die wêreld werk die dood.

***

Kern gedeelte:

"Want die droefheid volgens die wil van God werk 'n onberoulike bekering tot redding"

Almal ken die gesêgde: As jy nie wil hoor nie, moet jy voel!

En so is dit ook in ons lewe.

Ons sal onverpoost voortgaan met ons lewe, totaal verwyderd van GOD en Sy geregtigheid, tot ons in die meule van die lewe beland.

Eers dan wanneer ons lewe in 'n warboel is, wanneer dinge moeilik raak, gaan ons oë oop, en sien en ervaar ons die reddende genade van GOD.

As jy tans in hierdie posissie is, rig jou oë na GOD, want by Hom is jou genesing en uitkoms.

By GOD sal jy vrede vind wat alle verstand te bowe gaan.

-------

GEBED.

VADER, dankie dat U ons vanoggend daarop wys dat dit soms nodig is vir ons om deur die storms, die meule van die lewe te gaan, sodat ons weer ons pad na U kan terugvind. Sodat ons weer opnuut kan sê, my Rots en my Vesting, my GOD op wie ek vertrou. Dankie dat U ons krag tot redding is.

In die Naam van ons Meester YESHUA, bid ons dat U elkeen sal versterk wat hierdie boodskap lees, of daarna luister.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27) 0716283107

‭I JOHANNES 1:8-10 AFR53‬

Tue, 11 Jun 2024 12:32:46 GMT

8. AS ons sê dat ons geen sonde het nie, mislei ons onsself en die waarheid is nie in ons nie.

9. As ons ons sondes bely, Hy is getrou en regverdig om ons die sondes te vergewe en ons van alle ongeregtigheid te reinig.

10. As ons sê dat ons nie gesondig het nie, dan maak ons Hom tot 'n leuenaar en is sy woord nie in ons nie.

***

Kern gedeelte:

"As ons ons sondes bely"

Sedert gister lê hierdie boodskap op my hart, en loop en bepeins ek dit deurlopend.

Dan spreek die Heilige Gees in my hart in, en ek besef weereens hoe belangrik dit is om ons sonde te bely.

Almal maak foute en dikwels sien ons dit nie nie eers as sonde nie, maar wanneer ons voor GOD kom stilraak, dan dryf dit na bo, soos dooie visse in die water en versuur die beeld van ons geestelike lewe.

In ‭Spreuke 28:13 lees ons,

Hy wat sy oortredinge bedek, sal nie voorspoedig wees nie; maar hy wat dit bely en laat staan, sal barmhartigheid vind.

Moenie toelaat dat onbelyde sondes jou gebede verhinder nie, maak oop voor GOD en laat alles gaan wat jou beperk.

Of jy dit wil erken of nie, sonde word 'n skeidsmuur tussen ons en GOD.

-------

GEBED.

VADER, ons loop so lank met onbelyde sondes omdat ons dalk voel dat ons sondes te groot is om te vergewe. Gee ons asb die krag om met 'n opregte hart voor U te kom, alles te bely, vergifnis te vra en ons dan weg te keer van daardie weë. Laat ons besef, U is getrou en regverdig om ons die sondes te vergewe en ons van alle ongeregtigheid te reinig.

In die Naam van ons Meester YESHUA, bid ons dat U Gees alle onbelyde sondes in ons lewe na vore sal bring, sodat ons dit kan bely en laat staan.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27) 0716283107

‭II KONINGS 6:15-17 AFR53‬

Mon, 10 Jun 2024 09:49:50 GMT

15. En toe die dienaar van die man van God vroeg opstaan en uitgaan, was daar 'n leër met perde en strydwaens rondom die stad. En sy dienaar sê vir hom: Ag, my heer, hoe sal ons maak?

16. Maar hy antwoord: Vrees nie; want die wat by ons is, is meer as die wat by hulle is.

17. En Elísa het gebid en gesê: Here, open tog sy oë, dat hy kan sien. En die Here het die oë van sy dienaar geopen, dat hy kon sien, en meteens was die berg vol perde en waens van vuur rondom Elísa.

***

Kern gedeelte:

"Vrees nie; want die wat by ons is, is meer as die wat by hulle is"

So dikwels kom ons in situasies, en verander die omstandighede en draai die gety teen ons.

Ons eerste reaksie is, ag HERE, hoe nou gemaak, hoe sal ek hier deurkom en hoe gaan ek dit kan hanteer.

Al lyk die situasie oorweldigend, en die oormag van omstandighede teen jou, te veel om te hanteer, dan is die boodskap vanoggend;

Vrees nie; want die wat by ons is, is meer as die wat by hulle is.

Groter is HY wat in jou is, as hy wat in die wêreld is.

Maar dit is eers wanneer GOD jou oë open dat jy Sy oplossings sal sien, sy ondersteuning sal ervaar.

-------

GEBED.

VADER, ons bid vanoggend dat U ons oë sal open en ons ore laat hoor, sodat ons na die stem van U Heilige Gees sal luister en ons die voor die hand liggende oplossing sal sien wat U reeds vir ons berei het. Laat ons nie hierdie dag met oogklappe van vrees ingaan nie, maar met geopende oë van geloof tot redding.

In die Naam van ons Meester YESHUA, bid ons, open tog ons oë, dat ons kan sien!

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27) 725104040

‭GÉNESIS 45:4-5 AFR53‬

Fri, 07 Jun 2024 11:53:01 GMT

4. Verder sê Josef vir sy broers: Kom tog nader na my. En toe hulle nader kom, sê hy: Ek is julle broer Josef vir wie julle na Egipte verkoop het.

5. Maar wees nou nie bedroef nie, en laat daar geen ontstemming by julle wees dat julle my hierheen verkoop het nie. Want om lewens te behou, het God my voor julle uit gestuur.

***

Kern gedeelte:

"Ek is julle broer Josef vir wie julle na Egipte verkoop het"

As ons die verhaal van Josef gaan lees, sal ons weet dat Josef op hierdie stadium al die krag en mag gehad het, om hom op sy broers te kon wreek.

Maar hy het die keuse gemaak om die strydbyle te begrawe, en sy broers te vergewe.

Wat verby is, is verby en ons moenie toelaat dat onvergifnis, ons beperking word nie, want wraaksugtigheid sal jou verteer.

Onvergifnis is skadelik vir liggaam, siel en gees.

Aan die einde van die dag is jy die een wat daaronder gaan lei.

Die verlede is die verlede, begrawe die strydbyle en hou aan om die pad in geregtigheid saam met GOD te stap.

Laat GOD met elkeen deel en hulle werke op hulle hoofde laat neerkom soos dit Hom behaag.

-------

GEBED.

VADER, dankie dat ons vanoggend kon opstaan met vergifnis in ons hart. Dat ons die strydbyle voor U voete kan plaas, en sake van geregtigheid en oordeel in U hande kan los. Dankie dat ons vry kan wees van die juk van onvergifnis. Dankie dat U ons vergewe, omdat ons ander ook vergewe het.

In die Naam van ons Meester YESHUA, vergewe ons ander en spreek ons hulle vry.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: +27716283107

‭LUKAS 3:7-9 AFR53‬

Thu, 06 Jun 2024 12:16:35 GMT

8. Dra dan vrugte wat by die bekering pas, en moenie by julleself begin sê: Ons het Abraham as vader nie; want ek sê vir julle dat God mag het om uit hierdie klippe kinders vir Abraham te verwek.

9. Maar die byl lê ook al teen die wortel van die bome. Elke boom dan wat geen goeie vrugte dra nie, word uitgekap en in die vuur gegooi.

***

Kern gedeelte:

"Dra dan vrugte wat by die bekering pas"

Gereeld hoor ek die woord 'bekering' en die woord gly so maklik oor die tong wanneer ons ander mense wil beindruk.

Maar wat beteken die woord?

Bekering is die berou oor die sonde, die belydenis daarvan en wegkeer/laat staan van die sonde, om nie meer daarmee voort te gaan nie.

Ons kan wel voorgee, maar ons voorgee gaan ook net so lank hou, en dan sal die ware vrugte na vore, dan sal die wat rondom ons is, ons sien vir wie en wat ons werklik is.

Neem vanoggend so oomblik van stilte, lig die sluier van verskansing en kyk na die vrugte wat jy dra, of dit wel by die bekering pas.

Weet dit, die byl lê reeds teen die wortel van die boom!

-------

GEBED.

VADER, dankie vir die geleentheid wat U ons vanoggend gee om nog tot bekering te kan kom. As ons sê dat ons reeds tot bekering gekom het, laat U Heilige Gees asb op ons inwerk en die vrugte wat nie by die bekering pas nie, uitwys sodat ons, ons daarvan kan wegkeer, die sonde kan laat staan.

In die Naam van ons Meester YESHUA, bid ons dat siele tot ware bekering sal kom.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27) 0716283107

‭II KORINTHIËRS 6:1-2 AFR53‬

Wed, 05 Jun 2024 11:50:36 GMT

1. EN as medewerkers vermaan ons julle ook dat julle die genade van God nie tevergeefs mag ontvang nie.

2. Want Hy sê: In die tyd van die welbehae het Ek jou verhoor, en in die dag van heil het Ek jou gehelp. Kyk, nou is dit die tyd van die welbehae; kyk, nou is die dag van heil.

***

Kern gedeelte:

"In die tyd van die welbehae het Ek jou verhoor, en in die dag van heil het Ek jou gehelp"

So dikwels probeer ons dinge forseer, maar soos die Woord van GOD vanoggend vir ons sê, sal alles gebeur in GOD se tyd, volgens Sy plan vir ons lewe.

Op die regte tyd, in die tyd van welbehae sal Hy ons verhoor, en sal Hy sake verander, sal Hy nuwe rigting vir ons lewe gee.

Moenie ongeduldig raak, wanneer sake nie volgens ons planne verloop nie, maar wag op GOD, want GOD se tyd is die perfekte tyd.

Moenie deure probeer oopskop wat eerder toe moes gebly het nie!

-------

GEBED.

VADER, nederig staan ons vanoggend voor U en vra dat U ons ongeduld sal vergewe, ons eiesinnigheid sal oorsien. Neem ons asb aan die hand en lei ons op die pad wat U vir ons beplan het. Laat ons nie in ons oorywerigheid struikel nie, maar sal wag tot U die deure vir ons sal open.

In die Naam van ons Meester YESHUA, bid ons vir elkeen wat voel dat hulle vêr van GOD verwyderd is.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27) 0716283107

‭II KONINGS 4:2-4 AFR53‬

Tue, 04 Jun 2024 10:22:36 GMT

2. Toe sê Elísa vir haar: Wat kan ek vir jou doen? Gee my te kenne wat jy in die huis het. En sy antwoord: U dienares het glad niks in die huis nie, behalwe 'n flessie met olie.

3. En hy sê: Gaan leen vir jou van buite af kanne, leë kanne van al jou bure; leen nie te min nie.

4. Gaan dan in en sluit die deur agter jou en jou seuns toe, en giet in al daardie kanne en sit weg wat vol is.

***

Kern gedeelte:

"Gaan dan in en sluit die deur agter jou en jou seuns toe"

Jy het nie 'n skare mense nodig wanneer jy dit gaan doen wat GOD op jou hart gelê het nie.

Ek het dikwels gewonder hoekom die weduwee, die deur agter haar en haar seuns moes toesluit.

Namate ek ouer geword het, en die natuur van die mens leer ken het, het ek besef dat dit nodig is om die deur agter jou te sluit, en dat jy eers dit wat GOD op jou hart gelê het moet klaarmaak, want in die twyfel van die toeskouers, sal hulle jou ontmoedig, jou uit jou wonderwerk uitpraat.

Dus, staan op in geloof, sluit die deur agter jou toe, en maak dit klaar wat GOD op jou hart geplaas het.

Jou kanne sal ook vol word, as jy in geloof beweeg.

-------

GEBED.

VADER, hoe dikwels stel ons meer in mense se opinies belang as om net voor te gaan, die deur agter ons te sluit, en te doen wat U op ons hart gelê het. U Woord sê dat ons nie op die arm van vlees mag steun nie, en dit is ook die waarheid dat elke persoon ons in 'n ander rigting sal wil stuur, omdat ons eerder na die opinies van die mens wil luister as na die Woord van GOD. Gee ons asb die krag om voort te gaan soos dit U behaag.

In die Naam van ons Meester YESHUA, bid ons dat U boodskap aan ons duidelik sal wees, aangaande dit wat ons moet doen.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27)716283107

‭II KONINGS 5:9-11 AFR53‬

Mon, 03 Jun 2024 10:25:43 GMT

9. So het Naäman dan gekom met sy perde en met sy waens en voor die deur van Elísa se huis stilgehou.

10. Toe stuur Elísa 'n boodskapper na hom om te sê: Gaan heen, was jou sewe maal in die Jordaan; dan sal jou vlees terugkeer, en jy sal rein wees.

11. Maar Naäman het baie kwaad geword en weggegaan en gesê: Kyk, ek het gedink: Hy sal sekerlik na my uitkom en staan en die Naam van die Here sy God aanroep en sy hand oor die plek heen en weer beweeg en die melaatsheid wegneem.

***

Kern gedeelte:

"Kyk, ek het gedink: Hy sal sekerlik na my uitkom"

Is dit nie soms ook maar ons gesindheid dat ons, ons wonderwerk, ons hulp van die HERE wil voorskryf, hoe dit moet gebeur nie.

Naäman het in sy arrogansie na Elisa gegaan en het 'n sekere verwagting gehad oor hoe Elisa hom moes ontvang en hoe hy genees wou word.

Nadat Naäman hom vererg het en wou terugkeer na sy land, is hy deur sy offisiere oortuig om hom te gaan was in die Jordaan volgens die woorde van Elisa.

Luister na die Stem van GOD, en luister na goeie raad.

As Naäman volhard het in sy arrogansie en eiesinnigheid, sou dit hom sy wonderwerk ontneem en hom sy genesing gekos het.

Moenie dat jou gesindheid, vandag jou wonderwerk verdryf nie.

-------

GEBED.

VADER, hieraan is ons almal skuldig want in ons arrogansie, ongeduld of eie ek wil ons, ons wil op ander afdruk. Ons is so hardkoppig in ons eie verstand, wil en emosie dat ons selfs die inwerking van U Heilige Gees teëstaan. Maak ons asb vandag ontvanklik vir U Woord, U Wil en U Leiding.

In die Naam van ons Meester YESHUA, bid ons vir die vermoë en insig, om na U Woord, na goeie raad te luister.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27) 0716283107

‭II PETRUS 2:18-19 AFR53‬

Fri, 31 May 2024 12:05:34 GMT

18. Want deur trotse woorde vol onsin uit te spreek, verlok hulle deur begeerlikhede van die vlees en ongebondenheid die wat waarlik die mense ontvlug het wat in dwaling wandel.

19. Hulle belowe vryheid aan hulle, terwyl hulle self slawe van die verdorwenheid is; want waar 'n mens deur oorwin is, daarvan het hy ook 'n slaaf geword.

***

Kern gedeelte:

"want waar 'n mens deur oorwin is, daarvan het hy ook 'n slaaf geword"

Vanoggend is die boodskap effens laat, want ek het eers nabetragting oor my eie lewe gedoen, voor ek skrywe oor die dinge waaroor iemand anders 'n slaaf van is.

Ons kom baie vinnig in die gewoonte om ander te kritiseer, sodat ons, ons eie slegte gewoontes en verslawings kan wegsteek, en in die stilte daarmee kan voortgaan.

As jy vanoggend wil sê dat jy nie aan iets verslaaf is nie, sit dit neer en los dit vir vir (21) een en twintig dae.

As jou solank daarsonder oor die weg kan kom, het jy dit nie meer nodig nie, en is die gewoonte gebreek.

Onthou, enige iets groter as GOD is 'n afgod, en dit wat jou beheer, is jy die slaaf daarvan.

Soos hierdie boodskap vanoggend tot 'n einde kom, weet ek waaraan ek moet werk.

Jy kan miskien ander mense bedrieg, maar nooit jouself nie.

-------

GEBED.

VADER, erkentlikheid maak jou vry, en vanoggend erken ek my foute. Ons kan vanoggend bid dat U ons sal bevry van dit wat ons beheer, maar aan die einde van die dag bly dit ons keuse of ons daarmee gaan voortgaan of nie. Laat ons nie verder daaroor kla nie, want dit is deur ons eie toedoen. Versterk ons asb in ons gees, dat ons ja, ja sal wees en ons nee, nee sal wees.

In die Naam van ons Meester YESHUA, bid ons vir die krag om te kan oorkom.

Amen.

•••••••

Webtuiste: https//tentvansamekoms.co.za

E-pos: fanie.le@tentvansamekoms.co.za

Sel: (+27) 0716283107

‭II KORINTHIËRS 3:14-17 AFR53‬

Thu, 30 May 2024 10:51:53 GMT

14. Maar hulle sinne is verhard. Want tot vandag toe bly by die lesing van die Ou Testament dieselfde bedekking sonder dat dit opgelig word, die bedekking wat in Christus vernietig word.

15. Ja, tot vandag toe, wanneer Moses gelees word, lê daar 'n bedekking oor hulle hart;

16. maar wanneer hulle tot die Here bekeer is, word die bedekking weggeneem.

17. Die Here is die Gees, en waar die Gees van die Here is, daar is vryheid.

***

Kern gedeelte:

"maar wanneer hulle tot die Here bekeer is, word die bedekking weggeneem"

Dikwels hoor ek mense sê dat daar geen nut is in die lees van die Bybel nie, want dit is basies 'n storie boek met verskillende verhale.

Die rede hiervoor is so duidelik omskryf in ons teksvers wat sê: Maar hulle sinne is verhard en daarom bly die bedekking.

As jy twyfel oor die Woord van GOD, kom tot bekering, soek die HERE, en hierdie bedekking sal ook vir jou weggeneem word.

As jy kom stil word voor GOD se voete, sal hy die Boek, Sy Woord vir jou verduidelik.

-------

GEBED.

VADER, dankie vir die direkte boodskap, dat ons nie verstaan nie, want ons sinne is verhard. Ons vra vanoggend dat U Gees sal inwerk op elkeen wat nie begrip het vir U Woord nie. Ons vra dat U Heilige Gees die sluier sal lig, sodat ons die waarheid van U Woord sal sien. Vergewe ons asb die verhardheid van ons hart.

In die Naam van ons Meester YESHUA, bid ons dat hierdie boodskap stof tot nadenke sal wees.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27) 0716283107

‭DANIËL 2:20-22 AFR53

Wed, 29 May 2024 12:51:34 GMT

‭20. Daniël het toe gespreek en gesê: Mag die Naam van God geprys word van ewigheid tot ewigheid, want die wysheid en die krag is syne.

21. Hy tog verander die tye en die geleenthede; Hy sit konings af en stel konings aan; Hy verleen wysheid aan die wyse manne en kennis aan die wat insig het;

22. Hy openbaar ondeurgrondelike en verborge dinge; Hy weet wat in die duister is, en die lig woon by Hom.

***

Kern gedeelte:

"Hy sit konings af en stel konings aan"

Vir elkeen wat hulle hoop op hierdie verkiesing geplaas het, as oplossing van die probleme in ons land Suid-Afrika, wil ek net vanoggend sê:

Die HERE stel konings aan en sit konings af, maar nie noodwendig tot voordeel van GOD se volk in hierdie land nie.

Ons het nog nie tot GOD bekeer en ons hulp by HOM alleen gaan soek nie, en daarom sal die volgende administrasie die land nog verder in chaos dompel, tot ons erken dat GOD in beheer is, en ons nie meer op die arm van vlees sal steun vir ons hulp nie.

Moenie bekommer wees oor die verkiesings uitslae nie, maar werk eerder aan jou verhouding met GOD!

Op die gegewe tyd sal GOD sake verander, met of sonder 'n verkiesing!

-------

GEBED.

VADER, ons vra dat U met U volk en U mense sal wees na hierdie verkiesing, met die wete dat die nuwe koning nie noodwendig tot ons voordeel gaan wees nie. Neem ons asb aan die hand en lei op die pad terug na U toe, en dat die nuwe lied in ons mond sal wees, nader my GOD by U. Laat ons nie die toekoms vrees wat voorlê nie, maar sal weet dat U ons ook hierdeur sal dra.

In die Naam van ons Meester YESHUA, bid ons dat U ons sal lei op die pad wat vir ons voorlê.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27) 0716283107

‭II KORINTHIËRS 2:14, 17 AFR53‬

Tue, 28 May 2024 10:51:34 GMT

14. MAAR God sy dank wat ons altyd laat triomfeer in Christus en wat die reuk van sy kennis deur ons oral versprei.

17. Want ons is nie soos baie wat handel dryf met die woord van God nie; maar as uit opregtheid, maar as uit God, in die teenwoordigheid van God, spreek ons in Christus.

***

Kern gedeelte:

"Want ons is nie soos baie wat handel dryf met die woord van God nie"

Dit is tyd dat jy die Bybel self optel en lees, dat jy GOD sal vra om Sy Woord vir jou oop te breek deur die inwerking van Sy Heilige Gees.

Moenie bloot net luister na "die" wat die Woord verdraai ter wille van inkomste, van finansiële voordeel nie.

Maar gaan lees self, bevestig dit wat aan jou oorgedra is, of die Waarheid van die Woord, in die boodskap is.

Kennis in die waarheid van die Woord, sal slegs verkry word as jy tyd saam met GOD in Sy Woord spandeer.

-------

GEBED.

VADER, is ons soeke werklik na die waarheid van U Woord, of lewe ons 'n lewe van rituele godsdiens, waar ons, onself troos deur mooi boodskappies en die ongereelde samekomste. Laat ons vandag bieg voor U, belydenis doen vir ons gebrek aan belanstelstelling en vra vir die aanraking van U Heilige Gees, sodat U Woord in ons sal begin lewe.

In die Naam van ons Meester YESHUA, bid ons dat die Lig, die Weg en die Waarheid, vandag ons lewe sal aanraak.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27) 0716283107

‭I KONINGS 18:21-22 AFR53‬

Mon, 27 May 2024 12:15:38 GMT

‭21. En Elía het nader gekom na die hele volk en gesê: Hoe lank hink julle op twee gedagtes? As die Here God is, volg Hom na; en as Baäl dit is, volg hom na! Maar die volk het hom niks geantwoord nie.

22. Toe sê Elía vir die volk: Ek het alleen oorgebly as profeet van die Here, terwyl die profete van Baäl vierhonderd-en-vyftig is.

***

Kern gedeelte:

"Hoe lank hink julle op twee gedagtes?"

Hoe lank sal ons as volk van GOD nog hink op twee gedagtes omdat ons nie ander mense in die gesig wil vat in ons onsekerheid van ons geloof nie.

Hier staan Elia teenoor 450 Baäl profete, en GOD antwoord sy gebed, en 'n volk kom in eenheid.

Nee, ons het nie nodig om nou op die strate te gaan staan en mense te probeer oortuig nie.

Begin vanoggend in jou eie gesin, jou huis en jou familie.

Soos 'n sneeubal sal die kring groei, en eenheid bring in ons land Suid-Afrika.

Maar elkeen van ons moet eers vanoggend ophou hink op twee gedagtes en weet dat die HERE GOD is.

Gaan jy opstaan in jou geloof in GOD, of aanhou skuil in jou skadu van ongeloof!

-------

GEBED.

VADER, soos golwe van die see word ons rondgeslinger in ons geloof, omdat ons nie bereid is om op te staan vir dit wat reg is nie, om op te staan in geloof vir U Woord nie. Ons laat toe dat ons deur die wêreld verdruk en verdring word omdat ons nog nie ons eenheid in U gevind het nie. Bring asb eenheid oor U volk in ons land Suid-Afrika.

In die Naam van ons Meester YESHUA, bid ons dat U Heilige Gees deur ons land sal beweeg en eenheid in U sal bring.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27) 0716283107

‭I KONINGS 19:11-13 AFR53‬

Fri, 24 May 2024 10:42:59 GMT

11. En Hy sê: Gaan uit en staan op die berg voor die aangesig van die Here. En kyk, die Here het verbygegaan, terwyl 'n groot en sterk wind die berge skeur en die rotse verbreek voor die Here uit; in die wind was die Here nie. En ná die wind 'n aardbewing; in die aardbewing was die Here nie.

12. En ná die aardbewing 'n vuur; in die vuur was die Here nie. En ná die vuur die gesuis van 'n sagte koelte.

13. En toe Elía dit hoor, het hy sy gelaat met sy mantel toegedraai en uitgegaan en by die ingang van die spelonk gaan staan. En daar kom 'n stem na hom wat sê: Wat maak jy hier, Elía?

***

Kern gedeelte:

"En ná die vuur die gesuis van 'n sagte koelte"

Soms wil ons GOD gaan soek te midde van die storms, wanneer ons opgewerk en onsteld is, maar ons sal GOD vind in die sagte koelte, die sagte stilte van ons gemoed.

Ons kan die stem van GOD nie hoor te midde van die geraas van hierdie wêreld nie, en daarom moet ons afsonder, stiltetyd maak, die geraas laat verbygaan sodat ons Sy Stem sal hoor en die inwerking van Sy Heilige Gees sal ervaar.

Dus, verwyder jou van die argumente, los die twis en staak die bakleiery, en gaan gaan soek GOD vanoggend in die stilte en vrede van jou hart.

Miskien sal jy ook Sy Stem hoor wat vra, wat maak jy hier, want ek het vir jou 'n groter doel elders!

-------

GEBED.

VADER, dankie vir die duidelike boodskap vanoggend dat ons, U nie gaan vind in die geraas en verwarring van hierdie wêreld nie, maar ons moet eers stil word in die wete dat GOD is in beheer, en in daardie kalmte van ons gemoed sal U ook met ons kan praat. Bring ons asb na 'n plek van stilte en kalmte sodat ons fokus sal wees om slegs U Stem te hoor.

In die Naam van ons Meester YESHUA, bid ons dat U deure sal open en geleenthede sal gee aan elkeen wat dit nodig het.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: +27716283107

‭JOB 3:23-26 AFR53‬

Thu, 23 May 2024 10:35:57 GMT

23. Waarom gee Hy lig aan 'n man wie se weg verborge is, 'n man wat deur God aan alle kante ingesluit is?

24. Want soos my brood kom my gesug, en my gebrul word uitgestort soos water.

25. As ek iets vreesliks vrees, kom dit oor my; en die ding waarvoor ek bang is, kom na my toe.

26. Ek het geen kalmte en geen stilte en geen rus nie, of daar kom die onrus!

***

Kern gedeelte:

"As ek iets vreesliks vrees, kom dit oor my"

Die Woord van GOD is baie duidelik oor hierdie onderwerp‭ soos geskrywe staan in Fillipense 4.

* Verbly julle altyd in die HERE, ek herhaal, verbly julle!

* Moet oor niks besorg wees nie, maar maak in alles julle begeertes deur gebed en smeking en met danksegging aan GOD bekend.

* En die vrede van GOD wat alle verstand te bowe gaan, sal oor julle harte en gedagtes die wag hou in CHRISTUS JESUS.

Miskien het jou omstandighede, jou posisie, jou vooruitsigte baie skielik verander, en jy is in 'n worstelstryd met GOD.

Lees die boek van Job deur, en kyk na Job se geseënde einde, en weet dat GOD nie foute maak nie.

Deel met die kaarte wat tans vir jou gedeel is, behou jou standvastigheid in GOD, bid altyddeur, nie net vir jouself nie maar ook vir ander.

Leef hierdie seisoen deur, want die seisoen van vrug dra is oppad.

-------

GEBED.

VADER, ook in hierdie oggend besef ons, dat U deurlopend in beheer is, en U hand steeds oor ons is. Ons laat ons bedreig deur die omstandighede wat die wêreld, die "verderwer" voorhou, en besef nie dat U Hand van voorsiening en beskerming deurlopend oor ons is nie.

Open asb ons oë en ore, sodat ons luister wanneer U ons rig op die nuwe pad vorentoe.

In die Naam van ons Meester YESHUA, bid ons vir stilte en kalmte van gees sodat ons U Stem kan hoor.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: +27716283107

‭MARKUS 16:14-16 AFR53

Wed, 22 May 2024 10:32:40 GMT

14. Later het Hy aan die elf self verskyn toe hulle aan tafel was, en Hy het hulle hul ongeloof en hardheid van hart verwyt, omdat hulle die wat Hom ná sy opstanding gesien het, nie geglo het nie.

15. En Hy het vir hulle gesê: Gaan die hele wêreld in en verkondig die evangelie aan die ganse mensdom.

16. Hy wat glo en hom laat doop, sal gered word; maar hy wat nie glo nie, sal veroordeel word.

***

Kern gedeelte:

"en Hy het hulle hul ongeloof en hardheid van hart verwyt"

Miskien worstel jy ook vanoggend met dinge wat jy kan sien nie menslik moontlik is nie, en jy is reg, dit is dalk nie.

Maar in hierdie nuwe dag, weet net dit, wat by die mense onmoontlik is, is by GOD moontlik.

Daarom, staan op, gaan uit en gaan doen wat GOD op jou hart gelê het.

Soos die HERE sy dissipels gehelp het om Sy boodskap te bevestig deur tekens, so sal Hy jou ook help met dit wat nie moontlik lyk nie.

Moenie in struikeling kom deur ongeloof en hardheid van hart nie!

-----‐

GEBED.

VADER, as ons na die twyfel en ongeloof in ons kyk, kan ons nie anders as om in skaamte voor U te staan nie. Ons bid dat U ons sal versterk in ons gees, ons sal toerus met krag en bereidheid om uit te gaan, U werk te gaan doen, en U Evangelie te verkondig. Ons vra dat U Heilige Gees met ons sal saamwerk om die ontmoontlike, moontlik te maak.

In die Naam van ons Meester YESHUA, bid ons dat U die paaie voor ons sal gelykmaak.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27) 0716283107

‭EXODUS 23:20-22 AFR53

Mon, 20 May 2024 10:51:44 GMT

20. Kyk, Ek stuur 'n Engel voor jou uit om jou op die pad te bewaar en om jou na die plek te bring wat Ek gereedgemaak het.

21. Neem jou in ag vir Hom en luister na sy stem; wees nie wederstrewig teen Hom nie; want Hy sal julle oortreding nie vergewe nie, want my Naam is in Hom.

22. Maar as jy terdeë na sy stem luister en alles doen wat Ek sal sê, sal Ek die vyand van jou vyande en die teëstander van jou teëstanders wees.

***

Kern gedeelte:

"sal Ek die vyand van jou vyande en die teëstander van jou teëstanders wees"

Die boodskap in vanoggend se teksverse is kristal helder en het geen verduideliking nodig nie.

Wanneer jy leiding van GOD ontvang, Sy Stem hoor en Hy jou rig op jou lewenspad, wees gehoorsaam, moenie wederstrewig wees, of in twyfel struikel nie.

Stap die pad voluit saam met GOD, en HY sal die Vyand van jou vyande wees, en die Teëstander van jou teëstanders wees.

As GOD vir jou is, wie sal teen jou wees?

-------

GEBED.

VADER, dankie vir hierdie bevestiging, dat al is die toekoms duister, die oormag groot, die pad onseker, is U met ons. Ons vra dat U ons sal rig, die pad sal wys, en sensitief sal maak op die inspraak van U Heilige Gees. Leer ons asb vandag om nie wederstrewig te wees en nie ons eie kop te volg nie. Lei U asb soos dit U behaag.

In die Naam van ons Meester YESHUA, bid ons vir 'n nuwe rigting , en dank ons U vir elke gawe uit U Hand.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27) 0716283107

PSALMS 91:5-7 AFR53‬

Fri, 17 May 2024 10:53:20 GMT

5. Jy hoef nie te vrees vir die skrik van die nag, vir die pyl wat bedags vlieg nie,

6. vir die pes wat in die donker wandel, vir die siekte wat op die middag verwoes nie!

7. Al val daar duisend aan jou sy en tienduisend aan jou regterhand — na jou sal dit nie aankom nie.

***

Kern gedeelte:

"Jy hoef nie te vrees"

Wat ons vrees, sal na ons toe aankom, en waaroor ons twyfel sal ons nie geluk nie.

Persoonlik glo ek dat vrees, is ons geloof in trurat, en dit vat ons weg van dit wat GOD vir ons lewe beplan het.

Dit weerhou ons van Sy doel vir ons lewe.

Daarom staan dit geskrywe in Spreuke 29:25, die vrees vir die mens span 'n strik, maar hy wat op die HERE vertrou sal beskut word.

Onthou, die regverdige sal deur geloof lewe, daarom staan op, kyk jou vrees in die oë en neem 'n stap vorentoe.

GOD sal voorsien.

-------

GEBED.

VADER, ons bely vanoggend dat twyfel en vrees ons somtyds tot stilstand bring. Ons word so daardeur verblind dat ons nie die pad vorentoe, die uitweg kan sien nie. Gee ons asb vanoggend die krag om die eerste tree te neem waar ons kan sien, mete die wete dat U in goeie tyd, die res van die pad sal verlig.

In die Naam van ons Meester YESHUA, bid ons dat U ons voetstappe in geloof sal bevestig.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27) 0716283107

‭SPREUKE 26:24-26 AFR53‬

Thu, 16 May 2024 10:29:33 GMT

24. Die hater veins met sy lippe, maar in sy binneste koester hy bedrog.

25. As hy sy stem lieflik maak, vertrou hom nie; want sewe gruwels is in sy hart.

26. Al verberg die haat homself in bedrog, sy boosheid word in die vergadering openbaar.

***

Kern gedeelte:

"As hy sy stem lieflik maak, vertrou hom nie"

Die waarheid kan nie vir ewig weggesteek word nie, en die woorde van haat sal kortliks oorkook.

Naywer, jaloesie en haat is nog meer lewend in ons tyd as ooit tevore, en daarom is dit belangrik dat ons bid vir GOD se hand van beskerming en vir 'n gees van onderskeiding!

Sodat ons die mens sal sien vir wie, en wat hulle werklik is.

Intussen, wees maar versigtig, want die makste honde, byt die seerste.

Weet net dat wat die hart van vol is, loop die mond van oor, en daarom sal die sewe gruwels van haat wat in die hart rondgedra word, ook deur die woorde van die mond gespreek word.

-------

GEBED.

VADER, beskerm ons asb teen die vyand, van binne ons eie geledere, want ons ken nie die hart en intensies van die mens nie. Ons kan slegs op U vertrou om die waarheid openbaar te maak. Help ons asb om te let na die woorde wat ons spreek sodat ons nie in die strik van die verdêrwer sal trap, en die situasie versleg nie. Laat die klip wat in ons pad gerol word, na die persoon terugkeer wat dit beplan het.

In die Naam van ons Meester YESHUA, bid ons dat geen wapen wat teen ons gesmee word, iets sal uirig nie.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27) 0716283107

‭SPREUKE 25:21-23 AFR53‬

Wed, 15 May 2024 11:00:48 GMT

‭21. As jou vyand honger het, gee hom brood om te eet; en as hy dors het, gee hom water om te drink.

22. Want jy hoop gloeiende kole op sy hoof, en die Here sal jou dit vergelde.

23. Die noordewind bring 'n reënbui voort, en die tong wat agteraf praat — kwaai gesigte.

***

Kern gedeelte:

"en die Here sal jou dit vergelde"

Hoeveel van ons word beperk, word ons teruggehou deur die "ek sal jou wys mentaliteit".

Wanneer ons in hierdie gesindheid van weerwraak lewe is ons fokus op die vyand en kyk ons die pad van voorspoed wat GOD vir ons uitgelê het totaal mis.

Ongeag of mense jou probeer ondermyn, jou probeer skade berokken, hou aan lewe in GOD se onpartydige opregtheid en behandel hulle goed.

Behandel hulle soos dit GOD behaag, en hulle eie weë sal op hulle hoof neerkom, en die gate wat hulle op jou pad gegrou het, sal vir hulle 'n strik word.

-------

GEBED.

VADER, ons is almal skuldig hieraan want ons glo nog die wraak kom ons toe, sonder dat ons besef dat hierdie tipe gedagtes beperk ons denke, en ons verhouding met U. Laat ons asb vanoggend besef dat ons eers vrylik vorentoe kan beweeg as ons die kettings van die verlede losmaak. Dat ons, op die pad vorentoe sal kan fokus as ons ophou terugkyk na die verlede. Bevestig asb aan ons die wete, dat die Here sal jou dit vergelde

In die Naam van ons Meester YESHUA, spreek ons lewe oor elke situasie.

Amen.

•••••••

Webtuiste: https://tentvansamekoms.co.za

E-pos: fanie.le@tentvansamekoms.co.za

Sel: (+27) 0716283107